منتديات بنوته - عرض مشاركة واحدة

02-06-2012, 09:27 PM

في الديره

الجدات وام جاسم جالسات بالغرفة دخل عليهن فيصل وجاسم عيونهم منفخه من النوم
باسو راس جداتهم وامهم وجلسو جنب بعض

ام جاسم / وش ها لنوم حتى صلاة الظهر ما قمتو لها تعبت وانا اصحيكم

فيصل / نبي فطور

ام جاسم بابتسامه / صح النوم الحين الشغاله بتحط الغداء

فيصل / اجل بنتظر الغداء

جاسم ساكت ماله خلق لسوالف من بعد الي سمعه الصبح من امه وهو متضايق

ام راشد / ترى باقي اسبوعين عن الحج اخذتو اجازه

فيصل بابتسامه / انا اجازتي بجيبي

ام موضي / وانت جاسم

جاسم بتعب / ان شاء الله لجاء وقت الحج باخذ اجازه

ام جاسم بحب / جاسم وش فيك تعبان

جاسم بتعب / لا مصدع من السهر

ام جاسم / الله يهداكم ليش سهرانين وانت دكتور تعرف ان السهر مضر

جاسم في نفسه / ماتدرين اني من عرفتها والسهر محكوم علي كل ليلة

جابت الشغاله الغداء حطته فوق السفرة المبسوطه على الارض

قربو من الاكل وفيصل وجاسم تغصبو على كم لقمه منسده انفسهم
قام جاسم ولحقه فيصل

ام راشد / وش هالاكل

جاسم بتعب / النوم سد نفوسنا عن الاكل

ام جاسم موجوعه كاشفه عيالها لكن ما باليد حيله

ام جاسم / بترك لكم غداء اذا اشتهيتو قولو لشغاله تحط لكم

فيصل / الله لا يحرمنا منك يالغاليه

طلع جاسم من عند جداته غسل ايدينه وطلع لمكانها المفضل الي تعشقه وصل لمرجيحتها الي بقرب حديقة الزهور ماهتم بحرارة الشمس جلس عليها

طلع فيصل من عند جداته دخل المجلس ماشاف جاسم استغرب وينه فيه فتح شباك المجلس شاف اخوه من بعيد جالس على المرجيحه تفاجئ بقعده تحت الشمس بعز الظهيره طلع بيلحق على اخوه لتصيبه ضربت شمس

طلع من المجلس بخطوات سريعه وصل لجاسم

فيصل بعصبيه / مجنون وش مجلسك بشموس
جاسم بابتسامة الم / مدري رجولي جابتني هنا ولا حسيت بحر الشمس الي بقلبي اقوى
مد فيصل يده ووقف اخوه استجاب له جاسم ويمشي ورى اخوه ركب فيصل السياره

فيصل / اركب

جاسم انتبه على نفسه
جاسم مستغرب / وين ناوي ان شاء الله

فيصل / بنتمشى بالديره بالسياره بنغير جو من جينا ما تحركنا

جاسم فتح باب السياره محتاجه يرفه على نفسه وينسى احزانه

حرك فيصل السياره وطلعو من لحوش

في بريطانيا

طلعت غاده وندى من الامتحان مبسوطات سوالف مع بعض وضحك وهن يمشن بطريقهن للكفتريا

فهد وصلاح شافو ندى وغاده من بعيد صلاح ماحب يزعج غاده اكثر من كذا وقف بعيد بينتظر لين يخلص فهد ويرجع له

وصل لهم فهد وقطع عليهم طريقهم وكلم غاده باذنها وابتسمت له

غاده بابتسامه / الاخ فهد يستاذني ويترجاني وبعد موافقه مني رضيت انه يستفرد فيك من دوني

ندى وجهها حمر / ...........

فهد بحب / فديت اختي الي تسلك لاخوها

غاده / ههههههههههه اول واخر مره لا تعيدها

صلاح شاف ضحكتها ذاب وداخ حس بدقات قلبه تزود بدت معه باعجاب فيها وشكله لما درى انها تعشق غيره حظه اردي اجبره يحبها

اخذ فهد ندى وتركو غاده وراهم

وهي تمشي بطريقها اعترض طريقها شاب طويل قرب من غاده الي خافت منه وصارت ترجع على ورى

غاده في نفسها / جاء وقت تطبيق دروس ماماتي في الدفاع عن النفس مع اني اكرها لكن انا بحاجتها
بحركه دفاعيه سريعه منها ضربة الشاب وطاح على الارض

الشاب تفاجئ وانصدم وجته الضربه مفاجئة لانه توقع بيخوفها انصدم وهو يشوفها بحركات سريعه مفاجة اطيحه على الارض وقف وهو ماسك يده من الوجع طلع وتركها

عند صلاح

كان يرقبهم من بعيد وعيونه العاشقه تلتهمها
يوم شاف الشاب قرب من غاده جن جنونه لا شعوريا ركض
تفاجى من الحركه الدفاعيه القويه الي سوتها ماشاف الا الشاب طايح على الارض يتوجع وقف مكانه متفاجئ

صلاح فيه نفسه وباعجاب / والله بنت رجال واخت رجال ماتوقعت تطلع منك هالحركات والله ما ينخاف عليك

اعتصر قلبه حرقه ووجع

وكمل / مالومه فيصل يتوجع على فرقاك وشكلي بالحقه

رفعت عيونها شافت صلاح واقف قدامها سارح بافكاره

غاده / احححححححححححم

انتبه لها وبتسال / شلون سويتها هالحركه وين تعلمتيها من جد متفاجئ

غاده بابتسامه دمرت قلب صلاح / من زمان لكن ماحب حركات العنف لكن احيان الواحد يضطر علشان يحمي نفسه

صلاح بابتسامه وبحب / زين سويتي فيه كنت ناوي عليه لما شفته قرب منك لكن سبقتيني

غاده / جعلك سالم انا مضطره اتركك

صلاح منقهر انها ماتشوفه / الله معك

تركت صلاح ودخلت الكفتريا وجلست على الطاوله شاف الشاب الي ضربه مجمع مجموعة شباب على طاوله ويتكلم وياشرعليها
خافت منهم مهما كان الكثره تغلب الشجاعه
امسكت جوالها وتصلت على اخوها فهد

كان فهد مع ندى جالسين قريب من غاده بنفس الكفتريا
سمع صوت جواله ابتسم

يكلم ندى / هذي النحيسه غاده عمرها ماكملت جمايلها

ندى بابتسامه / رد عليها شوف اش عندها

رفع جواله ورد عليه

فهد / خير يالنحيسه

غاده بسرعه / فهد والي يعافيك الحق علي انا بالكفتريا

فهد وقف وبخوف / وش صاير

غاده / مافيه وقت للكلام تعال بسرعه

سكر من اخته وكلم صلاح يجيه مايدري ليش كلم صلاح لكن حس انه بيحتاجه

مشى بسرعه ووراه ندى وصل لطاولة غاده شاف الوضع طبيعي بيذبحها لو كان مكالمتها مقلب

فهد بعصبيه / خير وش صاير

غاده بخوف / اجلس بقولك

جلس وجلست ندى

غاده / طالع بالطاوله الي هناك

طالع مكان ماقالت له غاده شاف مجموعه من الشباب واضح عليهم انهم صيع

فهد / خير وش علاقتهم

غاده / حكت لفهد الي صار

حس بتانيب ضمير انه ترك غاده من غير لا يامن عليها وصار اناني
وقف بيتفاهم معهم مسكته ندى خافت عليه

ندى بحب / علشاني لا تروح لهم الله يخليك

فهد جلس / شانك كبير عندي وهذي جلسه

وصل لهم صلاح قرب من طاولتهم

صلاح / خير وش عندك متصل

فهد بابتسامه / مشتاق لك

صلاح / اجل قوم معي

غاده مرعوبه / لا اجلس معنا

انصدم تفاجى خاف انه سامع غلط استمر بوقوفه

غاده / صلاح المره هذي سماح تجلس معنا

امنيته تحققت وبيجلس بنفس المكان الي هي فيه من غير لا تتركه او تدور أي حجه علشان تبعده الحين هي عازمته ياكثر فرحتك ياصلاح

جلس مقابلها مستحيل يفوت انه يسرق النظرات لها وهي مجننته ومعذبته بصدها عنه

غاده بابتسامه / انا عازمتكم بس رجاء لا تكثرون وتفلسوني

فهد / ههههههه ياشين يوم يعزمك بخيل

غاده / عقاب لك وردع لامثالك بعزمهم على حسابك وياكلون مالذ وطاب

فهد بابتسامه / قوليها من الاول لا تسوين نفسك كريمه

عند صلاح

جالس وقلبه معها ما يشوف احد غيرها على الطاوله سمع صوتها الي يطرب اذنه على كثر ماسمع بنات يتكلمون مثل طريقة كلامه ونغمة صوتها ماسمع ولا راح يسمع تمنى يبقى مستمع لها من غير لا حد يقاطعها

فجئة تجمع الشباب عليهم الي كانو بالطاوله الي مقابله لهم وصار يتهجمون بالضرب

وقف فهد الي تفاجئ بالضرب المفاجى بدى يضربهم بضربات قويه وساعده صلاح بالضرب

اول ماشافتهم ندى تذكرتهم نفس المجموعه الي اعتدو عليها قبل وانقذها فهد منها

سحبت غاده ندى عندها خايفه تجيها ضربات غير مقصوده اخذه لبعيد

فجئة تجمع عليهم الموجودين بالكفتريا سحبوهم لاداره الجامعه

وبعد التحقيقات والاسئله الشباب عليهم شكاوي لسوء اخلاقهم بالجامعه وتحرشهم بالبنات ومضايقتهم للمحجبات

الاداره وقعت فصل الشباب من الجامعه

طلع فهد وصلاح من ادارة الجامعه وفيهم بعض الرضوض الخفيفه

وصلو لمكان غاده وندى الي تقطعت من البكي وغاده تحاول تسكتها

شافها فهد من بعيد اوجعه قلبه انه سبب دموعها قرب منهم ومد يده ومسح دموعها ندى تفاجئت وستحت

فهد بابتسامه / كل هذي دموع

ندى نزلت عيونها بالارض /.......

صلاح استحى من موقف فهد مع زوجته
حاول يشغل نفسه باي شي ولا يطالعهم مالقى نفسه الا يطالعها والتقت العيون
غاده نزلت عيونه مسحيه خافت يفهم نظرتها بالغلط هي بالصدفه جت عينها بعينه

وهو خلاص حس الارض ادور فيه مو قادر يتحمل هالحب الي غزا قلبه ومتاكد انه من طرف واحد ومتاكد اكثر ان فكرة زواجه منها مرفوضه مايدري وش نهاية حبه

ما يقدر يبقى اكثر من كذا مشى وتركهم راجع لشقته

في الطائف
عند هند

بعد صلاة العصر نزلت تحت لقت خالد بوجهها
هند / خلودي اتصل على مطلق اكد له العزيمه

خالد / اتصلت عليه

هند / خلودي وينك من اليوم ماشفتك من الصباح

خالد بابتسامه / نايم طول النهار

هند بتقهره / باقي يوم وتنحرم من هالنومه وبطلعها من عيونك

خالد / نحيسه لازم تذكرني بدوام

هند / انا طالعه عند اهل مطلق بعزمهم وابيهم بموضوع ضروري ماينتاخر

طلعت من قصرها ركبت السياره ووصلت بدقائق بيت مطلق

دقت الجرس فتح لها مطلق

هند بجديه / مطلق خالتي صاحية

مطلق / ايه تفضلي

ابو مطلق طلع مع مشعل يشوف محل نياقه بيطمن عليها

مشى وهي لحقته شافت ام مطلق جالسه بالصاله والبنات جالسات ببراقعهن حول امهن ماعجبها الي تشوفه ومقرر تغيره

هند قربت وجلست بكنبه منفرده

مطلق / انا طالع

هند / لا ابيك بموضوع بحضور امك

جلس بعيد عنهم

هند بابتسامه اطالع بالبنات / ممكن تتركونا لان فيه موضوع مفاجئة لكم مابيكم تسمعونه لين القى موافقه من امكم ومطلق

البنات فرحانات ومتشوقات يعرفن المفاجئة قامن وطلعن لغرفتهن

بعد ماطلعن البنات التفتت لام مطلق

هند / خالتي انتي تعرفين ان الواحد لجاء مكان يتطبع بطبع سكانه اذا ماكان شي محرم او مخلاف للعادات والتقاليد

ام مطلق مستغربه المقدمه ومطلق يستمع بصمت وهو بداخله مقهور من جاسم شلون تهور وطلقها

كملت / خالتي انا يوم جيتكم الديره شفتكم لابسات برقع ولبسته وانا بحياتي مالبسته لاني لو قاعد كاشفه من غيره بتصير كل العيون علي وبينتقدوني

ام مطلق بحب / صدق الكلام الي تقولينه
هند / خالتي انتي تشكين بحبي لبناتك

ام مطلق مستغربه / اكيد لا ويعلم الله اني احبك مثل حبي لهن

هند / خالتي البنات ماله داعي يلبسن البرقع هنا وتصير العيون عليهن واذا تركنه لا فيه عصيان لربي ولا مرتكبات اثم وان طلعن من البيت اكيد بيتسترن

وطالعت لمطلق الي معجب بكلامها وهو نفسه من زمان يطور خواته لكن عاده الديره ماتسمح له

هند / ساعدني مطلق انا مقرره ماطلع من هنا الا اقنعكم بالشغلات الي جايه علشانها

مطلق بحب / يمه الشباب هاليومين مايبون وحده ببرقعها ويعتبرونها متخلفه يمه خواتي ستيرات لا لبس البرقع بالبيت ولا فسخه بيزودهن ستر

ام مطلق / مدري يمك اخاف الناس تنتقدهن بعد تمسكهن بالبرقع يفسخنه من يوم عمرهن 10 سنوات وهو مافارق وجيهن تبيهن بعد العمر يفسخنه

هند بحب / ياخالتي ياحبيبيتي بناتك هن خواتي وربي الي ماحلف فيه كذب لو اني شايفه الي اقوله يمس اخلاقهن ولا بيعرضهن لكلام الناس اني ماطلبته الي طلبته مرعاه لمشاعرهن من الكلام الي بيسمعنه وهن مبرقعات

ام مطلق / بكيفهن اذا اقتنعن بتركه ماني بقايله شي

هند / وعندي طلب ثاني وهو الي جايبني وياليت ياخالتي ماترديني

ام مطلق / معاش الي يردك

هند / جايبه شغاله خاصه لكم ابي البنات يرتاحون يكفيهم شقى كل هالسنوات ابيهم يتفرغن لدراستهن

مطلق لو بكيفه باس راسها تقدير وامتنان حققت كل امانيه بسرعه اكثر مما يتوقع كان ينقهر وهو يشوف خواته غير عن بنات طول وقتهن بالمطبخ ومهملا شكلهن

ام مطلق بحب / ماندري شلون نطلع من جزاك

هند بزعل / وين الي تقول بنتي معقوله هاللكلام بتقولين لبناتك واذا على الشغاله راتبها على مطلق

مطلق في نفسه / والله كامله والكامل وجه الله والله ياجاسم بتدفع عمرك حسرة وندم انك ضيعتها

هند / خالتي من بكره الصباح بيجون مدرسات للبنات بكل المواد بيدرسنهم بالبيت ويعتمد على ذكائهم وقدرت استيعابهم للمواد اذا عدن الامتحان بالمعدل المطلوب بيختصر عليهن الدراسه ويتجاوزن كثير من المراحل الدراسيه

ام مطلق بقلبها تدعي لهند الي صايره تعطي من غير لا تنتظر منهم حتى الشكر تستكثره على نفسها

ام مطلق بحب / الله يفرج همك يابنتي

هند / امين والحين دور مطلق

مطلق بابتسامه / دوري

هند / العروس بتجي بكره الي مرشحتها لك والي ماتعرفه انها اخت وليد

مطلق بابتسامه / اذا تشبه وليد يبختي فيها

هند بابتسامه / على ضمانتي بتعجبك ولا تخاف مراح تخطبها الا بعد ماتشوفها اذا عجبتك تخطبها اذا ماعجبتك كلن بطريقه سمر غاليه على قلبي فوق ماتتصور وهي جوهره نادر وجودها بهالزمن

ام مطلق / الله يكتب له الصالح

هند بابتسامه / بتشوفينها باذن الله ويهمني رايك اذا ماعجبتك مستحيل مطلق يخالفك
ويتزوجها

وقفت هند / انا بطلع ترى الليله عشاكم عندي مراح اقبل أي اعتذار واجب علينا اكرام ضيفنا وانتم اهلي قبل لا تكونون ضيوفي

ام مطلق بحب / ان شاء الله

مطلق لحقها بعيونه التفتت عليه هند / مطلق ممكن شوي
وقف مطلق ووصلها عند الباب

هند / مطلق بقول لغاده تطلع لسوق وتشتري ملابس لخواتك تناسب وضعهن الجديد والدفع عليك علشان ماترفض لكن لازم تاخذهن معك علشان المقاسات وتطمن اللبس ساتر

مطلق بامتنان / مشكورة ماقصرتي

هند بعصبيه / خواتك خواتي ماله داعي هالكلام الي يزعل

فتحت الباب وطلعت وركبت السياره على نظر مطلق الي يشوفها شي عظيم وكبير مستحيل يكون مثلها ثنتين
بعد ماحركت سيارتها دخل لقى خواته متجمعات عند امهن متشوقات يعرف الي عند هند

ام مطلق قالت لهن كل شي طلبته هند منها انبسطن بالشغاله الي بتريحهن من شغل البيت الي بيتضاعف مع حجم الفلا الي ساكنينها

مطلق / العشاء عند هند وقبل العشاء بنطلق لسوق واذا اخوكم غالي عندكم تشيلين البرقع في عزيمة هند ابي الكل يقول مطلق خواته مزيونات

فاطمه بحب / انت غالي من غير لا تقول لكن قويه نشيل البرقع الي متعودات عليه بنحس نفسنا مفسخات

مطلق بحب / بتتشجعن لشفتن الكل من غيره البرقع خشنه لرحنا لديره البسنه

منيره بفرح / وناسه بنصير مثل بنات المدينه

مطلق بحب / واحلى من بنات المدينه

فاطمه اكثر وحده مستصعبة تنزيل البرقع عن وجهها بتجرب الليله بعزيمه هند

يتبع