منتديات بنوته - عرض مشاركة واحدة

02-06-2012, 09:26 PM

عند جاسم

بعد ماحس انه ريح نفسه بالبكاء حرك سيارته رجع للمستشفى ماله خلق يرجع البيت ويضطر انه يمثل

دخل المستشفى وصل لمكتبه دخل وقفل الباب بالمفتاح جلس على المكتب وحط راسه على الطاوله الي قدامه وصار يبكي وجع يمكن الدموع تطفي النار المشتعله بداخله

عند محمد

نزل من غرفته لقى امه وابوه جالسين يفطرون
قرب وجلس بيفطر معهم

محمد بابتسامه / يمه يبه هند كلمت تقول لكم خالي ينتظركم الليله تخطبون رسمي

نوره مستغربه / خالك وافق

عبدالرحمن بابتسامه / لو ماوفق ماشفتي الابتسامه شاقه وجه ولدك

قربت منه امه وضمته / يجعله مبارك والله يتمم لك على خير

محمد / متى تسافرون

عبدالرحمن بابتسامه / متى ماتبي اذا مستعجل سافرنا الحين ولو منت بمستعجل اجلناه ليوم ثاني

محمد بابتسامه / وش يوم ثاني مستعجل
عبدالرحمن بجديه / نوره قومي جهزي اغراضك بعد الظهر بنسافر وبنرجع بنفس الليله
محمد / الله يهدك يبه وش ترجع حدد ملكتي بعد ماتخلص النتائج واذا ملكت نرجع سوى

نوره بابتسامه / وش العجله الي فيك
عبدالرحمن / خير البر عاجله ولا يهمك بنتظر لين تملك ونرجع سوى

قرب محمد وباس راس ابوه الارض مو شايلته من السعاده

محمد / طالع توصوني على شي
نوره / سلامتك

عند هند

طول سفرها دموعها ماجفت كل مامسحتها زادت
مستغربه من نفسها وين راحت قوتها وسيطرتها على مشاعرها وكبتها مو قادره تمسك دموعها قدام خالد

وصلت الطياره لرياض نزلت وهي ساكته ركبت جنب خالد وهي ساكته

خافت دموعها تخونها قدام اهلها قررت تطلب من خالد تطلع لشركه مستحيل ترجع للبيت وهذي حالتها

قطع السكوت صوتها الحزين / خالد اطلع لشركه

استجاب لها وداخله يتقطع وجع على حالتها
وصلو لشركه دخلت مكتبها وخالد كمل طريقه ودخل مكتبه

عند خالد

رفع جواله واتصل على خاله بدر يقوله انه رجع مع هند لطائف عندهم شغل ضروري مايقدرون ياخرونه

قفل الجوال من خاله سند راسه على الكرسي
حالة هند موجعته وسكوتها معذبه مايدر وش فيها علشان يخفف عليها متاكد الي فيها شي كبير دموعها ما تنزل بسهوله يموت ويعرف من الي زارها وقلب حالها

عند هند

كلمت السكرتيره تطلب لها قهوة تركيه تعدل راسها المصدع

مسكت جوالها وارسلت رساله لاخوها محمد
كتبت فيها

محمد متى بتسافرون الرياض انا مشغوله ماقدر اتصل
ثنواني وجاهار الرد
بعد الظهر بنسافر والرجعه باذن الله لملكنا
قررت تبقى بالشركه لين يسافرون وبعدها ترجع للبيت وتختلي بنفسها مع اوجاعها لازم تراجع حساباتها

في الديره
بيت ابو مطلق

له يومين عند اهله الي فرحو برجعته لهم
جالس مع امه وابوه وخواته

مطلق / يبه باقي يومين على سفركم معي
ابو مطلق / انا قايل لك دربي درب نياقي

مطلق بابتسامه / ولا يهمك نياقك بتسبقنا مجهز لها مكان مؤقت ولجيت بندور لها مكان دايم على ذوق ابو مطلق

ابو مطلق بحب / الله يوفقك ويسعدك مثل مانت بار فيني

مطلق / امين

التفت على امه الي ساكته واضح انها متضايقه
مطلق / يمه قولي وش في خاطرك ليه زعلانه

ام مطلق دمعت عيونها / ما يهون علي اترك الديره وترك جيراني الي عشت معهم عمري كله
مطلق سحب يدها وباسها / كله ولا دموعك يالغاليه متاكد انك
بتنبسطين هناك اذا ماعجبك الوضع وعد علي ارجعك هنا

ام مطلق ريحها كلام ولدها / وين بنسكن هناك

مطلق بابتسامه / لو تشوفين المكان الي بتسكنينه اخاف قلبك يوقف هند معطيه كل موظف فله كبيررره وكاتبتها بسمه وكل شي متوفر بالفله ما تجيبون معكم الا ملابسكم حتى موعين المطابخ مجهزتها

ام مطلق / الله يسعدها يرزقها بزوج الصالح

مطلق مستغرب / نسيتي انها متزوجه جاسم
ام مطلق / طلقها وضيع جوهره من يده صدق ماعرف يقدر النعمه الي عنده

مطلق مستغرب متفاجي مطلق بنفسه / احد عنده زوجه مثل هند ويطلقها اكيد جاسم اعمى ما يشوف اذا انا للحين موجوع من الي شفته وحاس بحسره انها مستحيل تصير الي وانت يالمجنون تفرط فيها صدق الواحد مايشوف النعمه الي بيدينه لين يفقدها

ام مطلق / وين راح تفكيرك ياوليدي

مطلق بصدق / منصدم من جاسم ليش يطلقها مثل هند وطيبتها وقلبها مستحيل بيلقى

ام مطلق / هو الخسران وجدته تقول انه من يوم طلقها وهو مريض

مطلق / الله يشفيه ويرجعهم لبعض

ام مطلق / امين

ابو مطلق / متى بنسافر

مطلق / باقي يومين وتنتهي اجازتنا

ام مطلق / ام راشد وام موضي مسافرت ماودي اسافر من غير لا اودعهن

مطلق / ماتدرين يمكن يجن قبل لا نسافر
ام مطلق / ان شاء الله

في بريطانيا

طلعت غاده وندى من الامتحانات وهن مبسوطات كان الامتحان سهل مره
طلعن للكفتريا جوعانات ماكلن شي بسبب توترهن
طلبن سندويشات وجلسن على وحده من الطاوله وبدن ياكلن بشهيه

عند فهد

طلع من محاضرته معه صلاح وصلو لمكان البنات مالقوهن تاكدو انهن بالكفتريا وصلو عندهن شافوهن ياكلن وصلو لعندهن
صلاح عيون مانزلت من على غاده كل يوم ينبهر فيها اكثر وتغزو قلبه يعرف انه حب من طرف واحد لكن ماله سيطره على قلبه

فهد بابتسمه / تسمحون لنا نجلس نشاركم بالفطور
غادة بدلعها الفطري / فهودي بلاها فجاعه تبي روح اطلب لك

صلاح ابتسم على كلامها الي يطرب اذنه كانه موسيقه وطريقة اكلها كلها فن وذوق

غاده طالعت في صلاح / مشكور صلاح اتعبتك معي لكن فهودي نومه ثقيل وخفت تفوته المحاضرات

صلاح ذاب وداخ عيونها فيها سحرغريب وستلذ وهو يسمع اسمه يطلع بعذبه من فمها

صلاح بارتباك / اصلن ما تعبني لقيته طالع قبل لا طق عليه الباب

غاده / فهودي روح اطلب لكم فطور احس القمه من عيونك بتنشب بحلقي وياليت تجلسون بمكان بعيد تعرف بنات نبي ناخذ راحتنا

صلاح كان نفسه انها تعزمهم على طاولتهم لكن مثل كل مره تبعده عنهم

صلاح في نفسه / والله ماني بمصدق ان الي قدامي بكل نعومتها وانوثتها مسويه الي قال عليه نواف
ما لومه فيصل انه موجوع بحبها وهي موجوعه بحب غيره ولسوء الصدف نفس الاسم

محس بنفسه الا فهد ساحبه بايده طلبو لهم سندويشات واختارو طاوله جلسو عليها وبدو يفطرون

في الطائف

نوره جهزت الاغراض الي تحتاجها باليومين الي بتسافر فيها لرياض
دخل عليها عبدالرحمن وهي تحط لها ملابس

عبدالرحمن / خلصتي محمد تحت ينتظرنا بالسياره

نوره / خلصت اقول عبد الرحمن ناخذ الشغاله والسواق معنا ولا نخليهم

عبدالرحمن / اذا بتحتاجينهم خذيهم بكون مشغول بمر شركتي اتطمن عليها

نوره / اجل باخذهم معي اخاف احتاج اطلع لسوق اشتري اغراض للملكه وتوهق والشغاله بتساعدنا بالحوسه

عبدالرحمن / انا نازل لا طولين علينا

نوره / عدنان بيروح معنا

عبدالرحمن بابتسامه / سابقنا وراكب السياره

نزل عبد الرحمن دقائق لحقته نوره ركبت بالسياره وصلو المطار ركبو طيارتهم وسافرو لرياض

عند هند

كانت بمكتبها حزينه كئيبه طالعت بساعتها كانت الساعه 2 الظهر
رفعت جوالها واتصلت على البيت ردت عليها الشغاله سالت عن خالها وقالت انهم سافرو قررت ترجع

اخذت عبايتها ولبستها ولبست شيلتها ونقابها وطلعت لمكتب اخوها شافته جالس سرحان متاكده انه يفكر فيها

قربت منه وبصوت مبحوح / ياله بنرجع للبيت
وقف وطلع قبلها شغل سيارته وهي ركبت جنبه وطول طريقهم ساكتين

وصلت للبيت طلعت لغرفتها وقفلت الباب عليها
ورمت عبايتها وشيلتها ونقابها باهمال على الارض
وانسدحت على سريرها بملابسها وصارت تبكي بنحيب موجع

تحس بهم ووجع ثقيل كاتم على صدرها بيخنقها تحس من كثر ماهو خانقها بتطلع روحها بكت وبكت حتى تعبت ونامت

عند خالد

معاد فيه صبر وهو يشوف حالتها يبي يلحقها ويغصبها تقول وش عافس حالها ومتاكد انها بتصده ومستحيل بتقوله وهي بحالتها هذي
جالس بالصاله على نار

خالد في نفسه / من الي زايرك ياهند وسبب كل هالنحيب والبكاء لو ابوك عايش قلت اكيد انه هو لكن ابوك ميت من الي قدر يبكيك وينزل كل هالدموع من بنجن اذا ماعرفت

وهو بسرحانه دخلت غاده وامها الصاله استغربو وجود خالد

ام بسام / خالد يمك متى جيت واهلك جاينكم الرياض

وقف خالد وباس راس عمته / وش عندهم مسافرين لرياض

استغربن ان خالد ماعنده خبر عن خطبة محمد

غاده / رايحين يخطبون لمحمد بنت خاله بدر

خالد المفرض يزعل لكن الي هو فيه وفي هند مال لزعل مكان

ام بسام / وينها هند ماشوفها

خالد / تعبانه من السفر وطلعت تنام

غاده / تغديت

خالد / لا مفطر ماتاخر شبعان

عند فيصل

رجع للبيت وسال امه عن جاسم قالت ماشافته من اليوم سالها اذا كان اتصل عليها وقال لها مسافر قالت لم ماتصل طلع غرفته انسدح على سريره مستغرب من طلعته الفجر مو من عوايده
طالع بالساعه 3 العصر وللحين مارجع من دوامه المفروض يكون بالبيت من ساعتين رفع جواله واتصل على اخوه جواله مقفل اتصل اكثر من مره ونفس الحاله صار يدور بالغرفه خايف صاير له شي

اتصل على جوال نواف

عند نواف
كان منسدح على سريره سمع صوت جواله محطوط على الكموينه رفعه شاف رقم فيصل
رد
فيصل بخوف / الو نواف ما شفت جاسم
نواف / الصباح جاء وطلع وهو معصب
فيصل بخوف / اخاف صاير له شي ادق جواله مقفل
نواف خاف / تعوذ من ابليس يمكن مسافر مثل المره الي فاتت
فيصل / قلبي ماكلني عليه ماني بمرتاح المره الاولى كلم امي وقال انه بيسافر الحين ماتدري عنه

نواف / بلبس وبجيك اندور عليه

فيصل / لا تتاخر اذا تاخرت بتجي ماتلقاني

قفل من فيصل لبس ثوبه وطلع لقى الجوهره لاحقته

الجوهره بخوف / وين رايح من الي متصل علي

نواف / المستشفى عندهم حاله تحتاجني

طلع ركب سيارته وصل بيت ام جاسم لقى فيصل بالشارع ينتظره
ركب فيصل بسيارة نواف وهو خايف

نواف / ابي اعرف ليش خايف ترى اخوك رجال ماهو بزر

فيصل بخوف / والرجال مايصير له حادث

نواف بعصبيه / فال الله ولا فالك

اتصل نواف على المستشفى يبيهم يتاكدون ان جاسم بمكتبه او لا

نواف ينتظرالموظف على الجوال يطمنه جاء وقال ان مكتب جاسم مقفل

بدا نواف يخاف اليوم حالة جاسم يوم طلع من عنده صعبة خاف صاير له حادث مثل مايتوقع فيصل

نواف بخوف / فيصل كلم المستشفيات وسئل عن اخوك فيها
فيصل مسك جواله وقلبه خايف يسمع انه موجود
اتصل على اغلب مستشفيات الرياض وارتاح ان ماله وجود عندهم

نواف / دوامي بدا تعال معي وهناك بنفكر وين بيكون اخوك

وصلو للمستشفى تفاجئو بوجود سيارة جاسم بمكانه

فيصل متفاجئ / نواف هذي سياره جاسم ولا اتخيل

نواف براحه / سيارته اكيد انه رجع

دخلو المستشفى بخطوات سريعه وصلو لمكتب جاسم لقوه مقفل ضربو الباب بكل قوتهم
جاسم بالداخل يسمعهم كان مستمر بالبكي والنحيب مطنشهم ماله خلق

استمرو بطقهم المزعج اضطر يدخل الحمام الي بمكتبه غسل وجهه ونشف وجهه بالكلنكس ووصل للباب وفتحه

عند نواف وفيصل

فتح لهم جاسم انصدمو من شكله المنهار وعيونه الحمراء وواضح عليه البكي

نواف بخوف / جاسم وش فيك خوفتنا عليك

جاسم بحزن / انتم الي وش فيكم كسرتو باب المكتب ما تتركون الواحد يرتاح
فيصل بحب / اذا بترتاح تعال معي البيت مو تقفل عليك مكتبك وخوفتنا عليك

نواف متاكد ان الي فيه بسبب الي صار بيهم اليوم توقع انه من طلع من عنده وهو حابس نفسه بمكتبه

جاسم بوجع / عندكم شي ولا ياليت تتركوني

فيصل بعصبيه / مستحيل اتركك لو تدري وش سويت فينا ماتركت مستشفى الا سالت عنك فيه خاف ربك فينا

جاسم بتعب / والمطلوب

فيصل / تطلع معي
جاسم بتعب / بالبس غترتي وبطلع معك
دخل لبس غترته بعشوائيه وطلع مع اخوه

وركب جنبه بسيارته

فيصل / جاسم اذا لي خاطر عندك تقول وش قالب حالك
جاسم / مو من صالحك تعرف بتنقهر

فيصل بخوف / قول لا تخوفني

جاسم بوجع / هند الي سددت ديونك

فيصل مصدوم وقف السياره فجئة / جاسم قول غيرها مستحيل اصدق ان بنت عمك تنقذني وهي دمرتني قبل

جاسم بوجع / قابلتها واجهتها وعترفت

فيصل بصدمه / طيب ليش دفعت ديوني وش بتستفيد ياخوفي خاشه لي مصيبه ورى تسديدها لديوني نواف على نيتنه يمكن مشى الموضوع عليه لكن مستحيل يمشي علي انها تسدد ديوني خوفها علي

جاسم بوجع / تقول مو لسواد عيونك وعيوني كله علشان امنا لولاها تركتك تفلس وتخيس بالسجون

فيصل بسخريه / كثر الله خيرها زين انها تحترم احد من طرف راشد وتحشمه وتخاف عليه

جاسم بوجع / على كثر شوقي ولهفتي لها على كثر برودها بستقبالي

فيصل بقهر / وهذا الي قالبك اكيد جرحتك واهانتك مثل عوايدها

جاسم بوجع / هذي بنت عمك يصير فيها شي لو ما عذبتني واستلذت بتجريحي

فيصل بترجي / غصب عنك بتسافر معي الليله لديره

جاسم بابتسامه وجع / تبيني اهج من ذكراها وارجع لذكراها

فيصل / بنجلس يومين بالديره وبنرجع طالبك ياخوي مارترفض مابي اكون بالديره وقلبي يحاتيك

جاسم بحزن / الي تبيه بيصير لكن ماوعدك اني برتاح من اوجاعي بالديره

فيصل / اهم شي انك تسافر معنا والباقي لاحقين عليه

وصلو للبيت دخلو البيت فاضي طلعو فوق دخلو لغرفه
رمى جاسم نفسه على سريره ومن التعب والجهد النفسي نام

فيصل شاف اخوه غاط بنومه نزل عند جداته بياكد لهن موعد السفر الليله بعد العشاء

نزل دخل غرفة جداته لقى امه وجداته منسدحات يسولفن

فيصل / قلت اكيد نايمات يوم دخلت الصاله مالقيكم
ام جاسم / قلنا انريح مابقى وقت على صلاة العصر
فيصل / جيت احط عندكم خبر بنسافر بعد صلاة العشاء كونو جاهزات

ام راشد / جاهزات لو تبي نسافر الحين

ام موضي / يمك ماشفت جاسم اخوك

فيصل / نايم بغرفته وبيسافر معنا لديره

ام جاسم / زين سوى

فيصل / انا طالع عندي بعض الاشغال بخلصها قبل لا سافر لديره تبين اجيب معي شي تحتاجنه في الديره

ام جاسم / ايه اغراض كثيره بكتبهم لك بورقه

قامت ام جاسم وافتحت درج قريب منها لقت اوراق اخذت ورقه وكتبت فيها الطلبات الي تحتاجها ومدتها لفيصل اخذها وطلع

في الرياض

وصلت طيارة الفهد لرياض نزلو وركبو سيارتهم وصلو لبيت بدر الي استقبلهم بحراره وحب

نوره ضمت اخوها / شلونك بدر
بدر / بخير يالغاليه بشري عنك وعن عيالك
نوره / كلنا بخير

عبدالرحمن وولده دخلو قسم الرجال ونوره دخلت بقسم الحريم وكان بستقبالها خديحه رحبت فيها بحراره وجلستها بالصاله

جابت الشغاله القهوة والضيافه

نوره / وينها هند ماشوفها

خديجه / رجعت مع اخوها لرياض عندهم شغل ضروري

نوره / يمكن رجعت واحنا مسافرين

خديجه / بشري عنك وعن العيال
نوره / كلنا بخير وانتي بشرينا عنك وعن العيال والبنات

خديجه / الحمدلله كهم بخير

نوره / شوفي خديجه اكيد عندكم خبر عن سبب جيتنا ترى يوم المنى عندي ان بنت اخوي تصير زوجة ولدي

خديجه بحب / احنا موافقين واكيد هند وصلت لكم موافقتنا محمد ما ينرفص مستحيل بنلقى زوج لبنتي احسن من محمد

نوره بفرح / جعله مبروك والله يتمم لهم على خير والملكه باليومين هذي اول ماتطلع نتايجهم

خديجه / الي تبونه سووه ياليت يانوره تكون عشاء بالبيت والحوسه بالزواج

نوره بحب / وشروطها كلها موافقين عليها

خديجه / شرطها الوحيد انها تكمل الجامعه والمهر وهالسوالف مو ضروريه عندنا احنا نشتري لبنتنا زواج يخاف الله فيها

نوره / حنان بنتي ومهرها بيندفع مثل بناتي والسكن بفيلا لحالها

خديجه بامتنان / الله يبارك فيكم ما قصرتو ومتاكده ان بنتي بتطلع من بيت ابوها معززه مكرمه وبتجي بيتكم معززه مكرمه الله يوفقهم

نوره / امين

بمجلس الرجال

عبدالرحمن / بدر احنا جاين نخطب بنتك لولدنا

بدر / موافقين والملكه بالوقت الي تحددونه

عبدالرحمن / اذا طلعت نتائج التحاليل الملكه على طول

بدر / على بركة الله

محمد / خالي هند قالت شرطكم وانا موافق وعهد علي اني ما وقف في وجهة دراستها لو تبي تكمل الدكتوره موافق وبساعدها

بدربحب / هذا العشم يابوك الله يبارك فيك

في الطائف

نايمه على سريرها تعبانه سمعت صوت الاذان فتحت عيونه المتورمه من كثر الصياح رفعت راسها اطالع بالساعه المعلقه على الجدار انصدمت وهي تشوف الساعه 7 فاتتها صلاة العصر والمغرب والعشاء باقي دقائق وياذن قامت من سريره دخلت الحمام توضت وبسطت سجادتها وصلت
بعدها رجعت للحمام اخذت شور ولبست لبس كئيب لبست تنوره سوداء وبلوزه سوداء يعبر عن نفسيتها الكئيبة الحزينه

مخنوقه متضايقة ماتقدر تنزل وهي بحالة الحزن الي فيها

فتحت شباك غرفتها اخذت نفس عميق يهدي من روحها الموجوعه

الظاهر محكوم عليها العذاب طول عمرها بدايتها براشد ونهاية ولد اخوه
كرهت الضعف الي صابها معقوله ماقدرت تمسك اوجاعها ودموعها عن خالد اخوها

هند في نفسها / وش هالضعف ياهند تبكين بوجع بسبب رجال كلهم غدارين
جاسم غير عنهم

كلهم مثل بعض لا تنسين راشد عم جاسم ارجعي هند القويه موتي قلبك الي ضعفك وعفس حالك واذا استسلمتي له بيدمرك

انتي عشتي مع امك وعشتي مع اوجاعها وانينها بسبب حباها لراشد تبين حالتها تنعاد معك

اتركي عنك خرابيط الحب الي بدمرك شوفي حالتك كيف صارت بسبته وهو جاي يجرحك يعايرك بقسوتك مايدري ان سببها راشد والله مو ذنبي الي سويته فيه ندمانه على قد شعر راسي اااااااااااااااااااااااه ياجاسم اوجعتني والله اوجعتني الله يسامحك ياخالي الي قربتني منه وهذي النتيجه ارجعي هند القويه ارجعي

انتي عايشه لغيرك محتاجينك قويه لا تضعفين جاسم كابوس مزعج تخلصي منه
عوضي وجعك وحرمانك بزرع البسمه والسعاده بقلوب الكل هذي سعادتك ياهند

قومي بدلي السواد الي لابسته

استجابت لكلام عقلها قفلت الشباك ورجعت لدولاب ملابسه البست فستان بيتي وردي

فتحت باب غرفتها ونزلت تحت كانت ام بسام جالسه بالصاله
قربت منها هند وباست راسها

ام بسام بحنان / شلونك يمه من جيتي وانتي نايمه ليكون يوجعك شي

قربت وجلست على كنبه مقابله لام بسام

هند بصوتها المبحوح / تعبانه من السفر وتغير الجو

ام بسام بحب / من جيتي ماكلتي شي قولي لشغاله تجيب لك شي تاكلينه

هند / مو مشتهيه

ام بسام بحنان / مايصير يمك طول يومك بدون اكل

هند بتعب / معليه خالتي اول ماشتهي بقوم اكل

تذكرت سفر خالها وخطبة محمد

هند في نفسها / شلون نسيت محمد وخطبته هذي من حسناتك ياجاسم

كان جوالها بيدها رفعته واتصلت على خالها

عند عبدالرحمن

كان مخلص من صلاة العشاء وداخل بيت بدر سمع صوت جواله شاف رقم هند وابتسم رفع جواله

عبدالرحمن / غريبه تاخرتي ماتصلتي

هند ردت لها الروح بسماع صوت خالها

هند بابتسامه / جيت من السفر تعبانه عندي شغل بالشركه نمت وراحت علي نومه بشر وش صار
عبدالرحمن / كل خير والملكه هاليومين بتكون عشاء
هند بابتسامه / واخبار المعرس اكيد طاير من على الارض
عبدالرحمن / ههههههههه الله يسعده ماقد شفته فرحان هالكثر

هند / خالي طالبتك اغصب على خالي بدر يجي معكم لطائف يصيف عندنا بجهز له ولعياله فله خاصة فيهم

عبد الرحمن / بحاول فيه وهو لا درى ان هذي رغبتك بينفذها

هند / تسلم ياخالي يله فمان الله

قفلت جواله على دخلت غاده وخالد وقفت لغاده وحضنتها
وجلست غاده جنب امها وخالد جلس بكنبه منفرده وهي رجعت وجلست بمكانها

خالد يطالعها بتفحص وبقلبه كلام كثير يبي يقوله فهمت عليه قامت وطلعت للحديقه ما تعودت تهرب عن المواجهة ويوجعها خوف خالد عليها

جلست على المرجيحه دقائق وخالد عندها
قرب وجلس جنبها

هند بابتسامه حزينه / خلودي ابيك تلعب بشعري مثل اول
انسدحت وحطت راسها على رجل اخوها وخالد يمسح على شعرها بحنان
خالد بجديه / من اليوم وانا انتظرك تصحين واعرف وش الي صار بمكتبك من الي زارك

هند برجاء / عفيه خالد انسى الموضوع مثل مانسيته شي صار وانتهى

خالد بصدق / ما قدر يا هند ما شفتي حالتك وانتي موجوعه

هند سجبت يده من راسها وباستها انصدم من حركتها

هند بوجع / دخيلك قفل على الموضوع وهذي يدك بستها وش تبيني اسوي لك علشان تقفل ها لسيره

خالد بستسلام / ما يحتاج تسوين شي بسكره واتمنى مايتكرر لاني المره الجايه مستحيل اسكت واقتنع بكلامك

هند بابتسامه الم / وعد مافيه مره ثانيه

خالد بابتسامه / قومي عازمك على العشاء برى ترانى من عشاي البارح والبركه فيك

هند بابتسامه / طيب بلبس عباتي وبنزل محتاجه اغير جو

طلعت فوق لغرفتها اخذت عبايتها مرت بالصاله

هند / خاله انتي وغاده تعالو اطلعو معنا بنتعشى برا بدل حبست البيت

ام بسام / عليك بالعافيه بطلع لسوق مع عمك ابو بسام

هند / وانتي ياغاده تعالي معنا

غاده بابتسامه / انا افضل السوق على المطعم لو انك رايحه لسوق كان رحت معك لكن بروح مع امي بنجهز لحفلتك ولا نسيتي

هند / والله نسيت وين نحطها بالقصر ولا بفندق
ام بسام / لا بحوش القصر بتصير خيال واتركي التنسيق علي تعرفين خالتك مجنونه بهالسوالف

هند بحب / الله يعطيك العافيه انا طالعه تاخرت على خالد

طلعت لقت خالد ينتظرها / كان نمتي احسن

هند بابتسامه / خذتني السوالف مع خالتي

خالد / انتي تسولفين وانا محترق انتظرك يله مشينا

في الرياض
عند جاسم

صحى من نومه وهو كسلان اخذ جواله من الكومدينه شاف ساعته 8 قام مفزوع ماصلى العصر والمغرب والعشاء قام دخل الحمام توضاء وطلع بسط سجاده وصلى صلواته الي فاته

بعد ماخلص صلاته رجع لسريره دخل فيصل

جاسم بعصبيه / تدري اني جامع صلاتي والبركه فيك ذنبي برقبتك

فيصل بجديه / ما كنت بالبيت توني داخل مو بالعاده يكون نومك ثقيل وتنام هالكثر

جاسم / متى السفر

فيصل / الحين امك وجداتك لابسات عبايتهم قوم لا تتاخر علي وسيارتك جبتها مع نواف تحت

جاسم / تصدق نسيتها زين منك جبتها
يله بقوم اخذ شور سريع والبس وانزل

فيصل / انا بسبقك بشيل الاغراض في السياره لا تتاخر علي

دخل الحمام من غير لا يجاوب فيصل

نزل فيصل تحت وطلع لقلى اغراض محطوطه على جنب قسمهم بين سيارته وسيارة جاسم

بعد ربع ساعه نزل جاسم ودخل على امه وجداته باس راسهن

وجلس بين جداته

جاسم بتعب / يمه دخيلك قولي لشغاله تسوي قهوة راسي بينفجر

ام جاسم / مافي وقت اطلب قهوه بالطريق

وقف جاسم / اجل يله نطلع وش ننتظرن

طلعو وركبن الجدات بسيارة جاسم وام جاسم والشغالات بسيارة فيصل

في الطائف
عند هند

بعد ماتعشو رجعو للبيت دخلو الصاله كانت فاضيه اخذت عباتها وفسختها وحطتهم جنبها
جلست على الكنب وجلس خالد بكنبه منفرده مقابلها

خالد بعتب / ابي افهم رايح معك الرياض وراجع ماقلتي لي عن خطبة محمد لبنت خالي يجيني الخبر من غيرك ماتوقعتها منك ياهند تخليني مثل الاطرش بالزفه

هند برجاء / خلودي حبيبي اسفه والله ماقصدي اني ماقول لك كل شي صار على السريع
خالي عطاني موافقته الصباح على طول
كلمت محمد وقلت له يقول لخالي يجون يخطبون رسمي لولا الي صار كان حاضرين الخطبه لكن ربك ماكتب

خالد بجديه / اموت واعرف الي صار

هند بعصبيه / وبعدين معك خالد وش اتفقنا عليه لتزعلني منك وانت تعرف لزعلك صعب ارضى

خالد / امرنا لله ما نقدر نزعلك

هند / كلمت خالي وقالي ان الخطبه تمت والملكه لطلعت نتائج التحاليل

خالد / بتحضرين الملكه
هند / اكيد بحضرها الله لا يعقوني بشر للحين بقلبي غصة اني ماحضرت ملكة فهد تبيني اعيدها ولا احضر ملكة محمد

خالد بجديه / طيب بعد يومين الحفله الي مسويتها لاستقبال الموظفين واهلهم

هند بجديه / كل شي يتاجل الا اني اترك ملكة محمد واكسر فرحته

خالد بجديه / اجل بنسافر بنفس اليوم ونرجع بنفس الليله

هند بجديه / كلنا بنرجع سوى وخالي بدر بيكون معنا

خالد مستغرب / خالي بدر

هند / انا قلت لخالي يحاول فيه ويجبره اذا رفض انا بكلمه وبجبره بطريقتي

خالد بابتسامه / اكيد المعرس بيوقف مع ابوي باقناع خالي علشان العروس تكون قريبه منه

هند / هههههه الله يسعده

دخلت عليهم ام بسام وغاده ووراهم الشغاله شايلة الاكياس

قربت غاده ورمت نفسها بقوة على الكنب
خالد منقهر من حركتها لكن ساكت مستحي من امها

هند بعصبية / يا لمجنونه شوي شوي نسيتي انك حامل والحركات العنيفه مضره اذا ماتبينه احنا نبيه
غاده مستغربه من عصبية هند / هنوده حبيبتي نسيت من تعبي رميت نفسي على الكنب مايحتاج كل هالعصبية

هند انتبهت على نفسها / ياغدويه ياحبيبتي عصبت من خوفي عليك
لو صار شي لك ولا للي في بطنك اول وحده بتتحسف وتتوجع هو انتي

ام بسام قطعت عليهم / انا طالعه للملحق تعبانه مكسره والاغراض حطوهم على جنب كلها خاصه بالحفلة

قامت ام بسام وطلعت للملحق

خالد بحب / علشان خاطري غدويه انتبهي على نفسك ترى انتي ببطنك روح كوني امينه عليها

غاده بحب / حبيبي حركاتي طبيعيه لا تكبرونها يمكن للحين ماتعودت كثير على فكرة اني حامل واوعدكم بحاول اني ابتعد عن الحركات الي تضرني وتضر الي ببطني

هند / تعشيتي
غاده / مالي نفس شربت عصير وشبعني

هند / غاده شوفي حالك الي اعرفه الحوامل يمتنن وانتي تضعفين

غاده / الي اكله ما تهنى فيه استفرغه على طول صرت اخاف من الاكل

هند بحب / الله يكون بعونك ويمر هالايام بسرعه وترتاحين

غاده / امين

وقفت غاده / انا طالعه تعبانه بنام تصبحون على خير

وقف خالد ولحقها

هند بعد ما تركوها تمددت على الكنب ماتبي تطلع لغرفتها تتهرب من النوم فيها
هند في نفسها / شفتي لوين وصلتي تتهربين من غرفتك انتي ماهربتي من الي هددوك بالموت تتهربين من طيف جاسم شفتي لوين وصلتي ياهند قومي لغرفتك ونامي فيها وين القوة الي تقولين عنها

استجابت لافكارها وقامت دخلت غرفتها دخلت الحمام اخذت شور دافي يريح اعصابها طلعت لبس بجامه ودخلت بسريرها تحاول تشغل نفسها بشغلات بعيده عن تفكيرها بجاسم
وفي افكارها نامت

يتبع