منتديات بنوته - عرض مشاركة واحدة

02-06-2012, 09:25 PM

في الطائف

كانت نوره وام بسام يسولفن دخلت عليهم غاده تعبانه

نوره بخوف / غلده وش في شكلك تعبانه

غاده صارت تبكي

امها خافت وقامت عندها / وش فيك غاده

غاده بين دموعها / تعبانه ماصار الاكل يقعد ببطني تعبت من الاستفراغ

نوره بحنان / طبيعي يمك والي انتي فيه وحم كلها شهر ويخف عنك اصبري

غاده / حتى خالد مل مني صحيح ما قالي لكن صايره مالي خلقه

نوره بابتسامة / تطمني خالد مستحيل يمل منك وانتي حامل بولده لا توسوسين يمه ترى هذا يضر ماينفع حاولي تشغلين نفسك

ام بسام بحنان / كلنا مرينا بلي مريتي فيه تنسينه لشفتي وليديك ولا بنتك بين ايدينك

نوره / قومي غسلي وجهك وتعالي اجلسي معنا

قامت غاده بعد مارتاحت غسلت وجهها وطلعت لهن بالصاله

نوره / انا طالعه لغرفتي ماشوف من النوم

ام بسام / تصبحين على خير

طلعت نوره لغرفتها وام بسام اخذت غاده لملحقهم تبيها تنام عندها لين يجي خالد

عند نوره

دخلت غرفتها شافت عبدالرحمن متسند على سريره وبيده كتاب

نوره قربت وجلست جنبه

نوره / عبدالرحمن فيه موضوع ضروري بقوله لك

سكر عبد الرحمن الكتاب وحطه على جنب

عبدالرحمن / قولي الي عندك

نوره / محمد يبي يخطب بنت خالها بدر حنان

عبد الرحمن مستغرب / ما كانها صغيره عليه

نوره / انا كلامي من كلامك لكن ولدك يبيها ويحبها مابغيت ارفضها وكسر قلبه

عبدالرحمن بجديه / تتوقعين ابوها بيوافق انه يعطي بنته البزر لولدنا

نوره بحب / هند تكفلت بالموضوع والحين في بيت خالها ماتبي تعرضك للاحراج مع اخوي لو رفض اذا صارت الموافقه نخطب رسمي والملكه على طول والزواج لتخرجت

عبدالرحمن بحب / فديتك ياهند كلن تفكرين فيه وناسيه نفسك الله يجعل يومي قبل يومك

نوره / فكتنا من عنا المشوار ورحمتنا من مواجهة بدر كل شي بيصير بوجهها

عبد الرحمن / اشوفها بالطائف من غير جاسم ماتدري وش صاير بينهم

نوره / مدري انشغلت ما سالتها تعرف بنتي ماترضى بالغصيبه واكيد انها تطلقت

فز عبدالرحمن / تطلقت بهالسرعه

نوره بحب / وسع صدرك متى كان زوجها كله تمثيل بتمثيل

عبدالرحمن بحزن / والله يا نوره حبيت جاسم مثل خالد و كنت ابيها تقتنع فيه ويستمر زواجهم هي الخسرانه لو لفت الدنيا مراح تلقى واحد يحبها مثل جاسم لازم اقنعها ترجع له مستحيل ارضى لها بالخساره وطلاقها من جاسم اكبر خساره

نوره بحب / طالبتك لا تناقشها بالموضوع ما بيك تزعلها ولا هي تزعلك

عبد الرحمن بحزن / ضيعته من ايدينها معاد لكلامي فايده الله يهديها

نوره / تعوذ من ابليس ونام

انسدح وهو موجوع من هند زرع فيها حقدها وكرها لابوها وهذي ثمراته ضيعها الحقد كبرت بدون زوج وعيال الي بعمرها عيالها حوليها خاف عليها تبقى طول عمرها وحيده مقهور انها ضيعت جاسم

اصدر تنهيده وجع / نوره حاولي فيها ترجع لجاسم لمتى بتبقى من غير زوج وعيال وجاسم ما ينتعوض

نوره / لا توجع قلبي بنتك راسها يابس كل ما فتحت الموضوع سكرته وحلفتني مافتحه مره ثانيه

عبدالرحمن / الله يهديها

في بريطانيا
عند غاده

موقته جوالها على الساعه 2 بالليل بتكمل مذاكرتها

دخلت الحمام اخذت شور ينشطها لبست بجامتها ودخلت المطبخ سوت لها كاس كابتشينو واخذته وطلعت لصاله

حطت الكاس على طاوله صغيره جنبها ومسكت كتابها وبدات تراجع سمعت صوت جوالها بالغرفة
قامت دخلت الغرفه شافت رقم ندى رفعت الجوال

ندى / الو غاده

غاده بابتسامه / بسم الله شكلك خايفه

ندى / وش سويتي بالمراجعه

غاده / باقي فصل واخلص

ندى / انا محتاسه احس عقلي سكر ماني قادره اجمع

غاده / لا تخافين ولا تتوترين الماده صحيح دسمه لكن سهله

ندى / ابي اقابلك بدري بالجامعه بنراجع الشغلات الهامه سوى افيديك وتفيديني

غاده / فهد محاضرته متاخره حرام اصحيه بدري يودين وش رايك تمرني نروح سوى

ندى / يكون احسن بامرك ان شاء الله على الساعه 6 وانتي جاهزه

غاده / طيب يله روحي راجعي اخرتيني
ندى / مالت عليك يالدبه يله فمان الله

قفلت من ندى ورجعت لصالها استمرت لين صلاة الفجر قامت توضت وصلت ولبست وجمعت اوراقها وكتبها
دخلت غرفة فهد كان غاط بنومه

غاده / فهودي قوم صل انا بطلع مع ندى للجامعه

فهد بتعب / طيب

غاده / فهودي لا تتاخر على جامعتك

خافت تروح نومه على فهد وجواله على الصامت

اخذت ورقه وكتبت فيها

صلاح فهد بالشقه لحاله وانا داومت بالجامعه بدري صحيه اخاف يتاخر على محاضرته

اسفه على الازعاج

طوت الورقه طلعت من الشقه ودخلتها من تحت باب شقة صلاح ورجعت لشقتهم تنتظر اتصال من ندى

في الرياض
بيت ام جاسم

عند جاسم

قام على صلاة الفجر توضى وطلع صلى بالمسجد وطلع من المسجد للمستشفى بينتظر نواف بيغصب نواف يقوله من الشخص الي ساعد اخوه يبي يعرف اسبابه مستحيل يستسلم مثل اخوه

وصل للمستشفى كان فاضي باقي وقت على الدوامات

وصل لمكتب نواف لقى عامل النظافه بالدخل ينظف بقى برى ينتظر العامل يخلص وبيدخل
بعد ماخلص دخل و جلس على كرسي نواف ينتظره

عند فيصل

بعد ماطلع جاسم قام دخل الحمام توضى وطلع يصلي رجع البيت استغرب ان سيارة اخوه غير موجوده مستغرب وين بيطلع على الفجر دخل البيت وطلع فوق ودخل غرقته ونام

في بريطانيا
عند غاده

جالسه بالصاله وبيدها كتابها سمعت صوت جواله تاكدت انها ندى فتحت الشقه ونزلت لقت سيارة ابو ندى تحت تنتظرها افتحت الباب وركبت

ندى كانت مشغوله تقراء بالكتاب

غاده / السلام

وابو ندى / وعليكم السلام شلونك

غاده / الحمد لله كيفك عمي

ابو ندى / الحمد لله

وصلهم للجامعه انزلن ودخلن جلسن في مكانهن وكل وحده ماسكه كتابها تراجع متوتره خايفه
مره ندى تسال عن بعض النقاط الهامه الي يبي لها توضيح وغاده تجاوب ومره العكس لين جاء وقت الاختبار توكلن على الله ودخلن

في الرياض
بيت بدر

عند هند

قامت وهي متضايقه وحزينه مع معناة وماساة كل ليله

دخلت الحمام توضت وصلت ورجعت اخذت شور لبست لبش الشغل والبست عبايتها وشيلتها ونقابها تخاف تقابل عيال خالها افتحت باب غرفتها وطلعت لصاله شافت خالها وخديجه يسولفون

هند / السلام

بدر وخديجه / وعليكم السلام

بدر / ليش يابوك جالسه بعباتك

هند / بداوم بالشركه

بدر / بدري على الشركه

هند / بجلس معكم شوي قبل لا اروح لشركه

خديجه / اجل افسخي عباتك عيالي بالملحق نايمين هناك خذي راحت

هند شالت نقابها وبسطته على الكنب ماتبيه يتعفس

خديجه وقفت / بجيب فطوركم لازم تفطرون قبل لا تطلعون لشغلكم

قامت خديجه دخلت المطبخ جهزت الفطور مع الشغاله حطته على الطاوله ونادتهم افطرو ورجعو لصاله

اخذت جوالها من شنطتها واتصلت على خالد يمرها بتروح معه لشركه

قامت خديجه بتطلع لغرفتها تبي زوجها يكلم هند بالموضوع براحتهم ماتبي تكون موجوده

هند طول ماهي معهم حزينه متضايقه لكن حاولت تكتم مثل العاده وتظهر عكس الي بداخله وتحاول تضغط على نفسها تكون طبيعيه قدامهم

بدر / هند يا بوك وصلي موافقتنا لاخوك محمد ووصلي له ان شرطها تكمل جامعتها اذا وافق حياه الله والملكه باليوم الي تبونه واذا رفض الله يستر عليه ويدور زوجه غير بنتنا

هند بفرح / محمد موافق على شرطها بيساعدها بدراستها وبيشجعها

بدر / على بركة الله والملكة بالوقت الي تبونه

هند بابتسامه / اسمح لي خالي بدخل غرفتي ابشر محمد تلاقاه مانام من البارح وجالس على نار

بدر بحب / مسموحه يابوك روحي بشريه وبشري خالتك الله يتمم لهم على خير

هند وقفت / امين

عند محمد

كان بغرفته جالس وتفكيره بهند كلمت خاله بالموضوع ولا باقي سمع صوت جواله شاف رقم هند رفعه على طول

محمد بلهفه / الو بشري

هند بابتسامه / يمه منك مستعجل اسئل عن حالي وحوالي

محمد / قولي طمنيني

هند بحب / مبروك ياعريس الله يتمم لك على خير

محمد / من جدك

هند / هههههههه وجد الجد

محمد بفرح / الله يبارك فيك

هند بجديه / البنت عندها شرط وانا وافقت عليه بالنيابه عنك

محمد بخوف / قولي شرطها خوفتيني

هند / شرطها لتزوجتك تكمل جامعتها وانا وافقت ماضنتي انك بتوقف ضد رغبتها

محمد ارتاح / اكيد موافق مستحيل اكون ضد انها تكمل دراستها بتلقى مني التشجيع لو تبي تكمل الدكتوره بكون موافق وبساعدها

هند بجديه / اجل حط خبر عند خالي الليله تكونون بالرياض تخطبون رسمي وتحددون مع خالي موعد الملكه
وانا وخالد لازم نرجع اليوم عندنا اشغال ضروريه ابي اشوفكم هنا قبل لا ارجع

محمد / ان شاء الله

قفل من اخته وهو مبسوط بيقول لامه وابوه والليله باذن الله بيكون بالرياض

عند هند

قفلت الجوال من اخوها وطلعت بالصاله لقتها فاضيه سمعت صوت جوالها كان اخوها يستعجلها

في بريطانيا
عند صلاح

خلص من لبسه وطلع من غرفته وصل لباب الشقه شاف ورقه تحت الباب اخذها وفتحها وصدمته انها من غاده غصب عنه اخذها وشمها وحطها بالجيب الي على قلبه فتح شقته وطلع لشقة فهد دق الجرس دقائق وطلع له فهد لابس وخالص

صلاح / السلام زين انك صاحي

فهد / غريبه وش جابك عندي مو من عوايدك

صلاح / اختك كاتبه رساله مدخلتها تحت الباب توصيني اقومك خايفه تروح عليك نومه

فهد / طالعه من بدري عندها اختبار فديتها شليله همي

نزلو وهم يسولفون ركب مع فهد بسيارته وصلوا للجامعه دخلو محاضرتهم

في مستشفى نواف
عند جاسم

طلب له كاس كابتشينو وجالس يشرب فيه شاف نواف داخل كان مستغرب وجود جاسم بمكتبه

نواف بابتسامه / وش هالاستعمار لمكتبي

قرب من جاسم وضمه / الحمدلله على السلامه متى جيت

جاسم بجديه / الله يسلمك امس جاي بشر عنك

نواف / اللهم لك الحمد

جاسم قام من مكان نواف وجلس بالكرسي المقابل جلس نواف بمكانه

نواف / وش عندك بمكتبي

جاسم بجديه / نواف ما بيك تلف ودور سؤالي بالغصب بتجاوبني عليه

نواف بخوف / قول سؤالك

جاسم / من الي سدد ديون فيصل لاتقول حلف وماحلف ماني بطالع من هنا الا وانا عارف منهو و ليه ما يبينا نعرفه

نواف بقوة / مستحيل اقولك كان هذا شرطها وانا حلفت عليه

جاسم بستغراب / شرطها يعني الي ساعدته حرمه

نواف عض على شفايفه من القهر على تسرعه جاسم ذكي ما يفوته شي

جاسم فز قلبه واحساسه وقلبه يقول انها هند لكن لازم يتاكد من نواف

جاسم بترجي / بقول اسمها اذا هي حلفتك بالله تهز راسك بالموافقه

كمل بحزن / هند الي ساعدت فيصل وسددت ديونه

نواف / ..............

جاسم بوجع / شفتها يا نواف كلمتها يعني موجوده بالرياض

نواف / ...........
جاسم صرخ صرخه فز منها نواف / حرام عليك نواف ليه ما كلمتني اجيك اشوفها واكلمها وانت تدري اني اموت كل ليله ابي اعرف مكانها ذبحني شوقي لها ليه ماكلمتني لا تقول انها حلفتني ومحلفتني

نواف / .......

جاسم بوجع / تكلم قولي كل شي صار بينكم

كمل بحزن موجع / سالتك عني وعن احوالي

نواف موجوع / ..........

جاسم بقهر ووجع / يا قهري جت لمكاني وانا طاق ومسافر بعيد ياليتني كنت موجود ي بقلبي كلام كثير بقوله لها بنتظرك طول عمري و كل ليله اشوفك قدامي موووووجوع من العشق بيموتني متى بشوفها جت الفرصه وطارت مثل غيرها ااااااااااااااه من ردات لحظ

نواف دمعت عيونه على صديقه صار يهذي من غير شعور قرب منه وضمه

نواف بحزن / تعوذ من ابليس من الي قال ان هند الي ساعدت اخوك كذبت الكذبه وصدقتها

رفع جاسم نفسه عن حضن نواف

جاسم بوجع / ماني بزر يا نواف تكذب علي حلفتك بربك هند الي ساعدت فيصل

نواف / ............

جاسم بوجع / شفت لوين وصلت حالتي طالبك يا نواف سو عمليه شيل فيها قلبي وحط مكانه قلب من حجر ما يحب ولا يتوجع

نواف دموعه تنزل متاثر من حالة جاسم / تعال معي ياخوي نرجع للبيت

جاسم / اتركني يا نواف بعذابي الي ماله نيه ينتهي بطلع للبيت

نواف / مقدر اتركك تطلع للبيت وهذي حالتك ولله لو تشوفك امك بتنهبل

جاسم بابتسامة وجع / تطمن صرت شاطر بالتمثيل اوجاعي بقلبي

طلع جاسم من المستشفى منهار

جاسم في نفسه / معقوله رجعت ووصلت لمكاني ماشفتها ولا قابلتها لازم اشوفها لازم اكلمها
ركب سيارته ماحس بنفسه الا واقف قدام شركتها نزل سال البواب

قال انها كانت امس مداومه بالشركه واليوم بتجي انزرع امل جديد بقلبه انه يشوفها لو من بعيد خلاص معاد يقوى على بعدها

رجع وركب سيارته بيجلس ينتظرها بشوق ولهفه

بعد دقائق شاف سيارة خالد بدت دقات قلبه تتسارع وحس بحراره بجسمه شاف البواب قرب من سيارتها وفتح بابها نزلت بشموخها وهيبتها الي يعشقها

تجمد بسيارته وعيونه تلحقها لين اختفت من قدامه يصارع رغبته انه ينزل ويشوفها ورغبة انه مايشوفها

جاسم في نفسه / انزل ياجاسم شوفها واروي عطش شوقك وش كرمته وخرابيط الي بتخليك ما تشوفها خلك قوي قدامها لا تضعف

ااااااااااااه مستحيل اشوفها ولا اضعف انزل يمكن اخر فرصه انك تشوفها لو ضاعت بتندم طول عمرك
استجاب لرغبته انه يشوفها بيدور أي سبب

فتح باب سيارته ونزل بخطوات متردد ورجلينه تنتفض خوف وشوق لشوفتها وصل لمكتبها وهو معفوس حالته

جاسم / قولي لاستاذه هند فيه واحد يبها ضروري

السكرتيره / من اقول لها

جاسم بتعب / قولي لها واحد موضروري تقولين اسمي

رفت السكرتيره تلفون مكتبها واتصلت على هند وقالت لها فيه واحد رافض يقول اسمه يبي يشوفك قالت تسمح له يدخل بعد خمس دقائق

عند جاسم

دخل وكل خليه تنتفض عشق لها مو مصدق يشوفها قدامه بشحمها ولحمها مو طيف يتصبر فيه عن حرمانه

شاف قدامه كتله سوداء متغطيه كان نفسه تجيه الجراءه ويقرب ويشيل كل الي عليها مشتاق يشوف تفاصيل وجهها الي عذبته وفتنه تغير عن اخر مره شافه فيها

مشتاق يشوف شعرها الي يعشقه نفس طوله ولا قصته نفسه يلمه يشمه

عيونه مركزه عليها يخاف تختفي من قدامه مثل طيف كل ليله

جاسم في نفسه بوجع / ارحميني وشيلي السواد عنك صرت غريب بعد ما كنت قريب

عند هند

لبست عبايتها وتسترت وحاولت تشغل نفسها با اوراق قدامها لوقت دخول الضيف سمعت صوت فتحت الباب رفعت عيونها وياليتها مارفعتها مصدومه تشوف الي معذبها كل ليلة واقف قدامها حست بنفضه بجسمها ودقات قلبها اخنقتها توقعت الي تشوفه هلوسه من هلوسات كل ليلة اكيد صاير لعقلها شي

هند في نفسها بوجع / الي قدامي حقيقه ولا خيال معقوله وصل فيني الحال اشوفه بالنهار
تعوذت من الشيطان سكرت عيونها توقعت لفتحت عيونها تمسح صورته لكن الصوره موجوده تاكدت انه حقيقه

هند في نفسها / هذا الي ناقصني اشوفه قدامي مستحيل اضعف قدامه انا هند القويه الي قلبها مايعرف الحب

استمرو دقائق جامدين يصاروعون فيضانات مشاعرهم

جاسم

حس من قوى حرارة الموقف وسرعة دقات قلبه بيغمى عليه قرب وجلس بالكرسي قدامها خاف لو طول واقف تخونه قوته ويغمى وينفضح كله ولا كرامته يكفيها الي سوته فيه الايام الي فاتت

عند هند

انتبهت على نفسها وصحت من غيبوبتها حاولة كاعادتها تتصنع القوة رغم ان داخلها الم ووجع وشوق للجالس قدامها

لكن شخصيتها تمنعها من الاستسلام والضعف بسبب مشاعرها المجنونه تواجده معها بنفس المكان موجع موجع لدرجه تخنقها

تكلمت وهي تكابر رغم الفياضانات والبراكين الي بداخلها لازم تحط حد وتوقف مشاعرها المجنونه الي بدمرها لو استسلمت لها

مستحيل تسمح له يكشف عشقها الي دافنته بينها وبين نفسها مستحيل يكشفه أي مخلوق والاهم جاسم بيصير سلاح ضدها بتكون ضعيفه قدامه

هند بجديه / اهلين دكتور جاسم بشرني عن جداتي

ماقدرت تسال عن حاله خافت تخونها مشاعره وتنفضح وهذا مستحيل ترضى فيه

جاسم / جداتي بخير الحمدلله على السلامه

هند تتهرب من مشاعرها بكلامها مع جاسم برسميه

هند بجديه / الله يسلمك شخبار خالتي ام جاسم

جاسم فيه نفسه / مستخسره تسالني عن حالي حرام عليك لا تكلميني برسميه تخنقني
جايك ذابحني الشوق وانت تستقبليني ببرود

جاسم / الحمد لله بخير

خلاص ماعاد تقدر تستحمل وجوده قدامها تحاول طول ما تتكلم معه تتجنب انها اطالع فيه ماتبي يشوف حبه بعيونها

هند بقوة / يادكتور جاسم ممكن اعرف سر زيارتك بدون موعد

جاسم في نفسه / سبب زيارتي مشتاق لشوفتك الي محروم منها مشتاق اسمع صوتك

بنتهي الزياره ماعاد تقدر تتحمل وجوده اكثررر

هند بجديه / لو سمحت دكتور جاسم اذا فيه شي ضروري قوله بسرعه عندي موعد لازم اطلع خلال 5 دقائق

جاسم / جيت اشكرك انك ساعدتي اخوي وانقذتيه من الافلاس والحبس

هند انقهرت من نواف وصارت تدعي عليه بقلبها لو قدامها علمتها قدره وشلون مايكتم سرها

هند بعصبيه / قالك نواف

جاسم بقوة / عرفت بطريقتي وتطمني مافضح سرك كنت شاك انه انتي قلت له اسمك وانك الي ساعدتي فيصل وحلفته يقول وهو سكت وتاكد من صحة شكوكي

حطي في بالك اني ماني غبي بصدق انك تساعدين اخوي كذا من غير مقابل وانتي متاكده انه كان ناوي يدمرك ممكن تقولين ليش ساعديه

كلامه خلاها تثور وزادت عصبيتها معقولها الي قدامها الي ضعفت وسهرت الليالي وهي تتوجع بسبته ماعرف ليش ساعدت اخوه غبي قلبي الي حبك يا جاسم

هند بقوه وبقسوه / اكيد مو لسواد عيونك وعيون اخوك ساعدته علشان امكم المسكينه الي ربي بلاها بعيال متهورين مافكرو فيها والي بيصير لها لودرت عن مصيبة ولدها

جاسم بقوه / عطيني ورقه اكتب على نفسي المبلغ الي عطيتيه نواف احنا مانقبل صدقه

وقفت ضربت بكل قوة بيدها على الطاوله يمكن تخفف من وجع النار الي بقلبها صارت تنتفض من العصبيه والقهر

هند بقوة / لو سمحت اطلع برى مكتبي الزيارة انتهت ومستحيل اخذ قرش واحد منك واذا عندك المبلغ حطه بحساب امك الي بسببها ساعدت اخوك لولاها خليت اخوك يفلس ويخيس بالحبوس يمكن يصير رجال ويتعلم من اغلاطه

وقف جاسم من الكرسي وطلع من غير مايتكلم موجوع خرب مقابلته معها بتسرعه مايدري ليش الجو بينهم يصير مشحون وكلن يجرح بالثاني هو يعشقها ومشتاق لها مايعرف سر تصرفه لصار قدامها هو ما يقصد يجرحها

لكن هي تستلذ بتجريحه وتعذيبه والي صار بينهم نقطه من بحر الي سوته فيه قبل

طلع من مكتبها وهو منهار وسكر الباب وراه بعصبيه

هند هند

رمت نفسها على الكرسي بقوها وسحبة نقابها وشيلتها ورمتها بعيد عنها وصارت تبكي بكي وجع وقهر

هند في نفسها بوجع / جاي لمكتبي تهيني يا جاسم ياليتك ما جيت ولا شفتك

صارت تبكي بنحيب موجع / كله من قلبي المجنون الي الي ترك الكل وضعف قدامك ليه منت براضي تنسى قسوتي عليك وتخليني انسى ليش تفتح علي جروحي والله مادخل قلبي القاسي غيرك لكن مستحيل اخضع لك ماتستاهل قلبي يا جاسم ماتستاهله جلست تبكي بصوت عالي موجع كله قهر والم
من قو نحيبها سمعته السكرتيره فتحت الباب شافتها منهاره اضطرت تكلم خالد بمكتبه وتقوله عن حالة هند يلحق عليها ليصير لها شي

خالد لما قالت له السكرتيره عن حالة اخته طلع بسرعه من غير لا يقفل تلفون مكتبه وصل لمكتبها وشافها بعبايتها منهاره

قرب منها خالد بخوف / وش فيك من زرارك وضايقك وبسبته تبكين قولي

هند مستمرها بنحيبها الموجع

خالد بعصبيه / قولي وش فيك ليش كل هالنحيب

هند وهي تبكي بوجع / اتركني خالد اتركني طالبتك اطلع واتركني محتاجه ابكي يمكن دموعي تعالج جروحي

خالد / ماقدر اطلع واتركك منهاره

هند بصراخ / خالد اطلع مابي انفجر واغلط عليك اطلع

خالد استسلم وطلع من مكتبها وقلبه عندها طلب من السكرتيره تنتبه لها وتحاول تطل عليها من غير لا تدري واذا زادت حالتها تتصل عليه

رجعت تبكي بنحيب موجع حست من كثر مابكت جفت دموعها وصدرها اوجعها ومازالت مستمره بالبكي تبي توقف من البكي لكن كل ما تذكرت وجوده قدامها واستقبالها له بالتجريح زادت بكي كل الي صار غصب عنها الظاهر تستلذ بتعذيب نفسها قبل لا تستلذ بتعذيبه

عند جاسم

طلع وهو موجوع مقهور من كل الي صار بينهم ركب سيارته وحرك بسرعه جنونيه وقف على جنب الطريق وحط راسه على الدركسون ( الطاره ) وصار يبكي بوجع وقهر

جاسم في نفسه وهو يبكي بوجع / ليش توجعيني ليش ما حسيتي ان الي جابني لك شوقي لك ماشفتي لهفتي وشوقي وعشقي بعيوني ليش كل ما تقابلنا حطمتيني ودمرتيني

ااااااااااااااه ياعذابي حني علي ورحميني لمتى قسوتك علي الي بسبته كرهتيني مات توقعتك تتغيرين وتشوفين جاسم ثاني غير الي كنتي تشوفينه يوم ابوك حي كان معميك حقدك عليه لكن الحين وش الي عاميك ماتشوفيني مثل ما جاسم الي يعشقك ويموت بالارض الي تمشين فيها ياليتني ماجيتك ولا شفتك كنت احلم بلقاء لكن يا خساره اللقاء الي انقلب لوجع

عند هند

حاولت تضغط على نفسه وتوقف من جلست النحب والبكي صدرها اوجعها وعيونها اوجعتها من كثر مابكت
دخلت حمام مكتبها وغسلت وجهها بالماء البارد طالعت بوجهها بالمرايه شافت عيونها حمراء كانها دم ووجها احمر
غسلت وجهها اكثر تبي تخفي معالم البكاء من وجهها طلعت لمكتبها لبست شيلتها ونقابها وطلعت لمكتب اخوها اشرت بيدها يطلع معها مالها خلق تتكلم فيها غصة ماتقدر تتكلم خافت ترجع وتبكي

شافها خالد ترك الشغل الي بيده لقاها سابقته واقفه قدام السياره ركبت السياره وهي ساكته خالد ماحب يكلمها ويناقشها ماصدق انها توقف بكاء مايبيها تنهار عليه بالسياره

هند بصوت مبحوح / روح للمطار

خالد ماحب يجادلها غير طريقه للمطار

وصلو للمطار ركبو طيارتهم الخاصه بيرجعون لطائف

جلست بمكانها وسندت راسه على الكرسي وسكرت عيونها وكل الي صار ينعاد نزلت دموعها من غير ماتحس فيها

شافها خالد وتاكد ان الي بكاها وقلب حالها شي كبير

يتبع