منتديات بنوته - عرض مشاركة واحدة

02-06-2012, 06:26 PM

عند جاسم

بعد ما طلعت قام وستاذن من جداته وطلع لغرفته انسدح على سريره وكل تفكيره كيف يكسر غرورها

شلون بيقدر يقنع امه انه يتزوج وحده ثانيه على هند وهو يعرف مكانتها الكبيره عند امه ما صدق ان امه ترضى عليه

جاسم في نفسه / معقولة انت يا جاسم يا دكتور يا متعلم وصل فيك الضعف انك تظلم ناس علشان سعادتك شفت لوين وصلك حبك المجنون لهند والحل يا جاسم هذي اخر حلولي جيتها بالطيب والحب ما نفع وانت مصدق لا تزوجت بتغار عليك هي بايعتك برخيص يوم المنى تفتك منك

متى بعيش بوهم وابني حياتي على وهم الي كبري عيالهم حوليهم مو كل حياه زوجيه تنبني على الحب فيه الاحترام وهذا الشي مفقود بيني وبينها

بتوكل على الله وبتزوج يمكن تنسيني هند تتوقع ان سعاد الي تكرها من تصرفاتها بتنسيك عشقك لهند على الاقل حسنتها الوحيده انها تحبني وبتحاول بكل جهدها تسعدني وتكسبني

عند هند

بعد ما طلعت وهي تغلي قهر من جاسم شلون يتجرء ويهينها وتسكت

هند في نفسها / وليه منقهرة اصلن منو جاسم علشان اهتم اذا تزوج ولا ما تزوج بطقاق يتزوج بدال الوحده عشر لكن فيه اهانه لي انا بنت الفهد يتزوج زوجها عليها مستحيل اسمح له يطلقني وبعدين قلعته

من العصبيه طلعت من غرفتها لغرفتها نست تبدل لبسها

عند جاسم

كان بافكاره انصدم من فتحت الباب القويه التفت للباب شاف هند بقميص نوم علاقي لركبه كان شكلها فتنه ومغري
كل خليه بجسمه انتفضت من الجمال الي يشوفه واقف قدامه كلها اثاره وفتنه

جاسم في نفسه / وبتتزوج يا جاسم

اقطعت عليه هند بعصبيه / شوف يا جاسم اذا بتتزوج بالطقاق لكن قبل ما تنكتب ورقة زواجك تكتب قبلها ورقة طلاقي

انتفض جاسم من كلامها مستحيل يقدر يطلقها

جاسم احرقها بنظراته المتعطشه والتهمها بنظراته المشتاقه المحرومه

جاسم ببرود عكس النار الي بداخله / وهذا الي جايبك غرفتي ولا ناويه تغريني بالبس الي لابسته

هند انتبهت على لبسها وولع وجها حراره

هند بعصبيه / كله منك يا جاسم تطلع الواحد من طوره بتصرفاتك الطفوليه

جاسم بخبث / قولي انك تبين تنامين بحضني لا تستحين لا تدورين اعذار علشان تنامين معي

هند تلعثمت / انا طالعه لغرفتي وياليت الي قلته يصير مستحيل اسمح لك تهيني انا بنت الفهد ما ينحط على راسها شريكه

جاسم بسخريه / هههههههههههههههههه كيفي مو انا زوج ورق ابي زوجه بحق وحقيقي وانتي رافضه تعطيني حقوقي وانا رجال ما قدر اصبر من غير زواج

هند بعصبية / مستحيل تلمس مني شعره انت ضعيف يا جاسم وزوج بنت الفهد لازم يصير قوي وشخصيته تجبرني غصب اخاف منه

جاسم اوجعه كلامها / انا ضعيف يا هند ما قد سمعتي ان العشق يضعف الرياجيل لكن يا خساره سلمت قلبي لوحده بلا قلب انتي تستاهلين الي يكسر راسك ويهينك على الطالعه والنازله

وزواج عناد فيك بتزواج وطلاق بعد ماتنتهي ازمتك باطلقك مو حبن فيك احترام لكلمتي لخالك

وياليت تنقلعين من غرفتي

هند منصدمه من الكلام الي قاله مانتبهت لطرده لها

جاسم صرخ عليها باعلى صوته / اطلعي برا واياني واياك اشوفك داخله غرفتي ماتستاهل وحده مثلك تدخلها لانها بدنسها

هند بققت عيونها تنهان من جاسم الي تشوفه ولا شي

هند بعصبيه / انا ينقال لي هالكلام

جاسم بعصبية / ايه انسانه حقوده وحقدها اعماها عن كل شي حلو وصار هدفها الانتقام انتي مجرمه

هند مفجوعه طلعت من غرفة جاسم من غير ماترد

عند جاسم

بعد ما طلعت كل حصون القوة انهارت قفل عليه باب الغرفه وغصب عنه نزلت دموع القهر على حبه الغلط

بيرجع لرياض بيعالج جروحه هناك يتمنى يقدر يشيلها من راسه خلاص لازم يتزوج بيرجع رجولته المجروحه واذا على نذره بيكفر عنه شال شنطته الي للحين ما فضاها من اغراضه طلع من غرفته وطلع برا الديره

عند هند

بغرفتها منسدحها على سريرها وهي مقهوره وكلام جاسم ينعاد براسها

هند في نفسها / شلي حارقني ومطيرني لغرفته تزوج ولا ما تزوج استاهل كل الي جاني

اليوم الثاني
الصباح

عند خالد

دخل بيته وبيده جريده وهموم الدنيا على راسه استقبلته غاده لما وصل لصاله ماعبرها طلع لغرفته انصدمت من شكله ما قدرت تصبر لحقته لغرفته شافته متسند على السرير

غاده قربت منه وباست راسه / حبيبي وش مضايقك

مد لها الجريده اول ما قرت الخبر المكتوب انفجعت

غاده تبكي بصوت عالي / شلون ماتت انا من يومين عندها وصارت تبكي بصوت عالي
كان خاطره يقول لها ان المكتوب كذب بس خاف ينتشر الخبر

ما قدر يكذب عليها اوجعه قلبه على حالها

خالد \ اوعديني يا غاده تحفظين سري حتى عن اهلك

غاده وهي تبكي / سرك سري يالغالي

خالد / قال كل شي من تهديد زياد اصابتها برصاص وان الي بالجريده اتفاقيه مع جاسم

غاده ارتاحت كثير / وعد ما يطلع من لساني حرف هذي هند اختي وصديقتي تربينا سواء اذا قالو غاده قالو هند ما نفترق

خالد / تسلمين يالغاليه الله يفرجها

خالد / بتصل على ابوي اطمنه له فتره ينتظر

مسك جواله واتصل على ابوه

عند عبدالرحمن

كان جالس بمكتبه يراجع بعض الاوراق سمع صوت جواله شاف رقم خالد

عبدالرحمن / هلا خالد

خالد / يبه خبر وفاة هند بالجرائد

عبدالرحمن بحزن / اجل بكره بنسوي عزاء لها

خالد بتسال / يبه بنخش على عمي ابو بسام وعمي ابو نواف

عبد الرحمن / لا وانا ابوك هذولا اخواني بيشلون همي لازم اقول لهم الحقيقه واعرفهم مستحيل يفضحون سري ويحبون هند ويخافون عليها اكثر مني

خالد / الله يمر هالازمه على خير وترجع لنا

عبدالرحمن / امين

خالد يله / مع السلامه بروح لشركه

عبدالرحمن / مع السلامه

طلع من مكتبه دخل مكتب ابو بسام كان ابو بسام جالس يشرب كافي

ابو بسام / ياهلا وش عندك مارني

عبدالرحمن / اطلب لي قهوه يالبخيل

ابو بسام بابتسامه / حاضر عمي

رفع تلفون مكتبه وطلب قهو لعبدالرحمن

لاحظ الحزن مرسوم على وجه صديقه

ابو بسام بجديه / خير وش فيك يا بو خالد

عبد الرحمن بحزن / هند كاسره ظهري

ابو بسام / الحمد الله الامور مرت سليمه

عبدالرحمن / تضمن زياد ما يكرر الي سواه فيها

ابو بسام بجديه / لا والله ما ينضمنون هذولا مجرمين عايشين من وراء جرايمهم

عبدالرحمن بحزن / بكره معزوم على عزا هند

ابو بسام فز من مكانه وبصوت عالي / انت اش قاعد تقول هند ماتت

عبدالرحمن / ايه عند الكل ماتت لكن هي عايشه وزوجتها لجاسم وهربها لديره

ابو بسام بزعل / كل هذا صار وانا اخوك اخر من يدري

عبد الرحمن / كل شي صار سريع

ابو بسام / الله يكون بعونك ياخوي بقول لام بسام توقف مع ام خالد

عبدالرحمن / ماتقصر يابو بسام

ابو بسام / احنا اخوان واذا ماوقفت معك بشدتك مالي لزوم
عبدالرحمن / جعلك سالم

وقف بيطلع من عند ابو بسام

عبدالرحمن / طالع لمكتبي وبالليل بزور ابو نواف بقوله ما بيه يزعل علي ما صدقت يرضى علي بعد سالفت جاسم

ابو بسام / الله يكون بعونك ماحدن بزاعل عليك

عند جاسم

دخل البيت وهو كئيب طلع لغرفته شاف اخوه لابس بيطلع لشغله التفت فيصل وانصدم بوجود جاسم

فيصل / انت مجنون رسمي

جاسم بحزن / تعال سلم واسال عن احوالي وش ذا الاستقبال

دخل بسريره وتسند عليه

فيصل / من شفت وجهك عرفت احوالك بنت عمك بتقضي عليك

جاسم / ماعاد فيها طب نويت اتزوج

فيصل بصراخ / من جدك

جاسم بوجع / لمتى بجلس انتظرها ترحم حالي وتعطيني وجه من بعد البارح وانا فقدت الامل فيها

فيصل بجديه / وين الي ناذر جسمه مايلمس الا جسمها وش بتسوي بنذرك

جاسم بحزن / بكفر عن نذري ابي اشوف عيال ومن بنت عمك مستحيل

فيصل / ليكون بتتزوج تبي تقهرها لاني متاكد الي يعشق مستحيل يقدر يحب مره ثانيه القلب ياخوك ما يسكنه شخصين

جاسم ببرود / مو كل الزواجات مبنيه على حب فيه احترام وش نفعني حبي لهند من غير احترام

فيصل / ومن العرس ان شاء الله

جاسم / زميله لي بالمستشفى

فيصل بمزح / اهم شي تكون حلوة مو مثل غولتك

جاسم / حلوه

فيصل / ههههههههههه صاير الحج متولي متزوج اكثر من وحده يا حسرتي وحده وماني قادر عليها

جاسم بوجع / يمكن اذا شفت عيالي انسى هند والي جابو هند

فيصل / ما ني بمصدق انك جاسم وش الي مغيرك

جاسم / البركه ببنت عمك دفنت جاسم العاشق بيدها

فيصل / بداوم بالمستشفى

جاسم بتعب / الحين بنام يمكن بعد العصر

فيصل / اجل طالع لشركه تاخرت

جاسم بتعب / والي يعافيك سكر معك النور وانت طالع

عند راشد
2 الظهر

بعد الي صار له من هند انتقل لشرقيه له بيت شعبي بالدمام موضي دخلت مدرسه محو اميه لانها عرفت ان العلم نور وخافت انها تنقرص مره ثانيه وهي ذكيه بسرعة تعلمت القرايه

كانت موضي جالسه بالصاله وراشد نايم بغرفته اتصلت على السوبرماركت تطلب لها اغرض وتعرف راشد يحب يقرا الجرائد والاخبار

طق الباب فتحت الباب وستلمت الاغراض ومسكة الجريده بيدها دخلتها المطبخ وخذت الجريده وحطتها بالصاله وجلست على الكنب القديم قررت تتصفح الجريده مع انها ماتحب اخبار الجرائد

لفت نظرها عنوان صارت تتهجاها وفاة الملايارديره هند الفهد الخبر قرت المكتوب وطايره من الفرحه
محطوط رقم الصفحه 3 على طول قلبت لصفحه تبي راشد يقرا الخبر لانها ما تقدر تقراء بجداره اهم شي تاكدت من خبر وفاة هند

موضي بفرح وحقد / غصب عنك بيارثك ابوك الي حرمتيه بحياتك قلعتك ما بغينا نفتك منك اخيرا بننظم لقائمة الملايارديه خلني اروح ابش راشد بالخبر

طارت لغرفتهم موضي بحماس / راشد البشاره

راشد / ابشري

مدت له الجريده وصار يقراء الخبر وهو مبسوط قهرته هند اكثر لما رمته بالسجن وتحريضهم على تعذيبه انهان بسببها

راشد بفرح / بكره برفع قضيه اجبرهم يعطونا املاكها

موضي بثقة / لازم نرجع لرياض علشان نكون قريبين من املاكنا

راشد باستعجال \ من الحين جهزي اغراضك بنطلع من الشقه وبنسكن بقصرنا

دخلت موضي الغرفه فرحانه رتبت الاغراض بوقت قياسي

رجعت له / يله راشد مشينا على الليل بنكون واصلين وبكره بترفع القضيه قبل لا يلعبون باملاكنا

استجاب لكلامه وركب سيارته وهو متشقق من الفرح

في الديره
عند هند

صحت هند وهي متضايقه بسبب الي صار بينها وبين جاسم دخلت الحمام اخذت شور ونزلت عند جداتها

لقتهن جالسات يتقهون

ام راشد بزعل / بدري توك تقومين

هند مستغربه / وش صاير

ام موضي بعصبيه / جاسم وينه

هند برود / وش يدريني عنه

ام راشد بعصبية / مالومه جاسم يوم بيتزوج

هند ببرود / بكيفه

ام موضي بعصبيه / انا كنت بوقف بوجه زواجه لكن الحين انا اول من يشجعه على الزواج

ام راشد / يمك الواحد يبي يشوف الراحه في بينه مو كل يوم منحاش وطاق من زوجته

هند بعصبيه / ترى جاسم ما يهمني خله يتزوج بدل الوحده عشر

ام راشد بعصبيه / اذا تزوج بتخسرينه بيلقى الي تقدره وتخاف عليه

هند برود / يوم المنى اخسره

ام موضي بعصبية / عزاله يا صبر جاسم على ما بلاه

ام راشد بتخوفها / ترى جاسم رجال ما ينعاب والبنات الي جالسات من غير زواج واجد وان طق الباب يخطب بيوافقون عليه لانه رجال والنعم فيه

هند بطفش / الله يهنيه لا توجعون راسي بجاسم

ام موضي / افطرتي

هند / لا ماني مشتهيه

ام راشد بعصبيه / مو على كيفك قولي لشغاله تجيب فطورنا

قامت هند وهي متضايقه طلبت من الشغاله تجيب الفطور افطرن

هند / جده ارسلتي احد لبنات ابو مطلق

ام راشد بزعل / لا ولاني مرسله احد البنات مشغولات مع امهن تبين تشغليهن بمدرستك

هند بعصبيه / ابي اعرف ليش منقلبات علي

ام راشد بزعل / انتي ما تعرفين قدر جاسم عندنا هو ولدنا الي ما جبنها اذا شفناه متكدر احنا تكدرنا وانا اشوف وليدي من يوم تزوجك وحاله بالنازل الرجال يدور الاستقرار ببيته وانتي مطنشته

هند وقفت بعصبيه / انا طالعه اسوي شغلي بنفسي ما حتاج لاحد

يتبع