منتديات بنوته - عرض مشاركة واحدة

02-06-2012, 06:18 PM

عند جاسم
قبل الفجر

بعد ما طلع من غرفة هند انسدح على سريره كل تفكير بهند كيف كانت اليوم هاديه يتمنى كل يوم تكون هاديه اشتاق لها ولقربها

جاسم في نفسه / وش تسوين الحين بغرفتك شكلي بقوم امتع عيوني فيها يمكن اقدر انام

قام من سريره وطلع من غرفته ودخل غرفتها كان النور مقفل مافيه الا نور الابجوره وريحتها الي تسحره منتشره بالغرفه تعوذ من ابليس ودخل قرب منها وهو متاكد ان الحبوب المسكنه فيها نسبه منومه مستحيل تحس بوجوده قرب من سريرها وجلس يتاملها نفسه ينام في دفى حضنها ويتغطى بشعرها
استجاب لافكاره دخل في السرير قرب منها وصار وجهه ملازق لوجهها وانفاسها اختلطت بانفاسه قرب اكثر وطبع بوسه عميقه كلها عشق وحب تمدد جنبها سحب شعرها على خفيف وتغطى فيه احساس لذيد منعش بقى بقربها ساعه خاف تصحى غصب نفسه قام من جنبها وهو مكره القى نظره اخيره وطلع وشوقه لها اكثر من دخوله كانها سراب كل ما قترب منها حس بالعطش اكثر

طلع من غرفتها وهو يشم بقايا عطرها في ملابسه دخل سريره وهو يحس ببرودة وغربة بالمكان

الصباح
عند جاسم

جالس بغرفته مبسوط وفرحان من لي صار البارح كانه كان في حلم حلو تمنى يكتمل وتسلمه نفسها برضاها لكنه سرق قربها مثل ما سرق شوفتها

قرر ينزل تحت عند جداته

عند هند

صحت طالعت بالمكان شافت نفسها بغرفتها على سريرها تاكدت ان جاسم شالها ودخلها غرفتها ما هتمت وهي تعتبره مثل اخوها وانه كارها كزوجه مثل ماهي كارهته كزوج دخلت الحمام اخذت شور ولبست ونزلت عند جداتها

عند جاسم

نزل لقى مدوخته ومعذبته عند جداته لابسه فستان احمر مخصر مبرز انوثتها وجمالها اكلها بعيونه عيون العاشق المحروم ما يقدر يرمش ما يبي يفوته شي من تفاصيلها

جاسم في نفسه / ياويل حالك يا جاسم والله الطعن بالميت حرام ليه تعذبيني وانتي عارفه اني محروم من قربك برضاي وغصب عني اصدر تنهيده يحاول يبرد من نيرانه

اسمعن الجدات التنهيده

ام راشد / سلامتك وش فيك يوليدي

جاسم عرف انهن سمعن / لا مافيني شي مشاكل بشغل

التفتت الجده ام موضي عليهم / ترى العزيمه الليلة

هند مستغربه / وانك قايله بعد ما تطيب جروحي

ام راشد / الجيران درو انكم موجودين عندي ولا يدرون عن جروحك ولا ابيهم يدرون مابي القيل والقال

هند / متى بيكونون موجودين

ام راشد / بعد المغرب

هند / زين يمديني البس واستعد

ام موضي / يمك ما يحتاج تراك بالديره الي تلبسينه اجلسي به

ام راشد / هنيه البنات والحريم ما تنشاف وجيهن

هند باستغراب / شلون ما تنشاف

ام موضي / يتبرقعن يمه

هند باستغراب / ويتبرقعن مني

ام راشد / ايه

هند بدهشه / قولي لهن اني بنت مثلهن ولا خايفات اني احسدهن

جاسم كاتم ضحكته من هند واستغرابها

ام موضي / يمك هذي من طبايع اهل الديره

هند مستغربه / وانا شلون اجلس معهن وهن كذا

ام راشد قامت لدولاب ملابسها وفتحته وخذت شي ورجعت

مدت ام راشد الغرض لهند ام راشد / خذي يابنتي

هند مستغربه / شنو هذا

ام راشد / برقع ابيك تلبسينه على وجهك لجلستي مع الحريم

هند بصرخه / شنووووو

ام راشد / لو تبين رضاي طيعيني مابي الحريم ينقدنك

هند اخذت البرقع تقلبه بين يدينها

هند / شلون بلبسه

ام موضي / ما يبي لها شطار الخط حطيه فوق خشمك الله الله بدعج العيون ( المقصود الكحل)

هند / ههههههههههههههههههه شنو دعج العيون

جاسم بحب / ههههههههه الكحل

هند / لازم اتكحل

ام راشد / ايه يمه والبرقع الي بين ايدين برقع دلع ما يلبسه الا البنات

هند / هههههههههههههه حتى براقعكم دلعتوها

ام موضي / ترى لبسك يمه ما يصلح هنا

هند باستغراب واطالع بلبسها / اجل وش يصلح

التفتت ام راشد لجاسم / يمك ليه ما قلت لزوجتك عن اسلوم الديره

جاسم / ما جاء وقته البركه فيك قولي لها

قامت هند وراحت لدولاب جدتها وفتحت دولاب الملابس وعيونهم تراقبها والكل مستغرب من قومت هند المفاجئة وستغربو لما توجهت لدولاب جدتها طلعت ثوب وسروال طويل مخطط يلبسنه العجائز

اختارت ثوب عنابي بارد خاص بالعجائز فيه نقط باغمق من لون الثوب والسروال نفس اللون مخطط بلون اغمق من لون السروال

اخدته وطلعت من عندهم والكل مندهش

طلعت لغرفتها بدلت ملابسها ولبست لبس جدتها وسروالها طلع الثوب اقصر من السروال وشافت نفسها بالمرايه سوت شعرها جديلتين وكانها تمثل بمسلسل بدوي

هند /هههههههههههههههه كاني بمسلسل بدوي تعالو يا خواني شفوني هههه بس احس بمتعه شي جديد

نزلت من غرفتها ودخلت غرفة جداتها والكل مندهش من شكلها جاسم مبقق عيونه فيها

هند صارت دور على نفسها ما تدري بالحركه دوخت جاسم

هند بمرح / وش رايكم فيني

جاسم /هههههههههههههههه

ام راشد مستغربه / يمه ليه لبستي ثوبي

هند / جده هذا بلبسه بالعشاء

ام موضي / هههههههههه والله انك محليتن الثوب اكثر من ام راشد

جاسم بنفسه / هههههه نعنبوها حتى بلبس جدتي تجذب وتغري

هند / جده متى العشاء علشان اتفنن بلبس البرقع وما هقيت ان البراقع يفتنني

ام راشد / بعد المغرب لازم تكونين تحت

هند / ان شاء الله انا طالعه برتاح بغرفتي علشان اصحصح للعزيمه

طلعت من عندهم وعيون العاشق المعذب تلحقها لين اختفت تمنى يرحمها من طلوع الدرج ويشيلها بين ذراعيه وراسها على قلبه تسمع دقاته ويدخلها غرفتهم مثل الازواج المحبين

جاسم في نفسه / يازين الاحلام لكن ليس كل ما يتمناه المرء يدركه

عند هند
المغرب

بغرفتها واقفه قدام المرايه سمعت طق على الباب وسمحت له بالدخول كان جاسم شافها قدام المرايه وماسكه البرقع بيدها

هند بطفش / جاسم ماعرفت البسه مو راضي يزبط

جاسم بحب / هههههههه انادي جدتي تلبسك

هند / لا

طالعت فيه باستفهام / تعرف بلبسته

جاسم / ههههههههه وش قالو لك الرياجيل يلبسونه

هند وبيدها الكحل تحاول تكحل عيونها

هند بصرخه / اووووووووف وش له الكحل ما عرف بسوالف البنات

جاسم / ما يبي لها شطاره تبيني اكحلك انا مستعد

طالعته هند باستغراب / من جد تعرف

جاسم بحب / تبين الصدق لا تبيني اجرب فيك مستعد

هند / مجنونه اسلمك عيوني مو لازم كحل

جاسم / من بيفك من جدتي

جالسه ترسم الكحل وتمسح وترسم وتمسح لين حمرت عيونها مسكت قلم الكحل و ومن القهر رمته بقوتها

هند بطفش / تعذيب هذي مو عزيمه شوف شلون عيوني ولعت وتحرقني الي بيشوفني يقول شاربه

جاسم مبسوط على الحوار الهادي بينهم

جاسم / البسي برقعك

حطته على وجهها هند / جاسم عفيه اربطه من وراء

جاسم ما ستوعب طلبها وخاف سامع غلط وتاكله بلسانها ثاني مره تقول له عفيه لما تكون هاديه يعتفس حاله وتضيع علومه

هند / اربط العله

جاسم قرب منها بحب وعشق ربط البرقع بيدين ترتعش ونشد عرق برقبته من ريحة عطرها

بعد عنها خاف تخونه نفسه معها

هند / هههههههههه وينكم يا خواني تشوفوني

جاسم / ههههههههه من بيصدق انك بنت الفهد

طالعته بقوه لان كلامه استفزها بقوه

هند بقوة / انا كذا لاني في مملكة جاسم لما كنت بمملكة الفهد كنت افضل

جرحته دمرته على طول قرب منها وسحب البرقع

جاسم بعصبية / مدامك بمملكة جاسم امنعك انك تلبسينه وتلبسين مثل هند الفهد

هند بنظره تحدي / بصفتك منو تمنعني

ناظرها بقوه / زوجك

هند بسخريه / هههههههههههههههههه كذبت وصدقت الكذبه والبرقع بالبسه عناد فيك

وسحبته من يده ولبسته والتفتت عليه

انهبل من عيونها بالبرقع الي تفتن وتعذب صدق الي قال ماهقيت ان البراقع يفتني

هند بصراخ / غرفتي اياني واياك تدخلها وشكل الهدنه الي بينا بالغيها وياليت من الليله تفارقني مابي شوفتك بالمكان الي انا فيه

جاسم عرضها ظهره وطلع وهو مجروح كان مبسوطه بهدؤها معه والظاهر الهدؤ الي يسبق العاصفه

يتبع