منتديات بنوته - عرض مشاركة واحدة

02-06-2012, 06:11 PM

في المطار

نزلت غاده من الطياره وهيفرحانه انه رجعت لهلها وكانت ماسكه يد اخوها بدلع

وصلت لصالة المطار وهيماسكه يد خالد

فيصل شاف غاده من بعيد عرفها بخالد اخوها لانها متمسكه فيهوحاول يقرب منهم من غير لايشوفونه

قرب اكثر وصار يسمع اصواتهم وهو مشتاقلكل شي فيها

قرب اكثر وصار يسمع اصواتهم وهو مشتاق لكل شي فيها

غاده / خلود حبيبي ابي اشتري هديه لماماتي

فيصل خلاص داخ وقلبه زادت دقاته وهو يسمع صوتها الي عذبه

خالد بعصبيه / انا تعبان ما صدقت اوصل ابي ارتاح بتمشوريني اسف خليها بعدين

غاده بستعطاف / خلووووووود

خالد بعصبية / ليه ما شريتي الهديه من هناك

غاده / فهودي كله يقول بكره بكره وجيت وللحين ماجت بكرته

فيصل يبتسم من كلامها نفسه يركض لها ويضمها لصدره المشتاق عسى تخف دقاته

غاده / طيب بحوس بمحلات المطار لعل وعسى القى شي يصلح

خالد بتعب / روحي لحالك احلمي اروح معك

فرح فيصل ان جته الفرصه واسرع من الي كان يتوقعها

تركت غاده خالد وصارت تمشي بالمطار وبعدت كثير عن خالد وفيصل يراقبها من بعيد ينتظر الوقت المناسب

دحلت محل ساعات واعجبها ساعه شرتها لهند باقي بتشتري لنوره وعدنان موصيه بشغلات يمكن تلاقيهم

دخلت محل شنط اعجبتها شنطة شرتها لخالتها نوره وفيصل يراقب تحركاتها من بعيد خايف تكشفه

وصلت لمكان فيه كراسي للانتظار خالي من الناس جلست ترتاح لانها لابسه كعب اتعبها بالمشي

فرح فيصل يوم شافها جالسه لحالها كانت تحوس با لاكياس على طول قرب منها

كانت مشغوله مانتبهت له جلس على رجوله قدامها وحط يده غلى ركبتها فزت من الخوف وهي تشوف

اليدين الرجاليه على ركبتها رفعت راسها وكانت صدمتها ا ن الي قدامها فيصل

حاولت تكون قويه ما تبيه يستغل خوفها

غاده بعصبية / شيل يدك جعلها الكسر

فيصل بسخريه / نسيتي اني زوجك وكنتي بين ايديني قبل ما تغدرين فيني

غاده بستحقار / وانت الصادق خليعي

فيصل شد قبضته على ركبتها بقوه

غاده بالم / أي اوجعتني

فيصل بوجع / موكثر وجعي مبسوطه بالي سويتيه فيني

غاده بعصبية / ارفع ايدك الي تسويه مايجوز

فيصل بحزن / ليش يا غاده ليش سويتي فيني كذا

غاده بعصبيه / لا تتمسكن قدامي انت الي خليتني اسوي كذا خطبتك لي بطريقتك اهانه لي ولخالي ولاهلي

قاطعها فيصل / انا خطبتك بطريقه هذي لاني ابيك ما بيك لغيري وعارف ومتاكد لو جيت بطريقه الي تبينها بانذل وانهان وبترفضيني

غاده بقوه / ليه تبي تتزوجني ولا اجاوبك علشان تادبني وتنتقم فيني لماماتي انت بتقهرها فيني وبتاخذ حق اخوك مني انا

انصدم شلون كانت كاشفته كان هذا بالبدايه لكن قبل كل شي يحبها ويعشقها

صرخت بوجهه / انا ماني لعبة لانتقامك انا عمري بحياتي ما ضريت احد وسال عني الجوهره اختك كنت بحالي لين طلعت بحياتي تبي ادمرني واجلس اصفق لك

فيصل منصدم من صراخها الي اول مره يشوفها بالشكل هذا المنفعل / ..........

غاده بحزن / عمري ما تكبرت على احد كل زميلاتي اقل مني بكثير عمري ما شفت نفسي باموالي الكل يحسبني بالجامعه فقيره مثلهم عمري ما كشخت بالغالي في الجامعه ابيهم مايحسون انهم اقل مني واكسرهم

غاده بوجع لاحظه فيصل / بعد عني يا فيصل اتركني لماماتي الي انحرمت من كل شي علشاني ماماتي طيبه والله طيبه كافيها جروح

كملت بقسوه / فيصل بعد عني ما بيك ما دانيك ماحبك اتمنى شوفت الموت ولا اشوفك تزوج وانا مستعده اتكفل بزواجك والعروس انا الي اختارها لك

قامت غاده من على الكرسي وقفت بتمشي سحبها فيصل ورجعها للكرسي وثبتها بيده وكمل كلامه

فيصل بصراخ / قولي لي الي بين ضلوعك شنو حجر ما تحسين بحبي لك وعيونك ما شافت شوقي ولهفتي لك يوم دخلتنا هههههههه دخلتنا الي حرمتيني من الاستمتاع فيك واحساسي باني معرس

بصراخ تدرين صباحيتي وين قضيتها ههههههههههههههههه بالمستشفى اصابني انهيار عصبي بسبتك
حطي عينك بعيني شوفي عيوني تفضح حبي لك حطي يدك على قلبي تسمعين دقاته

غاده / .........

بحركه جريئه منه كشف نقابها وهو متلهف ومتشوق لشوفت وجهها

صرخت غاده صرخه مفزوعه وفيصل التهم وجهها بنظراته المتعطشه نظرات العاشق الولهان المتيم مسك وجهها بين ايدينه صار يتحسس وجها بيده لمسته لوجهها اشعلت نيرانه وهي تحاول تتخلص منه لكنه اقوى منها

غاده بصراخ \ يا نذل لو فيك ذرة شهامه ما سويت الي سويته لكن النذل يبقى طول عمره نذل ياله فارق عني بقوم لخالد ينتظرني لو شافك ذبحك

فيصل بقوة / فيه شيئ نفسي اسويه فيك علشان تبرد النار الي بقلبي وعتبريه اخر ذكرى من فيصل

فيصل بكل قوته وبكل قهره الي ذاقه منها عطاها كف

من قوته طاحت على الارض شهقت غاده من قو الصدمه وبققت عيونها متفاجئة من الي صار عمر ماحد تجرء ومد يده عليها وهي دلوعت اهلها

جلست عشر دقائق وهي في حالة الا وعي ونظراتها مركز على فيصل كبريائها منعها تبكي وتبين ضعفها لرفعت يدها وحطتها على خدها الي تورمت وازرقت من ضربته

فيصل بعد الضربه عيونه ما نزلت عنها يراقب انفعالاتها ويده توجعه من قو الضربه شلون خدها الناعم

غاده تفرك خدها بيدها تحاول تخفف الوجع

غاده بصراخ / يله تقلع فارق رجولتك عند الحريم انت اجبن من انك تواجه خالد اخوي

فيصل عرضها ظهرها ومشى ولا عبرها على انه من داخله الم ووجع بسبب الكف الي كانه صايبه هو

غاده تنتفض من العصبيه وبصراخ / والله راح تذكر ذا الكف وتندم وتتمنى ان يدك انكسرت ولا مديتها اوعدك قريب وانت تعرفني افعالي تسبق اقولي والكف بيجيك كفوف

بعد ماسمع كلامه طلع من المكان الي كانت فيه وطلع برا المطار وركب سيارته وطلع لبيت امه

غاده وقفت وعدلت ملابسها وجمعت اكياسها ورجعت لاخوها خالد

خالد بعصبيه / ليه طولتي

حذفت نفسها في حضن اخوها خالد وصارت تبكي وتشاهق

خالد خاف عليها / وش فيك غدويه صاير شي

رفعت نقابها ونفجع خالد من الي يشوفه وواضح طبعة الاصابع

خالد بصراخ / من الي ماد يده عليك

غاده وهي تبكي / فيصل

خالد بعصبية / النذل وصلت معه يضربك والله لاردها له وخليه يحرم يمد يده ماعاش من يمده على خوات خالد

طلعو من المطار للبيت اول مادخلت غاده سلمت عليهم بسرعه وهي لابسه نقابها وبعد ما سلمت دخلت غرفتها بدون ولا كلمه لاحظت هند ان غاده فيها شي مو طبيعي

لحقتها للغرفه شافتها منزله راسها تبكي خافت وعلى طول ركضت لها رفعت هند وجه غاده وانصدمت من طبعة الكف على وجهها

هند بعصبيه / خالد الي ضاربك

غاده هزت راسها بلا

هند بنفس العصبيه / اجل منو الي مد يده

غاده / فيصل

هند \ كيف قابلك

غاده / قالت كل الي صار

هند بعصبية / طيب يا فيصل جنيت على نفسك انتي ارتاحي وحطي كمدات على خدتك وهو شغله عندي

طلعت هند من عند غاده وهي تغلي قهر شلون تجرء ومد يده على بنتها هذي اهانه لهند

هند في نفسها / رسالتك وصلت وبتستلم رسالتي قريب

عند فيصل

في سيارته يطالع بيده الي تحسست وجه غاده قربها من فمه وباسها بقوه كره نفسه شلون عطاها كف هي خلته يفقد اعصابه ويضربها

فيصل في نفسه / اخيرا شفتك يانظر عيني اه ليه تكرهيني وانا احبك تفضلين الموت علي وانا اعشق تراب رجولك ليه يا غاده والله لو تلفين الكون مراح تلقين قلب يحبك كثري

وين يا فيصل بتبرد قلبك فيها شوفتها اشعلت نيرانك اكثر ليه انسحبت ما قابلت خالد الحين اثبتت شكوكها اني خايف من المواجهه ما تدري اني متوجع من الكف الي عطيتها ولا ابي اضعف قدامها

وصل للبيت لقى امه وجاسم جالسين بالصاله بدون كلام يتغدون

فيصل / السلام

ام جاسم طالعته بنظرات كلها عتاب والم على حال عياله / وعليكم السلام

اشر له جاسم انه يحب راسه ويعتذر منها

قرب منها فيصل وباسها على راسه

فيصل / يمه دخيلك كل شي ولا زعلك علي

ام جاسم / ...........

فيصل / يمه تكفين لا تزودينها علي

ام جاسم / تستاهل ماجاك واكثر منه

فيصل / يمه احنا ما اجرمنا

ام جاسم بعصبيه / ماقول الا عز الله ماعرفت اربي مدامك مبسوط بسواتك الي تسود الوجه بصرخه فيصل روح لغرفتك والمكان الي اجي فيه اياني وياك اشوفك فيه لا تخلوني اهج لديره وافتك منكم بدال ما يصيرن ثنتين رمينهم عيالهم يصرن ثلاثه انتم نسخه من عمكم وخالتكم

فيصل وجاسم / اوجعهم قلبهم على كلام امهم

شوي الا هنديانا داخله واضح انها معصبه

هنديانا قربت لفيصل وبكل قوتها ضربته كف اقوى من كفه لغاده

هنديانا / هذي رساله من هند تقول هذا جوابها بالي سويته بغاده

التفتت على ام جاسم / هند تقول لك علشان خاطرك ومعزتك عندها هذا ردها على واحد تعدا على اختها بمكان عام وضربها كف وكشف وجهها وهي محرمه عليه

وتقول لك ربي عيالك خليهم يعرفون ان لبنات عمهم حرمه وان الي يرشهن بالماء بترشه هند بالنار والمره هذي مراعيه خاطرك وقدرك عندها المره الثانيه يمكن تفقد اعصابها وتسوي شي يضرهم

وطلعت هنديانا مثل ما دخلت وفيصل مرمي على الارض يتوجع من قو الكف

قامت ام جاسم وطلعت لغرفتها ساعه الا نازله بشناطها

على طول تراكضو لها وهي مطنشتهم طلعت برا البيت ركبت مع سواقها راحت عند بنتها الجوهره

في بيت ام جاسم

بعد ماطلعت ام جاسم من بيتها التفت جاسم ونظراته كلها غضب من فيصل الي يتوجع من الم الكف الي من قوته حس بالم شديد باذنه ووجهه متورم

جاسم بصراخ / الي قالته صدق

فيصل بوجع / ايه

جاسم بعصبيه / اعجبك الي صار لك قدام امي لو صار لمي شي بتنبسط

فيصل / ...........

جاسم بوجع / انت تعرف مستحيل ان هند تسكت على الي سويته ما فكرت والمصيبه انك مجرب زعلها

فيصل / هي استفزتني وغصب عني ضربتها

جاسم بجديه / حنا وش قلنا لها بمكتبها ما قلنا نسينا ان لنا بنات عم

فيصل بحزن وقهر / اذا قدرت تنسى هند انا ما اقدر قلبي الي وداني لها المطار كنت ابي اشوفها اعاتبها املي عيوني من شوفتها لكنها جرحتني وطعنتي ومسحت بكرامتي الارض من غير شعور مني ضربتها

والله يا جاسم ندمان اني ضربتها اوجعني قلبي عليها وهي طايحه بالارض تكابر مانزلت دمعه من عيونها

جاسم بوجع اكبر من وجع فيصل / طيب والحل ندفن نفسنا في ذكراهن وهن مادرن عنا
شوفني اعالج قلوب الناس وقلبي ماني قادر علاجه

فيصل / ااااااااااااااااه يا جاسم نفس غرورها وقوتها الي ذبحت قلب اخوك

رحت لها المطار بروي شوقي لكن زاد بعد المطار ماضنتي ان فيه امل نجتمع كلن بيروح لطريقه

انا قررت اشغل نفسي بشركتنا بذبح نفسي بالشغل لين انسى وانت اشغل نفسك بالمستشفى لين تنسى لكن ما ضنتي الي يعشق يقدر ينسى

جاسم / وامك شلون بنراضيها

فيصل بحزن / خلنا ندري وين راحت

جاسم / اكيد عند الجوهره

فيصل \ خلنا نكلم نواف ونساله

يتبع