منتديات بنوته - عرض مشاركة واحدة

02-06-2012, 06:08 PM

اليوم الثاني
في بيت ام جاسم

كانت ام جاسم والجدات وفيصل وجاسم بالصاله جالسين استغربو من حرمه داخله عليهم بشناطها

نزلت عباتها وشيلتها وقربت منهم وجلست جنب جاسم الي انفجع من شوفتها كان ناسيها تذكر انها مصيبته

هنديانا بطبيعة شغلها مع هند تكشف وشكله المرعب كفيل انه يبعد الناس من التحرش بهند

ام جاسم والجدات متروعات من شكلها ام جاسم مركزه نظره على فيصل وجاسم الي واضح عليهم الذهول

ام جاسم مستغربه / من ذي

سكت جاسم وسكت فيصل والنظرات كلها لهنديان

هنديانا وهي تحط يدها وراء ظهر جاسم / انا زوجة جاسم

جاسم منقرف من قربها وتقرف اكثر من لمسها له هو حرم على نفسه الحريم بعد هند اذا ملمس هند مراح يلمس غيرها

فز وغير مكانه وجلس بعيد عنها

ام جاسم / هذي وش تقول صدق زوجتك

جاسم بوجع / قولي مصيبتي

الجدات ساكتات خايفا من هنديانا لان شكلها مجرمه

ام جاسم بصراخ / شلون تاخذها على هند وش تبي فيها

هنديانا بقوة / جاسم تزوجني انا ماتزوج هند

ام جاسم بعصبية وصراخ / تكلم يا جاسم ولا وربي لغضب عليك

جاسم بوجع / قال لامه كل شي

ام جاسم بعصبيه وحزن / تستاهل الي سوته فيك الي سويته مع بنت عمك ما يسويه رجال عنده نخوه وغيره صرت نسخه من عمك حرام فيك هند زين سوت فيك هذي الي تصلح زوجتك

ام جاسم / تعالي معي دخلي اغراضك في غرفتكم

قبل لا تطلع التفتت له / من الليله تنام معها بنفس الغرفه وياويلك لو اشوفك نايم برا

فيصل وجاسم انقهرو من ردت فعل امهم واجبار جاسم ينام معها وهو كارهها ورافضها

جاسم وفيصل طلعو بغرفتهم انسدحو على سرايرهم و كلن سرحان في تفكيره

جاسم في نفسه / تجبريني انام معها لكن مستحيل تجبريني المسها شوفتها تخليني استفرغ كيف ان جسمي يلصق بجسمها قلبت كبده من مجرد الفكره

جسمي محرم على كل الحريم الوحيده الي حلال عليها هند اااااااااااااه ياهند ياعذابي نفسي بنظره مسروقه اطفي شوقي وحنيني دخيلك ردي علي روحي ارحمي حالي صرت خيال انسان

فيصل يفكر بغاده الي قريب بتصير زوجته ويطلع عذاب جاسم فيها ويحرق دم هند في بنتها

في الشركه
عند هند

كلمها المحامي وقال انه خلص الاوراق طلبت منه يحطهم عند السكرتيره دخلت السكرتيره بالاوراق وهي فرحانه انه بتبرد قلبها فيهم

لبست عباتها وطلعت لمكتب خالد

هند / خالد فيه مشوار ابيك تروح معي ضروري

خالد مستغرب / وين

هند بفرح / تعال وانت تعرف وين بتكسب فرجه وبلاش

خالد ابتسم / مدام فرجه وبلا ش انا سابقك

طلعو ووصلو لعماره بحي قديم

خالد مستغرب / ليه جايبتني هنا

هند / لا تستعجل امش معي وبتشوف

وصلت لشقة راشد وطقت الجرس فتحت لهم موضي

استغربت موضي وجود هند

هند بحقد / ياليت تتسترين اخوي خالد بيدخل معي

دخلت ولبست نقابها وعباتها وطلعت

هند رفعت نقابها وابتسمت ابتسامة سخريه

هند بسخريه / ياشاطره لجيتي تلعبين العبي مع ناس قدك

موضي بحقد / خير جاية بيتي وتهنيني

هند بسخرية / ههههههههه عندي خبر يمكن يجلطك

موضي بحقد / مايجي من وراك الخير

هند بقوة / هالمره اعترف مراح يجي من وراي الخير لاني شريت كل الي تملكينه ومثبت بالمحكمه

موضي كان ماء بارد انصب عليها جلست على الكنبه

هند بحقد / هذي فلوس راشد الي سرقتيها الي سرقهم من امي ساره

موضي بضعف / رجعيهم والله ما تعرض لك ولا اخلي راشد يقرب منك

هند بقوة / انا سيدت اعمال والصفقه اذا باتنازل عنها لابد يكون هناك اكبر منها

موضي بانكسار / قولي الي تبينه

هند مدت لها شيكات / ابيك تختمين على الشيكات بخمسين مليون

موضي بخوف / ليش اختمهم

هند يقوة / علشان اضمن انكم تفكوني من شركم لاني بستخدمهم ضدك لضايقتوني

موضي بشك / وش يضمن انك صادقه معي

هند بعصبيه / انا هند الفهد اسئلي عني ماقول كلمه وسوي عكسها وان عطيت وعد قده

موضي بستسلام اخذت الاوراق وختمتهم

هند / من بكره بترجع لك ممتلكاتك من غير لا يدري راشد

موضي / وراشد بتتركينه بسجن

هند بقوه / راشد خليه يستوي شوي وبعدين اطلعه بشروطي

خالد مستمع وعاجبه تصرف هند عرفت تبعدهم عنها بطريقتها

طلعت هند من عند موضي وهي فرحانه قررت تمر السجن بتتفاهم مع راشد

هند / خالد ودي الشرطه بتفاهم مع راشد

خالد نستغرب/ متى سويتي كل هذا ومن ورانا

هند بوجع / لازم انزع شوكتي بايدي

عند الشرطه

وصلو طلبت من الضابط انها تقابل راشد جالسه تنتظره دخل عليها وهو يغلي كره وحقد عليها

جلس طالعها بنظرات كلها كره وحقد

راشد بكره / خير وش عندك فيه بنت ترمي ابوها بسجن وموصيه انهم يعذبونه

هند بعصبيه / ابوي دفنته لا عاد اسمعك تقول ابوك والعذاب الي شفته ما يجي شعره من العذاب الي عيشتنيه طول السنين

راشد / ليه طالبتني

هند بقسوة / اذا تبيني اتنازل توقع تعهد اني ما شوفك وان شفتك مثل ما دخلتك السجن شهر اقدر اخليهم يعدمونك وافتك منك وانا قول وفعل

راشد باستسلام / وينها اوراقك بوقعها

مد الظابط الاوراق لراشد وقعها بعد ماوقعها طلعت هند وتركته وهو حاقد عليها

الايام تمر بسرعه

وفيصل يتجهز لزواجه اختار افخم القاعات وحجز تذاكر سفر لتركيا وجهز جناحه الخاص فيه بافخم الاثاث
جاسم على حاله تعبان وكل يوم اسوء من اليوم الي قبله وعلاجه بيد هند

ينام بالغرفه مع هنديانا هو ينام على الكنب وهي على السرير حاولت تتحرش فيه اكثر من مره مالقت منه الا الصد وكل ماقربت منه دخل الحمام يستفرغ فقدت الامل فيه وصارت تاخذ تعليماتها من هند الي تنفذ اوامرها

وهند تجهز لزواج غاده وشرت لاختها فستان فخم

غاده متحمسه لزواج متحمسه للاكشن وخايفه ان الخطه تفشل وتتورط

ليلة زواج فيصل

كان خايف ومرتبك خايف تصير لعبه من الاعيب هند تفسد عليه فرحته علشان كذا باشر على كل الترتيبات بنفسه وعزم يدخل بالصاله ويجلس معها خاف يبدلونها مثل ماسوو في جاسم

ليلة الزواج
عند الحريم

غاده لابسه فستان ابيض فخم ومكياج فخم وطالعه ملكه كل الحضور يسمون ويذكرون الله خايفين عليها من العين وكوشتها فخمه ومسكته من الفل الابيض

عند الرجال

فيصل بالبشت جالس بين اخوه ونواف وعبد الرحمن يغلي قهر من فيصل الي واضح عليه فرحان بانتصاره

عبدالرحمن / فيصل يله ادخل العروس تنتظرك

دخل فيصل بكل غرور العالم دخل معه اخوان غاده وخالها شاف عروسته بجمالها المبهر واقفه بثقه اطالعه بنظرات تحدي قرب منها اكثر وطبع قبله على جبينها كانت هند واقفه جنب غاده متغطيه قربت من فيصل الي كل حقد العالم لها

هند بصوت واطي / تزوجت غاده غصب عنا ياليت تحافظ عليها

فيصل بنظرته الي تحرق / ان شاء الله

التفت فيصل على غاده بيمسك يدها اسحبتها انقهر من تصرفها اهم شي صارت ملكه لاحق على التاديب خله ينبسط انه معرس

فيصل بسخرية / البسي عباتك واقف انتظرك انتم ما ينومن لكم تغدرون بالواحد

غاده بتحدي بصوت واطي / الحرب خدعه

فيصل / هههههههههه المره انا الي فزت بالحرب

وقف ينتظرها تلبس عباتها لبست على عينه وحاول يمسكها يمشيها معه لكنها رافضه مشو طلعو برا القاعه ركبت السياره الي يسوقها جاسم جلست غاده وراء وجلس فيصل جنبها

جاسم بحب / مبروك يافيصل صبرت ونلت

فيصل بيقهر غاده / الله يبارك فيك ناس يبيلهم ذكاء وتخطيط علشان تتعامل معهم

غاده منقهره في نفسها / بتشوف ذكائك وتخطيطك وين بيوصلك هين

وصلو للفندق نزلت غاده محتاسه بفستانها حاول يساعدها فيصل بس طنشته سبقها وهي تمشي وراه وصلو لجناحهم سكر الباب وغاده بدت ترتجف من الخوف

فيصل بقوة / شيلي عباتك خليني امتع عيوني بشوفتك

نزلت عباتها تقدم لها فيصل بيبوسها حطت يدها وصارت البوسه باليد

غاده بخبث / الاستعجال يحرق الطبخه

فيصل بجدية / بعد العشاء نتفاهم غيري ملابسك

دخلت الحمام خذت شور بدلت لبست فستان ناعم ابيض يوصل لركبه ولبست حذيان شريك بيضاء وستشورت شعرها وحطت مكياج بسيط

طلعت لقت فيصل جالس وقدامه الاكل لما حس بوجودها التفت شافها انبهر من جمالها الفاتن
جلست مقابل له وبدت تاكل وهي تدعي ربها ان الليلة تمضي على خير

غاده برتباك / فيصل

فز فيصل / اول مره اعرف ان اسمي حلو لما نطقتيه امري

غاده بخوف / الليله ما بيك تقربني

فيصل رفع حواجبه مستنكر كلامها / ليه ان شاء الله متزوجك زينه

غاده مقهوره تحاول تنفذ كلام هند / بس الليله والله من بكره عادي وبسلمك نفسي برضاي ولا تفضل الغصيبه مثل زواجنا

فيصل اقتنع ليه يستعجل الايام وراهم بيملون من بعض

فيصل بجديه / بس الليله بكره اذا مو برضاك غصب عنك

فيصل في نفسه / كيف بقاوم الجمال الي قدامي الي ما صدقت اني امتلكه الله يصبرني

غاده في نفسها / نص الخطه انجحت الباقي على ماماتي

يتبع