منتديات بنوته - عرض مشاركة واحدة

02-06-2012, 11:37 AM

اليوم الثاني

في بيت عبدالرحمن

قامت هند كالعاده دخلت الحمام اخذت شور وتوضت وصلت الفجر وقربت من السرير وتمسح على شعرها

هند / غاده قومي صلي

قامت بنشاط لانها نايمه بدري وشبعانه نوم

غاده / صباح الخير لاحلى ام

هند / ما شاء الله النفسيه تمام اليوم

غاده / شبعانه نوم نايمه بدري

باستها هند / دوم ان شاء الله النفسية تمام لاني برتاح من تقويمك ودلعك الصبح

غاده بزعل / ماماتي انا دلوعه

هند بحب / واحلى دلوعه يقلب ماماتك ياله قومي لا يفوت وقت الصلاه

قامت غاده ودخلت الحمام تاخذ شور وتتوضا وهند حاسة قلبها مقبوض كان فيه مصيبة بتصير

هند / اعوذ بالله من ابليس اللهم اجعله خير طلعت لخالد تطمن عليه لقته داخل غرفته

هند / خلود انت بخير

خالد / ايه الحمدلله

اخذت يد خالد وحطتها على قلبها هند بضيق / خالد تسمع ضربات قلبي حاسه بخوف من قمت وانا متضايقه

خالد ويده على قلبها ويحس بسرعه بدقاته وكانه بيطير من مكانه

خالد بخوف / بسم الله عليك هنوده وش صاير

هند بضيق / مدري احس قلبي كانه بيطير من ضلوعي

خالد ضمها على صدره يبي يخفف عليها لكن ضربات قلبها تزيد خالد خاف عليها شكلها مو طبيعي

خالد/ هنوده اوديك المستشفى

هند / لا مايحتاج بروح لخالتي

رحت هند لنوره طقت عليها غرفتها استغربت نوره ان هند عند الباب

هند بضيقه / خاله تسمحين لي ادخل

نوره بحب / يقلب خالتك ادخلي بدون استاذان

هند بضيق / خالتي مدري اش فيني من اصبحت وقلبي مقبوض وتاخذ يد نوره وتحطها على قلبها انصدمت نوره من سرعت دقات قلبها

هند مو من طبعها تشكي طبعها كتومه اول مره تلجا لنوره وهي تعترف بخوفها

نوره بقلق/ بسم الله عليك تعالي معي باقي وقت على دوامك لو ماتروحين احسن

هند / ماقدر عندي اجتماع وانتي تعرفيني عند الكلمه الي اعطيها لناس

اسحبتها نوره وجلست على الكنب وحطتها بحضنها وهي استسلمت لنوره كانها تدور الامان جلست نوره تقراء عليها قران وتنفث عليها لين هدت وخفت ضربات قلبها

قامت من حضن خالتها وباست ايدين نوره بحب وامتنان

هند بحب/ الله لا يحرمني منك يالغاليه جعل يومي قبل يومك

نوره / ولا يحرمني منك وانا امك خفي على نفسك من الشغل العمر يخلص والشغل مايخلص

هند / تامرين يالغالية

دخلت غرفتها لقت غاده لابسه وخالصه غاده / ماماتي لا تاخريني محاضرتي بدري اليوم

هند / ان شاء الله تحسبيني غاده اجلس ساعه لين اخلص كله البس واطلع

غاده / طيب انا بطلع افطر لين تخلصين

هند لبست تنوره جنز وبلوزه بيضاء وشعرها لامته بعضاضه وجزمه واطيه لونه ابيض

لبست عباتها ونزلت لقت غاده وخالد يفطرون جلست معهم

خالد / هنوده كيفك الحين اذا تعبانه ارتاحي انا احضر الموعد بدالك

هند / تسلم يالغالي لا الحمدلله بخير وانت بتكون معي بالاجتماع

خالد بخوف / اذا حسيتي زاد عليك التعب حلفتك تقولين لي

هند / ان شاء الله

غاده / ماماتي اش السالفه

هند / اتدلع على خلود بشوف غلاتي عنده

غاده / حركاااااااااات ماماتي وصرنا ندلع

خالد وهند / هههههههههههههههه

هند / ياله مشينا لا تتاخرين ويحسبون لك غياب

غاده / حاضر ماماتي بس البس نقابي

خالد/ بسبقكم لسياره لا طولون علي

طلع خالد ودقائق لحقته هند وغاده وفي السياره هدوء وصلو غاده للجامعه وكملو مشوارهم لشركه و
هندعلى غير العاده ساكته والضيقه مالها تزود

خالد بخوف / هند انا ماني مرتاح لحالتك اليوم

هند / لا تطمن مافيني الا كل خير يمكن سالفت خالي بدر ماثره فيني

خالد بشك / ياليت هذا السبب

وصلوا لشركه على الساعه 8 دخل خالد مكتبه ودخلت هند مكتبها نزلت عباتها لانها حاسه ماتقدر تتنفس من كثر الضيقه

اضغطت على جرس السكرتيره جتها بسرعه

هند / الله يعافيك ابي كافي

السكرتيره / حاضر انسه

دقائق وجابت السكرتيره الكفي شربته

بيت راشد

دخل راشد غرفة جاسم يصحيه ويذكره بالموعد

راشد / جاسم قوم تجهز موعدنا مع الشركه

جاسم فتح عيونه بكسل / كم الساعه ياعمي

راشد / الساعه ثمان ونص

جاسم / بدري باقي ساعه ونص

راشد / وراك لبس وفطور ولا تنسى الطريق الشركه ماهي قريبه يبينا فوق النص ساعه لين نوصلها

جاسم / خلاص قايم

طلع راشد من الغرفه نزل تحت وكانت موضي جالسه على طاولة الطعام

جاسم دخل خذا له شور ولبس ثوب ابيض وغتره ونزل لقى عمه وخالته جالسين يفطرون

جاسم / صباح الخير

موضي وراشد / صباح النور

جلس معهم وبدا يفطر والجو سكوت قطع عليهم صوت موضي

موضي / راشد عطني فلوس بروح لسوق فيه زواج اخر الاسبوع لبنت صديقتي بحضره

راشد / كم تبين

موضي / 5 الااف

جاسم جالس مستمع منقهر من خالته ومتاكد ان عمه بيعطيها لو يتسلف خالته ماترحمه صاير لها مثل البنك المتحرك جاسم وقف بيطلع يكره يكون بمثل هالمواقف

راشد / اذا جيت من الموعد مريت وسحبت لك الفلوس الي تبينها

جاسم / عمي انتظرك بالسياره

طلع جاسم وهو مولع قهر من خالته ومنقهر من سلبية عمه دقايق الا راشد ركب جنبه بطريقهم لشركه

في بيت بسام

قامت نجلاء وخذت شور ولبست بنطلون جنز وبلوزه حمل مزمومه من عند الصدر لونها وردي شيفون ورافعه شعرها بشكل فيضوي وحاطه مكياج صباحي وردي طالع شكلها رايق

نجلاء بدلع / بسومتي حبيبي قوم لا تتاخر على الدوام

بسام فتح عيونه وشاف نجلاء كاشخه

بسام بحب / شكلك اليوم ماتبيني اداوم وش هالزين على الصباح مو حرام اداوم واترك هالجمال واروح عند الوجيه الودره الي تسد النفس على الصباح

نجلاء بحب / تسلم حبيبي بس ياله قوم مابي عمي يزعل عليك ويقول ماخرب الا بعد ماتزوج ماترضاها لي

قام وضمها وباسها على خدها

بسام / اكيد مارضاها لك احد يرضى على روحه

شدت ضمته نجلا / بسومتي خف علي ماقدر على الكلام الحلو

بسام / ودي اعرف متى تخفين من ذا الحياء الي يدوخني

نجلاء سحبته بيده تقومه نجلاء / يله بسرعه لاني ودي ازور امي ما دامك بالشغل وانتغدا عندها لان امي طول النهار جالسه بالحالها

بسام / حاضرين يالحنونه الله لا يحرمني منك

نجلاء / ولا منك ياحبيبي

دخل الحمام ياخذ شور ونجلاء راحت تجهز الفطور

طلع من الحمام لبس ثوبه وشماغه ونزل لقى نجلا مجهزه الفطور افطرو وطلعو وصل نجلاء عند امها وهو كمل طريقه لشركه عند ابوه

في بيت ام بسام

الساعه 9 قامت ام بسام وقومت غاده بسرعه قامت ناويه تزور هند بالشركه من زمان عنها

راحت ام بسام لنوره الي كلمتها وقالت انها جالسه بالحاله

وغاده تجهزت والبست بسرعه وركبت مع السواق رايحه لشركه مرت على ستار بوكس وخذت كبتشينو وكرسون جبن اكلتهم بالسياره لان السياره مظلله وصلت لشركه ونزلت اسئلت عن غرفة هند ودلوها

في بيت ام نواف

نزل بسام نجلاء وكان معها مفتاح البيت فتحت ودخلت تفاجئت امها بزيارتها خافت

نجلا / السلا م

ام نواف بخوف / وعليكم السلام عسى خير وش هالزياره المفاجئة

نجلاء / افهمها طرده ماتبين زيارتي

ام نواف / انتي تعرفين الود ودي ماتتركيني بس خفت صاير بينك وبين بسام شي وذا زياره حياك الله توسعين صدري بدل جلستي لحالي

نجلاء / تسلمين يالغاليه اعرف غلاتي عندك زياره وعازمه بسام على الغداء عندك الله بالغداء السنع

ام نواف بحب / الله يحيك ويحيه والله معزته من معزت نواف ولدي ويبشر بالغداء

نجلاء / انا الي بطبخه انتي ارتاحي يالغاليه

ام نواف / الله لا يخليني منك

نجلاء / يمه وين فطورك تراني مافطرت مشتهيه افطر معك

ام نواف / الحين الشغاله بتجيبه بالعاده مافطر ماشتهي افطر بالحالي

نجلاء بحنان / يمه مايصير الله يطول بعمرك علشان خاطري كل يوم افطري علشان صحتك

ام نواف / ان شاء الله وانا امك

جابت الشغاله الفطور افطرن وتقهون

ام نواف / البارح كلمت نواف عن الزواج

نجلاء وهي ميته ان نواف يتزوج / ايه وش قال ليكون مثل العاده يتهرب

ام نواف / لا اصريت عليه ان ماقال اخطبي الي خلال شهر ولا ينسى ان له ام واني غضبانه عليه

نجلاء / قسيتي عليه يمه نواف مايستاهل انك تقسين عليه تعرفين غلاتك عنده

ام نواف / انا داريه انه مايقدر على زعلي علشان كذا قلت هالكلام من وراء قلبي بس لازم افرح فيه

نجلاء / الله يرزقه ببنت الحلال الي تبسطه وتعوضه حاطه احد ببالك

ام نواف / لا هو قال بيجيني ويقول اخطبي لي اذا جاء ذاك الوقت اخترنا العروس

في بيت عبدالرحمن

ام بسام ونوره افطرن وبعد الفطور دخلن في الصاله مجهزه نوره القهوه والحلى

ام بسام / امس لما كلمتك ماعجبتيني صاير شي بينك وبين ابو خالد

نوره / لا

ام بسام / اجل شنو الي ماغيرك لاتقولين ماصار شي لاني مراح اصدقك

نوره / قالت كل الي مضايقها

ام بسام / الله يهديك كل هذا شايلته وانا اخر من يدري انا اختك يانوره قبل لاكون صديقتك عمري ما تضايقت الا قلت لك الي مضايقني

نوره/ والله عارفه ماكنت ابي اقوله بالتلفون

ام بسام / صار خير الله يفرج كربته ويرده لزوجته وعياله

نوره / اللهم امين يقولون زوجته انهاااااارت يوم درت انه عايش المسكينه خذت العزا فيه

ام بسام / لا حول ولا قوة الا بالله الله يكون بعونهم والحين كيف حالها

نوره / حالتها ماتسر كلمت امس اختها تقول ضيقت صدورنا تقول ودوني اشوفه مانامت الا بالمستشفى عطوها ابره مهدئه وعلى كلامهم بيطلعونها اليوم العصر

ام بسام / محتاجين وقفتك معهم

نوره / اكيد الي اقدر عليه بسويه والباقي على ربك

في الشركه

كانت هند اطالع بساعتها باقي على الاجتماع اقل من ساعه طق الباب كانت غاده واقفه وراء الباب بتسوي مفاجئة

هند / تفضل

دخلت غاده المكتب غليها فرحت هند بشوفتها لانها من زمان عنها

غاده / قلت اطب عليك فجئة اليوم ماعندي محاضره

هند بحب / حياك الله الشركه منوره اثاريك زايرتنا وش تشربين

غاده / شكرا على الاطرا محد قدك مكتب شغل عدل وش رايك توظفيني سكرتيرتك بدال الشقراء الي برا خوفتني يوم شفتها تقول موضفين قطو

هند /ههههههههه ماتتركين سوالفك نزلي عباتك مراح يدخل احد مكتبي لان مضطره بعد 10 دقائق اتركك واحضر اجتماع

غاده بستهبال / ماينفع تاخذيني معك يمكن اشوف واحد من الي حاضرين الاجتماع مزيون واخطط عليه واحمي نفسي من العنوسه

هند / هههههههههه اثقلي اثقل زين وش تبين بالزواج

غاده / انا غاده ماني بهند انا ادور العرس دوره لكن عساهم العمى مايشوفون

هند / هههههههههههه منتي بصاحيه

وهي تسولف دخل خالد بسرعه بيقول لها عن وصول راشد وجاسم

انفجعت غاده لانها ماخذه راحتها بالمكتب وكاشفه ومنزله عباتها خالد عرف غاده حبيبته الي مانسى شكلها يكثر ماهو مشتاق لشوفتها وتحققت امنيه

هند بحزم / ليش مادخلت من الباب الثاني لغرفة الاجتماعات

خالد وعيونه مانزلت من على غاده المنصدمه

خالد/ محد قال ان عندك ضيوف

هند / طيب ادخل غرفة الاجتماعات وش فيك واقف

مشى من عندها و دخل غرفة الاجتماعات

هند / السموحه امسحيها بوجهي مكان يدري

غاده وخدودها محمره من الحياء مستحيه من الموقف

غاده بحياء / صار خير احضري الاجتماع وانا انتظرك هنا

هند / هههههههههه ترى على فكره الحياء مو لابق عليك

غاده / يالتبنه روحي احضري الاجتماع لاموتك بيدي

غرفة الاجتماعات لها بابين باب من مكتب هند وباب من برا للضيوف يدخلون منه وهند تدخل من مكتبها

لبست عباتها ونقابها وتسترت ودخلت للاجتماع

يتبع