منتديات بنوته - عرض مشاركة واحدة - لنعمل بكلام الله .. ( وأما بنعمة ربك فحدث ) أرجو التثبيت

02-03-2012, 12:40 AM

اكيد نعمه ماتحصى .. واصلاً اللي نعرفها من النعم مانقدر نشكرها ..

تسلمين بنوته على مشاركتك وتفاعلك .. ربي يكتب لنا الاجر بلا استثناء والله اكرم الاكرمين فله الحمد والشكر ..

نعمة دينية ودنيوية , بنفس الوقت /

كنت متخاصم مع واحد من اصحابي لفترة يمكن طويله ..

ويمكن قبل نرجع لبعض كنت اقدره ونفسي اتكلم معاه .. بس يمكن كل واحد راكب راسه استغفر الله بس

المهم في يوم من الايام على مااعتقد سمعت قول رسولنا الحبيب صلى الله عليه وسلم :

" لا يحل لرجل أن يهجر أخاه فوق ثلاث ليال يلتقيان فيعرض هذا ويعرض هذا وخيرهما الذي يبدأ بالسلام "

ويمكن بنفس الوقت شفت صاحبي مع شباك بيتنا يلعب كوره في الحاره .. فكرت اروح اسلم عليه ونتصالح

بس كان الشيطان يثبطني .. ( وش اقول له ويمكن مانعرف سبب مخاصمتنا .. طيب تخيل لو يتكبر واعتذر منه ومايتقبل

بيصير موقفي موقف واحد ذليل .. واتوقع كانوا فيه بنفس الوقت اصحابي ولي مكانه عندهم يعني صعبه انكسح قدامهم )

المهم الله سبحانه وبفضله كنت اتذكر الحديث واخاف فاعزم اني اكلمه .. ويثبطني الشيطان ومايخليني اروح .. واتذكر الحديث فااعزم على اني اكلمه

الى اني بفضل الله تذكرت انه الله قال ( ومن يتوكل على الله فهو حسبه ) وتذكرت الله وجوده وفضله وتوكلت عليه ((( بفضله سبحانه )))

وطلعت ولمن جيت عنده .. كان الشيطان يصعبها علي انو وش اقول وكذا .. لكن حدي وصلت عنده ..

ناداني باحب اسمائي اللي احب الناس تناديني فيه .. وجلس يقول كيف حالك ووو .. كأنه مافيه بيننا شي .. !!

فسبحانه الله .. ابتليت ليمتحني .. وبفضله فعلت الصواب وتوكلت عليه .. وارجوه يكتب لي الاجر

احمد الله واشكره لاحول ولا قوة لي في كل شي الا به سبحانه .. فاللهم لك الحمد على الوجه الذي يرضيك عني

(( الحمد لله رب العالمــــــــــــــــــــــــين ))