وعليكم السلام ورحمة الله وبركاته ..
أشكرك على نقلك للموضوع .. وعلى غيرتك لنساء المسلمين .. وعلى نصحك وامرك بالمعروف ونهيك عن المنكر
فالله برحمته وكرمه يكتب لك اكثر من ماتطمعين به وربنا اكرم الاكرمين ..
واحب انصح واضيف ..
1) البنات والنساء اللي يشوفون انهم مايلبسون اللباس العاري .. انصحهم بحمد الله وشكره وسؤاله الثبات
لانهم تستروا بكرم الله عليهم مو هم بانفسهم اللي تستروا .. قال الله ( وماتشاءون إلا أن يشاء الله رب العالمين )
2) والبنات اللي يحسون انهم مايقدرون يتحشمون في اللباس عشان الناس لاتقول عنهم انهم معقدات و فيهم وفيهم ..
اذكرهم بـ قول الرسول الذي مايكذب وكلامه حق صلى الله عليه وسلم وياليت لو نتأمل كلامه شوي ..
" من ارضى الناس بسخط الله , سخط الله عليه وأسخط عليه الناس
ومن ارضى الله بسخط الناس , رضي الله عليه وأرضى عليه الناس " او كما قال صلى الله عليه وسلم
يعني سبحان الله لو ترضي الناس بشي مايرضاه الله .. الله يسخط عليك ومو بس كذا .. !!
لا حتى الناس اللي تسخط الله على نفسك عشان ترضيهم عليك ويحبونك ..
تلقاهم مايرضون عليك ويطلعون فيك مية سبب عشان يكرهونك ويستحقرونك .. !!
اما خلي همك الله وارضيه .. صدقني ان رضى الله عنك بيرضي الناس عليك بإذنه.. واصلا ((( لو ))) مارضوا الناس عليك
مايكفيك رضى الله عليك .. ؟؟!
انا اذكر ((والله يثبتنا على طاعته)) لمن كنت مطول الثوب وعرفت انه حرام ومن كبائر الذنوب .. ((انعم الله علي)) فـ قلت بقصره الى فوق الكعب
وكان الشيطان يثبطني ويخوفني من الناس .. انهم يقولون وشفيه هذا مقصر ثوبه ليش معقد كذا .. او يقولون اني شحاد وكذا ..
وكانوا كل اصحابي مسبلين وماكان فيه احد يشجعني اني اقصر لكن الله كريم والله قادر على كل شي
كنت كل مايثبطني الشيطان .. يذكرني الله برحمته وكرمه بعظم ذنب مسبل ثوبه ..
وكان مررررره موقف صعب لكن تذكرت الله وانه هو اهم سبحانه .. فـ قصرت الثوب والحمد كلــــــــــه لله وحده
الشاهد من كلامي .. اني بعد ماقصرت ثوبي يمكن بالبدايه واجهتني صعوبات .. لكن سبحانه اشوف الحين بعد ماكنت ابي رضى الله
اشوف ان الناس راضيه عني وان لي مكانه بينهم مااحد يتخيلها ابد , عند اصحابي وعند اقاربي .. لكن الله يرزقنا الاخلاص ..
وكل اللي صار بفضل الله لاني مرررررررره ماكنت اظن اني اقصر الثوب والله اعلم
يعني اشوف ان البنت تتوكل على الله وتحتشم عشان ترضيه ولايهمها كلام الناس
اللي هو اساسا ابتلاء من الله عشان يشوف صدقنا في إرضاءه .. وكل ماشافت صعوبات وكذا .. تحاول تتذكر ان الجنه مايدخلها الا ممحص ..
قال الله ( أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين .. ) فانك تخالفين الناس وتحتشمين
اشوف انه من مجاهدة النفس ..
3) والبنات اللي يشوفون انه حلو ويعجبهم اللباس العاري .. حاولي تتفكرين في خسارتك .. فـ قد تدخلين النار كم ذكرت الاخت
في حديث الرسول صلى الله عليه وسلم .. و حاولي تتفكرين في خسارتك للجنه والحياة الحلوه اللي مالها نهايه بسبب لباس !!
اذا مانفع مع الكلام ادعي الله من قلبك .. انه يهديك ويحبب إليك الايمان ويزينه في قلبك .. لان كل من حب فعل الخير
حبه بقدرة الله .. فالله يثبتنا على طاعته ويهدينا اليه صراط مستقيما
احمد الله على مامنا علينا به فلاحول ولا قوة لنا الا به .. الحمد لله رب العالمين
وارجع اشكر الاخت وعسى الله انه ينفع فيها وفي نصحها ويرزقنا وياها الاخلاص في كل شي ..
وعسى الله انه يهدي كل بنت تبي الهدايه .. والله يستر كل بنت تبي الستر
هو اللي يحز في الخاطر ان بعض البنات قلوبهم طيبه وفيهم خير .. لكن يلبسون مثل كذا .. !!
من جد نسأل الله فهو القادر على انه يهدينا ويهديهم ..
وصلى الله وسلم على محمد ..
واعتذر عن الاطاله بس الله ينفع بكل مسلم ومسلمه ....