السلام عليكم ,,
اولاً احمد الله على كل حال ,, واحمد الله انه عافاني مما ابتلى به (بعض الناس) وفضلني على كثير من خلقه تفضيلاً
قبل كل شي هو من يمسك نفسه عن هالكلام انسان ربي متفضل عليه وياليتنا بس نشكر الله وما ننظر لانفسنا على اننا معصومين
الحمد لله رب العالمين ,,
بصراحه انا اشوف ان هذا المعلم مايستاهل انه يعلم اولادنا وبناتنا ,, لان الحين احنا نعلم الاطفال عن الاخلاق
وكيف كانت اخلاقه صلى الله عليه وسلم ,, وعن جزاء الاخلاق وان الله يحب الخلوق وكذا ,,
ولمن نحببهم بالاخلاق .. فيتحمسون على انهم يتحلون باحسن الاخلاق .. لكن بالاخير لمن ينظرون حولهم
ينظرون لقدواتهم واللي يظنون انهم هم اتباع النبي صلى الله عليه وسلم ويسبون ويتكلمون كلام وسخ
اش يجي بذهن اطفالنا ,, ؟!
ان هذا الشي عادي ومافيها شي ,, ولا لو كان فيها شي ماكان سواها المعلم اللي يشوفونه قدوه
يعني شي عجيب ,,
انا اتذكر سمعت كلام يمكن يكون مقارب لموضوع نقاشنا ,, هو ان الحين لمن نعلم شبابنا الدين والالتزام فيه
ونعلمهم العفه عن البنات والعكس والتقوى ومحبة الخير للناس وكذا ,,
وان الحياه حلوه وكلها عفاف فلا نساء يظهرن مفاتنهم ولا شباب يفتخر بمحبته للنساء ويتعلمون كل اخلاق حياة المسلمين
هم يحرصون على هذا
لكن لمن ينظرون للحياه وعلى واقع المسلمين الان يشوفونها بخلاف مايتعلمون ويفهمون ,, مثلا يشوفون بعض المسلسلات اللي اعتبرها اباحيه
ويشوفون الغش ويشوفون عكس كل شي تعلموه ,, هنا كيف بيتمسكون بما تعلموه .. ؟!
اختم بشكر الله بما من علينا به فلا حول لاحد ولا قوة الا بربه
واشكر صاحبه السمو على موضوعها ونقاشها الهادفه ,, واحب انكم اذا شفتو من انفسكم الاخلاق انكم تحمدون الله
لان الله هو المنعم ..
واسأل الله لنا الاخلاص في القول والعمل .. واسأله برحمته وعلمه فينا انه يجعل كلامنا هذا حجه لنا لا علينا
وترى انا من الشباب يعني هذا الكلام للجميع ,, والمعلم مو شرط معلم اطفال حتى لو كان معلم كبار
لان المتعلم يميل لشخصية المعلم ..
والله يوفقنا للخيرات ~