1 _ هل تفضل شـ خ ـصية حوآء أم جمآلهآ وأنآقتهآأ .؟!
1_ انا اصنف هذي الاشياء الى الاهم و المهم جدا و المهم ابدا بالاهم وهو شخصيتها بان تكون على خلق عظيم وتكون فاهمتني
و المهم جدا هو جمالها والجمال تكون جمال روحها اولا و ثانيا جمالها الجسدي
و المهم هو اناقتها و ان اتوقع بان الاناقه تكمن تحت جمالها .
2 _ مآموقفكـ تجآه دموع حوآء ( الأم _ الأخت _ الزوجه ) .؟!
2 _ اكيد دموع الام اغلى دمعه عند كل انسان او انسانه و دمعة الزوجه اكيد غاليه بس بعد غلا الام و اكيد لها مكانه الزوجه لانها في الاول
والاخير هي شريكت حياتي في كل شئ و دمعة الاخت ايضا غاليه لان كأخ لها اكيد بتكون غاليه عندي .
3_ مآرأيكـ بآلفتآه التي تطآلب بـ قيآدة السيآره .!؟>
3 _ شوفي قيادة السيارة قائمه على عقلية المجتمع لو نقول المجتمع الخارجي مجتمع مفتوح اكيد ماراح تكون هناك معوقات للسياقة المراة هناك
اما عندنا ما اتوقع انه صحي قيادة المراه لان مجتمعنا يحتم علينا بان قيادة المراه راح تكون سلبياتها اكثر من ايجابباتها لان لسنا متعودين على سياقة المراه
وانا رايي بان سواقة المراة في بلدنا الحبيبه لا اوافق عليها ابدا , لان راح تكون مشاكل والشباب ماراح يخلونهم على راحتهم .
( خارج النص ) { احنا مو ناقصين تسوق المراة زحمة السيارات تكفي علينا } .
4 _ في آلطفوله .. كيف كآنت علآقتكـ بـ حوآء .؟!
4 _ علاقتي كانت عاديه يعني زي اي صغير او طفل , براءة طفوله .
5 _ لو كآنت زوجتكـ مستقبلآ موظفه وانت كذلك موظف هل تنتظرهآ تصرف على البيت .!؟
5 _ في حال كانت موظفة راح نكون مكملين لبعض ما راح يصير فرق اذا صرفت انا او هيا ,, وجهى نظري بان المراه مو لازم بانها تتوظف
في حال انها تزوجت وراحت بيت زوجها و زوجها مو مقصر معاها يصرف عليها ما اتوقع انه ضروري بان تتوظف المراه لان المراه بالفطره هي
ربة منزل ومربية بيت و مربية اولادها اتوقع بان هذي اغلى واحسن وظيفه لها . وانا اتوقع بان الرجل له الوظيفه و المراه لها تربية البيت
يعني مو معقول بان تكون عكس المراة تتوظف و الرجل مربي لبيت طبعا كلامي مستثنى مثلا المراه اللي مو متزوجه او ارملة
او تصرف على اهلها لا انا مع انها تتوظف .
6 _ هل تبوح بأسرآركـ لـ أمكـ أو أختكـ .؟!
6 _ بصراحه مو كل الاسرار بس اذا تضايقت من شئ وهو سر لي اقول لهم عادي .
ومآهو رأيكـ بـ تـ ع ـدد الزوجآت .؟!
انا عن نفسي رااااح اكون لزوجة المستقبل لحالها وماراح اتزوج عليها باذن الله لو جتني اموال الدنيا كلها ., و رايي في تعدد الزوجات ما اشوف انه حلو
لان ماراح تحس بشعور الزواج و الحب بين الزوجين وانا افضل زوجة وحيده .. وهيا في الاول والاخير حسب ظروف الشخص مممكن يبغا يكثر في النسب .
7 _ برآيكـ .. هل إستمآع آدم لـ ثرثرة حوآء ( حب _ مجآمله _ يبي يفتكـ منهآإ ) .؟!
7 _ انا عن نفسي والله العظيم استمتع اذا جلست مع امي واخواتي وسولفت معاهم بالعكس على قلبي عسل واتوقع
لا هو مجامله ولا بفتك منهم بل حب {{ انا اتكلم عن نفسي طبعا ....
8 _ متى ترىَ حوآء ضـ ع ـيفه بَ نظركَ .!؟
8 _ ممكن و اتوقع اذا كانت تبغا شئ سواء من اخوها او ابوها او زوجها وانا اتوقع بان حواء هيا حلاوة الدنيا ,, اشوف بانها
ماراح تكون ضعيفه لان اللي مقويها اخوها او ابوها او زوجها . احب اوضح شئ كلامي مو متناقض بس انا قلت ممكن واتوقع ذلك السبب .
9 _ متى تسسقطَ حوآء من عينكـ .؟!
9 _ انشاء الله ما تسقط لانهم النصف الثاني لادم .. بس ما اقول سقوط بل تشويه سمتعها لذاته اذا كانت لا مبالها سواء لاولادها او زوجها
ولم تهم فيهم واهتمت بمشاغل الدنيا اتوقع هذ اللي يشوه سمعت حواء .
10 - جربت الحب ام مازلت تبحث عنه ؟!!
10 _ اذا كان حب اخواني واهلي فانا ولله الحمد احبهم واموت فيهم وبلاشك ,,
او اذا كان الحب الثاني , انا والله ما جربته ومازلت ابحث عنه ..
تحياتي لك يانرجس .