أحسن ماركه لعطرك ؟!
بصراحه ابداً مااهتم للماركات .. اخذ على حسب العطر
احسن ماركه لتي شيرتك ؟!
ههه مالبس تي شيرت
ثياب .. او ملابس رياضيه بااوقات الكوره
احسن ماركه لساعتك ؟! و مآركة سآعتك الحآليه .؟
انا ماهتم للماركات الشي الحلو أخذه .. مدري والله
بس شكل ماركتها طيبه لانها هديه من اختي .. واختي لها بالماركات
هل تستخدم النظاره الشمسيه ؟!
لا
وش صفات الرجل الكشخه بالنسبه لك ؟!
أن يكون لبسه لايق ومرتب .. وريحته طيبه
وابداً مااحب الاسراف في التكشخ وكذا .. الانسان قيمته بقلبه ورحه
وش الحد اللي توقف عنده وانت تشتري ملابسك مثلاً ؟!
مني مطوع 1) بس اوقف على الملابس اللي ماترضي الله
<< لان الله لو رضى عن ملابسي اكون وصلت القمه
ورضى الناس غاية لاتدرك
2) واللي اشوفها ماهي لايقه او غجريه او فيها تقليد للكفار
لان من تشبه بقوم فهو منهم .. واعوذ بالله اخسر الجنه عشان لبس !!
رحتَ السوق وشفتّ تي شيرت عجبك وش السعر اللي بتدفعه عليه كحد اقصى ؟!
مالبسها .. بس لو حصل واعجبتني ..
ادفع الشي اللي اشوف انه مافيه اسراف ..
كم تي شيرت تملك وكم جينز عندك ؟!
مدري .. بس ماصرت البس
لاني اما العب كوره .. او اكون بثوب وكذا
هل انت من اللي يحكم ع الاشخاص بالمظاهر ؟
والله مااحكم على نفسي اني من اللي يحكم على الناس من المظهر ولا لا ..
بس فيها ناس ينحكم عليهم من اسلوبهم في اللبس
كم عطر عندك ؟!
مدري ..
وش تفضل تلبس الثوب والشماغ او الجينز والتي شيرت ؟!
الثوب .. الشماغ احبه بس يطفش ببعض الاوقات << اتوقع الاخوان مقدرين وضعي ههههه
كم تصرف على كشختكّ في كل شهر ؟!
مش شهرياً .. لكن بين فتره وفتره ..
مو محدد على حسب اللي ابشتريه ..
وش أغلى عطر شريته وكم سعره ؟! وأذا ممكن تحط صوره من عندك له او تكتفـي بـ اسمه !
بصراحه اغلب العطور تجيني هديه .. واغلبها من اخواتي ربي يهديني وياهم
بس فيه عطور رخيصه مره .. واللي يهمني ان ريحتها حلووووه بخمسه ريال !!
وتنشال في الجيب .. عشان كل بعد فتره او قبل الصلوات تتعطر منها .. وهذي صورتها
كيف الاناقه معك ؟!
ههههه نتزاعل اوقات .. ونتراضى باوقات
وانت رايح تشتريّ لكّ ملابسْ تهتمّ أكثر باللون ولا الماركه ولا السعر ولا الموديل ؟!
اي شي اشتريه اهتم بالشي نفسه .. لكن اوقات السعر والماركه تلعب بالرأي ههههههه
كم مره تروح السوق في الشهر ؟!
ماروح بوقت محدد .. عند الحاجه بس
متى أخر مره رحت السوق ؟!
خخ مدري << سؤال محرج
أكثر لون تحبه في ملابسكْ ؟
الاحمر .. الاسود ..
<< وألوان كثيره العنابي .. البيج .. الاخضر الداكن .. إلخ
اتمنى ان اجوبتي .. تعجبكم .. وكذا احس اني تورطت مدري ليش ههههه
بترقب الشباب الثانيين ان شاء الله ..
ويعطيك العافيه يانرجس .. على نشاطك وتقاعلك الوااااااضح في المنتدى ..
اسأل الله يوفقك للخير