منتديات بنوته - عرض مشاركة واحدة - ღ في فراقگ ما حزنت أبشرگ , و گانت الفرحه معاگ مسـافره ღ

11-12-2011, 10:26 PM

ღ في فراقگ ما حزنت أبشرگ , و گانت الفرحه معاگ مسـافره ღ

كنت لي ماضي و ما أبي أذكرك
و الغلط وياك ماني مكرره
قلت لك إحذر غرورك يكسرك
ومن يحبك واجب إنك تقدره
قبل لا تفكر تهاجر بأهجرك
و عِدِّنِي غيمة حنان مهاجره
مثل ما جمعتك أقدر أنثرك
يعني راسك لو رفعته أكسره
كنت لك مثل المواني أنطرك
لين طاحت من عيوني الباخره
لا تظن أبكي عليك و أخسرك
اللي مثلك لازم إني أخسره
يا القليل الباقي طاحوا أكثرك
في بحر دمع العيون الطاهره
بأبقى أكبر شخص مر بناظرك
و بتبقى أصغر من نويت أكبره
في فراقك ما حزنت أبشرك
و كانت الفرحه معاك مسافره
كيف ألوح لك و أجبر خاطرك ؟؟
و أنت احساسي مكسر خاطره !!
أشكر أعدائي كثير و أشكرك
من سبايبكم فقدت الذاكره
دارت الدنيا و تبيني أذكرك ؟؟
هو شفت منك خير لأجل اذكره !!
( إكتب السطر الأخير بدفترك ) :
القلوب البيض جداً نـــادره

منقــول