منتديات بنوته - عرض مشاركة واحدة

10-21-2011, 01:24 PM

.

.

.

نزلت عيونها للمكان اللي راقده فيه .. فـ الارض ومحطيه فرش جديم

ومغبر .. طرت على بالها روضه ..

( ضغطت على شفايفها بقهر وحقد وهي تقول ) : ليش انا مب مكانها ..!!

ليش انا ماييت بنت بوسالم بدالها .. وبدال هـ العيشه المغبره ..

طول عمريه بظل اكرهج واحقد عليج ياروضه يالمغروره ..

وما اكون انا بنت ابويه وما اخلي كل اللي يحبهم قلبج يتركونج

ويبتعدون عنج ..

( ابتسمت بخبث وهي تطالع على الـ tv اللي كان جدامها ) ..

.

.

>

<

.

.

بعد مرور يوم على ابطال قصتنا .. انتشر ضيـاء صباح جديد

مفعم بالحيويه والنشاط ..

الساعه 8:12 ص ..

كانت قاعده تتطالع على الـ tv بملل وفكيرها مول مب وياها

صحت من افكارها على صوت فون البيت وهو يصيح ..

تركته يرن مكانه ولا ردت .. ظل يرن ويرن وروضه مسويه طاف

وتتطالع عليه بملل ..

رفعت سماعه الفون عسب تقطع هـ الصوت المزعج ..

وهمست بهدوء : ألوو ..

....... : هلا والله .. هلا بـ هالصوت .. اشتقت لج حبيبتي ..

( سكرت عيونها وهي تكتم الغيض بداخلها وقالت ) : هذا شو يبا

داق .. الظاهر خاطره يتصفح .. يتحراني فـ مزاج حلو ورايق له ..

( ماسمع منها رد وقال بسرعه ) : خطيبتيـه بلاج ردي ..!!

صرخت بتعب وقهر : شــــــــوووو تبا خير .. مب كافي اللي سويته فيه ..

تتحرا عمرك يوم شردت ما اروم اييك فـ بوظبي ..

( فج عيونه بخوف وهو متأكد انه ورط عمره على حساب الفيصل

وقال بسرعه ) : انا مالـي خص ..

روضه وبقهر : ميـــــود اخر واول مره تسوى فيه جيه ..

انت ما فيك دم .. ماعندك نخوه .. ماتستحى تبيع بنات هلك بالبيزات ..!!

( ماسمعت منه رد بس سمعت السماعه يوم تتسكر )

نزلت راسها بألم .. وبهدوء غير معتاد نزلت السماعه وردتها مكانها ..

ردت راسها لـ ورا الكرسي وهي تتنهد بتعب ..

( رفعت راسها بسرعه وهي تسمع صوت اختها ) : خيـــر ..

منو ها اللي داق عليج ..!!

( ردت راسها مكانه وسوت طاف لـ أختها ) ..

( غمضت عيونها وهي تسمع صرخه اختها ) : ردي عليه ..!!

ولا طنشيني ..

( فتحت عيونها ونشت من قعدتها وتركت شما مكانها ) ..

حست شما انها بتنفجر من تصرفات روضه وتتطنيشها ..

( مشت روضه وظهرت من باب الفله .. ومشت فالحوي لحد ما وصلت

للباب المشترك اللي يفصل بين بيت بو سالم وبو راشد ) ..

حدرت بيت بو راشد وتوجهت على صوب الفله ..

واول ما حدرت لقت يزوي بروحها قاعده على طاوله الطعام

ومبوزه ..

جربت منها وسحبت كرسي وقعدت ..

رفعت يزوي راسها وشهقت بـ خوف وقالت بسرعه :

بسم الله الرحمن الرحيم ..

نزلت روضه راسها على الطاوله وقالت بهدوء : شايفه يني جدامج ..!!

( عقدت يزوي حيانها وهي تتطالع على حركات وهدوء روضه

الغير معتاد ) ..

قالت بسرعه : بلاج روضه ..!!

عرفت روضه انها بدت تجلب الشكوك ..

ابتسمت وهي تقول بمرح كاذب : شردت من البيت وماقلت

لحد حق احد ..

ضحكت يزوي وهي تقول : ليش ..!!

فجت روضه عيونها وهي تقول بصوت ناعس : شما نزلت ..

( انفجرت يزوي من الضحك وهي تقول ) : احين ها كله وشارده

والحاله .. بس لان شما نزلت .!!

( اكتفت روضه بـ ابتسامه ) ..

نشت روضه من قعدتها ورفعت راسها وخذت حبه زيتون وبلعتها

بسرعه ..

(ضحكت يزوي وهي تقول ) : والله محد بيضربج اكليها بهدوء بهدوء ..

حطت روضه ايدها على خدها وقالت : جــب ..

يزوي وهي تبتسم : ابا اعرف انتي بلاج اليوم جيه ..!!

( رفعت ايدها وهي تحركها فـ الهواء )

متخبله .. متيننه .. شي من هـ القبيل ..

نشت روضه وسحبت صحن الزيتون وسارت الصاله ..

صرخت يزوي بعصبيه : اييييييييييه يا وحش الزيتون رديه ..

شقايل انا نسيت انه محد يحط جدام روضه زيتون

( ضحكت روضه وسارت تقعد فـ الصاله ) ..

ما ثواني غير تتطالع جدامها راشد ..

حادر الفله ... التفت على الصاله وطالع روضه