منتديات بنوته - عرض مشاركة واحدة

10-06-2011, 02:03 AM

.
حدرت الفلـه وهي متوجهه لـ صـاله المفتوحه ..
جربت من الصاله وطالعت كل هلها متيمعين فيها ..
والمدخنه اللي كانت ع الجنب والضو بـداخلها ..عسب تنشر الدفئ بـ ارجى الصاله ..
ييت ويلست بهدوءها المعتاد فـ جنب وحده من الغنفات ..
وحطت ايدها اليسار ع خدها .. ويلست تتطالعهم وتسمع النقاش الي وكل ماله ينحد اكثر ..
ام سالم وهي ترمس بوسالم :بس يا أحمد (بو سالم) مايستوي ..انت بس توك قلتلنا ..
بو سالم ويطالع ع بوهزاع وبـ ابتسامه: وانا كنت اتريا اخويه يي عسب اقولكم .. وع فكره مابا اي شخص يتأخر ..فاهمين ..
روضه ألف علامات الاستفهام فـوق رأسها وطالعت ع البنات اللي موجهات نظرهن وبـ اهتمام يستمعن لرمسه عمهن ..
.
حولت نظرها لشباب وانصقعت وهي تطالع هزاع يطالع عليها بـنظرات مافهمتهن ..
بس ماسرع مانتبه انه روضه انتبهت له وحول نظره لـ محمد ...
.
نفضت الافـكار اللي بدت تنولد بـ رأسها وقالت بصوت هامس لـ حمدوه وايدها ع خدها : حمدوه شو مستوي ..مافهمت شي ..
حمدوه بهمس :بعدين بعدين ( وهي مركزه عيونها ع عمها ) ..
.
روضه فـ خاطرها : حشى شو مستوي ...؟
.
روضه ماقدرت تصبر .. ورفعت ايدها وضربت بـ الخفيف ع جتف حمدوه :قلتلج شو مستووي ..<<الفضول ومايفعل خخ
حمدوه بـ نفاذ صبر : معزومين معزومين .. زين جيه فهمتي
روضه وطالعت ع فوق ..ولوت بوزها :اونه معزومين ..انزين وين ..؟
وردت ترمس حمدوه : انززين وين ..؟
حمدوه بـ عصبيه :رووضه فكيني من شرج .. قلتلج معزومين ..
روضه والفضول يلعب بداخلها : انزين فهمت قالولج خبله .. منو عازمنا ..؟
الفتت يزوي بـحذر وقالت : بو حمدان عازمنـا الليله ..
.
روضه من هول الصدمه طالعت ع يزوي بنظرات مافهمتها .. وعقب نزلت أيدها اللي كانت ع خدها بـ حركه بطيئه وعقب طالعت ع حمدوه ..
.
حمدوه بـ خوف:اييه رواضي بلاج ..؟
روضه لازالت بـــصدمتها ..!
معقووووووووووووله بو حمدان عازمـنا ..!
هزاع كان يطالع ع روضه ومستغرب بلاها شو استوى جيه مره وحده تغيرت من قاللها انه العزيمه بيت ها اللي يسمونه بو حمدان ..؟
وقال بـ خاطره : لايكون شئ مستوي ونحن ماندري .. لا لا مستحيل ..هاي تقص ع عالم بـكبره ولا ينقص عليها ..
.
نشت من قعدتها وتوجهت ع الدري تبا تسير جناحها ..
بس قطع عليها صوت ابوها : روووضه غلايه سمعتي شو قلت ..؟
روضه التفت ع ابوها بـ حركه بطيئه وقالت : هاااااه ..
بو سالم : قلتلج دريتي انه اليوم معزوميـن ويـا بو حمدان ..
روضه طالعت ع ابوها وقالت بـ خاطرها : هيه يا ابويه دريت انه اليوم بـ يكون موتيه يوم بـ حدر بيتهم ..ماادري ليش احساسي يقولي لاتسيري هـ العزيمه لانها ......(قطع تفكيرها ابووها )
بوسالم : روووضه بلاج ..؟
روضه : هاه ..لا ماشي ...بس يعني ..(واشرت ع فوق ) بسير اريح شوي..
بو هزاع:عسى ماشر اميـه ..؟
روضه : لا الحمدالله بخير .. .. بس شوي بسير اريح ..تدري برد وجيه ..
عواش بـ همس وصوت حاقد : انا ماادري ليش الكل مهتم فيها ..جنه محد غيرها فـ هالفله ..
يزوي بـ سرعه حولت نظرها لـ عواش وطالعت عليها بـ نظرات يشع منها القهر : ايييييييه انتي اذا غيرانه من البنت قولي .. لكن تقولين شي من وراءها قسم بالله لا اقص لج رأسج وأعلقه ويـا عتبه الباب ..فهمتي ولا لا ...
نزلت نظرها بـ خوف وقالت بـ خاطرها : خيبه سمعتني ..
حمدوه بـتساؤل : بلاها شو سوت ..؟
.
قالت يزوي السالفه لـ حمدوه ..
وعقبها عطت حمده نظره قوويه لـ عواش ..اللي صج ارعبتها ..
.
حدرت روضـه جـناحها وتوجهت لـ حجره النوم ..
وارتمت ع الشبريه وهي ترمي ويـاها كل ماتحمله من ألام وهموم
.
وقالت فـ خاطرها : مابا اسير ..مابا اسير ..الا هـ العزيمه مابا اسيرها ..لانها اكيد بيستوي لي شي فيـها وانا متأكده ..
بدن عيونها يكسوها النعاس .. وكانت تفتحها لوهنه وتصكهن لوهنه ثانيه ..
.
لحد ماكانت بتتغلغل وبـ تعمق فـ نومتها .. لو ما قطع عليها باب حجرتها وهو ينفج بـ اخر قووووووه ..
فتحت عيونها بـ خوف وبرعب ..وللحظــات وهي تطالع ع اللي قاعد حذال الباب ..
.
رفعت جسمها الخفيف واتكت ع وسادتها اللي كانت وراءها ..
روضه بتعب وبـ نعاس : هلا امـايه ..
ام سالم بـ صرامه وبـ قوه : اسمعي هن كلمتين ومابعيدهن .. امس فضحتيني وشردتي من العزيمه .. واليوم مره ثانيه بـ تقولي لي مابا اسير عزيمه ام حمدان .. لكن بتسيرين وريلج فووق رأسج فاهمه ولا لا
.
واذا ماسرتي ترا انا لا امج ولا ااعرفج ليوم الدين فهمتـــــــــــي ..
.
غمضت عيونها بـ قوه جنها تبا تتطرد طيف امها اللي توه ظهر من الحجره وهي تصفع الباب بـ اخر قوتها ..وقالت بـ الم : ليش امايه ..لييــــش ..؟
وربي حرام عليـج ..ليش تسوين فيـه جيه ..انا مب بنتج شرات ما شما بنتج ..
ليش ماتحبيني شرات ماتحبينها .. خاطريه يوم واحد بس ..
لا والله مابا يوم ابا دقيقه اسمع فيها رمسه حلوه تظهر من لسـانج ليـه ..ااااااااه يا اميه .. شقايل انا اتعذب وانتي ماتحسين فيـه ..
ولا احين يايه وتبيني اسير للموت بـ ايديه ..وبـ الغصب بعد .. والله حرام عليـج ..ماباااااااااااااااا اسير ماباااااااااااااااااا..ماباااااااااااا
.
قطع حبل افكارها صوت المؤذن وهو يعلى وينادي لصلاه المغرب ..
.
روضه بتعب : ااااااااه ماباجي شئ ع موتج ياروضه ماباجي شي ..
( وعقب كملت بـ صوت ثاني ) وليش تتفاولين ع روحـج ..سبحان الله يمكن مايستوي اللي فـ بالج ويمكن حتى ما تلقين حمدان موجود هناك .. لانه بيكون ويا الريايل ..
تنفست بـ راحه وهي تحس بأنها ريحت نفسها بـ هالجمن كلمه ..
.
حدرن البنات الجناح وهن اصواتهن واصله لحد حجره النوم ..
ييت حمدوه ويزوي يربعن لـداخل الحجره يبن يتأكدن من شئ ..
وتأكدن منه لحظه دخولهن للحجره ..
يزوي وهي تجرب صوب روضه : رواضي مايسوي عليج وربي..
حمدوه : عادي لاتهتمين اذا ماخاطرج تسيرين لاتسيرين ..
روضه وبـ ابتسامه مصطنعه : ههههه منو قالكن مابا اسير .. يعني خواطركن تسيرن وتبلعن الاكل وانا مااكل هاه ..
( ماحبت تقولهن عن سالفه امـها .. عسب ماتكدرهن .. حبت تتكدر روح وحده بدال لاتتكدر روحين ويـها ..)
يزوي : وانتي ها اللي يهمج الأكل وبـس ..
حمدوه : بـ أمانه انا مابا اسير الا بس للـ أكل ..
رووضه :اللي يسمعكن يقول ميوعات .. مب جنه الحمدالله الاكل ماندري وين نحطيه ..
يزوي بـ لعانه : يعني احين رديتي السالفه علينا مب جنه اللي هي بدت بـ سالفه الاكل ( وتطالع ع حمدوه )
حمدوه :هيه والله صدقها ..هاي روضه لعينه صير
رواضي :حسبي الله ع بليسج ..(ووعقب كملت بتساؤل) : الا وين بنات عميه هزاع ...؟
حمدوه : ممم يمكن بـ صالتج .. يستحن يحدرن ..
رواضي بعدم تصديق : وعواش النزغه .. تستحي ..؟
نزلن حمدوه ويزوي روسهن مايبن يقولن لها عن سالفه عواش ..
بس روضه مافاتها تصريفه حمدوه ويزوي ,قالت : شو مستوي ..شو مسويه عواش ..؟
حمدوه و يزووي :ماااشي
( ماحبن يقوللها عسب ما يسون عداوات لو انهن متأكدات انه روضه مستحيل تحقد ع عواش لو شو ما استوى ) ..
.
نشت روضه عسب تسير تتوضى وتوجهت ع الحمام ( وانتوا بـ كرامه ) ..
عقب صلت ودعت لربها يثبتها ع دينه .. وينصرها ع الهموم اللي بـ يوفها ..
.
عقبها توجت لـ حجره التبديل .. ويلست تتختار ساعه كامله ..
توقف قرارها ع جينز سكيني من ايف سان لوران .. وبلوزه حمره بنص كم وعليها رسومات بالـ للون الاسود بـ جانب كامل من تحت الايد والجانب الثاني فارغ
وطالعت بكبت العبايــا اللي ممتد .. واخترت لها عبـايه عليها كرستالات ناعمه موزعه بطريقه حلوه بـ اللون الاحمر وكانت العبايه مصكره..ومن خنجـي .. ولبست عليـه صندل خفيف من فندي مايل ع اللون الاسـود وعليه خط رفيـع باللون الاحمر ..
وحطت لها مكيــاج خفيف جدا .. مع روج احمر فــاتح ..
و رفعت شعرها بـ شباصه ونزل ع رقبـتها بطريقه حلوه ..
حمدوه بـ لعانه : بعد ليش جيه سويتي شعرج .. ليش ما لفيتيه ..
روضه وهي تطالع ع المرايه اللي جدامها : مم ترا رفعته وهو نزل من الشباصه ع رقبتي .. مم يعني مرفوع يالصخل ..
حمدوه : عنلاتج يالتيس واي قسم بالله احين بطيح مغمي واي واي تخبلين وووربي ..
يزوي تكمل ع حمدوه : وهيه بتخطبها اليوم ام حمدان لـ فصوووول ههههههههههههههههههههه
حمدوه :ههههههههههههه
.
طاحت الفرشاه من ايد روضه بـ صدمه من اللي سمعته وطالعت ع البنات بـ حقد ..وعقب كملت شغلها ..
يزووي:وه وه وه وجان امووووووووت ع اللي يستحون هههههههههه
حمدوه : لا امووووت ياربي .. طالعتي يوم طاحت الفرشاه من ايدها يوم يبنا طاري الحبيب ..
روضه طالعت عليهن بنظره بارده وكملت شغلها ..
حمدوه تهمس ليزوي: الله واكبر خاطريه اعرف من وين تتيب برود الاعصاب ..وربي لو انا قلتلي جيه بذوب فالارض .. مب هي جنه حتى ماقلنا عنها شيء ..
.
صرخت رواضي : ايييييييييييه ترا هلي يتريوونا تحت خلصــنا ..
.
لبست حمدوه عبايتها اللي كانت من المحجبه وعليها كرستالات وخيوط باللون الماروني ..
وكانت العبايه مصكره عسب جيه لبست تحتها جينز أبيض من نكست ..
وعليه بلوزه بنك بدون اكمام من ترانوف ..
وحطت مكيــاج خفيف جدا باللون البنك .. وعقب لفت شيلتها .. وصرخت :انا خلــــــــصت ..
.
.
اما عن يزوي اللي دايم تأخر الكل وتكون اخر الناس دوووم .. ولبست شروال من الحرير البيـج وبلوزه سوده مقصصه بطريقه ايف سان لوران وعليـها حزام من ايف سان لوران ..
و لبست عبايه من نايس ليدي .. لون كرستالاتها و قطعت القماش للي كانت بأخر الايد باللون البــني .. وطبعا لازم تكوون مصكره ..
.
.
وحطت مكياج خفيف بـ اللون البــني الفاتح .. وعقب لبست شيلتها ورتبتها ولفت ع البنات ع انها خلــصت ..
.
ظهرن البنات من الجناح ونزلن تحت وطالعن عواش و ومي وامل وشوق يالسات بـ الصاله يترينهن ..
عواش بـ حقد تهمس لـ مي : طالعي طالعي احين تفيجن ينزللنا ..
نحن هني مزروعين وهن يتعدلن ويتكشخن ..
مي بـ طيبه : وليش عائشه جيه ترمسين عنهن .. هن كانً قبل ما نحن نيي وياج اربع وعشرين ساعه .. ومن يين نحن احين عاده بـ تحقدين ..
( وابتسمت بـ طيب ) ..
عواش مره وحده سكتت من الاحراج وتفأجت زوود بـ رد مي عليـها ..
كانت تترياها تسبهن وتلعن خيرهن مب جيه ترد ..
.

جربت روضه من مي وقالت : مي اسمنج طر .. ( وتغمزلها) لا لا اليوم لا محال انج بتنخطبين ..
.
نزلت رأسها وابتسمت بـ أحراج وقالت : لا والله روضه نحن مانروم لج ..ماشاء الله عليج بس ..
امل بـ لقافه : روواض عيل انا حلوووه مب جيه ..
روضه :ههههههههههه الا تيننين ..
شوق ترمس امل : لا تسانسي ترا تقص عليج
جربن منهن يزوي و حمدوه وقالن : ترا يتريوونا برع وانتن داقاتنها سوالف ..
.
ظهرن البنات بـــرع وكل وحده ركبت ويا اخوانها ..
جربت روضه من محمد وهي تطالع يزوي تركب ويا اخوانها عبدالله وسيف ..وقالت له : حموود بـ اي سياره منسير ..؟
محمد يطالع ع روضه : ياختيه كارهنج شقايل ترمسينيه هااااه ..
روضه تطالع ع الارض وعقب قالت بهدوء : طالع بنتفق اتفاق .. بـ ها اللحظه انا وانت اخوان عادين ومن عقب مانتفق ع السياره وجيه بنتضارب مره ثانيه ولا ترمسني ولا ارمسك اوكيك ..
.
سكت محمد ثواني يفكر بـ هالخطه الغبيه الناتجه عن افكار وحده خبله : ممم انزين عيبتني .. ممم بنسير بسيارتيه احسن ..(وعقب سكت ) وكمل: وليش سياره ... ترا اليدار بـ اليدار ..ليش مانسير مشـي ..
روضه : يالغبي شو مشي .. ماحلووه فـ حقنا بيخترب برستيجنا اووف مايفهم ..
محمد : انزين انزين ..ركبــنا ..
رواضي :مم اوكيك ..اهم شئ ويايه مايخترب البرستيج
ركب محمد سيارته الرنـج وعقب يي حمد وركب وياهم ..
.
وروضه بداخلها الاف الاضطربات اللي ماقادره تفهم سببهن ..
.
,
الجميــع وصلوا مزرعه بو حمدان اللي كانت يدار بـ اليدار يعني مب محتايه لـ سياارات ..
.
نزل بو سالم ووياه اخوانه الثلاثه وعقب تبعووهم الشباب ..
.
,
ويـــا الحريم ..
حدرن الحريم فله بو حمدان وكانت ام حمدان بالاستقبــال ..
ام حمدان ترمس ام الريم : تو مانور المكان واالله .. تو مانوور ..
ام الريم :منوور بـ وجودكم يالغاليــه ..
.
سلمن عليها البنات وحدرن ..
واخر وحده اللي كانت متخبيه وراء البنات هي روضه .. جربت ومدت ايدها تبا تسلم بـ الايد .. بس سحبتها ام حمدان وباستها ع خدها :مرحبا الساع بـ روضه ..شحالج غناتيه ..؟
روضه بصووت هامس : يسرج الحال ..
( وحدرت الصـاله وهي تلعن خير البنات اللي حدرن عنها ) ..
.
يلسن البــنات بـ مكان منفرد كـ العاده .. وعقب فتره ييت بنت ام حمدان .. اللي هي ميره ..
ميره والضحكه شاقه الحلج وتبووس ام سالم ع خدها : مرحبا الملاين والله
ام سالم : مرحبابج زوود غلايه ..شحالج اميه ..عساج الا بخير ..
ميره بخجل : الحمدالله تمام ..
ومرت تسلم ع الحريم .. لحد ماوصلت للبنات وجربت تبا تبوس البنت اللي جدامها ... وهي جريبه انتبهت انها روضـه ..
.
وقالت فـ خاطرها : وووووع هااااي انتي معليه ياروووووضه انا وراج ..!
طالعت روضه ميره بـ نظرات مافهمتها
وعقب ييت ويلست وما عارت اي اهتمام لـ ميره ..
ميره مقهووره من الداخل .. خلااااص بـ تنفجر ..
كملت طريجـها وسلمت ع حمدوه وعقبها يزووي والبنات الموجودات وياهن ..
روضه بـ خاطرها : ماادري ليش اتنرفز من اطالع هـ الميره ..احسها وراءها بلووه عوده ..
حدرن البشـكارت وبدن يوزعن العصايـر وأخذت ميره وحده من الصواني اللي بيد وحده من البشكارات وقالت بـ صوت رقيق :انا بوزع للبنات ..!
.
ام حمدان لـــ زالت بـصدمه معقوله بنتها تشتغل ..
.
جربت ميره من البنات وبدت من اليسـار .. مي فـ امل فـ شوق من ثم عواش وعقبها يزوي وقبل الاخير حمدوه .. ييت حذال روضـه وابتسمت لها ..
وهي تمد لها قلاص العصيــر طــــاح القلاس بـ حضن روضـه وشهقن البنات ..
ميره بـ ربكه : مااقصدي ..ماقصدي ..مااقصد ...آآآآ انظفه لج
.
نشـت ام حمدان وسارت حذال روضـه : معليه يابنيته ماقصدها .. نشي ويايه بنسير نظفج ..
ميره والـندم ظـاهر بـ ويها : ماقصدت روضـه ..
روضه تبا طمنها : معليه حبيبتي حادثه واستوت ..
نشت روضه ويـا ام حمدان عسب يحدرن داخل بس قطعت عليـها ميره : امايه انتي اقعدي ويا الحريم وانا وروضه بنحدر داخل ..
.
ام حمدان بـ همس :دخليها داخل حجره الضـيافه .
ميره :ان شاء الله امايه ..
.
حدرن روضه وميره داخل وهن بـ الممر قالت روضه :وخري ايدج ..ادري انه بـ العمد هـ اللعبه .. لاني سبيتج فـ مزرعتنا ..
( وسحبت ايدها اللي كانت مشابكه ايد ميره ) ..
.
وصلن حجره الضــيافه وصكت الباب وراءها ..
ميره بـ نبره صدق : لاتخافين انا ماسويته عمدا .. وصح افسخي عبايتج محد فـ الفله ..
فسخت عبـايتها .. وفسخت الشيله ..ويلست بـ الشبريـه ..
ميره :ييبي عبياتج عسب اوديها للـغسيل
.
روضه : ماله داعي ..برايها ..
ميره : لاتخافين خمس دقايق وبتكون ويـاج ..
أخذت ميره عبايه روضـه وظهرت بـرع الحجره .. وروضه ما زالت قاعده بـ الشبريـه وتطالع ع ايدهــا المجسووره وتقول : اوووف امتى بفتك من هـ الجبس ..لاعت جبديه ..
.
انفتح باب الحجره وحدر منه شخـص مانتبهت له روضــه ..
يلس دقايق وهو يــطالع عليـها وهي ترمس عمرها كان خاطره يضحك عليها .. احلى مافيها براءتها ..
كانت منزله رأسها وبعدها تطالع ع ايدها وترمس عمرها ..
.
انتبهت انه فيه ظل جدامها قالت وهي لازالت تطالع ع ايدها : خلصـتي .. بـ عمري وحياتي ماطالعت اسرع من غسيلـكم ..
وهو لازال يــطالع عليــها وبـ خاطره : ااااااخ بس ...جم بــعيش .. عنبووها كل مالها ويي يوم وتحلو اكثــر .. طالعت بنات وايد بـس عمريه ماطالعت شراتها بـ هالحلاووه ..لا وبعد لابسـه احمر تزيد عمرها جمال بعد الاخت ..
.
رواضي شكت بـ الموضوع بلاها هاي تطالع عليـه وماترمس .. وقالت : بـ الله عليج اول مره بحياتج تتطالعين بنت ..لا اكيد معجبه اذا معجبه يبي ورقه بـ وقع لج ..(( و رفعت رأسها ))
( بـــــس سكتت لانها طالعت منو اللي كان يالس يطالع عليـها )
.
الصـــدمه كانت واضحه بـ عيونها .. وبس تطالع عليـه مب مصدقه ..
حدر داخل الحجره لانه كان ع حافه الباب ..وصك الباب بـ اللوك .. وجرب منـها ..:مممم بـ امآنـه وايد طالعت بنات بس شراتج لااا ما طالعت(ويحرك رأسه بـ نفي ) ..يعني سبـحان الله وحده قليله ادب ..وحلووه وراعية شباب عمرها ماجتمعت فـ بنت وحده ..انا اللي اعرفه انه راعيات الشباب مب حلوووات ..بس انتي (ويحرك رأسه )لالاااااا ..صـــــــج ( ويصك ع اسنانه ) حلوووووه ...
.
روضــــه لازالت بـ صدمه .. ولاااااااا رمسته ماتبشر بـ الخير ..
ولا فوووق كل ها ... اخر كلمه قالها جنه نااوي ع شئ ..وفوق كل ها الطامه الكبرى ..صك الباب بـ اللوك ..يعني رحتي فيها يارواضي ....
قالت بـ خاطرها : لا ياربيه مايـكون اللي فـ بالي صج لا ياربيه ..مستـــــــــــحيل...
.
جرب منها اكثــر وهو شوي بعيد عن الشبريـه ..وقال : لا بعد بتوقعين لـي هاه ..لا لاااا صج واثقه من نفسج ..بس انا راح اعلمج شقايل يوقعوون ...ولا انتي شرايــج ..( وقال بـ همس ) يـــا روووضـــه بنت احمد ..
.
روووضه فـ حال يرثى له ... بتمووت من الرعب ..بس ماوضحت هـ الشي مووول ... وحست بـ قلبها خفق بالقوووو وهو يقوللها اسمـها وقالت بـ خاطرها : ..عنبووه شقايل حلوو اسميه من لسانه ..اووووووه روضه هذا وقت تفكير فـ اسمج بعد طالعي المصيبه اللي جدامج ..اخ بس ...ياربيه ابا ارد بيتنا سالمه ..ابا اعيش ..يارب مايسوي فيه شي يارب ...
.
جرب منها اكثـر وروضه كانت بـ الشبريه ماتحركت من مكانها و ريولها بالارض ..
وردت ايدها ع وراء وهي تدور شيلتها عسب تحطها ع شعرها ..
.
بس وفـجأه رفعت ريولها وبدت ترد ع وراء لانه حمدان كل ماله ويجرب اكثر..
جرب حمدان منها وطلع فـــــــــوق الشبريه ..
اول ما طالعته جيه سوى كانت بتصرخ من الزيغه .. لكن مسكت عمرها ..
.
ردت ع وراء وهو لا زال يجرب منها كل ما ابتعدت ..
لحد ماضربت فـ أخر الشبريـه ..وجرب منها وهو ايدينه بالشبريه وجسمه مرفوع .. (يعني يمشي بـ ايدينه فـ الشبريه ) ..
.
توقف يوم طالع روضه ضربت فـ حائط الشبريه اللي كان بـ اخرها ..
وقال وهو يهمس : ع ووووين يااا روضـــه .. لاحرام عليج انا اشتقت لج .. زين جيه عاده تخليني ازعل عليــج ...
.
ركــز نظره ع عيونها العســليه اللي كانت معبـايه بـ الجحل ..
وبدى يسرح بـ جمال عيونها ...
لــكن وفـجأه مسك عمره وقال :انت اقووى ياحمدان انت اقووى من انه حثاله تهزك ..
.
مسك شعرها اللي كان ع رقبتها وقال وهو يلعب بـه : ممم عاد انا اموت ع اللون البـني تصــدقين لزن شعرج حلو .. ممم ( جرب منها لحد ماحست انه ممكن يضرب خشمها بـ خشمه وقال ) ليـش ماتحضنيني ولا اقوولج بووسه تكفــي ..
ولا حلال عليـه هاك ربيعج اللي فـ السياره وانا حرام ..
( يقصد لما نايف حضن روضه بـ سياره اول ماردت من المستشفـى )
.
غمضــت روضه عيونها وهي تحس بـ نفسها انها رخـــيصه بـدرجه لاتووصف..
وقالت:انا اكرهج ياروووضه انا اكرهج ..انتي رخيصـه انتي رخيـــصه ..
.
حمدان ومرر انامله ع عيونها وقال: ليش مغمضـه عيوونج عسب ما اطالعهن هاه ..ليش كل هـ النذاله ..؟
(ارتعشت من حركتـه لما لمس لها عيوونها ... )
وكــمل وهو يجرب من أذونها ويقول : رووضه حبيبتي ليش تخافين منيه ..ولو انا حبـيــبج ..ممم يعني خليني واحد من ربعج اللي كل يوم تظهرين وياهم ..
.
حست بـ نفسها انه دمووعها احين بينزلن .. من قوو الاهانه اللي يتها ..
لكن مسكت عمرها وقالت:هوو ها اللي يباه .. يبا يطالع دمووعج يارووضه ..اصبري والله وياج ..
.
جرب اكثــر من ما هوو جريب .. لحد ماحسته ضرب بـ صدرها وعيونها بـ عيوونه وانفـاسه الحاره بـ ويها ..
وقال : روضــه حبــيـــــبـــتي ..ابا اطالع عيوونج ..!
غمضت عيونها اكثــر ومسكت عمرها لااتشهق لانها كانت بتصــيح لامحاله ..
الاهانات كل مالها وتضربها ضرررب ..
وااخيــرا نطقت وقالت بـ صوتها المبحوح وبـ كل قهر الدنيا : وخر يـالحقير يالنذل .. ياعديم الاحساس والنخووه .. صج انه هلك ماربووك ..
.
اول ما قالت جيـه ما تطالع غير حمدان يــطالع بـ عيونها بـ نظره مافهمتها ..
بس اللي قدرت تستووعبه انه حمدان مسكها من جتفها وضربها ع الشبريـه وطاحت .. يعني جنها راقده فـ الشبريه ..
حمدان وهو فـوق رأسها ويتفحصها .. :انا هلي ما ربووني .. اوكي يارووضه انا بجسر هـ الرأس اللي عليج واللي الظاهر محد قادر يجسره ..
قالت بـ قهر وهي تبا ترد كرامتها وبـ غروووور فاق الحدود :تخـــسي الا انت والله
اول ما قالت جيه ماتطالع حمدان غير جنه يبا يرمي نفسـه عليـها ..وجرب من اذونها وقال : اذاً طالعي شو بسووي فيــج ..
.
اول ما قال جيــه حست انه الدنيـا سوودت عليــها
وبدت تضربه ع صدره وهي تقوول:وخر يـ الحقير وخر ..
حمدان :ههههههههههههه احين اووخر ..
.
نزل اكثر لحد ماحسته ضرب صدره بـ صدرها وكان ناوي ع نيـه محد يدري فيها غير الله ســبحانه وتعالى لو لا ماقطع عليه صووت ميره وهي تقوول من وراء الباب : فصوووووووول اااااالــــــــحق امايه يايه بــ سرعه ...
.
نش حمدان من شبه فـوقها ..لانها ايدينه كان متكي عليهن وجسمه مايل جنه فووق روضه ..
نشت روضـه بسرعه واتكت ع اخر الشبريه .. يعني شبه واقفه ..
و اول ما نش من حذالها قالها : حظج بـ امي هـ المره .. لو ما امي جان انتي احين ..ههههههههههههههه فهمتي اكيد هاه ..
.
ومشى بـ طريجه بس فـجأه وقف جنه نسى شيء ..
واول ماطالعته وقف حست انها راح طيح مغمي خلاااص ماعاد تتحمل اكثــر..
جرب منها اكثر .. وقعد يطالع عليـها فتره..بس مافهمت نظراته ..
وجرب من اذوونها وهمس بـ همس يذووب : ع فكـــره الاحمر عليج (ويطولها) عـــــــــــذاااااااااااااااااااااب ..ووربي عذاب ..
.
وقبل مايبتعد جرب من خدها وطبــع بووووسه قووويه وقال : باي يا حلووه ههههههههههههه ..
( وفر عليها فونها وهو يقول ) : خلاص شبعت منه .. اخذت اللي يكفيني وزود بعد .. يــ ـ ـ ـ ـ ـــا ( سكت عقب كمل بنبره همس )الموووووت الحمــــر ..
وجرب من الباب وظهر بسرعه من الحجره .. ولقى اخته ميره حذال الحجره وقالت له انه يسير من الباب الخلفي لا تنتبه امــه ..
.
ويــا رووضه ..
كانت لحد احين بـ صدمه .. معقووووله معقوووووووووووله لا ياربيـه لااااااااا
.
نشت من الشبريه وسارت تربع ع الحمام ( وانتوا بـ كرامه ) ..
حدرت الحمام وصكته بـ اللوك .. وطاحت ع الارض وهي حاطه ايدينها على حلجها عسب تمنع الشهقات تعلــى .. ودموعها كانت تذرف وقالت : انا وووووصــخه ,. انا رخيـــصه .. انا رخيـــصه .. انا رخيـــصه .. انا رخيـــصه ..
( وبدت تفرك بـ كل قوتها خدها مكان ما الفيصل طبع البوسه .. وتفرك وتفرك وتضرب ويها طراقات مكان البووسه .. لحد ما استوى مكان ما الفيصل بـاسها احمــــــــــــــر بشكل قوووووي )
.
ودموعها ع ويــها وهي تقول : انا رخـــيصه .. انا رخيـــصه .. ليش ليش باسني ليش .. ياربيه ابا اموووت .. ابا ااموووووت ..اكرهك ياالفيصل اكرهك ..الله يراويني فيك يوم يـ الحقير يـ النذل يالخسيس .. انا روضه تسوى فيه جيه ..
وردت مره ثانيه تفرك خدها بــ قوه وبدون اي رحمه .. جنها تبا تمسح البوسه ..لحد ما الميك اب اللي كان ع خدها اليمين انمسح ..
.
حدرت ام حمدان الحجره وما طالعت روضه فيــها ..
ام حمدان ترمس ميره اللي كانت ع الشبريه قاعده : وينها ..؟
ميره بـ ندم : بـ الحمام ..
ام حمدان : اها .. انزين يوم تخلص تعالن ترا وايد تأخرتن ..
.
.
سمعتها روضـه وهي ترمس ميــره ونشت وسارت حذال المرايـه وهي تطالع ع خدها اللي حمر صج وبـ شكل ملحووظ ..
.
غسلت ويها عسب تخفف الاحمرار اللي بـ عيوونها ..
ويوم طالعت انه اختفن اثار الصياح ..ظهرت من الحمام ..
.
اول ما ظهرت ما طالعت احد بـ الحجره .. حمدت ربها انه محد ..
سارت حذال جنطتها الحمره واخذت الفوون من الشبريه وحطته بجنطتها .. ورفعتها بـ التسريـحه ..
وبدت تعيد الميك بـ خفه .. عسب تخفي اثار الصيــاح كلياً ..
انتهت و طالعت نفسها بنظره رضـــى .. وجربت من الشبريـه تدور شيلتها بس ما لقتها نزلت رأسها تحت الشبريه تدورها واخيــــرا لقتها ..
.
,
حدرت ميـره الحجره واول ما طالعتها روضه حدرت .. جربت من حذالها
وعطتها طـــــــــــــــــــــرااااااق قوووووووووووي بـ كل ماتملكها من قووووه...
عسب تخفف من القهر اللي بـ داخلها اللي كان سببه اخوها وهـــي ..
ميره كانت بـ صدمه .. بس توقعت هـ الشي لانه الفيصل اللي سواه فيها اكيد مب شووووي ..
.
.
وحولت نظرها ع ايد ميـره و طالعتها زاخه العباءه بـ ايدها .. سحبتها بـ قووه منها ولبستها ( وطالعت ع ميره بـ نظره تخووف ..وعقب تفلت فـ ويها ).. وظهرت من الحجره ..
وبس فاقت ميره من الصدمه سارت تربع وراءها وجربت منها ..
.
طالعت عليها رووضه بنظرات ... عمرها ع مااظن بـ تطالع شراتها .. حتى من زوود الخووف ردت ع وراء .. كانت نظره روووضه اللي دايم توزعها للي شرات ميره .. يعني اللي يستاهلونها بـ صج ..وكانت مب اي نظره ..
صج نظره تخوووف .. مع شخصيه رووضه القويه اللي الكل يخافها ..
وكملت طريجها وابتسمت ورفعت رأسها وهي تمشــي وتتحاول ترد قوتها بـ نظرتها ومشيتها ..
.
يت حذال البنات ويلست ..
.
حمدوه بهمس : تأأخرتي وايد ..
طالعت عليها روضه بـ نظره وابتسمت غصب .. عسب ماتخوفها ..
حمدووه رفعت حيانها بـ تساؤل وقالت بـ خاطرها : بلاها هاااي ..؟
.
يزووي وتهمس لـ رووضه : بلاه خدج جيه احمر ..
روضه بـ صوت عصبي شوي : زوودت ع البلاشر ..
.
طالعن يزوي وحمدوه بـ بعض مستغربات من حركات روضـه ..
.
وقالت فـ خاطرها : مابتلوومني يا بنات لو دريتن بـ اللي استوى لي .. وربي مب شوووي ..
.
,
كــان الكل مشغول بـ شئ ..
ام سالم و ام حمدان والحريم الباجيات يسولفــن ..
.
ام عــن الـبنات
فـ كانت ميره قاعده تسولف ويـا مي وشوق وامل وعواش ..
ويزوي و حمدوه .. قاعدات يطالعن ع البنـات ويتشمتن ..
ام عن روضـه فـ هي لحد احين بـ صدمه ..
روضه بـ خاطرها : يعني طالع عليه وانا كـاشفه وبدون عبايه ولا شيلـه ..
بس وربي مب ذنبي انا .. الذنب ذنبه هو و اختـه
واول ماتذكرت يوم بـاسها .. رفعت ع طول ايدها وتحسست مكـان البوسه ..
واول ماتذكرت الموقف بسـرعه حطت ايدها ع حلجها لانها كانت بـ ترجع كل اللي فـ بطنها ..
.
حمدوه بـ شك : روضه بلاج .. ليش محطيـه ايدج ع حلجج ..؟
روضه بـ لعثمه : هاه .. هيه .. يعني كنت بضحك من موقف فـ حطيت ايده عسب مااضحك ..
رفعت حمدوه حيانها بـ تساؤل وقالت بـ خاطرها : شو هـ العذر اللي سوته . عذر احقب من ذنب ..
.
صـحت روضه من افـكارها ع صوت فـونها ..
جربت منها الجنطه وفتحتها .. وظهرت الفـون ..
اول مــا طالعت اللي ع الشـاشه .. انصـدمت ماقدرت تسوي شئ ..
بس اللي صحها من الصدمه .. ايد حمده وهي تضربها بـ خفه وتقولها : اييه حطيه ع السايلنت .. وبعدين وين لقيتيه ...؟
بـحركه سريعه حطته ع السايلنت وهي قلبـها يضرب طبووووول من الخووف وفـ خاطرها تقول : ع شوو ناووي يا الفيصـل هـ المره ..؟
.
رد يدق عليــها مره ثــانيه وثــالثه .. بس ماردت ..
يزووي : طالع طالع عواش .. فاجه الحلج مب مصدقه ع الله ..
حمدووه : ههههههه حسبي الله ع بليسج بسج قرض فـ الناس ..
يزووي: والله ها مب من ويايه ..طالعي جدامج ..
.
رد الفيــصل يدق مره ثانيـه ..وروضـه ع زالت تطالع ع الشــاشه ..
بس طبــعا ماردت وقالت فـ خاطرها : يعني تدري انيه قاعده ويا الحريم شقايل بـرد عليك يالحيووان هاه ...؟
لكن والله لو يظهر كــعب من قبره مارديت عليـك ..> كعب هو يدها <..
عقب اللي سويته فيـــه تباني ارد عليــك يالقذر ... ههههه تحلم ..

.
سوووت له طـــاف وردت تطالـع ع الفراغ اللي جدامـها ..
وهـي كاره حيـاتها آولآ بسب حركـات الفيصل الوسـخه ..
ثانيـا .. كونها بـ عزيمه .. وهي تكره العزايم من الدنيـــا ..
وتكره نظرات الحريم لهـــا .. عسب جيه ماتحب تحضر العزايـم
..
قطع عليـها تفكيرها اهتزاز الفـون وهو معلن عن آتصـال .. احين تقريبـا المره السادسه اللي يدق فيها الفيصل وطنشه ..
.
انقطع اهتزاز الـفون .. وردت نظرها تطالع ع الفراغ اللي جدامها وهي تسمع سوالف البنات ..
قطع عليـها صوت فونها وهو يعلن عن قدوم مسـج ..
خـافت تفتح المسـج وتطالع شي مايعيبـها .. وقالت فـ خاطرها :اكيد الفيصل اكيـد انه هـ الفرعون محد غيره ..
.
تنهدت بـ تعب وفجت المسج واول ماطاحت عيونها ع المسـج .. غمضت عيوننها بسرعه من القهــر اللي بـداخلها ..
.
الفيصل طرش لـ روضه رساله وسائط وكان عنوانها ( عطيـني رأيج بــ هالمسج ..! )
وداخل المسـج صوره روضه وهي بـ الحوي بـ بجامتها ..
وتحت الصوره كـاتب " عزيزي أحمد اكيـد عرفت منو فـ الصوره ..هاي دلوعتك المحبوبه روضه وهي ويا واحد من ربعها "
..
الصوره كانت وايد مسـاعده الفيصل .. لانه لما التقطها كانت روضه تطالع عليه وهي ميله جسمها جنها متعمده تتصور .. يعني صج كانت ضابطه وياه ..
.
.
تنفست بـسرعه وهي بـ تمووت خلاص .. خاطرها بـ اي طريقه تخلص ع هـ الحثاله اللي مايتسمى ..
كانت بـ داومه من الافكار اللي تيبها وتردها .. ما كانت عارفه شو تسوي ..
.
قـطع ع تفكيرها صوت تنبيه ع قدوم مسج مره ثانيه .. فجت المسج لانها كانت متأكده انها من الفيصل وفيها شو يبا منهـا ..
نـص المسـج
" مم اتريـاج برع اباج فـ سالفه ضروويه "
.
حذفت المسـج والحسره بـداخلها تغلـى ..اول مره بـ حياتها احد يلعب فيها جيـه .. عمرها ما كانت لعبه بـ ايد احد .. بس هـ الفيصل لعب فيها لعب مب طبيعي قالت بـ قهر : محد بيجسر هـ الرأس اللي عليك يا فصيلان غير روضه بنت أحمد واانا متأكده ..
( استغربت من نفسها ليش قالت جيـه بس تحس بـهـا الاحساس من زمان انها هي اللي راح تأدب هـ الفيص وبتوقفه عند حـده .. )
.
.
ويــا الفيصـل
.
الفيصل كانت الافـكار برأسه غير شكــل ..
وبـ خاطره قال : ليـش طلبتها يا الفيصل ليـش .. وانت توك بس ظاهر عنها ...... اووووووووووه ماادري ماادري .....بس شيء بداخلي يغصبني اسوي جيه .. (سكت فــجأه وعقب قال ) يعني مثلاً اشتقتلها .....(فجأه ظهرت منه ضحكه طويله وهو يبعد هـ الفكره من بـاله ) هههههههههههههه مستحيــل تخسي هاي انا افكر فيـها ..بس جيه طلبتها نذاله فيها ..ليش تضرب اختيه ( سكت وعقب كمل بـ فرحه جنه لقى شي يتمسك فيه ويعق السـالفه ع اختـه ميره ..عسب يوم تيي روضـه وتسأله شو يبا يقولها ليــش تضربين أختيــه ) هيـــــه ليش تضــرب اختيه ..ليش ..
.
.
ويـــا روضــه ..
.
تنفســـت بـ تعب ... وقالت بـ خاطرها : خلاص يا روضـه هـا مكتوبج .. ليش بعد تتحسرين ...
.
استغفرت ربـها ..ومسكت الفون وطرشت مسـج لـزباله اللي وياها ع قولتها ..>>تقصد الفيـصل ..
.
كتبت بـ المسج
" وين آنـــت ..؟ "
كتبت له وين انت لانها كاره تكتب له اوكي احين بيي ...
قصدها تصرف سوى اي شي انا مااعرف شي فـ بيتكم ..
.
اول ما وصــله الرد ابتسم وقال : ااااااه يارووضه شقايل هـ الغروور بـ يذبحج ..
وطرشلها ..
" ميره احين بتتصرف وانتي تعالي ويـاها .. "
.
.
اول ما وصلـها الرد حست انها احين بتختنق ..
.
ما ثواني غير تيـها ميــره ومسكتها من أيدها بـ حركه تمثيليه وقالت بـ دلع : تعالي شووي ويايه بـراوويج شيء
.
طبعا محد انتبـه لـ ميره .. ولا لـ روضه ..
نشت روضـه وسارت ويـا العقربه ميـره .. اول مااختفن عـن الانظار سحبت روضـه ايدها بـ قووه ..
.
ودفــعتها بـ قووه ع اليــدار وقالت : لاتلمسيني يـ الووسخه ..
.
( ميـره ما قالت شئ لانها اللي سوتـه فـ روضه مب شووي )
.
مشن لـحد ما ظهرن من الباب الخلـفي للبـيت وعقبها بـ ثواني اختفت ميـره ..
تنفســت روضه بـ تعب ..
ونزلت من الدري اللي تركتها بعد ماوصلتها لـه ..
.
نزلت من الدري للارض ولفت رأسها تدوره ..بـس ما لقـته ..التفت يمين وشمــال محد ..
بس فــجأه حست بـ ايد ع جتفها ..
حست بـ قلبها فـ الارض طـــاح .. وبسرعه البـــرق لفت تطالع منو هــا ..
اول ما طالعت اللي جدامها بسرعه بعدت بـ قرف منــه ..
الفــيصل بـ خبث : هههههههههههههههه
.
.