منتديات بنوته - عرض مشاركة واحدة - شــآيب صـآر مشـرف بمنتـدى << لآتعليـق..! )

07-29-2011, 10:36 PM

لايفوتكم هالشايب
خطيييييييييييير
مواقف حدثت لاحد الشباب
مع مشرف في منتداهم
يقول عن هالشايب :

أخينا في الله ... إنسان طيب لدرجة كبيرة و على نياته
في كل مرة ادخل قسم المحذوفات أضحك وبقوة
دايم أحذف مواضيع مخالفة في المنتدى
مثل صور شبه عارية أوموضوع سب إلخ
المهم شايبنا كل وقته يكون في منتدى المحذوفات
ألقاه يعلق وينصح
وطبعاً منتدى المحذوفات ما يطلع عليها غيرالإداريين
وهو على باله قسم مفتوح للكل
المشكلة أن الرد يكتبه تقريباً عشرين سطر
تقدر تلخصهم بكلمتين
ولما أوضح له وأقول المنتدى ما يشوفه غيرنا
قال لا ياخي موجود بالصفحة الرئيسية
لا ويرسل لي عالخاص ياليت تنصحهم معي

وفي مرة من المرات
أرسلت له مشرفة قسم رسالة
تحب تستشيرة بموضوع
قالت له فلان بودي أطرح موضوع كذا وكذافي قسمك
ما أدري وش رايك
رد عليها في قسمه يعني نزل موضوع قدام الاعضاء
يقول إلى الأخت الموقرة فلانه
أنا إنسان متزوج وعندي عيال أرجوإني ما زعلتك
أرجو يكون الكلام قدام الناس مو بالرسايل الخاصة وشكراً
من شان كذا طرحت الموضوع ما ابي يكون الشيطان ثالثنا
هههههههههههههههههههه
البنت تركت المنتدى بسببه
والمشكلة المشرف العام يحذف موضوعه ويكتبه مرة ثانية
وحاولنا نفهم بالرسايل ما رضي يفهم
يرد عليه ويقول لابد أنصحها
المهم البنت أظنها لليوم مافتحت المنتدى وأظن النت كله بعد
حاول مدير الموقع معه ما نفع
قلنا نخليه على وجهه

وفي مرة عقدنا اجتماع عشان نحرك المنتدى
ونسوي مسابقات تحرك المنتدى
كل واحد منا تزهل يعني تكفل ببطاقة سوا فئه 100
المهم صار كل واحد منا يسوي مسابقة
اللي بالخواطر يختار أفضل خاطرة للشهر
واللي في الجوال أفضل برنامج
وهواختار أسئله يطرحها على الأعضاء لمدة اسبوع
واللي يجمع أكثر نقاط يفوز
أخينا في الله ماشي بالمسابقة تمام
بس في آخر المطاف
عند تسليم الجائزة اللي هي بطاقة سوا
تتوقعون وش سوى ؟
بدال مايرسل البطاقة للعضو بالرسائل الخاصة
كتب رد في نهاية المسابقة
يقول مبرررروك للفائز .. ببطاقة سوا
وإن شاء الله يكون حافز للنشاط
وهذا رقم البطاقه0000000000000 سجله قدام الكل
الرجال اللي فاز بالمسابقة يقول وين البطاقة
قال بالرد في الموضوع
قال ياخي ما تشحن
قال والله جديدة
وظني أنه مالطشها الا أحد الزوار أو الأعضاء
يعني بزعمه منظم
راحت البطاقة وتكفلنا نشتري للرجال بطاقة
نرسلها له على الخاص

المصيبة أحياناً ينزل مواضيع في قسمه
ويكتب أرجو التثبيت
وزي منتم عارفين المشرف هو اللي يثبت المواضيع ويفكها
لا هو يكتب الموضوع بالقسم اللي يشرف عليه ويقول أرجو التثبيت
المشرف العام تحمله لسببين
أولهم أنه رجال عمره فوق الخمس والأربعين
والسبب الثاني أنه على نياته وطيب
طولها آخر شيء كتب المشرف العام بطريقة غير مباشرة يقول في قسم المشرفين
يا جماعة ... اللي ما يقدر على الإشراف يقدم اعتذاره
كان المشرف العام يتوقع أنه يرد ويقول أنا أقدم اعتذاري
وش قال هو
قال :
فعلاً هنابعض المشرفين باردين أتمنى يتحركون من شان مصلحة المنتدى
وياليت يتفاعلون مع الأعضاء عشان يوصلون لأعلى المناصب
الرجال يخطط على مراقب أو نائب عام
هههههههههههههههههههههههه

Smile11Smile11Smile11