منتديات بنوته - عرض مشاركة واحدة

07-07-2011, 06:24 AM

(( الجزء الخامس والعشرين ))

بعد مرور ساعات جميلة تحمل بين ثناياها الشهد والحب وعشق وليد ,, خذ فهد هيفاء وحملها بين ايديه ودار بها في الجناح يبي يدخل الضحكة في قلبها ولا تنسى ابد هاليوم الحلو,,,,

هيفاء وهي تضحك : فهد نزلني ترى والله بصيح ,, تكفى يا فهد نزلني

فهد : زوجتي وانا حر فيك اشيلك ,, ادور بك على كيفي انتي ملكي ,,,

وينزلها بشويش ووقفت بأتجاهه ::مدري كيف اعبر لك عن سعادتي اني معك ,, اي كلمة اقولها ما اظن توصف فرحتي ,, احس اني انولدت من جديد ,, وكأني اعرفك لأول مره ,,,

فهد : احبك

هيفاء خجله من فهد مرره: يا قلبي يا فهد

فهد: احببببك

هيفاء : وهي تهمس لفهد برقة : احبك مووووت ,, ويشيلها فهد ثاني بين ايدينه ويسوي لها حركات يبي يضحكها اكثر ,,,

مشاعل انجلطت يوم درت ان فهد وهيفاء في المملكة ,, ريما ما قالت لهم وحريصه اكثر انهم ما يعرفون ,, بس العنود بسذاجتها قالت لمشاعل ,, اللي قعدت تطبخ وهي في مكانها ,, واللي يشوفها يقول فهد رجلها ورايح مع ضرتها,,,

وتطلع لغرفة عبير ,,, وتدخل عندها وهي كانت نايمه من الضيقة اللي شافتها من دخلت هالبيت ,, لا ريما تقعد معها وخالتها مو فاضية ,, ولا تبي تروح للقصر عارفه محد يبيها ,, ومشاعل اللي تركتها من البارح وما شافتها ,, الظاهر ان مشاعل مثلها يومهم كله نوم ويسهرون لحد بكره ,,,,

مشاعل بصوت عالي ,, قومي انتي وجهك ,, الناس عايشين في العسل وانا واياك ناكل فصفص ,,

عبير وهي منفجعه من مشاعل والحقد بيظهر من عيونها :وش فيك شعولة كن صاير فيك مصيبة

مشاعل : واالله يمكن المصايب اهون من خشة هيفاء ,, تدرين انها مع فهد البارح في المملكة ,,

وانهم للحين ما شرفوا ,, هاذي بتغسل عقله ,, هذا اذا ما قضت عليه معد راح يصدق فيها ابد

احنا تأخرنا ,, كله مني ,, توقعت انها تقعد بغرورها ذا وتشوف حالها عليه وعلينا ,, لكن شكلها ترسم مضبوط على فهد

ولا تستبعدين تحطه خاتم في يدها ,,

عبير : تخسي الا هي ما تقدر ,, فهد مو مستواها ولازم تعرف هالشي ,, هاذي حتة بنت مغرورة ولازم تعرف قدرها ,,,

مشاعل : مو وقته هالكلام ,, انا لازم انفذ اللي ابيه اليومين ذي قبل تجي امي ,,

في فيلا فيصل ,, لمياء ما تحس بنفسها ,, دايخه ومو في موده الطبيعي ,, غريبه انا ما كلت شي ,, وش صاير فيني ,,,

فيصل وهو يمسكها وينزلها على الكنبة ,,: وش تحسين به ياعمري

لمياء : احس اني مو طبيعه نفس كل يوم ,,,

فيصل : قومي يالله امشي بوديك العياده الخاصة يفحصون عليك ,, اقصاه سحبة دم ,, قومي يالله ,,

لمياء ,, لا يا قلبي مو لهدرجه مافيني الا العافيه ,, بس شي غريب علي مره ,,,

فيصل : وين عبايتك اجيبها لك ياعمري ,,قامت لمياء وسط الحاح فيصل انه يأخذها ,,,وقامت تلبس وتاخذ شنطتها تطلع معه

خذها فيصل بسيارته وحست بدوخه اكثر من السياره ,, وفيصل ما ارتاح من وضعها مرره ,, واسرع بسيارته ووصل للعياده بعد ربع ساعه ,,,

اول ما وصلوا كان في استقبالهم طاقم التمريض في العياده اللي يعرفون فيصل تمام واسرعوا له يحاولون يكملون اوراق لمياء وتدخل على الطبيب ,,,

تمت فحوصات لمياء ,, وجلست مع فيصل في غرفة الطبيب اللي تركهم على راحتهم وبيرجع لهم بعد شوي ,,

فيصل ماسك يد لمياء بين ايديه : لا تخافين ياعمري تلاقينه ضعف دم من اكلك البايخ ,, تبين تحافظين على رشاقتك مقابل صحتك

لمياء : لا والله بس هذا حدي في الأكل وش اسوي ,,

فيصل : لا عقب اليوم لازم تغيرين طريقتك ,,, وهما في حديثهم ,, دخل عليهم الدكتور وهو فرحان بالخبر الحلووو

دكتور محمد : مبررررروك يا فيصل ,, بنت فيصل حامل ,,, وقام فيصل من كرسيه فرحان : صحيح والله ,, تستاهل البشاره يا دكتور

لمياء نزلت راسها منحرجه من الدكتور ,, واول ما بلغهم الدكتور طلع من الغرفة يجهز ملف لمياء تدوام عندهم في العياده باستمرار

مسكها فيصل بين يديه : اسم الله عليك يا قلبي ,, الف مبروووك لنا ,,, بصراحه ما جاء في بالي انه حمل ابد ,,,

لمياء وهي منحرجه منه : الله يبارك فيك يا قلبي .. شعور غريب اني حامل ,,,

فيصل وهو يحب راسها : يا احلى ام انتي ياحلوووه ,, تعالي بس خليني ابشر,جدتي و ابوي وامي ,,

لمياء وهي تضحك ضحكتها المميزة له ,, طلعت معه وهي فرحانه وخايفه بنفس الوقت من وضعها الجديد ,,

فهد وهيفاءراجعين بالسياره للقصر والفرحة ترفرف على قلوبهم بطريقة رائعه ,, فهد شابك يده في يد هيفاء وكأنه بذا التشابك مو ده انهم يفترقون من بعض ابد

فهد : قلبي وش رايك نسافر اخر الاسبوع وودي اطلع معك بعيييييد عن هناا ..

هيفاء : انا معك وين ما تروح خذني لعيونك وحطني بين ضلوعك تلاقيني اقرب لك من رمش عينك ,

فهد : الله يا قلبي ,,, كل هذا لي وما قلتي لي من اول ,, وش له الاحراج والحياء ,, انا ملكك انتي بس ,, طلعي كل اللي في قلبك

استمروا يتناجون فيما بينهم لين وصلوا القصر وتمنوا لاول مره ان الطريق يطول ويستمتعون بخلوتهم الرائعة ,,,

فيصل وهو داخل للقصر قبل فهد بدقايق ويصيح بأعلى صوته : يمه ,, يمممممه ,,

وهو يجر لمياء معه وما تحس الا بضحكتها تطلع,,

ام طلال ولطيفه قاعدين ,, وفيصل يرفع يده كنه مو مصدق

فيصل : لمياء حامل يمه ,,,

ام طلال : مبروووك يا عيالي ولمياء تجي يمها وتحب راسها وتسلم على امها ,,,

لطيفه : الله يبارك لكم ياعيالي ,, ادعوا الله انه يرزقكم الذرية الصالحة ويبارك لكم فيها ,,

فهد وهيفاء داخلين للقصر ويسمعون اصوات ضحك من المجلس ,, اول ما دخل فهد تغطت لمياء ,, وهيفاء كذلك

وفيصل يسلم على اخوه : بتصير عم يا فهد ,,

فهد: مبرررروك يا فيصل ,, الف مبرووو ل يا لمياء ,, من زمان ما سمعنا خبر حلوووو

هيفاء ولمياء وهم يضمون بعض من الفرحه ,,

الا ريما داخله عليهم وتشوف الفرحه ماليه المكان

اشوفكم متجمعين ,, لا يكون عندكم شي ,,

فيصل وهو يبشرها ,, لمياء حامل ,,,

ريما وهي تصرخ بقوووه :مبروووووك يالدبببه ليه وانا اخر من يعلم وليه ما قلتوا لي وهي تضم لمياء بقوووه

لمياء : الحين دخلنا من شوي بس ما امداني اكلمك ,,,

قعد فهد شوي معهم وطلع للجناح يبي يغير ملابسه ,, معزوم مع نواف عند واحد من ربعهم وما يبي يتأخر عليهم ,,,فهد وهو طالع قال حق هيفاء تجي ترتب اغراضه

لم طلال وهي تراقبهم ارتاحت من المنظر اللي شافته وتمنت لو هالمنظر كان من زمان ,,, طلعت هيفاء مع فهد وهي توعد البنات انها تجيهم على طول عقب طلعة فهد وتسولف لهم عن عزومتها ,,,

فهد اول ما دخل الجناح قفله على طول : لازم اقولك تعالي قدامهم ,, ودي اول م ا تشوفيني بطلع هنا تجين على طول ,,

هيفاء وهي تأشر له من عيوني ,,,

فهد : زين منتي مجهزة لي لبس ,,

هيفاء : الا انتي تآمرني دقايق بس ,, ومشت قدامه وهو يطالعها بحب وشوووق حقيقي انه يقعد معها شوي ,,

عبير ومشاعل منعزلين عن العالم وودهم انهم ينفذون كل شي بدقه عشان ما يجيهم اي شي في حال خربت خطتهم ,,,

وقعدوا يرسمون باقي الخطة اللي ابتدت فيها مشاعل من ايام المزرعة وعزمت انها تنفذها تبي تقهر هيفاء وتفتك منها ,,,,

عبير : زين متى بنفذها ,,,

مشاعل : اصبري خليني اتحقق من كل شي وعقبها نبتدي فيها ,,

بعد ما طلع فهد لربعه خذت هيفاء شاور ولبست لها بنطلون جينز مع فستان فضفاض اوف وايت مع زهور بلون البنفسج ,, ولفت عليها وشاح ونزلت للبنات اللي اكيد بيزعلون انها تأخرت عليهم

ريما اول ما شافتها : وين قاعدين هذا كله تجهزين ملابس فهد

هيفاء : بنشوف انتي وش كثر بتقعدين بعد لك ,,,

ريما وهي تضحك : يصير خير ,, يالله علمينا وش شعورك من اول ما ركبتي السياره ,,,

ظلت هيفاء تسرد عليهم شعورها وبعض المواقف اللي ما حست ان فيها احراج لها ثم تكلمت عن هدية ريما وشدت شعرها شوي

هيفاء : اما انتي احرجتيني ,, بغيت اموووت ,,, مره احراج

ريما : بذمتك ما دعيتي لي ,,,

هيفاء : الله لا يحرمني منك يا عمري ,,,

ولمياء مستمعه لهم لانها بالفعل تعبانه ,,,

ام طلال وهي تنادي على هيفاء : تعالي يا هيفاء شوي ,,,

جتها هيفاء وهي تمشي بطريقتها المميزة ودك ما تشيل عينك منها ,, وقعدت جنبها ,, جدتها وهي مطمنه من وضعها مع فهد ,, اسئلتها بعض الأسئلة الخفيفه اللي تستشف منها مدى سعادتها مع فهد ,,

هيفاء طمنت جدتها بكل شي قدرت عليه انها تقوله ,, وان فهد مستعد انه يريحها ويسعدها وقالت لها عن السفر في جولة لأوربا ويمرون عمتها مريم ,,,,

طالت السهره وانضمت لهم مها بنت هدى الصغيرة والعنود ,, اما مشاعل فما زالت في بيت طلال مع حبيبة عمرها عبير ,,,

بعد منتصف الليل قاموا الحريم لغرفهم ولمياء اللي حست بالتعب طلعت قبلهم ,,,

ارسلت هيفاء مسج لفهد (( متى بتجي ياعيوني ))
ودها تسولف مع ريما وتقضي معها اكثر وقت ممكن ,, انتظرت شوي وجاها رد فهد (( انا في الطريق يا قلبي شويه واكون عندك ))
بعد ما وصل فهد اسئذنت هيفاء من البنات اللي طلعوا ينامون في جناح امهم وجت معهم ريما تبي تغير جوها اليوم عن بيتهم ,,

دخلت هيفاء بعد فهد بدقايق ,, وشافت شكله المهيب اللي يجذبها من اول وهله ,,

فهد وهو يمد يده لها تجي جنبه ,, مسكها وقعدها عنده وسالها وش سوت عقبه

هيفاء : عقبك نزلت عند جدتي كانت فرحااانه مره بوضعنا انه تغير ,, وقعدت تدعي لنا ,,, اممممم ايه وقعدنا نسولف انا وريما عن طلعتنا ,,,

فهد : اي ريما عندها فضول ما راح تتركك الا لما تقولين لها بالتفصيل وش صار

هيفاء : لا يا قلبي هي اهم شي انك مبسوط

فهد : ادري الله يحفظها ان شالله ,,,

هيفاء وهي مستمتعه بقربها من فهد وتركز في عيونه حست انها ودها ما تتكلم حرف وتترك لعيونهم حرية الكلام ووناستهم بالوقت اللي ب يمظونه,,,, ظلوا على هالحال فتره طويله والمتكلم فقط هي عيونهم اللي عبرت عن خواطرهم بشكل صحيح,,,

في صباح اخر جميلا انطلقت مع ضوءه سعاده جميله بين عروسين لاول مره يعرفون طعم السعاده الحب

ظلت هيفاء في جناجها لوقت متأخر وتمن انها ما تكون مثل لمياء منعزله عن العالم

قامت هيفاء على مكالمها لجدتها تبيها تنزل ترتب امور عندها شوي

وفهد كمل رقدته بدون ما يحس بالوقت ,,,,

طلعت هيفاء لجدتها وقعدت معها شوي :: وفي هالاثناء دخلت مشاعل ,,, اول ما شافت هيفاء عصبت اكثر على انها تشوف انها الكل في الكل ,,,

استغلت مشاعل انشغال جدتها عنها وحاولت انها تبدل الجوالات مع بعض ,, جوال هيفاء محطوط علىالطاوله ,, خذتته وحطت ببداله وواحد توأمه ,,,,

بعد لحظات جاها اتصال ,, ماعرفت من رقمه بس سوت قبول ,,,رفعت الخط وسمعت صوت بنت كانها شووام,,,

اذا عندك غيره على زوجك روحي شوفي وش صاير في بيت عمك طلال ,, ولا يمكن تتخيلين ان فهد بسوييييه لكن الحمدلله ,,,,,

المشكله انها تركت فهد نايم وش معقوله بيصير الحين ,,,

جاها فضول تجاه هالشي وطلعت لفيلاعمها طلال ,,لكنها انصدمت بوجود مها في الساحه وهي جايه يمها ,,

هيفاء : من وجايه يا مها

مها " من بيت خالي طلال ,, ليه وشفيك ,,,,

هيفاء : من هناك ,, تبي تشوف عسى مو صاير شي كايد

مها : ما شفت حد مهم,,, كملت هيفاء طريقها ,,,, تبي تشوف من هذا اللي عندها جرأه وتكلمها في الجوال وتعطيها معلومات عن قصرهم واهلهم ,,,اول ما دخلت فيلا طلال شافت عبير في المدخل ,,

عبير : اهلا هيفاء وهي تحاول تعطلها شوي ,,,وش اخبارك يعني ما تسألين عنا عسى ما شر لاتخلين قلبك اسود عاااد ,,

هيفاء اغاظها كلام عبير ومو في حالهها ,, لانها ما شافت شي مو طبيعي في البيت ,, وما انتبهت ان عبير تلعب في جوالها ,,,

هيفاء وهي تبي تفتك من عبير ,, وين خالتي سلطانه ,, عبير وهي ترفع كتوفها بأنها ما تدري عنها بس يمكن تكون في المجلس ,,,,

مشاعل في اللحظه هاذي كانت واقفه تراقب مدخل جناح فهد ,, شافت مسج عبير ,, وعلى طول نفذت الخطوة الثانية

,, فهد اللي مستريح في سريره ومو عارف وش بيجيه ,, انتبه لأتصال ما عرف رقمه ,, بغى ما يرد عليه لكن لسوء الحظ جاه فضول تجاهه ,,

فهد : نعم

*** : الو ,, انت فهد

فهد : من معي

***: اتركك مني وروح شوف مدامك تواعد رجال من وراك ,,, على العموم المكان مو بعيد ,, في فيلا طلال وسكرت السماعه بسرعه ,,,

دقيقه مو اكثر وفهد ظاهر من الجناح بسرعه ,, شافته مشاعل وضحكت ضحكة انتصار ان كل شي بينتهي على اللي تبي ,,,

اول ما طلع فهد ,,, دخلت جناحهم وحاولت تشوف مكان تسريحة هيفاء وحطت عليها الجوال الاصلي لهيفاء ,, وطلعت مستعجله ,,,,

هيفاء وهي تحاول تشوف وين خالتها دخلت تشوفها في المجلس ,, الا تشوف قدامها رجال غريب اول مره تشوفه في حياتها ,, ما كان عليها الا شرشف صغير طلعت به من القصر جت بتحطه على شعرها من الصدمه الا هو يقرب منها

مشعل : هلا يا قلبي اخير شفتك ,, تروعت هيفاء منه وجت تطلع برى اكيد ذا مو صاحي والا فيه شي وش فيه يطالعها كذا ,,,

وهو يمسكها : تعالي لا تخافين ,,, انا معك والفيلا مافيها احد الحين ,, تعالي ,,,

ما التفت له تبي تطلع الا فهد في وجهها والشر طالع من عيونه ,,

هيفاء : انا مدري ان فيه احد هنا ,,

فهد وبصوت عالي : مشعل انت وش جابك هناااا ,,

هيفاء اللي صايره مثل البزر الضايعه ,,

مشعل اللي توهق ومادرى كيف ينقذ نفسه : هيفاء اتصلت علي وجيت ,,, ومر سريع من عند فهد يبي يطلع لكن فهد خذ بثوب مشعل ونزله في القاع ,, ورفسه على خده بقوووووه ,,, شغلك عندي ,, اذلف يالله ,,,

وهيفاء منصدمه من كل شي ,, ما شافت الا فهد يأخذ جوالها من يدها ويشوف اخر مكالمة ويشوف فيها رقم مشعل ,,,

فهد : وش تسمين هذا يا مدام ,, لا تحسبيني مغفل ,,, لكن صحيح خساره فيك كل شي انتي انسانه حقيره فاهمه وش يعني

حقيره ,,,,

هيفاء : فهد انت شتقول وهي تبكي ,, والله مدري عنه ,, فيه وحده كلمتني وقالت لي اجي

فهد : بس ولا كلمه ,, انتي طالق ,, يالله قبل لا اذبحك بيدي ذي انقلعي من وجهي قبل ارتكب فيك جريمه

هيفاء سمعت كلمة طالق انهارت وما صدقت ان كل شي صار في دقايق وينتهي حلمها مع فهد كذا ,,,

ريما دخلت مع الباب ,,,وهي تسمع صراخ فهد وعبير معاها وهي تضحك جوووه قلبها ان فهد طلقها ,,

ريما : فهد عسى ما شر ,, وش فيك يا اخوي :: وش صاير ,,

فهد وهو يدف ريما بيده ويطلع من الفيلا بكبرها ,, اسئلي بنت عمك ,,,,,

هيفاء ما تدري وش صار ,, اخر حاجه شافتها ظهر فهد وهو طالع ,,,,,

ريما تصب على وجهها مويه ,,, وتحط عطر وعبير يعني قال بتساعدها تنقذ نفس ,,,

هيفاء فتحت عيونها واول ما شافت ريما وعبير حزنت من نفسها ,, وقامت بمساعدة ريما ,, وديني غرفتي ,,,

خذتها ريما ومشت معها للقصر وهي مسندتها ,,, اول ما دخلت مع المدخل ,, الا تشوف ام طلال واقفه ,,,

ام طلال : هذه اخرتها يا هيفاء تبين لنا الفضيحه ,,

هيفاء وهي تهز راسها لا لا انتوا ما تبون تسمعوني ,,, كذب والله كذب ,,

ام طلال : بيكذب عليك مشعل ,, لا حول ولا قوة الا بالله ,,, ولطيفه اللي منهارة على الكرسي بعد ماجاهم فهد وقالهم ان بنتهم طالق ,,,,

هيفاء شافت امها وعرفت ان حياتها انتهت ,, وان فهد مستحيل يسمعها ويعرف منها الحقيقه ,,,,

هذا كله خططهم ,, اااااه هذا اللي انا خايفه منه صار ,, خساره يا فهد خساره ,,,

طلعت فوق وهي تحس روحها بتطلع منها ,, اول ما دخلت الجناح وشافت مكانها هي وفهد اللي ماله حس انفجرت تصيح على حالها وين كان وكيف صار ,,,,,,,

هيفاء وهي مسنده راسها على امها ودموعها ما وقفت وماسكه يدها ولطيفه تقرا عليها وتصبرها ,,, قعدت لطيفه تمسح على راسها

وتهديها ,, ارقدي شوي يا بنتي باقي على الديرة مسافه ,,,

هيفاء وهي ما ذاقت النوم من يومين ما تدري متى بتفتك من هالحزن اللي على صدرها دعت ربها انه ينتقم لها ,, وانه يحقق لها شي واحد بس

ان فهد يعرف انها بريئة ,,,,,,,