اذكى شخص
قالت مادام الهجر ما منه مصلـوح خفف من السرعه اشويه و حاسب
فكر قبل ما تنوي البعـد و اتـروح هل القرار اللـي خذيتـه مناسـب؟
الكل عينه من الحزن دمع مسفـوح والكل قلبه من الضغينـه رواسـب
صحيح ما يقسم للانسان في اللـوح ما يقـاس بالنسبـه ولا بالتناسـب
لا تحاسب اللي له في خفاقك جروح الله سبحانـه هـو اللـي يحاسـب
شهوة جسد مكبوحه بعفـة الـروح الحب مالـه مـن وراهـا مكاسـب
قلت النصيحه جات والدرس مشروح مايصير في يوم الفراق انتحاسـب
قالت هذا ماهو نصيحـه لمنصـوح هذا بلا تجريح شخصـي ولا سـب
كان اختبار اشواق قـدام ماتبـوح مع انك اذكى شخص , طلعت راسب
قالت مدام الهجر ما منـه مصلـوح خفف من السرعه اشوي و حاسب
ثمــــار الهـــــوى
ليــتك معي يوم الهـوى نود نسناس
من الــفرح والله ما تـدمـــع العـــــــين
نــاس على تعذيب ناس لهـم نـــاس
وهــذا الهـوى ياخـــذ قــلـوب المحبين
لكن لا يطري على بـــالك الـــــيـاس
ذوق الهــوى دامـك تعيش العمـر حـين
خذ من عطر ورد مع طيب الانفـاس
واقطف من اثمار الهوى في البساتين
خلك مع حلو اللما عـذب الالعــــاس
الجـــادل اللــــي فايــــق بكـــــل تكوين
لا تحط نفسك بين وعـرات الاطعاس
وافهــــم بــأن الحــب عـذب مــلاييـــن
الحــب مــرجع للمحبـيـن واحسـاس
والحب هـو فـي قـلب الاحـباب نوعين
ع كيف ما تبغي لك تـدق الاجــراس
والشـــــاطر اللي يمـــلك الحب بيدين