منتديات بنوته - عرض مشاركة واحدة

06-23-2011, 02:27 PM

السلام عليكم

اخباركم ان شاء الله تناقزون من الفرحه

الانتقام ومادراك مالانتقام وخصوصا اذا صار من شلتنا له طعم خاص

مرا لما كنا بالابتدائي كنا بصف خامس

كنا مرا مشاغبين وكنا سالفه المعلمات خامس راحوا وخامس جو

ومرا رفعنا ضغط االمعلمه هي تقول رددوا النشيد نقعد نغني اغاني راشد

راحت قالت للمديره والمديره ماقصرت دقت على اهالينا واخذنا علقات

هاك اليوم حنا ماسكتنا قلنا بننتقم بس بذكاء شوي ~>

بعد هاك اليوم صرنا مؤدبين حتى المعلمات يسالونا وش فيكم تعبانين شي وحنا لا مابنا الا العافيه ~>لا ززم نكون مؤدبين عشان نبعد الشكوك عنا

جاء يوم الانتقام الكبييير ~>

جبنا الاغراض وكانوا كالتالي :.

1\كبريت ~>

2\كرتون مناديل

3\ عطر

الخطه كانت اننا نحط المناديل بزباله غرفه المديره ونكب عليها العطر ونحرقها ونهج بعدين نجي نسوي انفسنا الابطال ونطفي النار لكن حدث مالم نتوقعه

كانت عند المديره مشرفه وماكنا نقدر نسوي شي اجي انا القائده اقول حنا محرقين المدرسه اليوم يعني محرقينها ~>
نروح ندور اي فصل عليهم فراغ لقينا فصل اول وكان هو اقرب شي لغرفه المديره قلنا لهم المديره تقول روحوا العبوا بالحوش ماعليكم شي هاللحين وسوينا خطتنا وهجينا كان هذا الحصه الثالثه بالحصه الخامس كان ربع الفصل رايح وحنا مسوين فيها الابطال جينا بنطفي النار وكنا موزعين المهام علينا اللي تطفي النار وتحترق جزمتها ~>انا

واللي يغمى عليها ~>عنود

واللي يطفون النار ~>لولو وماريا وبسمه وشهد

والباقين يصارخون ويبكون ويرحون الاداره وكذا

تمت الخطه على خير ورحت البيت بدون جزمه واهم شي بلغنا هدفنا وفشلنا المديره عند المشرفه

عاد المعلمات كرمونا وصرنا سالفتهم خامس الابطال والشجعان ومادري وشو

عاد باخر يوم اخر شي خلاص يوم صرنا بسادس قلنا للمديره اننا حنا اللي احرقنا فصل اول تجي تهاوش قلنا ترا اذا ماسكتي بنحرق غرفتك مير اسكتي وهي تقول انقطع لسانها

وللحين وماحد يدري بالسالفه غير فصلنا والمديره

ترا السالفه صدق مو خيال

وبث مير انتبهوا تلعبون معي اجيب كل الشله ونحرق منتداكم
__________________
ر ب ـيّ ..~
انْ كانتْ حيآتي فيٍ السمآءِ آج ـملْ ..~

فـ خ ـذنيٍ إليكْ..~