منتديات بنوته - عرض مشاركة واحدة

04-28-2011, 07:51 PM

؛
؛
في بيت ابو سعود
"هنااااااااااااااااااااااااااااااااااااااااااا اااا اااااااادي"
تخرعت هنادي وطاح جوالها من يدها طلعت بالسيب :-منالوه شفيه
قالت منال :-ام نووووووووووف هنا
شبت هنادي :-هنا
منال :-ايه جايبه اغراض العقربه
هنادي (بكت غصب) ودخلت غرفتها وقفلت الباب ..
ومنال نفس الشي دخلت غرفتها وقفلت بابها ...
قالت ام نوف وهي تناظر في البيت بتملك :-حلوه الديكورات الجديده
قالت ام سعود بدون نفس بس بلباقه :-لازم لانها متعوب عليها
ام نوف (مبسوطه) :- وين جناح العرسان
ام سعود (نفسها تقلب الطاوله حقت القهوه على راسها) لكنها قالت :-سوووووونيا
جت الشغاله قالت لها :-سونيا ودي المدام جناح بابا سعود نمبر 2
وقفت ام نوف وقالت ام سعود :-الشغاله بتدلك للجناح خذي راحتك
(ام سعود سوت نفسها انها بتخليها تشوف الجناح وترتب غرفه بنتها بلحالها من باب الذوق ماتدري ان الذوق اخر شي تفكر فيه )
طلعت ام نوف الجناح مع الشغاله ...
الا وبدخلة سعود الماس
انشرح قلب ام سعود الي لها كم يوم ماشافت ولدها ولاسمعت صوته :-هلا يمه
ابتسم سعود :-اهلين بالغاليه
وسلم عليها..
الماس :-هلا خالتي كيفك
ام سعود :-عيون خالتك بخير يالغلا انتي شخبارك وش اخبار العلاج
الماس :-تعبانه شوي بس بخير الدكتور دق على سعود عشان يجي ياخذ وصفة مقويات وهي علاج مبدئي ..الله يستر لان العلاج بالكيماوي هو الخطوه الجايه ..
ضمتها ام سعود :-الله رحمته شامله لخلقه
الماس :-والنعم بالله
ماتدري ام سعود كيف تعلمهم بس لازم تقول لهم ..لان الجناحين متقابلين ..
ام سعود (شكلها تعبانه) :-عيالي
الماس وسعود :-سمي
ام سعود :-ام احمد
قال سعود يهمس :-قطع هالسيره
مسكت الماس يده ...
ام سعود رحمة حال ولدها الي نحفان مره وعيونه تحتها هالات سوداء من الارهاق :-ام احمد فوق ترتب اغراض بنتها
انصدمت الماس وجمد سعود ..
بدون مقدمات طلع سعود من البيت بسررررررررررررررررررررعه ..
دورت الماس اقرب كرسي وجلست عليه ..
خافت عليها ام سعود :-يمه علامك
قالت الماس بتحجر من قوة الالم (الايام الي فاتت كانت مثل الحلم ماحست بحقيقة زواجه الا الحين ) :-ولاشي خاله
نادت ام سعود الشغالات ...
شربت الماس من يدين خالتها كاس مويه ...
قالت الماس بهمس ودموعها بعينها :-خاله مابي اقابلها
ام سعود :-يمه انتي مقابلتها مقابلتها اختصري على عمرك واقطعي راس الحيه من البدايه
ناظرت الماس خالتها الي كانت تنصحها بخبره سنين طوووووووويله ..
جمدت الماس في مكانها
ودقت ام سعود على جوال هنادي :-الو يمه تعالي تحت
هنادي وعيونها مورمه :- ان شفتها تفلت في وجهها
ام سعود :-يمه عن هالالفاظ تعالي الماس تحت
طياررررررررررررررررررررري الا وهنادي عندهم ..
ضمت الماس وقالت لها :-يالله قلبو نرتب جناحك
هزت الماس راسها وهي تحس بتعب ماله مثيل ...
دخلن الجناح ..
وجابن الشغالات الاغراض ..رتبت الماس وهنادي كل شي ...
بعدها بساعتين رجع سعود
ودخل الجناح لقى هنادي نازله تجيب عصير من المطبخ ..والماس ترتب ..
قال :-ذلفت
هزت راسها بدون ماتتكلم..
وقفت الماس على اصابيع رجلينها تحاول تدخل وحده من شناطها بالدرج العلوي ..
وقف سعود وشالها وهي تضحك من المفاجاه ..رفعها لين حطت الشنطه بالدرج ..
نزلها شوي شوي ووجهها مقابله ..
الا ونحنحه على الباب التفتوا سوى الا وهي ام احمد ...
---------------------------- >>هدوء وهالابتسامه اليتيمه ماتت
قال ام احمد بقلة حيا :-هلا والله بنسيبي
قالت الماس وماقدرت تمنع نفسها :-الباب الي دخلتي منه تدلينه
انصدمت ام احمد :-وشهو
الماس :-الي سمعتيه
ناظرت في سعود وقالت :-شفت حرمتك تطردني قدامك
هز سعود كتوفه وقال ببرود :-اظنك سمعتيها زين
انصدمت من قلب وقالت :-انت ماتبي بنتي من جد
سعود :- وجد الجد
قالت بحقد واستهزاء :-وش لاقي في عديمة الفايده ذي
انجرحت الماس بس طبعا هذي مو اول مره تسمع هالكلام منها بس اول مره يكون صريح مو تلميح
انقهر سعود وقال :-اطلعي من غرفتنا لا والله بالعقال وتعوديها تغلطين على زوجتي
ام احمد :-ونوف زوجتك
سعود بمرار :-مافيه شي بالغصب وان كانوا غصبوني اتزوجها فلانهم يبوني اتزوجها ام انا ف ما ابيها
ام احمد وهي تناظر الماس الشاحبه :-هه لاجابتلك نوف الولد ساعتها راح نشوف
وطلعت من الغرفه ..بسرعه
جلست الماس على الصوفا تبكي وحالتها حاله ..جلس جنبها سعود وهو المسكين على وشك يجيه سكر او ضغط قال برقه وصوته الحنون فيه اثار جرح بليغ :-لاتزيدين همي هم يانظر عيني هذي انسانه متبلده وقحه ماعليك منها
قالت الماس وهي تمسح دموعها :-صدقت في شي لاجابت لك الولد ساعتها بتنساني
قال بقوه :-ذكرني الموت ان نسيتك
قالت بسرعه :-بعيد الشر عنك
دخلت هنادي الغرفه وشافت حال الماس وعرفت ان ام نويف بخت عليهم سمها قبل لاتطلع لانها قابلتها عند الدرج وطبعا هنادي سفهتها وماعبرتها
×
×
×
×
×
×
×
×
×
>>>>>>>>>>>يوم الزواج <<<<<<<<<<<
جلس سعود متنح والجوال جنبه يررررررررررن رنين متواصل ولايرد عليه ..
اما الماس وبالغصيبه وداها بيت اهلها ..امس
بيختصر عليها الالم وبيرحم حالها من شوفته...
قال فهد وسلطان الي دخلوا بيته فجاه :-سعود
كان منزل عيونه بالارض محني الراس واصابيعه متشابكه
جلس جنبه فهد وقال :-سعود بلا فضايح الساعه ست المغرب
سعود :-------------------
سلطان :-سعود والي يسلملي عمرك طلبتك
وقام وحب على راسه
رفع راسه سعود ..
قال سلطان :-قم مشينا ياخي فكر في شعور عمي وفي عياله ترى والله مالهم ذنب
فهد :-سلطان معه حق خلي الليله تعدي على خير
الا وبدخلة احمد :-سلام
العيال :-وعليكم
جلس احمد جنبه وقال :- عارف انك مغصوب تتزوج وانا والله حزين مو عشان اختي لا عشانك انت
هز سعود راسه
قال احمد :-عماني وابوي ذبحوني بالمكالمات يحسبونك معي خلنا نروح لهم قم بدل ملابسك
قام سعود وطلع غرفته ..لقى الماس مزهبه له اغراضه وحاطتها على السرير ...
ضاقت فيه الوسيعه وحس بصدره يصغر ويصغر ويمنعه لايتنفس
لبس بسرعه ..يبي يرتااااااااااااااااااح وينتهي من هالليله المشؤومه ...
نزل للعيال وطلعوا كلهم القاعه ...
*
*
ناظرت دانه اختها وقالت :-الماس انتي واثقه من الي تسوينه
بكل قوه ملكتها كانت مصره تخرب هالليله على نويف وامها :-ايه
قالت دانه وهي مو مصدقه الي تسويه اختها :-انتي يامجنونه يا براسك شي
التفتت الماس وقالت وهي تناظر بدانه وتفكيرها في مكان ثاني وفي واحد مافيه غيره :-اليوم تحسبنها بتنتصر دانه مو بورقه راح تملكه روحتي للعرس عشان اشوف هزيمتها بعيوني وهي تشوف قدري عنده بعيونها اليوم ماراح تنساه بحياتها
خافت دانه :-الماس مانبي فضايح
الماس :-دانه انتي تعرفيني
دخل خالد وامه معه الغرفه بعد مادقوال الباب وجمدوا يوم شافو الماس ..
قالت امها وشكلها بيغمى عليها :-يمه على وين
الماس ببرود :-بروح معكم
خالد انهبل :- من جدك
الماس :-ايه
ناظروا كشختها وجمالها الي يسحر الاعمى ...كانت لابسه فستان زمردي شبيه بفستان نجوى كرم باغنيه (بحبك ولع) على جسمها وعلى طوله وعلى شعرها الي ماسكته من قدام باكسسوار كريستالي ناعم روووووعه والباقي كيرلي طالعه ملفته للانتباه بشكل كبير ..والمكياج كان عذاب سموكي يجننننن على وجه ولا اروع منه ..
قالت امهم :-خالد دانه اطلعوا بكلم اختكم
كانت الماس عارفه ان امها ماراح تعدي لها هالشي ..لان امها ماكانت تبي تروح بس ابوها غصبها وسوى مشكله بالبيت ..
طلعوا من الغرفه ..
قالت ام خالد :- مجنونه انتي وين تروحين
قالت الماس :-بحضر عرسه
خنقت امها الغصه :-يمه مالها داعي
عندت الماس :-طلبتك يمه ابي اروح ما ابي اكون ضعيفه تكفين
رجاها كسر قلب امها ووافقت ..
نزلت الماس مع امها ..
انصدمت قمر :-الماس
ناظرتها الماس اما دانه فغمزت لقمر الصريحه عشان تسكت
مسكتت قمر غصب لان الكل صاير يراعي مشاعر الماس مرررررره ..لان اقل شي يخدشها ويكسر حصون القوه الهشه الي بنتها حول نفسه
قالت الماس لخالد :- خلود انا بجلس ماراح اروح الحين
خالد :-تجين مع السواق بلحالك لا لا روحي معنا
الماس :- حمد بيجلس معي تعرفه مايحب العروس
خالد :- وش الفرق الحين ولا شوي
عدلت الماس فستانها وقالت :-فيه فرق
واضطر انه يوافق وتفكير اخته محيره ...
مسكت دانه قبل لاتطلع وقالت لها :-قبل لا يدخل سعود بوقت كافي دقي علي علميني
دانه (وهي خايفه على شعور اختها ) :- انتي واثقه من الي تسوينه
بعناد وثقه :-ايه لاتنسين
دانه :-طيب
×
×
&
*
*
###
><في القاعه ><
كانت ام سعود وبناتها واصلات حدهن من الضيق وهن يشوفن ام احمد تصول وتجول ومبسوطه ..
"قلللللللللللللللللللللللللللللللللللللوش"
همست هنادي :-وجع ان شاء الله
منال :-من الي جايب ذلي الي فقعن روسنا من اليوم
قالت سعاد تستهزء :- من غيرها ام احمد
ام سعود :- يزغردن على ايش مالت عليهن
جت دفعة حريم يباركن ...
وسلمن على البنات الي واقفات بالاستقبال ..
بعدها وصلت ام خالد وبناتها واستقبلنهن بنات بو سعود الي ملامح وجيههن شينه ..تقولين بعزاء مو عرس
****
جلست سعاد جنب دانه وقالت لها :-وش اخبار الماس
قالت دانه بضيق :-ابشرك استخفت
سعاد :-ليه
الا وجوال سعاد يدق ..:-الو
فهد :-بالملعنه وامها يالله اقنعناه يدخل
سعاد :-متى
فهد :-بعد عشر دقايق لانه يسلم على المباركين وبيجلس معهم شوي
سعاد وهي تفز :-طيب طيب
قالت دانه وهي على وشك تبكي :-بيدخل
سعاد :-ايه فيه ضيوف جدد بيجلس معهم دقايق ثم يدخل
وقفت وقالت :-بقول لامي تعلم العقربه
وراحت سعاد لامها ..طلعت دانه جوالها ودقت على الماس
الماس وقلبها يرررررررجف :-بيدخل
دانه :-ااااااااااااااايه
سكرت الماس الخط وفزت ..
حمد :- مالي خلق اروح
الماس :- حمد ماعندي وقت بعطيك خمس ميه بس تعال معي ماحب اركب مع السواق لحالي
استانس حمد :-طيب
×
×