كل كبير في اكبر منه ...
الساعه 5الصباح من اليوم الثاني ..
السعوديه - الرياض
قطرات الندى على النوافذ القزازيه ..
والشمس ساطعه على رخام القصر الفخم ..
حول طاوله الطعام ..
ام رياض تروح وتجي بتوتر .. تمشي والخوف مالي قلبها ..
وش هالمصيبه الا اكبر من مصيبه ..
بو رياض ببجامه البيت العاديه وايده على طاوله الطعام بتعب : الجازي لف راسي معك اجلسي وقولي وش عندك ..؟
ام رياض ايدها بارده وترتجف قالت بتوتر : مراح احكي الا لما يجوا كلهم ..
بو رياض تثاوب وحط راسه على ايده : اذا جائوا صحيني ..
صرخت بعصبيه : ميري ورفوعه وين العيال صحيتيهم والا ..
ميري بخوف وهي بلبس النوم : ايوه .. في صهي مدام ..
زادت صرختها وعصبيتها لقت حد تفرغ فيه قهرها : وليه ماجائوا لهالحين بسرعه صحــ
قاطعها متعب وهو يحك شعره المنكوش : يمه وش هالصراخ .. – انتبه بابوه – اوووه الوالد هنا .. وش اللي حاصل ..
بو رياض جفنه ثقيل : قل صباح الخير ..
متعب اشر له : صباح الليل .. الساعه خمسه الفجر ..
ام رياض : وين اخوك ..؟
متعب جلس بجنب ابوه بالطاوله : وانا وش يدريني ..زوجته انا هع هع هع ..
ام رياض ناظرته بعصبيه : متعب مو وقت سخافتك هاللحين ..
متعب همس لابوه : اوه البلون بينفجر عندها ..
بو رياض بنص عين ناظر متعب : اكيد لشي تافه ..
متعب بتفكير.. ابتسم : انا السبب اكيد لان زواج فيصل الليله ووزوجته اللي كانت تبغاها لي ..
بو رياض عدل جلسته : اما لوكان كذا لارمي عليها يكمين الطلاق ..
متعب : لااا قابلني هع هع ..
ام رياض لفت عليهم بعصبيه : انتم تتهامسوا وتضحكوا وانا هنا احترق وينه اخوك هذا ..
رياض دخل وهو يتثاوب ويتمدد : صباح الخير .. ايش فيه ..؟
ام رياض : اجلس بسرعه ..
رياض جلس وهو يناظر ابوه ومتعب وش القصه ..؟
ام رياض بلعت ريقها ولفت عليهم تناظرهم .. ولا واحد ينشد فيه الظهر ..
استغربوا من حال ام رياض .. ليه متوتر وخايفه كذا .. ومجمعه اللكل ..وكل واحد اخذه تفكيره لمكان ..
بو رياض حس انها درت عن علاقاته ...
ومتعب علشان زواج فيصل ..
ورياض بتحاكيه عن وعود وعلاقته معها والوعد اللي وعتده ..
واقفه قبالهم بروب ابيض طويل وعليه روب شفاف يغطيه .. وشعرها ملفلف باللورات ..
وعيونها حمراء من العصبيه والقهر ..
قالت بعد فتره صمت وتفكير : ابوي وصل لرياض ..
متعب ورياض : جدي .....؟؟؟
بو رياض : عمي ..؟؟؟؟؟؟؟
لحضه صمت طويله ..
اللكل سكت وفهم سبب خوف ام رياض ..
عبدالله الرالي الكبير وصل ..
كل لعبهم .. راح ..
كل استهتارهم .. بيبان ..
محد يعرف عبدالله الرالي مثلهم ..
قرصان الرعب ..
..وصل اللي يرجع كل ميزان لميزانه ..
رياض انبسط ان جده وصل .. بس اختفت فرحته لما تذكر الاوراق اللي بيد امه عن كاترين زوجته ..
اختياره اللي كان مبسوط فيه وايده فيه جده طلع خطاء .. ولو عرف اللي عمله بوعود بنت عمه وش بتكون نظرته له او ردة فعله ..
بورياض ضاق صدره ..
الاختلسات اللي عاملها ..والاوراق اللي ملعوب بمصداقيتها ماتمر على عبدالله الرالي ..
علاقاته الحره يتزوج ويطلق بتبان عنده لو ضل اسبوع واحد بالرياض ..
متعب ..
تاريخه ابيض ورقه مشرف ..
بس عنده عيب واحد مايرضي جده .. علاقاته المتواضعه مع الناس .. ومشاركته لبعض خطط امه ..
ام رياض اكثر انسانه مرعوبه ..
طوال حياتها كبيره ومتجبره .. لكن عند ابوها تكون نمله ..
ابوها اللي كلمته مثل السيف .. ورايه يمشي على اللكل ..
ابوها اللي عصته وتزوجت فقير " فهد الرباح " وياليتها ماعصته ..
ابوها اللي حاقد عليها يبغى تنازلها عن فلوس امه وماعطته ..
وش بيعمل فيها لو عرف انها فاشله ..
كام
وكزوجه ..
لوعرف عن تزويجها لسجى من تركي ..
وربى لولد الهنديه وبعد هو اللي عافها ..
ورياض اللي يمشي ورى عشقه لمسيحيه ..
ومتعب حبيبها هو اللوحيد اللي بيرفع راسها عند ابوها ..
قطع الصمت ..صوت جوال متعب .. نغمته كسرات ..
طلعه من جيب ثوبه البيت .. وناظر " الغثه " رد عليها علشان يصرف اهله اللي يناظروه : الو ..
لميس : بحلم بيك انا بحلم بيك وباشواقي مستنيك وان ما سالتش فيه
يبقى كفايه عليه عشت ليالي هنيه احلم بيك انا بحلم بيك...
ام كلثوم مشغلتها لمتعب ..
متعب تغير وجهه وناظر باهله ماكانوا يناظروه اللكل بهمه .. ماسكر السماعه ...
ضل يسمع الاغنيه .. اول مره يحس ان ام كلثوم صوتها حلو .. وبعد علشان يخسر لميس ..
: بحلم بيك يا حبيبي انا ياللي مليت ايامي هنا بحلم بيك عارف
من امتى من اول ما عرفت احبك بحلم بيك وبحبك وانت اول
حب واخر حب وانت حياتي وابتساماتي وانت النور للعين والقلب
طفش من صراخ ام كلثوم وسكر السماعه بوجهها ... وناظر باهله وهم مكبريتن الموضوع ..
بعد فتره صمت طويله .. بو رياض: وش رجعه بعد كل هالسنوات ..
ام رياض تنهدت : ثلاث سنوات مرتاحين منه ..
متعب بهدوء : احسكم مكبرين الموضوع واذا جاء .. اكيد بيرجع لاس فيغاس ..
ام رياض : لا اا بيستقر هنا .. خلاص ..
متعب : عودت فرعون بو جراح هع هع هع
ناظروه اللكل ونفسهم يقتلوه ..
وعود دخلت بجلالها وبرقعها : السلام عليكم ..
توجهت عيون اللكل لها .. ومحد رد السلام ..
استغرب وعود منهم .. وحست انها قاطعتهم ..
: سوري قاطعتكم .. ضنيتكم تفطروا ..
رياض او ماسمع صوتها .. حس بشي انه يستمد قوه من صوتها الواثق ..
انسانه قويه وصبوره .. هذا اللي محتاج له هاللحين ..
ام رياض : لا تعالي اجلسي معنا .. مافيه شي قاطعتيه ..
رياض لازم يكسب امه اكثر هاللحين بتتلاعن معه ..
اشر لوعود : حبيبتي عودي .. تعالي بجنبي ..
وعود ناظرته (( عودي .. وش هذا يدلعني يعني .. ياشينها منك ..
آآف ... ايش يبغى هذا .. ماله داعي ..))
مااحرجته قدامهم وجلست بالكرسي اللي بجنبه وهي تحس شكلها غلط معهم ..
السكوت ملاء المكان من جديد واللكل سرحان ..
وعود استغربت من حالهم .. وبالذات ام رياض ..
بعد فتره
اندق الجرس .. ناظروا بعض برعب ..
وعود تاكدت ان فيهم شي .. شكلهم مريب.. كانت تبغى تسال .. ايش فيه بس مالها حق ..
ومثل ماتوقعوا ..
انفتح الباب وسمعوا صوته الفخم : مضاوي .. فهد .. وينكم فيه ..
دخل لغرف الطعام وسكر الباب : انتم هنا وانا اناديكم ..
محد رد سكــــوت وهدوء ..
وعود رمشت اكثر من مره وهي تناظر ..
شايب مليان وعريض له كرشه كبيره ..
لابس ثوب ابيض .. ولانه طويل مره طالع الثوب عليه مرتب ..
ماله شنب .. بس مقدمه اللحيه ..
بشرته بيضاء وفيه مناطق حمراء بوجه من شده بياضه ..
ملامحه تشبه ملامح ام رياض بالصرامه والقوه ..
يمشي بثقه تامه وعيونه تشمل اللكل بتعالي ..
..بالعربي سعـــــودي بطران ..
بو جراح : ليه ساكتين .. ماتجوا تسلموا ..
ام رياض بارتباك واضح باست راس ابوها .. وبانت كانها طفله صغيره خايفه ...
انسنه تختلف كثيـــر عن ام رياض القويه ..: الحمدلله على سلامتك يبه ..
بو جراح : الله يسلمك ..
سلموا متعب ورياض بنفس الاحترام ..اما بو ريا بس بالايد ..
وعود خافت منه .. وماعرفت كيف تتصرف .. ومن هذا اصلا اخو ام رياض او ابوها ..
بو جراح التفت لها وابتسم وبانت اسنانه الذهبيه : سجااي ليه متغطيه تعالي لعند جدك ..
رياض ابتسم لجده ورد قبل لاتفكر وعود تفتح فمها : لا يبه هذي زوجتي وعود .. بنت عمي حمد
بو جراح رفع حاجبه وقال بصوت مو عاجبه شي : بنت حمد ماغيره الفراش .. و كاترين وينها عنك ..؟
وعود فتحت عيونها بصدمه .. وش عنده هذا يحكي عن ابوها كذا ..
ناظرت بعمها فهد تنتظره يرد .. حصلت يبتسم ببلاهه ..
وماهي مترجيه من رياض رد ... لانه مبسوط اكيد من داخله ...
رياض ناظر وعود بانتصار .. وقال مبتسم .. : اوه كاترين قديمه من زمان عنها ..
بو جراح : قلتلك فتره وتمل .. وينها دلوعتي سجاي ..
سكتوا وناظروا ام رياض ..
بو جراح : يابنتي ..نادي على بنت عمك سجى ..
وعود : انا
بو جراح ابتسم لها : ايوه ..
وعود توهقت وسكتت وماتحركت من مكانها ..
ام رياض مصيبه فوق راسها : بابا سجى مو هنا ..
و حكت له كل شي تزوجت بدون عرس واخذت ولد فقر صديق متعب ..
كانت مرعوبه من رده فعله ابوها ..وهي تحكي له ..
**********************
عشاق من احفاد الشيطان ... روايه رومنسيه حزينه .. ... وخياليه
**************************
اليوم ليللتها .. اليوم بتتوج عروس وبيعملها لها الحفله ..
فيصل رمى الفستان على السرير : خذي البسيه اليوم .. علشان امي والبرستيج والا ماكان عملتلك هذي الحفله ..
شموخ جالسه على الكنبه وضامه رجلها لصدرها تناظره .. بدون اي كلمه ..
فيصل شغل سيجاره حشيش بتوتر : ليه تناظريني كذا .. قاتلك احد ..
شموخ ماتحركت من مكانها بس تناظره ..
فيصل يتنرفز من نظراتها .. عيونها تكسر خاطره شكلها تعبانه ومهمومه ... بس ساكته ...
انسانه لها قدره فضيعه تسكت طول يومها وبس تتامل ...
: لف وجهك عني ..
شموخ ضلت على جلستها تناظره .. ريان نساها .. ومالها الا هذا اللي مخلوق من حجر ..
فيصل مشى بسرعه لعندها وهو معصب : لاتضني بنظراتك هذي بتكسري خاطري .. انا فاهمك اكثر من اي احد .. انسانه حقيره ..
شموخ تصرخ بداخلها (( كنـــــــــــت حقيــــــــــره .. كنــــت والله كنــــــت ..
ليه
محد يغفر ويسامح ... ليـــــــه .. ماتنســــوا .. ))
فيصل مسك ايدها وهو موصله معه من العصبيه .. طفى سيجاره الحشيش بيدها ..
صرخت شموخ باآلم وسحبت ايدها بسرعه : آآآآآه ..
فيصل بين اسنانه : علشان لما اقولك انطقي تنطقي وماتناظريني كذا .. ماني بغبي اصدق نظراتك ..
شموخ تنفخ على مكان الحرق وهي تتالم ..
يطفي بجسمها السيجاره .. لهذي الدرجه حقيره عنده ..
فيصل سحب ايدها المحروقه من ايدها السليمه ..ونفخ عليها .. : علشان ماتعاندي ..مره ثانيه
شموخ ايدها تالمها مره .. سحبتها منه وعطته نظره حقد : اتركني ..
فيصل ابتسم ببرود وقرص خدها بقوه وحرك راسها يمين ويسار وهو ماسك خدها ..: شاطره زوجتي كذا احكي مو تسكتي
شموخ يتحرك شعرها مع حركه راسها تكره فيصل بس ماتقدر تبعده عنها او عن اي شي يعمله فيها .. لانه مايهتم فيها ولايخاف .. وتحسه يبغى يقتلها ..
فيصل يحس جمالها بشاعه .. يناظر بعيوبها ومايناظر بجمالها المزيف من برى ..
ترك خدها بعد ماتكد انه يالمها من الدموع اللي تجمعت بعيونها : يله ياروحـــي تجهزي المصفف برى يحتريك ..- قرب من وجهها اكثر .. وقال بصوت واطي رومنسي .. فيه شوية تملك – ابغاك تكوني الليله ملكي .. لي انا .. عروستي لوحدي ... ابغى اللكل يحسدني عليك .. ابغاه تطيري عقل كل من يناظرك .. اوكي حياتي ..
شموخ ناظرت بعيونه .. وتحس بفرااغ كبير بداخلها ..
وجه فيصل وهو قريب منها بوسامته .. وعيونه اللي تنطق كرها لها .. يتلذذ بتعذيبها ..
تبغى تبكي وتصرخ بس كل هذا مايفيد ..
فيصل لما طولت مادرت .. قال بصوت حاده شوي لكن واطي : اوكــي حياتي ..
شموخ هزت راسها بخوف ودمعتها بهدبها مانزلت : اوكي ..
فيصل ابتسم براحه : شاطره .. ويله بوسه لزوجك قبل مايطلع ..
شموخ لو بيدها تعترض .. تدفه باشمئزاز كان عملت ..
قربت من خده وباسته بنعومه .. وهي حاسه بالذل ..
فيصل اعطاها خده الثاني : وهذا ..؟
شموخ غمضت عيونها وباسته ..
فيصل ابتسم اكثروحس بارتباك .. لان شموخ ترتجف ..
يبغى يبعد عنها ويضحك بوجهها مثل ماخطط .. بس ماقدر .. في شي انساني بداخله يشتغل ..
مسح على شعرها وهمس باذنها : لو ظروفنا غير وحياتنا ثانيه .. كان ضميتك ومسحت دموعك .. بس اسف انتي مو لي ولا انا لك ..
بعد عنها بهدوء وطلع من لغرفه ..
سكر الباب وجلس على اقرب كرسي .. بالصاله ..
رفع كم ثوبه وناظر امكان الابر.. تحسسها بضعف ..
: ياليتني اموت منك باقرب فرصه وارتاح .. يااارب خذني لعندك وريحني ..
.....*....
شموخ تمسح دموع من عيونها تعاندها و تنزل ...
تكرهه .. تكرهه .. تكرهه ...
تكره كل رجال بحياتها ..
تكره نفسها وضعها ..
قاســي .. مايمشي بعروقه دم .. ولاينبض بصدره قلب ..
ذلها راحته ...
ناظرت بالحرق اللي بيدها .. وكانها طفايه يطفي فيه سيجارته ...
فتحت الثلاجه الصغيره واخذت من الثلج .. تبرد فيه النار اللي بيدها ..
بس ويبرد النار اللي بصدرها ..
ام ريان دخلت عليها مبتسمه : بينك حبيبتي جو رعد بــ - شهقت –ماتروشتي يله ماعاد بقي وقت ..
شموخ دخلت للحمام تتهرب من امها : اوكي ثواني وطالعه ..
ام ريان حست بين فيصل وشموخ شي بس ماتدخلت ولا فتحت فمها حياتهم وهم يحلوا مشاكلهم بطريقتهم
**********************
عشاق من احفاد الشيطان ... روايه رومنسيه حزينه .. ... وخياليه
**************************
سجى اخذت شنطتها بسرعه وركضت بتطلع بره الا تركي واقف بوجهها وعطاها نظره مافهمتها
بلع ريقه وقال : بتطلعي معه
سجى : ايوه اكيد مستحييييل اجلس دقيقه هنا .. انا اكرهك واكرهه اهلك وكل مكان هنا ..- رفعت راسها بغرور – وهذا انت شايف جدو ماسكت انا كنت عارفه انو مستحيل يرضى لي عيشه القرف هذي
تركي سكت مارد عليها بس يتاملها ..اخر مره بيشوفها فيها داري انها بتطلب الطلاق وجدها مستحيل يسكت ..
سجى ارتبكت من نظراته وقالت بتوتر : ممكن بمر
تركي قرب من عندها اكثر وهمس باذنها : الله يوفقك تاكدي اني ماكرهك
طبع بوسه ناعمه على خدها .. وبعد عنها ..
سجى قوتها اللي اخذتها من وجود جدها .. كرهها الوهمي لتركي .. ضاع من حكيه هذا ..
غرقه عيونها ومشت بسرعه لبره .. تبغى تناساه وتنسى الشهور التعيسه اللي عاشتها بقربه ..
بوجراح : يله تعالي – احتقر تركي – مو من مصلحتك تعاند وماتطلقها..
تركي ابتسم بالم مو هذا الاتفاق .. مو هو مايبغاها ويشك فيها لحد المرض.. مو هذي الطفله اللي بعدته عن حبيبته حنين .. واقتحمت بيته بنعومتها .. يله جاء الوقت اللي يتنهي هذا اللعب كله ..
ناظر بعيون سجى ونفسه يسالها باقيه علي والا .. تبيني والا اطلقك ..
سجى تمسكت بجدها اكثر وبخوف ..
تركي نشدت عضلات وجهه وابتسم بتوتر اكثر : لا بطلقها ...- بلع ريقه يحس انه جف - آحم انتي .. انتي - نزل عيونه للارض وقال بصووت واطي مرتبك .. يحس انه بين نارين احساس صعب – انتي
طالق ..
سجى حطت ايدها على فمها بعد ماشهقت .. نزلت دموعها ..وضاعت كلامات الانتصار اللي كانت بترميها بوجهه لما قال لها جدها انه بيطلعها من هنا ..
(( لييييييه ليه ياتركي توقعتك على الاقل تعترض تصرخ تعصب ..مو تقولها بهذي السهوله ..
والله ان قلبي مادق لحد مثل مادقلك .. انا مو بس احبك الا اعشـــــــقك .. اعشق كل شي فيك .. واغار عليك من اهلك واخواتك ومني انا .. لكن انت تكرهني وماتطيق ساعه بقربي لانك باختصار ماتثق فيني))
مشت ورى جدها وقبل لاطلع قالت له بين دموعها وهي ترتجف : اكرهـــــك ..
كانت تبغى ترجع شويه من كرامتها شويه من عزة نفسها اللي ضاعت بهالبيت ..
: انت حقير اكرهــــــك اكرهــــــك ...
ركضت بسرعه لبرى البيت .. لعند جدها وهي تبكي ..
مطلقه هذا اسمها من اليوم طالع ..
بعيد عن ايد تركي للابد ...
**********************
عشاق من احفاد الشيطان ... روايه رومنسيه حزينه .. ... وخياليه
**************************
الشمس بدت تغرب ..
التوقيت بالضبط الساعه 6 ..
لقاء القلوب المعذبه ..
ريان ..ابتسم وهو يناظر شكل شموخ .. اشتاق لها ولملامحها .. فقدها كثير ..
شموخ كانت واقفه قبال المرايه وعيونها مغرقه .. مادرت عن ريان اللي واقف عند الباب ..
ريان تنهد وفيه غصه .. شكلها خيال اكثر من خيال .. فستانها ابيض طويــــــل..
كان من عند الصدر ماسك بدون حبال او اي شي .. مغطي نص الصدر والنص الثاني عليه فصوص كريستال تبرق مع الاضواء .. يغطي الصدر بس ..
عند نهاية الصدر و بداية البطن القماش ماله بطانه بهالمنطقه و بالسرة فص كريستال على شكل حلق .. والظهر كله لنهايته مكشوف ..
والطرحه مغطيه الظهر كله .. وطويله مرره .. وكلها كريستالات تبرق .....
مكياجها بلون البينك الصارخ .. باهم ليله بحياتها ..وشعرها البني سايح على جسمها وطولان كثير لتحت الفخذ وموزع قدام ورى .. وتسريحه بف مثبته الطرحه ..
طرحتها اللي على كتفها ..ومغطيه جوانب وجهها ..
ريان طلع صوت يعلمها بوجوده .. لانها واضح ماحست ..: آحم آحم ..- بصوت مبحوح - بينك
شموخ لــ