سكر السماعه بوجه ريان ..
ريان تنهد وراح لغرفه منى ..
بالانعاش ..
كانت مزحومه بالناس اهلها واحفادها ..
ناظرهم عاقد حواجبه .. ومعصب .. شاد شفايفه .. وبعيونه السرحان ..
منى ناظرت بريان وابتسمت بشوق : رياااان ياحياتي انت جئيت ..؟
عيالها كانوا يحتقروا ريان ويناظروه بحقد .. وجائته البنت اللي تقاسمهم باملاك امهم الكثيره ..
ريان بدون نفس : ابغاك لوحدك ضروري
ساره :يله حنا نستاذن
بو ريوف احتقر ريان : يمه انا بره ابغاك اذا خلصتي
طلعوا كلهم ساكتين ..
منى تاشر لريان : تعال حياتي وحشتني عيونك الناعسه ..
ريان بنفس مكانه يناظرها بجمود ..وهو مكتف : بنتنا شفتيها ..
منى بقرف : نووو ولا ابغى اشوفها بتركها هنا عندهم .. طلعت معاقه ..
ريان باستهزاء : جد معاااقه محد حكالي
منى بجديه : رياان لاتتريق انا احكي من جدي .. بنتنا مالها وجود بهالدنيا وجلستها هنا مع اشكالها احسن .. وانت لاتضايق نفسك الله بيعوضنا باحسن منها .. ولاتعملي فيها انت كنت ماتبغاها ..
ريان يسايرها بقهر : يعني قولتك نرميها هنا ..
منى : لاااا مو نرميها حراام عليك .. نتركها هنا مع اشكالها ..
ريان : اهااا اشكالها ..واللي يقولك بياخذها معه ومستحيل يتركها ..
منى : من جدك انت ..؟ مانت بصاحي ياريان تصرفاتك يوم عن يوم تزيد غباء ..
ريان : وانتي يوم عن يوم تزيدي بشاعه ..- منى فتحت عيونها مصدومه - لاتناظريني كذا .. خلاااص يامنى ماني بطايقك ولا تصرفاتك المنحرفه .. في ام ماتبغى بنتها مانتي بصاحيه ..
منى : شكلك تعبان ياقلبي وماتدري وش تحكي بكره نتفاهم ..اتركني هاللحين شويه ..
ريان: لاتستعجلي انا طالع بس في شي حطيه ببالك كويس .. روووان بنتي من اللحضه هذي يامنى ماتدخلي فيها وتنسيها ..
منى عارفه ان ريان متعاطف مع روان شوي بعدها هو اللي بيرميها .. لان ماعنده قلب ومايحس : اوكيه ..
طلع من عند منى وهو مقهور منها .. حس ببشاعتها اكثر من اي وقت مضى ..
ماتبغى بنتها لانها معاقه .. هذا وهي امها ..
كيف المجتمع .. ؟ كيف الناس اللي حولهم .. ؟
رجع للممرضه من جديد : وينها ابغى اناظرها ...
دخلته الممرضه لغرفه دافيه مليان بريحه المعقمات والمواليد كثير فيها ..
اسره كثيره بداخلها اطفال مايدروا وش مكتوب لهم من هذي الحياه ..
وهو يناظر الاطفال خطرت بباله فكره شيطانيه .. فكره ترعب وتخوف ..
وقفت الممرضه عند سرير فيه طفله صغيرره مره مره مره ..
ملفوفه بغطاء ابيض .. وجهها وايدها بس اللي واضحين لونها احمر .. وفمها صغير وانفها مو واضح ..
مواضح عليها الاعاقه الا اذا دقق اللي قبالها بملامحها كويس ..
شكلها يشبه كثير من اللي حاملين مرضها .. تكوينت وجههم وحده رسمت عيونهم ...
خنقته العبره وضاقت فيه الوسيعه ..
ارتجفت شفايفه وقشعر جسمه وهو يشوفها بهذا المنظر ..
دخلت لقلبه بسرعه وحبها ...
تعاطف معها ورحمها ..
يحس انه يبغى يحميها من كل اللي حولها .. حتى من الهواء ..
الممرضه : ايش يبي اسم انت هذي صغير ..
مارد عليها كان يتاملها بحنان وحزن ..
اول مره بحياته كلها يتمنى لنفسه المرض والاعاقه بس علشان تعيش هذي الصغيره مثل باقي الناس وتكمل حياتها لبعد 17 ..
حس بالكون ضايق من حوله .. فتح قلاب ثوبه ..
ابتسم لها وهو يمسك دموعه يحس انه يبغى يصرخ ويبكي ..
لف على الممرضه بصوت مبحوح .. : متى تطلع من هنا ..
الممرضه : بيبي والا مدام
ريان بطفش : اكيد البيبي وش مدامه انتي ..؟
الممرضه : بيبي يوم .. يومين بس ..
ريان طلع من جيبه بوكه.. ورمى بيدها 1000 ريال ..:.. وماتتركي حد ياخذها غيري انا ..
الممرضه فتحت فمها تضحك مبسوطه : اوكي اوكي .. انت كويس بابا ..
كمل حكيه وهو قرفان من الممرضه ..: خذي وجيبي لي كوفي حار
ناظرت الممرضه بالاف الثانيه اللي اعطاها اياه علشان كوفي : اوكيه بابا اووووكيه
تركته وطلعت ..
ريان رجع قلبه يدق بسرعه اول ماطلعت خايف من اللي يفكر يعمله ..
ارتجفت ايده وهو يطلع من جيبه مفتاح السياره ..
تحركت روان بملل وبانت عيونها من نظراتها وضحت انها مغوليه .. كانت تناظر باللي حولها تستوعب الحياه وايش اللي يحصل حولها..
ارتجفت ايد ريان وهو يقرب منها المفتاح يبغى يطعنها ويقتلها ... يتخلص منها ..
ارتجف ايده اكثر وطاح المفتاح منه .. حس بضيقه تخنق صدره .. اقشعر جسمه كله ..
كيف يفكر يقتلها ..
رفعها من السرير بنعومه .. ورفع الاسلاك اللي بيدها ..
ضمها بحنان وخفه علشان مايتعبها ..
ضمها ونفسه يدخلها بداخله ..
( آآآآآآآآآآآآآآآآآه آآآآآآآه ياروان ..
لوتدري وش حال ابوك ..
ليه جئيتي ليه ..؟
استغفر الله .. جئيتي تتعبيني وتتعبي نفسك .. )
وقف يناظرها وناظر بالسرير اللي قبالها في بنت طفله صغيره .. قراء معلوماته وكانت مولوده بنفس اليوم اللي نولدت فيه روان ..
من غير لايفكر ..
التفت بناظر مافيه حد يشوفه او يدري عنه بالشيشه ..
بايد بارده ترتجف ..
رجلها تهتز وحسها ثقيله ..
بدل بين بنته اللي من دمه ولحمه ..
بنتتتتته ..
ببنت ثانيه صغيره ..
خلط نسبه ونسله .. بنسب ثاني ..
ياقووووات قلبك ياريان ..
كيف تفكر او تحس ..
حط البنت الثانيه .. السليمه ..
بسرير .. روان بنته ..
وطلع من الغرفه بسرعه وهو يرتجف وخايف ..
اول مره بحياته كلها يخاف كذا ..
او يحس بالجرم اللي يعمله ..
ركض بسرعه لبره المستشفى ..
خطوات سريعه بالممرات المطاطيه .. مالها صوت ..
لكن لها اثر .. رمى بنته لناس غيره بيبتلوا فيها ...
خلط نسب في نسب ..
حرك سيارته الفياغراء بسرعه ..
يهرب من ضميره اللي جوا المستشفى ..
**********************
عشاق من احفاد الشيطان ... روايه رومنسيه حزينه .. ... وخياليه
**************************
ربى ..
جالسه بثقه ظهرها مستقيم .. وبحضنها الشنطه الصغيره والمرايه بيدها .. تفصخ العدسات السماويه من عيونها ..: لااا ياماما دبي احسن بكثيييييير من ابوظبي