( هواجس ))
عادي كل شي عندي صار عادي ..
قدرت اكسب بوماهرلصفي وصار شوره بيدي ..
رجعته لايام الشباب بحركاتي النص كم .. مو هذا الل يبغاه تزوجني علشان كذا يبشر ماطلب ..
احس اني انتقم من قهد بهالطريقه ...
وبعد انتقم من يزيد علشان الوقت اللي يحكي لعمه عن علاقتي السطحيه بفهد اكون مستعده اقنع بو ماهر بسرعه .. وحتى يكون بو ماهر موتعلق فيني ويفكر مليون مره قبل لايتركني..
والاهم من هذا كله ..
.. فتح لي مشغل نسائي اشغلت نفسي فيه ..
و خليته يشترى لي بيت لوحدي وباسمي... نقلت اهلي فيه امي ونور وملاك وابوي ..
علشان لما انطرد رجع له ويكونو تعودوا على البيت وبعد علشان اوهم بو ماهر اني ابغى اكون يه لوحدن ولا يقرب حد من عياله عندنا .ز لاني سمعت ان بنته " العند " بتتطلق .. وانا صراحه مالي هلق حد يقاسمني بيتي وقصري ..
شهرين وانا بدوامه اشغل فيها تفكيري عن فهد ومع الاسف فشلت لانه متمكن مني وبالذات صوره بالمجلات اللي بمشغلي .. آآه لو اقدر امحه من ذاكرتي ..
(( نور ))
استقلينا بمكان بعيد عن بيت هواجس والحمدلله احسه مثل بيتي .. مرتاحه فيه مع امي وملاك ..
الا لما وصل ابوي من مصر وعكر مزاجي .. لكن ماقابلته طوال وقتي بلسوق مه هوجد نتقضى للجهاز .. ماني متحمسه لزواج من يزيد لكن اتقبل الفكره .ز وبالذات كل ماتذكرت شكل راكان وهو يضحك مع ربى ..
اكيد هاللحين مرتاح البال وانا خلصته من كلمته لنا ..
كنت روح لسوق متحمسه وانا اتقضى لاني باختصار محرومه ومفجوعه ..
ابغى اعوض النقص واحس بالحريه وانا اتقضى ..
مارضيت ليزيد يحكي معي تلفون مع ان هواجس تحاول فيني وتمدح بيزيد كثير ..
حتى اني شكيت فيهم استغفر الله لكن تركت هالافكار ..
ماكانت تطيقه وفجاءه تمدح باخلاقه وكانه سوبر مان او شريف مكه ..
استغفر الله قلتلها عن افكاري اشرحت لي بسهوله انها تتمنى لي السعاده وتنصحني وافكاري هذي علمانيه ومن الافلام ..
اعتذرت منها .. وطنشت خرابيطي ..
كانت هواجس تلزم علي دايم ارسل ليزيد ابغى فلوس كنت ارفض بس هي تصمم ..
وتاخذهم ماتعطيني اياهم اعصب بس اسكت .. يمكن محتاجه وماتقدر تحكي بو ماهر اللي مقدم لها لشمس بيد وقمر بيد ..
تستاهل اختى ماتقصر معي ..
واكتشفت انها كانت تستثمره لي بالاسهم وتحاول تشتري بالارباح ارض ضمان لي ..
احبها اختي اكثر من اي شي بالعالم .. تحبنبي وتخاف علي ..
(( راكان ))
احمد ربي يوم ارتحت من هذاك القصر الملعون .. وطلعت اشوف حياتي بمطعم راقي .. للاكلات السعوديه .. لاني اضبطها ..
ابغى احسن من مستواي .. واخذ خببرات واستفيد .. علشان اشتغل بفندق ..
ونور ببالي كل لحضه .. اتعذب لما اسمع سواليف خواتي عنها .. وعن املاك زوجها الكثيره .. وكم اعطاها مهر وش عمل لها ..
وين قرروا يسافروا بشهر العسل ..
ماليزيا .. اوه ماليزيا يابختها من قدها .. مكان سياحي ممتاز ...
كان نفسي اصرخ بوجههم : ماترفون من هذا اللي مبسوطين بفلوسه ..
هذا يحشش ويزني ويشرب وسمعته الشينه ماليه الشرقيه ووصلت لرياض ..
احيانا احقد عليه وعلى نور .. لاني اغغليتها مثل الابله وكنت بقطع نفسي علشانها وهي مبسوطه بقرب غيري..
ماقول الا الله يوفقها ويسعدها مع هذا اليزيد ..
شهرين مروا بسرعه وقر الموعود المحتوم زواج نور .. كلها كم يوم وكم ساعه تكون له .. وتنزف بقربه ..
محتار احضر والا لا ..
افتقدت ربى وشورها لي .. لو انها فيه كان قالت لي وش اعمل .. لكن ربى وين وانا وين ..؟
اذا بنت الفقر ماقبلتني مدلله مثلها بتناظرني حتى ..
(( ندى ))
آآآآآآآه على مصر ...
ياشينها .. بتقطع بموووووت بس واشوف اهلي او اسمع صوتهم وحشوني مره ..
ابكي كل يوم والله كل يوم وادعي ربي يرضوا عني اهلي ..
ندمانه قد شعر راسي لحركتي السخيفه بالسفر ..
لا واللي ضايقني اكثر من اسبوع بس خالي رجع للملكه علشان زواج بنته نور ..
قهر ماحضرت لا ملكة نور لا زواجها .. وشكلي مراح اقابلهم العمر كله ..
وهواجس حالها اصعب مني بعد ماكانت مبسوطه بجئيت فهد يطلع استغلالي ياما حكت لي عن رومانسييته وحنانه حتى تمنيت احصل مثله بمصر ..
لكن درس لي ماثق بحد وبالذات هذا انس اللي طوال الشهرين لاحقنا انا ونجود ماصار موقف بالطياره...
ياكرهي للغثه والمغثه ..
وعود اختي بعد قلبي ببتنا طوال هالوقت ومو راضيه ترجع لرياض وهو ماحاول حتى .. نفسي احاكيها واسالها ليه .. لكن هي مو راضيه .. وعتبانه علي ..
ارسلت لها رساله البريد مثل الشغالات يمكن تفهمني ماردت علي وقالت لهواجس تقولي ماحاول ..
خساره لو اني ببتنا كان وعود عندنا هاللحين ومافتقدتها ..
لكن النار اللي انا فيها ولا جنه عمتي خديجوه ...
(( احمد ))
اشتريت بيت نجلاء من اهلها ..
ماصدقت انهم قرروا يبيعوا البيت علشان اشتريه .. عرضت عليهم اشتريه باثاثه علشان غرفة نجلاء ابغاها ..
اخوها سامي قبل بسرعه وكان يدخل القلب مثل ماحكت لي نجلاء الغاليه ..
لكن اخوها الثاني ريان .. المغرور .. قبل يبيع الا غرفه وحده من البيت .. اللي فهمته من حكيهم انها غرفه شموخ المغروره بنت عم نجلاء ..
ليه ماعترضوا على غرفه نجلاء وقبلوا يبيعوا .. ليه ماهي غاليه عليهم .. او يمكن يبغوا ينسونها ...
او يمكن هذي شموخ المغروره ماقبلت تبدل غرفتها ..
اول مافتحت البيت وكانت المفاتيح بيدي وهو لي حسيت بشي غريب ..
وكل ماناظرت اي مكان لساني يردد ..: نجلاء اكلت هنا .. نجلاء شربت هنا ...
نجلاء كبرت بهذا البيت ..
نجلاء بكت على هذي المخده .. رميت نفسي على السري نفسه اللي نامت فيه طول حياتها ..
ماخذوا اغراضها تركوا البيت مثل ماهو الا غرفه بصبغ وردي كانت فاضيه .. وسياره النقل ماحملت الا اغراضها هي ... واغراض الغرف لباقيه ماعدا غرفه نجلاء .. وملابس ابوهم .. االلي ماتوا تركوهم علشان مايتعذبوا بالذكره ..
لكن انا مستعد اتعذب بالذكرى .. يكفي اني انحرمت منها ومن وجودها معي ..
صرخت لمى وهي تتفرج على البيت ومعترضه عليه .. : آآآف ناس غدرين حتى مالمموا اغراضهم ..
قلت لها وانا معصب لانها تسب نجلاء الغاليه بطريق غير مباشر : هذا بيت نجلاء واهلها .. فاسكتي
فتحت فمها وناظرتني مصدومه مسكينه ماتوقعتني عاشق لهالدرجه اشتري بيت نجلاء ...
رجعت ادخل لغرفه نجلاء واخترتها غرفه لي .. مايهمني بهالبيت الا هذي الغرفه ...
شهرين وانا اتعذب لما اسند راسي على المخده اللي فيها ريحه الغاليه وحياتي نجوله .. آآآآه لو انه يرجع الزمن لورى ماتركت نجلاء تتزوجني .. او تتعلق فيني ..
ضنيتها بتتعذب لارحت لكن انا اللي تعذبت انا اللي دفعت الثمن ..
قالتها كثير جعل يومي قبل يومك .. وكنت اضحك مادريت ان دعاءها يستجاب ..
قلبي اللي بصدري لها وبيضل لها ...
ومره وانا اشرف على الهنود وهم يغيروا الحديقه .. طلع واحد منهم قماش شكله غريب ملفوف ببعضه .. اخذت وكنت برميه .. لكن وقفت اناظره .. شكله مو غريب علي شفت مثله كثير بالتلفزيون ..
اذكر مره قناه المجد عرضه مثله وهم يعملوا حمله ضد السحر ..
صح السحر .. خفت ورميته لكن رجعت اخذه لما توقعت انه ممكن يكون معمول لنجلاء وماتت بسببه لان موتها فجاء ه ..
ناظرت بالشيخ اللي اخذت له السحر او العمل وسالته باستغراب وهو يقراء ايات من القران وينفتح معه ..
سالني مستغرب : وين حصلته ..؟
: مادري هذا بيت اشتريته قريب ولما جئيت بغير ديكور الحديقه حصلته ..
الشيخ ابتسم بوجهه السمح : كويس انك مارميته وجزاك الله خير
: ايش هذا عمل لمين لنجلاء ..؟
الشيخ : لا هذا عمل لبنت اسمها شموخ .. شكلها بنت صاحب البيت ..
شموخ ...؟
طلعت من عنده مستغرب من ممكن يسحر هذي البنت .. قتلني الفضول لكن طنشت المهم نجلاء ماتاذت ..