منتديات بنوته - عرض مشاركة واحدة - تَدُرْيِ وَشُ يِكَسسُر الْظُهـَرْ حُــزَأآتــ..

03-30-2011, 03:32 PM

تدري وش اللي يقتل الحـب بسكـات؟
لاصرت فـي بوحـك تحـس بمذلـه

وتدري وش اللي يكسر الظهر حـزات؟
لامن عطيت احسـاس ماهـو محلـه

وتدري متى تستاهل الطعـن مـرات؟
لا من خطيت الـدرب وانتـه تدلـه

لا تتبع المقفـي علـى كـل حـالات
بعـض الوجيـه اللـي تقابلـك علـه

ولا تسال الغالي عن الجرح لا فـات
نبـش الحكـي يـزود الطيـن بلـه

طالع فمن حولـك وتاخـذ شهـادات
مانلتهـا لـو تـدرس الدهـر كلـه

ناس تجر من اسود الضيق ونات
ونـاس تقضيهـا وناسـه وفلـه

هذاك شال همـوم غيـره ولا بـات
وهذاك مايدري عـن احسـاس خلـه

احدن يهين اصلـه علـى كـل زلات
واحـدن ترومـه شيمتـه ماتـزلـه

لا تقول حظي من عنا الوقت قد مات
قل مات حـظ اللـي عنـاه استحلـه

ولا ضاقت الدنيا وعلى الكيف ما جات
اطلق حجاجك ثـم توكـل علـى الله