طلعنا من البيت .. وركبنا السياره .. طول الوقت وأنا ويـآ حمد نتضـآرب شو نشغل .. أنا أبي اسمع ميحد وهو عبدالمجيد .. وآخر شي شغل أغنيه للمطرب عبدالله الرويشد .. في نفس المكان .. بصراحه ومن غير جذب أنا أحب هالـأغنيه .. أحس انها تحمل معاني كثيره .. ووصلنا عند الباب ..
حمد:يالله نزلي ..
حمده : ثـآنكيو حبيبي .. بتصل فيك اووكي
حمد: يمكن أروح عند الشباب اتصلي لسعود وإلـآ عبدالرحمن .. لا لا أقولج اتصلي لي خلاص .. خاطري اطلع انا وانتي من زمان ما طلعنا سوى
حمده : ان شاء الله ..
نزلت .. ووقفت عند الباب .. ضربت الجرس .. سمعت حمد يزقرني
حمد:اونج مؤدبه .. أدخلي ادخلي مب كانج كل يوم عندهم في البيت
حمده :هههههههههههــ .. لـآزم حركـآت ..
حمد: يالله والحركـآت .. وسكر جامه السياره وضرب هرن ومشـى ..
اممممـ .. تميت واقفه برع شوي .. بصراحه استغربت حمد قال لي انه عندهم عزيمه بس ما اشوف حد ..
مسكت مقبض الباب ابي افتح وبنفس الوقت في حد من الصوب الثاني يفتح .. بس قبضه الشخص الثاني كانت أقوى .. حسيت انه ايدي بتنخلع من مكانها ..توقعتها شيخو وحركاتها العبيطه
فقلت : شيخووو شو هالدفاشه ياا ربـييييييييييييييييي..
بس اللي ظهر جدامي مب شيخه .. هذا هذا سلطـآن .. أأووف شو هالنحاسه ..
سلطان: حمده .. السلام عليج ..
بصراحه إحــرـآج .. ما ادري شو صـآبني .. بس كل اللي سويته اني رديت عليه السلام وبسرعه .. ركضت لداخل .. ما ادري اذا سمعني او لا ..
ودخلت كانت أم مريم باستقبالي .. بصراحه هالحرمه واايد أحبها واغليها وااايد ..
أم مريم : هلا هلا بحمده وانا اقول البيت منور ..
حمده : أهلين وسهلين .. خالو شو هالجمال هذا .. شو مسويه عطينا السر .. عبالي مريم ..
.. بصراحه ما جذبت بالرغم من كبر سنها بس هي قمه في الجمال .. معروف عنها هالشي ..
أم مريم : حمدووه خل عنج هالسوالف .. بعدين وينج من زمان ماييتي بيتنا
حمده:خلاص خالوو يقولون كبرنا .. فلازم نعقل شوي ..
أم مريم: ويعني يوم بتيين بيتنا بتتخبلين ..
حمده:هههههه لا ما اقصد جي ..
أم مريم: زين خلاص زعلت منج .. روحي روحي عند مريم وشيخه وايمان في حجره مريم ..
حمده: افاااا زعلتي .. وهذي أحلى بووسه لاحلى أم في الكوون ..
بستها ع خدها .. ورحت عنها .. لحجره مريم .. بس لحظه لحظه .. قالت مريم وشيخه وايمان .. شووو .. ايمااان وعععععععععععععععععععع ايمان بنت عمتهم .. هالانسانه انا ما اطيقها .. ما ادري ليش .. بس جي من الله ما احبها .. الله يعينا عليها وعلى ثقل دمها ..
امم ما حسيتوا اني اتمشى في البيت ع كيفي وكانه بيتنا .. خخخخ ..
المهم وصلنا غرفه مريم ..
دقيت الباب .. ما ادري من وين نازل علي الادب اليوم ..
فتحت شيخو الباب .. وصرخت : حمدوو انتي وينج يالخايسه يالقاطعه ..
وبديت بالسلام عليهم .. وعااد تعرفون البنات وحركاتهم والعتب وهالسوالف .
عقيت شيلتي وفصخت عباتي .. وقعدنا
ايمان:نـآيس حمدووه فستانج رهيبه أكيد من مانجو لاني شايفتنه بس كان رخيص عسب جي حسيت انه الكواليتي مب اوكي .
ما اقول لكم تجلطني هالانساانه .. حمده: لـآ هذا من زارا ..
ايمان وويها تغير .. وعااد شيخو حست بالاوضاع .. وقالت :مريم يالله اتصلي لسلطان عسب يودينا المطعم
مريم : اوكي ..
حمده:شوو شووو ما بنتعشى في البيت .. آسف انا ما بروح معاكم ..
مريم:يالله عااد حمدووه والله بنستانس
شيخه:لا تقولي لا .. اصلا نحن مسوين العزيمه هاي عشانج .. لا تخربين علينا ..
ايمان:عادي خلوها براحتها .
حمده:انزين .. فشيله وين اروح مع أخوج .. صج فشيله
شيخه:عاادي حمدووه .. عاااادي .. مع سلطان .. وما اظن اخوانج بيعارضون ..
حمده:اممم .. اوكي بتصل استاذن من أبوي ..
مريم وشيخه : اووكي بسرعه
ايمان وهي تقول بصوت واطي : اففف انزين ليش يايه دام جي ..
عبالها اني ما سمعت .. بس انا سمعتها فقلت : والله كيفي .. ويوم بيكون بيتج ارمسي ..
حسيت انه بخاطرها تنفجر من الغيض .. تستاهل محد قالها تحط راسها براسي ..