دخلت غاليه الغرفه ..
: حمده .. حمده .. قومي .
فتحت عيني وانا حاسه بتعب .. وبارهااق .. مب قـآدره ..
حمده : رجعتوا من العزا ..
غاليه : هي .. امممـ .. قومي غسلي ويهج .. ترا اللي تسوينه ما حد يرضاه .. قومي .. من يومين وانتي ع هاي الحاله ..وو سعوود بعد .. قومي حمدووه قومي رمسي سعوود تراه يسمع لج انتي ... الله يخليج ..
حمده : اشحاله سعوود ..
غاليه : ما ادري من يومين يروح العزا ويرجع ويقعد في حجرته ما يرضى يرمس حد ..
حمده: يالله ترحمنا برحمتك .. يالله الحين انا بقوم ..
مرت الـأيام بطيئه .. علينا ..
الين ما يااانا سعوود وهو يركض ..
سعود : حمدووووووووووووووووووووووووووووووووووووووووووووووو ووووووووووووووووو
حمده: خيبه شو فيك ..
سعود: قومي قومي بسرعه تلبسي ..
حمده : اش عندك ..
سعوود : اووهووو قوومي هند تعبانه في المستشفى .. يالله خلينا نرووح لها
حمده : احلف ..
سعود : والله .. بس تعالي غاليه راقده صح .. لا تخبري حد اوووكي ..
حمده : ليش ..
سعود : اووهوويالله بسرعه البسي وإلا برووح عنج الحين
حمده : اووكي اوووكي دير ..
وصلنا المستشفى .. وكان بو راشد .. ريل أختي موجود عند غرفه العمليات ..
سعوود : بشر يابت ولد
بوراشد : اسكت اسكت .. فال الله ولا فالك .. قال ولد قال .. كفايا اللي عندي ..
حمده : هههههههـ وناسه أحلى لو يابت ولد بضحك عليك
بوراشد : انا ابا اعرف انتي ليش يايه .. ااففف انا بموت من التوتر ..
حمده : يالله الله يسهل عليها .. بنت ان شااء الله بنت ..
سعود : الله يسهل عليها ..
وسـاد الصمت .. فتره طويله .. وفجـأه انفتح الباب .. وظهرت النيرس .. ومعاها البيبي ع السرير .. متجه صوب الحضانه .. قمنا كلنا نمشي وراها .
حمده : لو سمحتي ..
النيرس: انتوا أهل هند الــ
بوراشد : هي هي ..
النيرس : الحمدلله هي بخير .. والبنوته بعد بخير ..
هني حسيت انه بو راشد بيطير من الوناسه وجنه ياهل عطوه حلاوه .. وسعود أخوي بعد .. الكل استاانس .. الحمدلله الله رزقها اللي تتمناه ...
طلع الصبح .. وانتشر الخبر .. خبر ولااده مها على هالحيا ...
ووقاموا الناس يزورن هند .. الساعه 12 الظهر .. رجعنا أنا وسعود البيت .. والتعب واصل حده .. رقدنا ..
أذن المغرب .. وقمت توضيت وصليت .. حاسه انه عظامي كلها متكسره .. افف رقاد العصر متعب ...
دخل علي حمدوووو .. وكانه داخل ساحه حرب .. وقفت وكأني أمنعه من الدخول
حمد: حمدووووو .. قومي زين .. قوومي ..
حمده: هااا حمدووو .. اش عندك ..
حمد:يالخياانه .. ليش ما تقولي انه هند ربت
حمده: احلف انك ما تعرف ..
حمد: والله .. يوم انتي توأمي ما منج فاايده .. تعالي صح
حمده: شوووو ..
حمد:شيخو اتصلت تقول انها عازمتنج .. بتروحي
حمده:متى اليوم.. بس برووح عند هند ..
حمد:هند عندها غاليه .. سمعي انتي اتصلي لابوي .. اذا وافقت .. بوديج أنا .. اووك
حمده : اووووووكييييييييي
اتصلت لابوي .. ووافق .. واتصلت ارمس غاليه .. وهند .. واعتذر لها .. ورحت اغير ملابسي ..
وفقت جدام ملابسي أتأملها .. بصراحه خاطري اكشخ .. من زمااان ما كشخت .. وقعدت احووس بين ملابسي .. وبالـأخير .. طاحت عيني ع فستان بسيط وحلوو لونه ذهبي ..
رسمت عيوني بالاسود .. وحطيت لمسات خفيفه من المكيااج .. لبست عباتي وكانت مطرزه بالذهبي .. وشيلتي بالمثل ..وطلعت ..
وفي الصاله .. كان حمد قاعد .. ومعاه عبدالله .. سلمت عليهم .. وقعدت ..
حمد:وين وين قاعده . يالله قومي قومي ..
حمده :انزين شو رايك فيني .
حمد:مب حلووه .. وعععع
قهرني رده: احلف انت بس .. افف ما احبك ..
حمد:هههههههههههـ .. أكيد حلووه .. تعرفي ليش ...
حمده: ليش
حمد:لانج توأمي يعني تشبهيني ..
حمده: احلف انت بس .. طووف طززف جدامي .. لا اييك طراق راشدي من الزين احيينه ...
حمد:ههههههــ .. انتي غطي شعرج .. لا تعرفين معنى الراشدي صح ..