يلا عششان عيونكم بكملها
مشى عبدالرحمن يسلم على عبدالله .. وانا مستانسه .. وفجاه انتبهت انه غاليه اختفت .. اف وين راحت هاي .. وقته الحين .. والله هي دوم تخرب علي المخططات ..
رجعنا البيت .. وطول الدرب نحن نسولف .. عبدالرحمن تغاضى عن الموضوع .. وغاليه تتوعدني ع الحركه اللي سويتها .. وانا اتوعدها ليش انها شردت .. الحين منو بيرحمني من لسان عبدالله ..
دخلت البيت غيرت ملابسي .. وتذكرت حمد .. بصراحه ماكان لي خاطر ارمس غاليه .. لان لو رمستها .. بحتشر عليها .. وهي بالمثل بتحتشر علي ..
دخلت غرفة حمد .. بلا احم ولادستور .. عادي توأمي كيفي .. بس شفته راقد .. مشيت لصوب السرير .. غطيته عدل وبسته ع راسه وطلعت ..
دخلت الحجره .. واستسلمت للنوم ..
على أعذب صوت قمت .. على أفضل الذكر فتحت عيني .. فتحت عيني وانا أسمع دعاء الامام .. في صلاه الفير ..
قمت .. وانا اطرد النوم من عيني .. توضيت وصليت .. وقومت غلوي عسب تصلي .. وانسدحت ع السرير .. ارجع للنوم مره ثانيه .. تغطيت كاامل
حسيت حد يهزني . اف منو متفيق .. أكيد غاليه تبي ترمسني ع اللي صار امس . طنشت .. وزاد الهز .. فتحت عيني وشلت الغطا .. وانصدمت بوجود حمد في ويهي ..
حمد: بسج رقااد قومي بسرعه تلبسي ..
حمده:شو فيك خلني ابا اناام
حمد:حمدووه يالله عااد .. قومي لبسي عبااتج بسرعه انا اتريااج في الصاله
حمده : وين بنرووح
حمد: انتي ما تعرفي تسوي شي وانتي ساكته
حمده: انزين ..
طلع حمد وقمت لبست عباتي .. ومشطت شعري ولبست شيلتي وطلعت ..
حمد : البسي جاكيت ..
حمده : مب لازم ..
حمد: اوكي انا قلت لج .. بعدين لا تقولين ان الجو بارد ..
حمده : أوووكي ماي دير ..
طلعنا .. وبالفعل كان الجو بــآآآآآآآآآآآآآآآآرد.. اووهووو انا وعنادي .. احم بس مستحيل ارمس .. ادري حمدوه بيذلني ,, بما ان بيتنا قريب من البحر .. فرحنا مشي صوب البحر .. تقريبا خمس دقايق ..
وصلنا وللحين مافي اي أثر للشمس .. قعدنا نسولف . بمواضيع مختلف دايما انا وياه بهذي الفتره بالذات اني البحر ..والهواء البارد يلفنا من كل صوب .. قعدنا ع الحصا .. والشمس أعلنت عن قدومها .. باشعتها المتسلله بين الغيوم .. الجو كان رهييب .. فجاه سمعنا صوت سياره تمشي ورانا ووقفت ..
: حمدوووووووووووووووووووو..
انا التفت ورا .. بصراحه كنت مستانسه .. بس شفت شي كدر مزاجي نوعا ما ..
نزلت شيخه من السياره .. تتبعها مريم .. شيخه أعز ربيعاتي .. ووايد قريبه مني .. وانا قريبه منها .. وهي يتيمه الام والابو .. ساكنه في بيت خالتها .. ومريم بنت خالتها .. ووايد طيبه وعقد نياتها .. طبعا حمد يوم شافه البنات متجهات صوبي .. قام ومشى عني .. ما ادري به وين راح ..
حمده: هلا والله .
شيخه : يالدبه والله كنت أعرف انج هني .. وخبرت مريم
مريم: واصلا حمدوه عندها مكان غير البحر.. ما ادري شو عاشقه منه ..
حمده : احم احم .. هاا مريوووم بدينا ..
مريم : هههههههههههههـ .. أسحب كلامي ..
ما ادري اش اللي خلاني ارفع نظراتي صوب السياره .. لاني شفت زوج من العيون تراقبني .. ما استلطفت الوضع .. فغيرت مكاني . وانا عارفه هالعين زين بس ما اعرف نواياها ..
قعدنا نسولف .. ونتمشى .. وشوي نتضـآرب ..
مريم وهي تمشي صوب الماي .. :وينه حمد .. انقرض ..
شيخه : اونه يستحي ..
حمده : ما يخصكم فيه .. أخوي هذا ..
مريم : اللي يسمع عااد .. ما عليج ما بخطبه .. ههههههــ .. بس كنت اباه يروح عند سلطان في السياره ..
حمده تنهدت : ما عليه أكيد بيروح ..
وطبعا شيخه ما فاتتها تنهيده حمده بس ما حبت تفتح الموضوع جدام مريم ...
والعصر .. في بيت بو علي ..
الكل كان مجتمع ..
هند : غاليه الله يخليج غسلي ايد حامد
غاليه : والله هذا ولدج .. قومي انتي وغسليه ..
هند: اووه غاليه قومي زين ...
غاليه: خبري حمدووه
سعود: والله قالو غاليه ما قالو حمدوو
خالد: اشتغل محامي الدفااع
حمده: شو ليكون غيران ..
خالد:ماشي شغله .. هالناقص
حمده : اسكت انزين ..
ياات خلود من بعيد تركض .. تعااللووو تعاالو ......
الكل استغرب منها ..
علي: شو فيج خلوووود ..
خلود: هناااااااااااااك شفت شفت .......................
سعود:ارمسي شووو
خلود:.....................