سم الله ..
الجــزء الـأول ... ~
{صفـحات من أريج الذكريـآت
نبدا اليوم بسطر أحداث قصتنا اليديده .. وعندما يمتزج الواقع بلمسه من الخيـآل .. وننسج أحاداثا .. نربطها بواقعنا المرير..
هنا وبالتحديد من على هذا السرير .. تبدأ أحداث قصتي ..
جلست وحيده في غرفتي .. اقلب صفحات الكتاب .. ذاك الكتاب .. به كل صغيره وكبيره عن حياتي .. فيه كتبت كل شي .. قررت التخلص منه .. اليووم .. ولكن لم يقوى قلبي على فراقه .. وبعد تفكير استمر طويلا .. قررت قبل التخلص منه النشر ولو قليلا مما سطر فيه ...
حمده : غاااليه تلفوونج يرن .. صدع فيني يالله بس رقااد قومـي ..
غاليه : افففف منو متصل انزين ردي
حمده : ما اعرف مب مسجل اسم
غاليه : انزين ردي ..
حمده : ما اباااا
غاليه :افففف انزين يمكن تعرفين الرقم .0503******
حمده ارتسمت ابتسامه كلها خبث على محياها وقامت خذت الموبايل وطلعت .استغربت غاليه من حركتها
حمده: اهلا وسهلااا صديقي العزيز
.. : أهلين وسهلين صديقتي الشريره
حمده : أفااا انا شريره .. اووكي اي منك أكثر . بعد كل اللي اسويه لك تقول اني شريره
.. : حمدوووو .. قولي تم
حمده : ما بقوول .. أول شي قول اني مب شريره وانه غاليه هي الشريره ..
.. : ما يخصج بخطيبتي غاليه
حمده: اوونه ماااا نرووووم .. اونه غاليوه ما رضى عليها .. وانا المسكينه اللي اتعذب من وراكم مستخسر اتقول اني مب شريره ..
.. : فكينا زيين .. المهم قولي تم ..
حمده : تم .. يالله قول اش عندك
..: ابي اشوف خطيبتي
حمده : نعم نعم ..
.. هي عيل شووو ..
حمده : وشو المقابل ..
..: عافاني الله .. وانتي ما تسوين شي لويه الله ..
حمده : احم احم .. الدنيا مصالح .
.. : انزين .. انزين .. المهم شو رايج باليوم .. لاني فاضي وما عندي دوام ..
حمده: بشوف الاوضاع .
..:شكرا شكرا يا صديقتي العزيزه .. والله ما ادري شو بسوي من دونج ..
حمده : احم احم .. ما يحتاي تقول لاني أعرف ..
.. : اقوول .. مع السلامه
حمده :ههههههههههههـ .. مع السلامه
..... { نسيت أعرفكم ع نفسي .. أنا حمده ما زلت ع كراسي المدرسه محبوسه ... عندي أختين غاليه : فديتها احبها هالانسانه .. اكبر مني باربع سنين .. بس ما نقدر نتخلى عن بعض .. والثانيه : هند : أكبر عني ب15 سنه معرسه وعندها ولدين راشد وحامد.. فديتها هالانسانه اموووت فيها واحبها .. واعتبرها امي اكثر مما اعتبرها اختي .. لانها هي ربتني بعد وفاه أمي .. وعندي 3 أخوان ... واخوي الكبيرعلي : عنده ولد وبنت .. خالد وخلود.. واللي بعد سعود : أكبر عني بعشر سنين .. وهو أقرب واحد من اخواني لنفسي .. وآخر شي عبدالرحمن .. أكبر عني ب3سنين .. ووايد كشووخي .. فديته هذا أخوي عسل .. وهو يشتغل حاليا .. هذا حاله شاذه هو الوحيد اللي اشتغل قبل لا يخلص الجامعه .. اونه مقولته المشهوره .. ما صدقت افتك من عوار الراس اودي عمري لعوار راس ثاني ليش مينون انا .... والبقيه بتتعرفون عليهم جريب جريب ... ^^.. }
ركضت صوب غرفه عبدالرحمن : رحييييييييييمووووو رحييييييمووووو
عبدالرحمن ساكت ولا يرمس .. أنا عرفت السالفه .. عاد هو ما يحب احد يزقره غير باسمه ..
: أحم احم .. أقصد استاذ عبدالرحمن ..
عبد الرحمن : نعم سندريلا حمده ..
حمده :حبيبي عمري .. أخي العزيز .. والوحيد الطيب في هالعالم ..
عبدالرحمن وهو مركز عينه ع شاشه الكمبيونر : من الاخير ..
حمده : أنا ابي اروح السوووق
عبدالرحمن : انزين روحي .. حد مسكج
حمده : رحيمو لا تستهبل .. يعني انت ودني
عبدالرحمن : كنت افكر اني اوديج بس ع طولت لسانج .. احلمي ..
حمده : رحيممممووووووووووووووووووووووووووووووووووووووووووو وو .. خلاااص سووري
وفجـأه فتحت ابوي الباب .. ويييه فديته .. والله اني مووت احبه هالانسان .. اعشقه .. واموووت فيه ...
بوعلي : شو عندج تصارخين ..
حمده : الفزعه يا بو عليوي .. الفزعه
بوعلي: هههههــ اش عندج بعد ..
حمده : ابي اروح السووق .. واليوم ضرووري بعد
بوعلي : هذي اختك وملزووم انك توديها وين ما تبا
اطالعني عبدالرحمن بنظره كلها شر : يالله زين تلبسي ..
حمده وهي تحضن أبوها : فدييتك والله .. وطبعت بوسه سريعه ع خد أخوها وراحت تركض لغرفتها .. المشتركه هي وغاليه..
.. فتحت الباب بكل قوتي .. وانا داخله أصارخ ..
غاليه : انتي متى بتصيرين بنت ..
حمده : اصلا انا الانوثه كلها .. أقوول فكينا ويالله البسي ملابسج ..
غاليه: اسمع اونه الانوثه .. وبعدين شو تشوفيني .. اونه البسي ملابسج ..
حمده : عن الاستهبال .. بنرووح السوق .. رحماانوه بيودينا ..
غاليه : مالي خااطر .. وبعدين انتي اش تبين من السوق ..
حمده : ما يخصج .. يالله قومي لا تستهبلين ..
وقمت اسحبها من ايديها .. لين اقتنعت وقامت من السرير ..
لبست عباتي .. وشيلتي ورسمت عيني بالكحل .. وانا مندمجه برسم عيني سمعت صوت من وراي ..
: أنا كم مره قايل لج لا تتكحلين .. عينج تكون حلوه وبعدين الناس بيطالعونها ...
ما اهتميت لمصدر الصوت ..
لاني أعرف من يكون .. ولاني أنا زعلانه منه .. بسوي له أكبر طــــــــــــاف ..
: حمدوووه أنا ارمسج ..
حمده : نعم استاذ حمد .. شو عندك ..
حمد : أنا آسف ..
ياربي ما اقدر .. ركضت وحضنته .. نسيت أخبركم .. هذا توأمي .. بس أنا اكبر منه ب 7 دقايق ..
حمد: وين بتروحي..
حمده : السوق مع رحيمو وغلووي ..
حمد: اوكي أول ما بترجعين ابيج تمرين على الحجره .. بعطيج شي ..
حمده : ما يصير الحين
حمد : لااااااااااااا .. يالله روحي
بسته ع خده ورحت .. ماشاء الله عليه .. صح نحن توم وفينا شبه من بعض .. بس هو طويل .. واطول واحد في البيت .. تقريبا طوله 188.. او أكثر ..
وناسه أنا ويااه .. أعتبره روحي وهو كل شي بالنسبه لــي أنا ..
في السوق ...
عبدالرحمن: حمدووه خبلتي فيني اعقلي ..
حمده : ان شـآء الله سيد
عبدالرحمن : شوفوا مب جنه عبدالله ياي صوبنا
غاليه أختي صـآر لونها أحمر .. هههههههــ .. وفجأه صرخ عبدالرحمن:حمدوه احلفي انه هالشي مب من تدبيرج ..
حمده : هـــآ .. لا يعني أنا .. << قمه في التحطيم .. أصلا الكل يعرف بمدى علاقتي معا عبدالله خطيب أختي .. واني ارمسه واعتبره أخوي .. وحتى زوج هند نفس الشي ..
عبدالرحمن : كان لازم أعرف ويا راسج .. انا برويج شغلج .. هاا غاليه وانتي معاها بعد
غاليه : وهي منصبغه بكل الألوان : والله ما يخصني أصلا ما كنت أعرف ..
حمده وهي تغير الموضوع : عيب انت وياها تتناقرون والريال الحين بيوصل عندكم .. اسكتوا ..
عبدالرحمن .. وهو يطالعني بنظره ناريه ويتوعد لي .. الله يعين .. جـآك الموت يـآ تـآرك الصلاه ... ^^
{ بـآب النقد مفــتوح ...