منتديات بنوته - عرض مشاركة واحدة - ||~ لعبة طفل ~||

03-22-2011, 02:28 PM

مدخل ||
لعبة طفل دايم معه , مافارقت كفه
وكانت تتبعه , لكنها بلمح البصر
طارت , وهو الله معه
طارت , وهو الله معه

بأكتب قصيده وأبتدي بإسم الله الحي القدير
فيها أبحكي عن طفل ما قد تعدى الرابعه

يبكي يدور لعبته ( مايدري إن لعبته طير )
رفرف بجنحانه وطار ( وهو عيونه دامعه )

من يومها والطفل هذا عايش بواقع مرير
( وش لون طارت لعبتي , وش لون نفسي قانعه )

ماغير هوجاسً يجي فـ الصبح , ويجيه العّصير
وماغير يتحرى رجوعه , مير ماهي راجعه

الطفل يكبر , والسنين تدور , والناتج يصير
إنسان فاهم للحياه , وخذ دروسً نافعه

الطفل هذا هو ( أنا ) , والطير ماضي وسط بير
مير البلا في السالفه , والنار فيني والعه

تكررت نفس الحكايه ( فوق ) , بس الطير غير
الطير هالمره بشر , راح بخطى متسارعه

رايح كذا , وبلا سبب , بلامشاعر أو ضمير
وأنا أفكر وش حصل ؟ , والأسئله متتابعه

واللي فهمته من عناي , ومن جروحي هالكثير
إني اذا حبيت اسكت , والاجابه قاطعه

والخاتمه , قررت إني أكتب الفصل الأخير
وأكتب نهاية رحلة الفرقا , ( وكانت فاجعه )

مخرج ||
حتى البشر ماظنتي فيهم سعه ,
واللي يحب يرجع يخون ,
حتى الحبيب ماودعه
حتى الحبيب ماودعه