ثنوي..~

بعد ماجهزت شنطتي وشنطه سعيد............طلعت فؤني وطرشت مسج لشوق الى بتولهه
وايد عليها............حطيت فوني ف الشنطه ولبست عباتي وشيلتي
وطلعت...........شفت سعيد يالس ع الكرسي وسرحااان

ثنوي:خلصت
سعيد:يالله عيل مشينا
كل واحد سحب شنطته وطلعنا من الشقه...........عطاني سعيد السويج عسب افج
السياره اما هو تم واقف عند الحارس يكلمه..........شكله يوصيه ع حد وعطاه
بيزات..............لفيت عيوني وانا اشوفه ياي للسياره
سحبنا السياره ونحن متجهين لدبي........صاح فوني وكانت
اماايه.............ابد ماتوقعت اتصالهاا
ثنوي:الؤؤ
نوره:هلا ببنيتي الى ماتسأل عني
عضت شفاتي وانا اسمع كلامهاا.............صدق انا مقصره ف امايه حتي ماكلفت ع
عمري ارفع السماعه واتخبر عليهاا
ثنوي:شحالج اماايه
نوره:الحمدلله بخير...........انتي شحالج وشحال سعيد
ثنوي:الحمدلله تتخبر عليج العافيه
نوره:انتي ف السياره
ثنوي:هيه
نوره:ع وين
ثنوي:بنرؤؤح لدبي وبنيلس كم يوم
نوره:والدراسه
ثنوي:عندي اجاازه اسبؤع
نوره:اهاا............ان شاء الله تستانسوون
ثنوي:توصيني ع شي
نوره:سلامتج.................حمؤؤد هات الود عن تطلع برع............يالله
ماما بخليج وسلمي ع سعيد
ثنوي:يوصل
نوره:مع السلامه
ثنوي:باى...............(لفيت لسعيد)...........تسلم عليك اماايه
سعيد:الله يسلمج ويسلمهاا
ابتسمت وانا اسمع صؤت المسج.................شيكت عليه وطلع من عند شوق كاتبه
فيه << ترؤؤحين وتردين بالسلامه وبتولهه عليج.............صكرت الفؤن وقررت
اكلم سعيد
ثنوي:سعيد
سعيد وعيونه ع الشارع:لبيه
ثنوي:لبيه حايه..............شوق شو بالنسبه لك
شفته يبتسم وعدل نظارااته
سعيد:ليش هالسؤال
ثنوي:خطر ف بالى
سعيد:شوق مثل اختي............واخاف عليها مثل ما اخاف عليج
ثنوي:بس
سعيد:هيه
ثنوي:ماتحبها
ترييته يرد عليه بس مارد..........العب باعصابه شؤي
ثنوي:لو قلتلك ان ف واحد تقدملها
سعيد بصدمه:شؤؤ؟؟!!
ثنوي:هيه تقدملها واحد
سكتت واتريا سعيد الى يرد عليه............لو يدري اني اجذب عليه والله
بيذبحني
سعيد:وافقت عليه
ثنوي:لا
شفته ارتاااح يوم قلتله لا.............معقوووله يحبهاا ويخبي
عليييه..............يوم انه يحبهاا ليش يعاملهاا جذي............واخيرا
وصلنا دبي..............شهقت وانا اشوف فندق اتلانتس جدامي
ثنوي:الله كشششششخه..............ليكؤن حجزت فيه
سعيد يبتسم:هيه
نقزت من مكاني وبسته ع خده بوسه طؤؤؤؤؤؤيله
ثنوي:والله احبك يا اخي العزيز
سعيد يضحك:ههههههههههههههههههههههه ياللوتيه
ابتسمتله وانا عيوني ع فندق اتلانتسن.............آآآآآآآه ياشوق ليتج وياي
اسمينا بتستكشف هالمكان كله



شيخه..~

صحت واناا يالسه بهالمكان من ثلاث ساعات...............محمد طلقني لانه
مايروم ينفذلي شرؤطي...................طلقني وهو مايدري شكثر انا احبه
واغليه.............طلقني وهو مايدري بمكانته ف قلبي............مسحت دمعتي
ولفيت عيوني لنوف وميروه وسالم ..........واقفين يطالعووني
شيخه :تعالوو
لويت عليهم وزاد صيااحي..............خايفه ان محمد يشلهم
عني..............اخاف يحرمني منهم مثل ماحرمني منه ................مستحيل
اخليه يشلهم عني............هم كل شي بحياااتي وما استغني عنهم
حاولت اكتم صياحي وانا اشوف امايه تدخل .............شفت الحزن بعيؤؤنهاا
ام محمد:ليش تصيحين وانتي بنفسج قلتيلي ابي الطلاق
شيخه:ماتوقعته يطلقني............امايه اناا قلبي يحترق من الى يسويه فيني
ام محمد:هذا هم الرياييل مامنهم آمان
شيخه:امايه انتي مرتاحه بوجودي عندج
ام محمد:اكيد مرتاحه............والله مرتاحه وانا اشوفج جدام عيوني والعيال
يتراكضون ف البيت...........قومي يابنتي غسلي ويهج وانسي محمد مثل ماهو نساج
وتخلي عنج.............نؤف فديتج تعالو وياي انتي وخوانج

ركضوو العيال صووب امايه وطلعوو.............حطيت راسي ع المخده ودمعتي
ماوقفت .............انا الحين مطلقه وطايحه هني انا وعيالى.............ليش
حياتي عذاب ف عذاب..............آآآآآآه ياربي صبرني ع هالبلوه
قمت من الشبريه ودخلت للحمام وغسلت ويهي............طالعت ويهي ف المنظره
...............انا لازم اعتمد ع نفسي ............مابي مساعده من اى
حد...........تنهدت وطلعت من الحمااام.........فجيت شنطتي وتميت اطالع
ملفي............عندي شهاده ثانويه..............بدور ع شغل ولوو بمعاش بسيط
بس ماراح امد ايدي لمحمد ..................ولا لحد غييييييره
رفعت راسي للباب ودخلت شووق..........مشت صوبي ويلست ع الكرسي مجابلتني

شوق:مالؤؤمه محمد شرؤؤطج وايد
شيخه:قلتي هالكلااااام لانج مب حاسه بالى يصيرلي
شوق:والله حاسه............بس انتي مافكرتي ف عيالج
شيخه:صدقيني ياشوق..........بيي يووم يندم ع الى سواه فيني وبتقولين شيخه
قالت
شوق:وشوو تسوين الحين
شيخه:بدورلي ع شغل
شوق:ومحمد الى مايخليج تطلعين ظنج بيخليج تشتغلين
شيخه:خلاص محمد ماله شغل بحياتي.............وخليه يسوي الى يبيه والله
مايرؤؤم
شوق:بكيفج
رديت الشنطه وحطيت الملف ع طرف عسب باجر بروح ادورلي ع شغل..........طلعت من
الغرفه وورايه شووق


نؤره..~

صكرت الفؤن من عند ثنوي................ماتدرين ياثنوي شكثر
افتقدتج.............البيت هادي بدؤؤنج ..............متعوده عليج وع ازعاجج
وهؤاشج.................تنهدت وانا اسمع احمد وحمد يتهاوشوون
نوره:احمد وحمد شفيكم
احمد:حمؤؤؤؤد سرق فلوووسي
حمد:جذاااااااب...........هذوولي فلوووسي انا حاطنهم ف العلبه مالتي
احمد:انت سرااق.........هااتهم اقوولك
نوره:بس خلااااااص............كل واحد ينقلع من جدامي
احمد:ماعليه والله يوم ترد ثنوي بخليها تشل الفلوس عنك
حمد:يا ماما خوفتني
مشو من جدامي وتميت يالسه برؤؤحي..........متضايجه ومتملله..........صاح
فؤؤني والمتصله سلمي جارتي
نوره:الوو
سلمي:هلا والله بام سعيد
نوره:هلا فيج..........شحالج
سلمي:اناا........الحمدلله بخير وعافيه..........انتي ف البيت
نوره:هيه
سلمي:دقايق واكون عندج
نوره:حياج
صكرت من عندها............اعرفكم عليهاا........سلمي جارتي من
زماان.............اصغر عنيه عمرها 35 سنه متزوجه مرتين
ومطلقه...............كل شي عندهاا فري...............كشيخه نمبر
ون................ماحد ف الحااره سلم منهاا............والحريم يخافن منهاا
اونه بتسرق رياييلناا................برؤح لرانيا خلهاا تزهب الفواله
مشيت للمطبخ وقلت لرانياا اتزهب الفواله........رديت للبيت ودخلت لغرفتي
وكحتل عيوني وحطيت حمره ع شفايفي...........شليت العطر وتعطرت ولفيت عيوني
ليوسف الى راقد............وبعدين وياه هذا
نوره:يووووسف..............يوسف
يوسف منخمد:هممممممم
نوره:قووووم خست وانت راقد...............خلصت الرقااد
يوسف:ذلفي
نوره:برايك.............بس اسمع ترا جارتنا سلمي هني.............تحنحن قبل
لاتنزل
شفته ينقز من مكاااااانه وطالعني
نوره:شفيييك
يوسف مرتبك:هااااه...........ولا شي..........قولي حق رانيا تزهب الغدا
نوره:ان شاااء الله
طلعت من الغرفه وانا افكر ف يوسف............من يبت طاري سلمي فز من
مكااانه.............ليكؤن بينهم شي...............لا لا ماتوقع
دخلت للصاله وبعد دقيقتين طبت عليه سلمي..............الى من شفتها توقعتها
رايحه للعرس ...............متشكخه فؤؤؤل بل بل منهاا..............هاى شو
خلت حق الاعراااااااس
سلمي:وين عيالج
نوره:بدارهم يلعبوون
سلمي:وثنوي
نوره:من اسبؤع عند اخوهاا سعيد
سلمي:ليش
نوره:حليلهم مشتاقين لبعض
سلمي تمد بوزها:حلهم حلوووول
نوره:سلووووم حدج ع عيالي
سلمي:أي عيال الله يخليج.............لو الود ودهم يتبرؤؤن منج
نوره:سلمي لو سمحتي ثمني رمستج
سلمي:اوووف اوكي اوكي
لفيت عيووني ليوسف الى نزل والحبيب متكشخ............شفت نظراته لسلمي الى
ويهاا محمر ومنزله عيونهاا
يوسف:سلاااام عليكم
نوره+سلمي:وعليكم السلااااام
يوسف يطالع سلمي:سلمي شحالج
سلمي بدلع:الحمدلله بخير
نوره:غريبه..............مب من عوايدك تتكشخ وتطلع بهالحزه
يوسف:احم والله المزاج متعدل.............ولازم نكشخ للحلوين
نوره:اهاا..........ومنؤؤ الحلووووين
يوسف:احم كح كح...............انتي
خاطري اقووووم واترفس ف بطنه.............ونظراته لسلمي تقهر...........مالت
عليهاا وتوزع ابتساماات بعد
نوره:اوك خلصت روووح هناااك............ولاعيبنك سوالف الحريم
شفته يطلع من الصاله وعيؤؤن سلمي عليه
نوره:اناا هني هب هنااااك
سلمي:هااااااااه
ابتسمت ولفت ويهاا وتمت تعابل فونهاا..............يوم انهاا ماتبي تسولفن
شعنه يايه اهني
سلمي تقوم:يالله سمحيليه.............اناا برؤح
نوره:توالناااااس
سلمي:والله مستعجله
شفتهاا تطلع وانا قلبي ناقزني...........مشيت وراهاا بعرف وين
بترووح...........طلعت من البيت وانا وراهاا...........شفتهاا تطلع فؤنهاا
وتتصل ...........تقربت اكثر عسب اسمع شو تقول بس قطع عليه صوؤت رشوود يصارخ
رشود:امايه لحقي...................الؤد طاحت
شهقت وركضت صوب الصاله وشفت الود طايحه ع الارض وتصيح ورشود واقف يطالعهاا
نوره :فديتج.............من شؤ طاحت
رشود يحرك عيونه:تخرطفت من عصاتي
نوره:حسبي الله ع العدووؤ............مره ثانيه انتبه لعصاتك زين ماتكسرت
عليناا
لويت ع الود وتميت اهديهاا ونسيت سلمي...............ماهمني غير عيالى

سعيد..~

وصلنا للفندق وحجزت قسم ...........غرفه لي وغرفه لثنوي............يلست ع
الكرسي وتميت اطالع ثنوي الى واقفه بالبلكوونه والهواء يلعب بخصلات شعرهاا
سعيد:هااااه عساج بس رضيتي عني
ثنوي تطالعني:نص نص
سعيد:لااااه...............هب هينه يااخت سعيييييد
ثنوي:اذا صج تباني ارضي عليك.............اباك تستسمح من شوق
تنهدت وانا اسمع طاريهاا.............طول الطريق وانا افكر فيهاا
ثنوي:شو قلت
سعيد:ان شااااء الله
شفتهاا يايه صوبي وطبعت بوسه ع خدي وهي تبتسم
ثنوي:هذا سعيد الى اعرفه..............يالله قؤؤؤم بنطلع
سعيد:اوكي يالله
قمت ووقفت جدام المرايا واعدل غترتي اما ثنوي ركضت تلبس
عباتهاا.............نزلناا من القسم ويلسنا نتحؤؤط ف الفندق واخر شي
استقريناا ف الكوفي
ثنوي:ياي كشششخه...............ليت الشله تكؤؤن وياي والله بيكؤن وناسه
سعيد:عسب تجلبن الدنيا فوق تحت
ثنوي:ههههههههههههههه.............سعودي خاطري اتسبح
سعيد:انتحري ابرك لج من هالسباحه
ثنوي:ليييييييش
سعيد:بس
ابتسمت ولفيت عيوني وانا انشف من القهووه ...............طحن عيوني ع بنت
يالسه ويا شله من البنات تقريبا خمس بنات ..............شكلهاا مب
غريبه..............من دخلناا وهي تطالعني وتصاصر الشله الى
وياهاا..................عقدت حواجبي وانا اشوفهاا تطالعني..............اناا
وين شفت هالويهه
ثنوي:سعيد تطالع منؤؤ
سعيد:اطالع هذيك البنت
لفت ثنوي ويهاا صوب طاوله البنات وعطتهن نظره قؤؤيه................وبعدين
لفت ويهاا
ثنوي:بسم الله عليك من عيونهن..........اخاف تضربنك بعين
سعيد:هههههههههههههههههه لاتخافين...............بس هذيك ام البنفسجي شكلها
هب غريب..........شفتهاا بمكان بس مادري وين
ثنوي:هممم يمكن حد من الى مشيت معاملاتهن
الحين تذكرت.............طلعت البنت الى اليؤم دخلت عليه ف
المكتب............بس بالشركه شكلهاا غير بوايد من الحينه..............ماخلت
شي ماحطته بويهاا
ثنوي:عرفتهاا
سعيد:هيه
طالعت ثنوي الى يلست تشيك ع فونهاا بعد ماوصلهاا مسج
ثنوي تضرب خدهاا:لااااااااا
سعيد:شفيج
ثنوي:هذي شوق مطرشه مسج وتقؤل ان شيخه تطلقت
سعيد:شيخه اختهاا
ثنوي:هيه
سعيد:ليش؟؟!!
ثنوي:مادري ............بس الى اعرفه انهاا زعلانه من ريلهاا بس ماتوقعت انه
يطلقهاا............والله هو الخسران ماراح يحصل حد احسن عن شيخه
سعيد:صدقتي والله...........ياما كانت اتيي لامها زعلانه بس فوق هذا تردله
...............بس هو ماتغير ولاعدل سلووبه وياهاا................بيندم عقب
ع الى سؤاه فيهاا
مسكت فونهاا واتصلت.............مادري ع منؤؤ تتصل
ثنوي:هلا والله
شوق:اهليييين.........وصلتوو
ثنوي:من نص ساعه...........شو صار بين شيخه ومحمد
شوق:شو اقووولج ياثنوي...............هب راضي ينفذلها شروطهاا
وطلقهاا..............قلبي متقطع عليهاا
ثنوي:الله يعوضهاا بالى احسن منهاا

حسيت اني مشتاق لصؤؤتهاا...............اشرت ع ثنوي عسب تحطه
سبيكر.............توقعتهاا ترفض.................حطته ع السبيكر وتنهدت
واناا اسمع صوتهاا
شوق:ثنوي انا خايفه
ثنوي:خايفه من شؤؤؤ
شوق:اخاف سعيد يخليني ويحب وحده ثانيه....................ثنوي انا مابي اخسر
سعيد مثل ماخسرت شيخه محمد..................ثنوي انا حياتي متعلقه
بسعيد..............غيرت حياتي عشانه بس هو مؤ راضي يتقبل
تغييري................بيتم يذكرني بالماضي................ثنوي انا محيت
الماضي وصلحت غلطتي بس سعيد بيتم يتذكر مهماا سويت ومهما تغيرت بظل شوق
الاوليه بنظره

اختفي صؤتهاا بين شهقاتهاا................اناا شو سويت فيج
ياشووق.............لهدرجه اناا معذبج ولا حسيت بشي...............فجيت فمي
اريد اتكلم بس انقطع الخط
رفعت عيوني لثنوي وشفت دمعتها بعينها
سعيد:اتصلي فيها
ثنوي:ماراح ترد
سعيد:حاولي
ثنوي:اوكي
تمت تتصل فيهاا بس ماترد..............قطع عليناا صوت البنت الى وقفت يم ثنوي
ومدت ايدها وحطت ورقه عالطاوله وراحت
سحبت الورقه وفجيتهاا ومكتوب فيهاا رقم وكلام<< 050......................
ممكن تتصل فيني ضرؤؤري
عقيت الورقه واناا عيوني ع البنت هي نفسهاا الى يتني
الصبح................صدق ويهاا لؤؤؤؤؤح