شوق..~

دخلت للصاله ويلست ع اقرب كرسي...........رديت الظرف لسعيد بعد ماعصب عليه
وقال انه هو بنفسه بيعطي ناصر.............كل هذا صار من
يومين...............بهاليومين ماشفت سعيد بالاصل متعمده ماشؤفه.........لاني
كل ماشوفه احس عمري بصيح..........حتي ثنوي ماشفتهاا وحليلهاا مشغوله
بهالامتحاناات ومابي اخرب عليهاا دراستها.............يالسه برؤحي
.........امايه راحت تسلم ع ختيه شمه الى ماكلفت ع نفسها وتيي تزورناا وتظهر
عليه وحليلي ايدي مكسوره وماحد مهتم فيني...........سمعت جرس الشقه
يصيح...........وقفت بكسل ورحت صوب الباب وجيته وجان اشهق
شوق:شيخؤؤه
شيخه:شيخه بشحمها ولحمها ولاهب مصدقه
بستهاا ع خدهاا قبل لاتشب نار عليه
شوق:حيالله من يانا...........غريبه اتيينا بهالوقت
شيخه:شو اسؤي........محبوسه بهالبيت مجابله هالريل المعفن الى مافيه خييير
شوق:دخلي دخلي
دخلت شيخه ووراها عيالهاا الخمسه ويسحبون شنطهم.............ليكؤن زعلانه ع
ريلهاا..........شيخوه واعرفهاا مستحيل تطلب الطلاااق............بس صراحه
مالومهاا اذا بتتطلق لان ريلهاا هب زين فيهاا.............دخلت للصاله
وشفتهاا يالسه ع الكرسي وعيالهاا يتراكضون ف الصاله
شوق:اييبلج عصير ولا شاي
شيخه ماسكه ع راسها:مابي شي
مشيت صوبهاا ويلست جدامهاا ع الطاوله
شوق:شو فيج
شيخه بحزن:انا طلبت الطلاق من محمد
شوق:شؤؤؤؤ؟؟!!.......ليشششش
شيخه ودمعتها ف عينها:خلاص اناا مااتحمل........ضرب وضربني وشتم وشتمني
.........كفايه ثمان سنوات عايشه بعذاب وياه...........ماذقت طعم السعاده
وياه............اقوم من نومي ع هواشه حتي عياله صارو يخافون
منه.............لين متي تبوني اتحمل.........والله تعبت تعبت
سكتت واناا اشوفها منهاره جدامي...........طول عمرها كاتمه الحزن
بصدرها.............ثمان سنين وهي تتعذب وياااه..............الله يفرج همج
ياشيخه
طالعتهاا وهي تمسح دموعها.........تحاول ماتبين لحد شكثر هي متضايقه
شيخه:اوي شوقوه منو كسر ايدج
شوق:اخؤج نويصر
شيخه:شؤؤ؟؟!! ليش
شوق:هع شرشحت موضي وجان يعصب عليه
شيخه:لو هي تطلع من حياته بيكؤن بخير
شوق:هاى مسوتله سحر
شيخه:شوقوه شو هالكلاام
شوق:صدق كلامي
طنشتني وقامت تسحب شنطهاا
شوق:شواخي حطي اغراضكم ف غرفتي وانا برقد عند امايه
شيخه:الله يعينكم مادري كيف بتتحملونا
شوق:شواخي لاتقولين جذي..........انتي مننا وفينا .........وبالمره تسلينا
بعرفكم ع شواخي عمرها 25 سنه عرست وعمرها كان 17 سنه ......... عليها جماله
رباني وهالشي الى يخلي محمد يغار عليهاا..........مانعهاا من الطلعاات ووايد
مشدد عليهاا............الى يشوفها مايقول هذي معرسه وعندها خمس
عيال.........اكبر عيالها المها عمرها سبع سنوات وعقبها زايد خمس سنوات ونوف
اربع سنوات وميره سنتين ونص واخر العنقود سالم سنه وشهر
المها:خالوه شوق
شوق:لبيه
المها:نحن بنتم ع طول هني
شوق:همم هيه.........ليش؟؟!!
المها تهمس باذني:يعني بنرتاح من ازعاج ابويه
شوق:مهاوي عيب هذا ابوج
المها بصوت عالى:ماحببه
زايد يركض:وانا ماحبه..........كله يضربني
شيخه واقفه عند باب الغرفه:شفتي.............حتي عياله ما..........
قاطعت شيخه
شوق:شواخي هذول بعدهم يهال...........لاتخربين صوره ابوهم جدامهم
شيخه:يرضيج الى يسويه فينا
شوق:طبعا لا
تبطل الباب ودخلت اماايه.............كنت افكر شو بتكؤن رده فعلهاا
ام محمد:شيخه..........حيالله من يانا
شيخه تبوس راس امها:الله يحييج ويبقيج
ام محمد:شحالج بنتيه عساج بخييييير
شيخه:اناا بخير بشوفتكم
ام محمد:وين ريلج
شيخه تطالعني:ف البيت
ام محمد تتفحص نظرات بنتها:فيكم شي
شيخه تطالع امهاا:اماايه انا تحملت محمد ثمان سنواات واكثر من جذي ماقدر
ام محمد:ليش يابنيتي...........الريال ماقصر عليج بشي
شيخه:اماايه انتي ماتعرفين محمد عدل..............اول شي ماخلاني اكمل دراستي
وثانيا حارمني من الطلعاات.............خواته مايخلي مكان ماوداهن ويووم
اقوله طلعني يقلب الدنيا فوق تحت عليه.............حتي عياله مايسأل
عنهم...............وفووق هذا تقولين محمد مب مقصر وياي
ام محمد:تحملي عسب عيالج
شيخه:اذا عيالى بروحهم مب متحملين تبين انا اتحمل
ام محمد:لاحول ولاقوه الا بالله
قمت ودخلت للمطبخ وسويت كبتشينو لشيخه .............وديت الكوب للصاله وشفت
اماايه وشيخه تسولفن..............اؤؤف ملل.............حطيت الكوب وطلعت
فوني واتصلت ع ثنوي
ثنوي:الؤؤؤ
شوق:فاضيه
ثنوي:هيه
شوق:اوكي بييج الحييين
ثنوي:اتريااج

صكرت الفون ودخلت للغرفه ...........وقفت جدام المرايا وخليت المهاا تسرح
شعريه وحطت قذلتي ع طرف
المها:خالوه حلو شعرج
شوق:عيونج الحلووه مهاووي
تمت تطالعني وانا افج علبه المكياج..........خاطريه اكشخ ..........حطيت
بودره خفيفه وبلاشر خفيف وردي وكحلت عوينااتي ومسكرتهن وحطيت غلووس هادي
شوق:حلوو
المها:وااااااااو.............وين بتروحين
شوق:بروح لربيعتي
المها:اروح وياج
شوق:ماحد يهالوه هناكي
المها:اهاا..........خلاص بلعب ويا خواني
ابتسمتلهاا ولبست شيلتي وخبرت اماايه وطلعت من الشقه ودخلت لشقه
سعيييييد..............شميت ريحه الدخوون

شوق:يالبه ع الريحه الزينه
ثنوي تطل عليه من الباب:ههههههههههههه حياج حياج
شوق:اخوج مب هني
ثنوي:لا وماراح ايي الا بعد صلاه العشااء
شوق:زين والله
سحبت شيلتي ويلست ف الصاله عند ثنوي
ثنوي:الله الله شو هالكشخه
شوق:احيييييم دق ف راسي وتكشخت
ثنوي:علومها ايدج
شوق:الحمدلله ..........عندنا شويخ اختي
ثنوي:صج..........اخر مره شفتهاا من شهرين
شوق:بتشبعين منهاا
ثنوي:بتم وياااكم
شوق:هيه..........تبي الطلاااااق
ثنوي تشهق:شؤؤؤؤؤ؟؟؟!!! تطلق ليش
شوق:مالومهاا............عصبي واناني وحارمهاا من الطلعاات
ثنوي:الله يعينهاا...........عيالها وياها
شوق:هيه
ثنوي:فضيحه ماجربت عليج شي تاكلينه
شوق:مابي شي
ثنوي:عالاقل عصير
شوق:اوكي مابردج

مشت ثنوي وراحت للمطبخ تميت اناا اتحوط ف الصاله...........حسيت اني غبيه
واناا اتخيل بهاللحظه اني زوجه سعيد وعايشه بهالشقه الى امؤؤت
فيهااا.............آآآآه ياربي متي برتااااح
رفعت عيوني للى واقف عند الباب.............حسيت اني مخنوقه..........ماروم
اتنفسسس..........سحبت شيلتي وحطيتها ع راااسي وانا اشوف سعيد يطالعني بنظرات
مارمت افسرهاا

ثنوي..~

دخلت للمطبخ وطلعت دبه العصير وصبيته ف الاكواب...........فجيت الثلاجه واناا
اسمع سعييد............شو يابه............طلعت بسرعه واناا سمعت صوووته يزيد

شهقت وانا اشوفه واقف عند باب الصاله..........اووي شووق بلياا شيله
وقفت ورا سعيد واناا اشوفه يصارخ ع شوق
سعيد معصب:عيب عليج تعقين شيلتي وانتي مب ف بيتج
ثنوي:سعيييد
سعيد يصارخ:مابي اسمع شي..............(يطالع شوق)...........مره ثانيه اذا
شفتج هني وعاقه شيلتج انسي ثنوي ولاتقربين صوبهاا..............اصلا انا
مابيج تتقربين من اختج................عبالج ناسي
ماضيج..................ماحد من هل العماره ماسلم منج.................انتي
ماتستحييين ع ويهج.............مضيعه المذهب
شوق ودمعتها ف عينها:انا ماعقيت الشيله الا وتأكدت انك هب موؤجؤد
سعيد يتقرب منها وبعصبيه:وحتي لو مب موجود شيلتج ماتعقينها من راسج
شوق:بس انا شو فيني عسب مااتقرب من اختك............ثنوي حسبت اختي
سعيد موصل حده:هههههه تقصين ع منؤؤ..............ادري بسواد
ويهج............الاحظ كل يوم ان ثنوي تتعلق فيج اكثر عن قبل...........واناا
مابي اختي تخترب من تصرفااتج الطايشه
هذا شو يقوووول................يعق عليهاا كلاااام جارح وفووق هذاا مستحملته
ثنوي:سعيد لاتقوول جذي...........انت تظلمهاا بكلاااامك الى مثل السسم
شوق:خليه يقووووول ويطلع الى بداخله.............قلتلج اناا مهما سويت بظل
بنظره شوق الاوليه..............خليه يطلع الى بداااخله.............عادي
اناا اتحمل الكلام الى يعقه
عصبن عني دمعت عيني واناا اسمع كلامهاا..............لفيت لسعيد الى واقف
بمكانه وعيونه لشوق
سعيد:بعدي من ثنوي
شفت شوق تمشي من جدامي طالعتني بنظرات كلهاا حزن ومشت ..............يلست ع
الارض اريد استوعب الى صار
ثنوي:انت شو سووويت
سعيد:من اليوم وراايح مابي اشوف شوق هني
ثنوي:ليششششش؟؟!! هي شو سووت عسب تعاملهاا جذي..........حراااام عليك
سعيد بصوت عالى:كلااامي ماراح اعيده مره ثانيه
راح سعيد ودخل لغرفته اماا اناا صحت بمكااني............مابي شوق تبتعد
عني.............حرام عليك ياسعيد ..............مسحت دموعي وطلعت من الشقه
ودخلت لشقه ام محمد
شيخه:هلا والله بثنوي
ثنوي:اهلين
رحت صوبهاا ووايهتها
شيخه:شحالج
ثنوي:الحمدلله بخييير..........انتي شحالج وشحال عيالج
شيخه:كلناا بخير وعافيه
ثنوي:سمحيليه بروح لشوق
شيخه:اوكي فديتج
مشيت بسرعه ووقفت عند غرفتهاا ودقيت
شوق:منؤؤ؟؟!!
ثنوي:شووق فجي الباب
شوق تصيح:ثنوي رووحي مابي سعيد يعصب عليج
ثنوي:مايهمني سعيد..........فجي الباااب
شوق:مابي
ثنوي:وغلاتي عندج فجي الباب
شوق تصيح:ثنوي ارجوووج روووحي مابي اشوف حد

تنهدت وطلعت قبل لاحد يحس بشي ورديت للشقه وشفت سعيد واقف وشكله معصب
سعيد:اناا شو قلت
ثنوي:خلاص مابروحلهاا
لف يبي يرؤؤؤح
ثنوي:سعيد ردني للبيت
سعيد:شؤ؟؟!!
ثنوي:ابي ارد للبيت
سعيد:زعلاااااانه
ثنوي:هيه زعلااااانه
سعيد:اوكي باجر بردج
مشي من جداااامي ويلس ف الصاله اماا اناا رحت لغرفتي ويلست ارتب
اغراضي.........يلست يم شنطتي وصحت............صح علاقتي بشوق مب وايد بس
والله حبيتهاا وتدخل القلب..............سعيد وايد ظالمهاا

منيره..~

وقفت جدام المرايا اشيك ع عمري قبل لاانزل تحت............حميد تحت يبيني ف
مؤضؤع............حاسه ان الموضؤؤع كبير..............حتي صوته كان متغير
.............شليت الغلوس وكثرت منه وعدلت قذلتي وتعطر ونزلت
لتحت.............شفت اماايه وحريم خواني طالعني وابتسمن ............. مارمت
اردلهن الابتسامه...............مشيت للميلس وانا قلبي
طبول.............ليكون حميد شافني واناا..........لا لا لا اروحه يطلع من
دوامه للبيت ...........مايوحاله يتحوط .............وقفت عند باب الميلس
خذيت نفس ودخلت.............طحن عيوني عليه وهوو متكشخ بالغتره والعقال
............تأملته ثواني وعقب تقدمت صوبه
منيره:سلام عليكم
رفع راسه صوبي وقام
حميد:وعليكم السلاااااام
شفته يتقرب مني وطبع بوسه ع خدي...........آآآآآآآه ياربي انا شو سويت
حميد بابتسامه:شحالج
منيره:الحمدلله بخير
رد لمكانه ويلس اماا انا تميت واقفه
حميد:ليش واقفه؟؟!!........يلسي
منيره:اييبلك شي تشربه
حميد:لااا...........انتي يلسي
يلست حذاله ع الكرسي بس بعدت شوي عنه.............لاول مره احس بخؤؤف صؤبه
حميد:شفيج ترتجفيين
حسيت اني بنفجر...........لاحظ اني ارتجف...........يالله ياربي
حميد:فيج شي........تعبانه
منيره:هيه تعبانه من الدواام
حميد:شكلي ييت ف وقت غلط
منيره:لا عادي
وحاولت ابتسم عسب مابين له شكثر اناا خايفه
حميد:سمعي منيره احتمال نأجل العرس
منيره:ليشششش؟؟!!
حميد:لان احتمال يعطوني بعثه بنفس الشهر الى بنعرس فيه
منيره:وكم مده البعثه
حميد:شهر وشي
منيره:اهاا............(بعد صمت)........ ع راحتك
حميد:بنخله لين مارد ان شاااء الله
منيره:اوكي
لفيت ويهي............ياربي متي بيرؤؤح والله دقات قلبي اتزيد
حميد:منيره انتي صج مافيج شي
منيره:هيه مافيني شي.............يبين عليه ان فيني شي
حميد:انتي مخبيه عني شي
فجيت عيوني هني.............خلاااص بصييييييح
منيره:صدقني والله مافيني شي............صدقني
حميد:خلاص صدقتج
يلس ربع ساعه وعقب استأذن وطلع

.

.

.

.

حميد..~

ركبت سيارتي وانا افكر ف منيره............منيره الى توقعتها تعاتبني ع عدم
ردي لاتصالاتهاا............البنت وراهاا سالفه.............وايد ترتجف
وعينها ع فونهاا.............من شؤ خايفه ................حتي بيلستهاا هب
مرتاحه كل شوي تشيك ع الوقت..............والمسجات الى كل دقيقه
توصلهاا............صراحه حاله منيره ماتطمن ابدا
صاح فؤني وكان ربيعي وزميلي ف المشفي ماجد
حميد:هلا والله
ماجد:اهليين.........شحالك
حميد:الحمدلله بخير
ماجد:وينك
حميد:والله رايح للكوفي
ماجد:ياحيك والله.........مب اناا مجابل هالمرضي
حميد:حليلك والله..........ومتي يخلص دوامك
ماجد:عالساعه اربع الفير
حميد:انت تخلص من دوامك وانا ابدء
ماجد:الله يعينا ع هالدوام
حميد:هيه والله
ماجد:اقول حميد عندي خط
حميد:ماعليك يالخوي عقب ارمسك
ماجد:اوكي..........مع السلامه

صكرت من عنده ورحت للموول وبركنت سيارتي وصادفت خويايه عبدالله
وعبيد.......وايهتهم ودخلناا للمول وطول الدرب وانا اتصل ع سعيد الى
مايرد.........واخر شي رد
سعيد:سلااام عليكم
حميد:وعليكم السلاااام............من ساعه اتصل عليك
سعيد:كنت اتسبح
حميد:شفيه صؤؤتك
سعيد:عادي صوتي
حميد:لاتخبي عليه..............متضايق
سعيد يتنهد:آآآآآآآه وايد متضاااايق..............حميد مادري شفيني
اليؤم............ماخليت حد جدامي الا وطلعت غيضي فيه حتي ختيه عصبت عليهاا
وزعلت وبترد لامايه
حميد:افاا..........شو صارلك
سعيد:مادري والله مادري
حميد:اوكي شرايك اتيي للكوفي
سعيد يطالع ساعته:نص ساعه واكؤن عندك
حميد:اتريااااك
صكرت من عنده ويلسنا ف الكوفي ودقيناهاا سؤالف وخلاف وصل سعيد الى صج مبين
عليه الضيج

.

.

.

.

.



شوق..~

قمت ع صوت المنبه الى حطيته عالساعه ست ونص..........فزيت من مكاني وطلعت برع
الغرفه وشفت المها وزايد يالسين .............ضحكت ع اشكالهم فييهم
نؤؤم...........دخلت للمطبخ وشفت شيخه واقفه تسوي الريوق
شوق:صبااااح الخير
شيخه تبتسم:صباح النور والسروور
شوق:شويخ حرااام عليج خليهم يرقدوون
شيخه:حلفي بس.............ناقص يتعودوون عالرقاد
شوق:والله فيهم نؤم
شيخه:اصلا مارقدوو امس.........يالسين يتصاصرؤؤن وعقاب فيهم خلهم يداومووون
شوق:ومنؤ بيوديهم للمدرسه
شيخه:كلمت دريول الباص من شوي وقال بيمر عليهم
شوق:زين والله..........عيل لبسيهم وانا بنزلهم تحت
شيخه تحط الريوق عالصحن:تسوين خييير........اروحي امس مارقدت للفير
شوق:تفكرين
شيخه تتنهد:هيه..........احس اني بتندم لو طلبت الطلاق من محمد
شوق:عيل شو بتسوين
شيخه:بعذبه شوي........واخليه يعرف قيمتي
شوق:هاذي شيخه الى اعرفها
شيخه:ههههههههههههههه
رديت للصاله ويلست اساعدهم يتلبسوون .............بعد نص ساعه نزلناا لتحت
وتمينا عند بوابه العماره نترياا الباااب وكان الجؤؤ شوي بارد
زايد:خالووه برد
شوق:يوم انه برد شعنه ماسك جاكيتك بايدك
زايد:لبسيني
فديت انا الدلوووع............سحبت الكرسي الى ييلس عليه حارس العماره ولبست
زيوود جاكيته
المها:خالووه فيني نؤؤم.........ماروم افج عيوني
شوق:ماحد ضربج ع ايدج وتدقينها سوالف مع زيؤؤد
المها:عندي سر خطير وكنت اخبره
شوق:وشوو هو السر
زايد:لا لا ماراح نخبرج
شوق:اهاا..........اوكي بودي سلوم ونوفووه وميروه للبقاله وبشتريلهم الى
يبونه...........شبس وعصير وحلاوه وكل شي
المها:ونحن
شوق:انتم ماتبون تخبرووني شو السسسر
لفيت عيوني لثنوي الى نازله من الدري.........ابتسمتلهاا
ثنوي:لاه لاه شوقووه هني
شوق:شو اسوووي..........اترياهم يروحوون
ثنوي تطالع زيود:زيوود شو هالحلاااه............ماشاء الله غديت ريال
المها تأشر ع لحيته:اى ريال...........ترا مافيه لحيه
طاع هاذي تقربت منها وضربتها ع راسهاا
شوق:ريال وغصبنا عنج انزين
المها بألم:آآآآآآآآى اهئ اهئ يعؤؤر
ثنوي:هههههههههههههههه وحليلج يامهووي
شوق:وانتي وين باصج
ثنوي:عاللفه الحين بيي
ثواني ووصل باص ثنوي الى قبل لاتركب الباص
ثنوي:شوقووه اناا برد لبيت امايه اليؤم
شوق:ليش
ثنوي:خلاف بقوولج
شوق:اوكي
سويتلهاا باى ورووح باصهاا .............وقف باص غلامين ونص العيال الى فيه
راقدين وحاطين روسهم ع الدرايش...........رحت صوب الباب وتميت ادق ع
الدريشه.........الى راقد ومنزعج من الدق والى ابتسم والى خش راسه عند
ريوله............اسميني متت ضحك...........لفيت بدخل وجان اصادف فوزيه منزله
عيالها..........راح عليهم الباص
فوزيه:فقدته من راعي باااص..............الله ياخذه
شوق:اصبحنا واصبح الملك لله...........النااس تذكر ربهاا وانتي طايحه سب بالى
رايح والى راد
فوزيه:اؤؤف.............وانتي خوزي عني
ضحكت ع شكلهاا...........لفيت الشال عدل وطالعت الغيوم الى متجمعه وشكلهاا
بتمطر اليؤم.........ركبت اللفت وطلعت منه وصادفت سعيد طالع من
شقته..........لفيت عيوني مابي اشوفه ..........اخاف تخذلني دمووعي وتطحن
جدااااامه .........سمعته يقول
سعيد:صباااح الخير
شوق:صباح النور
سعيد:من وين يايه؟؟!!
شوق:وديت عيال شيخه لباصهم ورديت
ماترييت منه رد وسيده دخلت للشقه ويلست ف الصاله يم البلكوونه وافكر