ماجيت لك غصب .. جيتك طيب ومروه
تدري وانا ادري .. وش اللي جابني صوبك !



مامن غصيبه .. ولابه شي بـ القوهـ
أقعد لحالك هناآآآآآآآآآآآآآآآكـ .. وعدد ذنوبك !



ماعاد تفرق معي .. واللي تبي سوهـ
لاصرت عاري وفا .. مايسترك ثوبك !



من قال جرحي برى .. جرحي بدأ توهـ !
لاتبتسملي بـ حيا دوبك علي دوبك ..



ماكل برق يهل الخير من نوهـ
ولاكل شي يجيلك حسب مطلوبك !



خابرك ياصاحبي بلاك من جوهـ
مشكلتك الخوف والهوجاس عذروبك !



العشره اللي اجبرتني فيك والخوهـ
والخطوه اللي تسوق الرجل لدروبك !



جوفي له ايام .. عقبك طافي ضوهـ
يامشعل النار .. فل حجاج محبوبك !



الا الغلا مايجي بالغصب والقوه
شفت الغلا كيف اعمى بعيني عيوبك !











......