قلــي بربــك يابعد عمــر مغليــك
وشلون خنت اللي محرم يخونـك
وشلون هانت رجوتـي يوم انا ارجيك
وشلون هانت دمعتي في عيونك
وشلون بعت اللي بهالناس شاريك
قلي علامك بعت ناس يبونك
قلي بربك دامني بصدق هاويك
وشلون بحيا باقي العمر دونك
قلي بربك حالي اليوم يرضيك
طايح جريح والسبايب طعونك
طايح جريح انتخي بك واناديك
ودي تقول ابشر حبيبي ياعونك
واثرك تقول ابعد انا اليوم مابيك
وتروح وتتركني بلحظه جنونك
وقف قبل لاتروح ربي يخليك
دامك رفضت تحيا حياتي بكونك
ارجوك قبري تحفره اليوم بايديك
يحرم عليا العيش يازين دونك