منتديات بنوته - عرض مشاركة واحدة

02-04-2011, 02:52 AM

(الجزء الخامس)
كانت راكبة السيارة وعيونها طول الطريق مانزلت من على مشاري...
مشاري لاحظ من أول ماركب السيارة إنها على هالحال وطفش من نظراتها:
شلتي كل أغراضك..
رهف:ها...ايه شلتهم كلهم
مشاري:طب وشرايك لوتناظرين قدام أزين..
رهف انحرجت ونزلت راسها وشبكت إيدينها ببعض وقامت تفرك فيهم لأنه أحرجها..
حس مشاري إنه أحرج رهف وحب يبعد هالإحراج لأنه ولو البنت ماقصرت معه طول اليومين اللي فاتت وهو تعبان....
مشاري:إنتي عندك جواز؟؟
رهف: لا ماعندي..
,,مشاري يقول في نفسه أشوا الحمــــدلله..
شغل مشاري سي دي للفنانة نوال الكويتيه لأنه كان يحب صوتها بشكل كبير ويخش جو لما يسمع صوتها...
ناظرت رهف لساعتها لقت انه موعد آذان المغرب مابقى عليه الاخمس دقايق..
ورهف كانت من النوع اللي عادي تسمع أغاني بس مي حريصة على فنان أو حريصة إنها تسمع كل شي جديد بس ماتحب تسمعها بكثره أو بآخر الليل,,,
رهف حست إنها متضايقة وودها تقول لمشاري يطفي بس ماتدري اشلون تبدا
رهف:مشاري
مشاري:...نعم؟
رهف:مشاري ترى مابقى على أذان المغرب شي..
ناظر الوقت بالسيارة لقاه بالفعل شوي ويأذن بدون نقاش صكر الأغاني..
....دخل مشاري سيارته بالحوش.. ونزل وقال لرهف:ياللاه انزلي..
نزلت رهف ومشت ورى مشاري وهو يمشي دخل مشاري للديوانية ووقفت رهف برا لأنها شافت نعال رجال وتوقعت إنه هذول إخوان مشاري داخل الديوانية وكانت تسمع مشاري وهو يسلم على إخوانه بحماس وعلى أمه وتسمع صوت أمه وهي تدعيله وترحب فيه وتتشره عليه...
لطيفة:مشاري وينهي زوجتك؟
مشاري:مدري عنها الظاهر دخلت جوا؟؟
رهف كانت تسمع مشاري يوم قال هالكلمة وحزت فخاطرها انه يقول مدري عنها..
كانت واقفة برا وماتدري وين تروح فكت نقابهاوجلست على سور الحديقة:
ياربي أخاف أدخل داخل ألقى واحد من أخوانه أنا ماعرفهم ولا أعرف أصواتهم ولاألقى أحد غريب ياربي مادري وين أروح يارب يطلع مشاري عالأقل يدخلني داخل أحسن من إنه يسيرله موقف يفشل مع أحد..الله يهديك يامشاري..
كانت جالسة وتناظر بالأرض وكان فيصل طالع من داخل ومتجه للديوانية وشاف رهف وقال:بسم الله من أنتي؟؟
رهف استحت ورمت الطرحة على وجهها وتمنت لو الأرض تنشق وتبلعها على هالموقف:أنا رهف..
فيصل رفع حاجب ونزل حاجب: من رهف..... إيــــــــه مرةعمي مشاري.
رهف كانت متذكرة فيصل لأنه هو اللي وصلها لسيارة مشاري يوم زواجها:
فيصل ممكن تدخلني أنا أخاف أدخل وأضايق أحد أو شي ..
فيصل: لاعمه رهف من إيش تخافين تعالي بس..
مشى فيصل ومشت رهف وراه
فيصل:يمــــــه,,يمــــه,,,أسيـــل
أسيل:نعم خير وشفيك تزاعق...,,, وتتنح أسيل بالمرة اللي واقفة ورى فيصل..
فيصل:هذي عمتي رهف دخليها.
أسيل تشهق وتطير لرهف:هلا رهف ياهلا والله تعالي حياك وشفيك..
وتاخذها أسيل مع يدها وتشيل رهف طرحتها من على وجهها ويسلمون على بعض وتنادي أسيل أمها وإيمان عشان يسلمون على رهف اللي كانت ملامح الضيق على وجهها..
راح فيصل الديوانية عشان يسلم على مشاري..
فيصل:ياااهلاااا والله بالعريـــــس
مشاري كان جالس جنب أمه ولما قرب فيصل عشان يسلم عليه مشاري ماقام ومد يده وهي مقلوبة كأن أحد يبي يسلم على إيده قام فيصل ضرب يد مشاري وقال:
عمو ميشو استح على وجهك أنا جاي اسلم عليك ولا جاي أطر..
ويقوم مشاري وهو يضحك ويحضن فيصل اللي قام يصارعه وكل واحد يحاول يغلب الثاني وعلى طول تعبوا وجلسوا وهم يضحكون..
لطيفة: خلاص ياولدي أخليكم أنا بروح أسلم على حرمتك أكيد إنها مستحية تدخل تسلم..
وتطلع لطيفة وتخلي عيالها مع بعض..
فيصل يقرب راسه من راس مشاري: مشاري ياخي صدق إنك طعس وجلف
مشاري: ليه وشفيه؟؟
فيصل:الحين تدخل وتقعد تسولف مع جدتي وأخوانك ومخليها قاعدة برا أقسم بالله يوم شفتها خفت..
مشاري:منهي,,من تقصد
فيصل: من أقصد ياحظي حرمتك رهف,,مسيكينة قاعدة بالحر ماتبي تدخل عندكم تستحي وخايفة تدخل داخل لأن ماحد يعرف عن جيتكم وتخاف تضايق أحد..
مشاري سكت وتنهد وتذكر همه رهف...
...كانت لطيفة جالسة جنب رهف وحاضنة إيدين رهف بإيدينها الثنتين وتسولف معها وإيمان ومنى جالسين قبالهم..
لطيفة:يابنات وراكم تنحتوا وين القهوة وين الحلى؟؟
إيمان ومنى ضحكوا واستحوا..
إيمان:إي والله ياعمتي من يشوف هالملاك وهالذوق ومايتنح ماشالله تبارك الله..
رهف استحت ونزلت راسها وعلى طول إيمان ومنى راحوا المطبخ يشوفون الشغالات وشزينوا..
إيمان وهي بالمطبخ:بسم الله على قلبها وشنعمها
منى:إي والله ماشالله تهبل بعذر عمتي انشبت إلا تاخذها
::
لطيفة: هايابنيتي بشري؟؟
رهف:وشو ياعمتي عن إيش
لطيفة: والله يارهف مادري شقولك بس إنتي أبخص
رهف:والله ياعمتي مافهمت إشقصدك؟؟
لطيفة:أنا أقصد دخلتوا؟؟
رهف:هاه..... إيه إيه ياعمتي
لطيفة:وانشالله انتي ومشاري خاطركم طيب
رهف وهي خايفة ومرتبكة:هاه....إيه الحمدلله
شوي ولا مشاري دخل عليهم: يمــــــــــه وينك رحتي وخليتيني مابعد شبعت منك؟؟
لطيفة:أنا هنا يامي تعال حبيبي تعال..
ويجي مشاري يبي يجلس جنب أمه من يمينها لأن رهف كانت جالسه على يسارها لكن لطيفة قالت:
وين وين خلك مني سنين وانت مقابل وجهي والله ماتجلس الاجنب حرمتك..
مشاري:يمه وش اللي سنين وانت مقابل وجهي ,,, ويجلس جنب رهف ,,
الله يصلحك يمه مرة ثانية لاعد تحلفين..
رهف:ولو ياعمتي انتي الخيروالبركة إنتي الأساس..
قامت لطيفة من عالكنب وقالت:الخير بوجهك يابنيتي ,,أذن العشاء بروح أصلي وانتوا صلوا ياعيالي ولا خلصتوا صلاة تعالوا للحلا والقهوة في الديوانية..
مشاري على طول التفت لرهف بعد ماطلعت أمه من الغرفة وقال:
أمي شكانت تقولك..
رهف:....ولا,,ولاشي
مشاري:رهف تكلمي أنا لمادخلت وجهك كان أحمر وأمي مايلة جهتك بزيادة وتشاورك وشكانت تقولك؟؟
رهف:لابس كانت تسولف..
مشاري مسك رهف مع ذراعها بقوة وقالها: رهف تكلمي احسلك!!
رهف خافت من مشاري ومن نظراته الحادة كانت أول مرة عيونها تطيح بعيون مشاري.. وعورتها يدها منه بلعت ريقها ونزلت عيونها تحت فيه:
كانت تسألني دخلت علي ولا لسه..
مشاري بعصبية بعد ماقوى يده عليها:وشقلتي؟
رهف دمعت عيونها وقالت: قلتلها إيه
مشاري هدت نفسيته شوي... ورمى يدها وعلى طول رهف مسكت مكان قبضة مشاري وعيونها بالأرض..حست نفسها ضعيفة ومابيدها حيلة لكنها عبرت عن ضعفها بمجرددموع عالخد,,
دخلت إيمان وهي لابسة جلالها عليهم:أهلين مشاري مبروك ياعريس
مشاري:الله يبارك فيك أنابروح أصلي
طلع مشاري ورهف متنحة بالوضع اللي قدامها,,,
؟
؟؟؟
؟؟؟؟؟؟
إشهذا إيمان تفتش على مشاري..
إيمان:هارهف ماتبين تصلين؟؟
رهف: إلا بس وين أصلي..
إيمان:الحين تجيك أسيل وتجيبلك جلال الصلاة..
وبسرعة جت أسيل وعطت رهف الجلال وحتى أسيل فرشت سجادتها وقعدت تصلي..
كانت رهف تصلي وبالها موبالصلاة أبدآ بس جالسه تعيدببالها المشهد اللي سار قدامها لما إيمان وقفت قدام مشاري مو مغطية وجهها...
يعني إيش يعني بيجبرني أفتش على أخوانه؟؟
سلمت رهف وقعدت على سجادتها وهي مازالت سرحانة..
أسيل:ياللاه رهوف خلنا نروح للقهوة بالديوانية..
رهف تفك جلالها وتسفطه:أسيل من بالديوانية؟؟
أسيل:أمي وأبوي وجدتي وعمي تركي وزوجته ,وميشو ,وفيصل.
رهف: معليش قوليلهم إني تعبانة وبطلع فوق أرتب أغراضي وارتاح..
أسيل:طيب عالأقل خذيلك كم فنجال واطلعي لا تطولين
رهف:لا معليش أسيل مرة تعبانة
::::::::
طلعت رهف غرفتها وجلست على طرف السريروقالت بنفسها :يالله الله يعدي هالأيام على خير..
:::::
(بالديوانية)
مشاري:خلاص يمه خلااااص كيفها ماتبي تتقهوى مو لازم
لطيفة:ياولدي روح شوف لايكونها تعبانة
مشاري:يمه يرحم أمك ماسمعتي أسيل وشتقول تقول بتروح ترتب أغراضها خلاص
,,,, وتموا لطيفة وعيالها يسولفون ويضحكون ..
مشاري:إلا صح عبدالاله شخباره بفرنسا ماكلمكم؟؟
لطيفة: إلا ياحبيله كلمني اليوم هو ومرته
فيصل:صح ميشو وين بتسافر شهر عسل؟؟
مشاري يقول بنفسه حسبي الله عليك يافيصل ورطتني:والله مادري بشوف المدام وأشوف خاطرها وين تبي تروح بعدين يحلها ألف حلال..
فيصل:خالي روح إنت وزوجتك بلجيكا,,,تتذكر يوم رحتها أنا وياك السنة اللي فاتت
إشلون كانت الرياض حر وقرف ويوم رحناها جوها جناااااان قعدنا فيها شهر كامل مابغينا نرجع..
لطيفة:إي والله ياولدي لازم أنت وحرمتك تسافرون وتنبسطون..
عبدالرحمن:خلاص أجل تكاليف السفر علي من الألف للياء..
,,,مشاري متنح ومصدوم من الحكي ومن التخطيط اللي حصل بدون ماحد ياخذ رايه..
مشاري:لا..لالا..من قال إني بسافر بلجيكا...سبحان الله أنا يوم رحتها ما ارتحت,,ومرضت ذيك الأيام وكرهتها,,وبعدين أصلآ رهف ماعندها جواز..
تركي:يعني هي شغلة يعني مايبيلها شي يمديك تزينه بفترة بسيطة..
مشاري:حتى أنا جوازي يبيله أجدده ...فاتفقت أنا ورهف إنا مانسافر برا اتفقنا نروح جدة..
أسيل:عمي حرام عليك بهالحرجدة؟؟
فيصل:عمي من جدك عريس وتبي تقضي شهرالعسل هنا؟؟
مشاري:يوووه...الحين أنتم وشحارق رزكم أنا ورهف متفقين وخلاص..
...بعد تعصيب مشاري على فيصل على طول تركي حب يهدي الموضوع وقال:
خلاص دام الخساير هينة وانتم بيكون شهر عسلكم هنا تكاليفة من تذاكر طيارة الى اقامتكم بالفنادق ومشترواتكم وتمشياتكم علي علي أنا..
مشاري:ياتركي مايحتاج..
تركي:خلاص..أنا قررت يامشاري ولا تناقشني.. كم عندنا مشاري..
مشاري: ماتقصر يا بوعبدالرحمن..