منتديات بنوته - عرض مشاركة واحدة

02-04-2011, 02:51 AM

كان مشاري طول الطريق وهوساكت..
يا الله معقول اللي أنا فيه واقع موحلم...خلاص تزوجت..تزوجت
يالله قد إيش أنا غبي اشلون سكت وماقلت لأ اشلون رضيت,, يعني أنا خلاص طول عمري بأعيش مع هالإنسانة اللي ماعرف الا اسمها حتى وجهها ماشفته..
والأدهى والأمر ان هي السبب بكل اللي احنا فيه,,
هروب خالد
الحادث اللي سارلخالد
موت خالد
الجلطة اللي جت أمي
,,,,إي صح هي السبب كل اللي سار من تحت راسها..
من يوم ماشافتها أمي وحياتنا مقلوبة فوق تحت,,,وآخر شي أنا اللي تدبست..
***صوت مسج وصل لمشاري قطع أفكاره انتبه مشاري لنفسه انه ضيع طريق البرج وبعد عنه بمسافة كبيرة..
قعد يتنهد ويطالع يمين ويسار الما وصل للبرج وطول هالوقت ماناظر لرهف ولا نظرة ولا وجه لها أي كلمة..
طلعوا للجناح اللي حاجزة عبدالرحمن أول مادخلوا جلست رهف على طرف الكنبة اللي بالصالون التابع للجناح وهي متوترة ومرتاعة ولا تدري وين تروح وتحس بدوخة كبيرة عشان كذا أول ماشافت الكنبة جلست..
جلس مشاري على آخر الكنبة وهو ملتفت للجهة الثانية ومعطي رهف ظهره..
ويقول في نفسه:لاحول ولا قوةالابالله الله يسامحك يمه الله يسامحك..
شال غترته وطاقيته وعقاله من على راسه ودخل أصابعه في شعره وقام يدلك راسه بهدوءوهومغمض عيونه...تذكرانه جته رساله عالجوال..
طلع جواله من جيبه وفتح الرسالة ولاهي من طارق مرسل:
[مبروووووك ياعريس وعقبالي,وترى ها..ياويلك ان سويت حركات نذاله زي اللي اعرفهم يوم تزوجوا وتسحب علي أبذبحك ذبح,,
الله يعيني على فراقك بشتاق لثقالة دمك وهبالتك...تصدق من الحين مشتاقلك ماكني من اول اليوم وانا معك مافارقتك الايوم زفوك..
الله يوفقك..انتبه لنفسك ولااوصيك ببنت الناس]
قفل مشاري جواله والتفت على يمينه لقى رهف زي ماهي قاعدة, وموشايف منها شي لانه أطراف طرحتهااللي مثبته بتسريحتها مغطية على وجهها,وهوماكان حريص أصلآ انه يطالع..**ياربي هذي للحين قاعدة ماقامت تغير..
الظاهر انها فرحانة إنها أخيرآ عروس وماودها تغير..
مشاري:ادخلي داخل غيري الين اقولهم يجيبون العشى..
سمعت الكلام رهف وعيونها زي ماهي بالأرض دخلت غرفة النوم وأخذت شور سريع ولبستلها بجامه حرير لونها سكري كانت مستحية انها تطلع لأنه بنطلون البيجاما برمودا وكمها حفر(جبنيز) خافت مشاري انه ينقد عليها,,بس قالت ياليته بالأول يطالع وإذا طالع يسير خير.. حطت كحل بسيط وجلوس زهري وتعطرت..
طلعت رهف ولقت مشاري فاتح التلفزيون وحاط طاولة الأكل قدامه.. طبعآ رهف إلى الآن ماشافت وجه مشاري بس وهو جالس ومعطيها ظهره كان زوله من ورى نفس زول أخوها صالح..
هنا رهف ابتسمت ابتسامه وحست بالحنان تجاه هذا الرجل الغريب لمجرد إنه ذكرها بأخوها...
توجهت رهف لعند مشاري وسلمت وجلست جنبه..لكن للأسف مارد السلام..
رهف كانت كارهه هالسكوت وقالت خلني أبدى أنا بالحكي..
رهف:كيفك مشاري؟
مشاري:حمدالله,,,اسمعي انا بروح أريح داخل تعشي إذا خلصتي ناديني عشان أطلعه برا..
رهف وهي مصدومةوهالمرةماقدرت تمسك نفسها إنهاماتناظربوجه مشاري وتتكلم:
طيب وإنت؟؟
مشاري:تعبان شوي..
رهف لاحظت ملامح التعب بوجه مشاري,, زي مالاحاظت وسامته وحدة نظراته..
كانت ملامحه وقسمات وجهه تذكرها بملامح الأمراء..اللي كانت تشوفهم بجلسات الشعر..
دخل مشاري ورمى نفسه عالسريرومد ظهره..
حاولت رهف إنها تاكل لو شي بسيط لأنها جدجدجوعانة,, يادوبك أكلت لقمتين..
لكنها قامت لأنه نفسها انسدت,,,ياالله معقولة حتى مو قادريستحمل الجلسة معي..
دخلت عند مشاري عشان تقوله إنه يطلع الأكل.. لكنها لقته بالحمام..
جلست على طرف السرير عشان تشوفه إذا طلع وتملي عينها منه,,
حست بحب بقلبها مو طبيعي له ماتدري وشتفسيره؟؟
لكن لفت انتباهه صوت تأوهات يطلع من الحمام جرت رهف لباب الحمام وحطت إذنها وقعدت تسمع وهي خايفة على مشاري
كانت تسمع صوت مشاري وهو يستفرغ ويتأوه ومشاري من النوع اللي حساس جدآكان وهوفي الحمام يشوف الدنيا تلف فيه وبطنه يألمه ويصدره يألمه..
ومنظرخالدوهوينازع بين إيدينه يمر عليه بالبطيئ أكثر من مرة...ماقدر يمسك نفسه...جلس على طرف البانيووانخرط في موجة من البكاء..
رهف خافت خوف شديد وقالت ياربي هذا اشفيه لايكونه تعبان أو يتعاطى شي؟؟
ليه يبكي بهالطريقة؟؟؟
ماقدرت رهف تمسك دموعها لأنه ماتوقعت انه يسيرلها في أحلى ليلة بعمرها هالشي
راحت على السرير ودخلت تحت البطانية وغطت نفسها وغمضت عيونها بشدة
وقالت بكرةانشالله يسيركل شي أحسن من كذا
..طلع مشاري وهو دايخ وموقادريشوف اللي قدامه..قرب جنب السرير لقاها نايمةعلى طولل طلع في الصالون وتمدد عالكنبة وراح بسابع نومه..
وهولازال يصدر أنين مثل أنين الأطفال
:::::::::::
::::::::::::
من جهة ثانية عبدالإله ودينا قضوا أحلى ليلة وكانوا مبسوطين وطايرين من الفرح..
*
*
::::::
::::::::::
((في بيت أبوصالح))
ناصر:عقبالنا يالغلا,,
أبرار تضحك ضحكة حياء: انشالله.....بس متى؟؟
ناصر:قريب ياحياتي بس إنتي اصبري وانشالله الله يفرجها قريب..
أبرار:ناصرأنا أعرفك لي سنة وشوي وانت تحبني وأنا أحبك وإلى الحين ماتزوجنا,وإختي انخطبت وتزوجت في ظرف شهرين بس..
ناصر:أبرار أناماظحكت عليك في شي ولالعبت عليك أنا من أول ماكلمتك وأنا قايلك عن كل ظروفي,,,أبرار مافيها شي لو تظحين شوي وتستنيني إلما تتحسن ظروفي...
أبرار: وانا إشوراي إلا الصبر ياناصر..ابستناك لو طول العمر..
,,,ناصرلما قالت أبرار هالكلمة استغلها فرصة وعلى طول قلب الحكي لغزل وكلام حب وكلام بطال وأبرار تطاوعه بكل شي يقوله..
:::::::
:::::::::::
الساعة 4الفجر,,,
***صلت الفجروالتفتت عالباب وهي تفكر:ياربي أقومه يصلي ولالا؟؟
أخاف يطلع من النوع اللي مايصلي ويزاعق علي,,, ياربي اشهالبلشة..
فكرت وقررت إنها تروح عنده وتقومه يصلي..
لمادخلت كان نايم على جنبه والصالة مظلمةومو باين من ملامحه شي قربت وقالت:مشاري...مشاري..
قربت زيادةعشان تناديه لكنها سمعت صوته وهويأن وكأن عنده صعوبة بالتنفس هنا رهف خافت عليه وفتحت الأبجورة اللي قريبة من راسه عشان تشوف وشفيه؟؟
لما فتحت رهف الأبجورة كان مشاري فاتح فمه ونص عيونه مفتوحات وحواجبه معقودين.
رهف سارت الأفكارتوديها وتجيبهالكن جربت مدت إيدها وحطتها على جبين مشاري كان جمرةومولع من الحرارة..
رهف تعوذت من إبليس ومن الأفكار اللي جتهاوحطت يدها على كتفه وهزت بشويش: مشاري,,,مشـــــاري
مشاري فتح عيونه بشويش ورجع غمضها وتنهد تنهيده قوية وابتسم وقال:
أسيــــل..
رهف وهي متألمة:لأيامشاري أنا رهف
مشاري رجع عقد حواجبه وفتح عيونه بسرعه بعد ماحسب ان اللي قدامه أسيل وكل الأموراللي مرفيهاحلم لكنه رجع لأرض الواقع وان كل اللي سار حقيقه مو حلم واللي قدامه رهف مو أسيل..
مشاري جلس يتأمل ملامح رهف ويناظر بعيونها السود الوسيعة وخشمها الدقيق الطويل,,وفمها الصغير..رجع تنهد وانقلب على ظهره وحط يده اليمين على عيونه ورفع راسه فوق: نعم وشتبين؟؟
رهف:مشاري ترى أذن قوم صلي
مشاري يتحرك ببطئ وتبعد عن طريقه رهف وهي عيونها مانزلت من عليه والود ودها تمسكه وتساعده انه يقوم بس حست نفسها مو لهالدرجة تمون..
دخل مشاري الحمام وكانت رهف واقفه عند باب الحمام وتسمع كل تحركاته لأنهاكانت خايفة يسيرله شي..
طلع مشاري وصلى وخلص وهي كانت وراه جالسه: ياربي عادي أروح وأمسكه وأشوف حرارته نزلت ولا لسه؟؟بس ولو عيب المفروض العروس تكون مستحية وساكته وعريسها هو يكلمها ماهوهي تلحق وراه...يابنت الحلال أي عروس صدقتي عمرك...قال إيش عروس ولا سمعت منه خمس كلمات على بعض,,,
بس يللاه يابنت الحلال استحملي...أكيدهو موخلقي لأنه في حرارة وتعبان شكله متسمم ولاماخذبرد...
رهف: أقول مشاري..وشرايك تتروش؟؟
مشاري وهووده انه يتروش من قبل ماينام بس مايقدر لأنه خايف إنه يدوخ بالحمام وبعدين إذا داخ من ينقذه؟؟
مشاري: بعدين..
قام مشاري من عالسجاده وهو يحاول إنه يحافظ على توازنه ورجع نام عالكنبه من دون مايقول لرهف أي كلمة اللي يوم شافته نام رجعت حتى هي نامت ..
:::::::::::
:::::::::::::::
((في بيت أم عبدالرحمن))
لطيفة:ياهلاوالله ياهلا..
عبدالاله يطيح على راس امه ويحبه:هلايمه هلايمه
وتجي دينا وهي مافصخت عباتها تحب راس عمتها وتلتفت على تركي وعبدالرحمن وهم يباركونلها وتجلس بكل حياء جنب زوجها..
لطيفة:أقول مادق مشاري على واحد منكم ودي أدق عليه..
,,التفت تركي على عبدالرحمن وقاله بصوت واطي:
هذا وهو مغصوب على هالزواج له يوم كامل الحين ماسمعنا صوته شكله غرقان بالعسل,,أجل لوكان راضي وشسوى؟؟
عبدالرحمن:ياخي الله يسمع منك ويكون غرقان بالعسل ويبطل دلع..
عبدالاله:يمه أنا ودينا جينا اليوم نتعشى عندكم ونودعكم عشان خلاص رحلتنا بكرة على نيس..
لطيفة:صدق خلاص مسافرين بكرة!!
عبدالاله:إي يمه انشالله..
تركي:أجل أنا بوصلكم..
عبدالاله:ماتقصر وأنا أخوك..
الكل قضى السهرة مبسوط وسوالف وضحك وملامح الفرح والسعادة تنطق بوجه دينا وعبدالاله... على العكس تمامآ لمشاري ورهف..
::::::::
::::::::::::
كانت تبكي بكاء كله خوف وحيرة وتحس بإحساس كبير بالضياع بجانب احساس أكبربالمسؤولية تجاه هالإنسان اللي قاعد يرجف وحرارته كل مالها تزيد وجبينه يقطر عرق وماهجد من التأوهات والألم..
كانت جالسة على ركبتيها ومكتفة إيدينها:ياربي شسوي يارب ساعدني ألطف يارب ألطف..
رهف:مشاري,,,,مشاري,,إنت تاكل أدوية معينة تبيني أعطيك منها..
,,,مشاري موقادريرد بس كان يحرك راسه بالنفي..
رهف:مشاري خلني أدق على صالح يجي وياخذك للدكتور..
مشاري:رهف سألتيني كم مرة وقلتلك لأ..
رهف:طيب أدق على واحد من أخوانك..
,,مشاري وهو يهز راسه بالنفي...
سكتت رهف وحطت إيدها على فمها وهي تناظر فيه وكل مال حرارته تزيد...هنا رهف ماقدرت تمسك نفسها..شدته مع يده وحطت إيدها الثانية حولين خصره وقالت:
أجل قوم معي بسرعة..
مشاري:وين...وين,,رهف إبعدي....إبعدي
رهف:قوم معي بوديك الحمام تتروش..
مشاري بكل عصبية:لايابنت الناس إبعدي بس..
رهف:ليه يامشاري حرارتك كل مالها تزيد,,قوم وروح الحمام تروش وبعطيك بنادول وانشالله تنزل حرارتك..
مشاري:يابنت الناس ما أقدر أوقف لو بأوقف بدوخ..
رهف:لاتخاف أنا بدخل معاك خل شورتك عليك..يالله تكفى الله يخليك قوم..
وجلست تحاول فيه الين رضى يقوم معها...كانت طول الوقت جنبه وجلسته بالبانيو وتاخذ الموية وتمررها على راسه ووجهه وتمسح بيدها بكل حنية وتسمي عليه..
كان مشاري مو مصدق إن اللي معه هذي وحدة توها عروس لأن على حد علمه إن العروس تتدلع ولاتسوي شي...وهذي شالتني شيل وقاعدة تروشني؟؟...
كانت كل لمسة تلمسها رهف لمشاري...مشاري يتذكر لمسات أمه وحنيتها عليه..
ويحس إن رهف ماكانت تصطنع هالحنان...بالعكس كانت رهف تبذل كل اللي بوسعها عشان تريح مشاري..وتنزل هالحرارة..
طلعت من الحمام وراحت جابتله ملابس وحطتهاقدامه: مشاري هذي منشفتك وملابسك خلاص إنت الحين أحسن تقدر تقوم وتلبس....تبيني أساعدك؟؟
مشاري وكأنه خف الألم شوي:لأ...اطلعي وصكي الباب..
رهف طلعت وصكت الباب وتكت جنب الباب لأنها خايفة يسيرله شي..
طلع مشاري وشافها جنب الباب بس عطاها ظهره...
رهف آلمها هالصدود بس قالت يالله مو مشكله: مشاري كيفك الحين..
مشاري :......لا أحسن
وتمشي رهف وتحط إيدها على جبينه وتلقى حرارته خفت بكثير..
حركة رهف هذي ضايقت مشاري وقال بنفسه خير شايفتني بزر؟؟
رهف:طب مشاري اطلبلنا أكل أنت من أمس ما اكلت شي وانا كمان جوعانه,,
مشاري بالفعل حس نفسه جوعان ومن دون مايردعليها دق على خدمة الغرف وطلبلهم أكل..
دخلت رهف وغيرت ملابسها وطلعت عند مشاري....
رهف: مشاري وشرايك نطلع..
مشاري وهوياكل ومايناظر فيها:نعم,,وشقلتي؟
رهف:يعني نروح أي مكان عند أهلك عند أهلي..
مشاري:أصلآ ناوي نطلع ونرجع البيت كرهت هالمكان..
رهف جرحها هالكلام بس قالت ماينلام الحرارة هي السبب في انه يكره هالمكان..
>>>>>>><<<<<<<<
انتهى الجزء الرابع..
*ايش رح تكون مصير علاقة أبرار بناصر؟؟
*كيف رح تكون معاملة رهف لمشاري؟؟
*هل بتستحمل رهف العيشة في بيت مشاري مع أهله؟؟
*هل بيستحمل مشاري رهف ولا بيرجعها بيت أهلها؟؟