الفصل العشرين
((طلال))
جالس باالكافي مع خويه بدر
طلال: صار لي يومين ادق عليك ماترد
بدر : انشغلت
طلال: لاياشيخ احلف
بدر : والله كنت مشغول مع الجوري
طلال: اوه تطورات
بدر: نعم طال عمرك عندي صور لها وتصوير
طلال: والنعم والله عرفت اربي هههههه
بدر: هههههه لاتخاف جبتلك اخبارها
طلال بلهفه : انطق بسرعه
بدر : تقول دانا انها طول الزواج تبكي وانها ملكة جمال
طلال: مالك دخل فيها خلك على جور
بدر: لاتخاف هذي الجوري دخلت مزاجي والله لاجيب راسها
طلال: كمل وبعد شقالته
بدر: بس طال عمرك وماعندها اخبار الا انها تشتغل ببنك الفرنسي ...
طلال: ايوه اي فرع
بدر: وانا وش دراني المهم ان خويتها بنت الكاسر لابوها مساهمات فيه
طلال: والله لالف البنوك عليها
بدر: لا حالتك صعبه
طلال: آه ياخويي العشق بلوى
بدر بتانيب الضمير: ههههههههه الله لايبلانا ... ايوه قبل لانسى هي ابوها مطلق امها
طلال : لا توني ادري وبعد
بدر: بس وامها فري وسمعتها لك عليه
طلال: كيف يعني ... ؟؟ سمعتها وش مسويه ..؟؟
بدر: يعني ..لبنان وجنيف ..ومعسل وسجاير ... شاليهات .. وغيره
طلال كان حد صاب عليه مويه بارده يعني نواره صارت حلم مستحيل بالنسبه له ... ابعد من قبل هاللحين وش يقنع اهله فيه ..
بدر: بس يقولون هم عايشين عند ابوهم وزوجاته الكثير اللي يغيرهم اكثر من اسيارات وهو هاللحين يدور على زوجه .. مثلك عارف تقدر الشرب والقمار
طلال: كذاب اول مره احد يقول كذا
بدر: دانا ..سمعت ام المعرس تتكلم مع وحده من عمات نواره وغير كذا بنت الكاسر اللي مادري من وين طلغت توني ادري ان عنده بنت ... اللي ماخذه الدنيا عباطه
طلال استوعب شوي وحس باليائس مستحيل جد يقدر يخطبها ودامه مايقدر ياخذها بالشرع بياخذها غصب
بدر: انت عارف ان..
طلال: خلاص كفايه واللي يرحم والديك مابغى اسمع اللي سمعته يكفي
بدر : اوكيه اويه انت لاتعصب تراك غالي
طلال: الله يلعن ويلعن دانا حقتك هذي
***************
((لوجين ))
لوجين جالسه بالبنك هذا ثاني يوم لها دوام ..جالسه تفكر بطريقه تشوف فيها مسفر ونواره تخلص معاملات عميل
نواره:آف انا مانفع بهذا الشغل
لوجين: ليه
نواره: انا ينفع لي اشتغل بمشغل الجوري او مشغل تغليف الهدايه مع ذوق ..مو هنا لا واللي يشتغل معنا رائد التافه اخ ذوق
لوجين: حرام عليك والله انه حبيب
نواره: ايوه يصير خير هو وخشته شكلي ببادل مع البندري
لوجين: لا وش هذا ..سخافه
نواره: لاتحاولين بكلمها وببادل
لوجين وعارفه كسل نواره وكرهها لشغل : اوكيه اذا وافقت اكلم المساهمين
رائد: السلام عليكم
لوجين ونواره : وعليكم السلامه
رائد: ياخت نواره في عميله مهمه رو
نواره: لاحول
لوجين بسرعه وبرزه : خلاص انا بتفاهم مع العميله شكرا يا اخ رائد
رائد: اذا كنتي مو قد الشغل ليه اشتغلتي اجل
نواره: والله بكيفي اصلا انا طالعه ومخليته لك
شالت شنطتها ووقفت
رائد؟؟؟؟؟؟؟؟؟؟؟؟
لوجين: اجلسي وبلا شغل هبال
نواره طلعت من البنك وهي تكلم الجوري والبندري اللي مفروض ان طيارتهم للبنان بكره الساعه 9
نواره: اقولك اذا على بنو انا اتفاهم معها
الجوري: اذا رضت اوكيه مافي مشاكل انا عندي انتي او هي خواتي
نواره: تسلمين بس بسكر هاللحين احكي مع الحلوه
البندري بهدوء:الو هلا نونو
نواره: هلا فيك ..سلامات وشفيه صوتك كانك بعزاء
البندري: ياليتها ماتت ولاجاءت
نواره: من ..؟؟
البندري : ماقدر اتكلم انتي مشغوله هاللحين
نواره: لا
البندري: اقابلك بجلفريز
نواره خافت من صوت البندري المهموم : اوكيه مسافة الطريق
البندري: اوكيه مع السلامه
نواره رجعت لداخل البنك وعطت لوجين خبر واعلنت انسحابها : لو بملايين الدنيا ماجلس هنا هذا يومين دوام وبهذلونا كذا ... لا انا مانفع هنا
لوجين: اوكيه روحي ولاتشيلي هم
نواره: سوري لجو كان بودي اكون معك لكن ماقدر والله صعبه
لوجين:لاوالله عادي دام بنو بتجي لهنا اصلا انت وجودك مثل عدموا
نواره: مالت عليك ...
*****
((البندري))
البندري لابسه عبايتها بتطلع بس شافت امها مع مريم يتقهوا بالصاله ... بعد هذيك السالفه كانت طول الوقت بغرفتها حتى اخوها محمد ماشافها
البندري بدون نفس : هاي
مريم : هاي
ام البندري: وعليكم السلام
البندري طنشت امها : مريوم انا يمكن بكره بسافر مع الجور للبنان عطي محمد خبر لاني ماحكي معه
مريم : اوكيه بحاكيه وبشوف
ام البندري بحنان: وليه انتي ماتحاكينه
البندري بعصبيه :من بركاتك ماكلمه لي يومين
مريم: بنو وبعدين معك
ام البندري بصبر وحلم: ومع من بتروحي للبنان .. مع محمد
البندري: ههههه ومحمد وشيبغى معنا ..انا والجوري صاحبتي
ام البندري ظربت صدرها : لوحدكم
البندري: انتبهي على نفسك لاتشغلين الحسينيه من ربعك الشيعيات بالسجن .... ايوه مع صاحبتي ويمكن تروح معنا نونو ... وبعدين تعالي ( كتفت يدينها ) ليه في شي اوعندك اعتراض
ام البندري صدمها الكلام بس اضغطت على نفسها لان مستحيل بنتها تسامحها بيوم وليله ..
مريم توها بتحكي الا اسبقتها ام البنري : بدون محرم
البندري : محرم وانتي عايشه فيه ...الناس تطوروا ..وب
ام البندري عقدت حواجبها : ومن هذي الجوري محرم لك
البندري ناظرت امها من فوق لتحت : الجوري ..ليه انتي تعرفين من هذي الجوري ... اوه تذكرت ان اخر خبرك فيني 6 سنوات ...انا طول 14 سنه ماعرف عنك شي ولا انتي تعرفين عني شي فبليز لاتدخلين بحياتي ...
مريم: البندري ..اسكتي
ام البندري: يابنتي انا مو عدوتك انا امك
البندري تطنشها : مالي خلق درامى ... مريومه انا طالعه لجلفريز مع نونو
طلعت
.. لفت ام البندري على مريم : ليه خليتيها تروح .. ومن هذي نواره اللي بتروح معها
مريم: ياخاله لاتخافي نواره ثقه
ام البندري بنرفزه : على اي اساس ثقه .. وش هالعبايه المزينه اللي لابستها فستان مو عباءه ..كيف ساكتين لها
مريم ومن زمان مو عاجبتها الحريه اللي فيها نواره بس سكتت
ام البندري بنفسها تقول بتحدي : انا اللي بريبيها على ايدي من جديد
***************
((ذوق))
ذوق واقفه بالبيت الصغير اللي قررت تسسويه مشغل تغليف هدايا وتصميم كوشات خلصت كل شي وكل الاجراءت والديكور والادوات بس بقى تختار الاسم ..احتارت وش تختار ...
دقت على الجوري مشغول ...تذكرت انها اكيد تجهز لسفر لبنان بكره وفكرت انها تختار مثل اسم مشغل الجوري والبندري ( مشغل توينز) هما اختاروا هذا الاسم علشان البندري والجوري انهم توم ...بس هي وش دخلها بتوينز ...
دقت على المنقذ حبيبة قلبها لوجين
ذوق: السلام عليكم
لوجين: هلا والله وعليكم السلام كيفك ..
ذوق : كويسه ..وينك اختفيتي بعد زواج مروه
لوجين : مشغوله والله مع البنك .. المهم انتي كيفك ..؟؟وكيف مشغلك ..؟؟
ذوق : يالله لجو محتاره وش اسميه
لوجين : مايبغالها ..لوجين لتغليف الهدايه
ذوق:ههههههههه بايخه ..اخاف مايجوا زباين
لوجين:هههه لا اضمنلك مليون بالميه ..
ذوق: اوكيه واذ خسرت عليك التعويض
لوجين:هههههه لا اجل اختار اسم ثاني احسن ... وشرايك ب ذوق
ذوق: لا بايخه ..انا افكر بامواج
لوجين: لا وع وش ذا امواج .. انا اقول دلع بنات لتغليف الهدايا والكوشات ..وشرايك ..؟؟
ذوق: والله انك فضيعه جنان خلاص بسميه دلع بنات
وبنفس الوقت صاروا يغنوا ..((اتغير عليك ولااسال وجيك..
وقولك ماحبك وانا بموت فيك ..
ترى طبع البنات تهوى الاهتمام ..
ويحيوا الدلع والحب والغزل والغرام
.....
على ذكر الكلام غروري اللي كان ترى كل هذا ياروحي
..... دلللللللللع بنات ...
ذوق ولوجين:هههههههههه
ذوق: اوكيه باي اشوفك قريب
لوجين: اوكيه باي
******************
فيصل قرر ينزل لسعوديه يشرح لذوق كل شي واسبابه بعد كل اللي صار ..
**************
((نواره والبندري))
بالمطعم ..
نواره بحماس وهي حاطه رجل على رجل بعربجيه : قررت اصير مدرسه اطفال
البندري : كيف ...؟
نواره : ايوه اطفال اموت على البزارين وابغى ادخل عالمهم ودرس حظانه ( وبحركات مسرحيه وهي توقف ) ابغى اكون لهم المربيه ..
البندري: اجلسي فشلتينا
نواره تناظر اللي بالمقهى يناظرونها : اوه هههههههههههه اندمجت
البندري:هههههه اجلسي خلصينا
نواره بصوت عالي : سوري تحمست شوي لاني بصير مدرسه .. مدرسة بزارين اخس مدرسه هههههه
البندري غطت وجهها بالمنيو (القائمه) من الفشيله ...
اللي بالمقهى شباب ضحكوا وبعض العوايل حتقروها واللي ابتسم على هبال المزيونه المتحمسه ..
البندري :ههههههه ... اجلسي فشلتينا
نواره جلست :ههههههه مشكله الحماس
االبندري تعالي نطلع الناس تناظرنا
نواره : وناسه اجلسي يمكن تجينا باقة ورد
البندري:ههههه ماتوقع
نواره: اصبري وبتشوفين .. الا ماقلتيلي متى طيارتكم ..؟؟
البندري: ليه مانتي بجايه معنا يله غيري رايك ..؟؟
نواره : امم مادري انتي عارفه البيت صار فاضي بس انا وبابا ... وبابا مشغول يدور عروس شكلي بقنعه يروح يدور له من لبنان
البندري : انا خايفه ان الزفت اللي عندي تغير راي محمد مث ماخلته يضؤبني
نواره: لا حرام علي لاتظلميها عندي احساس ان مالها دخل
البندري: انتي ماشفتيها والا كان ماقلتي كذا هذي خريجة سجون
نواره تذكرت امها وحركاتها المشبوهه واتوقعت ان ام البندري مثلها : صح يمكن لاكن انتبهي لاتعطيها مجال
البندري: من قالك حتى اني موافقه اشتغل بالبنك علشان اقهرها اعرفها متخلفه
نواره: لا عاد مو تقولين متخلفه صدق تكرهينها بس على الاقل احترمي
البندري : مادري انتي من اي مذهب
نواره:هههههه لاتخافي السني
الجرسون اللبناني : ازا بتريدي
لفوا عليه
الجرسون اللبناني : هاي كابتشينو على حساب الشباب يلي هونيك
اشر على طاولة الشباب اللي ضحكوا قبل شوي على نواره ....
اما نواره والبندري لفوا على الشباب اللي مبسوطين بنفسهم ... وياشرون
نواره رفعت ايدها : ثانكس
الشباب : هلا والله ..
البندري: شوفي الرقم بالمنديل ..؟
نواره: عطيني اياه اذا ماوريتك فيهم
البندري: وش راح تسوي ..؟؟
نواره : بخليهم يعشونا
البندري:ههههههه عن جد انتي هبله ..
البندري رفعت جوالها لجهة يعني شغلوا البلوتوث ....انبسطوا الشباب ..وشغلوا البلوتوث بسرعه
البندري: ههههههههههه ماصدقوا بغير نكي
وكتبت نكها (بنوته كيوت وشفايف توت )
نواره: وانا وش اختار ( ارسل لاكفخك )
البندري:ههههههههه مالت عليك يالعربجيه اختاري نك سنع
نواره :آف عجبهم والا بالطقاق
البندري: لا جد اختاري .. ضايعه بحضن حبيبها ...او .. كا
نواره تقاطعها : لا مو لهذي الدرجه انا ماحب الاسماء الرومنسيه بختار همر 2007
البندري: لاحول يالبدويه انت على بالك واحد من الشباب اكتبي ضايعه بحضن خويها
نواره: توك حبيبها وش غيرها خويها ... اسمعي بكتب "ارسل لاكفخك "عجبك والا كيف
البندري بقلة حيله : كيفك ..؟
نواره : يلعن النك.. مهرب بودره
البندري: وع .. اسمعي تركي 2000 على باله شاعر المليون
نواره: صحيح من تتوقعين الشاعر
البندر: انا مع الشمري مزيون
نواره: وانتي صادقه بس العتيبي قصايده بعد حلوه
البندري: شوفي وش رسل مع وجهه
نواره : وش اكيد يقول عني حلوه
البندري: لا ههههههه يقول ليه جالسه مع اخوك ...يقصدك انتي
نواره: والله مع وجهه ...( تصارخ ) انت هيه مع وجهك
البندري: الله يفضحك
رفعت شنطتها
نواره: اجلسي عشانا عليهم ... ارسلت لهم (( اعزمونا على العشاء ونسجل ارقامكم عندنا وندق الساعه 5 الفجر))
البندري بعد مارجعت جلست :هههههه والله انك ملعونه
نواره: اعجبك ...
جئها بلوتوث فتحته ...
(( اوكيه انتم امروا اي مطعم .. ))
البندري ونواره :هههههههههه
جد خلوا الشباب يعشونهم وبعدها سحبوا عليهم السيفون ...
*******************************
((لوجين))
بعد ماطلعت من البيت دقت على الجوري ووعدتها تمرها لبيت عمها
لوجين بالسياره
تفكر تبغى طريقه تشوف فيها مسفر وتبين له حبها يمكن يحس فيها...
عند بيت الجوري وبالتحديد داخل سيارة بدر شاف وحده شعرها احمر مره احمر ناري ووجهها ملائكي وعبائيتها ضيقه ومفتوحه ورجولها البيضاء مبينه من تنورتها القصيره ..فتح فمها يحس انه عايش بره السعوديه ...
طلعت الجوري من عند المدخل على بالها محد يشوفها : لجو ..لجو
لوجين : هاي
الجوري: بلبس عبايتي وبجيك
لوجين: لا مايحتاج انا بدخل ...
اشرت لسايق السعودي يروح
بدر لما شاف ان الجوري بالطبيعه احلى من الصور والتصور صمم على اللي بباله اكثر ..
بعد ماسلموا على بعض انتبهت الجوري لسيارة بدر ورفت انه هو حست باعصابه تثور ودها تروح له تكفخه وهذا اللي قررت تسويه لو شافته بكره ..
اول مادخلوه نوره زوجة عمها ناظرت لوجين من فوق لتحت بانبهار واحتقار واعجاب ..عجبها شكل البنت مره وفكرتها بريطانيا : من هذي
الجوري: صاحبتي ..تعالي لوجين الغرفه
نوره: لوجين غريبه مسلمه ...وبعدين من قالك دخلي هذي الاشكال من بنات ديرة امك بيتي ...
لوجين: هاي ..
نوره واللي ثقافتها الانجليزيه على قدها : من هذي
الجوري: هذي لوجين راشد الكاسر صاحبتي
نوره فتحت عيونها على الاخير : راشد الكاسر بنت المليونير السعودي
نواره: ايوه تعالي لجو ماعليك منها
نواره وتغيرت ملامح وجهها لطيبه والتسامح : سامحيني يابنتي اللي مايعرفك مايقدر وانا تعرفين مادخل بيتي كفار وفكرتك بريطانيا
لوجين: لا اصلا انا مو شايفتك ...يله جور وين غرفتك
زوجة عمها انقهرت وحست بنار بجوفها بس هي مو قد الكاسر ...
بعد مادخلوا الغرفه :هههههههههههههههههه
الجوري: ههههه انتي كذا
لوجين : ههههه وشرايك ادبتها اللي ماتربت
الجوري تقلد نوره: سامحيني يابنيتي اللي مايعرفك مايثمنك ههههههه بس سمعت الكاسر بلعت حلقها
لوجين:ههههههه الخايسه تغيرت ملامحها بسرعه
الجوري: المهم ماعليك منها انتي كيفك
لوجين: تمام
تناظر الشنطه اللي على الارض: متى طيارتك ..؟؟
الجوري: بعد ساعتين
لوجين: ونونو بتروح معكم
الجوري: البندري قاسمه تقنعها
دق جوال الجوري بنغمة
هالعيون شلون املها ..
سحر ذوبني بغزلها ..
بوسه من عندك حبيبي...
(( اماني يتصل بك ))
لوجين: اسمعي هذي اماني ماحبيتها
الجوري: بلعكس حبوبه
لوجين مو عاجبها : ردي عليها ردي
الجوري: هاي ...انا كويسه وانتي ..
لا مالك حق
هههههههه
تسلمين ياقلبي
لا والله مشغوله
بكره طيارتي للبنان ..
ايوه للمشغل وبتروح معي نواره والبندري
اوكيه فرصه سعيده ..مره ثانيه
باي
بعد ماسكرت ..لوجين بكره: وش كانت تبغي فيك
الجوري: كانت عازمتني على بارتي
لوجين: انتبهي منها احسها خبيثه
الجوري: يالله كانك البندري مسوسوه ..مادري وش فيكم عليها
لوجين : المهم جور .. ابغى اشوفه
الجور ي بدلاخه : من ...؟؟
لوجين : يعني من (بدلع) مسموسي
الجوري : ماقدر انا على مسموسي ..روحي شوفيه
لوجين: كيف ..؟؟
الجوري: البندري تقول انه يشتغل بمحل ابوه لللاثاث روحي له
لوجين بحماس: والله انك خطيره جبتيها ..
الجوري: انتظري بتروحي كذا وهو ماشافك من زمان
لوجين : يعني وش اسوي
الجوري: تعالي اسنعك بمكياج برتغالي مع لون شعرك اناري
لوجين : بس خليه خفيف انها صدفه
الجوري: انا الجور والاقر على الله ......... لاتخافي .... وبعدين احمدي ربك الناس تتمنى بس تمر عند توينز وانتي صاحبته بتحطلك
لوجين بغرور مصطنع : اوه شكلك نسيتيي اني لافه العالم عند احدث المصففين
*************
((بدر))
بدر: انتي متاكده
دانا: ايوه يادوبني مسكره من عندها
بدر: بذبحك اذ قصيت تذكره على الفاضي ..
دانا : وبشر خويك ان نواره بتروح معها
بدر: حلو تذكرتي عليه ..بسكر هاللحين واخر التطورات دقي علي
دانا بنفسها : ايوه انا للمصالح والسوالف وهي لها الركض مثل الكلب ...
بدر: ياحلوه وين رحتي يله باي مستعجل
سكر ودق على طول على طلال
طلال: خير ...
بدر: افا تكلمني كذا وانا جايب لك خبر بمليون ريال
طلال: منك انت خبر حلو ماضن
بدر: : والله انه خبر ليطيرك فوق
طلال: اوكيه وش عندك
بدر: لا ... لازم توعدني قبل ان تذكرت طيارتي
طلال: تذكره ليه وين ناوي تهاجر
بدر: لبنان
طلال: هاللحين كل هالدول السنعه تاركهم ورايح للبنان السعوديه الثانيه من كثر السعوديين والكويتين ...
بدر: بعد شسوي الجوري ناويه تروحلها لازم نتبها
طلال: الجوري..؟؟ وهذي ماصرلها شهر واسبوعين من رجعت من بريطانيا علشان تهج مره ثانيه ...
بدر: حتى خويتك نونو اوه سوري نواره .. معهم
طلال: نواره ..؟انت متاكد
بدر: مثل اسمي
طلال: يابعدي والله بدور ابشر التذكره والفندق
بدر: حلو ..كلام رجال
طلال والفرحه مو سايعته : كلام رجال
سكر طلال من عند بدر يفكر بحبيبته نواره بلبنان يعني في مجال يشوفها يحكي معها ياثقل هالشهر والاسبوع عليه .. ياترى فقدتيني مثل مانا فقدتك يانونو ...
*************
((لوجين))
طلعت لوجين لعند محل مسفر وقفت سيارتها بعيد علشان ماتلفت انتباهه ودورت من بين المحلات لافته باسم ..(( محلات الوضاح لللاثاث المنزلي والمكتبي ))
وقفت تناظر الافته وقلبها يدق بسرعه خايفه من مسفر ومن ردة فعله ومن قلبها اللي ممكن يخونها ويعترف بحبها له
وقفت شافت مسفر مشمر اكمامه ولابس ثوب.......... وشماغه مرفوع نصه لفوق بطريقه عربجيه ... (( يالله بالثوب شكله عذاب ياحلوه .. قلبي بيوقف منه..اول مره اشوفه بالثوب))
مسفر كان معصب ويصارخ على العمال ينزلون الموكيت بشويش ...
لوجين تشجعت ودخلت المحل بعد ماعطاها مسفر ظهره لانه لحد هاللحين مانتبه فيها .. دخلت بهدوء ورزانه و تحس صوت دقات قلبها من قوتهم ان كل المحل سمعهم ...
اشرت بايدها بكل نعومه لمصري اللي واقف يستقبل الزباين ..
- : اهلا وسهلا تفدلي
لوجين وتمثل انها ماتدري ان مسفر هنا : انا جايه ابغى اشتري المحل
- مصدوم: ايه المحل بس المحل مش معرود للبيع حدرتك
لوجين: كيف مو للبيع بس انا ابغاه
- : لحضه حدرتك حند هلك صاحب الميحل
لوجين وقلبها زادت دقاته: اوكيه
راح المصري لمسفر: هو في ست عايزه تشتري المحل
مسفر معصب : اي محل
المصري: دا .. انا اولتلها انوا مش للبيع بس هي مصره تشتريه
مسفر: يالله انا ناقص بعد .. من وين طالعه هذي..؟ خلاص انت روح وانا بشوفها
دق جوال مسفر : الو هلا والله بهالصوت
العنود: هلا فيك
المصري : هي دي
اشر على مكان واقفه فيه لوجين ومعطتهم ظهرها ..مسفر دق قلبه بسرعه ( يالله تشبه لها كثير من كثر ماحبها صرت اتخيلها)
العنود: الو وين رحت
مسفر وعينه على شبيهة لوجين: اكلمك بعدين
سكر بوجه اخته العنود .. ومشى بخطوات بطيئه يتمنى انها تكون هي ..تكون من شغلت باله وحرمته النوم والاكل .. تمنى تكون هي ويملي عيونه بجمالها ...
لوجين حست بخطواته تقرب نفس الصوت اللي كان يطلعه ببريطانياصوت مشيته بالجزم المميز نفسه هنا .. بالسعوديه
حست بايدها بارده وجسمها يرتجف
مسفر بتردد وهدوء: لوسمحتي
لفت لوجين ولا كانها تعرف : نعم ..؟
سكتت انها مصدومه
مسفر: لوجين....؟؟
لوجين: مسفر.....؟؟
سكتوا اثنينهم وعيونهم تحكي ..الشوق فضاح ..الشوق بعيونهم واضح ... الحب واللهفه واضحه على اشكالهم الصامته ...نبهم صوت
المصري: هي دي تال عمرك
مسفر ولف وجهه عنها بسرعه وبعدها مالتقت عيونهم : ايوه مصطفى جيب شي تشربه لوجين ...
لوجين تناظر بعيد : لا مايحتاج .. انا طالعه بس جيت اشتري ل مشغل الجوري والبندري كم شغله وما
مسفر ابتسم و هو يناظر اللي مر بالشارع ويرفع له ايده : حياك الله ..؟ ومانتي طالعه الا تشربين شي .. وطلبك دقايق ويصير جاهز ..
(( انا ماصدقت شفتك تبغي تروحي ))
لوجين انبسطت بس ثقلت نفسها وهي ترفع شنطتها : لا شكلك مشغول ..( ناظرته من فوق لتحت )
مسفر:هههههه ( انحرج) لزوم الشغل
يعدل شماغه وينزل اكمامه
لوجين بسرعه: لالالالالا كذا احلى ...( انتبهت لنفسها) اقصد مو لازم ....... اللي يريحك ..
مسفر : تعالي .. اجلسي لازم نضيفك ونخلص لك امورك
لوجين تستهبل بس طلعتها ببراءه : انتم مين ..؟؟
مسفر ماكان يبغى يفرد نفسه كان يتكلم بصيغة الجمع علشان يغطي على مشاعره اللي فاضحته عيونه : اوه اقصد انا ..
لوجين ارفعت عيونها وناظرت بعيونه وقالت بهدوء : مسفر ..
مسفر طول الوقت يشغل عينه عنها .. ويتحاشى يناظرها ليه تناديه كذا ليه.. هي عارفه انه مايقوى دلعها او نبرة رجاء منها : ايوه
مدت ايدها : ممكن خمس دقايق من وقتك ...
مسفر: ايوه تفضلي
وهو يطنش ايدها
لوجين: ممكن ايدك
مسفر تكتف : تفضلي قولي اسمعك
لو جين حست بجيبة امل كبيره مايبغى يمسكها ا...حست بالاانه حتى يتكلم معها ..الا من بعيد لبعيد بعد ماكانوا يطلعون الجبل ماسكين ايد بعض ويدخلوا الكافي بايد بعض
مسفر حس بسكوتها رفع عينه عندها (( يالله اشتقتلك .. اشتقت لعيونك الوساع ولفمك المفتوح دايما ولاانفك المرفوع ..اشتقت لربكتك ولمزاجيتك ... يوه يالوجين الله ياخذ ابوك لعبتي فيني ..))
لوجين تنرفز منه : بنتكلم هنا ..؟؟
مسفر قرب منها بهدوء ..خافت وش بيسوي بيضربها
مسفر غار ... جسمها واضح من العبايه المفتوحه ..... والغطى اللي مرمي على كتفها باهمال ...وشعرها الاحمر الصارخ تاركته مفتوح
والا شعوري منه وقف قبالها ... وحس بمشاعر غريبه مافي مره بحياته حسها وهو يقرب من وحده
لوجين حالها اللعن من حاله رجلها ماتحملت تشيلها ..
مسفر بعصبيه : انتي بالسعوديه ...؟؟ مو ببريطانيا ..؟؟
لوجين خافت: وا
سكتت لان ايده انمدت على كتفها ورفع الغطى منه وحطه على راسها ولفه يحجبها ..
مسفر من بين اسنانه : هذا مايطلع حرام
لوجين مستغربه هو من اول ماشافها تكشف يعني لانها بالسعوديه صار حرام
مسفر لم عبايتها وصار يسكرها بالطقطق ..
مسفر وواضح من صوته انه ضاغط على اعصابه : وهذا الجسم حرام يطلع
لوجين وقفت مصدومه ..وهو وجالس عند رجلها يسكر الطقاطق الاخيره
نزلت لعنده تحت
مسفر: لا هاللحين بينف...
سكت لان عيون لوجين فضحتها بالمره وكان واضح فيها الحب: مسفر
مسفر(( يابيه امري تدللي يابعد كل رفت عين)) : نعم
لوجين : لا انت ماتنزل تحت .. مسفر (مسكت ايده ووقفته معها ) تعال معي ..
مسفر وحس ان العمال يناظرونه باستغراب واكيد بيوصل ابوه وعمه واخوه الخبر : انتي اللي تعالي معي
ومشى لحقته من غير لاتساله ... طلعوا من المحل وكان جوهر ينتظرها عند الباب
مسفر: تعالي معي بسيارتي
لوجين واللي حاطه يدينها الثنتين على احجابها كانها تحافظ على لمسات مسفر لاتضيع مع الهواء ...
مسفر ركب سيارته وهي واقفه عند الباب تنتظره يفتح لها
مسفر: لاتخافين اركبي بوديك مطعم هادي
لوجين فتحت الباب ودخلت من غير لايفتح لها احد حست بالحريه احساس حلو ..دخلت وهي تناظر كل شي بالسياره تبغى تحفظه
بعد ربع ساعه من الصمت ومسفر مرتبك يدور مطعم
مسفر : يالوجين حنا بالسعوديه وانا ماقدر اجلس معك لوحدنا في ال
قاطعتته بتهور : انا خلاص قررت اتحجب اذا كان هذا يرضيك
مسفر لف عليها : انا وش دخلني عمري مارضيت المهم انتي محد يشوفك .. انت مسلمه مفروض من غي
لوجين لفت وجهه بسرعه رهيبه للجهه الثانيه .... انتبه فيها مسفر سكت خلاها على راحتها مستغرب ردت فعلها ...
سرحت تناظر النافذه مجرد ماصارت معه بمكان واحد .. بمكان بعيد عن الناس .. وكلامهم الكثير اللي من وصلت لسعوديه مارحموها ..حست بالامان
وقفوا عند مطعم هادي ومايدققون فيه كثير الهيئه
لوجين جالسه تنتظره يفتح لها نزل مسفر ووقف ينتظرها تطلع .... دق النافذه اشرت له افتح لي فكر ان الباب مقفول حاول يفتحه انفتح بسرعه ..
مسفر: مفتوح
لوجين: ايوه ... لكن مفروض تفتح لي
مسفر تذكر هي بنت مين ..؟: مو انا اللي افتح لمراءه
حست لوجين انهم بيتهاوشون سكتت ..
بعد ماجلسوا وطلبوا لهم شي ياكلونه ...
جلسوا ساكتين قطع سكوتهم
مسفر اللي يدور اي شي يتكلم فيه: اخبارك
لوجين ابتسمت : كويسه وانت ..؟
مسفر: انا تمام وماعلي قصور
لوجين:امممممممم
سكتوا ...
مسفر : سمعت انك ناويه تسكنين على طول بالسعوديه
لوجين( اه يامسفر لوتدري كيف بريطانيا بدونك : لا بس اتسلى نص سنه وبعدها بروح لشركة بابي
مسفر بخيبة امل: يعني بترجعي لبريطانيا
لوجين : افكورس
رجعوا يسكتون ...مسفر مل من هالحاله
مسفر: تدرين ان اختي شافتك
لوجين ابتسمت ابتسامه تذبح: ايوه عرفتها رنا صح ..؟ انت احلى
مسفر:هههههههه حرام ليك رنون حلوه
لوجين باصرار : ايوه حلوه لاكن انت احلى
مسفر ( يابعدي والله انت الحلوه ) : عيونك الحلوه
لوجين ارتبكت من كلمته ناظر الستاره اللي فاصلتهم عن باقي المطعم
وقالت بطفوله وهي تفكر : ليه يحطوا ستاره
مسفر: علشان مايشوفنا احد
لوجين: وهم وشدراهم انك مو اخوي او زوجي مثلا
مسفر( ياحلو زوجي من لسانك ) : لاننا مانتشابه ههههههههه
لوجين: هههههههههههه
مسفر: لا جد لان محد يرضى ان رجال غريب يشوف اخته او بنته
لوجين: بس انا بابي لما شافني بدون غطاء ماقال شي ..بس انتم متخلفين
مسفر رفع حواجبه ومال بالكرسي : متخلفين ..؟؟
لوجين: سوري على الكلمه اقصد متشددين
مسفر: انتي لو انك رجا رضيتي تتزوجي وحده اللكل شايفها ..؟
لوجين: عادي
مسفر حس انها مستحيل تفهم
لوجين: حتى احمد وتركي ماعندهم مشكله
مسفر: من تركي..؟
لوجين: اخ احمد ..
مسفر: لان امهم كويتيه متعودين على الكشف اما حنا بالسعوديه نطبق الدين وهو حرام
لوجين: لا مو لهذي الدرجه حرام
مسفر اول مره يكتشف طريقة تفكير لوجين وستغرب من جهلها باشياء دينيه كثير
مسفر: صحيح اني مو ملتزم لكن الحمدلله اعرف بامور الدين ومارضى لاي وحده تخصني تطلع وجهه او جسمها
لوجين انبسطت لما غطاها كانت شي يخصه : ليه تخاف الله
مسفر: اكيد اخاف ربي وفي شي ثاني ... لوجين بسالك سوال..؟
لوجين وهي مبسوطه انه يسولف معها بحريه : تفضل
مسفر: هاللحين لو جابولك شوكلاته مفتوحه وشوكلاته مسكره من تختاري
لوجين بسرعه : المسكره طبعا و
سكتت تفكر بالمغزى وراء سواله : اها فهمت هاللحين..؟ انت تصد ان العباءيه تحفظ المراءه و ان السعوديين اذا بيتزوجوا يختاروا الشوكلاته المسكره
مسفر: هههههههههه عليك نور
لوجين : والريم تتغطى
مسفر استغرب وش دخل الريم : اكيد حتى عبايتها على الراس
لوجين نقهرت علشان كذا يحبها : وانت تببغاها لانها تتغطى
مسفر وهو يشوف تفكيرها اللي واضحه على وجهها وغيرتها بعيونها ونبرة صوتها : يعني سبب من الاسباب
لوجين صارت تهز رجلها وقالت بحقد: انا شفتها
مسفر: الريم
لوجين : ايوه (كانت تبغى تقول: شينه ومافيها حلى واكره انسانه شفتها بحياتي وبودي اقتلها وانت حرام فيها)
مسفر وعاجبته الغيره: وش رايك فيها..؟؟
لوجين من وراء اسنانها : ماتخيلها زوجتك
مسفر وهو حاب يلعب بعصابه : ليه ..؟ مو حلوه
لوجين : يعني مافيها شي مميز عاديه .. انت مااحسك تركب لها
مسفر: افا ليه ..؟
لوجين خنقتها العبره وصوتها صار فيه بحه : لان ..( راح صوتها) احم احم ..لان مادري كذا
(كانت تبغى تقول ..لاني احبك ولانك لي انا وبس )
مسفر عدل جلسته وقرب وجهه من وجهها: لا تدرين قولي لاتستحين ..؟
لوجين قلبها صار يدق بسرعه : لان .. لاني .... هو ... ( ارتبكت وتخربطت )لان
( بلعت ريقها وقالت بسرعه ) لانها ماتستاهلك ...
مسفر عصب يمكن الدم خلاه يثور .. رجع لورى وتكتف : ماتستاهلني ... اجل مين اللي يستاهلني اذا كانت بنت عمي ماتستاهلني
قال بنت عمي يثبت لها انها بنت عمه قبل لاتصير زوجته
لوجين حست بعصبيته انقهرت يحب الريم وهي مستعده تموت علشانه : انت قلتيلي رايي وانا حكيت
توتر الجو بينهم ..
مسفر: وانا اسالك من وين كونتي احساسك الخطير ..؟
لوجين خافت من نبرة صوته ماتحب تسمعه زعلان منها ..او يكلمها كذا : انا قلتلك مجرد حساس والا الاحساس تحاسبون عليه هنا بعد
مسفر: نحاسب عليه ..كان السعوديه مو عاجبتك
لوجين بتهور تبغى تحكي عن احساسه وهي ببلاد الخير: ايوه احس اني مخنوقه هنا ..كل شي ممنوع كل شي عيب ..حتى الحلال تحرمونه لانه مخالف العرف والعادات مع ان السنه والقران محللينه .. ماحد عنده لباقه في الكلام , عندكم همجيه في النظرات في الرد .. السلام ماتردونه اذا ماعجبكم الشخص مع ان السلام واججب حتى على الكافر ... اذا احد غلط او سوى شي جهل منه مارحمتوه ... عندكم اليتيم واللي ماوراه ظهر مثل الشي النجس في الارض ..
مسقر حس انها قنبله وانفجرت ظل يناظرها وهي تتكلم وتفضفض اللي بقلبها ...
لوجين تكمل ماصدقت ان مسفر قدامها وتقدر تحكي له اللي تبغى : اول مايسمعون بنت الاسر يبتسمون ويسلمون بعدها تتحول نظراتهم لاحتقار ... وكانهم شافوا رقاصه او مومس .. اكره الحريم هنا ..
مسفر: كل هذا بكم يوم سكنتي هنا
لوجين انتبهت لنفسها وللكلام اللي قالته وتفشلت : ههههههههه عورت راسك وين العشاء كانه تاخر
مسفر: لا ماتاخر على ماينضج
دق جوال مسفر ...
نغمة
(( الاماكن كلها مشتاقه لك )) .. رنا يتصل بك
مسفر بهدوء: الو
..:...............................
مسفر: هلا بالصوت وصاحبته
لوجين تاكدت انها الريم اشتعلت الغيره بقلبها ..
....:........................................
مسفر : هههههه الله يلعن شيطانك ...
...........:.....................
مسفر: انا بالمطعم مع واحد من الربع
لوجين (انا وواحد من الربع ) انقهرت وهزت رجلينها بعصبيه
...:...........................
مسفر: ليه وش عندك ..؟
..:...............................
مسفر : لا مالي خلق خلي حد يوصلها
........:.....................................
مسفر: لاحول .. ياقلبي ليه تتفلسفين
مسفر حس بغيرتها حب يقهرها
..:………………..
مسفر: ياحياتي انتي ههههههه
لوجين تاشر له بروح الحمام
.....:...................
مسفر مانتبه لان رنا تقوله يوصل الريم للبيت وهو ماله خلق
لوجين عصبت اكثر وقامت طلعت
مسفر : وين
لوجين بصوت انثوي عالي علشان تسمعه اريم كانت تبغى تثبت لها ان هي معه هاللحين: لتواليت
مسفر هز راسه اوكيه
طلعت معصبه
......:..............................
مسفر: اي حريم تتوهمين هذا سعود وتركي يستهبلون
..:........................
مسفر: اقول انتي الكلام معك ضايع باي وبنت عمك تروح بالسواق بلا دلع
....:...................
مسفر: لايكثر بس ..مع السلامه
لوجين واقفه بالحمام تناظر المرايه و دموعها تنزل تمسحهم حست انها منهاره .. وماتقدر تجلس معه .. خذت شنطتها ودقت على جوهر ورجعت للبيت
مسفر مل وهو ينتظر خاف ان صار لها شي راح لعند الحمام واعصابه متوتره يدق على جوالها ماترد … خاف وماعرف كيف يتصرف
كلم اللي بالمطعم قاله واحد ان في وحده شعرها احمر وكانت تبكي
مسفر : جد اني حمار ضيعتها من ايدي
لوجين تناظر جوالها "ملكي انا يتصل بك" صارت تشهق ببكيها … جوهر رجال طيب وحبوب ويعز لوجين لان اخلاقها معه حلوه ..
جوهر: طال عمرك سلامات وشفيك
لوجين ماردت عليه كملت بكي لحد ماوصلت البيت …بعد ماهدت رمت نفسها على السرير تفكر ان اللي سوته غلط اكيد بين انها تحبه غبيه هاللحين وش بتقوله … "يعني انا بشوفه مره ثانيه مايستاهل واحد مثله اشغال بالي فيه " طبعا كل هذا من ورى قلبها
*********
دخل مسفر للبيت معصب بعد مالفلف بالسياره … ندمان على تصرفه الغبي معها وواضح انها زعلت وقفلت جوالها تمنى ان الريم تطلع من حياته مره وحد
رنا كانت ترقص بالصاله على اغنيه ( يالللي تاصر تنوره تلحقها عيون الشباب هي بحاله مغروره يالبالى الكعب العالي لا لي لالي لاليييييييييي)
تذكر لوجين وهي لابسه قصير وتبتسم .. كانت اغنية المشهوره فيها لوجين عند العرب بالكلاس
الفصل الواحد والعشرين
اليوم الثاني الساعه 8 الصباح
نواره تصارخ باخر الدرج :يله يبه الطياره بتفوتنا
بو نواره من اعلى الدرج : غيرت رايي روحي لوحدك
نواره : يلعن بو الدلاخه توك تحكي يابو الشباب
بو نواره : روحي قبل لاغير رايي واجلسك هنا
نواره بعربجتها: اوكيه براحتك انت الخسران جد ماياخذ الواحد على سكاره
بو نواره: نووووووووووووووووووير سمعتك
نوار : امزح امزح .. اسمع لاتدق علي الا اذ عندك شي ضروري
بو نواره : ماعندي رقمك ارسليه رساله
نواره:ههههههههه الحمدلله والشكر ماعندي رقمك كيف برسلك رقمي رساله كمل مزاج ياشيخ الشباب
بو نواره: اهم شي في ثلج بالفريز
طنشته واخذت شنطتها وتلثمت وطلعت ..
نواره وهي تركب السياره : الحمدلله والشكر واحد سكير ووحده بايع نفسها هذولا اهل .. وينك ياصفواء انتي ومروي ...
***************
على طاولة الفطور
نوره : كم يوم وانا بلحقكم للبنان
الجوري بطفش : براحتك متى ماحبيتي تعالي ..
نوره: انا عندي حجز معكم وودي اروح بس عمك معي
نوره زوجت عمها صغيره مافي فرق بينهم الا 4 سنوات ... تزوجت عمهم وهي صغيره مره وعيالها ابرهم 1 متوسط ...علشان كذا تغار من الجوري وتحاول تقدها
الجوري : معه حق عيالك عندهم مدارس انتظري لبع بكره الاربعاء وتعالي
نوره: هاللحين تاكدت انك انتي اللي ضاحكه على عمك
الجوري: انتي كلامك كثير انا بروج امر على البندري احسن لي . .. من وجهك
نوره: انتي اخرتك بيصير لك شي على هذا الغرور
الجوري طلعت لسياره لان الشنط من نص ساعه حملوهم الخدم لبره...
********************
البندري تستشور شعرها ..دخلت نواره
نواره بابتسامه : صباح الخير
البندري:هلا والله ... هلا بالنور كله ... صباح النور
نواره :وش عندها الرايقه ..؟
البندري: في احد يصبح على هالوجه ومايروق
نواره: تسلمين ... وش عندك اخلصي اكيد تبغي شي
البندري:هههههه كل شي عندك مادي
نواره بفضول : وين امك ماشفتها
البندري: ها ماسمع لا
نواره: طفي هذا وتسمعين
بعد مااطفت الاستشوار: ها شتقولين
نواره بفضول : وين امك ماشفتها
عصبت : يالله صباح خير
نواره: اوكيه خلاص خلاص وين الجور اتوقعتها تجي لهنا قبلي
البندري: مادري تاخرت
نواره: خليني اكلمها
البندري: لا توني مسكره منها تقول بتفطر وبتجي ..
رفعت تلفون البيت : كنهم اذا جئت الجوري خليها تطلع على طول فوق
كنهم : اوكيه
******************
الجوري وهي بتركب السياره شافت سيارة بدر واقفه بنفس المكان .... وصلت معها مشت لعنده موصله معها ودق االنافذه بعصبيه ..
بدر استغرب وشفيها جايه يمكن طاح للي براسها او ببترجاه يتركها ..فتح النافذه مبتسم : هلا
الجوري عرفته نفس الشخص اللي تفلت بوجهه قبل اسبوعين ..
قالت وهي متلثمه : نعم خير صارلك اسبوعين مسنتر وراي وعند بيتنا نعم .. وشتبغى
بدر ابتسم بخبث: ممكن اتعرف
الجوري تقلد كلامه :هههه ممكن اتعرف .. اخلص وش تبغى ..؟
بدر فصخ نظارته وتكلم بجد: مو انا اللي وحده مثلك تتفل بوجهي
الجوري ابتسمت : اها وبعدين ..؟؟
ابتسم بدر : ولا ابلين
طلع صوره من درج اسياره .. رفعها بوجهها : تفضلي ياقلبي
مسكت الصوره تشوف اخرتها معاه يمكن تخلص الموضوع هاللحين لكن .. فجاءه اختفت ابتسامتها المستهزاءه وصارت ايدها ترتجف ..
كانت صوره لها بنفس الفستان اللي بحفلة مروه اخت نواره بس في واحد جالس جنبها بالكرسي وحط ايده على كتفها ..
الجوري خافت : ومن وين لك صورتي..؟؟ ومن هذا .؟
بدر: انا جبت رقمك واعرف مكان بيتك ... وعندي لك صور وعندي تسجيل فديو واقدر اسوي اكثر من كذا
الجوري ماستوعبت شي: كيف ..؟؟ وليه ..؟؟وش لك فيني ...؟؟
بدر : انا قتلك بدر واللي يتفلف بوجهي بدفعه الثمن ..اذا مادفعتك الثمن يالجوري ماكون ولد بو بدر
الجوري: بدر ..؟؟
الجوري كل حواس التفكير تعطلت ماهي قادره تفكر او تجمع
بدر : هذي الصوره ولاشي قدام الصور اللي معي
الجوري استوعبت وماقدرت تتكلم لسانها انشل
بدر:والله ارد لك تفلتك بكف ... اسمعي انا حطيتك ببالي ولد امه وابوه اللي يوقفني عن اللي افكر فيه
وحرك شفايفه بكلمات بطيئه : والله.... لاخليك ..... تبوسي ..... رجلي
الجوري استجمعت قوتها ..مع انها خايف موت بس بينت العكس وكلمته بنفس طريقته : اعلى ...مابخيلك ..... اركبه
بدر: اوكيه بس زوجة عمك من يفهمها انك بسه مغمضه
الجوري فتحت عينها لاخر حد مفجوعه
بدر بهدوء ورومنسيه: لا يابيبي لاتستغربين انا اعرف عنك كل شي.. ( بجديه وقسوه ) اسمعي اذا كلمتك باي وقت اكون طفشان فيه تردي واذ قتلك تعالي للمكان اللي ابغاه تجي
الجوري مصدومه ودموعها تنزل على خدها وبصوت مرتجف حولت تخليه قوي بس خانها صوتها : تحلم
بدر وانبسط انها تبكي وحس انه قرب يوصل لمراده : اسمعيني يابنت المرخ صورك وتصوير لك عندي ........... مكالمه وحد لعمامك يذببحونك داري ان امك بريطانيا بس انتي عايشه بالسعوديه مو ببريطانيا..
الجوري : السافل
بدر: لا وش قلنا احترمي نفسك واسمعي الكلام علشان مازعل عليك وانشر صورك
الجوري ركضت بسرعه لسياره تبكي
بدر:ههههههههههههههههه ... مابعد شفتي شي
الجوري: صندار على بيت البندري بسرعه ..
الجوري تدق جرس بيت البندري وتوقعت ان كنهم الخدامه بتفتح لها لان مافي حد احي بهذا الوقت الا هي
ام البندري وهي تنزل من الدرج : ارجعي كهنم انا بفتح
كهنم الخدامه : هذا اكيد جور
ام البندري : انتظري لاتنادي البندري
كهنم: اوكيه ماما
ام البندري افتحت الباب شافت بنت شكلها اجنبي وعيونها حمراء واضح انها تبكي
الجوري نست ان ام البندري رجعت : السلام عليكم
ام البندري حن قلبها على البنت شكلها يكسر الخاطر : وعليكم السلام ..
الجوري: سوري شكلي غلطانه .. مو هذا بيت البندري مشعل البرد
ام البندري بتسمت : ايوه يمه وصلتي خير .. شكلك ماعرفتيني انا ام البندري
الجوري عجبتها كلمة يمه اللي كلها حنان من ام البندري: هلا والله هلا خالتي ..انا الجوري صديقة البندري من الابتدائيه ...
ام البندري: تفضلي
بعد مادخلوا: هلا والله هلا ببنيتي
الجوري: هلا فيك وشخبارك ..؟
ام البندري: الحمدلله تمام وانتي وش اخبارك
الجوري:انا تمام
ام البندري: وش اخبار امك
الجوري بكذب : امي عطتك عمرها من زمان
كانت تحس انها يتيمه من غير ام لو عندها ام مثل البندري كان هاللحين الت لها مشلتها وهي تصرفت
ام البندري: الله يرحمها .. يمه البندري فوق تتجهز لسفر ومعها وحده من صديقتها
الجوري: صديقاتها... مين ..؟؟
ام البندري: والله مادري سمعت صوت بنت غريبه من عند غرفتها
الجوري انقهرت من البندري امها ماهي قادره تدخل غرفتها وامها عسل كذا : مشكوره خالتي
ام البندري بخوف ولهفه: ماأوصيك يالجوري على البندري حطيها بعيونك وانتبهي عليها تراها غاليه واذا شفتيها بتغلط او وسوس عليها الشيطان أمنعيها .. تكفين هذي مثل اختك ..ومريم حكت لي عن غلاتك عندها..
الجوري: امري ياخالتي ماطالبتي ..البندري بعيوني .. هي اكثر من اخت ومعله ياخاله استحمليها شوي ترى قلبها طيب بس هي زعلانه شوي ..
***************
-: ذوق .. ذوق ماما ذوق
ذوق فتحت عيونها بكسل .. تسمع صوت امها اكيد انها لحد هاللحين تحلم
ام ذوق: ذوذو حبيبتي ..حياتي
ذوق فتحت عيونها مستغربه : ماما ..
ام ذوق تبتسم : ايوه حبيبتي ماما ... حبيبتي ذوذو اغسلي وجهك وتعالي ابغاك ..
ذوق خافت : خير ماما في شي .. بابا فيها شي
ام ذوق:هههههههه لا مافي شي بس انا ابغاك تجلسي معي قبل لاسافر اسبانبا
ذوق: اوكيه ماما بتروش وبصلي وبلحقك
ام ذوق: لاتتاخري
ذوق: لا مراح اتاخر
طلعت ام ذوق وذوق مستغربه هذي اول مره تحصي ام ذوق ... ذوق في حياتها ... مستحيل تكون المساله سوالف اكيد في شي اكبر ...
*****************
الجوري: يالخاينات انتم هنا وانا جالسه تحت اهذر مع خالتي
البندري لفت باهتمام : هي تحت
الجوري تستهبل : مين..؟
البندري: مو توك تقولين خالتي يعني امي
الجوري: لا امك وانتي تعرفين امك ياقليلة الخاتمه امك ماهي قادره تدخل غرفتك ..
البندري وحست ان الجوري بتبداء محااضراتها :آف انا جاهزه يله نمشي
نواره كانت متمدده على السرير تقراء باندماج
الجوري تاشر للبندري قالت بهمس :وش تسوي
نواره: مادري ... ياهوه ياعرب
نواره مندمجه ماحست
الجوري: نويييييييييييييير
نواره مكمله ماترد
البندري: لا البنت فيها شي ..
قفزت لعند نواره وصرخت: نوييييييييييييييير
نواره: وجع ان شاء الله اسمعك مو انا بالمريخ
الجوري :ههههههههه وش خامره عليه
نواره : خامره ..خامره وش هالمصطلحات جلستك مع نوير زوجة عمك خربتك
الجوري:هههههههههه
البندري: لاتضيعين السالفه وش هالسكون اللي نازل عليك
نواره: آحم آحم انا من زمان ساكنه
البندري:ساكنه اي دور ههههههههه
الجوري:هههههههه
نواره: بايخه
الجوري تغير وجهها كانها تذكرت شي : فاتكم بنات ماشفتوا وش صار لي
نواره بحماس: وش صارلك
الجوري: بعدين اقولكم بالطياره
البندري:صحيح .... اكدتي على لوجين ان حنا ثلاث كراسي بجنب بعض
نواره : ايوه وقالت اذا تبغوا طيارتي الخاصه عادي ...بس انا قلت لا ماحبيت اثقل عليها ...
الجوري: ههههههههههه حركات تعرف الكرامه
نواره : ليه وش شايفتني ماحس
الجوري والبندري : هههههههههههه
نواره وحطت المجله بشنتطها : ايوه .. تتريقوا علي انتي معها ..
*****************
ذوق نزلت عند امها وجلست ساكتها ماتعرف وش تحكي معها ...ماتعودت عليها
ام ذوق: كيفك
ذوق: كويسه .. ماما بغيتي شي
ام ذوق : ههههههه معك حق انا ما ناديتك الا عندي شي .. والله ماني عارفه كيف اقولك بس انا حبيت اخذ رايك قبل لاقول لابوك
ذوق: وش تقولين لي
ام ذوق: ههههههههههه ماعندك صبر طالعه على ابوك
ذوق بنفاذ صبر: ماما ..
ام ذوق: صاحبتي ام عادل خاطبتك لولدها عادل وش رايك
ذوق : انا
ام ذوق: ايوه عادل بسم الله عليه دكتور ومثقف وماعليه كلام .. وامه تحبك من يوم انتي صغيره
ذوق: انا اتزوج......................... (غير فيصل)................ لا مستحيل
ام ذوق: ليه ياماما انتي كبيره .. وش المستحيل اللي بكبرك عندهم عيال بالمدارس
ذوق: ماما انا ( سكتت تفكر بغباءها كيف تنتظر فيصل او حتى تعطي نفسها امل ان هذا النذل اللي ملك قلبها ممكن يكون لها بيوم )
ام ذوق : اسمعي هذي صورته .. خذي وقتك وفكري انا بكلم ابوك يسال عليه
ذوق بتردد امسكت الصوره مقبول شكله لو بنت غيرها كان انبسطت فيه دكتور مزيون عايلته معروفه وش تبغى بعد ...
ذوق: بشوف رد بابا وبعدها ارد عليك
ام ذوق وقفت: انا طالعه للمطار فكري وردي لي خبر
طلعت
ذوق جلست تفر (معقوله اتزوج غير فيصل ... اسلم نفسي لواحد وانا قلبي مع واحد ثاني لا مستحيل حتى لو كان يضحك علي انا احبه ... مستحيل اوافق على هذا الدكتور ..)
نادبه مربية ذوق الحبشيه بعد ماسمعت كل اللي صار جلست عند ذوق: ايش فيكي حبيبتي ليه محتاره
ذوق : مادري مادري يا نادبه ( بكت) ..
بكت حبها لشخص مايستاهل لشخص منحط وسافل
***************************
لوجين
كانت جالسه بالنادي تسوي رياضتهاالصبحيه المعتاده .. دق جوالها (بشار يتصل بك)
لوجين خافت هذا شيبغى يكفي المصايب اللي سواها لها وهي بشهر لوحدها ببريطانيا ..
لوجين بقوه مصطنعه: خير
بشار: شخبارج ياعيوني
لوجين: انت ماتفهم شكلك ماتادبت ب الضرب اللي جاك
بشار: ضرب الحبيب مثل اكل الزبيب
لوجين: والله يابشار اذا مابعدت عن طريقي ماتلوم الا نفسك انا هذي المره قلت لبابا يضرب المره الجايه مايخلصني الا دمك
بشار: انا ماتهدد والا نسيتي انا ولد مين ..
لوجين: انت ماعندك كرامه ماتفهم قلتلك مابغاك
بشار: انتي اللي بتفهمين عدل .. على بالج طلعتي من المخدرات بسهوله لان سعيد الجلب قالج .. تفكرين ماقدر اسوي لج شي لا يابابا انا بشار
لوجين: مره ارعبتني اسمع روح العب على قدك .. مابقى الاانت
بشار سكت على لوجين فتره لانه كان بالمستشفى بعد ماضرب ناصر وربعه .. لان سعيد قال للوجين وابوها عن محاولات بشار ادمان لوجين المخدرات ..
سبحان الله الله يحب لوجين انقذها من كيده مرتين ..
بشار: اذا ماوريتج من بشار ماكون ولد السفر
لوجين تقلد لهجته الكويتيه : مش بوزك
سكرت السماعه وهي متضايقه وخايفه المره الاولى الله سلط لها سعيد هذي المره يمكن يقدر عليها ..
دقت على نواره مشغول وعلى ذوق مشغول وعلى الجوري والبندري مغلق :آف مع وجههم اربعه ولاوحده منهم فيها الخير
*********************************
ذوق رفعت جوالها ودقت عى نواره : الو
نواره: هلا بهالصوت وصاحبته
ذوق:ههههههه هلا فيك وش هالازعاج انتي وين ..؟؟
نواره: انا بالمطار مع الجوري والبندري ( وطت صوتها) ومعها المرافق محمد
ذوق: اوه نسيت رايحين اليوم للبنان صح
نواره: ايوه وتخيلي المطار كيف زحمه تقولي كل السعوديه مسافرين ...
ذوق: ههههههههه حتى رائد اخوي معكم
نواره:اف لاحقنا لاحقنا
ذوق/ههههههههههههه
{ في عيون من بعيد تراقب نواره ..... اللي واقفه بعيد عن الجوري البندري واخوهامحمد .. عيون طلال اللي تحاول تنروي بشوفة الغاليه نواره **
نواره:تصوري الاخت الجوري فشلتنا ماخذه معها كل العده ... كانها رايحه للحج مو للبنان
ذوق:ههههههههههه
نواره: المهم ليه داقه
ذوق: هههههه يلعن الاسلوب مافي علطول بالوجه ليه داقه
نواره بغرور : حبيبتي انا هاللحين بزي وراي مشغل مو فاضيه
ذوق:ههههههههه تكفين يالبزي عندي لك سالفه بمليون ريال بس اذا وصلتي للبنان قلتها لك
نواره: لا عادي سولفي وخذي راحتك .. الطياره الساعه 9 واذا على الخطوط السعووديه الاقلاع الساعه 4 العصر
ذوق:ههههههههه الله يقطع شيطانك .. والله بتوحشني سوالفك
نواره: لاحول بدت الدرامه وش سالفتك اخلصي علي
ذوق بحزن : انخطبت
نواره بانفعال : والله جد متى ..هههههههههه وناسه
ذوق: يالهبله انا اللي نخطبت مو انتي .ههههه
نواره: عادي كلنا واحد اصلا انتي بتجلسين عنده يوم وانا يوم
ذوق: لا انقلعي ههههههه
نواره بخبث: من هاللحين بدينا انقلعي مرضى عليه مادري وشو
ذوق تموت على نواره اذا كانت متضايقه تدق عليها لان اسلوبها ينسي الواحد همومه وشوفتها تسعد القلب :هههههههههههههههه
نواره: بسرعه انطقي تكلمي خلصينا وراي طياره من ولده.....؟ وش يشتغل...؟ وين شافك ...؟وكم راتبه...؟ وكم وزنه...؟ وكم طوله...؟ وكم مقاس جزمته...؟
ذوق تسدحت من الضحك :ههههههههههههههههههههههههههه
نواره: ايوه عرفت ..... من صوتك واضح ان شكله حلو وولد ناس ومقاس رجله 42 صح
ذوق:ههههههههههههههههههههههههه
نواره: اذا تسنعتي وخلصتي ضحك حاكيني كم مره قلتلك انا بزي
ذوق:ههههههههههه الله يرجك
نواره : ابعدي والله انتي ... خلصينا قري
ذوق:هههههههه ..اسمه عادل
نواره: وع عادل ليكون مدرس فيزياء
ذوق:هههههههه اي مدرس دكتور ويصير ولد صاحبت ماما
نواره شرقت بالكوفي : دكتور هههههههههههههههه عز الطلب ...طول الوقت بالمستشفى يعني بيمديني اجي بيتك
ذوق:هههههههه مالت عليك هذا للي هامك
نواره: ايوه يابنتي هذا بيت الزوجيه لاول عروس بشلة مانشستر
ذوق حست بمشاعر مختلفه عجبتها فكرت الزواج والبيت والاستقرار : حياك الله بس مو كل يوم تجي
نواره: انتي اعرسي بعطين اطردي من البيت .. لاتخافي دايم الدكاتره مقاس جزمتهم 52 وانا مايعجبني الرجالي اللي رجله طويله
ذوق:هههههههههه
****************************
طلال وعينه على نواره ( ياحلوها وياحلو ضحكتها كلها على بعضها حلوه ..وحشتيني ووحشتني ابتسامتك يانور حياتي ...احبك يابعدي هلي ..االله يحفظك ويدوم عليك الحصه والابتسامه يارب .. ويجمعنا ببيت واحد )
بدر وفيه النوم : من هذا اللي مع الجوري والبندري
طلال: مادري اكيد اخو البندري لانه جاء بحفل التخرج ببريطانيا
بدر يتثاوب: وهذا وقت يحطون فيه الرحلات جد ماعندهم سالفه
طلال ومارفع عينه عن نواره: من تكلم صار لها ساعه
بدر: مين ..؟؟
طلال: نواره صار لها ساعه تكلم بالجوال وميته ضحك
بدر: مادري وش عاجبك فيها..هذي البندري احلى
طلال عصب: مو لازم تعجبك اهم شي عاجبتني انا
نواره اقل البنات جمال لان جمالها متوسط بس روحها الحلوه تخلي اللكل يناظرها ملكة جمال ..
بدر: الزفته دانا تقولي نواره احلى من الجوري هذي من وين تشوف
طلال: وهذي دانا على اي اساس توفلك نوارتي
بدر: ماتعرفها حماره
*******************************
نواره بعد ماسكرت من ذوق ركضت بسرعه ل الجوري والبندري ومحمد : بنات فائتكم خبر بمليون ريال
محمد متعود عليهم : وش الخبر
نواره: هههههههه اترك اللقافه
البندري ماتكلم محمد من بعد ماضربها : قولي وش عندك
نواره والابتسامه ماليه الوجه : ذوق بتملك
البنات يصارخون: وااااااااااااااااو
محمد: وجع ان شاء الله انتي معها ..اخفضوا اصواتكم حنا بالمطار
الجوري بصوت واطي : والله متى ..؟ ولمين ..؟
البندري: لفيصل
نواره ارتبكت :لا ... لعادل ولد وحده من صديقات امها دكتور قد الدنيا ..
محمد حس بشي غامض : من فيصل ..؟
البندري بسرعه : ولد عمها كان يبغاها .. وتوقعنا هو
محمد انبسط ان اخته عطته وجه ابتسم : يمكن كان كلام بزارين
الجوري : اكيد .. ياحليلها ذوق بكلمها
نواره:لا قالت بتكلم لوجين هاللحين
***************
لوجين :هههههههههه وافقي على البركه
ذوق بضيقه: وفيصل
لوجين: فيصل ..وش فيه وش عليك منه
ذوق: لاتستهبلين انت عارفه وش يعنيلي فيصل
لوجين: يبغالك جلسه انتي وين هاللحين
ذوق: بالبيت ..ليه؟
لوجين : اجيلك والا تجيني ..
ذوق: انتي وين؟
لوجين: انابالنادي .. بعد ساعتين بروح للبنك
ذوق: اجل اسمعي .. اسبقيني لصحارى مول في كافي رايق وشرايك نروح له
لوجين: لا انتي مريني البيت
ذوق: لا مالي خلق تعالي انتي
لوجين: هاللحين بتروحين لصحارى ومانتي براضيه تجين لي البيت
ذوق: احس اني مخنوقه من جو البيوت .. ابغى.. ابغى اروح لملاهي
لوجين:هههههه الساعه 10 الصباح اي ملاهي هذا اللي فاتح
ذوق: وشرايك تبيعينها ونروح بطيارتك لجنقل لاند بجده ..
لوجين تحمست : اوكيه بس لازم حد منا يداوم بالبنك نواره بلبنان ومعها رائد اخوك وانا لازم
ذوق: اقول بيعيها
لوجين: اجل استعدي ...... بدق على ناصر ونطيرهههههه
ذوق: وانا بعطي بابا خبر عند نادبه
****************
اعزائي المسافرين على رحله رقم 609 الرجاء الاستعداد
نواره:لللللللوووووووووللللل واخيرا
الجوري: يله بسرعه ...مابغينا
البندري:آف شاب راسنا
وراحوا نواره والجوري .. بقيت البندري مع محمد بالعاده تسلم عليه وتضمه بس هذي المره غير القلوب شايله
محمد ابتسم : مالي ضمه
البندري بدلع لفت وجهها عنه : لا
محمد وهو اللي مربيها مثل بنته : شدعوه رايحه لبلد الذوق والبرستيج ولا تعرفين السلام العدل
البندري:هههه بسل..
قاطعها صوت رائد: لوسمحت اخوي
محمد لف مستغرب: نعم
البندري عرفت انه رائد اخو ذوق خافت انه عرفها انها بدران وجاي يحكي لمحمد
رائد كانت السماعات على كتفه : نادوا لرحله 609 للبنان
محمد: ايوه
رائد: مشكور يالاخو بس اناكنت اسمع بالهاتفون ومانتبهت
محمد: العفو
رائد ابتسم لهم وراح
البندري حست ان بعينه لمعه غريبه مقدرت تفسرها ...
**************
بالطياره
نواره:والله انا كلمتها وهي قالت انها اكدت عليهم
الجوري بعصبيه :لو انها ماكده عليهم.. كان ماصرت انا لوحدي مع هذا الرجال الغريب
البندري:روحي اجلسي وش نسويلك بعد
الجوري:لا استحي بوقف
نواره:هيه وين جالسين باص
البندري : ههههههه
الجوري : تكفين بنو لاتخليني اروح بادلي معي
وقفت البندري:اوكيه يالخوافه ماطلبتي
نواره وهي تغمز للبندري : لو انا منك مارضيت
الجوري بعد ماجلست : انتي انطمي يالحشاره
البندري وهي تناظر مقعد الجوري :ههههه معك حق ماترضي
نواره: حركات بنو روحي اجلسي بجنب هاشايب علشان يذكرك بحوادث وقوع الطيارات
البندري: وجع ان شاء اللله انطمي .. انتي قومي غيرت رايي
الجوري:ههههههه احلمي
المضيفه لبنانيه : ازاء بتريدي تفدلي لمعادك
البندري راحت مقهوره
نواره:ههههههه مسكينه بنو حتى الخدامه طردتها
الجوري:اي خدامه
نواره: المضيفه مو المضيفه خدامه على الهواء
الجوري:هههههههه الله يقطع بليسك
***********
البندري المسكينه اجلست بجنب الشايب ..بالعكس ماكان يهذر مثل ماتقول نواره كان هادي وحبوب ووجه سمح وطول الوقت عينه على الكراسي اللي وراء يناظر البنت المتنقبه
البندري(شكل عينه زايقه ههههه)
الشايب اول مره يحكي من اقلاع الطياره: يابنتي
البندري:هلا والله عمي سم (ماعندها وقت على طول سم ههههههه)
الشايب: بنتي وراء وجنبها رجال غريب وانا خايف عليها وش اسوي
البندري: لاتخاف اكيد ان هذا الرجال مراح ياكلها وبعدين مو هو لوحدهبالطياره لوغلط عليها اكيد بتناديك تتفاهم معه .زلان مشاء الله واضح على بنتك الاحترام
الشايب ارتاح شوي من كلامها :انا لازم اتاكد
قام لبنته .. ذكرها هذا الشايب باخوها محمد نفس خوفه عليها .. طلعت ورقه وجلست ترسماخوها محمد ... هي ذوق فنانات الشله
*******************
ذوق: ياي ياحلو جده
لوجين: مستانسه اللي يشوفك حنا بديزني لاند مو بجنقل لاند
ذوق: ياحبيبتي لعلمك بس هذا بنظري احلى من ديزني لاند
لوجين بحماس : تكفين هههههه
وهي تناظر الملاهي : يله ياحبيبتي الالعابب قدامك يله نلعب
ذوق: والله لاستهبل استهبال
دخلوا الالعاب يستهبلون ويصارخون وكان الجنقل فاضي مافيه ناس كثير يعني واضح انهم هم اللي يسوا قلقل من غير مبرر
*************
نواره جالسه تناظر المجله اللي اخذتها معها وحاطه السماعات على اذنها تسمع لشعبان عبدالرحيم مطربها المفضل (حبطل السجاير وحبدى من جديد ..)
تناظر الموضوع اللي شدها قبل دقايق ..صورة طلال على جنب بزاوية المجله ومقاله بعنوان ( ابن السياسي اصبح تاجر)
نواره(اول مره ادري ان طلال ولد سياسي ..انا غبيه كيف ماركزت انه ولد " حمدان الرمح "والله اني مفهيه )
كان من بين الاسئله
س:لماذا لم تتبع والدك بالسلك السياسي .؟
ج:لاني لااكترث بالامور السياسيه لمما فيها من دبلوماسيه وانا بطبيعتي احب الحسابات والامور التجاريه
نواره( يالكذاب انت ماتحب الدبلوماسيه انت ضحكت علي وخليتني اصدق انك حبيب وخفيف دم .. وانت من هناك متفق علينا مع خويك فيصل ..)
س:هل تفكر بالزواج والاستقرار.؟
ج: في الحقيقه انا قادر على تحمل المسوليه ولكني انتظر الاستقرار بوظيفتي والجلوس مع عائلتي قبل الخوض بعائله جديده ... والعروس لحمد لله موجوده
س: هذا يعني بانك خاطب
ج:هههههههه لا ولكن توجد فتاه معينه ببالي ..
نواره(حركات طلول يحب ويقولها صريحه بالمجله هههههههههه)
س: هل يعني حديثك هذا اننا سنسمع خبر خطبتك غريبا
ج: انا اخر تواصل كان بيننا ببريطانيا فلا اعلم ربما تكون قد تزوجت ..وانا مهما كان سعودي لاومن بالحب بل الزواج ..(ثم ضحك طلال ) يبدو اننا خرجنا عن اطار حديثنا
نواره( ببريطانيا من يقصد يارا ..لا مستحيل هو مايطيقها مين اجل وحده ماشفتها اكيد)
قطع عليها تفكيرها حركة الجوري لها بيدها
نواره تصارخ: خير وش تبين
الجوري تحط ايدها على فمها: اسكتي الله يفضح ليه الصراخ
نواره انتبهت انها صارخت كالعاده تنفعل ..والناس يناظرونها
**********
طلال:هههههه لحد هاللحين هبله
بدر: هههههههههه صوتها واصل للكابتن
طلال: خساره يليتني جنبها
بدر: روح وجيب الجوري عندي
طلال:لا ياشيخ احلف ..
بدر: وشرايك نسويها بالرجعه
طلال: والله فكره بس انت اللي تتصرف انا ماعرف احد بالخطوط السعوديه
بدر: بس ماطلبت
طلال: موقعنا حلو نقدر نشوفهم ..
بدر: قصدك اقدر اشوفها انا ماني قادر اشوف الا راسها من وراء
طلال: ليه الحسد انا ماشوف الا نصها.. بعدين ياشاطر هذي حبيبتي انا الاولى بشوفتها اما انت يادوب تحطيم
بدر: اصبر بعد خمس دقايق شوف وش بسوي
******************
ذوق وهي مندمجه بالرسم باقي لها اشياء بسيطه وتخلص من رسم ملامح محمد شمت ريحة عطر قويه من اللي جلس جنبها (معقوله الشايب راح تطرمن بنته وجاء) رفعت راسها شافت رائد اخ ذوق جالس جنبها طاحت الكراسه من ايدها
رائد رفعها من الارض وقال وهو يبتسم: مسكين الشايب رحمته خايف على بنته ..
البندري مرتبكه وهي تاخذ الكراسه (شكله عرفني الله يستر ):شكرا
رائد: العفو
رائد يناظرها( وجهها مو غريب علي وين شفتها ايوه كانت واقفه مع هذاك الرجال اللي خبرني عن بدايت الرحله ..لا عيونها شفتها من قبل بس وين وين مادري )
البندري خافت من نظراته ولهت نفسها بتكملت الرسمه
رائد: شكلك فنانه
البندري: احلف اذا كنت ناوي تهذر وعلى بالك بعطيك وجه ..فارجع مكانك احسن لك
رائد : بهذر وبسولف ورجعه ماني براجعه
البندري تاكدت انه عرفها : شف من يعطيك وجه
رائد: مره ميت عليك .. انا ماسولف مع متزوجات
البندري:متزوجات.؟؟؟؟؟؟؟؟؟؟؟؟
رائد: ايوه مو هذا زوجك اللي ترسمينه
ناظرت البندري الرسمه (ايوه عرفت هاللحين على باله اني كنت اودع زوجي وهاللحين ارسمه ايوه خل اللعب فيه ههههههه)
البندري: تقصد محمد .. انا اكره الشرطه زوجي شرطي وانت عارفه الشرطه مايقدرون يسافرون وانا رايحه لهلي
رائد المسكين صدقها: انت امك لبنانيه
البندري ملامحها سعوديه مملوحه واضح ان مافيها عرق لبناني
- بلهجه لبنانيه : اي الماما لبنانيه
رائد: مو واضح شكلك بدوي
البندري عصبت : شقصدك يعني بكذب بامي
رائد: اسمحيلي وجهك بدوي مره
البندري عصبت اكثر : انتم يالسعودين ماتعرفون شي
رائد:ههههههههه ليه انتي من وين بعد ابوك من بلجيكا
البندري تفشلت لانه قدر يعرف انها كذابه :تتريق حظرتك قلتلك لاتحكي معي انت اللي رزية الفيس
رائد تخصص مغازل طلع كرت من جيبه:اختي معك رائد اذا حتجتي اي شي هناك انا بالخدمه
البندري وهي تقطع الكرت: حركاتكم مكشوفه ياخ رائد ..انا متزوجه يعني بذمة واحد فاحترم نفسك احسن لك
رائد وماكان متوقع ردت فعلها : اوكيه براحتك عرضت عليك خدماتي
البندري: مشكور ..ماصار لك نص ساعه من جلست ترقم
رائد:هههههههههههه
*******************
الجوري كانت مندمجه مع اللي تتابعه بالتلفزين مسلسل اجنبي "فرندز"..مر من جنبها بدر ودز ايدها بقوه
الجوري وهي تمسك ايدها : اي
رفعت راسها بتكلم اللي دزها ووقف ..انصدمت لما شافته دقات قلبها زادت حست بخوف مو طبيعي
ابتسم لها بدر بخبث: سفره سعيده
وراح ... نواره كانت مشغوله مع المجله
الجوري :نواره نونو
نواره: ها
حكت الجوري لنواره كل شي من اول يوم لاخر شي صار بالطياره الا سالفة الصور ماحبت تقولها لان الصوره كانت من زواج اختها مروه
نواره: وانتي ساكته من هذاك اليوم ليه ماحكيتي
الجوري: فكرته خرابيط لكن الحين تاكدت انه ملعون
نواره: غطي وجهك قبل لايجي ويشوف دموعك ويصدق نفسه
طلع بدر من الحمام ومر عندهم وهو يبتسم للجوري ونواره تناظره مفهيه مادرت انه هو لانه ماتعرف شكله
الجوري: شفتيه مره مع وجهه
نواره: مين
الجوري: يالغبيه انتي كيف تفكرين اللي مره هاللحين وابتسم
نواره: ليكون قصد المزيون اللي لابس برتغالي
الجوري: ايوه ... وبعدين اي مزيون انتي وجهك
نواره: وانا اقول شفيه هالمزيون يتبسم اثاريه نفسه بدر ..
الجوري: بدر الزفت
نواره:والله انه اسم على مسمه بسم الله عليه وشحلاته
الجوري: انا وين وانتي وين ..؟
نواره حطت ايدها على فمها :ها سكت
المضيفه اللبنانيه :لوسمحتي حطرتك نواره مشعل
نواره: ايوه
المضيفه عطتها بوكيه ورد جوري احمر ..وعلبة شوكلاته سويسريه انيقه : تفزلي
الجوري ونواره:؟؟؟؟؟؟؟؟
المضيفه: وهيدي الكرت معن
نواره: من مين
المضيفه : مابعرف
تركتهم مصدومين ومشت
الجوري:من مين هذا
نواره وهي مبسوطه :هههه من الذوق اللي عطاني هذا ههههههه انا خبري ماعرف احد مذوق كلهم همج
الجوري:حركات شكل احد معجب فيك بالطياره
نواره:ههههههههه انا كنت عارفه اني قمر
الجوري بفضول: افتحي البطاقه
نواره: البطاقه والا الشوكلاته قبل ..
الجوري: ياربيي هذي كيف تفكر ..هاللحين همك بطنك وناسيه الكرت
نواره وهي تفتح الشكولاته : طيب بس اذوقها
الجوري بتقطع شعرها من القهر: جيبي انا افتحه
*************