السلام عليكم
الحقني يادكتور بيغما علي .. ْ يمكن جلطه ؟ ويمكن ذبحه صدريه ؟ ويمكن مرض نفسي ؟ ويمكن فقدان العقل ؟ ويمكن .. ويمكن .. المهم الحقني لاني حاس اني بموت
<< حالته صعبه ومستدعيه دخول المستشفى << كلام الدكتور
حبايبي حبيت اعرض عليكم هالموضوع اللي هو عن ..
اثنين حبو بعض وصارلهم فتره من الزمن مع بعض
يقعدون مع بعض لفتره طويله طول اليوم
بس في حدود ..
اول شي يجتمعون بمكان الدراسه او العمل
ومايجتمعون كل يوم لا بل مرات يجتمعون مره بالشهر او مرتين
ويقعدون من بعد الدوام لمده قليله من الساعات يتغزلون ببعض
واستمرو على هالحال لمده طويله
بس اكثر كلامهم بالرسايل والمسن وهم زملاء دوام يعني يعرفون بعض حيل صارلهم اكثر من 5 سنين زملاء فقط اما الحب تقريبا اقل من سنه
وفي شرط مهم طبعا
محد فيهم يبي يحب من غير زواج
يعني متفقين على الزواج اول مايخلصون الشغل اللي بايدهم
وكل الطرفين رافضين المواعد قدام الناس وحتى بالخفا بحسب العادات والتقاليد ونظره المجتمع
واكتفو فقط بالجوال والمسجات والمسن والنظرات من بعيد
ومتفقين مايجتمعون مع بعض كثير الى ان يتزوجون
وفجاه الصدمه !!!!!!
..
...
...
...
..
اهل البنت طبعا مايدرون عن علاقتهم مع بعض
بس فجاه طلعو ناس يبون يتقدمون للزواج من البنت
وكانت الشاب في حاله صدمه شديده
ما العمل؟؟
شنو يسوي؟؟
فقد القدره على التفكير!!
والبنت ايضا دخلت في حاله من التعقيد والحيره !!
محتاره تقول حق امها وابوها عن حبها او لا؟؟؟
لان اذا ماقالت ماراح يكون عندها عذر ترفض اللي متقدم لها
الا اذا قالت لاهل الرجال المتقدم انا احب فلان وبالتالي تطلع بصوره دنيئه وسيئه السمعه !!
وتخسر شرفها ممكن !!
او انها تقبل وخلاص اذا ماكان عندها عذر وسبب مقنع للرفض
ومازال الشاب اللي يحبها في حاله صدمه وقهر لان مايقدر يسوي اي شي
فقط يترقب بشده وحاله من الرهبه والخوف عشان ماتضيع من ايده حبيبته وهو يطالع بعينه
لان لو ماقدر يسوي شي وراحت حبيبته ممكن يحصل له مكروه تدرون ليش؟؟
لانه حبها بشده لدرجه الجنون
احبتي الاعضاء اترك لكم النقاش في هذا الموضوع
ماالحل برايكم؟؟؟
ولو بتوقفون بصف الشخصين اللي يحبون بعض .. شنو ممكن العذر اللي تقدمه لاهلها عشان ترفض الرجل؟؟
وماهو عذركم لو كنتو بهالموقف الله يحفظكم؟؟
ولو قلنا غصب عنها ترضى بالرجال اللي متقدم لها .. شنو الحل لحاله الشاب؟؟
على فكره هذا الكلام مستنبط من قصه واحد صديق بس من زمان هالموقف حصل له تقريبا من 4 سنين بس حبيت اعرف رايكم فيه لو حصل لاي شخص منكم
مشكورين وسوري على الاطاله
:)