منتديات بنوته - عرض مشاركة واحدة - **! والله لجيبـ راسك!**للكاتبه الجوري. قصه بقمه الروعه والجرئه

11-25-2010, 10:05 AM

دانه :حمد

حمد :نعم

دانه :متى بتروح لعبود

حمد :يمكن اليوم ليه

دانه :ودي اروح اشوفه

حمد :ان شاءالله العصر اوديك خليك جاهزة

دانه :اوكي

على العصر رحنا للمستشفى وكنت اول مرة اروح اشوفه قلبي انقبض من شكل الالات والاجهزة وهي مثبته

عليه رحت جنبه ومسكت ايده الصغيره :عبود حبيبي يلا قوم ماصارت نومه يلا

حمد جلس بالكرسي المقابل للسرير :ايه كلميه يقول الدكتور انه يسمعنا

دانه شفت بحمد نظرة اول مرة اشوفها نظرة ماتوقعت اشوفها كان الحزن باين عليه :حمد

حمد:..............

دانه رحت لعنده وحطيت ايدي على كتفه :حمد لا تخاف ان شاءالله بيصحى وبيكبر وبتزوجه وتشوف عياله

ان شاءالله

حمد مسك ايدي وشد عليها :تظنين انه بيصحى

دانه :ان شاءالله

حمد جرني وصرت واقفه قدامه وهو جالس وحضني وحط راسه على صدري :ااااااااه يادانه

ماتتصورين قد ايش احس بالذنب

دانه كسر خاطري منظره صرت امسح على راسه :هذا شئ مقدر ومكتوب ولاتحمل نفسك فوق

طاقتك وانت اتكل على الله وادع ان ربي يقومه بالسلامه

حمد شدني من خصري :تعبان يادانه تعبان

دانه "ياقلبي انت ":.................

حمد :دانه انا ....

قطع علينا دخول الممرضه عشان تشيك على عبود وبعدت عنه بعدها انتهت الزيارة وطلعنا للبيت

حمد :مبروك

احمد :الله يبارك فيك وعقبالك ان شاءالله

حمد بتنهيده :وين وهي تقرف من قربي لها

احمد :تبي الصدق ماالومها بعد العمايل السوده الي سويتها

حمد :طيب انا ندمت وابي اصلح غلطي بس هي مو معطتني فرصه

احمد بعد تفكير :عندي لك فكرة شرايك تاخذها وتسافرون لكم كم يوم منها تغيير جو ومنها تحاول

تستميلها مرة ثانيه ويكون شهر عسل لاني الي سمعته انك طينت عيشتها بشهر عسلكم الاولي

حمد :تتوقع بترضى

احمد :خلها مفاجاة جهز لها ملابسها وكل حاجه وحطها بالامر والواقع

حمد عجبته الفكره :صار

احمد:وبتقدر تغير طبعك ياحمد

حمد :ان شاءالله بقدر

احمد :ابيك تعرف يمكن تكون فرصتك الاخيره معها

حمد :لا ان شاءالله بقدر اكسبها مرة ثانيه

احمد:يعني افهم من كلامك انك حبيتها

حمد :لا تقدر تقول تعلقت فيها ومااتخيلها برا حياتي

احمد"عنيد وعمرك ماراح تعترف واخاف انك تضيعها من ايدك بغبائك" :طيب ماقلت وين بتروحون

حمد :مفاجاءة

اسماء :وين ريهام

احمد :ببيت اهلها

اسماء بنظرات تعالي :زين انك رجعتها اخيرا عرفت انها ماتنفع لك زين عرفها قدرها

احمد متعجب منها :ايش تقولين

اسماء :ايه مو طلقتها اكيد حسيت على غلطتك

احمد عصب :انا ماطلقتها ولا راح اطلقها

اسماء بقهر :ليه موديها بيت اهلها اجل

احمد :لانها حامل وابيها ترتاح عرفتي ليه

اسماء "ان شاءالله تموت هي والي ببطنها ":.................

احمد راح ينام وتركها

اسماء بحقد :ان ماحرقت قلبك ياريهمو مااكون اسماء

دانه :حمد وين رايحين هذا مو طريق بيت هلي

حمد :عارف

دانه :مادامك عارف ليه ماتروح للطريق الصح

حمد :هذا الطريق الصح

دانه بقلق :حمد وين بتوديني

حمد حس من نبرة صوتي بالخوف مسك ايدي :لاتخافين ياقلبي

دانه :طيب وين بنروح

حمد:بنروح مكان حلو نغير فيه جو

دانه "الله يستر منك بس ":بس انا ماابي

حمد :بس انا ابي

دانه بلعت ريقي :..........

وقفنا عند سوبر ماركت ونزل وبعدها رجع ومعه كيس كبير مليان شيبسات وكاكاوات وعصيرات

وبيرة

حمد :امسكي وافتحي لي بيرة

دانه :طيب حنا بنطول

حمد :ايه بنجلس اسبوع

دانه "ياويلي بيتوحد فيني اكيد ناوي علي ":بس ماجهزت نفسي ولاجبت لي غيرات

حمد ببتسامه :انا جبت

دانه "لا الاخ مخطط لكل شئ بعد ":.............

حمد :عطيني البيرة وانتي خذي الي تبين

دانه بلعانه :بس انا ابيها

حمد رفع حاجبه :وانتي تشربين بيرة

دانه :ايه وخاصة اذا كانت بالفرواله او التفاح

حمد :ولا يهمك البيرة وراعي البيرة تحت امرك

دانه "لا اكيد هذا مو حمد ":متاكد

حمد :متاكد طيب قلبي قولي لي ايش تحبين تشربين وايش الي ماتحبين

دانه استغربت كثير معقوله حمد يهتم بي :غريبه

حمد :ايش الي غريب

دانه :انك تهتم

حمد :لا غريبه ولاشئ زوج وحاب يعرف زوجته ايش تحب وايش ماتحب

دانه بستهزاء :مر على زوجنا خمس شهور وماعرفت ايش احب

حمد بنبرة ندم :معليش ماكنت انتبه

دانه :والحين

حمد مسك ايدي وباسها :الحين ابي اعرف كل صغيرة وكبيره بحياتك

دانه :اها كشف عن حياتي يعني مراقبة اتصالاتي وحركاتي مو كافيه

حمد "لهدرجه عقدتك يادانه ":لا مااقصد كذا اقصد حاب نبدء صفحه جديده كل واحد يتعرف على الثاني

ويتقبله مهما كانت طبايعه

دانه "ماني مصدقه هذا حمد نفسه اخاف انك تلعب علي ":..............

حمد :مم قولي لي ايش المشروبات الي تحبينهم

دانه :مم احب البيبسي كثير اما الباقي من المشروبات الغازيه مو كثير اشربهم والعصيرات مااحب اشربها

كثير ولو شربت مااشرب الا برتقال وليمون

حمد ببتسامه :هذي المشروبات البارده والحاره

دانه :احب النسكافيه والكابتشينو والموكا اما القهوة والشاي اشربهم بس مو لذيك الدرجه

حمد :وانا المشروبات الي احبهم

دانه قاطعته :الحارة تحب القهوة التركيه السادة والشاي بعد الغدا اما الباردة تحب عصير الكوكتيل

والبيرة

حمد باستغراب :كيف عرفتي

دانه :هذا شئ طبيعي ان المرة لما تكون تحب زوجها تعرف ايش يحب

حمد :يعني تحبيني

دانه ببرود :كنت ياحمد كنت

حمد :افا يعني الحين تكرهيني

دانه :...................

حمد :جاوبيني

دانه "شئ غريب انك تكون هادي لهدرجه ايش صاير لك ":لا مااكرهك ولا احبك

حمد :طيب في مجال انك تحبيني مرة ثانيه

دانه :هذا شئ متوقف عليك لما تعرف كيف تعاملني وتحترمني ممكن ارجع احبك

حمد ببتسامة رضا طالع الطريق وسكت بعد فترة وصلنا للشاليهات ووقف عند شاليه مستاجره

ونزلنا من غير مانتكلم دخل حمد الشنط وتوني بفصخ العبايه قال لي لا لان بنروح نشتري اغراض

من السوبر ماركت طلعنا ورحنا

حمد يمشي بالعربيه :خذي الي تبين

دانه :طيب ايش نوع الاغراض الي بناخذها

حمد :مقاضي تكفينا اسبوع اكل وشرب

دانه :يعني تبيني اطبخ

حمد يلعب بحواجبه :ليه لا

دانه :ياسلام جيبني هنا عشان اطبخ

حمد :هههههههههه امزح معك انتي اعتبري نفسك اميرة هالاسبوع وكل طلباتك مجابه

دانه :بس الاسبوع هذا

حمد :لا تصيرين طماعه

دانه "ايش وراك ":اصلا انا عارفه انه مجرد كلام اصبر ربع ساعه والا انت مطين عيشتي

حمد "يعني كنت مطين عيشتك ":صدقيني بخلي هالاسبوع احلى حلم تعيشينه

دانه :نشوف

اخذنا عدة للشوي واخذنا الدجاج واللحم واخذنا ايس كريمات منوعه ومشروبات

وصلنا الشاليه الساعه سبع بالليل

حمد :يلا قلبي غيري ملابسك عشان نبدء نشوي

دانه :طيب وين شنطتي

اشر لي عليها وقال انها بالغرفه دخلت وفتحتها شفته جايب اشياء جديد ماكانت عندي اخذت لي بنطلون

جينز اسود مع تيشرت سماوي وعليه كتابات باللون الابيض رفعت شعري وطلعت له شفته لابس شورت

اسود مع تيشرت احمر طالع شكله يخقق الصراحه بس مابينت له

دانه :انا جاهزة

حمد تفحصني بنظراته :يلا

مر اليوم بسلام واكتشفت ان لحمد صوت يجنن وهو يغني وطلعت له مهاراتي بالشوي وهو مستغرب

دانه :حنا دايما نطلع البر مع اهل امي او المزرعه ونتفق مع البنات نشوي

حمد :والله ومرتي خطيرة

دانه "خقيت من كلمة مرتي طالعه جنان وخاصة وهو يمدح فيني " وبغرور جاوبت :عشان تعرف دانه مهي

سهله

حمد :ههههههههههههههههههههههه

دانه بدلع عفوي :حمد ماخلصت جعت

حمد"ياقلبي عليك بتذبحني " :يخسى الجوع ثواني واخلص

دانه وانا اشم الريحه وافرك على بطني :الريحه تذبح

حمد "والله بزر هالبنت ":ههههههههههههه

دانه ببراءة :ليه تضحك

حمد :عليك شكل مع هالحركه كانك بزر

دانه رفعت حاجبي :انا بزر يالشايب

حمد ترك الي بيده خفت انه يضربني وبعدت عنه :انا شايب ها

وصار يركض ويدغدغ فيني :مين الشايب الحين يالعجوزها

دانه واحاول ابعد عنه :ههههههههههههههه انا ههههههه عجوز

حمد ومكمل :اي عجوز مو عارفه تركضين

دانه :هههههههه والله اسبقك بس تدري مافي طاقه لاني مااكلت

حمد :ههههههههه مافي طاقه اوكي بعد العشاء نسوي سباق ونشوف مين الشايب

دانه :وانا موافقه

بعد العشاء شلنا الاغراض

حمد :بس شوفي الي يفوز له جائزة

دانه :موافقه

حمد :انا اذا فزت ابي "وحط ايده على ذقنه وكانه يفكر "ممممم تحبيني

دانه بمكر :يؤسفني اقولك هذا شئ صعب بس احاول

حمد :وانا قابل

دانه :وانا جائزتي ممم تطبخ لي عشاء معتبر

حمد :انا اطبخ

دانه :لا انا ولا على راسك ريشه

حمد :بس انا رجال وشغل المطبخ مولي

دانه :لا تقول كذا مافيها شئ اذا الرجال طبخ وخصوصا لمرته بالعكس يكبر بعين مرته من اهتمامه فيها

حمد بتفكير :وانتي مو هامك الا بطنك طلبي شئ ثاني

دانه بعناد :ماابي الا هذا

حمد :اوكي بقبل لاني عارف اني انا الي بفوز

دانه :ياواثق

بدا السباق وحمد صار يركض بسرعه وماقدرت الحقه "شلون اسبقه شلون اي ":ايييييييييييي

حمد بخوف لف علي :دانه شفيك
دانه مسكت نفسي لااضحك وهو جاي لي :اييييييييي رجلي اي

حمد جاني ومسك رجلي :وش فيها

دانه :ايييي لاتمسكها

حمد بخوف :خليني اشوف يمكن مكسورة ولا حاجه

دانه وانا امثل الالم :لا اذا مكسورة وحركتها بتزيد ها

حمد :طيب والعمل

دانه :شوف دور حاجه خشب ولا شئ مع ربطه عشان تربطها

حمد : من وين اجيب لك

دانه :فيه عند الشاليه

حمد راح يركض لما شفته وصل لنص الطريق قمت وبسرعه ركضت وبعدها صرخت :فززززت

فززززززززززت

حمد لف على وفاتح فمه ومستغرب :.............

دانه شفت معالم وجهه تغيرت "يي لايكون عصب "بس تفجاءت

حمد:هههههههههههههههههههههههههه ياغشاشه

دانه "يي الحمدالله ":اجل كيف اللعب شطارة وبالعقل طبيعي بتسبقني عشان كذا جيتك بالحيله

حمد :هههههههههههههههههه

دانه صرت اضحك معه نسيت نفسي ونسيت المشاكل الي مرينا فيها :ههههههههههههههههههههههههه

ولما جا وقت النوم شفته اخذ له بطانيه ومخده وطلع للصاله وزاد استغرابي منه ومن تصرفاته

دانه :شكرا

حمد :على ايش

دانه ببتسامه :على اليوم الحلو

حمد بادلني الابتسامه :العفو وان شاءالله راح اخلي كل ايامك حلوة

دانه اختفت ابتسامتي :تصبح على خير

حمد انتبه لي :وانتي من اهله

دخلت وقفلت الباب وتروشت ولبست لي بيجامه وانسدحت بس النوم جافاني صرت افكر بتصرفات حمد

معي معقول تغير تنهدت الايام بتبين ونمت

صحيت من النوم الساعه عشر الصباح دخلت الحمام وبعدها غيرت لبسي ولبست برمودا بيج مع بلوزة

برتقاليه سبورت رفعت جزء من شعري وماحطيت اي ميك اب لان بيضاي يبان منه خدودي الحمرا

وشفيايفي الورديه طلعت من الغرفه واندهشت من حمد مجهز طاوله الطعام بفطور خيال

وحاط بوسط الطاوله وردود "معقوله حمد رومانسي "

حمد :صباح الخير

دانه :صباح النور

حمد :توني جاي اصحيك

دانه ابتسمت له :ياسلام ايش هالحركات

حمد :تعالي تراني ميت جوع

جلسنا نفطر ومافي حد فينا تكلم اكتفينا نناظر لبعض ونبتسم بعدها قمت الم الصحون وغسلتهم

بس حمد يزيد استغرابي يوم قام وساعدني بلم الصحون وهو مبتسم

خلصت ورحت جلست بالصاله

حمد :ايش مخططاتك اليوم

دانه :مدري

حمد :قولي الي تبينه وانا اسويه

دانه :مم ابي اركب قارب

حمد :بس ولا يهمك العصر ااجر ونركب

دانه فرحت انه مارفض :والله

حمد ببتسامه :والله

دانه :ياي وناسه تعرف من زمان خاطري اركب بقارب

حمد يقوم ويجلس جنبي :من اليوم ورايح ماراح اخلي حاجه بخاطرك

دانه ارتبكت من قربه وقمت بسرعه :اوكي انا بروح اشوف ايش راح البس

حمد عرف اني اصرفه وابتسم :اوكي

نايف مع هنادي :السلام

سهام وام عبدالرحمن :وعليكم السلام

نايف :احم احم

سهام :ايش عندك الاستاذ نايف

نايف والابتسامه شاقه الحلق :لو سمحتي اسمي بو ريان

ام عبدالرحمن بفرح :يعني هنادي بتجيب ولد

هنادي توها بتتكلم الا تكلم نايف :اي يمه بيجيني ولد ريان

سهام بفرح :مبروك وربي يتمم لكم على خير

هنادي :والله فشلني فضحنا بالمستشفى كانه محد غيره بيجيه ولد

نايف :كيفي انا فرحان مو كفايه انه بيكون جزء منك هذا بحد ذاته يخليني اطير من الفرح

سهام :اوف اوف من قدك ياهنود

هنادي ببتسامه ذوبت نايف :الله لايحرمني منك

نايف يبادلها الابتسامه :ولا منك