أنا كيفي ؟
سوادٍ ساكن بعيني
عقب فرقاه


ألاقي بكل بزوايا البيت
صور
و
اشيا تذكرني

ثيابه
عطره
ضحكاته


دموعه
صدقه
عتابه


كلامه
حبه
أشعاره

وفاه
وْ قلبه
وازهاره !





وأكتب جملة وأذكر كتبناها سوى مرّه
واكسّر هالقلم واصرخ لا عاد تعيد هالكرّه !!
قلم مسكين وش ذنبه ؟؟ جزاته خفف همومي !!



يعيّشني معه والقاه
يسولف
وابتسم ويّاه



بكيته بس عرفت اني
ولا اسوى شي من دونه
تهون الدمعة في عيني
وابيع الفرحه بسنيني



لو افقد فرحتي
[ عادي ]


لو افقد بسمتي
[ عادي ]

لو افقد أيْ شي
[ عااااااااااااااااادي ]
ولكن ما افقد عيونه !!








وش اللي صار بسنيني ؟؟
أبد بس حالي متألم !!

تفضّل


تفضّل واقرى في عيني
ملامح [ حلم ] متحطم !!





تشوف الكون كيف اسود ؟
تحس فْـ حالتي بالضعف؟؟





أنا ويّاه قويّة حيل
أبيّه صامدة ما اميل
ومن بعده غدينا اصحاب
أنا واحزاني والمنديل !!




تعال :

بس افتحه صدري
وش اللي لقيته في عمري ؟!




حلم مذبوح ؟؟



أمل موجوع ؟؟


ضياع ودموع؟؟



قلب مكسور؟؟



صدر مخنوق


ثمار [ فراقه ] لهالـروح !!




غيابه زوّد آلامي
خناجر مع وجع وآلام

غيابه حطّم احلامي
وصرت آعيشه بأوهام


شكى قلبي من احزانه ؟؟
أبد والله عزيز القلب !!
أقول بضحك على شانه
ودمعي يسيل مني غصب !!



صحيح هذا الزمن قاسي
زمن سارق أعز ناسي


بحاول أحيا
و أفرح !

بعاند يازمن واجرح
بطيح
لكن عشان اذبحك


أبوقف يازمن واضحك !





وش بقى لي غير دمعٍ بعد ماهم .......... غسلوك؟!
وش بقى لي من فقدتك [ غيـر ] صـورة لـك فبالـي


آه لوّ تحس فيني بعد ماهـم .......... كفنـوك !!؟
كنـت [ اهـزّك ] قـوم يالله إمسـح دموعـي ياغالـي


قوم مزحك ماهو وقته بسّك انته .......... واحملوك !!
وصرت اتمتم [ ويـن رايـح ] ليـه تتركنـي لحالـي ؟


هذا يضحك لسّـه عايـش وفجـأه عنـي [أبعـدوك] !!
ليه عني تبعـدووووه واهـوا مستانـس قبالـي !!!؟؟؟


رد ياثوبـه [ علامـك ] ليـه تـرضـى يشلـحـوك ؟
أحتضـن ميـن فغيابـه ثـوب [ مرمـي ٍوخـالـي ]؟


ربــي إرحمـهـم عـبـادٍ كـبـروك وعـظـمـوك
ربـي ماهـو كفـر منـي ربـي إغفـر لـي هبالـي .

. . | الهنوف بنت خالد .........


**