هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
| ڪآن يآمآ ڪآن حكَايَا أزمَانْ .. وقِصّة حدَث .. من الواقِع ، أو مِن تأليفـكْ ؛ / أعِد صيَاغةُ النّص وأقِصص عليّنا .. |
 |
| | LinkBack | أدوات الموضوع | انواع عرض الموضوع |
07-20-2010, 05:21 PM
| #1 (permalink) |
|
شخصيه هامہ ~  |
قصه خطيررره وحلووه مره ادخلوا انا :
3ţããβ سعد:يله منيره خلصي شوق: بسم الله عليك وينها منيره سعد: لابس ابي اتعود على اسمها شوق :الحمد لله والشكر امش بس لا نتأخر عندها اختبار اليوم سعد: الله يوفقها طلعو لما وصلو بيت ابو سلطان كان سلطان واقف على الباب تو طيارته واصله وجابه سلمان سعد:هاه هذا سلطان خل انزل اسلم عليه بتنزلين شوق:فشله سعد: لافشله ولا شي نزلوا سلم على سلطان وقالت شوق:الحمد لله على سلامتك ياولد عمي سلطان:بعد ماستوعب الصدمه ندفه سلمان :رد على البنت الله يسلمك سعد:صدق ملقوف من كلمك سلمان:ههههه هي قالت ولد عمي وماحددت وانا بعد كنت مسافر ولا جده مو سفر سعد: الا سفر متى راجع سلمان: بعد ساعه انشالله سعد:على خير ناد منيره مستعجلين شوق بداخلها ليتني لاسلمت ولانزلت فشلني ولارد علي جت بترجع للسياره توه استوعب انها شوق:شلونك يابنت عمي شوق:الحمد لله سعد :زين رديت طلعت منيره وركبت معها شوق ودع سعد عيال عمه وحرك ولا تكلم ولا كلمه استغربن البنات وصلو قبل ما تنزل منيره قال سعد:بالتوفيق نزلت منيره والتفتت شوق عليه فيك شي سعد :لا ليه شوق:يعني ماسولفت موعوايدك سعد:عشان المعلومات ماتطير من راس منيره شوق:هههههه طيب باي ودخلت الجامعه لقت خلود تستناها بالكفتيريا شوق:هاي خلود كيفك خلود:هلا شوق عندي لك خبر شوق :ايش خلود:اليوم بروح للديره شوق:ليه خلود:ابوي اصر نروح اليوم والملكه بتكون هناك شوق:لا يعني ماراح احظرها خلود:شفتي القهر شوق: طيب عدلو بدلو حلود:ابوه مصر شوق:اهم شي تاخذين حبيبك بندر وخلاص خلود :ايه الحمد لله يله المحاظره شوق: طيب يالرئيسه ______________________ في محل راشد راشد: راج تعال شيل اللوحه هاذي وحط دي مكانها راج:زين بابا وعلق راج اللوحه مكان ماقاله راشد بنص المحل وبمكان واضح راشد:راج دير بالك على المحل شوي وراجع ودخل محل العطورات الي بجنب محله _____________________ في مكان آخر بعد ماسلم على اهله ومابقى غير سلمان سلمان:يله اخليك ترتاح الحين سلطان :ارتاح ههههه منين تجي الراحه وانا اول ماوصلت شفتها قدامي وتسلم علي يعني عادي عندها سلمان:سلطان انت ليه اليوم مارديت عليها سلطان:ماكنت مستوعب شوق تسلم علي سلمان: انت للحين تحبها سلطان:اكذب لو اقول لا سلمان: طيب ليه فضلت الدخان عليها انا لو مكانك لو تبي ابطل اشرب مي بطلت شلون دخان سلطان: ياخي حسيتها تجرح رجولتي انا سلطان تتحكم فيني بنت وتقولي سو ولا تسوي سلمان وهو يوقف: زين اخليك مع رجولتك سلطان:وين سلمان:بعد وين جده تستناني سلطان :توصل بالسلامه سلمان:الله يسلمك طلع سلمان وظل سلطان يفكر بمستقبله وبشوق وبمنال وبكلام شوق عن تكسير الراس وقال بصوت مسموع_:معقوله سمعتني انا وامل بس انا صرت احبك ياشوق والله احبك الين غلبه النوم ______________________ في الجامعه خلود: شوق ممكن سوال شوق: طبعا اسئلي خلود:انت ماقد حبيتي شوق: بتنهيده الا خلود: ممكن اعرف القصه شوق: طيب بس اسمعيني للآخر ولاتقاطعيني خلود:طيب قولي شوق: انا لي ولد عم اسمه سلطان كنت احبه من واناصغيره الين جاء يوم كنا معزومين عندهم جت منيره وقالت :امل سلطان يبيك برى طلعت امل وطلت وراها من غير ماتنتبه كنت ابي المحه لو من بعيد كان الشوق ذابحني قالها وش صار على الموظوع قالت:ماقلتلها لي الحين بس ياخوي انا شايفه انها ماتصلح مغروره مدري على ايش وسمعته يقول لاخته امل ان ما كسرت راسها ماكون سلطان وبكره بكره تشوفين انا للآن مادري الكلام على من امل: بس لاتنسا ان اخوها يبي منيره ومنيره تبيه سلطان :هين سعد امره هين بس ها لمغروره وهنا انا انصعقت انا شوق تكسر راسي ليه ياسلطان ليه انا كنت احبه حيل واسامح اي شي الا انه يجرح كبريائي ويذلني خلود: بس الي عرفته من منيره انه يحبك شوق: ايه بس بعد ايش سمعت انه اكتشف الحين انه يحبني بس بعد ايش انا كرهته كرهته خلود :وبعدين ايش صار شوق_ولاشي خطبني وقلت اذا وافق على شرطي ابجرب اسامحه بس هو نرجسيته ماسمحت ورفض خلود:ايش كان الشرط شوق:يترك الدخان خلود_ليه اخترتي الدخان شوق:لاني ادري انه احب شي على قلبه ويحس برجولته فيه بس رفض والي زاد تاكيدي انه ماكان يحبني خطب بنت عمي منال بعد رفضي له بيومين يعني مو هامه خلود: يمكن بس يبي يقهرك شوق :خلود الي يحب ما يقهر الي يحبه خلود: عرف انك عرفتي شوق: ايه خلود:شلون شوق: دق مره يبي اخوي سعد طبعا بعد ملكته على منال وقال بغرور ليه رفظتيني كان الحين انتي الي بتروحين شهر عسل فرنسا عصبت وقلتله:مو شوق بنت عبد الله الي ترضى ان واحد مثلك يذلها اوعلى قولتك تكسر راسي عشان فرنسا وسكرت السماعه بوجهه بسرعه وعرسه الاسبوع الجاي بعد ملكتك بيوم خلود: زين سويتي فيه ياقلبي عليك تحبين وبالاخر تنصدمين بالي تحبينه شوق: يعوضني الله يوه انت اليوم ماشيه الديره خلود: ايه ليه شوق:لابس كنت ابيك تروحين معاي للسوق عشان اجهز لعرس سلطان ودق جوالها شوق: هلا سعد سعد:هاه خلصتو شوق: انا ايه ومنيره مادري اشوفها واكلمك دقت على منيره منيره :هلا شوق شوق: سعد يقول خلصتي منيره: ثواني واكون عند الباب شوق: هههههههه طيب يله ______________________ في اليوم الثاني شوق:سعد تكفى تعال معي اخاف امشي لحالي بالسوق سعد:خوذي امي ولا صديقتك ولا منيره شوق: امي راحت لخالتي وصديقتي بالديره ومنيره عندها اختبار بكره سعد :طيب بس ماتقعدين تفرفرين سنه تاخذين الي تبيه وتطلعين شوق بفرح: طيب ابلبس عباتي واجي وبسرعه نزلت وبالسوق واخذت هديه لمنال وعباره عن عطورات حمام فخمات شانيل وطقم ذهب لازوردي سعد :هاه خلصتي هديه واخذتي وفستان واخذتي بقى شي ولا نمشي شوق:باقي شي واحد ذاكره جوال سعد: هاذا محل خلينا نشوفه شوق باندفاع:لا هناك بالشارع الجاي سعد:يمكن مالاقي مكان للسياره وقف عند باب المحل وقال:انزلي لما الاقي مكان للسياره دخلت المحل وكانت منزله عيونها بالارض وقالت بصوت واطي: الله يجيبك ياسعد راشد: هلا اختي آمري رفعت عيونها وتعلقك باللوحه وهو علق عيونه عليها يبي يشوف ردت فعلها وبقى ساكت الين دخل سعد سعد: السلام عليك_____راشد راشد :هلا والله بسعد كيف حالك وكيف حال امك وابوك شوق بذهول :يعرف سعد و امي من ياترى سعد:ماشالله المحل ذا لك راشد:اي تامرني بشي بس اشر سعد: والله ماتقصر بس مو انا الي ابي اشتري اختي والتفت لشوق هاه لقيتي الي تبين شوق:..... سعد: الله ياراشد اكيد انت راسمها وقرا الشعر المكتوب بالزاويه (ياهل ترى تسمح الايام والاقيك ولا يكون آخر لقانا ابتسامه انا ياشوق شوقي لاجت طواريك يستسلم القلب ويرفع اعلامه) )r( شوق بداخلها منوين عرف اسمي (لانه راسم عيونها كان هاشي واظح) راشد: ايه انا راسمها قبل يومين وهنا تاكدت يعني بعد ماجته بالمحل وبعد ماشافته بمواقف السيارات بالجامعه واسمها بابيات الشعر مانتبهت لسعد الي له ساعه يسألها ايش الي تبيه الا لما حرك يده قدام عيونها انحرجت من حركت سعد وخصوصأ لماشافت راشد مبتسم قالت:شفيك سعد: خلصيني خوذي الي تبينه شوق مدت جهازها وقالت:ذاكره لهاذا الجهاز راشد بعد ماخبى العطر الي كان ناوي يعطيها اياه بدال الي انكسر ذاك اليوم قال:هذه هي بس طريقت تركيبها شوي معقده شوف شلون ركبها قدامها وقدام سعد سعد:كم حسابك يالحبيب راشد:عيب عليك ياسعد سعد: لا ماني ماخذها الا ادفع حسابها راشد: خلاص هنا اهل مو بيننا سعد: قلتلك ماني ماخذها الا(وقاطعه راشد) اقول علي الطلاق الا تاخذها وهنا انصدمت متزوج سعد:بس لو ماحلفت على فكره تراك معزوم على عرس ولد عمي سلطان الجمعه راشد :انشاله هاذا كرت المحل وفيه رقمي سعد :وهاذا رقمي اشوفك على خير راشد و تو سعد عند الباب بيطلع شي دفعه يقول راشد :سعد تراني مو متزوح سعد: بردها لك باي راشد:باي شوق: انت تعرف صاحب المحل سعد :ياربي يالقافت البنات اية هاذا راشد ولد خالت امي تذكرتيه شوق:لا سعد: الي ماتوا امه وابوه بحادث لما كانو صغار وجدتي قالت عيال اختي انا اربيهم شوق:ايوه تذكرت الي عمهم اخذهم من جدتي غصب وقعدت تصيح عليهم يومين سعد:ايوه عليك نور وسكتوا فتره سعد:تصدقين في لحظه حسبت العيون الي في اللوحه عيونك بس لما شفت (الآرr) غيرت رايي شوق ظلت ساكته ماتدري ياخوي انك بهالكلام تعذبني بس هو كاتب ياشوق بس الحرف معناه انه يحب وحده بحرف الرا ريحني يارب ________________ قبل زواج سلطان بيوم راحت شوق عشان تعطي منال الهديه منال: شوق ابي اسألك سوال وتردين بصراحه شوق:اسألي حبيبتي منال: انت تحبين سلطان شوق: لو احبه مارفظته منال: اكيد شوق:اكيد منال:ريحتيني (تبي تغير الموظوع ) حجزتي كوافيره شوق: ايه انشالله بخلص على الساعه تسع ارجع البيت واغير واطلع للصاله على طول منال: على خير ________________ بيوم الزواج شوق : لحظه اغير ثيابي وانزل سعد: يله بسرعه امي وابوي لهم ساعتين بالصاله طلعت شوق ودق جوال سعد سعد:الو ....:الو سعد سعد:اي نعم من معي _....:معك راشد سعد:هلا والله وينك بالصاله راشد:لا والله مادري العرس بأي صاله سعد: طيب تعالي بالبيت وانا ادلك راشد:ليه انت بالبيت سعد: ايه لا تطول راشد :بيتكم هو نفسه القديم سعد: ايه ماغيره راشد: طيب انا عند الباب سعد: لااااااااتكذب راشد:هههه اطلع وشف طلع لقاه عند الباب وحلف انه ينزل يتقهوا ونزل ودخل المجلس وراح سعد يجيب القهوه وبنفس الوقت لبست فستانها الفوشي الناعم وكان مع مكياجها الخليجي وشعرها الاسود القصير جنان طالعه روعه نزلت تدور سعد مالقته بالصاله قالت:اكيد بالمجلس ودخلت ومالقته فيه ولاانتبهت للي قاعد في اخر المجلس حاول يغض النظر بس جمالها وجاذبيتا ماخلو ينزل عينه لحظه جت بتطلع شافت كتاب سعد طايح ومكتوب عليه منيره حبي وحياتي ظحكت ولما سمع ظحكتها ذاب فيها بزياده اخذت القلم وكتبت (خلك من هالسوالف وادرس اختك ش...) تنحنح راشد جمدت من الخوف التفتت وشافت راشد قاعد ومنزل راسه طاح الكتاب والقلم وركظت برا المجلس وقف راشد مكانها واخذ الكتاب وقرأ الي كتبته ولاحظ انها ماكملت اسمها على الكتاب كمله وكتب (شوق) نزل الكتاب ورجع مكانه دخل سعد والقهواه بيده وقهواه شوق من الصدمه مي عارفه تبكي ولا تفرح دخل سعد :يله شوق تأخرنا طلع وطلعت وراه وركبو السياره وقالت: مو هاذا راشد الي بمحل الجوالات سعد:الا بس مو عارف وين الصاله ________________ بالصاله قسم النساء دخلت بثقتها المعتادي والي خلت جميع الي بالحفل يلتفتون لها ام ماجد: الا منهي ذي يام سعد ام سعدبكل فخر:هاذي بنتي شوق ام ماجد: الله يخليها لك اقري عليها شوفي الحريم اكلنها بعيونهن ام سعد: ماعليك اكيد بنتي محصنه حالها وهي تنادي لبنتها:يمه تعالي سلمي على خالتك ام ماجد جت شوق وسلمت ام ماجد:ماشالله تبارك الرحمن شوق استحت وقامت ام ماجد :يام سعد ابي احجز بنتك لولدي ماجد ام سعد: ماجد اخبره متزوج ام ماجد:ايه والشرع حلل اربع ام سعد:بس ماجد متزوج اثنين مو وحده ام ماجد: بس اثنينهم مايجيبون عيال ام سعد: يمكن المشكله بولدك مو ببنات خلق الله ام ماجد: لا انا ولدي كامل مافيه شي ام سعد: الكامل الله ام ماجد: لا اله الا الله ودخلت العروس وكانت جميله وقمه في الرقه ودخل سلطان ومعه اخوه وابوه واعمامه دخل وبقلبه يقول ياليتك ياشوق وافقتي وكنتي انتي عروسي ياليت تنازلت وتركت الدخان ياليت ما تكبرت عليك آه بس لافات الفوت ماينفع الصوت ________________ خلص العرس وكل واحد راح لبيته شوق بغرفتها تفكر بالي صار اليوم وتذكرت الكتاب وانها كانت ناويه تكتب شوق المقوفه لانه دايم يناديها كذا بس تلعب باغراضه نزلت لقت البيت طافي راحت للمجلس ولعت النور ولقت الكتاب ورفعته وانصدمت من المكتوب وكان(اختك شوق احبك) انا متأكده ماكتبت الا(اختك ش) من كتب الباقي معقوله هو راشد وش يقصد ب احبك معقوله انا وقطعت الورقه واخذت بس كلمت احبك وطلعت غرفتها مو مصدقه ________________ بالفندق سلطان: لاتستحين يا ش.... منال انا زوجك منال انتبهت وطنشت تذكرت كلام نوال عن تغيير مشاعر الزوج قامت سلطان :وين منال: بغير فستاني دخلت ولا طلعت سلطان :شفيها طولت فتح باب الغرفه لقاها نايمه سكر الباب و قال :هاذا اولها يمكن انتبهت لما قلت ش آه ياربي ساعدني فكر شوي بس منال مالها دخل انشالله بكره بصالحها دخل الغرفه بشويش ولا حست عليه سمعها تصيح كسرت خاطره ولع النور وجلس على طرف السرير وسحب نفس عميق وقال :منال ماردت سلطان:منال ادري انك صاحيه ارفعي راسك وكلميني رفعت راسها بهدوه :نعم ابتسم وقال :الله ينعم عليك معقوله اول ليله تصيحين منال:لا بس تذكرت اهلي سلطان: من هنا ورايح انا اهلك منال زادت بالصياح قرب منها وحظنها وقال: ماعليه بكره تتعودين حظنته بقوه وقالت: اوعدني ماتخليني حس بشي تجاه هالبنت بس توقع انها كاسره خاطره طلع الصبح وهي حاظنته ونايمه هو ماغمظت له عين جاء وقت الطياره طلع هو ومنال ووصلهم سلمان ________________ دق الباب راح راشد وتوه صاحي فتحه ليلى: صباح الخير راشد: هلا بالغاليه صباح النور ليلى بدلع: لوغاليه سالت عني جاملني قدام عبد العزيز على الاقل موجاحدني كنك ما ماصدقت مردك لخدماتي راشد :هههههه مانستغني ليلى:ليه وجهك اصفر راشد: ميت جوع وانا اخوك ليلى :خسى الجوع راشد:الاشخبار حمودي وابوه ليلى:ياقلبي يجنن راشد يستهبل:هو ولا ابوه ليلى:اثنينهم راشد:الله يخليهم لك بعد الغدا راشد: ليلى ليلى:سم راشد:سم الله عدوك ليلى:خير راشد راشد :الخير بوجهك ليلى :خلصني وراي شغل راشد: ابي... ابي اعرس ليلى بفرح:جد الف الف مبروك وطبعا تبيني اختار راشد:لا انا مختار ليلى: منهي راشد:شوق بنت ام سعد ليلى:منهي ام سعد راشد:بنت خالت امي ليلى:ايوه الحين تذكرتها وشذكرك فيها راشد:ليه هي مخطوبه ليلى: الي اعرفه ان ولد عمها سلطان يبيها راشد: سلطان اخذ بنت عمه الثانيه انا حاظر عرسه ليلى:انا اشوفها بالجامعه بكره واشوف راشد: اوكي ________________ في فرنسا بعد وصولهم بيومين طبعا تغير الجو عليهم ومرض سلطان بس ماعلم منال وكابر على نفسه وظل كل يوم طلعات الا ان طاح بيوم من الكرسي في البلكونه منال جت على صوت الطيحه وانصدمت سلطان حبيبها طايح على الارض ماعرفت شتسوي استجمعت قواها ورفعته الين حطته على السرير كانت حرارته نار ظلت تحطله كمادات ساعه ساعتين يوم كامل ولا نز لت حرارته ماعرفت شتسوي وهي حتى انجليزي ماتعرف نزلت بسرعه اللوبي تشوف اذا في احد يفهم عليها كان الي بالرسبشن تونسي فهم عليها حمدت ربها انه عربي فهم عليها ودخلوه المستسفى ثاني يوم فتح عيونه وشافها نايمه على الكرسي وجها اصفر من التعت تمتم عطشان على طول صحت وعطته مويا منال:سلامتك سلطان:منال منال: ياعيون منال سلطان: انا اسف خربت عليك شهر ...وحطت اصبعها على فمه منال:دامي جنبك انا سعيده سكت وقال في باله عسى ان تكرهو شيأ وهو خير لكم يمكن لو متزوج شوق ماسوت الي تسويه منال منال: حبيبي الدكتور يقول تقدر تطلع الحين سلطان: اجل يله مشينا وعند الباب داخت منال مسكها سلطان على طول وقال:منال شفيك منال :لابش من يومين مو ماكله باسها سلطان في جبينها وقال:الله لا يحرمني منك ________________ بالجامعه راحت ليلى لصديقتها ساره وكانت ساره مسؤوله عن بيانات الطالبات وعطتها اسم شوق عبد الله ال____ وعرفت انها قسم تصميم راحت وسألت البنات وقالن هذيك الي قاعده بالطاوله الي هناك راحت لها وقالت ممكن اجلس شوق:اكيد تفضلي ليلى: طبعا انت مو عارفه انا مين شوق تناظر بخلود :لا ماعرفك وبداخلها انت اخت الغالي ليلى: انا بنت خالت امك واسمي ليلى شوق:وكأنها تذكرت اي عرفتك بنت خالت امي شريفه ليلى :عليك نور كيف حالك شوق:والله الحمد لله انت كيفك واخوك كيفو ليلى :الحمد لله نسأل عنك شوق:تسأل عنك العافيه ليلى: امانه سلمي على خالتي ام سعد باي شوق باي خلود:ياخاينه تقربلك وماتعلمين شوق:خلود بصراحه ابي اقولك شي محيرني خلود: قولي وانا اسمع شوق قالت قصتها مع راشد من لما انكسر العطر الين لما كتب احبك خلود: شوق عرفت سبب جيت ليلى شوق: ليه جايه خلود: جايه خطابه وقولي ماقالت خلود شوق:الله يسمع منك خلود: تحبينه شوق: اي والله بس هو كاتب rليش خلود: تصدقين مالك داعي شوق :ليه خلود: راشد معروف انه يحط الحرف ذا بكل اشعاره ورسوماته لانه اول حرف من اسم راشد شوق:وانت شعرفك خلود: البنات ياعزيزتي كل شي يعرفنه شوق:طيب يا عزيزتي ________________ وهناك بعيدا عن الناس كانت دلال تناظر في المرايه الحمد لله سمنت وصار جسمي احلى من جسم منيره وطولي طلع طبيعي بس باقي هالحوله راحت لامها دلال:يمه ليه بس انا حولا بالعيله كلها ام فايز: يايمه هذي خلقت الله دلال وهي تبكي:من انا صغيره وكلهم يقولون لي الحولا وحتى الحين اسمعهم يتغامزون علي واطنش وزاد صياحها دخل فايز وحط يده على كتفها لاتبكين يادلوله انشالله الشهر الجاي اوديك جده واسويلك عمليه وتصيرين عاديه دلال بلهفه:صدق ياخوي ام فايز:بسم الله على بنيتي وش عمليته فايز:لاتخافين يمه سهله وسريعه ام فايز:بكيفكم اهم شي نرتاح من عوار الراس طلعت وهي مو مصدقه اخيرا بتنحل مشكلتها ________________ بعد اسبوع ليلى: شوق بدون مقدمات راشد يبيك زوجه وش قلتي شوق:بصراحه فاجأتيني بس عطيني فرصه افكر ليلى:فكري براحتك بس لاتطولين راشد ماله صبر حمر وجه شوق على جلست خلود :السلام صبايا ردن وعليك السلام ليلى:بروح الحق على المحاضره خلود بعد مابعدت عنهم ليلى:شفيك شوق وجهك احمر شوق: خطبتني لراشد خلود بفرحه:ماقلت لك شوق: ماني عارفه شسوي خلود:وافقي طبعا شوق:لازم اشاور اهلي طلعت شوق للبيت لقت امها تكلم ام ماجد ام سعد:نرد لك ان شالله فمان الله شوق:من معك وشو الي تردينه ام سعد:هذي ام ماجد تبيك لولدها ماجد شوق:بس ماجد متزوج ام سعد:ادري بس يدور العيال شوق :ماعليك منها اسمعي الخبر ام سعد :وشو شوق:تذكرين راشد وليلى عيال خالتك شريفه ام سعد :شفيهم شوق :اليوم جتني ليلى تحطبني لراشد ام سعد والفرحه بعيونها:وش قلتي لها شوق :قلت ابي افكر ام سعد:وانت شرايك شوق:بكيفكم انا موافقه ام سعد :تزغرد دخلو سعد وابوه :خير خير ايش فيه ام سعد:شوق خطبها راشد ولد خالتي سعد:ونعم الرجل ابو سعد: خير خير خليه يتقدم رسمي وانشالله خير بعد يومين قالت شوق لليلى موافقه وخلي يتقدم رسمي تقدم ومابقى غير الملكه اجلوها لين يجي سلطان ومنال الي صارلهم شهرين بأوربا وصل سلطان وثاني يوم الملكه عند الحريم شوق:شخبارك يامنال منال:الحمد لله سلطان مافي زيه شوق: الحمد لله هاه مافي شي على الطريق منال بحيا:الا انا حامل بشهرين منيره: احلى اخوي ماعنده لعب ظحكو كلهم عليها واستحت عند الرجال الشيخ:اسم الشاهد الاول عبد العزيز بن احمد الشيخ:اسم الشاهد الثاني سلطان بن فارس سلطان بداخله ماكنت اتصور يجي يوم ويطلعك احد من قلبي ويحتل مكانك لا واكون شاهد على زواجك بدال ماكون الزوج قبل لا يقوم راشد عشان يشوف شوق قاله سلطان حط شوق بعيونك هذي وحده من خواتي حس راشد بالغيره بس لما قال خواتي ارتاح دخل راشد بالمجلس الي شاف فيه شوق اخر مره وشوي دخل سعد ومعه شوق منزله راسها سعد: راح اسمحلك بربع ساعه بس راشد:ومن هون لهون سعد:انت وكرمك راشد:اذا تنفع الرشوه اعطيك سعد:هههههه لا امزح خذ راحتك طلع وماظل غيرهم راشد:شلونك ياشوق شوقي شوق بصوت يدوب ينسمع:الحمد لله راشد:تذكرين ايش صار هنا شوق:__: راشد: هنا غرستي سهام حبك في قلبي شوق:__: راشد:كلميني عطيني وجه شوق:انت الي كملت اسمي راشد:ايه وكتبت احبك بعد شوق :شلون عرفت اسمي راشد طلع شي من جيبه :من هاذي شوق رفعت راسها وشافت فستان جوالها الي جابه ابوها من الامارات شوق :تصدق مافقدته راشد: تفضلي هديه اتمنى تعجبك شوق:ليه تعبت حالك راشد :تعبك راحه واحبك مهما تتعبني دخل سعد وقال يستهبل اذاتبي اجيبلك فراش ترى مافيه مشكله راشد:ههههه فكره ميب شينه سعد: اقول قم بس قم طلع راشد وهي يقول لسعد اشوف فيك يوم تحد العرس بالعطله ________________ في جده دلال:فايز انا خايفه فايز: توكلي على الله دخلت الممرضه وطلع فايز عند الباب شاف سلمان ولد عم سعد سلم عليه فايز:انت شتسوي هنا سلمان:انا دكتور عيون فايز: اكيد انت بتسوي لاختي العمليه ناظر سلمان بالاوراق الي معه وقال:اسمها دلال فايز:ايه سلمان:ايه الحاله هاذي معي يله دعواتك فايز:الله يوفقك وتنجح العمليه دخل سلمان وسرح بجمال عيونها وقال في داخله فايز هالشيفه عنده اخت بهالجمال بعد ساعتين طلع سلمان يبشر فايز الحمد لله العمليه نجحت بس باقي تفيق من البنج ونشيل الشاش ________________ في المحل دق جوال راشد راشد:الو ليلى:راشد الحقني صالح مرسلي رساله يقول قرب يومك اليوم وعبد العزير اليوم مستلم راشد:ثواني واكون عندك طلع وهومايشوف الدرب من خوفه على اخته ومادرى بحاله الا وهو قالب جت الاسعاف ونقلوه للمستشفى طاح الصحن من يد شوق وعورها قلبها ________________ بعد يومين صحى شاف عبد العزيز وسعد واقفين سعد: الحمد لله على السلامه راشد :الله يسلمك دق جوال سعد وقال ازعجتني تبي تعرف اخبارك راشد: عطني ارد عليها سعد:هاك طلعو سعد وعبد العزيز راشد:الو شوق: هاه سعد صحى ولا كيف حاله امانه قولي الصحيح راشد ظحك بتعب:هههه شوي شوي عمري شوق:راشد وصاحت راشد: هدي نفسك ياقلبي لا تظايقيني عليك شوق سكرت الخط وقعدت تصيح شوي جاها مسج من راشد مقطع صوت اغنيت عبد الله رويشد انسى الزعل انسى الي راح انسى الالم انسى الجراح طمني بس طمني بس طمني بس خلني ارتاح طمني قول صبري راح طمني بس ردت عليه بأغنيت نوال خلنا مني طمني عليك ماانام الليل من خوفي عليك انت طيب هذا هو الي يهم انت طيب وغير هاذا مايهم ________________ في قسم الشرطه عبد العزيز:الحين انت الي تزعج المدام الرجال:والله مالي دخل صالح عطاني عشر آلاف وقال احط الرسايل عبد العزيز_اجل صالح هاه الرجال: اي والله عبد العزيز: ياعسكري خذه وده التوقيف بعد فتره العسكري:الحقني يا مقدم عبد العزيز صالح وخويه ذبحو بعض عبد العزيز:لاحول ولا قوه الا بالله ودق على راشد وليلى وبلغهم ليلى:الحمد لله ارتحت منه للابد راشد:مايجوز عليه الا الرحمه ________________ في جده دخل سلمان غرفت دلال شاف فايز سلمان: جاهزه دلال:ايو دكتور فك الشاش وبدت تفتح عيونها واول شي شافته هالمزيون الي نساها سعد وطوايفه سلمان: شايفه كويس وحط النور داخل عينها الحمد لله على سلامتك دلال :الله يسلمك فايز :دكتور متى نقدر نرجع الرياض سلمان: بكره ان شالله فايز :مشكور سلمان انا من جد موعارف شقولك سلمان: لا تقول شي حنا اهل طلع سلمان دلال:فايز انت تعرف الدكتور فايز:هاذا ولد عم سعد ولد خالتي ________________ عرس خلود شوق:خلود هالدموع مالها داعي هاذوانت ماخذه الي تحبيه لو يوسف شلون خلود: الحمد لله هذا دموع الفرح شوق:الله يهنيك خلود: شوق تصدقين ان وجهك وجه خير علي اول مره انجح من غير مواد واخذت بندر واهم شي كسبته اخت وصديقه وقامت حضنتها بحراره الزفه دخلت على اغنيت اجمل احساس بالكون انك تعشق بجنون ودا حالي معاك خلتني اعيش ايام مليانه شوق وغرام دوبني هواك وبعدها دخل بندر وباسها على جبينها وطلعوا للفندق كان السواق ولد عمها يوسف بعد ماتسامح من عمه وترك حركات المراهقه وبارك لبندر في غرفه خلود وبندر خلود منزله راسها طلع يوسف شنط العرسان وبارك لخلود وبندر بندر: يحليله ولد عمك خلود:___: بندر:خلود ورفع راسها بيده ناظرت فيه وقالها اخيرا صرتي لي وجمعتنا غرفه وحده حمرت خدودها ________________ في بيت ابو سعد دق راشد على شوق وكان اثر الصياح مبين بصوتها راشد:شوق حياتي ليه تصيحين فيك شي شوق:لاحبيبي بس راشد:الله عيديها استحت وقالت:راشد راشد:اذا فعلا تحبيني قوليها شوق:من ظحك عليك وقال اني احبك راشد بزعل:افا خلاص بان كل شي شوق:لا والله امزح احبك احبك احبك راشد:ههههههه شوي شوي كنت امزح والله انا بعد احبك شوق :غنت بصوتها الناعم عسى ربي يخليني لعيونك وعسى ربي يخليك لعيوني حبيبي دنيتي صعبه بدونك ولاشي دنيتك تسوى بدوني ياغلا انسان انا عندي ياحزني وفرحتي وسعدي اذا عني ابتعدت يجن جنوني لانك صرت اغلى من عيوني ________________ بهذا الوقت دلال:يمه شرايك بعيوني الحين ام فايز:اهم شي سعادتك يمه دلال: يمه الحين اقدر اقولك ان سعد مو بعيني والله يهنيه بمنيره دله: يعني اخيرا تحررتي من حبه دلال:يادله له ولد عم اسمه سلمان هو الي سوالي ا لعمليه واظنه اخو منيره يهبل ماشالله عليه دله:افهم بديتي تخططين عليه دلال:ليت بس هو بجده مو هنا دله:يرزقك الله بأحسن منهم دلال: آميييين ________________ في جده سلمان :ليه مو قادر انسى عيونها سويت عمليات كثيره ولعيون اشكال واللوان ليه دلال مو طالعه من بالي سلطان: يمكن تحبها سلمان: مادري سلطان :طيب انت بغربه سلمان :طيب سلطان: تزوجها واستقر بجده سلمان:لا وش زواجه وش خرابيطه سلطان: بتغير رايك بعد الزواج اسئلني انا سلمان: اقول انا وراي عمليه مو فاظي لك سكر من سلطان وهو يقول مجنون انا اتزوج ________________ يوم زواج شوق وراشد شوق: معقوله ماتحضرين زواجي خلود: قلبي معك بس بندر مارضى نرجع يقول ماليزيا ماينشبع منها ويبي يقعد بعد اكثر شوق:طيب الله يهنيكم ماطول عليك ديري بالك على نفسك خلود:وانتي بعد باي شوق:باي دخلت منال وانوار ومنيره باركوا وقعدو عندها يسلونها زفو شوق وكانت اغنيت صدفه ومن بين كل الناس علقني من يوم شفته وعيني جات في عيناه حسيت شي بعيونه حيل يجذبني لما ابتسم بانت بوجهي تلاويناه واختارت الاغنيه المناسبه لانها شافت راشد صدفه والعيون هي الي جمعتهم وبالحفل منيره:عقبالي ليلى: انشالله سمعت انك مخطوبه لاخو شوق وانك تحبينه منيره:ايه بس لاتحرجيني منال بتغير الموظوع: الا شخبار ولد عمك الي بالسجن ليلى:الله يرحمه مات وارتحنا من شره منيره:اشوفك منوره منال:لا النور من البيبي اكيد ليلى:هههههه صح شدراك منال: احساس دخلت راشد انطفت الاضواء واشتغلت شاشت العرض وكانت عيون شوق الي رسمها وكان قصده ان الناس تناظر للرسم وهو يهيم بعيون شوق جنبه وهو يبتسم وهي تبتسم له وتناظر نظره معناها سويت الي براسك وارتحت طلعو من الصاله وبالسياره كان عبد العزيز وليلى قدام وشوق وراشد ورى وطول الطريق ماسك ايدها ويبوسها وهي تحاول تجرها وهو ماسكها قوه نزلو بالبيت لان شوق رفظت موظوع الفندق دخلت شوق ووقفت عند باب المدخل لانها ماتعرف البيت راشد رفض ان ليلى تدخل تساعد شوق على فستانها دخل وشافها واققه راشد:ليه مادخلتي شوق:استناك ماعرف الطريق راشد نزل بشته ونزل شماغه ورفع اكمامه شوق بذهول شتسوي راشد ابتسم بخبث وقال سلامتك بدلك بالطريق وقال :توكلنا على الله وشالها شوق:راشد شتسوي راشد :بكيفي مرتي وبكيفي شوق ماعترضت وكانت مبسوطه وبعد ماعرفها بمعالم البيت اخذها لغرفه النوم وطبعا كل ها ذا وهي بين بدينه ولاخطت ولاخطوه والنهايه ككل العرسان غرفه النوم ________________ في النهـــــــــايه بعد سنه سعد ملك على منيره وباقي لعرسهم شهرين سلطان و منال عندهم عادل سلمان تزوج دلال لهم اسبوعين فهد خطب انوار ورفضت ليلى وعبد العزيز عندهم دانه طبعا غير احمد خلود سعيده مع بندر بس مارزقهم الله بعيال واخيـــــــــرا شوق وراشد عندهم توأم بنت وولد فيصل ونور تمت ترقبوا قصص جديده @قلبي مملكه@ |
 اعشقه لا شافني اضحك مع الغييير ..؟! وقال لا قولي له احببك بعد !!!:160:  |
|
07-20-2010, 05:45 PM
| #3 (permalink) | ||||||||||
|
≈ مستشارة المؤسس ✿
| 
رد: قصه خطيررره وحلووه مره ادخلوا انا :
¬ ć н α и є ℓ❥ دمتي بود يسلمووووو قصة روووعه من اناملك المميزه والرااائعه ننتظر جديدك بتشوق دمتي في حفظ الرحمن ورعايته | ||||||||||
 |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أمثال عن الحاسوب........ ادخلوا واضكوا | Ǻ6ł8→βήŏţąђ | وسـعُ صدرڪ | 4 | 11-09-2011 05:25 PM |
| ادخلوا و شوفو صور اطفال متنكرين | الامير يار | عالم الطفل | 10 | 07-12-2010 07:35 AM |
| أمثال عن الحاسوب........ ادخلوا واضكوا | Ǻ6ł8→βήŏţąђ | وسـعُ صدرڪ | 0 | 05-27-2010 11:07 AM |
| بسرعه ادخلوا ليفوتكم | بنوته ونوته | لڪل طريق بدآيـﮧ ۈهنآ بدآيتنآ | 3 | 09-16-2008 04:43 AM |
| صور بناية سمكة القرش .. هيا ادخلوا للمشاهدة فورا ! | عاشق البنوته | صۈر - ڪآريڪآتير | 5 | 04-03-2008 10:44 AM |
| |
العرض العادي
