هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
فوكسي | مكافآت كازينو على الإنترنت بقلم : فوكسي  | قريبا | قريبا |
| |||||||
| ڪآن يآمآ ڪآن حكَايَا أزمَانْ .. وقِصّة حدَث .. من الواقِع ، أو مِن تأليفـكْ ؛ / أعِد صيَاغةُ النّص وأقِصص عليّنا .. |
 |
| | LinkBack | أدوات الموضوع | انواع عرض الموضوع |
06-23-2010, 02:18 AM
| #1 (permalink) | |||||||||
|
مستشار المؤسس ~  
|
قلبي ضبياني قصة حب حقيقية بس....!!!! انا :
قمرهم كلهم هذه نبذه عن ابطال القصة وكانت احداثها في تاريخ 4-6-2006 وانكتبت بتاريخ 14-6-2010 خالد وعمرة 25 سنة حنطي واحلى شئ فيه ابتسامته وايد وايد حلوة والاحلى من هذا كله قلبه وحنون وايد وطبعااا يشتغل هو من بوظبي... ليلى عمرها 23 سنة حنطية تدرس ف الكلية, عنيده وطيبة قلبهاااا حلو شرات خالد وهي من راس الخيمة... بدأ هذه القصة وكان الوقت ع المغرب وليول كانت مضايجه واااايد من كل شئ حواليهااا ومب عارفه شو تسوي وبدأ تلعب بالفون وتتصل على الارقااام المهم اتصلت على خالد وهو ف الدوااام واول ماسمعت صوته بندت على طول وطرشت له مسج انه بالغلط اتصلت له وانه يسمحلهااا وهو رد عليهااا بمسج ومن بعدهااا استمرو ع المسجااات اسبوع واخر الاسبوع هي اللي اتصلت على خالد وكلمته اشوي وبندت على اساس انه هو بيتصل وطنشهااا لانه رجع البيت ولا فكر فيهااا ابدا بس هي حست انه غير كل الشباب وحبة انهاا تكون علاقة معا بس هو رافضنهااا ومع الايااام بعد ماطرشت له مسج عتاب رجع يتواصل معاهااا ويتصل بها وهي بعد تتصل به وهي مستانسه واستمروا فترة وهم مب شافين بعض ولا يعرفون شئ عن بعض ابدا.. وبعد مرور 3 اسابيع هي كانت بوظبي وتبي تروح بوظبي مول مع البنات وحرمت اخوهااا وما دل الدرب عدل رغم انهاا دوووم بوظبي بكل اجازاتهاا المهم قالت لأهلهاا انهاا بتتصل لربيعتها وبتخليها دلها الدرب وفعلا اتصلت بخالد عشان يدلهاا الدرب ودلها واول ما اطمن انهاا وصلت روح عنها وبعد يومين هي والبنات وحرمت اخوهم راحو الكاسر عشان يتعشون هناكي وهو كان جريب منهم مر عليهم وهي اونها راحت اتيب غرض من السيارة واول مرة يتلاقون كان ع الكاسر واول مرة ايدهاا اتصافح يمينه وانعجبت به وايد وهو بعد مب طويل وايد كان جريب من طولهااا.. واشهرهم الاولي كانت عبارة انه كل واحد يقول كل شئ حق الثاني عن ايام الطفوله لين هالوقت وشو هي حياتهم بالضبط واهنيه اخت ليول من ابوهاااا سوت مشكله خربت على ليول وخذوا الفون عنها فترة تقريبا اسبوعين بس ليول كانت تاخذ فون امها بالدسة وترمسه وبعدها اخت ليول الصغيرة عاتبت اخوها لانه خذ فونها وبعدها رجعه الهاا وبعد هالشئ اخوهاا ماصار يهتم لحد وخاصة اذا حد رمس عن خواته لانه مايرضى حد يرمس عنهن ومع الايام ليول وخالد صارو يحبون بعض وتغير كلامهم لحب ورمانسية وعشق وطبعااا أي شئ كانو يبونه مايقصرون بعض وهاي الاحداث كلهااا كانت بس فترة الصيف من شهر 6 لين 9 وصدق وثقو بعض وايد وهو من كثر مايحبهااا كان مايحب انها تخلي فونها مفتوح ف ليل واذا فتحته يكونون مع بعض وطبعاا معظم الايام هي تكون سهرانه وياه لانه يكون ف الدوام ودوامه ليل اما اذا اجازة ترقد لانه يسهر ويا ربعه.. واهنيه ليول بدأت الدراسة عندها بالكلية وكانت هي وايد صريحة مع نفسها ومع ربيعاتها ومع خالد وخالد بعد كان صريح وياها وايد(بس نسيت اخبركم اهنيه هو قالي انه فيه وحده محيرة له بس هو مايباهاا) ومن كثر ماتحبه ماكانت تقدر تتخلى عنه لانها اول مرة تحب ف حياتها ولا عرفت شو هو الحب غير على ايده عشان جي... وفي الكلية كانت يالسه ويا ربيعاتها وطبعا هي صريحة وايد وخبرتهن انها تحب بس مب الكل كان يعرف بس 2 وحده منهن كانت وايد تحب تفتش فونها تقرى مسجاتهاا وخاصة الكلام وحتى الكلام وهم يتمصخرون وهي كانت تقولها ليش ترضين انه يتمخر عليج جي هي كانت تقولها عادي نحن روح بجسدين والكلام لي مب لج وانا راضية ومع الايام هي نست تمسح صورته وشافتها ربيعتها وتمت تقولها ها مب حلو وليش تحبينه وصدقيني ليول هو يتسلى وبعد مايشبع منج بيفرج وبياخذ اللي محيرة له وردت عليها ليول وقالت الها عادي وانا راضية وحاولت وايد انها تفرق بس ليول عنيده واللي براسها بتسويه ولا يهمهاا كلام حد وخاصة البنات لانهااا هي تشوفه اجمل رياااال ف العالم وتموت ع ضحكته وايد وهي كانت تخبر خالد كلامها وخالد انقهر لانه فيه حد يتكلم عليه ويحكم بشخصيته وهو مايعرفه وحست ليول بهالشئ ومن بعدها حطت كود حق الفون وزعلت ربيعتها ليش تسوين جي تبيعينا عشان واحد اهنيه ليول عصبت وقالت الها مايخصج فيه تبين تتكلمين باي شئ حياج اما تغلطين ع قلبي مستحيل ارضاهااا ومن بعدهااا هي رضت بالامر وما صارت تتكلم عنه غير تسال بعدكم ويا بعض وبس.. واما ليول وخالد طول الوقت ويا بعض يعشقون بعض لدرجه مستحيل حد يتوقعهاا صح يشوفون بعض ويهدون بعض بس بالمناسبات يعني بس ايام ميلادهم واول هديه هدته ليول كانت الختمة ختمة القرآن و فرمضان لانه يمكن كل الهداية ينساها خالد بس الختمة ف ميزان حسناته ان شاءالله وماينسون راس السنه يكونون مع بعض ويوم الحب بعد يكونون مع بعض طبعا سهرانين بالفون واغلب الاوقات يكونون سهرانين حب ورمانسية يعيشون الحب باشكاله بحلوه ومرة والحمدالله حياتهم وايد وايد حلوة ما كان يحب يزاعج عليها ولا يزعلها بشئ واذا يزعلون لازم يرضون بنفس الوقت ليول صارت حياتهاا بس بايد خالد ومن غير خالد تموت حتى لو هو يسافر لازم ترمسه مايهمها كانت واثقه فيه وايد وايد حتى يوم سافر تايلند وعرفت ربيعتها قالت الها انتي ليش خليتيه يسافر وانتي عبالج ها مب يالس اخونج وانتي تعرفين اللي يسيرون هناكي لازم يختربون بس ليول ماهمها الكلام لانه واثقه بحبها لدرجه فضيه وهو بعد كان نفس الشئ ومرت الايام وحبهم يزيد لبعض وبعدها خبرت اختهاا واختها بعد مانصحتها بس ليول سوت طاف وكل مرة ليول تكون عنها مشكله ولا مضايجه من شئ تخبر خالد وخالد كان ينصحها وايد وحتى لو خالد مضايج اخبرها وتنصحه باللي تقدر عليه, ومر الوقت وصلنا لشهر 4 وليول تبي تسوي مقلب انها راسبه واللي رسبت فيه نسبت 80% يعني مافيه مجال اتعدى ف سوته باختها وحده من ربيعاتها وبالحب والكل صدق المقلب وضايجه اختها وقالت كيف بتخبرين اهلي وربيعتها قالت نحن شو الحين بنسوي بدونج بالكلية وبعدها خبرت ربيعتها واختها انها اتجذب عليهم وهاي جذبت ابريل وعلى حظها يوم اتصل القلب هي كانت اشوي تعبانه وقالت له المقلب وصدق ومن كثر ما انه مضايج من المقلب حس انه هو السبب بهالشئ لانه هو اللي يسهر وياها وقالها خلاص برايج وواللي براسه انه يودرها وقبل عن تسكر قالت له انه مقلب وعصب وايد وحاولت تراضيه بس ماقدرت وبعد ماروحت راضته ومرت الايام حلوة من بينهم ويوم وصل اليوم اللي ليول اتصلت به ع خالد هو سوى نفس الحركة اتصل وبند وبعدها طرش مسج سوري بالغلط استانست ليول لانه هو مانسى هاليوم وطبعا بدأ الصيف ورجعو نفس قبل سهر وهمس وحب طول الليل وبكل الاوقات لانه هي ماتودره ابدا وهو نفس الشئ حتى ابتعد عن ربعه بس مب وايد وخاصه من بعد ماعاتبها مرة ع العيد وقالها انا ابي اتم ويا ربعي شرات ما اكون وياج وفعلا هي حست انها غلطت بهالشئ وخلته ع راحته لانه الحياة مب بس اكون ويا الحب وبس حتى الاهل والربع الهم حق... | |||||||||
  |
|
06-23-2010, 02:19 AM
| #2 (permalink) | |||||||||
|
مستشار المؤسس ~
| 
رد: قلبي ضبياني قصة حب حقيقية بس....!!!! انا :
قمرهم كلهم وليول كانت تحب الاجازات وايد لانها بتكون ويا الحب وبتروح بوظبي لانها اتعودت من صغرها أي اجازة عندها لازم تكون بوظبي حتى لو يوم وترد وخاصه من عرفت خالد اهم شئ انه دار الحب وبهالفترة ليول كانت تفتح فونها وهي تكون منتبه اشوي لين ينفتح الفون وبعدها تغفل اشوي يعني نص ساعه ساعه واهنيه خالد شك فيها واول مرة يشك فيها عباله ترمس غيرة بس مشكلتها انها ترقد ماتحس بعمرها غير بعد فترة ويرمسها المهم ليول مافكرة تخون خالد ولو مرة... ومرة الوقت وخالد فكر يكمل دراسة لانه مب مكمل دراسة وهالكلام كان سنة 2007 واول كورس من الامتحانات كان الاحد تاريخ 25-11-2007 تاريخ وتربية وطنية وبعدها علوم, انجليزي, دين, جغرافيا, رياضيات, عربي, عربي ... المهم خالد مانجح لانه مودر الدراسة من فترة طويله وايد وعاشو هم الاثنين عادي ليول كانت تحب ام خالد وايد من كثر خالد مايرمس عنها حبت بعد بنات اخو وبنات اخته وتحب كل شخص كان يحبه... واهنيه خالد صار يخفف اتصالاته ويا ليول وليول كان مب عايبنها الحال بس شو تسوي والصدمة انه ابوه يبي يزوجه وهي كانت تصيح ولا تبي تفارقه وتمت ليول تحاول مع خالد بس بعد خالد مب ايده شئ لانه اصلا البنت محيرة له من زمان وهالفترة اللي حاولو انهم يفترقون كانت من شهر 12-2007 بس استمروا لين شهر 4 وبعدها خالد هو اللي يبي يحط حد حق العلاقة (نسيت اخبركم ليول انخطبت وكانت تصيح ماتبي تتزوج لانها لو تزوجت بتخسر خالد وتمت تصيح وتقولهم انه ما تبها لانه اصغر عنها بس بالحقيقة هو كبرها ومحد كان يعرف الصدق غيرها وجذبت ع خالد وع ابوها هي سالت وحده من نفس المنطقة وهو يصير الها وقالت الها انه كبر ليول) وحاولت اهنيه ليول ماترمسه يومين ف الفترة الاولي وبعدها 3 واهنيه بدت امتحانات خالد بتاريخ 4-5-2008 اول يوم كان رياضيات , جغرافيا, انجليزي, علوم,تاريخ وتربية وطنية, عربي, عربي, دين... وبعد بهالفترة كانت هي وياه وبشهر 6 ليول على اساس انها متفقه ويا خالد انها ماترمسه غير مرة بالشهر بس هي ماتحملت وطرشت مسج له( حبيبي ابي صورة) وبهالوقت خالد كان مخلي الفون مع ولد اخته الصغير وقالت له اخته انه مسج وصله خالد ع اساس اني مابرمسه ولا بطرش له شئ قال حق اخته اقرئ المسج والصدمة كانت له ولأمه واخته واهنه امه غلطت عليه بالكلام لانه اهله مب من النوع اللي يرضون انه ولدهم يرمس ولا حتى ليول اهلها عادي يرضون وبعد يومين تم يزاعج ويتنازع على ليول وهاي اول مرة يسويها واول مرة ماتهون عليه لانه من كثر مايحبون بعض عمرهم ماغلطو ع بعض وخاصة خالد وبعد هالمرة رمسته ليول وصار يحاول انه يسوي المستحيل بس عشان ليول تكره بس كيف تكره قلبها وحب حياتها ومن اهنيه ليول خلاص اقتنعت انه تبتعد عنه بس هو وعدها انه يكون وياها متى ماتحتاج له بس هي مجروحه وحاولت تبتعد قد ماتقدر وتنساه بس بعد العيد كانت معاه فيديو كول ومن بعدها مارمسنه ابدا لانها ماتقدر تتصل تخاف يقولها شئ وبعدها تتلعث انه رقمها وايد شباب يتصلون لانه اصلا فيه وحده من البنات موزعه الرقم وفعلا غيرت الرقم وخذت رقم اخوها فترة لين يظهرون رقم وهي استغلت لفرصة واتصلت وسمعت صوته واستانسه وتمت تعيد الكره اكثر من مرة وقبل اخر مرة اتصلت على خالد وعرفها وانقهرت انه اونه منو تبين وومنو انتي ومن هالكلام ف عشان تقهرة قالت اشياء وايد من اللي كانت بينهم وخاصة عن ربعه وجي وليول كانت تضحك بمعظم الاوقات بس ماتبين له انها تضحك لانه اونه يبي يغير صوته وهو عباله ليول ماعرفته ياناس حد ينسى روحه وقلبه وعمرة اللي عاشه المهم اول ما قال خالد اسم ليول كله قالت له انها انقهرت منه عشان جي تبيه يقول انه هو خالد وماله داعي اللي يسويه ومرة الايام وبعد ليول مب قادرة تنسى خالد ومن بعد فترة طويله رجعت تتصل به واهنيه رمسها عدل واستانست وايد وهاي هي نهاية قصتي حبيبي تزوج والله يهنيه بدنياااا يارب وان شاءالله يستانس بحياته وربي يرزقه الذرية الصالحة ان شاءالله... ياناس ابي حل ابي انسى الحب مب عشان خالد مايستاهل بالعكس العمر دونه ضياع والوقت بلياه موت والهوى من بعده ماله وجود والناس تنتهي وتبدأ بس عمره حبي لخالد مانسيته وعمر الفراق مانساني وجوده ولا همساته ولا ضحكه انا جسد وهو حياتي هو دقات قلبي هو حلا الحب وكل نبضه فقلبي ... ياناس افترقنا من سنتين بس انا احبه واشتاق له وما اقدر انساه حاولت يس ماقدرت,, حبيته سنتين وافترقنا سنتين,, وانا نفس حالي احيانا اصيح بطريقة هستيرية ببداية فراقنا والكل صار يشك فيني اصيح لدرجه اني انسى عمري واني وسط اهلى واحيانا اصيح بروحي يوم انتبه ع روحي ها بس الفترة الاخيرة صرت اصيح بروحي وربيعتي كانت تحاول تخفف علي وتواسيني واونه دموعج ماتخلص اما اختي حطت علي اونه حد يحب بهالطريقة وبعدها رحت بوظبي من بعد ماتزوج بس يوم ولا قدرت اتم فيها حسيت اني اختنق اموت ورجعت وتصل اخويه عباله فيني شئ عشان جي روحت وبعد سنه رجعت بوظبي اسبوع وبعد ماقدرت اتحمل ولين الحين الكل مستغرب ليش ليول ماتروح بوظبي شرات قبل... الحب ترى مب بيزات ولا هدايا ولا طلعات الحب احساس ينولد بين اثنين تسمعينه ويسمعج تهتمين فيه ويهتم فيج وتكونين قد هالكلمة ولا لأ تفكرين تنطقيها الحب كلمة كبيرة مب بحروفها بمعانيها ياناس قدرو الكلمة بمعناااااهااااا بلييييييييييييييز... هيه نعم ياخالد انا ليول اللي عشقتك سنتين ولين هاليوم مب قادرة انساك يعني انت بدمي وروحي وحياتي من 4 سنين ... احبك يا خالد اعشق ترابك اهواك لدرجه اعيش العمر ع ذكراك والله العظيم احـــــــــــــــkــــــــــبك احـــــــــــــــkــــــــــــبك... | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| احلا كلااااام | عــشــق | زآۈيـﮧ حرهـﮧ | 5 | 02-17-2013 09:09 PM |
| يقولون قلبي زادت فيه النوايب ... فياليت الفرح هو دوا قلبي وطبيبه ,,,, يديد أشعاري | دلوعة حبيبها | الشعر والخواطر والقصائد | 6 | 02-17-2013 04:48 PM |
| نســـيت أنساك ... | قمرهم كلهم | للروايات المكتمله | 11 | 09-04-2012 03:07 AM |
| من اعماق قلبى | دموع القمرر | زآۈيـﮧ حرهـﮧ | 6 | 06-23-2010 08:03 PM |
| طعنه في اعماق قلبي | غـروك وغـيـروك ! | الشعر والخواطر والقصائد | 4 | 06-04-2008 07:21 PM |
| |
العرض العادي
