(تغطية المسلسل التركي قلوب منسية )

05-26-2010, 07:58 PM

انا : Ǻ6ł8→βήŏţąђ

اضفني كصديق

عذرا منكم ياجماعه

هذي الكتابي حق الحلقه 9 نسينا لانكتبوه هو و10 اســـــــف

الحلقه -9-

تبتدي الحلقه بنفس النهايه الماضيه .. اللي كان فيها السواق الثاني يخبر جمال انه هو سبب خراب السياره ..

في الشركه .. سليم يخبر سكرتيرته ديانا في انهم عندهم مؤتمر في المعمل ومحتاجين عارضه .. ووعدته في انها تحجز للمؤتمر عارضه معروفه ..

وبعد تردد خبرت ديانا سليم عن خبر في الجريده .. عن عائلتهم .. واللي كان عن خبر انفصال بهيه خانوم عن عمر بيه ..

في البيت عمر بيه كان معصب من الخبر ومقرر يوقف الصحفيين عند حدهم .. بس امير حاول يهدي ابوه في انه يتجاهل الامر ..

في الشركه .. الموظفه المزعجه عيشه .. استغلت الخبر وجت تتشمت في سليم .. وتقوله في ان الخيانه ماشيه علي رجال عيلة اورهان كلها << قلة ادب

في الاوتيل .. امير زار امه .. وجلس يحكي معاها وانه مأيد قرارها في طلبها للطلاق .. ومايبيها تتراجع عنه .. فجأه انتبه لاحد من بعيد جالس يصورهم ..

راح لامير وسوا مشكله عشان ياخذ الفيلم من المصور .. وبالقوة اخذ الفيلم واداره الاوتيل طردوا المصور ..

اتصلت اسماء على اهلها تتطمن عليهم .. وماكلمها الا ابوها .. وجلس يصرفها عشان ماتعرف وتجيهم .. وعدت عليها التصريفات ..

هند تكلم ابوها عمر .. وخبرها في ان بيته صار في مشاكل من بعد ماعرفوا عنها .. جلست البثره تعاتب وتقوله انها اصلا ماعرفته ولا كانت تعرفه .. وتبيه ينساها

امير سهران مع صديقه .. وفجاه جته نور .. معصبه تكلمه عن الفضايح اللي في الجرايد بسبة خبر امه وابوه .. ومو عاجبها الوضع ابدا في انها تتزوج في مثل هالظروف .. بس امير ماتحمل كثير .. وقالها انه مو مثالي ولا راح يكون زي ماتبي .. اهو زي ماهو تبي والا بالطقاق اللي يطققك يام كشه .. << احسن

المعمل كرف الطلاب كلهم عشان المؤتمر اليوم .. وكله من بركات انسه حكمت ..

اما عيشه في الشركه مجهزه كل شئ للمؤتمر من الى ..

امير قرر يشتغل في الشركه مع اخوه .. لانه يبي يعتمد على نفسه .. وسليم انبسط من قراره ..

شيرين اعطوه اذن خروج من المستشفى .. وابوها ماصدق وراح عشان يطلعها ويدفع رسوم المستشفى ,, بس انصدم بالسعر اللي فوق ماهو متصور

40 الف .. وقدر يسد الرسوم من هنا وهناك .. واهو متوهق << ماينلام

في المعمل .. وفي وسط التجهيزات صار اللي ماتوقعوه .. العارضه اللي متفقين معاها تعبت فجاه بالجدري وماراح تقدر تجي .. وبكذا عيشه كلت هوا وتوهقت .. وماعرفت من وين بتدبر عارضه بديله ..

اما سليم .. وابو نور اجتمعوا في الشركه وابو نور يأكد لسليم في ا الاخبار اللي في الجرايد ماهمته ولا اثرت باللي بينهم .. بس قبل لايطلعون للمؤتمر جت لسليم ضيفه ..

واللي كانت اخته هند .. تطلب منه في انهم يعترفون فيها .. وتعيش ز يماهم يعيشون ..

ووعدها سليم انها في الورث بيجيها .. بس اكدت هند ان الورث مو همها بس .. اهي تبي تعيش معاهم عائله وحده ..

عند عيشه قررت تجمع كل بنات المعمل .. وتبي تختار اقربهم لشكل العارضه واللي اقل من 25 سنه .. وتمشي حالها فيها لان ماباقي وقت على بداية المؤتمر ..

سليم .. وامير وابو نور طلعوا من الشركه .. في طريقهم للمؤتمر ,,

انتهت .

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
قريبا	بقلم :	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)

(تغطية المسلسل التركي قلوب منسية )

صۈر - ڪآريڪآتير