دفنت روحي بالثرى .. معاك ياولد عمي

09-27-2010, 07:57 AM

انا : قمرهم كلهم

اضفني كصديق

السلام عليكم ورحمة الله وبركاته

كثيرا ما نتسائل .. هل تتحقق الاحلام ام الطواغيث؟
ام هل تدفن احلامنا قبراً .. او هل تقودنا الطواغيث الى " بلا نهايه"
ايها القارئ ..
هل جربت الموت وانت على قيد الحياة؟
هل حلمت حتى وصل حلمك السحاب.. ثم تعثرت صريعاً على قفر الارض متألماً؟
هل جربت الحب .. الكره .. الصدق .. والانتقام؟؟ ..
هل تعلمت من هذه الحياة القاسيه؟
هل جربت الخذلان في يوم ما؟
هل سقيت السم وانت عطشان؟

كلا؟ اذن اكمل معي ..
ها نحن نشيع جثمان حلم شائت الاقدار دفنه !
اننا ننسج كفن ابيض يغطي تلك القلوب السوداء

هيا لنرمي تلك الرمال على ذلك القبر
.. دفنت روحي بالثرى معاك ياولد عمي ..

هنا نبدأ

"الحفنه الاولى"
"الجزء الاول"

مكبله بسلاسل وايروونها .. وغصب يبون يدفنونها .. عمها اييرها ..وامها تييرها .. اخووهاا اييرها .. انتو تصدقون كل اهلها وعزوتها ايروونها يبون يدفنونها .. كانت تصرخ .. وتقول لهم لا لا .. انا احبكم لاتموتوني .. لاتذبحوني .. الله يخليكم ..ابوس يدكم وريلكم لاتذبحوني .. طلعت بالقبر المليان عقارب وديدان .. والحفرة عميقه شوي .. دفها عمها صرخت .. لا .. لا .. عمي ارجوك .. لاتذبحني .. عمي .. كانت تحاول تقوم بس للاسف هي مقيدة بالسلاسل ظلو ينثرون عليها الرمل .. وهي تصارخ وتستنجد فهالبر المظلم .. لكن عمها كتم صراخها بالرمال .. وخطواتهم الي تبعد تزيد من نوحها وبجيها .. وفجأة .. بدون مقدمات تلاقي نفسها على ارض خضرررة حلوة ومعها شخص غريب الملامح .. تحاول تعرفه .. بس ماقدرت .. كان ويهه حلو .. وايررها .. تبغي تركض معاه .. بس ماتقدر ريولها مقيدة بالحديد .. وشكله ماانتبه للسلاسل الحديد بريلها .. ركض عنها .. وظلت تصرخ .. وتناجيه .. ايجيها .. بس للاسف كان يبعد ويبعد .. ظلت وحيدة بهالعالم الاخضر .. وفجأة لقت نفسها بالقبر من يديد .. ليش مصرين يدفنونها بالقبر ليـــش ؟؟

فـ غرفه يغلب عليها الاكسسوارات الزيتيه واللون البيج يغطي ساحة الطوف .. قاعد يفكر بحيرة على السرير من بعد ما نادتة زوجته تبيه بشي ضروري

: ياولد الحلال اسمعني .. مانت بخسران شي ..(قالت والعبرة خانقتها) ولدي حالته كل مالها وتتدهور بسبة بنت الشوارع .. وانا مب مستغنيه عنه .. حشاشه يوفي .. (اهتزت شفايفها.. وتجعد ويهها بحزن والبجوة تلاحقها) كل يوم اجوفه يذبل جدام عيني مثل الورد .. يرضيك .. يرضيك يابومحمد ..

ابو محمد بتعب من حال ولدة الي يتدهور كل يوم: لاوالله مايرضيني يانورة .. بس شالي بيدي؟ ..

نورة بمكر وتجعد عيونها بحزن وهي تذكر حال ولدها الي يتردى كل يوم عن الي قبله بسبة بنت الشوارع الي مب متربيه.. انطلق لسانها بالي يدور براسها: زوجـه يابومحمد .. زوجه ..

طالعها بومحمد بعتاب: ومنهي ألي بترضى فيه؟ .. ياام محمد الديرة صغيرة والخبر ينتشر بسرعه الريح .. من بترضى فيه ..تبين تفشليني جدام خلق الله ..؟؟ .. تبين تفشليني؟

نورة بخبث: يابومحمد لاتنسى ان له بنت عم .. وهو اولى بها من الغريب .. وبنت عمه بتصبر وبتتحمله .. وولدي مهب مينون الا في شي(ن) يعيبه.. وانته عمها واولى بفلوسها .. ترضى تخلي الغرب يلعبون بالحسبه وياكلون الي بنيته انته واخوك بعشرين سنة ياخذونة بدقايق ..

بومحمد بحيرة: بس هي مابترضى .. وولدج بعد مابيرضى ياام محمد

نورة: خله علي يابومحمد .. الولد خله علي .. بس بنت اخوك هالملسونة انا مااقدر عليها .. واذا تبي الحلال يضيع لاتزوجهم .. ولا انته ماتبي تزوج ولدك وتشوف عيال عياله؟ .. وخصوصا ان محد بيرضى فيه مثل ماقلت (قلبت السالفه لصالحها حتى تنفذ الي براسها .. وهي مرة عودة وتتمنى تجوف احفادها .. وحبايب قلبها من ولدها) ..

بومحمد بتفكير : خلاص انا بفكر وبجوف الحل المناسب

نورة بعيله: مايبيلها تفكير يابومحمد ..توكل على الله ..

بومحمد بقله حيله .. وبموافقه لان الفكرة نالت استحسانه بيملك ثروة اخوة من يزوج بنت اخوه لولده ..وهم بيقدر يجوف عيال ولده خصوصا ان محد بيقبل بولدة بعد الاخبار الي تنتشر بسرعه الريح :ان شاء الله .. قولي للخدم يبرزون لي شنطة بسافر باجر ..

نورة عوت حلجها: وين بعد استراليا ولا سوريا؟

ابتسم بو محمد: لااسترالي ولا مصر ولاحتى لبنان .. بروح دبي كمن يوم عشان نعقد الصفقه مع الشركة اليديدة ..

قام من على السرير: يالله انا بروح اتسبح ..

رجعت نورة لتسريحة الغرفه .. ومسكت بودر الاساس تعدل وييها وتخط الكحل على عيونها والروج اللحمي على شفايفها المجعده.. مسكت المشط ومشطت شعرها الناعم الي مايتجاوز نص رقبتها

^^^^^^^^^^^

التلفون يرن .. يرن .. يرن ..الصاله هدوء يقطعها صوت الرنين .. انتبه من سرحانه الي شاغل كل وقته .. حس عضلات ريله متبنجه وماله بارض يتحرك ويرد .. طالع الساعه لقاها 3 الظهر .. من الفاضي الي متصل هالحزة؟ تكيسل يقوم .. واول ماهم بالقومة .. توقف التلفون عن الرنين .. ماتعب نفسه بالتفكير وانسدح اول ماغمض عينه رن التلفون .. عصب .. وقام شال التلفون توة بينطق وبيلعن الي متصل الا تاكله بلسانها: ساعه؟ ساعه لين تردون؟ من ساعه وانا اتصل؟ لا صباح الخير جان مارديتوا؟ .. بسرعه ودي التلفون لماما سلوى

طالعت الشاشه رقم جوال .. من هاذي؟ قليله الادب الي متصله هالحزة وتتهاوش بعد : خيـر اختي؟ ..

حس بالحركة الي كانت تصدر من التلفون هدت .. والبركان الي انفجر من شوي استقر .. قالت بعد فترة قصيرة : ا .. ا .. هذا مب بيت سلطان؟؟؟

عقد حواجبه: ايه نعم ؟

حسها مفتشله وهي تقول: .. احم .. السلام عليكم .. ممكن سلوى؟

حسها ثقيله دم .. ومن استوعب الرقم كشر بويهه : ايه لحظة ..

توجه بكسل وببرود لغرفه سلوى .. ودق الباب .. دقايق حتى تطلع اخته وويها اصفر لونه وشعرها مصكرته بعشوائيه .. لوتجوفها امها بتعصب عليها ... ليش انها بنت السفير ويكون جذي شكلها؟؟ وكتابها بيدها وبجامتها الحرير متبهدله فيها: هلا .. منصور.. بغيت شي؟؟

مديت التلفون لها وقلت ببرود: بنت عمج تبيج ع التلفون ...

اتفاجأت ودقت يبهتها وخذت التلفون باحراج وردت: هلـ..

اكيد قاطعتها الراديو .. ياني فضول اجوفها شتسوي؟ دخلت لقيتها تضحك وهي تقول: ايه ايه فتحت .. انزين .. ايييييييه ...كتبي السؤال .. ههههههه .. سوير للحين ماوصلت لج باقي لي صفحتين .. بسرعه ابا ادرس بعد ..عقدت حواجبي ؟"شحقه تدرس؟؟ لو درت جان نتفتها من الهواش وخذتها لاقرب حفله " سمعتها تقول: يخلق شخصيات غير مباليه بااحاسيس البشر وتعاملهم كالآلات او موضوعات فيزيائيه .. العفو .. بونجوغ .. صكرت التلفون وجافتني .. وابتسمت ..

قلت لها : شحقه تدرسين؟ ..

قالت لي بحزن: باجر اخر يوم من امتحاناتي

اوووه عندها امتحانات؟ .. وانا اقول ليش ماتقعد تتغدا .. اها .. صج اني ماادري عن الدنيا : شعليج باجر؟ ..

ابتسمت سلوي بحماس: فلسفه (لكن رجع الحزن خيم على وييهها) بس احس بيبونة صعب ..

ابتسمت بمصخرة : بنات الادبي دايما كسالة وعندهم كل شي صعب ولا بالله عليج كتاب هالضعف صعب؟ ..

طالعت الكتاب وقالت لي :ليش نظرتكم دايما جذي لبنات الادبي؟ .. يعني الكساله بس الي دشون ادبي؟؟وبعدين اذا عن الاوراق؟ فالاوراق شويه ماانكر .. بس المحتوى كبير .. ومااظن انه سهل لان فلاسفه وعلماء هم الي وضعو هالنظريات والي يشعرون فيه ...والمحتوى الي صعب تفرق بين وجة نظر افلاطون وارسطو ولا سقراط ولا حتى ابيقـ...

قاطعتها وانا احسها تعادت من بنت عمها اعوذ بالله من طاريها: بس بس جنج تعاديتي من بنت عمج بالهذرة مايسوى علي تحجيت .. يالله انا طالع ..

ابتسمت: الله يحفظك .. صكر الباب وراك الله يخليك ..

لو تسمعها امي بتقص لسانها .. كم مرة امي تقول لها لا تتكلمين بهالطريقه جنج بنت فقارة .. انتي بنت السفير بنت اغنى الريايل الي بالدوحة وجذي تتحجين؟ .. امي ماتحب تواضع سلوى .. وانا بعد احس تواضعها فاق الحد المناسب لمركزها ..

اه .. تنهدت .. وانا افكر من يديد .. مسكت سويج السيارة .. وتوجهت للسيارة بطلع .. درت بالشوارع متملل .. وخصوصا ان رفيجي مسافر ورفيجي الثاني دكتور مب فاضي للهياته .. من الملل .. مريت على كافتيريا .. وشريت لي عصير .. وطرت علي سلوى .. وشريت لها عصير وسندويتشات .. ورجعت البيت وقلت للخدامة توديه فوق غرفتها

<بطران هالكثر اكل وعصير وساندويتشات في البيت وطالع يشتري من برع .. وبالاخير ينقط الاكل بالزباله !!!

^^^^^^^^^^

تبغي تدرس بس امها ذابحتها كل ساعه مدخله لها عصير شكل .. ولاسندويتشات .. ولا تخليها ترتاح وتقومها تساعدها بالحفظ .. حست بملل .. باقي لها 20 صفحة بالضبط ماخلصتهم .. والليل خيم على مدينة الدوحة .. درست اول شي من الملزمة .. والحين تدرس من الكتاب ..

جفت امي داشه بصينيه الجاي وحبات البسكويت مزينة الصحن: يمــــة ابي ادرس والله مو يوعانه ...

امي:يمة حبيبتي لازم تاكلين وتتغذين حتى مخج يستوعب المعلومات

انشغلت بالاوراق ومارديت على امي .. مسكت كوب الجاي وخذت رشفه وقعدت احفظ .. وماانتبهت على نفسي الا وامي تقومني لصلاة الصبح.. قمت ومسحت ويهي بفزع: يمة قايله لج قوميني الساعه ثلاث .. طالعت ساعتي الي تشير للساعه 5 الحين شلون بخلص الفلسفه كلها؟ .. ياتني الصيحـه .. بس مسكت نفسي دشيت الحمام غسلت ويهي .. وتوضيت طلعت صليت .. وقعدت ادرس وانا على سيادتي لعل وعسى ينحفظ شي وانا ع السيادة ..

مر الوقت سريــع .. سريــع .. موووت ..

دشت امي علي : يمة سارة قومي تجهزي للمدرسة .. صارت الساعه 7 الا ربع ..

من سمعت الوقت وانا احس بمغص ببطني .. وبسرعه طيران رحت الحمام

طلعت وانا ماسكة بطني .. يعورني بشكل .. مايسوى علينا هالفلسفه .. اخخ يابطني ..

تجهزت ولبست وانا اسمع لنفسي واصكر ازارير ثيابي .. مشطت شعري وانشغلت وماجفت الوقت الا يدش علي يوسف : ئمة تارة يدتي تقول تاعه تبع وخمت ددايد (عمة سارة يدتي تقول ساعه سبع وخمس دقايق)

نقزت ساعه سبع وخمس .. تذكرت اني ماقاعدة اسمع لنفسي .. ياحظي مالت علي .. بسرعه قعدت اسمع لنفسي وطلعت من غرفتي على طول للصاله .. شربت الحليب الحار الي مسويته امي بالزعفران .. المهم خذت رشفتين ورديت اكمل دراسه .. صارت الساعه 7 وثلث .. طلعت بعد ماودعت امي وحلفتها تدعيلي لين ماارد من الامتحان ..

طول الطريج كان زحمة عشان جذي وصلت متاخر عن العادة .. توجهت للجنه .. وفصخت عبايتي وشيلتي وطبقتهم باهمال وحطيتهم بشنطتي .. طلعت كتابي واوراقي .. واتوجهت صوب الشله ..قعدت صوب سلوي : سلوووووووووي وين وصلتي؟

سلوى طالعتني بتوتر كبير : عند افلاطون باقي لي ثلاث ادروس ياربي متى اخلص ..

نطت وعد مرة وحدة : بنات بنات شنهي العلل الي عند ارسطو

ياتني الضحكة وقلت لها العله الاولى: الي حاط الامتحان
العله الثانيه : المصحح
العله الثالثه: المدقق
العله الرابعه: الوزييييييييير

البنات:ههههههههههههههههههههههههههههههههههههههههه

ضحكوا البنات ضربتني وعد: ساروه بلا عبط

ضحكت وقلت لها تفتح الصفحه.. والعلل الي عند ارسطو هي .. العلة الاولى : العله الماديه
العله الثانيه: العله الصورريه
العله الثالثه : العله الفاعله
العله الرابعه: العله الغائيه..وبعدها رديت ادرس ..

ضحكت وقلت لها تفتح الصفحه .. رديت ادرس .. رن الجرس .. والبنات من كل جهه يصارخون .. وتروني .. دخلت الكتاب بالشنطة وتوجهت للجنه .. سميت بالله .. وقريت ايه الكرسي سبع مرات وزعوا علينا الاوراق ومن الربكة كتبت رقم جلوسي غلط يابوا لي ورقة ثانيه وكتبت اسم المدرسة غلط ... ياربي علي .. يابو لي ورقه والمراقبه وراي تراقب الي اكتبه .. وبعد ماهديت .. قعدت احل الاسئله .. بصراحة الفقرات الي يابوها صعبه صعبه صعبه .. الله يعين جم ايب بس .. خلصت بسرعه .. وراجعت والحمدلله وطلعت .. جفت البنات هناك

وعد+شيخوه+سلوي+منار + منال+ مريم+الهام+شيماء= شسويييييييييييييتي ساروه

نقزت: يعلكم بريل حول طيحتوا قلبي ..

سلوى: اخلصي علينا شسويتي؟

ابتسمت: الاسئله سهله بس الفقرات تذبح

شيوم: بما ان خلصنا الامتحانات بقولكم نكت

الهام تضحك: هاتي اشوف

ابتسمت: ترا للحين ماقالت النكته عشان تضحكين

ابتسمو وانحرجت الهامو: ساروه وويع

ضحكت:يويعج يا ام سعيد

عصبت الهاموا: انتي ام سعيد

ضحكت: صج تتحجين نفسها مثل العيايز

الهاموه بحرة: عيل انتي ام خماس

ضحكت:هههههههه شهادتي بلساني

فلعتني الهاموه بالكتاب: سوووير

شيوم بحرقه: يالنوق انتي وياها سمعو

وعد: قولي

شيوم: يقولكم اخذ شوقي ووولعي وحمدي وصبري .. شيطلع؟

جفناها: شيطلع؟

ضحكت شيوم وقالت بطريقه مضحكة: شله صعايدة

مت من الضحك عبالي حب ولا شي ههههههههههههه

شيوم : سمعوا سمعو .. يقولكم في واحد خال احترقت مدرسة الليلي سجلوه غياب

ضحكت وضربت شيوم: شيموه ولعنه حرام عليج ههههههههه

وعد: هاي وهي خاله وتتمصخر على نفسها

شيوم: عادي تيك ات ايزي.. سمعوا سمعوا .. يقولكم محشش جاف لوحة مكتوب عليها مزرعه ابقار .. قال للزراعين شلون تزرعون البقر .. قالو له رش الشكر ع الارض وارويها .. وهالغبي يروح ويسوي نفس الشي ويجوف النمل متيمعين ع الارض يقول ياحلات البقر وهم صغار

متنا من الضحك: شيوم وويعه بس خلاص

شيخو : سمعو سمعو .. يقولكم عيوزة حرقت بيتها ليش

ضحكت وقلت : تبغي تغني ناري ناري .. ناري من جمالوه .. حبيبي ده

شيخوه ضحكت: سامعتها؟

قلت: وشاربه فوقها ماي بعد!

بعد السوالف والنكت والضحك .. توادعنا .. سلوي فتحت مناحه .. شحقه ماادري عنها .. المهم وصلت البيت وقعدت اصارخ ... كلهم طلعو مفجوعين .. شسالفه؟ ..

ركضت ولميت امي وقعدت ابوسها .. استغربت جفت عمي موجود ببيتنا .. عسا ماشر؟ .. عمي من سنين طويله ماايي بيتنا .. حتى بالمناسبات احنا نروح بيتهم ولامرة ياو بيتنا .. ؟؟!

سلمت وبعد السلام والسوالف .. رحت داري بدلت ثيابي .. كنت ابغي اتسبح بس ماتفيجت ..

قطيت نفسي ع المخدة .. وطرت لعالم ثــــــــــــــــــــــاني ..

^^^^^^^^^^^^
ام محمد : يمة روح ابوك يبيك

عقد حواجبه شيبي فيه ابوه؟: لايكون يبيه يطلع من شغله .. ؟؟

دخل سالم واشر على ويهي : شفيك؟

هزيت جتفي: ولاشي .. تيي معاي؟

سالم حرك يده بسرعه : لالالا طيارتي بعد ساعه

عقدت حواجبي ورحت للمكتب الفخم ..

شيبي ابوي؟؟ اتوقع عشان الشغل اوفففف ياحب العيله للفشخرة

^^^^^^^^^^^^

قعدت مقهورة واهز ريولي .. هز .. اوففف وينه علي تأخر؟ .. اتصلت عليه ..

علي: هلا حبيبي ..

قلت بعيله: وينك تأخرت (كملت بوقاحه) تمللت عند هلك ..

علي بزعل: لولو قلبي شهالحجي ...

تأففت بداخلي: حبيبي محد قاعد عندي .. متملله ..

علي: حبي انا عند الباب .. ادخل واسلم ونروح

قلت بوقاحه اكبر: لالالا لاتدش بنزل ونرد البيت

علي: حبي مب حلوة بحقي ايي بيت ابوي وماانزل اسلم ..

قلت بملل: اوكي انزل .,..

صكرت منه وانا احس بضجر .. مااحبهم مااطيقهم .. الا امل بعد قلبي .. ولا الباقي لوعه جبد ..

ام علي: بنتي ماتبين قهوه؟

قلت بسخريه: مااحب قهوتكم احب التركش

ام علي باستغراب: يمة ماعندنا فركش عندنا اقهوه

زفرت بضيق : اوووهو ..

دش علي وسلم على امه ..والاخ داق سوالف وياهم وويا خواته .. ولا وحدة فيهم تحبني وانا بالمثل .. مالت عليهم من خوات ريل .. هه .. مالت .. شوي وانزلت امل .. فديتها هالوحيدة الي احبها امبينهم ولا جنهم خوات ..

قعدت صوبي: لولو حبي .. ابي مشورتج؟ ..

ابتسمت طريقتها نفس طريقه علي بالحجي بس الشخصيه كلش غير :امري عيوني؟ ..

امل بابتسامة: مايامر عليج عدو .. مممم ..

قبل لاتنطق بحرف قام علي وقال: يالله يمة نترخص احنا ..

جافتني امل بتوسل عشان اتم .. شنو مينونة؟ ولاا مينونة .. انا ماصدقت يقوم هذا صار له نص ساعه يسولف وماشبع .. مابغى يقوم وتبيني امول الغبيه اقعد؟ .. اشرت لها بالفون .. وفهمت علي وهزت راسها بحيرة ..

طلعت من عندهم بدون مااودعهم اوفففف مااطيقهم يعل ربي ياخذهم هالوحوش ..

دخلت السيارة بضيج .. وصكرت الباب وراي وحسيته بينجلع .. شسوي اطلع قهرب بباب السيارة ..

قعدت بالسيارة .. مسك يدي علي : حبيبي بنروح نتعشى بالمطعم .. اوكي؟ ..

فرحـــــــــــت شكثـــر واخيرا بطلع .. من يومين وانا محكورة واحس نفسي بموت من الحكرة .. بسرعه تغير مزاجي وصرت اضحك واسولف ويا علي .. مع بعض التحفظات ..

ومر الوقت سريع .. وماحسيت فيه .. الا واحنا راجعين البيت ..

^^^^^^^^^^^^^^6

:شنو ... يمة انتي من صجج؟؟ .. انا اتزوجه؟ مستحيــــــــــل مستحـــــــــــــيل .. مب ماخذته وسوو الي بتسونة

امي ؟: يايمة ..ولد عمج مافي احسن منه .. شلون تردين عمج

جفتها باتينن .. مستحيل مستحيل .. توني قايمة من النوم .. ماادري هاي حلم ولا صج ..ياربي لا .. لا

صرخت بـ: مستحيل مب ماخذته .. وبقولها لعمي بصريح العبارة .. لااااااااااااااااااااااااااا

بسرعة فزيت .. وطالعتهم باستغراب..طالعت حولي باستغراب .. ابي اعرف هاي حلم؟ حقيقه؟ .. خيال؟ .. ولا ايش بالضبط

ماحسيت الا بعمي يصرخ فيني : تخسين الا انتي ماتاخذين ولدي ..وهذي لحيتي بحلقها جانج مااخذتيه ..

طالعته برعب .. من وين طلع هذا؟ .. يعني صج مب حلم؟ .. توترت والعرق بدا يتصبب من جبيني .. وصرخت : ما باخذه ماباخذه لو يكون اخر ريال ..

صطار كان كافي يرقدها على الارض وريله داست جبينها: لاتجبريني اسوي الي ابغيه بدون موافقتج .. تراني ولي امرج .. وعندي توكيل بكل شي واقدر ازوجج منه هالدقيقه ..

صاحت وهي الي ماتصيح على أي شي : عندي اخوي .. اخوي حي .. اخوي وهو ولي امري

الطفل البرئ يطالعهم ومرة وحده هجم على العم والعم حذفاه بقوة على الطوفه : بعد اسبوع الملجة وان سمعت أي اعتراض والله وهذاني اقسمت لزوجج اياه من فير الله ..

قعدت تصيح وتنتحب .. مستحيل .. مستحيل تاخذه ... مستحيل .. بس مافي مفر من الواقع .. افكار وايدة تراكمت براسها ذيج الحزة .. وماتدري تنفذهم ولا لاء ..

09-27-2010, 07:58 AM

انا : قمرهم كلهم

اضفني كصديق

قمت من على الارض وانا اصيييح .. واتمنى لو صياحي اييب فايدة .. كان ودي اتفل على عمي .. بس لا .. هذي مب تربيتي .. طالعت امي بألم وهي تصيح وتمش دموعها بطرف شيلتها .. طالعت مرام الي دموعها تارسه عينها وتقوم ولدها يوسف .. اما يوسف فكان يصيح بجنون .. ومن جافني اترنح بقومتي .. ركض وفلع عمرة علي .. ماكنت بوعيي .. طحت ع الارض .. وماادري شصار بعدها .. فتحت عيني لقيت نفسي على فراشي وسريري .. وامي تصيح .. مسكت يد امي بتعب .. ماابغيها تصيح .. انا من اكون عشان تنزل دموعها الغاليه علي .. لكن هين ياعمي هين .. صدقني ولدك ماباخذه .. بأي طريقه حتى لو كان الثمن حياتي ..

امي وهي تصيح : يمة اوعديني ..

طالعتها باستغراب .. وقلت باستنكار : اوعدج؟ .. يمة انتي لو تبين حياتي فدوة لج ..

صاحت امي زيادة .. وبيدي الي ترتجف مسحت دموعها : يمة ليش تصيحين .. خلاص قمت مافيني شي؟!

امي : وعديني ياسارة انج ماتخالفين عمج .. يايمة هو الي بقى لنا بالدنيا بعد اخوج ..

طالعتها بحدة .. وبعدين خففت نظرتي مهما يكون هذي امي .. بس بعد هذي حياتي شلون اكملها ويا واحد مينون؟ : يمة ترضين يزوجني هالمينون؟ والله عندي سالم اهون منه .. (حسيت دموعي بتنزل من عيني .. عشان جذي غمضتهم بقوة وكملت) يمة شلون ترضينها على بنتج؟ .. تاخذ واحد مينون (كررت الجمله وانا مستغربه من امي الي مصره على هالزواج ..). يايمة مينون مهب عاقل .. لو ماجد هني بيرضى؟ بيرضى يايمة؟ ..

زادت دموع امي: بسج عتاب يايمة .. وولد عمج مهب مينون .. ليش جذي تقولين عنه؟

كان ودي اصرخ وافجر كل شي .. كان ودي دموعي تنزل تهون علي .. بس ماادري ليش مصرين يحرقون عيني وماينزلون : يمة تبين تدفنيني .. تبين تدفنين شبابي معاه يايمة؟؟

سكت ماابغي اعذب امي اكثر ..مسحت دموعها بيديني : بتزوجة يايمة بتزوجه .. اذا كان هالشي يرضيج ..

كنت ادري ان امي تعيش بصراع .. لان عمي هو المسؤل الاول بعد اخوي .. واخوي مسافر ومايدري .. لمعت ببالي فكرة .. ابتسمت وجني متخبله .. توني اصيح واعاتب والحين شوي وينشق حلجي ..:يمة خلاص انا موافقه .. وباقتناع ..

ابتسمت امي .. وحبتني على قدلتي: الله يكملج بعقلج يايمة ..

طلعت امي ومن طلعت نقزت من سريري ورحت اقفل الباب .. مسكت التيلفون .. واتصلت .. لكنه رن ورن ورن .. ومحد يرد .. ياربي .. صكرت .. ومرة ثانيه رديت اتصل .. وينك ياماجد ليش ماترد؟؟

توترت .. يارب يرد .. يارب .. حرام عليك ياماجد انته املي الوحيد .. بليز رد علي .. بليز .. ضليت اتصل ةاتصل واتصل .. تقريبا فوق ال7 مرات .. وماجد مايرد .. يوووه ياماجد يوم احتاجك ماترد علي .. وماتكون يمي ..

صكرت الموبايل وبسرعه هجمت ع الكمبيوتر .. فتحته بسرعه .. وكان بطئ وانا مافيني صبر .. هزيت ريولي بتوتر وعيله .. يالله فتح .. فتح .. انقهرت ضربت الكمبيوتر بكل قهر .. حتى اني تعورت .. ويدي صارت حمرررة .. هاي مب مهم الحين .. يالله .. انفتح واخيرا .. ابتسمت .. بس بنفس الوقت خفت ليش ماادري؟

^^^^^^^^^^^

ظليت اطالعه بصدمة .. من صجكم؟ .. تسمعونه شيقول؟ .. ههه .. يبغيني اتزوج سوير ماغيرها؟ .. ليش قلو بنات الديرة؟ .. يوم قلت له ابغي اتزوج البنيه الي احبها رفض .. وكاهي طارت من يدي ..وسكت وماقلت شي .. مانطقت .. الحين يبون يزوجوني سوير؟ .. سوير؟ .. مالقوا الا سوير؟ .. اصلا انا ماابي اتزوج ..

قلت بصدمة : يبه انته من صجك؟ .. انا اخذ بنت اخوك؟ ..يبة انا قلت لك بتزوج الـ

قاطعني ابوي : كم مرة قلت لك انها مب من مستوانا .. ومستحيل نزوجك اياها .. تراها اتزوجت ..

قلت بسرعه: بتتطلق .. بتتطلق .. وباخذها انا .. الله يخليك يبه

صرخ ابوي : منصور ماني بعايد الكلمة مرتين .. بتتزوجها يعني بتتزوجها

قلت بصدمة: يبه انته جذي تحـ

قطعني للمرة الالف : منصــــور .. لو بترد وبتعيد وتزيد بقول لك الي كنت تبغيها تزوجت وهي مب مستعدة تتطلق عشانك .. لاتنسى من ريلها .. وبعدين هي الي هدتك ..لاتقعد تسوي فيها المظلوم .. انته ماتفهم ماتبغيك .. ماعندك دم انته؟

قلت له بضعف: تحبني .. تحبني .. انتو الي رفضتوها .. كانت تبغيني .. انتو الي مازوجتوني اياها ..

قال لي بعصبيه: لو تقدمت مع ريلها كانت بتدوسك .. للحين قاصه عليك وتقول لك احبك ومن هالخرابيط؟ .. في حب بهالزمن؟؟؟ ..

قلت بمحاوله اخيرة : امي مابترضى .. امي ماتحبها بعد ..

ابتسم ابوي : لا هالمرة امك الي اقترحت هالاقتراح .. على فكرة الاسبوع الي بيي ملجتك عليها .. ومابي أي اعتراض ..

عطاني جتفه وطلع .. ظليت اطالعه مصدوم .. انا اتزوج سارة؟ .. وامي موافقه؟ .. وملجتنا الاسبوع الي بيي؟ الله لايقوله .. ليش ابوي لهالدرجة واثق انها بترضى؟ .. عقدت حواجبي بضيج .. للحيني مب مصدق .. انا اخذ ساروه؟ ياليت فيها جمال يمكن اسكت وابلع لساني .. لاجمال ولا لسان حلو .. هه .. مالت على الحظ .. طالعت الباب بحدة يوم جفت امي تدش قلت بغضب: يمة مالقيتوا الا سارة؟ البنيه الي احبها حرمتوني منها .. وتبون .. تبون تزوجوني لبنت اخو ريلج؟ ليش؟ لييييييش؟

قعدتني امي : انا بفهمك ياولدي ..

^^^^^^^

كنت قاعدة بالصاله واجوف التلفزيون وعيال محمد يلعبون حواليني "ميرة .. منيرة .. <تووم" فجأة سمعت صوت صرااخ امي .. يمة شفيها؟ .. فزيت من مكاني وركضت لمصدر الصوت .. كانت بالمكتبه .. فتحت الباب بقوة .. وانصدمت من الي جفته ..

منصور طايح ع الارض وامي تحاول تقومة ..

ركضت لعندهم وانا مااعرف شسوي .. كنت ارتجف: يمة؟ .. شصاير؟!

امي تطالع منصور بخوف: كنت اقنعه يتزوج .. ومرة وحدة طاح علي .. اتصلي بالاسعاااف ..

ركضت بسرعه وانا اسد حلجي .. يعرفون منصور من زماان انه مايبي يتزوج .. خصوصا بعد مارفضت امي البنيه الي يحبها ..

كفايه انهم هم الي وصلوه للعيادة النفسيه .. بسبتهم .. دمعه طفحت من عيني بعد ماصكرت التلفون .. حتى اني ماادري شقلت للاسعاف وماادري جان عطيتهم رقم البيت صح ولا لاء؟ ..

ركضت للمكتبه .. ومنيرة وميرة يلحقوني .. جفنا امي واقفه وهي مرعوبه .. رحت اييب ماي عشان نصحيه .. بس بهالوقت انفتح الباب والاسعاف دخلو .. شلو منصور .. وامي لبست شيلتها وعبايتها وراحت قالت للدريول يفتح السيارة عشان يوديها المستشفى ..امي ماادري متى بتتنازل عن غرورها .. حتى ومنصور مريض ماتبي تدخل ااسعاف ...عشان مايقولون مرت السفير تركب اسعاف؟ ..

تنهدت وركضت بسرعه للسيارة بعد ماتخبطت كمن مرة ..عدلت شيلتي .. اليوم ثاني يوم من اجازتنا واخوي منصور طايح الله يعين بقيه الاجازة .. ياتني الصيحة على الرغم من ان منصور بعيد عني .. الا انه قلبه طيب .. من سنة تقريبا .. منصور يا لابوي يقول له يخطب بنيه يحبها.. وابوي ماوافق لانها مب من بنات الكباريه بقطر .. وامي بعد ماكانت تطيقها.. احنا جفنا البنت الي يحبها بعرس من الاعراس ..بس تصدقون مااذكر شكلها

وصلنا المستشفى في ظرف ثواني ..وخذوا منصور لغرفه من الغرف .. وبعدها نادوا على دكتوره النفساني .. بديت اتوتر .. شفيه منصور؟ .. ليش يايبين دكتوره النفساني؟ .. شوي الا ابوي واخواني كلهم موجودين .. توترت زيادة يوم تاخر الدكتور .. شفيه منصور؟ .. حتى دكتوره النفساني تأخر

بعد ربع ساعه طلع دكتور منصور النفساني .. ودكتور ثاني معاه .. بغيت اروح اسمع شيقولون .. بس محمد عطاني نظرة قويه وقالي : وقفي هني .. الريايل الي يروحون وانتو تمو هني ..

شوي ودشو غرفه الطبيب .. واااي .. مافيني صبر ... صبرنا ربع ساعه ... وظهر ابوي .. واخواني .. وويهم مليان حزن .. طالعتهم بلهفه : بشروا؟

ابوي طالعنا بحزن وقال: صدمة عصبيه .. وسكت ..

ماادري ليش حسيت بانهيار .. مسكين يامنصور .. مسكين .. غصب يبون يزوجونك ..

بس لو اعرف بيزوجونه من؟ ..

ياترى من بيزوجونه؟ .. ليش ابوي جي قاسي على منصور؟ ..

^^^^^^^^^^^^^

قمت الصبح متأخرة .. عشان جذي ماقومت علي بسرعه .. وبعدين عادي .. الشركة شركته لو يتأخر محد يقوله شي .. تحركت من الفراش وهزيت علي: حبي قوم ..

فتح عيونة بعد مدة: صباح الخير؟

ابتسمت: صباح النور .. حبي يالله قوم تأخرت ع الدوام ..

تقلب للجهه الثانيه: بعدين بعدين ..

ابتسمت وتدلعت: علـــي يالله ...

ابتسم .. وقام قعد وقال لي : لعيونج يااحلى لولو .. شبتغديني اليوم؟

ضحكت وقلت : ماادري بسأل الشغالات شمسوين؟

كشر بويهه بزعل: خاطري اذوق من يدينج الحلوين .. باس اصابع يدي

ابتسمت :حبي تعرف مااعرف اطبخ <كلش!

علي :ماتبين تتعلمين حتى عشاني؟

قلت بمحايل: اتعلم ليش لا .. لحبيبي ..

ضحك علي وقال:جذي تخليني اهون ومااروح الشركة!

ضحكت .. واول مادخل الحمام سويت مالت على الباب .. اوففف .. الله يعيني عليه .. ااه .. بتقولون منافقه ؟.. بقول لكم لا بس لازم اتكيف مع هالريل العله
قمت من على الفراش بضيج .. احس رغم كل هالعز الي انا فيه .. احس باني مقيدة..من زمان ماتسوقت .. بطلب من علي يعطيني فلوس ..

بعد ساعتين بالضبط كنت بالسيتي وجمهور من الشباب يلاحقني .. حسيت بأني شخص مرغوب فيه .. الكل يتمنى رضاه .. ونظرة من عينه ..

دخلت دبنهامز .. وفي مراهقين يلاحقوني .. هه .. اخر عمري مراهقين صغار يلاحقوني .. بس يالله نتسلى ليش لا ؟ ..

احس بفجوة كبيرة بحياتي .. ليش وشنهي .. ماادري ..

^^^^^^^^^^^^^^

بعد ماطرشت الايميل .. قعدت بارتياح ع الكرسي .. اعرف ماجد مابيرضى اني اتزوج هالمينون منصور .. واكيد بيعترض عليه .. بس انا وعدت امي اني اتزوجة ... لالالا شنو انا ينيت اخذ واحد مينون؟..افكار وايد كانت براسي وبعدها
ابتسمت بوسعــه .. اخيرا خلصنا امتحاناتنا واخيرا بفتك من عمي وعياله ..

اتصلت على سلوي .. سلوي وسلطانه وماجد هم الوحيدين الي زينين من عيال عمي .. خل اعرفكم على عيال عمي ..اول شي من عيال عمي محمد متزوج مرته قشررة وعنده بنتين توأم "ميرة ومنيرة" وولد واحد "جاسم" عمرة سنتين .. وبعدة اتيي سلطانه متزوجة ولد عمها وعندها ولد عمره "6سنين" .. وبعدها سالم مغازلجي درجة اولى واكرهه انا وحياته كلها سفر .. وبعده منصور المغرور المينون وبعد اكرهه .. وبعد منصور سلووي فديت عيونها .. وبعد سلووي ماجد على اسم اخوي .. صغير عمره 6 سنين ..

اما عايلتنا فهي اول شي اخوي ماجد عمره 25 سنة كان رفيج منصور بس احين لا ..لانه يدرس بالخارج .. وبعد ماادري شلون مستحمل منصور هالمغرور ..الحمدلله ان الله فكاني منه .. المهم .. مجود اخوي متزوج مرام وعندهم ولد اسمه يوسف على اسم ابوي الله يرحمه .. وبعده انا وعمري 18 سنة ...

وين كنا؟ ايه انا كنت اتصل على سلوي .. سلوي ماترد ؟ .. يه شفيها؟؟ .. لايكون موبايلها عند امها؟ قطييييييييعه مااداني امها متشببه غصب ومغرورة على شنو ياحافظ ماادري .. المهم خلوني منها بحش فيها وبتاخذ اجري وباخذ اثمها ..

طلعت من غرفتي بعد مافلعت موبايلي على السرير .. نزلت تحت .. البيت هدوووء .. شفيهم؟ .. وين الناس؟ ..

رحت غرفه امي ماكانت موجودة .. غريبه وين رايحه امي هالحزة؟؟ ..

رحت لقسم ماجد اخوي ودقيت الباب .. ردت علي مريم بالدخول

دشيت وجفت يوسف منثر الالعاب ويصارخ ويلعب .. انا موتي يسوف فديته

قعدت العب وياه ونسيت اسأل مرام عن امي ..

يسوف فديت قلبه عمرة ثلاث سنين ..اذا جفتوه صدقوني بتموتون فيه .. تصدقون انه مايشبهني كلش كلش .. هو ماشاءالله عليه جمييل .. اصلا عليه جماااال .. ماتقولون انا عمته .. يعني انا مب قبيحه .. بس مب جميله جمال اسطوري .. مالت على ويهي هه ..

يسوف: تارررررررروة

فتحت عيني ومسكت اذنه: شنو شنو من ساروة ها؟

ضحك يسوف مستانس: انتي انتي ..

ضحكت ويريت اذونه .. صرخ وعض يدي .. صرخت بالم .. وركضت وراه .. نزل على الدري بسرعه .. عشان جذي وقفت ركض خفته يطيح هالخبل .. واول مانزل ركضت عالدري: يوسفوووووووووووه وقف

يسوفي كان يضحك: مابي مابي

ضحكت بلعانه: خلاص عيل مافي بقاله

ماكملت جملتي الا وهو فحظني ويبوس خدودي : بتوديني بتاله؟

ضحكت: انته كل الحروف عندك حرف التاء؟

ضحك بسعادة عباله رضيت وبوديه: مابوديك لاتستانس

فتح عيونة البريئه: ليييت؟ انا احبت ..

ضحكت المصلحجي: انا بعد احبك بس مافي بقاله ...

السبال عصب وضربني على صدري وفتح حلجه يصيح

استانست انه صاح .. احب اصيحه ..

نزلت مرام من على الدري : سووووويرة ام الفال سكتي ولدي ليش مصيحته؟

ركض يوسفوه لامه وضماها وهو يصيح صياح الي يقول ذابحه له حد

يسوف بجذب: تتتني مامي مابي دتتان

ضحكت: بالله عليج تفهمين شيقول هذا؟

مرام: يقول طقتني وماتبي توديني الدكان .. صج؟

فتحت عيني: لا والله؟ ضربني وبكا وسبئني واشتكى .. ولدج مو هين بعد يعرف للخرط؟

ضحكت مرام: من كثر مايقعد وياج

فتحت عيني : هين يامراموه ..

كملت وانا اطالع التلفزيون: مرووم قلت لمجود مايوافق على منصور

مرام : من صجج؟

جفتها: هاي الطريقه الوحيدة الي عندي اياها عشان ارفضه

مرام : بس ..

طالعتها بعدم اهتمام" لابس ولا شي .. الا تعالي وين امي؟ ..

طالعتني ... بعدين نزلت راسها: ها؟ .. ماادري ماادري ..

طالعتها .. شفيها مرتبكه؟ .. رديت ع السالفه الاوليه : مرووم ليش تبيني اوفق ؟ .. انتي تعرفين ان منصور مينون .. وفجأة ضحكت ... اصلا الملاج ماراح يقدر يملج لنا .. لان من شروط الزواج يكون الزوج عاقل مب مينون ..

طالعتني مرام بعتب : ريلج مب مينون .. عشانه يروح لـ عيادة نفسيه صار مينون؟ .. هاي وانتي تدرسين ادبي وتعرفين علم النفس ..

قلت لها بغيض: وعلم النفس مرضى نفسيين يعني ميانين .. مايفكرون يتصرفون ومايدرون عن تصرفاتهم

طالعتني مرام بغيض: انتي تفهمين كل شي على كيفج وهواج .. فكرتج غلط ترى

قلت بملل: انا ماعندي سالفه اتحجى عن ينون منصور ..

مرام: انتي تعذبين نفسج وغيرج .. خلاص تزوجيه ليش رافضه

وقفت بغضب وصرخت: شنو انتي ماتفهمين؟ ماطيقه ماحبه؟ وغير هاي يحب غيري ومينون؟ .. شلون تبوني اعيش وياه ؟ .. افهموا افهمـــــــــــوا ..

ركضت على الدري لفوق .. ليش مايبون يفهموني؟ ليش ..

على اخر عتبه طحت .. وذيج الساعه تذكرت الحلم الي حلمته ... لايكون القبر هي حياتي ويا منصور .. لالالا مستحيل اوافق .. مستحيل انا ماابي ادفن روحي بيديني هذي .. مااقدر اوافق .. مااقدر ...

^^^^^^^^^^^^^^

رجعنا من المستشفى .. كان منصور غريب .. تصرفاته غريبه ؟.. اسلوبه غريب .. كله يبغي يقعد ويا ماجد .. تصدقون كان يلعب وياه سوني "بلي ستيشن".. ماادري شفيه منصور ..كنت اطالعه بشفقه .. جفت امي نازله من فوق وعباتها بايدها اليمين وبايدها الثانيه شايله شنطة يدها .. وين تبغي تروح؟ .. ولدها ماصار له 4 ساعات من طلع من المستشفى ؟؟!!

سالتها باستغراب: يمة بتطلعين؟

جافتني بحده: تبيني انحبس بالبيت نفسج؟..ايه بطلع رايحة للجيران

جفتها بقله حيله .. متى بتتغير امي؟ .. شكلها تعودت على طيحات منصور وماقامت تأثر فيها : يمة .. بغيت اسألج..

جفت امي تطالعني بغباء: سألي؟

قلت وانا اجوف منصور : يمة ماتلاحظين تصرفات منصور متغيرة ؟ ..(بلعت ريجي يوم جفت امي ارتبكت .. يعني جد منصور فيه شي غير الصدمة العصبيه؟)

امي بربكة: لا شفيه يعني؟

قلت لها وانا احس بغصه: يمة تصرفاته تصرفات يهال ... اشرت لها على منصور الي يتضارب ويا ماجد من يلعب اول ..

يوم حست امي اني حاصرتها بالاسئله قالت بعصبيه: منصور بـ صدمة عصبيه وهالصدمة فقدته ذاكرته لفترة زمنيه جم بتطول ماادري .. هاه ارتحتي الحين؟ ..

شهقت وغطيت حلجي .. معقوله منصور فقد ذاكرته: يعني مابتزوجونه؟

امي بعصبيه: لا بيتزوج .. وبنفس الموعد بعد .. هاي صدمة عصبيه فقدته ذاكرته لكن احنا مابنقول لحد .. ويا ويلج ياسلوي لو نطقتي بحرف لـ احد .. لانه كلها يومين وبيرد يذكر كل شي .. ماادري الدكتور شخربط على ابوج .. وقاله ان منصور يقدر يعيش حياته طبيعي .. ومثله مثل أي انسان .. بس هو يبغي يعيش بهاي الصدمة عشان مايتزوج .. لكن ابوج حالف انه يزوجة ..(قالت بتهديد) والله ياسلووه ان سمعت انج تحجيتي بكلمة لايكون اخر يوم بحياتج بهالبيت هذا ..

طلعت امي بعصبيه ..

وانا قاعدة تحت تأثير الصدمة .. منصور فاقد ذاكرته لفترة بسيطة .. وهاي كله عشانه مايبي يتزوج ؟ .. يعني هو متعمد؟ .. طالعته .. جفته يلعب ويا ماجد ويضحكون ويتهاوشون .. ياربي منصور صاير ياهل .. شلون يتزوج .. شلون ...

هاي أي قلب عليهم ..حرام عليهم منصور فقد عقله بسبتهم .. ركضت لمنصور ولميته وقعدت اصييييييح من كل قلبي .. والله يامنصور ماتستاهل ماتستاهل

لماني منصور وقال لي ببراءة: ليش تصيحين ..؟

يوم سمعت صوته وبرائته زدت بصياحي .. منصور والله احبك .. منصور بليييز رد نفس قبل بستحمل عصبيتك وغرورك وسخريتك .. بس رد نفس قبل ..الله يخليك لا تصير ياهل .. بليييز ..

^^^^^^^^^^^

عصبت بسبب الخبر الي سمعته .. وقمت اهز ريلي بتوتر وعصبيه . معقوله ؟ .. معقوله .. ظليت اهز ريلي بقوة اكبر .. جفت علي داش علي .. اووف مب وقتك ياعلي كلش مب وقتك

قعد عندي وقال بتعب: السلام عليكم

رديت بسرعه: وعليكم ..

سكت .. شكلي من جد ابغي اتهاوش .. يارب ارحمني .. بروحي متوترة ومعصبه .. ويجي هذا .. ياربي .. طالعته بقله صبر وهو يتدلع علي .. يامصخك وبياختك .. انا اعصابي شوي وتحترق وهذا ابد ولاجنه يحس

علي: شفيه الحلو زعلان

صرخت بقوة: علي مب طايقه نفسي وقسم بالله

طالعني باستغراب .. وقرب مني : شفيج لولو .. ؟؟.. شالي مضايقج؟؟

هذا شنو؟ بلى؟.. شالي بلاني فيه : مافيني شي مافيني شي .. اوففف زهقت زهقت ..

طلعت من الغرفه بعد ماصكرت الباب باقوى ماعندي ..

مسحت يبهتي بقوة .. ياربي شفيني متوترة .. ليش هالخبر ماثر علي هالكثر .. خير ياطير اصلا من يكون عشان يوترني جذي ...

خلني اروح اراضي علي .. بعد هذا زعله قوي .. مالي غيره .. ومضطرة ارضيه ..

^^^^^^^^^^^

.. شفيها لولوة؟ اليوم وايد متغيرة علي؟ .. ااه .. خلوني اقول لكم شلون تعرفت على لولوة .. بصراحة جفتها بالمول واعجبتني .. وخليت امل اختي تتقرب منها .. وخطبتها .. هي من عايله متوسطة .. وعليها جمال .. يذبح .. بس تبون الصج .. شخصيتها شوي متسلطة وقويه .. وانا مااحب المرة القويه .. احب المرة الخجوله .. احس فعلا اني رجل .. وهي انثى .. مب انا قوي وهي بعد .. ماادري شفيها متعكر مزاجها ..
يالله تعودت ..

دخلت الحمام وتسبحت .. طلعت وانسدحت ع السرير مع اني كنت ميت يوع .. الا ان نفسي انسدت بسببها .. انبطحت وظليت اطالع السقف .. دقايق ودشت لولوة .. قعدت على طرف السرير .. وظلت ساكته .. وبعدها نطقت : حبيبي ...

مارديت عليها .. صحيح احبها .. لكن ماتعجبني طريقتها .. مرة معصبه ومرة هاديه .. وعلي انا استحملها .. مابرد عليها .. خلها تحس؟.. لكنها وين تحس ... طلعت من الدار مرة ثانيه

تنهدت بضيج ..
وصكرت عيوني عشان ارقد

^^^^^^
منسدحة على سريرها وتخطط للصيف وللطلعات .. ومخططة بعد تسافر امريكا لاخوها .. وياامها ومرت اخوها .. ياربي شكثر اشتقت لمجود .. اوووه صح .. خل افتح الكمبيوتر الزفت اجوف ردة ... غريبه صار له يومين مااتصل على البيت ؟؟ ..

فتحت الكمبيوتر .. وكبعا ساعه لين ماينفتح .. طلعت برع اخذ لي ماي واارد اقعد علي .. كانت امي تكلم مرام .. واول مادخلت سكتو الثنتين والجو كان متكهرب .. يه شفيهم؟ .. ليش سكتو؟؟

رفعت حاجب من حواجبي باستغراب .. ورحت المطبخ .. وطلعت بيدي الماي ونفس الشي .. كان يتحجون .. وسكتو يوم جافوني .. اثاروا فضولي .. شفيهم؟؟ .. شصاير؟؟ .. يــــــــــه؟؟؟

رحت لغرفتي .. وجفت الكمبيوتر امبطل .. بسرعه رحت لعنده .. تحمست اقرا رد مجود وهو معصب ومب راضي على خطبة منصور لي .. فتحت ايميلي .. رحت للصندوق البريدي .. مالقيت شي .. فاضي ...
يه؟ .. وين رساله مجود؟ معقوله رسلي ع ايميلي الثاني؟ .. دخلت ايميلي الثاني وهم مافيه شي؟ .. لالالا شكلي دخلت ايميل غلط .. كتبت ايميلي من يديد والباس ورد .. بس بعد الصندوق فاضي .. مافيه شي؟؟؟

شدعوة؟ .. قعدت ادور بايميلاتي كلهم جني مينونة .. ياربي وينه هذا؟ على اي ايميل مطرش؟ .. توترت .. قلبت الكمبيوتر فوق تحت.. دخلت كل ايميلاتي؟ .. مالقيت رد .. ويييه .. لايكون ماطرشت وماضربت ارسال؟ .. بسرعه رحت وكتبت رساله يديدة وطرشته له .. وقعدت انتظر .. ربع ساعه .. نص ساعه .. وابد مافي رد ..

غيرت رايي .. وطلعت .. قررت اشغل نفسي وارد مرة ثانيه واجوف ردة

جفت امي منبطحة على الارض وعندها يسوف يلعب وياها .. وكل ساعه يغطي ويها ويفتحه ويضحك بصوت عالي .. فديييته ابتسمت : مرااام .. مااتصل ماجد؟

ابتسمت مرام: لا والله من يومين مااتصل .. نتصل عليه مايرد ..

ياربي شالحظ .. يوم نبغيه مايرد .. هين يامجود .. انا اعرف لك ..رن التيلفون .. رديت :الو ؟؟...

وقفت بسرعه :هـــــــــــا؟؟؟؟

09-27-2010, 07:59 AM

انا : قمرهم كلهم

اضفني كصديق

الــ ح ــياة صــراع .. نمثله اح ــنا بتصرفاتنــا
مرة تغلبـنا .. ومرة نغلبـها

ركضت على الدري بسرعه ورحت داري ورديت الباب :سلووووووي شفيج؟

ماسمعت غير شهقاتها العاليه جواب لسؤالي .. تخرعت شفيها سلوي؟ .. شصاير؟ .. لايكون صاير فيهم شي؟ ولاحد منهم مات؟ ..لالالالا صح انا مااداني امها ولا عيالها الا سلطانه وماجد وهي ..بس بعد مااتمنى لهم الموت .. .. ولا أي شي يصيح سلوي بعد قلبي

:سلوووي انا يايه الحيــن

صكرت من سلوي وركضت لبست عبايتي وشيلتي .. نزلت تحت وانا مااشوف دربي عدل حتى اني بغيت اتعثر بس الحمدلله حافظت على توازني .. قلت بسرعه وانا اجوف امي واول ماوصلت للباب: يمة انا بروح لسلوي وبعد ساعه برد ..

ماسمعت ردهم وركضت للسيارة :كريم روح لبيت ماما سلوى

قعدت بالسيارة وانا اكل بنفسي اكال شفيها سلوى؟ ليش جي كانت تصيح؟ .. يارب مافيهم شي يارب .. قعدت افكر وانا متوترة ايه يمكن عشان جذي امي ومرام خشوا عني ؟ شكله الي فسلوى جايد.. يارب انك تستر ..

جفت شوارع الدوحة وانا اتمنى اللحظات تمر اسرع .. لكن للاسف حظي نحس .. والشوارع كانت زحمة .. قفلت الباب بيدي خفت اتهور وانزل من السيارة واروح بيتهم مشي .. حكيت جبيني .. ياربي والله اني مب قادرة اصبر ...

بعد خمس دقايق كنت عند بيت كبيـــر واسـع .. الزرع والخضرة منزينين حوش البيت .. دخلت للبيت بعد ماقطعت مسافه كبيرة .. كنت امشي بسرعه .. دخلت البيت .. بسرعه تعلقت انظاري بالصاله .. كان فيها حركة ..

جفت واحد منسدح ويلعب ويا ماجد بلي ستيشن؟ ... غريبه في احد من عيال عمي يهتم بمجود؟ .. هزيت جتفي .. وماان تذكرت سلوى .. حتى ركضت على الدري حتى بدون مااسلم .. اكيد سالم الي يلعب وياه ..

تعبت .. الدري طووييل .. ياريت صعدت باللفت "الاصنصير" .. دخلت غرفتها لقيتها كالعادة راميه نفسها ع السرير ولامه مخدتها وتصيح .. ياربي الله يعين هالمخدة اكيد لو بيسألونها بتقول شيلو سلوي الصياحه عني .. لاحول ..

دخلت وصكرت الباب .. ورحت عندها .. : سلوي ليش هالصياح ..

من جافتني هدت المخدة ولمتني وتمت تصيح .. وتصيح .. ماسألتها شفيها .. انتظرها تهدى .. هاي طبعي ..
قعدت تصييييح .. صياح عـور قلبي .. شفيها ليش جي تصيح .. شوي وهدت .. وظلت مركزة على زاويه من الدار وجنها ماتبي تتكلم بالموضوع .. ليش على كييييييييفها هادة بيتنا ويايتها واخر شي تنطم < ههههه طلع ينوني ..

انا: سلووووي ..

سلوى بهدوء: هلا ..

انبطت جبدي توها تصيح والحين باردة .. وااااي ياسلوي اتعرفين اني حاااارة ومااحب البرووود: شفيج؟

سلوى : ماادري .. يمكن خايفه من النتيجه

ياربي!! هاي الي بذبحها .. فاتحه هالمناحه كلها .. بس عشان النتيجة .. تقدرون تناولوني كيبوردكم اكفخها فيه واكسر فيه راسها .. صربتها على راسها: خرعتيني يالساحرة.. عبالي شي ..من ساعه قالبه الدنيا وتصيحين صياح عشان امتحان؟ .. صج فرااااغه ..

ضربتني على راسي: ولا جنج بثانويه عامه .. ياحبيبتي هاي سنة مصير يعني يحدد مصيرج مو نفس السنين الي قبل

ضحكت بملل: عادي ترا يبتي نسبه مايبتي ترا الجامعه مابتقبلج الا بتوفل يعني سلمي على شهادتج واشربي عليها ماي

بوزت سلوي: ايه والله صدقتي ..

قلت لها: يالله انا الحين بروح بيتنا

جافتني سلوى بصدمة: من الحييين؟ توة ماصار لج نص ساعه

سويت نفسي مستحيه عشان يبين اني عروووس وبعدين ينصدمون برد ماجد خخخخخ .. اما يتفشل عمي .. ومايحط عينه بعيني حزتها .. اللله .. الدنيا مابتوسع لي هههههههه : وييه عروس لازم ..

طالعتني بصدمة وبعدين ابتسمت بس كانت حزينة .. ياربي ياسلوي مايسوى علينا هالامتحانات : تعالي تعالي نروح لغرفه سلوم

ضربتني على راسي: استحي على ويهج بتصيرين مرت اخوه وتدشين حجرته

لالالالالاا لاتفهموني غلط .. بس انا تعجبني عطور سللوم بنروح نرش لنا ونطلع .. والله مافي بيني وبينه أي شي .. لاتفكرون جذي فيني ..!!

قلت لها بعبط: بس بنروح ناخذ توقيعه وبنرد

ضربتني على راسي: هبله وعبيطة

مسكت راسي: اااي شفيكم على راسي والله انه صغيرون جي تضربيني؟ <سويت نفسي بصيح نفسها

سلوى:هههههههههههههههههه ساروة الله يعين منصور على هبالتج

<الله يعيني انا عليه هالعله خخخخ اصلا لا بيعيني ولا بيعينه ان شاء الله الزواج مايتم ..

رحنا لغرفه سلوم وكان المكيييف بااااارد .. وظلااااااام .. تخرعت .. لايكون سلووة الدبه تدري ان اخوها هني وماقالت لي .. لاياربي .. همست لها: اخوج راقد؟ امشي نطلع

سلوى بصوت عالي : شفيج ليش؟

سديت حلجها : اشششششش

هاي ايل بتفضحنا الحين ..

ضحكت سلوي؟:ماتوقعتج جبانه .. سلوم مسافر

تنفست براحه اوففف .. الحمدلله : خخخخ .. مو عن جبانه بس عيب يعني ندش وهو هني .. هاي كله مسافر ولا مرة يت بيتكم وكان موجود

سلوي : وييييييييه من متى الادب نازل عليج؟ عيب اونه!! .. خخخ مرته بتستانس عليه كل يوم مسافر مكان

ضحكت بطنازة: صج ولد سفير.. ياقلب يانا مؤداااااااااااااااباااااااااااااا <مديتها مثل المصاروة ..

سلوي: يالله يالله خلصيني ..

فتحنا الليتات .. وقعدت اجوف عطورة .. تعجبني عطور الريايل .. كشششخة .. ريحتها اتينن .. احب عطور الريايل .. ريحتها ماتروح بسرعه .. وهم قويه .. ااه .. اسرة اسررره عطورهم ..

قعدت اجوف واشم العطور .. رشيت عطر على يدي .. والعطر الثاني سبحت سلوي فيه .. هههههههههههههه تهاوشت وياي سلوي "ك: يالزفته الحين عبالهم صرت بويه

ضحكت عليها:ههههههههههههههههههههههههه .. امشي يالبويه

ضربتني على راسي .. يــــــه شفيها على راسي؟ .. سمعنا صوت .. ويه .. تجمدت ريلي .. مااقدر احركها .. ويه ويه ويه .. اذا جافونا طالعين من حجرة سالم شبيقولون .. واااي ياربي .. لايكون سلوم رد؟ .. بروحه مايطيقني .. تصدقون ماجايفته يمكن لي 3 ماادري 4 سنين .. لاهو يحبني ولا انا .. سبحان الله شعور متبادل .. ههههههههههه

نزلنا تحت بسلام .. ومحد كان بالصاله .. كنت بروح بيتنا .. بس ماادري ليش سلوى كانت مصرة نقعد برع .. قعدنا بالحديقه .. وسلوي تضحك: يعني كلها اسبوع . وانتي عندنا بالبيت ..

انصدمت .. على كيفهم .. قالو ملجة بعد اسبوع .. عقدت حواجبي .. شيخطط له عمي؟ .. معقوله منصور مااعترض؟ .. والبنيه الي يحبها .. بيخليها عشاني؟ .. ليش؟ .. وايد افكار براسي .. ومااعرف شاارد على هالاسئله

عقدت حواجبي . وبعدين حسيت النور انحجب .. الشمس كانت داقه بعيني الحين احس خفت حدتها .. طالعت مكان الشمس .. شفت واحد عريض طويييل .. ياي صوبنا .. بسرعه قمت مابي اتجابل ويا احد من عيال عمي .. قلت لسلوي الدريول ينطرني .. وبسرعه حتى ماسلمت عليها عطيتها ظهري ومشيت بسرعه رايحة صوب باب البيت

دشيت السيارة وقلبي يضرب طبول .. ماادري هل لاني ركضت ولا لاني كنت خايفه .. انا ليش خايفه المواجهه .. ليش انا جبانه؟

^^^^^^^^^^^^^^^^

التفت وراي .. جفت منصور بعد خطوتين بيوصل عندي .. عشان جذي سروي راحت .. اونه تسوي نفسها مستحيه خخخخ .. مسكينه ماتدري ان منصور مريض .. لمعت عيني .. حسيت اني بصيح من يديد

منصور ببراءة : منو هاذي سلوى؟

ابتسمت وانا احس العبرة خانقتني : هذي سارة .. الي بتصير زوجتك ..

اشر على نفسه :سلوى انا بتزوج؟ ..

ابتسمت بحنيه: ايه ..

ابتسم ببراءة : يعني شنو اتزوج .. ؟؟؟

تلألأت عيوني : منصور .. من صجك انت ولا تتغشمر ..

طالعني بعدم استيعاب : شنو؟

وقفت مب مستعدة اصيح مرة ثانيه .. : حبيبي انا بدش داخل بتيي؟؟

ظل يطالع حوله ويتأمل .. ورد علي : بس تلعبين وياي ؟كراش؟

ابتسمت : اوكي .. نلعب كراش ليش لا ..

ركض منصور قبلي راح يفتح السوني .. ودمعتي كانت اسرع وطاحت على خدي .. لو تدري يامنصور لو تدري ..

منصور يعاني من حاله نفسيه وصدمة نفسيه كبيرة .. عقله الباطني دفعاه يسوي هالشي عشان مايعيش لانه مب متقبل هالحياة اليديدة .. اما عقله الي يفكر فيه الحين .. فهو عقل يديد .. خالي من الذكريات والالام .. صج الي قالو النسيان نعمة .. ونقمة .. بنفس الوقت !!!

منصور مب حاس بعمرة .. ولايعرف شيسوي .. عقله الباطني مصر يكمل هالشي .. من الصدمة .. الله يعينك يامنصور .. ويعين هالسمكينه سارة ..

^^^^^^^^

قاعدة تهز ريولها بعصبيه جوالها من الصبح يرن .. وااايد ناس متصلين يبون يسمعون صوتها الي غاب عنهم يومين .. وحتى علي اتصل فيها .. بس تفكيرها بخطبة منصور موقفها عن كل شي .. معقوله يتزوج .. يتزوج وينساني ؟؟ .. وانا الي توقعت اني بسكن كيانه على طول .. معقوله ينسى بنت جيرانهم .. الي كانت ايام الطفوله تجمعهم .. معقوله .. معقوله نسى يوم كان يتصل علي ويقول لي يبي يجوفني بالكوفي ..وكنت اروح متكشخة ..ومتزينة .. بس عشان يحبني .. والحين نساني ..

ليش .. ليش يامنصور ..

انا مستحيل اخليه يتزوج ..

معقوله نســــــــــــــــى لولــــــــــــوة .. نسى حبيبته ..
وانا ليش معصبه .. انا صح مااحبه .. بس صعب على الانثى انها تنسي وتنرمي ورا ظهر الي كان يموت عليها ..
معقوله هذا الي ذل نفسه عشاني .. الحين يرميني ورا ظهره ويتزوج ..
من هالحقيـ.... الكلـ.... بنت الكـ... الي بتتزوجة ؟؟؟.. من هاذي من .؟؟

ليش بترضى فيه؟ .. ليش ..؟؟؟

حكيت يبهتي بتوتر .. اكيد ماسامعه انه يروح لطبيب نفساني ..
لوكانت سامعه ماراح توافق .. اكيد اكيد ...

انا لازم اوقف هالزواج لازم

مستحيل منصور يتزوج .. منصور لي .. لي انا ... انا انا .. انا وبس ..

قمت من مكاني بسرعه .. انا بتصل فيها وبخبرها كل شي عن منصور .. بس من بياخذ هذا المهم؟ .. حتى اعرف شنو اقول لها ...

^^^^^^^^^^^^^^

فاتحه مسنجرها تنطر اخوها يدش ع النت .. له ثلاث ايام مادش .. شفيه؟ لايرد على رسايلها ولا تلفوناتها .. متوترة وواصله حدها .. ملجتها بعد اربعة ايام .. وهو مايرد ..

لهالدرجة ماتهمه؟

صكرت الكمبيوتر بأرف .. وطلعت للصاله .. جافت مرت اخوها وامها يسولفون عن ملجتها .. قعدت ولا كأن الموضوع يخصها او حتى يهمها .. ظلت تفرفر بالتلفزيون بملل .. طالعت مرام يوم قالت لي : سارة جربتي الفستان الي شريته لج؟؟؟

طالعتها ببرود .. تبي تذبحني وتقهرني .. دوم تذكرني وانا احاول انسى : لا ...

امي: قومي يمة جربيه قبل لا نروح السوق نبي نجوفه عليج ..

يبون يروحون السوق .. ظلت تفكر .. شحقه فستان وشرووه .. ماتدري ليش صابها بروود .. صارت ماتحس .. وين الي ماتبي منصور ومصرة ماتتزوجة .. ماتدري وين راحت ذيج الاندفاعيه ضد الزواج .. يمكن لانها حست انها شي عادي مب مهم بحياة امها واخوها .. لانهم فضلو يضلون ساكتين ولا يردون عمها .. صح هي ليش مافكرت فيها .. اخوها اكيد مارد عليها عشانه يبيها لمنصور رفيج عمرة وحبيب قلبه .. ولا يمكن لانه مايقدر يواجه عمه .. طالعتهم بروح متبلدة : انزين ..

طالعت الصدمة بعينهم .. تدري انهم ماتوقعوها بترضى تلبسه لانها ماتبي منصور بس شتسوي شتقول؟ لو بتظل من اليوم لي باجر تقول ماابيه محد بيسمعها .. كلهم يبون يتخلصون منها .. هي شسوت لهم عشان جذي مايحبونها .. ليش يكرهونها .. مشيت على الدري وانا احس بالبرودة في اوصالي .. مدام هم مايبوني .. انا بعد .. ماابيهم .. صج اني غبيه اقول الكلام وانا مااحس فيه .. شلون ماابيهم وانا مابي ابعد عنهم؟ صج لي قالو الكلام سهل ..

دشيت غرفتي وانا اجوف الاجياس المتراكمة عند الكبت .. وجنهم يبون ينبهوني ان اهلي يبون الخلاص مني .. امي واخوي يبون يدفنوني .. ارتعدت اوصالي يوم تذكرت الحلم .. وظليت خايفه .. وارتجف .. قعدت ع السرير .. وحطيت راسي على المخدة .. تمنيت اصيح مثل سلوى وتطلع كل الي بقلبها .. بس ماادري ليش قلبي حجر مايهزه هالمواقف .. ابغي اصيح بس مااقدر .. تفهموني؟ .. ابغي اصيح ابغي اصيح .. بس مب قادرة .. والله اني ابي اصيح .. والله ابي اضعف .. يمكن يرحموني .. خلاص بتزوجة يمكن هو يرحمني .. أي يرحمني صج اني وايد احلم ..

فسخت ثيابي ولبست الفستان الاخضر الي بلون الطاووس .. الوانه لون طاووسي .. وشكله على بشرتي البرونزيه الي مايله للبياض طالع حلووو .. جنه غرشه خمر تغري .. الحمدلله والشكر اشبه نفسي بالخمر .. استغفر الله .. بس جد ماادري ليش حسيت لونه نفس غرشه الخمر الغااااليه .. الي جفتها مرة بلندن يوم رحنا لابوي ..

ابوي .. اه .. ياابوي .. لو كنت حي يايبه ماكنت بترضى .. ياريتك مارحت قبل سنة .. ياريتك الحين حذاي ويمي .. تمسح على راسي .. وتقولي عن موضوع العرس .. وانا اقول لك يايبه .. انا ماابغي منصور .. يبه منصور يحب وحدة غيري .. وانته تمسح على شعري وتبوسني .. وتقول لي :حاظر يابنتي ماراح تتزوجين الا الي تبغينه ويبغيج ..

اجوفك يايبه وانا مستحيه وابوس راسك واقول لك : مشكور ..
وانته تبتسم لي وتقول لي الله يوفقج يابنتي ..

ليتك يايبه عندي هني .. ليتك .. لو كنت تبغيني له كنت برضى عشانك . بس لاني ادري انك مابترضاها لي .. يبه تصدق ماجد يبي الفكة مني ويزوجني لمنصور .. يبة تصدق ان ماجد مطنشني لانه مايقدر يواجه عمي .. يبه تصدق انه عمي الي هو اخوك يبي يزوجني من اخس عياله .. يبه تصدق ان بنتك حبيبة روحك تتزوج واحد مريض نفساني .. مب عاقل .. مينون يايبه مينون .. يبه تصدق اني ببعد من هالبيت .. يبة تصدق عمي يبي يقضي علي بيخلي زواجي وملجتي ورا بعض ..يبة تصدق ان دلوعتك بتروح لبيت ثاني .. يبة تصدق اني بتزوج بعد وفاتك بسنة بالضبط .. يبه تصدق ان عمي مارحمني .. يبة تصدق اني يتيمة وبتنزف لريلها بدون اخوها ولا ابوها .. يبة تصدق اني بتزوج وماحزنت على فراقك .. يبه تصدق ان لرحيلك سنة يايبه جنها مية سنة .. تصدق يايبه عمي مابيرحمني ولا بيخليني اتم سنة بعد موتك ببيتك

يبه يبه .. والله احبك ...

تنهدت وانا اعدل شعري القصير الي مايتجاوز حد الجتف ...

نزلت تحت .. وانبهروا فيني .. وامي تسمي علي .. وتصلي على البني .. ونفس الشي مرام ... قلت لهم ينطروني لاني بروح معاهم السوق .. عشان اجهز لعرسي .. مب عدله بعد مااعرف شنو شاريين لي .. تنهدت على الي يصير فيني ...

صعدت فوق وبدلت لبست عبايتي وشيلتي واخذت شنطتي رشيت رشتين من العطر .. ونزلت .. تمينا ننتظر مرام .. سوي ونزل يسوف من على الدري بس بفانيلته وهو يصارخ ويضحك .. ومرام تنادي عليه يصعد لها عشان تبدله .. مت من الحك عليه .. فديت ويهه .. تصدقون انه جلد على عظم بس خدوده ماشاءالله مليانين ..

زخيته وشليته وديته فوق وهو يتعافر واير شعري وبفرص رقبتي .. احححح .. الله يخس بليسك يايسوف بتذبحني انته ..

ودينه هناك وامه تلبسه وملابسه كالعادة وسيعه عليه : ههههههه مروم تدرين شنو اكتشفت

مرام وهي تلبسه الجاكيت: شنو؟

ضحكت : اكتشفت ان ولدج الاكل الي ياكله يكبر خدوده ولا جسمة عظامة

ضربتني مرام بقوه : ماشاءالله لاتذبحين ولدي

مت من الضحك على يسوف الي يفلع امه بالمشط : يسوووووووووف حبيبي عطني بوسه ..

ضحك يسوف وقرب لعندي وير شعر راسي بهدلني الله يخس بليسه وعضاني على يدي .. يريته من اذنه: بوووووووووووسني ولا مانوديك بوسسسسسسسسني

باسني بطلعه الروح وبعدين دزز ويهي .. الله يخسه هالولد مايطيق البنات كلش ههههههههههه

ركبنا السيارة وكنا مشغلين المسجل ونسولف ونضحك .. والله حسيت نفسي رديت نفس قبل .. يمكن فيها خير زواجي من منصور .. وبعدين انا كنت اجوف الجانب السلبي .. اما الجانب الايجابي .. كفايه بكون ويا سلوي طووول الوقت .. صح راح اكون عندهم يعني وياها .. ياربي وناااسه .. بنطقها سوالف .. وبرقد وياها .. لان اكيد منصور ماراح تفرق وياه ..

يالله ونااااااااسه .. بس .. خاييييفه .. خايييفه من مصيري .. شبسوي .. انا اعرف منصور مايحبني ولا يواطني بعيشه الله .. ويحب غيري .. شلون حياتي بتكون وياه ..

خايفه ياناس حسو فيني ..

دخلنا اللاند ودرنا .. ورحنا اكثر من محل .. تعبت وريلي تكسررررت .. قعدت على الكراسي ويسوف عندي .. شوي ويشرد من يدي .. وراح يركض .. حتى دعم ريال وطاح ..

بسرعه ركضت لعند يوسف .. وشلته .. اعتذرت للريال الي ابتسم وقط الرقم بط جبدي ..

وبعدها يسوف فلت من يدي وراح صوب الماي الي محطوط باللاند .. نفس حوض كبير محطوط باللاند وفيه ماي .. جدام الكوفي شوب .. وجدام الالعاب .. قعد يغطس يدة بالماي .. وانا مفتشله منه .. شليته وهو يصارخ لملم الانظار صوبي .. تفشلت .. وديته للالعاب ولعبته .. كنت مستانسه وياه .. ولعبت وياه بعد هههههههه

حسيت بحد يطالعني .. لفيت ويهي .. وانصدمت بواحد يطالعني ويبتسم بحنيه لي وليسوف وكانت معاه بنيه صغيرة يمكن اكبر من يسوفي .. يات تلعب وياه .. انحرجت .. وتفشلت بعد .. بس سكت .. راح الشاب لبعيد شكله حس اني تفشلت .. بعد اقصورة يتم واقف ويانا .. قعدت لعبتهم شوي .. وبعدها ياو مرام وامي .. وبيد مرام شكثر اكياس وبيد امي كيسين .. خذيت الكيسين من يد امي واتصلت للدريول ايي ياخذ الاكياس : بل خمييييييييتو السوق .. شليت يوسفان وعطيته لمرام .. ولدج ذبحني وفشلني وبغيت اذبحهه

ضحكت وياهم .. الحمدلله اليوم مر على خير .. بدون هواش وصياح ولا حتى حزن

09-27-2010, 08:00 AM

انا : قمرهم كلهم

اضفني كصديق

::سلوى::

منبطحة على السرير واطالع السقف حسيت بحركة برع .. طلعت جفت غرفه ماجد تتصكر .. عقدت حياتي .. ورديت انبطحت .. مرت احداث اليوم ببالي .. انا كنت اصيح مب على الامتحانات لالالا فهمتوني غلط .. انا بس انصدمت يوم ابوي قالي عن حاله منصور .. وانه بيتزوج سارة .. الاثنين مايبون بعض .. ابوي قال لي .. رديت انبطحت من يديد على السرير ..

مسكين يامنصور ... مرضه النفسي يسيطر على افعاله .. سروي اكيد درت عن منصور .. اكيد عصبت .. والحين ماتبغيه .. بس ليش استحت العصر .. معقوله تبغي منصور؟ .. لايكون تحبه؟ ..

صح يمكن تحبه ليش لا .. لان اغلبيه البنات يحاولون يغطون على حبهم بالهواش ويا الي يحبونه .. صح يمكن !!..بس حرام .. منصور يحب وحدة ثانيه

ياربي .. ماادري اوقف ويا من ولا من ...

قمت وطلعت برع غرفتي .. البيت هدووء .. مريت غرفه سالم وابتسمت .. لاني تذكرت عبطنا انا وسوير .. دوم نيي غرفه سلوم اخوي .. لانه دوم يشتري عطور يديدة .. وسروي تموت على عطور الريايل .. مريت غرفه منصور .. كان النور واري .. اكيد قاعد .. فتحت الباب وانصدمت .. محد بغرفه منصور .. والفراش مب موجود .. والغرفه مرتبه على غير عادتها ...

كل الي ياه ببالي .. وين راح منصور ..

ياترى وين راح منصـــــــور؟؟؟

^^^^^^^^^^^^^

::سارة::

قمت مفزوعه من النوم .. هالحلم يتكرر مرتين وياي .. هديت نبضات قلبي .. ياربي استر .. نفس الحلم .. نفس الحلم .. امي واخوي وعمي ايروني .. يبغون يدفنوني .. حطيت يدي على رقبتي .. والعرق يصب من يبهتي صب .. سديت حلجي وانا اتنفس بسرعه .. ركضت للحمام .. قفلت الباب بيدي الي ترتجف .. وقعدت اصيح .. ماادري ليش .. وشلون .. كنت محتاجة اني اصيييح .. وماصحت وايد ... يمكن دموعي بس الي نزلو كانو ثلاث دمعات ثنتين من عيني اليسار ووحدة من عيني اليمين .. توجهت للمغسله وانا احس بغصه ابغي اصيح والله حرااام ليش انحرم من الدموع ليش انحرم من لذه الصياح ليش؟ .. غسلت ويهي .. وانا احس ريجي ناشف .. خاطري بماي ابلل ريجي .. بس كنت خايفه اطلع .. مسكت رقبتي .. اخاف يذبحوني .. اخاف يدفنوني .. على الاقل يوم بكون ميتة مابحس .. بس وانا حيه ويدفنوني هذا الصعب .. هذا المؤلم .. حسيت تفكيري سخيف لاني افكر بحلم ..فتحت باب الحمام وطلعت من الغرفه... نزلت على الدري بهدوء ورجفه .. شفيني جي خايفه؟ كله كله حلم هالكثر مخوفني ..

نزلت تحت للمطبخ .. شربت ماي .. وقعدت على الكرسي .. حطيت الجلاص جدامي على الطاوله .. وظليت افكر .. ليش الحلم تكرر وياي مرتين .. ليش؟ .. هاي تأكيد للامر الاول .. ولا شسالفه؟ ..

تنهدت بضيج .. انا شبيدي؟ اسويه وماسويته؟ .. شبيدي؟ .. اخوي ومايرد علي .. ولايرد على اتصالاتنا .. انزين بتزوج مو مهم انا المهم هو شخبارة خل يطمنا عليه .. طالعت ساعتي .. الحين بيأذن الفير .. خل اروح اقرا قرأن وكمن دعاء يطمن قلبي .. اليوم يوم الاربعا ... ااااااه .. باجر الملجة .. بالليل..ويه ويه .. حكيت يبهتي بتوتر ..بتزوج .. بتزوج .. لا ..لا .. حرام عليهم ..والله حرام توني صغيرة ... ع الاقل ينتظرون لين اخلص جامعتي ..

تنهدت .. شبيدي اسوي؟ ولا شي .. ظليت ساكته اتأمل الفراغ .. اذن الصبح .. وقمت من مكاني بهدوء .. عكس العواصف الي بداخلي .. بس كلها عواصف اخمدها عمي بقسوة ..دخلت قسم مرام .. وجفتها تعابل بيوسف الي كان نايم بالعرض على السرير .. والله فديته طلع ينام نفسي .. انا بعد انام بالعرض على السرير .. ولاني قصيرة مهب طويله فالسرير يكفيني..

ابتسمت لها واشرت لها بالصلاة .. ابتسمت لي وهي تأشر على يسوف الي نايم بالعرض على السرير وعلى حظنها وسوت حركة عند بلعومها وسوت حركة اني بذبحه هههههههههه .. ضحكت .. وطلعت اهز راسي .. رحت لغرفه امي بستها على راسها .. وصحيتها للصلاة .. وبعدين رحت داري .. وتوضيت وصليت .. وضليت اقرا على السيادة شكثر ادعيه .. وانبطحت على السيادة وانا اطالع السقف وبيدي المسباح اسبح .. وبعدها ماقمت احس بـ الي حواليني وصرت متخدرة.. وعيت بسرعه وانا احس بنشاط ..

نزلت تحت .. البيت معفوس فوق تحت .. انبطحت ببجامتي على الكنبه .. بس وين يخلي ولد ابليس .. يه صوبي وقعد ايرر شعري طحت على الارض وانا اصارخ من الالم .. :يوسفوه وجع ان شاء الله الي يوجعك ويكسر عظامتك عظمة عظمة .. هد شععععععععري

يوسف مستمر واير شعري .. وانا اصرخ .. يات مرام وشالت يوسف .. وانا احس شعري انجلع كله .. والله تحسست شعري بيدي .. ااااي .. يعورني .. يعلك يايسوف تكبر .. ياتني الصيحه .. احح .. والله يعور والله..

مرام باحراج: سوري سروي حبيبتي كنت مشغوله بترتيب الاغراض والتهيت عن هالشيطان

طالعت يوسف بحقد: حصل خير!

انصدمت يوم قالت لي مرام : اليوم بتييج الحنايه

طالعتها وانا منصدمة الا منذهله وقلت بغباء: ليش؟؟؟!

طالعتني بهدوء: نسيتي؟ باجر ملجتج والي بعده على طول عرسج ..

هني حسيت نفسي بركان ثاير يمكن لاني توني استوعبت اني بتزوج : لا .. من قال .. انا مابي اتزوج .. وخصوصا منصور ماني متزوجته ..

ركضت على الدري اصيح .. دشيت داري وصحت صياح .. اتصدقون اني ارتحت .. ثلاثه ايام وانا ماسكة نفسي لا صحت ولا شي .. مستسلمة لهم واطيعهم اقول يمكن بكسر خاطرهم .. احساسي المتيلد صحى الحين ... انا ماابغي اتزوج منصور .. ماابغي ..

^^^^^^^^^^^

"لولوة"

رايحة يايه بالغرفه .. ماادري شسوي شنهو الي بيدي مااعرف .. متوترة .. معصبه .. مضطربه .. ودي اكسر الدنيا ومافيها .. ليش منصور بيتزوج ... ولا المشكله الي بياخذها بنت عمـه .. بنت عمـه مالقى الا بنت عمه؟ ... انزين لو وحدة غير جان رضيت .. كان يجذب علي ويقول لي انه مايحبها ويحبني انا اكثر .. تذكرت قبل سنة ونص .. يوم كنت اقوله اني اغار من سارة

انا بغيرة: منصور ماابغيك تتجابل ويا هذيج البنت ..

منصور باستغراب: أي بنت؟

انا : البنت الي ياتكم امس بيتكم

ضحك منصور: تراقبيني؟ لهالدرجة تغارين علي؟ .. حبيبتي .. انا ماااحب ولا راح احب .. غيــرج .. شلون تبيني اصد لغيرج ..

قلت بعصبيه: انا مااراقبك .. انا جفتها امس تدش بيتكم وانا رادة من الجامعه .. (مال صوتي للرجى) منصور انا احبك .. لاتجوف غيري بليييز

منصور :حاظر قلبي .. وبعدين .. هاي بنت عمي .. يعني نفس اختي .. اممممم ..

قلت بعصبيه: منصوووور لاتينني ..

ضحك منصور: من عيوني .. ياعيوني ..

يعني معقوله نسى هالحجي .. بس انا مانسيته ... ليش يتزوجها .. مو هي مثل اخته؟ .. ليش الحين بس حلت له؟ ليش صارت هالجيكرة ملكة جمال بالنسبه له .. ليش بياخذها .. ليش بيتزوجها ..
لو بياخذ وحدة اعلى مني بالجمال بقول مغروم بشكلها .. بس بنت عمه مب اجمل مني .. انا اجمل .. طالعت نفسي بالمنظرة وانا المس خدودي... انا ابيض عيوني اوسع هي عيونها حادة .. انا بييييضه بياضي بياض الثلج .. وهي بياضها عادي اصلا تميل للبرونز .. انا شعري بني حرير .. وهي شعرها اسوووود جنه فحم بس ماانكر انه انعم من شعري .. انا شعررري طوييل وهي شعرها قصيير ... انا خشمي قصير وناعم وصغير .. وهي خشمها طوييييل استغفر الله خشمها مب حلو جنه منقار .. طوييل وفيه عظمة بارزة بس ماانكر انه ضعيف .. انا شفايفي مليانيه ومتوسطة .. وهي شفايفها صغيرة وشوي مليانه .. انا طويله وهي قصيرة .. انا جسمي كأنه مونيكان بتنسيقه .. وهي ضعيفه جنها غصن بان .. شنو فيها احلى مني؟ .. اكيد يحبها .. اكيد نساني ..

لمعت دموعي بعيني .. ليش ينساني .. ليش بيتزوج .. وين وعده انه مابياخذ غيري ..
وين الي بيتم على ذكراي ..

اتصل عليها؟ اقول لها عني واعرفها علي؟ .. بس اكيد هي تعرف انه يحبني .. لالالا اكيد مو جايفتني .. اكيد عبالها حب عابر وعادي ..

لا .. لا ..

دقثيت الارقام بعيله بتصل فيها .. بس دخل علي الغرفه .. ارتبكت .. بسرعه صكرت قبل لا يرن .. ابتسمت بارتباك .. لو كنت متأخرة دقيقه جان انكشفت .. الحمدلله ..

اوفففف مالي بارض حق هذا بعد .. ياربي ..

علي : مساء الخير

رديت بدلع: مساء النور

ويهه كان جاد .. اعوذ بالله .. اوففف .. الله يعيني حياتي كلها كدر فكدر .. ملل .. شنو هذا مايحس .. قلت اصرفه : علي تعال نروح نتغدى

قال ببرود: مو مشتهي ..

فلع نفسه ع السرير.. وظل يطالعني .. مسكت موبايلي بتهرب منه ..

:انا بنزل ايب لك غدا .. وغصب بتاكل وياي اوكي حبي؟

طالعني وظل ساكت .. شفيه بعد؟ .. يالله .. !! ..

طلعت بسرعه من الغرفه .. ونزلت تحت .. امرت الخدامة تحط الغدى وتوديه فوق .. طلعت من الفله .. وتوجهت للحديقة .. حتى اضمن انه ماينزل بهالسرعه .. دقيت على بنت عم منصور .. زوجته ..

^^^^^^^^^^^^^

"سلوى "

قمت الصبح مستانسه .. والبيت مربوووش .. باجر خطوبه وملجة منصور والي بعده زواجه .. صح منصور مايعرف شسالفه .. بس اتوقع .. بيصحى من صدمته باجر اكييد لان الدكتور قال انه الي فيه بسبب صدمة .. وبيرجع نفس قبل واحسن بصدمة .. يعني هو انصدم بزواجة وصار بداومة من الافكار يحكمها عقله الباطني .. ويوم بيتزوج ويملجون عليه بيرجع من صدمته .. وبيرجع لنا نفس ماكان .. يارب يرجع نفس ماكان .. اييه ماقلت لكم .. امس قلبت البيت فوق تحت ادور منصور .. واخر شي لقيته نايم ويا ماجد .. يوم سألته ليش نايم هني .. قال لي اخاااف!!!... تصدقون كسر خاطري .. وساروة كسرت خاطري اكثر شلون بتكون حياتهم؟.. بس اكيد منصور بيصحى من الصدمة الدكتور قال ..

ابتسمت يوم جفت ماجد قاعد عند محمد .. ومحمد يقوله شلون يتعامل مع زوجته .. خصوصا انهم بيتزوجون جدام الناس ولازم في امور بديهيه يعلمه مثل شلون يلبسها الشبكة وجي .. ضحكت بفرح يوم جفت الكل ملتهي ومنشغل بزواج منصور .. حتى الخدامات ياقلبي عليهم مستانسين ويسون كل شي عشان منصور .. للمعلومة ترى منصور محبوب وااايد من الخدامات .. لانه مايصرخ عليهم ويعاملهم نفس الناس .. اما محمد فهو مايتعامل ويا حد غير مرته ونادرا اذا قعد ويانا اغلب وقته بالشغل .. وسالم نفس الشي كل يومين مسافر مكان .. وامي افكورس ابصم بالعشر يكرهونها الخدامات .. ابوي .. ممم .. ماادري بس يعاملهم عدل .. ااه .. من بقى؟ .. ايه شهد زوجة محمد قطيييييييييعه .. اكيد مايدانونها كله تتأمر وتصرخ .. اوفف .. لا تعتقدون اني مااحبها .. لا لا .. احبها .. بس ماتعجبني تصرفاتها .. وايد تحقر بالناس .. يا لانهم فقارة يا بسبب لونهم يابسبب جنسيتهم .. يعني تعاملهم على اشكالهم مب على جوهرهم او انهم ناس ولازم تحترمهم ...

شربت شاي بعد مايابته الخدامة .. جفت منصور متملل ويطالع ماجد الي اربع وعشرين ساعه يلعب سووني ..

وشي وهديتهم رحت لغرفتي .. جفت فستاني البحري .. وابتسمت .. مشطت شعري وبدلت ملابسي .. لبست عبايتي وشيلتي .. تعطرت بالخفيف .. ومسكت جنطتي الصغيرة .. وخذت موبايلي ودعسته بالجنطة .. نزلت تحت .. جفت ابوي يقرا جريدة .. وامي تصارخ ع الخدم وتقول لهم شيسون وشلون يقدمون .. صح نسيت اقول لكم الملجة بتكون ببيتنا .. ليش ان امي تتفشل تعزم رفيجاتها على بيت اهل سارة لان بيتهم مب كبير نفس بيتنا .. ياريت بيتنا نفس بيتهم يمكن الغرف الضيجه تقربنا من بعض !.. ابتسم لي ابوي :ياهلا بشيخة البنات كلهم ..

ابتسمت بخجل ورحت بست راس ابوي: هلا فيك .. مممم .. يبه .. بروح لسارة اليوم ..

طالعني شوي وعقد حياته ورد يقرا الجريدة:ليش؟

ابتسمت ببراءة: يبه باجر الملجة ولازم نتحنى بروح بيتهم الحنايه هناك ..

طالعتني امي بصدمة : نعم نعم؟ مابتروحين صالون ريجينسي؟ ولا صالون فورسيزن؟

ابتسمت ياحب امي للفشخرة حتى بينا وبين بعض: لايمة بالبيت احسن اخذ راحتي اكثر

امي بعصبيه: لا بتروحين وياي انا حجزت لج وياي !!

طالعت ابوي الي يقرا جريدة ابغيه يكون لي عون .. طالعني ورد عدل نظارته: امج صاجة روحي وياها ..

لا يايبه والله ماتوقعتك جي .. ع العموم شنو اتوقع منهم كل واحد منهم رافع خشمه فوق ومايجوف احد جدامة .. الله يعين .. عشان جذي الناس يكرهون الاغنياء ... لانهم دوم جذي .. بس انا مب نفسهم والله مب نفسهم .. تنهدت .. كنت فرحانه ..والله يسامحهم خربوا فرحتي كلها .. قمت من مكاني بدخله سالم

اوووه رد من السفر؟ .. دش وهو يبتسم والاخ محلق ومتكششششخ اخر كشخة وريحة عطرة تسبقه : هلا والله ببيت المعاررررررييييييس

ابتسمت ونقزت ابوسه .. انا احب كل اخواني على الرغم من عيوبهم الفضيعه والبشعه الا اني احبهم .. واحب منصور وساااالم اكثر شي .. حتى اكثر من مجوود .. بس سلووم فيه خبببث اكثر واااحد بس يدش القلب .. : حبيبي سلووومي ..

سالم فتح يدينه وضحك وهو يضمني: حبيبتي وحشتيني ياقلبي ياعمري انتي .. طالع منصور .. منصور نسوي لك بروووفه عشان تسوي لسوير .. وغمز لمنصور

اما منصور كان مفهي يطالعه ومو فاهم

ضربته على راسي: سلووم

ضحك وباس راسي: شلونج حبيبتي؟

ابتسمت: بخير .. مابغيت ترد ونجوفك يومين على بعضهم .. قلت بفرحة .. بااااااااجر ملجة مومو

ضحك سالم: ههههههههههههه مومو .. شخليتي لسوير عيل .. همس لي .. تصدقين ودي اجوفها من 4 سنين منخشه عنا عنبوه بناكلها

ضحكت : باجر بتشوفها ..

يحليله سلوم اكيد اشتاق لجوفتها من زمان عنها 4 سنين ماجايفها اكيد تغيرت .. فديت سوير من مايشتاق لها؟

ايتسمت بس امي ماتخليني بحالي: سلووووووى جاهزة

ابتسمت ببساطة: ايه يمة

طالعتني امي وبعدين قالت: بنت سفير ولابسه عبايه سودة مافيها لا شك ولا شي؟ شالعبايه حتى خدامات القصر مايلبسونها ..

ياربي على امي .. كمل عليها سلوم: أي والله سلوى عمري لبسي عبايه عدله شهالعبايه مافيها فصوص!!!

اكملت والله .. اكملت !!.. غصب مابي .. يه : يمة عشان الحنه لاتخرب عباياتي اليداد
<الله والحجج

امي: سلوى بدال العبايه بسوي لج 3 .. بعد ماتلبسينهم ليش..

اوفففففففف فكل شي يتحكمون تصدقون حتى بابتسامتي امي تتحكم .. ياربي .. : يممممممة بنروح صالون مب عرس

قالت امي وهي تعدل شيلتها جدام المنظرة : يمة روحي غيريها ..انتظرج بالسيارة

طلعت تنهي أي نقاش .. اوففففففففف .. ياربي شهالعيشه شهالحاله والله رايحة صالون اتحنى مو رايحة عرس!!!!!

^^^^^^^^^^^^^^

"سالم "

رحت قعدت عند منصور .. مسكين يكسر الخاطر مايدري عن أي شي بذاكرته ..اوف اوف اوف .. شي فضيع .. شلون بيتعامل ويا سارة .. سارة سارة سارة ..ياترى شلون شكلج ياسارة .. يامرت اخوي العزيز ..

رن موبايلي .. "اللولو " يتصل بك ..

شتـــــــــــبي ذي؟ اوفف .. عفتها والله .. انا انسان يحب التغير مايحب يستمر مع شي اكثر من اسبوع .. وذي من يومين تتصل فيني شتبغي .. عورت راسي؟ .. شذكرها برقمي؟ .. الحين لي سنة ونص مفارقها .. اذكر انها كانت من جيراننا .. وتزوجت .. يالله شبخسر ارد عليها .. وانقابلها يمكن احلوت بعد الزواج .. خو بعد الزواج محد بيشك فيها لا طلعت وياي .. ولابيشكون بعذريتها .. هههه .. أي والله شحقه معور راسي ..

ابتسمت لمنصور الي يطالعني بفضول وقلت له : سلام ياعمري .. رايح فوق ارتاح .. تجي وياي؟

ابتسم منصور ببراءة : اوكي ..!

مااصدق احين هذا منصور .. والله يازينة ياحلاته وهو جذي .. اقدر اسوي الي ابغيه وبحريه بعد . ولا بيفهم شسالفه .. قبل كنت اتضايج منه يوم يدش داري وانا اكلم حبيبات قلبي بس احين شفهمه!

صعدنا باللفت وانا اقوله عن سفرتي وهو يقولي عن لعبه بالسوني .. ياحليله ..

دخلنا غرفتي وظل يتأملها شوي .. وبعدين قرب صوب العطور .. كانو ملخبطين .. من الي ملخبطهم؟... عصبت اكيد الخدامات الزفتات

رن تلفوني وحطيته ع السبيكر : هلا والله بالقاطع

ابتسمت لها صوتها مثل مااهو الا ان لحن الدلع زايد شوي: هلا حبي .. لا قاطع ولا شي .. انتي الي قطعتي لج فترة

ضحكت بميوعه: شسوي ظروفي جذي .. ممم سوسو مم ممكن نتجابل ابغيك بموضوع مهم ..

سوسو؟ .. من متى .. مو كنت سوي صرت سوسو؟ .. يالله .. شتبي؟ الله يالدنيا قبل اقول لها بجوفج من عند باب بيتكم تقولي مااقدر اخاف .. اخوي ابوي .. ومااعرف ايش الحين هي تقول لي ابغي اجوفك؟ والله دنيا : دقيقه قلبي ..

صرخت برع الغرفه على الخدامات .. ويو 4 منهم الي ينظفون صرخت فيهم : من الزفته الي منظفه التسريحه .. اشرت على التسريحة .. كلهم ساكتات .. صرخت ..: مــن؟؟؟

ساري: مايدري ماما سلوى يروح غرفه مال انته 3 يوم قبل الحين ..

سلوى؟ شتسوي يايه غرفتي؟ .. جفت وحدة من الخدامات جسمها حلو وشعرها بعد ناعم .. شكلها صينيه .. وشكلها صغيرة بعد .. قلت بعصبيه: زين ذلفو ..

مو جنه هالخدامة يديدة؟ ماجايفها من قبل .. سمعت صوت لولو: عمري؟

اوووه نسيتها ذي بعد قلت اسايرها: قلبي اتسبح وادق عليج اوكي؟

ضحكت بميوعه: اوكي ونتفق لاتنسى

ابتسمت: انسى اسمي ولا انسى الموعد

ضحكت وصكرنا .. جفت منصور يلعب بتلفونه .. اوووه زين يعرف يستخدمة بعد؟ .. خوش والله تطوراات

ابتسمت .. ودشيت الحمام اخذ لي دششششش .. وبعدها بطلع اعلم منصور امور زوجيه لايفشلنا جدام بنت العم

^^^^^^^^^^^^^^^

"سارة"

اسمع التلفون يرن ويرون ويرن .. ومالي بارض ارد اعرفها مرام بتذكرني ان الحنايه يات يعل يحنون جتوفك يامنصور بحديد .. مسحت دموعي .. ورحت اتسبح .. وبعد ماتسبحت .. وهديت مشطت شعري ورفعته بشباصة بسرعه .. ولبست برمودا عنابي البدي يده قصيرة ايجي تقريبا لـ ربع اليد .. نزلت على الدري بهدوء .. البيت كان مليان ازعاج وتلفونات ..

جفت يسوف مقعدينه بكرسي خاص لليهال وهو يصاااااااااااااارخ حتى ان عروج رقبته طالعه من صراخه ويصيح صياح يبغي يلعب بالحنه ويخرب الصاله .. طنشته .. احسن يتأدب مجع شعري كله .. ابتسمت للحنايه .. وقعدت على الجريدة .. حطت تحت يدي كلينكس وبدت تحنيني وتسولف وياي .. وعععععععععع ريحة الحنه لوعت جبدي ريحة بترول استغفر الله .. واااي .. برجع الحين على راس الحنايه .. الريييحة قووويه .. مااقدر استحمل اوففف .. يعني غصب اتحنى؟ البنيه تتحنى لريلها لانها تحبه وتبغي تكون باحلى زينة وانا ماابغي هالمينون .. يات حنايه ثانيه وحنت يدي الثانيه وقعدوا يسولفون وياي .. وانشغلت وياهم .. ماشاءالله يعرفون يحنون .. طرت على بالي سلوووي .. وينها تاخرت كلمتها قالت بتيي ؟ .. قلت لمرام : مرووم اتصلي لسلوي جوفيها وينها تأخرت

مرام : اوكي ..

اتصلت فيها مرام وبعدت .. اوف صوت الاغاني صك اذني .. اكرة الاغاني اكره كل شي .. اوففف متنرفزة ماادري شفيني ... هديت نفسي .. تذكرت ماجد اخوي وانه مابيحضر لا عرسي ولا ملجتي .. ولا أي شي .. حسيت اني مخنوقه وبصيح .. شفيني؟ .. من ثلاث ايام ابغي اصيح ومااقدر والحين على أي شي ابغي اصيح .. شكلي من كثر ماعيبت على منصور صرت نفسه .. اوففف مااطيق اسمه .. وععععع يلوع الجبد .. ابوي محد مابيحظر ملجتي .. طاحت دمعتين من عيني اليسار ..

جافتني الحنايه وقعدت تقولي لاتصيحين وماادري ايش بالهندي وانا مفهيه وماافهم شي

بعد دقايق يات مرام : تقول سلوى بتروح الصالون

طالعتها بصدمة: بس انا قايله لها وقالت بتيي

هزت جتوفها مرام: ماادري جذي قالت لي ..

تمنيت احك يبهتي .. ماادي ليش اسوي هالحركة يوم اتوتر او اتضايق ... يعني والله مااحس احد فرحان .. يمكن لاني مغصوبه فاجوف الدنيا بشكل غير؟..

تنهدت : مرام اتصلتي لربعي الي كتبت لج اساميهم بورقه تأكدين عليهم ايون باجر؟

ابتسمت مرام: ايه افا عليج اتصلت لهم .. بس شيما قالت يمكن تتأخر وماتتي من العصر ..

هزيت راسي بتفهم .. كنت قبل يومين رافضه أي حد ايجي العرس وماابغي اعزم حد .. لاني كنت اعتبر هالشي مو من حقهم لاني مب فرحانه .. ومب متزوجة من طيب خاطر ولاني حسيتهم بيزفوني لقبري واصعب شي ان الاحبه الي نحبهم هم الي يودعونا .. بس غيرت رايي عرسي مابيتكرر مرتين صحيح اني ماابغي منصور .. بس فرصه اشوف الناس ويشوفوني .. وبعدين مرت عمي المغرورة جذي ولاجذي بتعزم رفيجاتها فليش مااعزم رفيجاتي انا بعد

بعد ساعه ونص نشفت الحنه واقدر احرك يدي وامسك الاشياء .. طبعا يسوف كان مزعجنا كل شوي ايي ويخرب الصاله وتيي مرام تشله وتطلع .. طبعا شلوه من الكرسي لانه سوى لنا عررررس من صراخه .. اوففف مزعج ..

بفتقدة .. تلألأت عيني .. شوي ولا نقز بويهي وقعد يمسك يدي .. ويوم بغا يمسك ريلي صارخت صراخ .. لان الحنه ماكانت ناشفه .. :لاااااااااااااااااااااااا يوسفوه انجلع اطلع برع الصاله انجلع ..

طنشني وقعد يناقز على الكراسي لين طاح وقعد يصيح .. فديييييييت عيونه والله .. كان خاطري اقوم بس مااقدر ريلي فيها حنه .. بعدها بدقايق .. انترس البيت من رفيجاتي وعماتي وبنات خوالنا وجي .. كانو ياين يجوفون الحنه ويقعدون معانا .. كنت ابغي اقوم واسلم عليهم بس ماقدرت مثل ماقلت لكم بريلي حنه .. وماابغي اخرب النقش لانه حلو وعجبني ..

بعد شوي يات سلوي وكنت زعلانه منها وايد وايد وايد .. حتى مارديت عليها .. يات وقعدت عندي على الارض: سوسو حبيبتي والله مو قصدي .. همست باذني مجبورة والله .. وقالت بصوت عالي : ماقلت لج شصار

طالعتها بضحكة: لا ماقلتي شنو؟ شصار؟

سلوي ضحكت : قصيت عليج هههههههههههه

ضربتها : سباللللللله

ضرخت علي : بتخربييييييييييين حنتي

انا بعد صرخت : ويه حنتي

ضحكنا ويا بعض .. وعد : مالت عليكم ثنينكم يالمخبل

الهام : لايفوتج بعد سوير وبتتزوج وللحينها خبله

ضحكت وكملت سلوي : بتخبل اخوووووووي

قلت بصوت واطي بس مااظن سمعته: بروحة مخبل مايحتاي اخبله

قعدنا نسولف ونضحك .. وبعد ساعه .. هديتهم ورحت فوق وشليت الحنه ودهنت يديني بالفكس وريلي بعد .. ونزلت لهم بعد مالبست جلابيه مغربيه بلون زيتوني <اموووووت بهذا اللون اصلا حلو على بشرتي ...وكان فيه شك وتطريز .. امي كانت مسويته لي .. المهم قعدنا نسولف لي المغرب ..

وبعدين كلهم ردا بيوتهم .. وياتني مرة الصالون وسشورت شعري قلت لها تخليه مفتوح لانه قصير وخلت حركة الشعر على برع وطلع يهببببل .. وبعها يات الممكيجة ..ومكيجتني .. وجذي .. قلت لها تحط لي شي خفيف وايييد .. لأن الليله بييون لنا ناس يباركون لنا ..وكنا مسوين لهم عشا وجذي ...

ع الساعه عشر ونص .. حسيت اني هلكانه ميتة .. حتى اني ماتعشيت .. رحت لداري وسيدة غسلت ويهي .. ورقدت .. قمت على صلاة الصبح بروحي .. نزلت تحت .. ماادري ليش كنت متحمسه اليوم .. سويت حليب بالزعفران سويته بس لاني احبه المهم .. ناديتهم للصلاة .. ورحت صليت .. وجفت نفسي بالمنظرة كان شكلي متغيير شوي .. بس كنت حلووووة .. فديتني .. هههه .. نزلت ببجامتي كنت لابسه بجامة يدها طوييله وبانطلونها بعد طوييل .. لونها بيج .. حرير شايرتها من ماركس اند سبنسر

يات مرام تحت : سرووووووووي فديتج مبرووووووووووك

ابتسمت كنت بسالها ليش ؟ .. بس تذكرت اليوم ملجتي .. حسيت بالبرودة .. اوففف برررد ..: الله يبارك فيج .. مو جنه بررررررد ..

ضحكت مرام : ايه الحين وقت الشتا لازم برد ...

شوي ونزلت امي وتيمعنا وتريقنا .. وبعدها رحت غرفتي .. اجمع بقيه ثيابي .. جفت دفتر عزيز على قلبي دفتر ذكرى .. من يوم انا بالابتدائيه هو عندي ..

قعدت اقرى واقرى .. في بنات اذكرهم للحين .. وفي بنات لا .. كنت اضحك ضحك على حجيهم .. صج كنا يهال .. ومانعرف شي بس جذي نكتب .. بس والله ايام ماتتعوض .. ابتسمت لين وصلت لمرحله الثانويه .. هني عاد كان الهبال من قلب ... والبنات كل وحدة تتفنن وتكتب احلى ذكري ..

صحت شوي على بعض الذكرى للبنات العزيزات على قلبي والبعض الثاني ابتسمت لان للحين لهم ذكرى بقلبي .. صكرت الدفتر .. وانبطحت على السرير .. وبين لحظة والثانيه من ذكرياتي .. غفييت ..

^^^^^^^^^^^^^

"سالم"

قمت الصبح بسرعه متحمس للموعد .. ياترى شتبغي لولو؟ .. شالي ذكرني فيها؟ .. اتصلت الريامي .. شسمها ماادري مااذكر <من كثر البنات

مارديت عليها .. خلها تولي .. تمللت من ويهها ..

نزلت تحت كالعادة محد على السفرة .. نجتمع بس على الغدى واحيانا بعد مو دايما

دخلت المطبخ .. جفت هذيج الفلبينيه ماادري الصينيه .. لعنبو عليها جسسسسسسم .. اوففف ولا المونيكان له نفسه .. طوييله .. وبيضه شوي .. عيونها خطة قلم .. وخشمها شوي مدبب .. مممم .. حلجها صغير جنه تمرة .. رحت وراها وشكلها ماانتبهت لي كانت تقطع الجبن .. مسكت خصرها نقزت .. صفرت لها .. وهي طالعتني اول شي باحراج بعدين قامت تضحك وتهز راسها ..

عضيت على شفايفي .. يوم سمعت صوت سلوى .. وقتج ياسلووه ؟؟.. اوفف هادمة اللذات .. بعدت عنها .. وقلت لها تيب لي اكل هي وضحكت لي وقالت لي انزين .. حركت يديني .. وطلعت من المطبخ .. لقيت سلوى تضحك .. طالعت الساعه ساعه 9 شمقومها من نومها ذي؟ تعكر مزاجي .. الله ياخذ بليسج ياسلوى مخربه علي .. اووففف ..

قعدت بضيج عندها

ابتسمت ولا جنها من شوي مخربه علي : صباح الخير

رديت من طرف خشمي: صباح النور

طالعتني شوي : اوففف المزاج متعكر شفيك؟؟

طالعتها وجنها مجرمة .. وتقول شفيني كفايه خربتي علي .. وتسأليني بعد بقواة عين ؟ ..:ولاشي .. يالله انا طالع

قالت لي : تعاااااال اليوم ملجة اخوك وين رايح

قلت بعصبيه: طالع طالع برجع الغدى

اوففف هالملقوفه شدخلها غصب تعرف والله حاله ..

^^^^^^^^^^^^

باللـــــــــــــــيل ..

"لولوة "

جفت نفسي بنظرة اخيــرة كل شي تمام .. زودت من روجي التوتي وعطاه شكل اكبر من حجمة الطبيعي وحطيت جلوس عطاه لمعه وحيوية.. مسكت الكحل وزودت الكحل شوي ..

جافني علي وصفــر :ياعيييييني ..

ابتسمت .. اشبع غروري صراحة..: تسلم عمري

علي : على وين العزم؟

ابتسمت بحالميه : بروح عرس ..

هز راسه بتفهم :تبيني اوصلج؟

ابتسمت: اذا ماعندك مانع حبو ..

علي : من عيوني .. الحين بتروحين .. طالع ساعته .. مو جنه متاخر ..

طالعت ساعتي الفخمه كانت الساعه 10 وربع :لاحبي هم من الطبقه الراقيه توها السهرة باديه

ابتسم: اوكي يالله ..

ابتسمت بانتصار .. اخيرا راح اشوف منصور .. اخيـــراً ... بشوف مرته وبتشمت فيها .. وهم بخبرها عن حبنا الاسطور .. ااه ..ههه اقصد حبه الاسطوري .. ماانكر اني كنت معجبه فيه بس زال الاعجاب بسرعه ..

اممم الي اعرفه انه بيخل يلبسها ع الساعه 11 الا ربع .. يعني يمديني اشوفه قبل لا يدخل .. طلعت من البيت بعد ماتهاوشت ويا علي هو يبغيني اغطي ويهي وانا مو راضيه .. عيل متكشخة حق شنو عشان اغطيه؟ لا والله؟ .. واخر شي مشت كلمتي .. دشينا السيارة كان معصب .. وووه .. مايسوى علي ...

شفت نظرات الاعجاب من بعض الشباب .. بس صديت غصب علي .. علي وياي ومستحيل ابين له .. سويت نفسي ثقيييييله موووت .. حتى ماعطيتهم نظرررة ..

وصلت بيتهم بعد ظرف نص ساعه .. قبل لا انزل زيدت الجلوس وزيدت الكحل .. وقبل لا انزل قررت ارضي علي.. بسته على خدة بسرعه : حبيبي مرني ع الساعه 12 ونص .. ماابغي اطول .. سويت روحي مستحيه .. اشتقت لك بنسهر ويا بعض

ابتسم لي من قلبه :على خير

مسكت ضحكتي لااضحك جدامة .. وطلعت من السيارة وانا اتمخطر .. دخلت .. شفت واحد عررريييض لابس ثوووب ابيض .. وغترة حمرة .. ومسويها ترمبه .. ودققت اكثر .. كان ابيضاني شوي عيونه وسييييعه بس ناعسه بنفس الوقت خشمة طوييل بس مب وااييد يعني يعتبر متوسط .. شفايفه متوسطة ومليانه شوي .. خدودة حمر ..شكله من البرد .. بسرعه ناديييييييييته ..:منصــور ..

التفت يمين ويسار .. وبعدين صد لصوبي .. ابتسمت له .. حسيت اني من زمان ماشفته .. رخيت الشيله .. وخصل من شعري نزلو على ويهي .. وانا اعرف تأثيرهم عدل على الريايل .. قربت لعنده وهو ماتقدم ولا خطوة .. شدعوة ماوحشته؟ ..

شفته:نسيتني؟ ..هاي وانته واعدني بأنك ماتنساني وماتتزوج بعدي ..

رفعت راسي شوي .. وشفت عيونه .. كان شكله عادي وابداً مب متأثر ولا كأني اكلمة.. شفيه؟ .. قبل اسبوعين كان متلهف على شوفتي وانا تثيقلت عشان اشوف غلاتي .. شكله للحين شايل بخاطرة .. مسكت جتفه : منصور انا لولوة .. شفيك ؟؟

طالعني ببساطة وقال لي وهو يأشر على نفسه : تعرفيني؟؟

انصدمت .. صدمة عمري .. شفيه؟ يستهبل علي ولا يستهبل .. عصبت : منصور انا لولوة حبيبتك!

طالعني وهز جتوفه : مااعرفج .. مممم .. تجوفين لي الدرب امي تبغيني شوي ..

طالعته بصدمة :حبيبي ...!!! ليش ماتذكر؟

طالعني بصدمة : انا.. انتي .. انتي من وين تعرفيني؟

لا شكله خررررررررف من قلللب .. :انته تعرضت لفقدان الذاكرة ولا تستهبل علي؟

طالعني وقال لي بصدق: احلف لج عشان تصدقين اني مااعرفج؟؟

ابتسمت .. مسكين صار مينون لانه يحبني .. ياحبيبي .. مسكينة بنت عمه هههههههههههههههههه شلون رضت فيه؟؟ .. اكيد فيها عيب ولا مخبله نفسه؟ هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه : اوكي .. من عيوني ..

دشيت وانا الدنيا مو سايعتني .. شبغي اكثر من جذي؟ ريايل متخبلين علي .. فديتني ..

^^^^^^^^^^^^^^

"سلوى "

دخل منصور .. الصاله كانت منظمة ومرتبـه .. والبوفيه بطوله مالي الصاله .. والنسوان من كل الاجناس من كل طبقات المجتمع ماليين الاربع الصالات .. وفي صاله خامسه .. خاصه بس للبرستيييج للي هاي هاي هاي هاي .. امي هناك قاعدة ويا ربعها ..

ابتسمت وانا امر بينهم ووصلت لسارة .. الي كانت لابسه اممم فستان طاوووسي رهييييييييييييييييب رهيييييييييييييييب على جسمها كانت يدها اليمين عاريه مش كلها لا اليد لين ربع الذراع .. واليد الثانيه عاريه بس مغطيه بسلاسل من نفس الوان الفستان .. كانت ساروه تهبببببل .. تبون الصج انا مااعرف اوصف خخخ انا فاشله بالعربي .. المهم اتصل منصور وقال بيدش .. وقبله بشوي دشت وحدة لابسه فستان شوي عاري بس يهبل وجسمها ماشاءالله لا اله الا اللله ايجنن .. كانت بييييييضه واللون الاحمر اينن عليها .. الله يحفظها .. مممم ايه انا كنت لابسه فستان بحري .. دخل منصور .. وامي يايت وياي .. ووريناهم الشبطة والهدايا من منصور .. تقدم منصور وهو مستحي ونظرات الكل تراقبه ..

تقرب من الكوشه .. والاغاني زاعجة الدنيا .. كنت اضحك وابتسم .. مستانسه ياناس .. بس بنفس الوقت احس بحزن ..المهم خلونا فرحانين .. تقرب منصور لين وصلنا لسارة .. الي كانت جنها حوريه من الجنه ..

وقفت هي بعد .. وقف منصور مو فاهم شي .. قال لي :سالم قال لي اسألج شسوي؟ ..

ويييييييييييييييييييييه ياربي لايكون نسى الي حفظناه ياربي .. من الربكة قلت له: بوسها ..

قال لي :ها؟ ..... استحي ..

نزل عيونه للارض

ضحكت عليه: منصور يالله لازم تبوسها على راسها ..

طالعني بتردد .. وبعدين قرب من سارة وباسها بسرعه ووقف حذاها .. شوي ويات امي باركت له وانا بعد باركت له .. ويابت وياها الشبكة.. وقالت له يلبسها .. هني عاد توهق منصو رمن قلب هههههههههههههه ؟.. ساعدنا ولبسناها .. وساروه كانت محمرة .. وتفرص بيدي ههههههههههههههههههه .. فديتهم ..

صور وياها شوي .. وبعدين طلع ..

سلطانه: هاسوير اجوفج محمرة

سارة باحراج: حرام عليكم تفشلوني

ضحكنا انا وسلطانه على ساروة يحليلها .. تمينا قاعدين وياها ونسولف وكل ساعه وحدة من رفيجاتنا يات تسلم .. ونقوم لها .. لين صارت الساعه 2 ونص .. وبعدها خفت الزحمة ..

طبعا الناس تعشو ع الساعه 12 ونص .. وبعدين تمنينا نرقص ونسولف ونضحك .. ونتحجى عن امور وااييدة .. امي كانت تخزني بنظرات قويه لاني كنت اسولف ويا رفيجاتي بدون تحفظ ولاني بعد ماسلمت على كل رفيجاتها ماشاءالله عليهم شكثر وين اقدر اسلم عليهم رقبتي بتنكسر وهم للحين ماخلصو ..

بس سمعت تعليقات ضايقتني وااايد .. ومنها

:جوفوها بنت السفير .. يالله على رفع الخشووم
..: جوفوا فستانها اكيد من فرنسا ولا ايطاليا .. ولا بنت سفير وتخيط فقطر
..: مالت شهالعايله المغرورة

..: فسسسسسسسق يشترون فستان ب4000 وغيرهم من الدول محتاج ل500 ريال ومستكثرينها عليهم

..: هاي ابوها السفير ورافعه خشمها لاصار ابوها ملك دوله شبتسوي؟

..: مايطالعون الناس الا باطراف عيونهم مب عاجبينهم؟؟

وواااااااااااايد من التعليقات الي اذتني .. كان ودي اصرخ واقول لهم بس سكتو سكتو .. كانو يقيموني وكأني تمثال من تماثيل البيت .. مو كأني وحدة لها مشاعر واحاسيس .. كان بينهم تعليقات اقوى .. بس نفسي مب راضيه تخبركم .. كفايه انا سمعتها وسكت ..

صعدت غرفتي بعد ماطلعو الناس .. وبعد مارجعت سارة واهلها لبيتهم .. غيرت ملابسي .. ماكان لي بارض امسح مكياجي .. بطني يعورني من اليوع .. نزلت تحت شفت منصور وسالم يتحجون .. قعدت عندهم ..

سالم: ها منصور عسا عجبتك سارة؟

طالعه منصور باستغراب: من سارة؟

قلت له: زوجتك !!

سالم: يالمخبل ماتعرف اسمها للحين؟

ابتسم منصور: امي تقول اسمها سوير ام الفال

فتحت عيوني بوسعها .. امي وحجيها بعد .. لو قايل جدام الناس جذي .. صج فضييييييحه .. مسكينه ساروة شكلها امي مابترحمها

الله يعين .. خذيت لي اكل ورجعت الصاله وكان منصور قاعد يوصف سارة قلت بعصبيه : منصووور عييب

منصور ببراءة : هو قالي شنو كانت لابسه

طالعت سالم بنرفزة : سلوووم ..

ضحك سالم وقال لي : سؤااال بريء شفيج معصبه

سكت سالم وبعدين قال: يالله انا بروح ارقد وراي قومة ومعابل من الصبح لعرس الحبيب .. تصبحون على خير

انا ومنصور: وانته من اهله

قلت لمنصور بعد ماراح سالم: منصور عيب وحرام توصف مرتك جدام أي احد

منصور: بس انا ماعندي مرت ..

ابتسمت بتعاطف: امبلا حبيبي .. زوجتك يعني مرتك .. وانته متزوج .. ولازم ماتوصفها لاحد

هز راسه بطاعه وسالني بعدها : ليش؟ ..

قلت ه ببساطة عشان يفهم: لو ابوي قال لك سر وانته قلت لاحد ابوي بيعصب لان هالشي يخصه ومايبي حد يعرف .. نفس الشي سارة شي يخصك ولازم ماتقول لاحد عنها ..

قال لي ببراءة : بتزعل بعدين؟

قلت له وانا اكل: ايه .. وبعد الله بيزعل عليك ...تبغي؟

هز راسه بتفهم وقال لي : لالالا ابغي ارقد ..(قلد سالم) وراي قومة من الصبح حق عرس الحبيب.. تعالي من الحبيب؟

ضحكت عليه وبعدين قلت بحزن : يقصدك انت

ضرب يبهته بطفوله: ايييه صح نسيييت .. يالله باجر بتزوج ..تتزوجين وياي؟

ضحكت وقلت باحراج: منصور حبيبي روح نام ..

ابتسم: ليش تضحكين

قلت بفرحة: لاني مستانسه لك .. تصبح على خير

قعد يجوف السقف .. وبعد دقايق وجنه تذكر شنو يردون : وانتي من اهله ..

وراح فوق .. ابتسمت .. وبنفس الوقت ماتت ابتسامتي ..

^^^^^^^^^^^^^^^

باليوم الثاني بنفس هالوقت ..

عالساعه 10 ونص بالضبط .. انزفت سارة وهي باحلى حله .. الثوب الابيض يزين جسمها .. والالماس يزين هالفستان الغالي .. الطرحة المرصعه بالالماس والكرستال تتلامع مع الاضاءة الخفيفه .. القاعه الاسطوريه الذهبيه مخليه سارة وكأنها لؤلؤ طالع من البحر خصوصا مع الاضاءة الذهبيه الي عكست لون ثيابها الابيض بلون لؤلؤي شررح .. مكياجها الخفيف الوردي معطيها هاله من البراءة والجمال .. وعقد الالماس الثقيل مزعجها بس طالع برقبتها احلى من ماكان بالعرض .. زحمة الناس تخلي الواحد يحس بالفرحة غصب .. وتوتر العرايس شي اكيد تحس فيه سارة ..ترتيب الطاولات والشموع الي تضيء دربها للكوشه .. وريحة العوود ساحرة المكان .. ومخليه الناس يطالعونها بذهول .. هذي العروسه الصغيرة مرت ولد السفير .. اتيينن .. الكل يهلل ويكبر .. والكل يبارك لـ ام محمد .. وام محمد رافعه صدرها بفخر بزوجة ولدها الصغيرة الجميله .. اختيارها ماكان خاطئ جمال سارة تحسدها البنات عليه .. واليوم جمالها زايد ..

من استقرت سارة على المسرح ابتدوا المعازيم يباركون لها ويتعنون لعندها بس عشان يشوفون جمالها من قرب ويحددون ملامح الابداع الي رسمها الله لها .. الرقص والربشه كانت ماخذه الجو بشكل عام .. والفرحة والدموع كانت طايرة بام سارة للسما من الفرحة .. بنتها الوحيدة تتزوج .. وتاخذ احسن اولاد السفير بنظر الام .. شتبغي اكثر من جذي

وحدة قاعدة على جنب وودها لو تروح وتكفخ سارة وتفتك منها .. وتشيل الانظار المتوجهه لسارة وتخليها لها وبس .. شكثر تكره الاعراس لان الانظار تكون ملتمة للعروسه .. وهي ماتلاقي الا نظرات خاطفه نظرا لانها متزوجة .. الا انها تحصل انظار كثيرة بس الجشع والطمع معمين عينها

وبجنب ثاني البنات يتراقصون مع اللحن الموسيقي .. ويروحون للعروسة كل شوي .. وغير صديقاتها الي معسكرين عندها وترقص وتصور وياها .. وهي البسمة مافارقت محياها ... الاكيد مب عشان ارتباطها بمنصور بس الاكيد لانها تجوف فرحة الكل لها .. واهم شي فرحة اهمها ومرت اخوها .. والاهم من هاي كله رضا ام ريلها .. وحبها لها .. سارة عمرها مافكرت بلحظة ان مرت عمها تحبها هالحب .. كان واضح من تصرفاتها مما خلى سارة تخجل من مواقفها الي اتخذتها من نورة "ام محمد" .. حست بأنها ظلمتها ..

شوي ويعلنون دخول المعس .. هني بدت اطراف سارة تبرد .. وكأنها تذكرت موتها .. بدت تبعد تفكير الموت من عقلها .. لازم تستانس وماتخرب ملامح الحزن فرحتها على الاقل جدام الناس .. صكروا الستارة الي جدام سارة وظلت بمكانها تترقب خروج الريايل عشان ينفتح الستار .. كانت متوترة موت .. وتتمنى لو الريايل يطولون ومايطلعون بسرعه .. لكن تأخروا وااايد صار لهم نص ساعه .. فتحو الستار بطريقه حلوة وحركة احلى .. شوي وتنصدم عينها بعين اغلى حبيب على قلبها

"سارة"

من جفت ماجد لميته بقوة وكنت بصيح بس سلوى كانت تهددني عشان مايخترب مكياجي .. كنت ابغي اعاتبه بس للاسف الوقت والزمن والمكان مايسمح .. ظليت اطالعه بكل شوق .. الحمدلله مافيه شي .. الحمدلله انه بخير .. عيل ليش ماكان يرد علي .. ؟؟.. متى وصل؟؟ .. سلمت على عمي .. مع اني كنت حامله شكثر عليه بقلبي .. الا اني بذيك اللحظة ماادري .. ممم حسيت انمسح هالحقد لفترة زمنيه قصيرة .. وبعدها طلع هو وماجد .. عيوني كانت متعلقه بماجد .. ومن اختفى من نظري .. التفت لقيت منصور يبتسم .. وعليه البشت الاسود .. وسكسوكته مجمله ويهه .. اول مرة اشوفه عن قرب .. حتى امس ماطالعته كنت احس بفشله وكنت اطالع الارض .. شوي وباس يبهتي .. افتشلت مت من الفشله .. وبعدها قعدنا نتصور .. تعبت تعبت تعبت .. من امس وانا مو نايمة .. احاول انام مو قادرة افكر بهاليوم افكر شبسوي اذا تصكر علينا باب واحد .. همس لي : مبرووك

لو ماكنت شايفه شفايفه ماسمعته من بين هالازعاج والصدعه .. حركت شفايفي بـ الله يبارك فيك ..

صوتي اختفى .. وين رحت ياصوتي؟ وين؟ ..

ماصار الساعه 1 ونص الا وطلعنا بعد ماقطعنا الكيك .. وشربنا شوي من العصير ..وهيا كله لان منصور بدى يتعب .. شفيهم .. تخسبقو .. مرة وحدة .. توقعت السهرة بتم لين 3 الفير .. لان بعرس محمد تموا لين لين 2 ونص .. لالالللا مابي اروح معاه .. حسيت اني انسحب سحب .. مشيت بهدوء .. ويده الدافيه ماسكة يدي .. كنت احس بالضياع .. كنت اشوف المكان .. وكاني اودعه .. ماكنت اعرف وين بنروح ... فندق ولا بنسافر ولا ايش بالضبط ..

بعد ماطلعنا من القاعه راح منصور صوب الريايل .. وانا رحت فوق لغرفتنا .. مسحت مكياجي وتسبحت ولبست .. يوم طلعت شفت منصور لابس وجاهز .. تفشلت .. نزلت انظاري .. ومشطت شعري المبلل ..

قال لي بهدوء: سارة خلصتي

طالعته بصدمة .. يحاجيني:ها؟.... ايه..

منصور : يالله بنروح

قلت بهبل:ها..

منصور:بنروح

نزلت نظري لاني انحرجت .. :وين بنسافر؟

ماشفته ولا عرفت تعابير ويهه بس الي شفته ريله الي تتحرك للباب: لا بنروح الشاليهات ..

سكت ماتحجت ولانه طلع .. لبست عبايتي وشيلتي .. وتعطرت .. قررت احط كحل .. حطيت كحل وجلوس وردي لامع .. وبعدها شفت سلوى والكل .. سلمت عليهم .. ومسكت ماجد على جنب : ليش ماكنت ترد علي؟

ماجد وهو يبتسم : تلفوني ضايع .. !!..

لا والله؟ يستهبل انزين والايميلات الي طرشتهم بالهبل: ماقعدت على النت

ابتسم: شفيج ناسيه كانت عندي امتحانات .. وبعدين زين مني حضرت العرس والله ماحصلت طيارة حتى مرتي ماشفتها على طول من المطار للبيت بدلت وتجهزت وحلقت .. ويت على طول عرس الريايل ..

توني بتحجى ولا تنطق سلوى وياريتها ساكته احسن

سلوى: ماخذته على جنب احين من ريلج ماجد ولا منصور

ودي اكفخها هذي تستهبل ولا تستهبل

توادعنا وبصراحة صحت .. بس مسكت نفسي وماصحت وايد .. كنت ابغي ماجد يوصلنا .. بس لانه تعبان وجذي.. فسالم الي وصلنا .. وصلنا للشاليها بعد ساعه ماادري ساعتين .. المهم .. طلع سالم ..
مايحتاي اقول لكم طول الطريج وسلوم يهرن ويهرن .. تصمخت من قلب .. ومنصور كان ساكت .. وانا بعد كنت ساكته .. المهم وصلنا وبعدها راح سالم

انا خذيت غرفه .. ودشيت الحمام ..غيرت ملابسي ومشطت شعري .. وتعطرت كالعادة ..وطلعت من الحمام.. منصور ماتحجى وراح لغرفه ثانيه .. الحمدلله اكيد حس فيني .. ويه مالت علي اونه حس فيني .. اكيد يبغي يتأسف من حبيبة قلبه .. مسكينة اكيد قلبها محروق وتدعي علي .. والله مو ذنبي عمي الي اجبرني ولا انا ماابغي افرق بينهم.. المهم انبطحت وانا احس بالغربه والوحشه .. المكان غرييب .. ويخوف .. قررت اكتشف الشاليهات باجر .. بقوم بسرعه وبروح .. بس اخاف منصور مايرضى .. لاوالله على كيفه هو .. غمضت عيوني .. حسيت بطرقات خفيفه على الباب .. قمت مفزوعة .. بسم الله الرحمن الرحيم .. لالال اكيد اتخيل اكيد .. رديت انبطحت .. حسيت الباب انفتح بهدوء .. التفت للباب .. شفته منصور .. ساحب فراشه ومخدته وواقف عند الباب

طالعته بعدم فهم ..قال لي وهو مستحي : معليه ارقد هني .. اخاف ارقد بروحي!

وييييييييييييييييه عشتو عشتو عشتو .. مالت علي ماقول الا مالت .. شالحظ .. متزوجة ريال خديه .. هه .. حظ المقرودة شسوي بعد .. قلت باحراج: اوكي!..

الحين بالله عليكم من المفروض يدق على الثاني يخاف انا ولا هو .. مالت علي .. شكلي بصير مسترجله وريلي يصير خديه ههههههههههه قالبين الادوار .. انبطح على السرير الصوب الثاني .. فتحت عيوني بوسعها .. يبغي ينام وياي ع السرير .. قصوره قصورة .. توني بانطق الا هو يقول لي

: تدرين سارة انا كل يوم ارقد عند ماجد

طالعته باستغراب .. اسلوبه وطريقه .. مب اسلوب ... لحظة لحظة .. مب فاهمه ... شسالفه!!:ليش؟

قعد وهز جتفه: ماادري من ثلاث ايام .. انا ارقد عنده اخااف .. وو و .. قال .. تعرفين تلعبين سوني؟

جفته بصدمة .. :ها؟؟؟؟؟

منصور ببراءة : تعرفين تلعبين سوني ..انا كل يوم العب ويا ماجد سوني .. ونلعب بي اس بي .. ايه تعرفين بعد .. بابا سجلني بمكان بس مااعرف هو يقول نفس المدرسة الي يروح لها ماجد بس تدرين مافي اولاد كبر ماجد ..

طالعته بصدمة .. ماافهم والله مو قادرة افهم شي : .................

منصور كمل : بابا يقول ان انا نفس ماجد نفس عقله بس .. ليش انا مب كبر ماجد ليش ماجد قصير وانا طويل .. ليش ماجد ماعنده جي (مسك لحيته وشنبه) وانا عندي ..

لالالا .. مستحيل منصور جذي مستحيل .. انا دافنيني دافنيني ويا واحد ياهل .. ياهل .. نطقت وانا ودي اصيح : دفنت روحي بالثرى معاك ياولد عمي ...

09-27-2010, 08:02 AM

انا : قمرهم كلهم

اضفني كصديق

اوفففف مب مرتاحة بنومتي عدل كللش .. تحركت يمين يسار .. اوففف في حاجز ثقيل مايخليني اتحرك .. مالي بارض افتح عيني .. تعبااااااااااانه ياناس من يومين مو راقدة .. حركت المخدات وانا احسهم ثقلانين وااايد .. تمددت عالسرير .. حسيت اني تعدلت .. ورقدت .. صحيت بعد فترة .. وظليت اطالع المكان بهبل .. احس بثقل مو قادرة اتحرك من الفراش .. شوي واستوعبت المكان غرررريب .. نقزت بسرعه .. شفت المكان .. كان هااادي .. المناظر مغطيه الكبتات .. والتسريحة كبيرة وتشرح النفس .. والغرفه لونها عنابي .. والستاير ذهبيه .. والليتات هم لونهم ذهبي .. الفراش لونة .. لحظة لحظة .. هاي فراشين .. شصاير؟ .. لحظة مو كان غرفتي انا برتقاليه؟ شقلبها عنابيه؟

حكيت عيوني بيديني ببراءة وهالحركة انا ويسوف نسويها اذا قمنا من النوم وحتى مجود اخوي .. حكيت يبهتي .. وركزت انظاري بالغرفه .. الغرفه شوي ضييجة .. غرفتي انا وسيعه .. كل شي غير .. انا وين؟؟ .. انفتح باب الحمام وانا افكر .. طالعت الباب بصدمة .. اااااه .. منصور!! .. شيسوي هذا هني .. قليل الادب .. مايعرف اني بنت عمه ومو لازم يشوف شعري .. صج قليل ادب .. جفته بحمق وعصبيه وتوني بصرخ وبسبة بابشع الكلمات تذكرت امس .. وهدئت .. ظليت اطالعه بدون هدف .. تزوجنا!!.. وامس نام عندي لانه يخاف .. صار ياهل .. بس انا مو مستعدة اتزوج ياهل .. ساروووووووووه فكري مابيعرف أي شي .. اصلا تفكيرة محدود .. خخخخ اما بقص عليه قص هههههههه ..

ابتسم لي وحك ذقنه المرتب :يقولون صباح الخير صح؟

ابتسمت ياربي شكله بريييييييء بس هييييييييين..كشرت بويهي .. لاطلع كل الي سويته فيني السنين الماضيه صدقني يامنصور بتندم انك اخذتني .. اييييييييييه ساروة يالخبله انتي شتقولين .. تطلعين حرتج وكل الي سواه فيج الحين بوقت مرضه؟ لا ياسارة انتي ماعمرج استغليتي ضعف الناس .. شلون تستغلين مريض .. شلون تستغلين واحد ذكرياته ممسوحة .. بس هو كان يعاملني زفت ومتكبر علي .. وكان يقول لي كلمة تجرحني .. تجرحني مووت .. صكرت عيوني متالمة .. وفتحتها من يديد اجوف المكان الي طلع منه منصور ..

صرااااااااااااااااااااع بين نفسي .. شلون اعامله .. مااعرف والله مااعرف .. حكيت يبهتي .. ياربي ساعدني ..

تحركت من السرير الي كنت نايمة عليه بالعرض .. اووووووه شلون نام هذا ع السرير؟ .. انا مااعرف انام الا بعرض السرير .. ههههه اويه اتخيل شكله لووول .. دخلت الحمام .. وتغسلت وفرشت اسناني .. اووووووه نسيت اخذ ثيابي .. امس من التعب فتحت شنطتي وهي برع عند الباب .. طلع من الحمام بهدوء .. جفته قاعد ع السرير متملل .. استحيت .. قلت لمنصور : .. ممم .. منصور ..

طالعني بهدوء .. ياررربي استحي .. نزلت عيني .. وكملت : ممكن؟ ...

وقف بسرعه ويا صوبي .. تخرعت .. ورديت خطوتين لورا .. فقال: نعم؟

قلت بهدوء وانا افتح الباب : ممكن تيب لي شنطتي؟؟

ابتسم .. :انزين ..

طلع برع الغرفه .. وانا مفتشله .. دخلها .. رحت لصوبه :مب ثقيله تبي اساعدك؟

ضحك وقال ببراءة : امبلاااااااا ثقييييييييييييلله شنو فيها هالكثر؟

ضحكت اخفف احراجي : ثيابي يعنو شنو؟

بحركة سريعه قرب مني وشلاني .. صرررررررررررررخت .. طاح قلبي فبطني وجنه الحجاب الحاجز الي يفصل بينهم انقطع من شيلته تعلقه برقبته وانا ميتة من الخوف : منصوووووووووووووور نزلني

ضحك منصور ونزلني وانا ويهي شقول لكم .. يمكن اللون العنابي شويه على لون ويهي من كثر الدم الي تيمع فيه فجأة .. ومرة ثانيه شال شنطتي وضحك وقال : انتي اخف من شنطتج .. عيل ليش جي ثيابج ثقيله .. طالع ويهي .. وقعد يضحك وقال لي : اوبييييييييه جوفي ويهج صايررر احممممر .. نسك خدودي .. وبعدت يده بلطف وانا احس اني بغرق بثابي من الفشله ..

مارديت عليه .. احس اني للحين منحرجة موووت .. فتحت شنطتي والتفت عليه فجأة : شفيك واقف للحين؟

طالعني وقال: عيل شاسوي؟

افتشلت فشله اطلع ملابسي جدااامة : امممم .. روح الصاله ببدل وبيي ..

قال لي ببراءة : زين بس لاتتأخرين؟

ابتسمت: اووكي .. امممم ولا اقول روح المطبخ عشان نسوي لنا ريوووق .. حطيت يدي على بطني الصغيرووووووووون :احس اني يوعاااانه من امس ماكليت شي

هز راسه بطاعه وراح .. يحلييييييييييله والله فرق بينه الحين وبين منصور الي قبل اعوذ بالله .. اتمنى يظل طول عمرة جذي ولايرد نفس قبل .. اقشر ..

طلعت لي ثياب وخرابيطي .. ودشيت الحمام .. تسببببحت ولبست وخلصت .. وطلعت .. توجهت مرة ثانيه للشنطة طلعت شنطه فيها كل شي يتعلق بشعري .. من مشط شباصات .. وحتى رييش .. مشطت شعري .. قررت ارفعه نالي بارض اخليه مفتوح ويلعوزني خصوصا انه قصيير لين جتوفي مب طويل .. رفعته كله لفوق وطبعا طلعت خصل واااايدة من شعري لانها قصيرة وحاوطت ويهي اوففف شسوي فيهم هذول بعد؟ .. صج الي قصت شعري تبط الجبد .. هالكثر قصييير .. يعني صح انا قلت لها ابي للجتف بس مو جذي مايتصكر ..رشيت لي عطر .. اوفف احب هالعطر ..رووز بولغاري .. لونة وردي ..مع اني مااطيق اللون الووووردي .. الا اني حبيته بسبب هالعطر .. لاتصدقون مااحب الوردي لو الي تسوون <مالت انا احب الوردي خخخ
رفعت خصل من قدلتي وثبتهم على جنب بشباصه متروسه فصوص شاريتها لي سلوى .. مااحب الشي الي متروس فصوص .. اوووه .. يعور الراس خصوصا يوم يتشربك الشعر فيه .. كحلت عيوووني .. وحطيت لي غلوس وردي خفيف .. مع ان ماكان لي بارض .. بس لاني تسبحت فاحس اني تنشطت .. شعري للحين مبلل .. ياربي .. والله مالي بارض اجففه اصلا معظمة جف من الفوطة .. احب افرك راسي بالفوطة ماحبب اجفف شعري بالسشوار لانه شعري بسرعه يتقصف اذا سشورته .. لحظة جني عطيتكم قصه حياتي .. لوول ..

وقفت جدام المنظرة .. بعد ماشفت شكلي فدييييييتني كيوووووت الله يحفظني (ويقهر عذاااالي <هم عارفين نفسهم خخخ ) ابتسمت لنفسي برضا فالمنظرة .. وكنت بطلع ..بس مرة ثانيه رشيت لي عطري المفضل اكيد عرفتوه ايوووه بولغاري .. رشيت على رقبتي وتحت اذني هالمرة .. تنهدت .. ورحت صوب الكوميدينو .. شفت الساعه .. وانصدمت صدمة حياتي .. تدرون الحين ساعه كم؟ .. كم تتوقعون؟ ... 12؟؟ لالا
1 الظهر .. لا لا ... الحين الساعه 8 الصبح .. ييييه شمقيمني هالحزة؟؟ خخخخ .. جفت نفسي بالمنظرة وصكيت حلجي اضحك على رووحي .. اول مرة اقوم بهالنشاط الساعه 8 .. عدلت قميصي .. صح ماقلت لكم انا شـ لابسه .. امممم .. تتوقعون فستان نفس العرايس؟ .. لالاا .. جلابيه مغربيه للعرايس؟ .. هم لا لا لا .. ممممم .. لاتهاوشوني .. اصلا لبست ولا مالبست منصور ياهل ومايعرف شي .. احم احم .. كنت لابسه بانطلون جينز باللون الكحلي الفخم وخيوطة باللون الذهبي .. وقميص من بدايه الجتف لين نهايه البطن فيه كشكشة .. والكشكشة تكبر عند الصدر .. ودنعه الصدر وسييييييييعه .. ولبست تحتها بدي يغطي الرقبه لونة ذهبي وقميصي ذهبي .. وفي القميص خيوط اربطهم ويا بعض .. فالقميييييييص كششششخة وعجيييب حق الايام العاديه مب حق العرايس .. يييييه وانا شعلي .. انا مو محسوبه من العرايس .. لوول

طلعت من الغرفه .. وتأملت المكان شوي .. كان واااسع وحلو .. وكان خاطري اتامل كل غرفه فيه واتعرف عليها .. بس اجلت كل شي حتى ماانتبهت للـ الوان لاني يوعاانه .. رحت المطبخ شفت منصور حاط راسه على الطاوله ومصكر عينه ببراءة .. ومن دخلت فتح عينه .. شكله حس ان في احد بالمطبخ .. اوووه صج اين غيه اكيد شم العطر .. امبييييه فشله .. ياريت ماتعطرت .. حمرت خدودي وقلت وانا اجوف المطبخ : صباح الخير ..

مارد علي .. ويييه شكله محظر <محظر= حظر ينونة خخخخخخخ
توجهت للثلاجة .. زين يامنصور بتتعامل وياي بالتطنش انا بعد اعرف اطنش .. قال لي وهو يصكر عيونة : تدرين ليش مابي ارد عليج ..

مارديت عليه ...ينجلع .. يعني بموت لو مارد علي ؟ .. والله ..ولا ميتة بويهه .. كمل : لاني مساعه قلت لج صباح الخير ومارديتي ..

طالعته .. انا؟ .. هو اصلا ماكلمني عشان يقول صباح الخير .. متى مااذكر ؟ .. ع العموم صباح الخير ولا مساء الخير مايهموني .. قلت بهدوء: منصور بلييز دور الطابي ..

(الطابي = القلايه .. القرص الي يقلون فيه البيض)

قام من مكانه .. ياربي له هييبه بس والله حرام مسكين كسر خاطري .. معقوله مايذكر ولا شي من الي قبل .. صعب الواحد يعيش بدون ماضي بدون ذكريات حتى لو كانت اليمة بس يكون له ماضي .. طلعت ثلاث بيضات قال لن بيض؟

ابتسمت .. شسوي يعني .. مافي شي ينكل .. مافي شي بالثلاجة غير البيض والجبن .. ممم .. حتى فواكة مافي ولا خضروات ولا حتى حليب فراوله <احب حليب الفراوله

ياررربي انا متعودة كل يوم اقوم اشرب حليب فراوله ..

يالله شسوي بعد امري لله .. شفته واقف ويغسل الطابي مسكيييييين .. والله اني مااستحي على ويهي اشغل ريلي من اول يوم خخخخخخخخخخخ عشان يعرف .. هههه اونه ريلي اونه .. قلت بهدوء: خلاص منصور خله مشكور .. انا بكمل

قال لي ببراءة : لاعادي بساعدج

مسكين .. والله يكسر الخاطر .. امبييه .. حرام علي والله اني مب انسانه .. تذكرت الخطط الي كنت بسويه فيه .. الحمدله اني مابديت بشي .. مسكين منصور مايستاهل .. كفايه انه مب حاس بدنيته أي ازيد عليه .. صج الله يحب منصور ولا ماكان بيفتك من خططي .. ههه ..ياربي شلون بكمل حياتي وياه .. معقوله اكمل حياتي ويا طفل؟ .. مستحيل مستحيل .. انا ابغي رجل .. تعرفون شنو يعني رياال .. يعني بجد احس ان لي ظهر استند عليه .. عندي احد الجأ له لا احتجت له .. بس احين اذا احتجت لاحد استند على من؟ .. تنهدت ... مافي انثى ماتبغي ريال يحسسها بانوثتها يحسسها باهميتها بحياته .. يحسسها بانه مب كامل الا بوجودها .. النقص الي فيه تعوضه اهيا بوجودها .. اما انا شنو؟ شنو .. اعيش ويا .. ويا طفل! .. اكمل حياتي بطفل .. يعني مستحيل احلم اني بيب ولد او بنت ينادوني ماما .. ادري بتقولون شفيها مستعيله .. بقول لكم انا مب مستعيله .. انا افكر بمنطقيه .. انا افكر بعقلانيه ..

طالعت منصور الي يطالعني ببراءة .. وابتسمت له بخجل .. مسكين يامنصور .. بتظطر تعيش ويا وحدة نفسي .. معقوله منصور نسى كل شي كل شي .. حتى الي يحبها؟ .. بس انا قريت شكثر ان الانسان حتى وان فقد ذاكرته يكون احساسه موجود .. واحساسه هو الي يدليه على الي يحبهم والي مايحبهم معقوله يحس بانه ماكان يحبني الا ماكن يواطني؟ .. معقوله اذا يبنا مجموعه بنات بيقدر يميز الي كان يحبها؟ ..

كسرت البيض بعد ماحطيت كميه دهن معقوله .. بدى يصير البيض رشيته بملح وترسسسسسسسسته فلفل .. ترسسسته حتى ان لون البيض صار شبه اسود .. شليته وحطيته بـ صحن .. وحطيته على الطاوله .. كنت مسويه بيض عيون وتارسته فلفل .. طالعه منصور .. ورجع يطالعني .. طقعته .. ورديت اسوي بيض .. ونفس الشي حطيت بنفس الكمبة من الملح بس خففت الفلفل بوااااااااااااايد .. يعني كمية الفلفل ااسود كانت خفيفه يادووب تنشاف .. وحطيته بصحن ..وحطيته على الطاوله .. غسلت جلاصين .. وبعدها حطيت واحد منهم جدامي .. والثاني جدام منصور .. صبيت فيه عصير برتقال .. هاي العصير الوحيد الموجود بالثلاجة .. شفت جبن كرافت شدر .. وجبن المراعي .. قطعت جبن كرافت قطع قطع صغيرة .. وحطيت بالجانب الثاني من الصحن كمية من الجبن .. كمية معقوله يعني لا وايد ولا شويه .. وممم طلعت زيتوون وحطيته بنفس الصحن .. وطلعت عسل وهم حطيته بنفس الصحن .. الصحن كان مقسم لاكثر من قسم .. حطيته ع السفرة .. ومممم .. خذيت طماطة وحدة .. وخيارة وحدة .. وقطعتهم شرايح .. ورشيت فلفل وملح بشكل معتدل .. وحطيته ع السفرة .. رن المكيرويف .. ورحت طلعت منه الخبز ..وكان حاااار .. وحطيت بصحن .. وحطيته على الطاوله .. تقريبا الطاوله صارت مليااانه اكل .. جفت منصور يطالع الاكل بانفجاع .. ويييه نسينا ان هو ولد سفير وماياكل هالاكل .. الحمدلله والشكر عيل شياكلون بالريوق؟ ..

طالعته باحراج: شفيك؟

طالعني .. وبعدين طالع الصحون الي ماليه الطاوله: كل هالاكل لي ولج بس؟ .. وااايد ..

الله واكبر .. الله واكبر .. الحين هالاشيا صاروا وااايد؟ .. والله خفته يستهزئ بالاكل .. استغفر الله بس هو متعود يستهزء بكل شي .. فررررررررق بين الحين وقبل الي مايقعد على السفرة الا وهي مليانه اكل وبالاخير يزيد ووين يروح؟ افكورس بالزباله .. اوووه صح نسيت منصور فاقد ذاكرته عشان جذي مستغرب ..! .. : تبغي اكل ماتبغي الاتاكل

مالت علي احين هاي الي قدرت عليه .. شفيني نسيت ان منصور فاقد الذاكرة .. لازم احاجيه عدل .. هو مب نفس قبل .. مسكين والله شكله حنين وطييب .. حسيت اني قسيت عليه فقلت : اسفه

طالعني باستغراب : على؟

قلت باحراج : مممم .. حسيت اني جاوبت بدفاشه شوي .. احم سوري ..

ابتسم وقال لي : عادي .. ممم هالبيض لي ؟ اشر على البيض المتروس فلللللللفللللل : وايد فيه فلفل

جفت البيض الي اشر عليه وابتسمت : لالالا هاي بيضي .. عطيته البيض ايل فيه فلفل بس بشكل خفيف . وابتسمت وقلت له : انا احب بيض عيون اذا كان مترووووووووس فلفل

رفع حاجب واحد وابتسم .. وبدا ياكل .. بوسط اكلنا .. رن جرس الشاليه

طالعته باستغراب: من؟؟

طالعني وهز جتفه : ماادري

صج اني غبيه اسأله من وهو قاعد عندي بالله شدراه .. قمت بروح اشوف من طبعا باخذ شيلتي .. بس هو وقف وقال لي : انا بروح اجوف من .. انتي ماقايله لاحد ايي؟؟

طالعته باستغراب شنو هذا تخبل؟ اصلا من المينون الي ايي لمعاريس بصباحيتهم صح اني مااعتبر نفسي عروسه ولا اعتبر منصور معرس بس جدام الناس أي .. ومستحيل حد ايي .. عقدت حياتي .. لايكون في امي ولا ماجد ولا مرام ولا يسوف ولا سلوي بعد قلبي شي؟ ..

شمعت صووت ريال .. اووويه .. من هاي .. سمعت منصور يقول للريال : حيااك سالم قاعدين نتريق

سالم؟ .. شيايبه هالعله بعد؟ .. صج مايستحي ايي لمعاريس بصباحيتهم .. قلت بحدة : منصور اخذ سالم للصاله انا مو لابسه شيله ولا عبايه ..

حظرته يبغي يدخل اخوه الخبل هني .. اووه انا بعد شفيني قمت انسى .. شعرفه منصور .. وسالم هالخبيث ماقال شي .. صج مايستحي على ويهه ..

طليت بويهي للصاله بشوف اذا فيها حد ولا لاء .. بس دق خشمي بخشم حد .. احححححح .. خشمي يعورني .. حتى ان عيني انترست دموع لانه دق بخشمي بقوة .. شكله انصدم مثل ماانا انصدمت .. مسكت خشمي وصكرت عيوين بقوة .. اححححح يععوووور والله ..

فتحت عيني الملاينه دموع وشفت عيونه الناعسه العسليه تطالعني باحراج: اسف مادريت انج عند الباب ..

فركت خشمي وانا احس ان خشمي يعووورني من جد : لا عادي حصل خير

ابتسمت باحراج اني حسيته تضايق .. : وينه سالم؟

ابتسم منصور وجنه نسى الي صار من شوي : راح .. مسكين كان يايب لنا ريوق .. مايدري انج تعرفين تسوين .. ضحك

ابتسمت وقلت : وييييييييه تعبت نفسي ع الفاضي ..

ضحكت وضحك وياي .. اقترحت عليه نوديه لجيراننا بالشاليه .. وافق منصور .. وقعدنا نكمل الريوق الي انا سويته ..توقعت منصور بيهد الاكل الي سويته وبياكل من بيتهم .. يعني معقوله ولد السفير وياكل من يد من بنت عمه؟ .. وياكل شنو بعد؟ بيض .. جبن .. ولا خيار .. ومن بيتهم الذ الااكل .. بس ابتسمت وانا اجوفه ياكل بشهيه .. شكله مو متعشي امس ..

ظليت اطالعه وانا سرحانه .. انتبهت على عينه العسليه تجوفني .. انحرجت .. ونزلت عيني .. : ممم منصور اليوم بنتمشى ؟

ركز نظرة علي ورد ينزل عيونه ويكمل اكله: اوكي ؟! ادلين انتي انا ماادل شي .. حك ذقنه باحراج

ضحكت :هههههه لالالا ادل ادل لاتخاف ..

بعد ماخلصنا الريوق .. شلت الصحون وكنت بغسل الصحون واحط بالقي بالثلاجة حراام ينكب برع ..

قال لي منصور : لا خليه سالم ياب الخدامة تنظف وتسوي لنا الاكل ..

ابتسمت: اوكي .. بس ع الاقل بشيل الي كليناه وبحط على صوب .. مممم .. وحطيت لها اكل وبعد حطيت لها من اكل بيت السفير .. اوه اقصد عمي ..

ابتسمت للخدامة الي دشت المطبخ بعد ماناداها منصور .. اسمها ليلي ..

تصدقون شكلها صغييييييييير .. يمكن اكبر مني بسنة ولا سنتين .. يحليلها .. حرام ليش مطرشينها من بلادها تخدم ببيوت الناس والمفروض تكون بالحرم الجامعي ..

طلعت من المطبخ .. شفت منصور منسدح على الكنبه وبيدة شي .. ييه .. قررت اخرعه .. مشيت على اطراف صوابعي .. شوي شوي .. ووقفت وراه بالضبط توني بصرخ اخرعه ولا مرة وحدة يقعد وايرني .. جان اصرخ انا .. بغيت اخرعه خرعني

منصور: هههههههههههه شفتج وانتي يايه

حطيت يدي على قلبي : حرام تخرعني

ضحك وقال لي : انتي تخرعيني معليه وانا لا؟

ضحكت : شلون جفتني من مساعه اتسحب جني سحليه شلون جفتني

ضحك منصور وقال وهو يأشر على البي اس بي ماله: جفت صورتج منطبعه فالبي اس بي وانا العب وقلت بخرعج

ورد يضحك مرة ثانيه .. يااااي شكله اينن وهو يضحك .. ماشاءالله عليه وسييييييييم حتى انه احلى مني .. عشان جذي كان مغرور .. وبعد كان مغرور علي انا بعد لانه جد كان وسيييييم ..

سحبت البي اس بي من يده وقعدت العب .. وسحباه من يدي .. رفع يده فوق وطبيعي مااوصل لانه اطول من بواايد :يييييييبه منصور اصلا عيب تسبحه من يد الناس وهم يلعبون

منصور ببراءة : يــــــه .. انتي سحبتيه من يدي

يريته من يده ورديت العب : انا عادي .. بس انته لا

شكله زعل وقال : ليــــش؟

ضحكت ورديت العب : لانك ريلي وعادي اذا سحبته من يدك

طالعني بهدوء وقال : انزين انتي مب ريلتي مايصير اسحبه منج؟

مت من الضحك :ههههههههههههههههههههههههههههههههههههههه شنو ؟ بل ـ ههههههههه .. بليز عيد عيد الكلمة

ضحك بعبط : شفيج تضحكين .. أي كلمة؟

ضحكت ووانا ادفن ويهي بالمخدة :ههههههههههههههههههههههههههههههههههههههه

ماقدرت ارد عليه .. ماادري شفيني صكتني هستيريا الضحك .. قعدت اهتز وانا اضحك .. شكله احتر مني وفرك راسي بالمخدة زيادة حتى ان ريشتي تبطلت وشعري اعتفس .. بس كنت للحين اضحك من الكلمة .. ريلتي اونه هههههههههههههههههههههههههههههههههههههههههههههههههه ههههههههه

منصور ضرب راسي : بس عاد .. صج !

ضحكت .. وغطيت ويهي بجتفه لانه شل المخدة عن ويهي وانا اضحك .. ولانه قاعد عندي وقريب فطبيعي حطيت ويهي على جتفه اغطي ويهي عنه واضحك

منصور وشكله مقهور: ساااااااااااااااااااااااره

طالعته وعيوني تدمع وويهي صاييييير احمر : هههههه هلا؟
ههههههههههههههههههههه

رديت اضحك .. بسم الله صج مايسوى عليه قال الكلمة بس والله هههههههههههه ماادري شفيني ؟ .. شكلي تعاديت من منصور ههههههههههههههههههههههههههههههه

منصور: ليش تضحكين هالكثر؟

من طالعت ويهه وبرائته زدت بالضحك رعصني بالكرسي وهو قريب مني: اشششششششش خلاص ليش تضحكين ..
غطيت ويهي بيدي وانا اهتز بضحك بعدين وقفت ضحك وابتعدت يوم حسيته قريب مني .. وابتسمت .. طالعني : ليش كنتي تضحكين؟

ابتسم .. هههههههههه .. ياربي اخاف اتحجى وارد اضحك : مافيني شي .. هههههههه .. بس منصور

طالعني وشكله من جد زعلان : ها؟

ضحكت بهدوء: منصور مايقولون ريلتي؟ يقولون مرتي .. يعني انا اقول لك ريلي بس انت تقول لي مرتي مب ريلتي ههههههههه

فلعني بالمخدة ورديت اضحك ورد يفلعني بالمخدات كلهم ورديت افلعه انا .. هو يفلع .. وانا افلع .. واخر شي مسكينه الخدامة وهي يايه فلعها منصور .. مسكينه .. حتى انها من كثر الصدمة صرخت .. اويييه شبتقول عنا مخبلين؟ احين منصور ياهل استويت انا اخس مستمرة وياه .. صج اني هبله

راحت الخدامة تتحلطم وهي رايحة للمطبخ شكلها كانت بتقول لنا عن الاكل ولا شي .. هههههههههههه مسكينه كلت الفلعه .. هع هع .. مسكت منصور وقلت له : خلااااص سوري سوري مايسوى علي .. مممم .. نروح نتمشى

مسك يدي وقال :انزين يالله ..

تفشلللللللت شنو مايستحي هذا يمسك يدي؟ ..عييييييييب .. امبييييه .. تمنيت اغطي ويهي عنه .. رحت للغرفه .. لبست شيلتي وعبايتي .. وتعطرت .. طالعت نفسي بالمنظرة .. بااال شعري متبهدل .. يمعته وهو مبهدل مالي بارض امشطة واعدله لبست شيلتي وزررت عبايتي .. وطلعت .. جفت الخدامة طالعه بيدها صينيه الريوق .. خمنت ان منصور قال لها توديه للجيران ..

ابتسمت له وقلت : منصور ماتدري وين حاطة جوالي؟

حك ذقنه : ماادري؟ ..

قلت باحراج: انزين ممكن جوالك شوي بكلم امي وسلوي ..

مد لي جواله بدون مايتمنن علي .. حسيت اني فعلا كنت غبيه يوم كنت افكر واخطط عشان اطفشه واخليه يعرف قدري الي استهان فيه سنين طويله .. مسكين منصور .. كسر خاااطري .. اكيد بتكيف وياه بسرعه حتى والله اني ماحسيت باحراج واايد .. حسيته طفل مب ريال عشان انحرج منه ..

ابتسم لي يوم جافني اتصل .. رديت له الابتسامة بسرعه ضربت بيديني على الطاوله بتوتر .. ليش مايردووون .. طالعت الشاشه اتأكد من الرقم ..

عقد حواجبه وجنه يقول لي شفيج .. هزيت جتفي وقلت له بهمس: مايردون .. شوي واسمع صوت .. صرخت بسرعه .. الوووووووووو

ضحكت يوم جفته سد اذنه بانفجاع .. رديت اكلم : الوووو يوسفوه حبيبي عمري انته .. شلونك؟ شخبارك شمسوي؟ ..

يوسف: اب باب اباب باب باب

انا : يوسي انا تاااله

يسوف وجنه يفكر : تالوووووووه

ضحكت من نبرة صوته: سارة شنو شاروة اكسر لك ضروسك؟

سمعت ضحكته فدييييييته : يوسفان وين مامي وبابي؟

يسوف ساكت :.........

صرخت: يسووووووووف بلا لعانه عطني ماما ..

شوي وسمعت صوت ضحكات: جوفي ولدج مغرم شايل التلفون ويتكركر من الضحك

حسيت اني بصيح الاخوان يسولفون وماايون يردون بصييييييح احين انا محترقه ابي اكلمهم وهم ابد مب هامهم ..

شوي وسمعت مرام تقول: لا والله مسكه ماجد وقال : الو؟
ابتسمت بسرعه واحس عيوني تحتنرق : الووووو..

ماجد: من سارووة؟

ابتسمت : ايه .. شلونكم شخباركم؟ عساكم بخير؟ شلون مرام .. شلون يسوف .. وامي .. وانته شلونك؟

ماجد .. حسته ابتسم: بال بال بال كل هالاسئله تبيني ارد عليهم اقول عطيني ريلج اسلم عليه ..

قلت بقهر: مجود بلا سخافه .. احسن انا متصله ابـ ...

قاطعني صوت امي وهي تقول :عطني يمة اكلمها .. الو ..

هني طاحت دمعتين من عيني اليسار .. ياربي والله بافتقد هالصوت الحنون .. من عنده مثل امي من؟ .. محد .. محد .. بدت تصيح امي وهي تسألني عن اخباري .. والله كنت شوي واصيح بس ماسكة روحي : يمة انا بخير .. الحمدلله ..
ماقدرت اكمل .. عطيت منصور التلفون وعطيته ظهري وانا امسح الدمعه اليتيمة الي طاحت من عيني اليمين ..

شوي وصكر من عندهم منصور .. وياه صوبي: ليش تصيحين؟ ..

كنت ساكته وهاديه بس احس من داخلي نيراان تثور : ولا شي .. بس .. ممم .. شرايك نروح برع نتمشى ..

مسك يدي وقال : يالله ..

انحرجت .. بس ماتكلمت .. طلعنا شوي تمشينا ع البحر وكنا نسولف سوالف متفرقه .. منصور يحاجيني وانا كنت سرحانه .. لين قعدنا .. على حصايه شوي كبيرة .. قال لي والهوى يهب ويطير اطراف شيلتي : متى اخر مرة يتي هني؟

منصووووووووور لا .. ارجوك .. لاتذكرني كل مااحاول انسى جروحك تذكرني فيها .. نزلت عيوني : قبل لايتوفى ابوي الله يرحمه

قال لي ببراءة : ابوج ميت؟

هزيت راسي وانا احس اني مخنووقه .. والله مو قادرة اتحمل :ايه ..

وجنه مصر يصيحني : متى مات؟

انخنق صوتي: قبل سنة وشهرين.. تلألأت عيني بالدمع .. اسفه يبه اسفه .. نسيتك هالكمن يوم .. ومارقدت وصورتك بيدي .. اسفه ..

منصور: اها .. انا مااذكر متى اخر مرة يت هني ..

سكت وسكت هو بعدين قال لي تحبين البحر : رفعت عيني من البحر وجفت اخر نقطة تقدر توصل لها عيني من البحر ..: ايه .. بس ..وااايد احبه .. وانته؟؟

ابتسم: حتى انا..قال يغير الموضوع شنهي اكثر بلدة تحبينها؟ ..

ابتسمت بصدق: قطـــر ..

قال لي وهو يضحك: لالالا اقصد من البلدان الي رحتي لها

ابتسمت: امممممم .. البحرين اكثر دوله حبيتها ..

قال لي :شمعنى؟

ابتسمت: كانت لي ذكريات حلووووووة هناااك .. وانته؟

ابتسم بأسى : مادري مااذكر ..

مسكت يدة بمواساه: معليه بتتذكر شوي شوي ..

ابتسم لي:وشني هي اكثر دوله تكرهينها

قلت بسرعه وباندفاع: لندن .. لندن ..

طالعني مستغرب.. وبعدين قلت ابرر: هناك ابوي توفى فيها .. كنت توني مخلصه من ثاني ثانوي .. وابوي كان يتعب بعد ما ابوك .اقصد .. بعد ماعمي ااه .. باقه ..

طالعني مستغرب: أي عم؟

بغيت اقول له ابوك .. بس مستحيل اشوه صورة ابوه بنظرة مهما يكون هذا ابوه : ممم واحد من اعمامي ..

قال لي ببراءة : ماتذكرين اسمه؟

ابتسمت: ايه مااذكر

ابتسم: عيل انتي نفسي بعد ماتذكرين شي ..

ضحكت وياه وقلت: ايه صح!

قال منصور: انزين مممم تبين نركب الطرااد؟

اول شي خفت بعدين حسيت بمغامرة : اوكي .. ليش لا..

ابتسم وبعدين قال لي : صبري .. قعدي لاتحركين بتصل لساالم بقول له يتفق ويا الريال

غصبت نفسي على الابتسامة .. سالم؟ .. هه .. امحق مشورة .. راح .. وقعدت اتأمل البحر ..

شوي وحسيت بحد واقف ..ماجفته توقعته منصور.. اصلا اكيد منصور ..شوي ولاحظت انه لابس بانطلون كحلي .. بس منصور كان لابس بانطلون ابيض ..

طالعته .. كان ريال مااعرفه .. طالعني وابتسم : من خمس دقايق وانا اجوفج وانتي تطالعين البحر .. شكلج يايه بروحج ..

اشر لي ان محد واقف وياي .. وقفت بروح .. سمعته يقول رقمة .. طنشت .. ولفيت والا انصدمت بـ ريال ثاني .. سمعت الريال الاول يقول: ياريتني بداله ..

رفعت عيني جفته منصور .. مسكته من يدة .. كنت خااايفه .. ومشينا بنروح لشاليهاتنا: منو هالريال؟

انصدمت من سؤاله بلعت ريجي : مااعرفه

قال باستغراب: عيل ليش واقف هناك؟

قلت له : ماعرف .. ماعرف ..

قال منصور : انزين شرايج نلعب بي اس بي ..

حاولت ابتسم: اوكي ..

دخلنا داخل وانا للحين ماسكة يده .. بعدين هديتها باحراج .. راح الغرفه يدور البي اس بي ويركبه ع التلفزيون .. قطيت نفسي ع الكنبه اهدي من نفسي .. شوي وابتسمت يوم شفته طالع وويهه احمر وينافخ .. سألته: شفيك؟

قال لي بهدوء: مالقيت شريط المصارعه

ضحكت: احسن لاني ماعرف العبه ..

ضحك علي .. وفتحنا البي اس بي وركبناه ..

قعدنا نلعب .. ثنينتنا انبطحنا على الارض وتحتنا المخدة وكل شوي يسبقني منصور وانا اتهاوش وياه ابغي اسبقه : غششششششششششششاااااااااااااااش والله غشششاااااااااااش .. مايصير مايصير

ضحك منصور وقال: لا .. انتي الي غشيتي انا قلت لج ستوب بعدل مخدتي وانتي فتحتيه والحين فزت عليج تقولين غشاش

قلت بعصبيه <مايسوى ترى لعب : لا انته تغشي شلون عيل سبقتني انا كنت سابقتكم غشاش والله غشاش

قال: مافي غشاش ماغشاش .. احنا تشرطنا الي يفوز يتشرط ويقول الي يبيه

فتحت عيوني : لاوالله؟ اصلا المفروض انا الي افوز انته غشيت .. سويت نفسي افكر .. صبر خل احط شروط فوزي

فلعني بالمخدة الي وراه: مب كيفج انا الفايز ..

قلت بعصبيه: انا

منصور: انا والله حتى شوفي .. وراني الغيم ومكتوب ان منصورو الي فايز .. قهررر على النهايه يفوز علي

منصور: يالله الحين بتنفذين شروطي

قلت له بعصبيه: تشرط !

طالعني وضحك: نلعب من يديد .. وفالليل ماترقدين بالعرض على السرير بغيت اطيح امس

تفشللللللللت يعني هو الي كان عندي مب المخدات مثل مانا اتوقع .. صج اني .. شقول بس .. غبيه شويه علي .. حسيت ويهي شب ضو : اوكي نلعب قيم يديد

قال لي : بس الي يفوز مايتشرط الحين

وقفت وتخصرت: لاوالله؟ تدري يعني اني بفوز عشان جذي جي تقول

يرني من يدي وقعدني: هاي شرطي

بغيت افلعه .. شكثر شروط كنت افكر اسويهم بمنصور خخخخخخ .. فتحنا القيم وردينا ننبطح ونلعب .. تذكرت : تعال انته قلت بتروح تشوف الطراد

ابتسم: ايه صح .. نسيت باجر ولا الي بعده بناخذه ..

قلت وانا العب وياه: اها

قال لي : بس سالم بيي يمشي الطراد بدال الهندي لاني مااعرف .. نسييت!

وعععععععع .. انا اركب ويا سويلم الطراد خسي .. انا اخوه بالغصب بالعته بعد هو .. وييييييييععع من قلب .. احين منصور مابنقول شي ناسي ذاكرته وتصرفاته غير عن قبل يعني ينبلع .. بس سويلم وخييي ...تذكرت قبل سنة يوم استهزئوا فيني هم الاثنين .. وبمشيتي .. تذكرت اشيا وااايدة .. خلت قلبي يشتغل حقد عليهم ..انا انثى مجروووحة .. مجروووحة .. شتتوقعون مني ها؟ والي كان يجرحني ويقطعني لاصغر قطعه هو ريلي الحالي .. شتتوقعون .. شتتوقعون ..

هديت يد السوني : انا تعبت..

قال لي : لااااااااااا انا ماتعبت الله يخليج خل نلعب هالقيم

قلت : لا

قال لي بسرعه:الله يخليج الله يخليج

سكت ورضخت مااحب اشوف احد متذلل جدامي .. شكثر كنت اتمنى منصور وسالم ينذلون جدامي مثل ماكانو يجروحوني ويذلوني .. بس مااعرف شخصيه منصور اليديدة ماتستاهل اني اذلها ..

كملت لعب وياه .. وماحسيت بنفسي الا وانا راقدة ..

09-27-2010, 08:04 AM

انا : قمرهم كلهم

اضفني كصديق

مذهله
دلو
زهورة
اه يازمن

مشكووووووووووووووووووورين حبيباتي على الردود والله اني طرت من الفرحة على ردودكم

ولعيونكم اليوم الجزء اليديد
اتمنى ينال استحسانكم .. ردود اخرى افتقدتها .. اتمنى ماتطولون علي

سلوى

الملل محاوطني .. امي كالعادة ببيت وحدة من زوجات الوزراء .. وهي هناك .. بغتني اروح وياها .. بس مااقدر احس بنخنق زييااادة بروحي مو طايقه شي.. تصدقون احس هالاجازة غير بتكون .. احس بتكون ونااااااسه .. خصوصا ان سروي بتكون ويانا بنفس البيت .. ياااااي .. والله اكشن .. ياترى سروي شلون عايشه الحين؟ .. عرفت بمرض منصور؟؟ .. شلون تتعامل معاه؟؟؟ .. اوففففف .. انا اعرف سروي تكره منصور .. اكيد الحين مطينة عيشته .. تعرفون سروي كانت تكره منصور وسالم من صف سادس ماادري ليش؟؟؟ وقبل سنة بالضبط كرهها زاد لهم ليش؟ او شالسبب مااعرف؟؟ .. وحتى سالم ومنصور يكرهونها كره العمى .. اتذكر شكانو يسون فيها .. اصلا منصور كان يكرهها من صف 3 لان عمتي كانت تلعب سارة .. ومنصور كان متعلق بعمتي بشكل ماتتصورونه .. حتى انه كان يحبها اكثر من امي .. اصلا .. اصلا .. يوم توفى يدي .. عمتي انهااارت .. واطلعت من بيتنا .. وراحت بيت عمي بو ماجد .. فكان صعب على منصور انه يفارق عمتي بعد ماكانت ساكنه ويانا ويقعد معاها ليل ونهار .. قام يروح بيت عمي .. بس عشان يشوف عمتي .. وكانت المفاجأة ان عمتي بدت تهتم في سارة .. وهالشي الي حسس منصور بأن سارة خذت عمتي منه .. بعد ماكان طفلها المفضل صارت سارة مكانه .. هالشي اثر على منصور بشكل كبير .. خصوصا انه كان ببدايه مراهقته وانا وسروي كنا للحين صغار .. غمضت عيني على ذيج الذكريات الحلوة .. يوم كنا نختلط ويا عيال عمي ..
بس بعد سنتين يوم رحنا انا وسروي الصف الخامس مااعرف اش صار بس ابوي ماقام يروح لبيت عمي مثل قبل وحتى احنا ماقام يخلينا نروح عندهم ليل نهار مثل ماكنا دايما نروح .. لا قمنا نروح لهم مرتين بالاسبوع ثلاث ساعات .. وبعدين قلت الايام .. وحتى السااعات قلت .. عشان جذي هالشي اثر في نفسنا كلنا .. كنا واااايد متعلقين بعمي .. كنا نحبه واااايد .. لانه كان وايييد طيب .. وايحبنا وايطلعنا .. ااه ياعمي .. ااه ياعمي .. رحت وانت مريض .. صج ياعمي فقدناك ..
قعدت اصيييح .. انا اكثر وحدة كانت تحب عمي .. كنت احبه وااايد .. اكثر من أي احد من اخواني .. وهو كان يحبني وااايد وابدا مافرق بيني وبين سارة .. عمي كان بنظري ملاك .. مب انسان .. كنت احسه ابداً مايغلط .. دايما يفكر .. وهادي .. ابدا مب متهور .. مايغامر بأي شي .. قمت بهدوء من على سريري .. على عكس الي احسه .. مشيت لدرج .. خيالي .. فتحته سحبت دفتر كبييييييير .. او بالاحرى البوم كبيييييير .. فتحت اول صفحه .. مسحت دموعي .. وضحكت .. كانت صورة ساروه .. وشعرها الكيرلي يتطاير فالهوى .. وحاطة يدها على عينها .. وتصييييييييييييح .. وخشمها احمر وسلوم ماسك شعرها ويضحك .. ضحكت ههههههه .. مت من الضحك هالصورة ابدا ماانساها .. كنا هني ببيت يدي .. يوم كلنا كنا عايشين هناك .. امي ماادري ليش كانت تكره يدي .. ويوم احنا بالدار كانت تسبه وتلعنه .. وماكنت تداني عمتي ولا حتى خالتي ام سارة .. كانت تكرههم .. وااايد .. مااعرف شالسبب .. فريت الصفحة .. وجفت صورتي وانا ابتسم ببراءة وحذاي ثاني وماجد وساروة كانت قاعدة عند ثاني من الجهة الثانيه ومبوزة .. هههههههههههه كان شكل سارة يضحك هههههههههه ياريتكم بس تشوفونه .. يوم كانت صغيرة بالصف الرابع كانت مليانه شوي .. وخدودها صايرين حمرررررر وشعرها كان منسدل وطايح مثل شعر الصينين الي يشوف شعرها وهي عمرها 4 سنين مايصدق ان هاي شعرها .. كان كييييييييييييييييييييييييرلي بس الحين صاير سيييييييييدة.. والي يجوفني قبل مايقول هذي انا كنت .. حلوووووووووة .. كنت احلى البنات .. احلى من ساروة واحلى من سلطون(اختي سلطانه) واحلى من غدور (غدير اخت ثاني عيال خاله سارة )
صح كنت مبهدله بس كنت حلوة واايد .. ابتسمت .. وقفت وجفت نفسي بالمنظرة .. للحيني حلوة .. بس احس قبل كنت احلى ..

سمعت صوت المؤذن .. قمت من على الارض .. وخليت الالبوم مفتوح ..

رحت توضيت ..وقريت ادعيه الوضوء .. طلعت من الحمام .. فرشت سيادتي .. لبست جلال الصلاة .. وقعدت اقرا سورة يس .. احب هالسورة واااايد تشرح نفسي .. صليت وبعدها قعدت اقرا الادعيه الي بعد صلاة الظهر

دعاء تعقيب صلاة الظهر
" اللهم صل على محمد وال محمد .. لا اله الا الله العظيم الحليم .. لا اله الا الله رب العرش الكريم .. الحمدلله رب العالمين .. اللهم اني اسألك موجبات رحمتك .. وعزائم مغفرتك .. والغنيمة من كل بر .. والسلامة من كل اثم .. اللهم لاتدع لي ذنبا الا غفرته .. ولاهما الا فرجته .. ولا سقما الا شفيته .. ولا عيبا الا سترته .. ولا رزقا الا بسطته .. ولا خوفا الا امنته .. ولا سوءا الا صرفته .. ولا حاجة هي لك رضا ولي فيها صلاح الا قضيتها .. ياارحم الرحمين .. امين .. يارب العالمين .. (تقول عشر مرات ) بالله اعتصمت وبالله اثق وعلى الله اتوكل ..اللهم ان عظمت ذنوبي فانت اعظم .. وان كبر تفريطي فانت اكبر .. وان دام بهلي فانت اجود .. اللهم اغر لي عظيم ذنوبي بعظيم عفوك .. وكثير تفريطي بظاهر كرمك .. واقمع بخلي بفضل جودك .. اللهم مابنا من نعمه فمنك لا اله الا انت .. استغفرك واتوب اليك "

بعد ماصليت ودعيت وقريت قرأن صكرت سيادتي .. وقمت من عليها .. شوي سمعت دق على الباب .. قلت وانا مستغربه .. :تفضل؟؟

طل علي ويهه الوسيم : شتسوين؟؟

ابتسمت .. يوووه .. من زمان مادق علي الباب او حتى تعنى لداري غالبا اشوفه وهو طالع ولا داخل او اوقات على الغدى : تفضل سلوم ...

دخل بهدوء وجاف الغرفه باستغراب واعجاب: اوووه مغيرة الديكورات ولون حجرتج؟؟

طالعت الغرفه .. مامغيرة شي .. شفيه خرف؟؟ .: مو مغيرة شي .. نفس الاثاث ماغيرته

عقد حياته : امبلا .. كانت غرفتج ورديه .. اجوفها الحين زيتونيه؟؟؟

تذكرت وابتسمت: اوووه صباح الخير اخ سالم .. مغيرة الاثاث من سنتين ونص !!

ابتسم : اها .. والله توني ادري

جفته بحزن .. ليش من متى احنا ندري عن بعض؟ .. كل واحد يخش بقلبه وكل واحد هو فمكان والثاني بمكان ثاني .. مع ان يجمعنا بيت واحد .. هه .. ياخسارة .. ياخسارة .. : اها ...

طالع سريري .. وقال لي : شكنتي تسوين؟؟؟

هزيت جتفي بملل: امممم صليت والحين يايه ايمع الصور

دش غرفتي وصكر الباب .. وتوجه للسرير: صور؟؟ .. رفع صورة وحدة : اوووه صورنا ههههه

قعد على السرير .. ابتسمت له .. ورحت له وقعدت عنده .. اشرت على الصورة الي بيده : تتذكر هني؟؟

ضحك سالم:ههههههه ايه ايه يوم كنا بالبحر؟؟

ابتسمت: ايه هههههههههههههههههه

ضحك معاي وقال: يوم تسوين روحج منقذه واول ماتدشين فالبحر والماي يلامس ريولج قعدتي تصارخين وتصيحين ههههههههههههههههه

ضحكت:هههههههههههههههه بس عاد بلا طنازة

ضحك سالم .. ورد مسك صورة ثانيه .. كانت صورة عمي ضام سارة الي مسوين شعرها الناعم عجقتين(جديلتين) وخصل كثيرة فارة من شعرها .. وحاطة يدها على عين وحدة .. وشكلها بتصيح .. ولعبتها بيدها ماسكتها بااهتمام ونص يد اللعبه منقصه وبيد سالم .. وعمي بو سارة كان ضام سارة بحنان وهي شكلها تشتكي له عمله سالم فيها

ضحك سالم: هههههههههههه جوفوا جوفوا الدلوعه .. كانو مدلعينها على الفاضي ..

مسكت الصورة : اجوف الصورة .. جفت الصورة وابتسمت .. : كنتوا وايد تحاربونها وتضربونها انته ومنصور .. تذكرون شسويتوا فيها عند البرجة

ابتسم سالم وجنه حاس بتأنيب الضمير: اييه يوم دزيناها انا وومنصور

قلت بحزن على هذيج الايام الحلوة : ههههه كنتو غيورين بس والله حرام عليكم خرعتونا زين ما ماتت البنيه

ضحك سالم:هههههههه لا تخافين هذي من 7 ارواح

مسك سالم صورة بس مااعرف ليش ملامحه صارت جامده فلع الصورة على الصور وماقدرت اميز أي صورة كان ماسكها .. جفته قام وقال لي بغيض: اذا مايمعتي هالصور وشققتيهم انا بشققهم سامعه ..

طلع من غرفتي ثاير ومعصب ..

اعوذ بالله .. شفيه هذا .. شجاف

مسكت الصور وقعدت ادور عليهم .. لقيت صورة حياة وسالم وسارة وهم يضحكون .. اوووه .. امبيه انا شسويت .. حرام علي ... كانت صورة حياة وضحكتها ناضخة بحيوية ولمعه عيونها الفرحانه تعطي احساس للواحد بكثر فرحتها ..وسارة تاكل الايس كريم ونص الايسكريم على ويه سالم الي كان يصرخ بانفعال.. امتلت عيني دموووع ..ياربي .. صج الانسان عنده ذكريات حزينة واليمة ..

طفرت دمعه من عيني .. انا متى راح اصير قويه لي متى انا ضعيفه وحساسه وعلى كل شي اصيح .. شي راح وانتهى .. من ... من اكثر من سنين طويله .. يالله ياسالم شكثر ظلمت في حياتك اشكثر .. مواقف واايد مرت بذاكرتي وماكان مني .. الا اني اصيح بحرارة ... يارب تسامحني على الي سويته الحين يارب ..

^^^^^^^^^^^
سارة

فتحت عيني على عيونه الناعسه العسليه .. يالله شكثر حلو لونهم .. لو بظل طول العمر اجوفهم مابشبع من لونهم لونهم غريييب عسلي على لون ممزوج بحمرة ببدايه البؤبؤ ونهايه القزحيه خطوط بنيه فاتحه مخليه عينه لون عسلي صافي نقي .. ابتسمت له .. ادري اني مارقدت ادري اني غفيت .. من التعب ..

انحرجت وقعدت بسرعه وقلت له بحقد: ليش جذي تطالعني؟؟؟

طالعني باستغراب: شلون؟؟؟

سكت وهزيت ريولي بغيض وحاولت اهدي نفسي .. كنت ساكته واطالع بالفراغ

سمعت صوته : سارة تدرين تذكرت منو هذاك الريال الي كان واقف وياج عند البحر

طالعته بااستغراب .. أي ريال؟؟ .. اييييييييييييه .. يوم راح يجوف الطراد .. وخلاني على الحصايه .. صح صح .. تعالو هاي للحين يفكر بذاك الريال؟؟ ... صج عقله عقل ياهل اذا جاف شي لازم يسأل مليون مرة لين يعرف ذاك من .. وانا شعرفني .. : من؟؟؟

منصور: اتعرفين اخوي سالم

يستهبل الاخ؟؟ شلون مااعرف اخوه .. حسيت اني احقد عليه بزيادة .. سالم اكرهك .. اكرهك .. بسببك فقدت اغلى ناسي .. : ايه ..

منصور : هاي رفيجة .. تذكرت .. قبل يومين جفته في .. في ... ضرب على يبهته .. وقال بيأس : نسيت@@@

والله خوش سويلم مطرش القذارة ربعه يراقبونا والاخ بيي باجر عشان الطراد .. لا بالله .. تهنيتي ياسارة ..

قلت : منصور .. مابي اركب الطراد

طالعني : ليش؟ اتخافين؟؟

كنت بقول لا .. بس فضلت اقول : أي ..

عقد حواجبه: اها .. خلاص بقول لسالم

حسيت بالملل يحاوطني .. احين بالله عليكم هاي ثاني ماادري ثالث يوم للعروس وهي منحبسه بالشاليه ومب متهنيه ولا تعرف شي .. ياربي والله .. مسكت الجريدة .. قريت شي .. خلاني اصرخ حتى ان منصور نقز ههههههههههههههه .. وطالعني بفجعه .. ضحكت على شكله: ههههههههههههههههههههههه

طالعني بخوف وقلق: شصاير؟؟؟

مت من الضحك : باجر بيعلنون نتايجنا .. ياربي خايفه منصور ..

هههههههههههه الذكي عباله خايفه من حرامي ولا شي .. يه قعد عندي ومسك يدي : لاتخافين سارة اذا صار أي شي بتصل للشرطة

وااااااااااااي مااقدر امسكوني .. شلوه عني بموت:هههههههههههههههههههههههههههههههههههههههههههه .. منصـ ههههههههههههههه منصور انا مب خايفه هههههههههههههههههههههه من شي .. ههههههههه خايفه ههههههه من النتيجة ههههههههههههه

ابتسم منصور بهبل : اها ...بس ليش خايفه؟؟

ضحكت ه:ههههههههههه اخاف ماايب نسبة حلوة ...

منصور: اها ...

قلت وانا ابتسم: ادعيلي منصور ايب نسبة حلوة

ابتسم: ايه انزين

حسيته مب فاهم .. ضحكت ضحك هههههههههههههههه .. بعد ماسكت استوعبت انه للحين ماسك يدي ... تفشلت .. سحبت يدي بسرعه .. ووقفت ..

منصور: ملل صح؟؟

ابتسمت ايه صح .. بس شرايك نسوق السيارة على رمل السيلين ..

منصور: من يسوق؟؟

دقيت صدري: افا عليك احم احم معاك المحترفه سارررررررة

منصور باستغراب: اتعرفين اتسوقين؟؟.. شنو يعني محترفه؟؟

ابتسمت بخبال وانا اركض للغرفه : بعدين بقول لك ..

صكرت الباب بالقوة وقفلته فلعت نفسي على السرير وناقزت عليه بوناسه .. ماادري ليش حسيت بالفرحة مرة وحدة .. وبسرعه طلعت لي ملابس رياضيه .. بانطلون ابيض سبورت فيه خطين على الجانب اليمين باللون الوردي .. لبست وياه بدي لونه برتقالي فيه اصفر ووردي وابيض بالخرابيش وقلوب وحركات خبله..نص كم .. .. جفت نفسي بالمنظرة شكلي كان يضحك ههههههههه .. شلت الشباصه الي ماكان لها داعي لانها كانت بتطيح .. وشعري اغلبيته مفتوح .. يعني مالها فايدة لوول .. مشطت وكنت قاعدة اصكر شعري باحكام عشان ماينزل وسبعين مشباص مطلعته جدامي عشان اثبت شعري
سمعت دق الباب وتخرعت وانفتح شعري كله لاني ماقدرت اربطة فتحت الباب كان منصور .. طالعني بااستغراب اكيد مستغرب من خبالي مايعرفني اني اموت بالرمل وحركات السيارة عليه ياربي بتخبل .. كل ماارفع خصله من شعري تطلع الثانيه تمللت .. مسكت شعري بدفاشه .. ماايي الا بالتكفخ هههههههههههه

مسكته بالقوه وكنت بربطة باحكام بس منصور مسك شعري وقال لي : تبين اصكره ..

صرخت فويهه يوم جفت شعري طلع من قبضه يدي الصغيرة .. : منصووووووووووووور شسووووووووويت .. اوفففففففففففففففففففففففف

جافني منصدم .. وبعدين قال باعتذار : اسف اسف مب قصدي كنت بساعدج .. جنج متوهقه

عقدت حواجبي بعصبيه وضيق .. احين من ساعه وانا احاول اصكره وايي هالشيخ وايخرب علي كل شي .. عصبببببت .. فلعت الشباصه على التسريحه بغيض .. وجفت نفسي بالمنظرة معصبه .. شوي واذبح منصور .. وبلحظة غيض مسكت الشباصه وجفت منصور الي قعد على السرير .. توجهت لعنده بعصبيه ..
وقعدت على الارض وانا ماعطته ظهري وقلت بعصبيه : صكر شعري مثل ماخربته .. الحين

طالعني وجنه متوهق : انزين ..

مديت يدي له بالشباصه .. مسكها وقعد يلملم شعري .. يمسك خصله وتطلع الثانيه .. لانه ناعم وااااايد وغير هاي قاصته الكوفيرة مدرج عشان جذي كان يطلع

قهرررررررررررررررررني يوم حاول ايمع شعري وماعرف وقال لي : انزين شلون اصكره مااعرف

عصبت بجد وصرخت عليه : منصور بس الي اتعرفه اتخرب .. خربت حياتي وخربت عيشتي .. وخربت نظامي .. وخرب كل شي حلو بحياتي ..كل شي .. كل شي .. انا اكرهك منصور ..اكرهك

طالعني منصدم .. وقال بأسف : انا اسف ..

طاالعني بعتب .. وطلع من الغرفه بسرعه مثل مادخل ..

صرخت بعد ماطلع : احسسسسسسسسن فككككككككككه

رميت الشباصه بقوةعلى السرير .. وقعدت على السرير .. وغطيت ويهي بيدي .. ونافخت بقوة .. وبعدها بدقايق .. حسيت اني كنت مبالغه بردة فعلي .. صج مايسوى عليه .. امبيه انا شقلت له .. مسكت خدي بندم وعضيت على شفتي السفليه .. انا شقلت شهببت .. لطمت خدي بخفه .. وبسرعه طلعت من الغرفه بدون مااهتم لشكلي او حتى بالشباصه الي تهاوشنا عليها .. اول شي طاحت عيني عليه الصاله .. كانت فاااضيه والدرايش مفتوحة والهوى يداعب الستاير يرتفعون دقايق ويخمدون دقيقه .. هالمنظر اثر فيني ذكرني بحياتي المختبصه مرة راكدة ومرات هيجانه .. مرة فرحانه ومرات كثيرة تعيسه .. انا ليش جذي؟؟ ليش جذي حياتي؟؟ .. معقوله انا شخصيتي جذي مااعرف اتصرف ومستعيله وبس .. وفوضويه؟؟ .. تذكرت منصور .. دورت فالمطبخ بالصاله .. بالغرف الثانيه مالقيته ..

فتحت الباب .. طليت .. مالقيته .. رحت للدريشه ازحت الستاير .. بعد ماله اثر .. والبحر هايج على الشاطي ويطغى عليه .. حسيت بالندم والخوف .. وين راح ؟؟ .. ياترى وين راح .. وين وين .. بروحه فاقد ذاكرته .. ومايعرف شي ..

دب بقلبي الرعب .. ومت من الخوف .. اذا صار فيه شي ابدا ماراح اسامح نفسي .. امتلت عيني دموع .. يمكن يغرق .. يمكن ينخطف .. يمكن يدعم .. يمكن يمكن يمكن .. شسوي ياربي شسوي ..

مشيت للباب فتحته .. ورحت بفتح الباب الزجاجي عشان اطلع ادوره .. حاولت افتح الباب طلع مقفول ..

وين راح؟؟ ... ليش قفل الباب .. ياحسرتي .. انا شسويت ..

ليش سويت جذي .. ليش؟ ليــــــــــــش؟؟؟

^^^^^^^^^^^^^

لولوة

قاعدة بصمت والظلام محاوطني .. وهاله النور الي منبعثه من بين اطراف الستاير الفخمة منطبعه على جهه وحدة من ويهي .. اجوف الظلام واحس انه يمثل حياتي .. قعدت افكر انا ليش حياتي جذي؟ ليش انا الوحيدة الي مب سعيدة .. ليش على الرغم من اني سعيت للفلوس وحصلت عليها مااحس بسعادة تغمرني .. ليش؟؟ .. مديت يدي للنور .. وسحبتها بسرعه .. شالسخافه الي قاعدة افكر فيها انا؟ .. انا سعيدة سعيدة .. من يقول اني مب سعيدة .. انا عايشه عيشه الملوك .. وبسعادة كبيرة بعد .. هه .. فكرت ازور اهلي .. من زمان مارحت عندهم من 3 اسابيع تقريبا ..

تحركت من السرير .. ورحت غرفه الملابس .. وطلعت لي تنورة فخمه بلون الفيروزي .. ومعاها قميص كحلي غاااااااامج وفخم مطرز بطرايز بسيطة بس ماعطته فخامة كبيرة .. اول مرة البس شي بهالبساطة .. وبهالالوان .. دايما البس الوان حيوية ومثيرة .. مااحب هالالوان يمكن لانها تذكرني بحياتي السودة .. اووووهووو ... ورديت اقول السودة بالعكس بالعكس مافي حد بقدر سعادتي ..

مشيت مثل الطاوس ... وذيل تنورتي الطويله خلاني فعلا احس نفسي مثل الطاوس .. جفت نفسي بالمنظرة .. كحلت عيوني الوسييـــــعه .. وحطيت لي عدسه بلون البحر .. مسكت الاي لاينر وخطيت خط ضعيف من بدايه عيني وبديت اعرضه من النهايه .. طبعا بعد ماوزعت الكريم الاساس الابيض والشدو الكحلي والفيروزي على عيني .. حسيت الكحل الغامج صغر من حجم عيني .. مسحت بدايه عيني وتكحلت بلون ابيض من البدايه.. ونهايته دمجته ويا كحل كحلي .. مشت الماسكرا بنعومه على رموشي القصيرة وطولتهم وعطتهم رونق يبهر العيون .. مسكت الفرشاه ومسحتها بهدوء على خدي طبعت لون مورد صافي لبشرتي البيضه .. مسكت الروج .. وحطيت لون وردي هادي .. زيدته بكميه بسيطة بنفس اللون كبرت من حجم شفايفي .. حطيت عليهم لمسه من الجلوس الشفاف خلاهم يبرقون مثل الزجاج الي عليه نور .. مشطت شعري بسرعه ولاني امس كنت مرولته فكان طالع يهببببل .. مسكت شباصه صغيرة جمعت فيها قدلتي كلها ورفعتها على شكل نفخة وخليت شعري ينساب بحريه على جتوفي .. جفت نفسي وابتسمت راضيه على شكلي .. مشيت بغرور لين وصلت لصندوق الذهب والالماس .. قعدت ادور على شي فيروزي .. احترت بين ثلاث اطقم لبست واحد منهم كان رهييب .. جفت شكلي مرة اخيرة .. طبعت بوسه فالهوا لنفسي .. لبست عبايتي المفصصه .. وشيلتي رميتها باهمال على راسي .. مسكت جوالي .. مالي بارض امسك بيدي شنطة .. ناديت الخدامة تشيل شنطتي .. نزلت على الدري .. والخدامة وراي تشيل شنطة يدي .. وانا انزل بغنج وغرور .. شفت علي قاعد وعاقد حواجبه متضايق .. ابتسمت له بااثارة .. وطالعني باانبهار .. لشكلي .. يمكن لانه اول مرة يجوفني بهاللون .. نادراً .. مالبس الوان غامجة .. احب الالوان المثيرة العنابي الاحمر الليموني .. دم الغزال اكثر لون احبه .. وعلي يحبه بعد .. ابتسمت له .. قلت للخدامة بخياس نفس: ودي شنطتي في السيارة وقولي للدريول يجيبها عند الباب

ابتسمت لي الخدامة بلطف : اوكي مام

تأففت .. اكره هالخدامة كم مرة قلت لعلي يطرشها بلادها بس هي كاسرة خاطرة على ايش ماادري .. عضيت على شفايفي واقتربت من علي وقعدت عنده ..وميلت راسي على جتفه: حبيبي ليش مهموم؟؟

ابتسم علي وعدل خصله شعري الي طالعه من تحت الشيله وغطاها وقال لي : سلامتج مافيني شي .. ها طالعه؟؟ ..

ابتسمت: رايحة ازور امي .. من زمان مازرتهم

ابتسم علي: اها .. الله يحفظج

اشفيه يبي الفكه؟؟ .. فشنو يفكر .. شالي شاغل باله .. معقول بكامل اناقتي وزينتي مااثرته ولا زيدت اهتمامه .. ولا حتى بين اعجابه ولا مدحهه .. حسيت بغيرة كبيرة .. ليش مامدحني .. اكيد حد شاغل باله .. شالي شاغله عني .. وملهيه؟؟ .. طالعت اضافري وتظاهرت بعدم الاهتمام .. : يالله تامر بشي ..

ابتسم بحزن : لا ..

اشفيه ؟؟ ياربي بموت واعرف ايش فيه؟ شلي مغيرة .. لايكون العيوز امه ردت اتحن على سالفه العيال .. اوووه من هالعيوز .. متى الله ياخذها ويفكني من اذاها .. قبل لا اقوم من عنده .. مسك يدي .. وباسها .. مااعرف ليش هالشي اثر في نفسي واااايد مع انه دوم يحبني ويبوسني على يدي بس مااعرف هالبوسه كان لها طعم وتأثير ثاني على نفسي .. حسيت قلبي بدا يدق اكثر من قبل .. بستة على خده وقلت وانا احس بهالمشاعر بصدق: احبك ..

قمت بسرعه من عنده لاني حسيت اللحظة صارت حميمة وانا ماابغي احبه .. وازعل اذا فقدته .. ابيه يكون انسان عادي .. عابر في حياتي .. مابي اتأثر بقربه وايد عشان جذي مشيت بسرعه للبوابه بدون مااهتم والقي عليه نظرة اخيرة ..

نزلت من على الدري ولقيت الخدامة تسولف ويا الدريول وتضحك.. عصبت وصرخت عليها .. اكرهها ياناس مااطيقها .. : يازفففففت انتي ادخلي داخل ياأرف الله يقرفج ان شاء الله

طالعتني برعب وبسرعه دخلت داخل .. مسكت بيديني بقوة ومشيت لباب السيارة بعد مافتحاه السايق .. دخلت السيارة وقعدت .. امرته يفتح المكيف والمسجل ... اشتغلت اغنيه شبابيه صاخبه .. فتحت الدريشه لين النص .. وفتحت شنطتي الي كانت ماسكتها الخدامة وطلعت المنظرة وقعدت اجوف مكياجي .. ضبطته وزيدت من الجلوس .. وقف السايق عند اكبر مخز حلويات وراح ياخذ الكيكة الي شريتها لبيت ابوي .. طاف شاب .. من عندي وطالعني باانبهار لكن سرعان ماطالعني باحتقار شديد .. وتفل على الارض وهو يمر من صوبي .. قهرني .. حسيته يقصدني بحركته .. الله ياخذه هالحقير .. ان ماوريته شغله بعد .. جا الدريول بعد دقايق ودخل الكيك جدام عنده .. ومشى لبيت ابوي ..

كنت اطالع الشارع بلا هدف رفعت الدريشه العاكسه .. اول ماوصلنا بيت ابوي .. افتريت وطالعت الشارع الرئيسي .. جفت بيت منصور الفخم .. وبسرعه صديت وانا باتسم . عندي بيت يامنصور يماثل بيتك فحجمة ويمكن بيتي اكبر .. اهلك مارضو فيني ليش اني بنت السفير السابق .. والي يعتبر مفلس على الاخر .. غطيت ويهي بشيلتي ماابغي اتمشكل ويا بدر اخوي .. امرت السايق ينزل الكيك .. مسكت شنطتي .. ودخلت داخل البيت

جفت بدر بالصاله .. اوففففففففففف .. تأففت بداخلي .. هذا وقته اشوف هالمعقد هالحزة؟؟ .. سلمت .. وقعدت بعيد .. طلعت لي امي الي لابسه جلابيه تناسب عمرها .. بستها فوق راسها وانا مستنكرة ملابسها .. كم مرة خيطت لها جلاليب يحلمون بيت بو منصور مثلها .. وهي ماتلبسهم ومخليتهم بالخزانة .. اوف تقهرني بملابسها هاي .. تحسسني اني يايه من بيئة معدومة .. ابداً ماعندها تلبس <طبعا لولوة تبالغ حبتين

فصخت شيلتي وعبايتي .. طلع بدر لانه كان مشغول حيل .. دخل الدريول وقلت لخدامة بيت ابوي تاخذ من ايده الكيك

امي : يمة لولوة حرام يجوفج الدريول جذي بكامل زينتج وبدون شيله وعبايه يايمة

طالعت امي بتأفف : يووووووووه يمة الا هندي .. شعرفه ..؟؟

امي : يايمة هندي يعني مب ريال

وقفت بعصبيه: كل ماازورج بتفتحين لي محاظرة وبعدين يمة وبعدين؟؟

كنت بصعد فوق بس خديجة مرت جاسم اخوي نزلت ..لو ماانزلت جان مت من الملل مع امي .. قعدت عندي .. قالت لي انها عازمة مرت محمد اخو منصور .. حسيتها فرصه اعرف اكثر عن منصور بعد زواجة .. ابتسمت .. خديجة رفيجة شهد زوجة محمد ..

^^^^^^^^^^^

سالم ...

قاعد فالكوفي شوب وفكري بعيد بعيد .. ابعد مايمكن انه يوصل تفكيركم له .. طالعت البنات حولي .. اعرف نفسي وسيم واجذب بنات وايد لجوفتي .. بس حسيت بفتور .. مالي بارض لهم .. ولا لسخافتهم .. رن موبايلي .. "لولو " يتصل بك .. اووووه شتبي هذي؟ .. بس تدرون الكلبه صارت احلى من قبل بوااااااااااااااايد شكل العز الي معيشها ريلها فيه مأثر على شكلها .. جفت فهد ولد خالي .. اقرب صديق لمنصور فالكوفي .. سلمت عليه .. وحسيت سوالفه ممله .. حياته روتينيه بين شغله كدكتور .. واهله .. مايعرف لابنات ولا شي .. غبي .. ههههههه .. والله غبي ملايين البنات ايونه عشان يتعالجون .. معقوله ماعجبته ولا وحدة فيهم ولا حتى رقمها
بصراحة مااصدق احسه يسوي نفسه مثالي وهو بعيد عن المثاليه .. هه <كل من يرى الناس بعين طبعه ياسالم

حكيت يبهتي بملل من سوالفه وسوالف رفيجة .. استأذنت عنهم ..

ورحت للكورنيش .. قعدت على السور الي مسوينه على البحر ..وتحتي الحصايات الكبار .. والموج هادي ويلاطم الحصايات بلطف ... رن جوالي جفت منصور يتصل بك .. رديت على طول .. قال لي انهم مايبون يروحون بالطراد .. اكيد السوسه مرته مابغت .. هين ياسوير تتحديني ها؟؟ .. الكلبه لو ماصارت حلوة لهالدرجة جان ماناظرتها .. بس احلوت .. احلوت وااايد واااايد .. بصراحة عجبتني .. ودشت مزاجي بالقــــو .. بس شكلها مب من النوع الهين .. الي يبي له تلين راس .. ماعليه ياسارة .. ماعليه .. انا لج وانتي لي ..

قررت اني اروح مسعيد وشاليهاته واتسلى فيها

((معلومة عن مسيعيد .. تبعد عن الدوحة حوالي36 كم جنوبا .. سكانها حوالي 1.6 % وبدأ بالزدياد .. وهي منطقه يوجد بها مصانع مختلفه .. الى جانب المنشأت العمرانيه والسياحيه ..شواطئها جميله ذات رمال ناعمه اهتمت بها دوله قطر فاصبحت من اهم المناطق السياحيه في دوله قطر .. <الي يزور قطر لايفوته السيلييييييييين ومنطقه مسيعيد .. ))

^^^^^^^^^^^^

سلوى

من الملل الي يحاوطني قمت فتحت الكمبيوتر .. وفتحت النت .. فتحت ماسنجري .. لقيت فطوم .. وجفت عندي اضافه .. حطيت اوكي ..

دخلت على فطوم .. وسلمت عليها .. كانت حاطة نك كئيب ..

..::]][[ هلي لاتدفنوني بقبر ولد عمي]][[::..

اهلين سلوي

..اضحك مع الناس كني رايق البال خالي .. والناس تحسدني وانا اموت بسكات

اهلين فطوم .. اخبارج؟؟

..::]][[ هلي لا تدفنوني بقبر ولد عمي]][[::..
زفت ..

.. اضحك مع الناس كني رايق البال خالي .. والناس تحسدني وانا اموت بسكات

افا ليش؟؟

..::]][[ هلي لاتدفنوني بقبر ولد عمي ]][[::..

(طرشت ويه يصيح ) لاتسألين ياسلوى لاتسألين وتزيديني جراح على جراحي

يه شفيها فطوم؟؟ طرشت لها .. شفيج فطيم تحجي خرعتيني؟؟

بس فطيم طلعت .. شفيها فطوم؟؟ شصاير .. ليش تصيح .. خسارة ماعندي رقم جوالها .. واستحي اتصل على البيت .. شسوي؟؟؟ ..

جفت مفتوحة محادثه ثانيه

::فهواج يابنت انا مغرم ::

هلا والله؟؟ ..

استغربت من هذا؟؟ .. او من هذي؟؟

...اضحك مع الناس كني رايق البال خالي .. والناس تحسدني وانا اموت بسكات

اهلين من معاي؟؟

::فهواج يابنت انا مغرم ::

معاج .. مجنون سلوى

.. اضحك مع الناس كني رايق البال خالي .. والناس تحسدني وانا اموت بسكات

عفوا؟؟؟شكلك غلطان

::فهواج يابنت انا مغرم::

لا مب غلطان مب انتي سلوى؟؟

امبيييييييييييييه هذا شعرفه بااسمي؟؟ .. اكيد حد يعرفني؟؟ من بيكون؟؟ .. من يطلع؟؟ .. لالالا اكيد وحدة من البنات تستعبط علي

..اضحك مع الناس كني رايق البال خالي .. والناس تحسدني وانا اموت بسكات

بلا سخافه من عاد؟؟

::فهواج يابنت انا مغرم::

قلت لج مجنون سلوى .. مجنونج ياحبي

مت من الخوف لاهاي شكله ريال .. لو بنت من بنات المدرسة ولا شيوم العبيطة بتقول .. خفت .. بديت ارجف .. من هذا الي يعرفني؟؟ .. ويعرف ايميلي .. ويعرف اسمي بعد ..!!

.. اضحك مع الناس وكني رايق البال خالي .. والناس تحسدني وانا اموت بسكات

سو لي ديليت وبلوك

جفته غير النك وحط

::فهواج ياسلوى انا مغرم::

اسف مااقدر .. قلبي مايطاوعني اعطيج ديليت ياقلبي

..اضحك مع الناس وكني رايق البال خالي ..والناس تحسدني وانا اموت بسكات

عيل انا بعطيك بلوك وديليت

::فهواج ياسلوى انا مغرم::

لاعاد سلوى لاتزعليني منج .. خلينا حلوين ويا بعض .. ولا يابنت سلطان بيكون لي تصرف ثاني وياج

دق قلبي بشكل جنوني ..ويدي بدت تعرق .. منو هذا .. وشعرفه فيني .. وشعرفه بااسم ابوي .. شيبي فيني؟؟

.. اضحك مع الناس وكني رايق البال خالي .. والناس تحسدني وانا اموت بسكات

شتبي فيني؟؟

::فهواج ياسلوى انا مغرم::

ولا شي .. سمعيني عدل .. اذا سويتي لي بلوك ولا ديليت .. واذا ماجفتج باجر على الساعه 4 العصر صدقيني ياسلوى ان حياتج بتنقلب ليل نهار .. وانا حذرتج ياسلوى ..

..اضحك مع الناس وكني رايق البال خالي .. والناس تحسدني وانا اموت بسكات

شبتسوي مثلا؟؟

عيوني انترست دموع .. منو هذا؟؟ ليش يهددني؟؟ انا شسويت له؟؟ ..

::فهواج ياسلوى انا مغرم::
ابوج الي مسافر لدبي مثلا بطقه اصبع ممكن اوديه بداهيه .. ولا اخوج منصور الي مب داري عن دنياه .. هههه ولا حتى عيال اخوج محمد .. عرفت ان هذول اقرب ناس لج .. لا وغير مرت اخوج .. سارة .. انا مو بس اقدر اخطفها؟؟ .. هه .. انا حتى الاعتداء ممكن الجأ له .. فـ انتي فكري لين بكرة الساعه اربع العصر .. اذا جفتج مادخلتي .. معناته انج تحبين انفذ هالمهمه.. واذا دخلتي بعرف انج ماتحبين انهم يتعرضون لامور تعرضهم للجنون

.. اضحك مع الناس وكني رايق البال خالي .. والناس تحيدني وانا اموت بسكات

انته واحد حقير

::فهواج ياسلوى انا مغرم ::

لالالاا بلا هالالفاظ .. ولا ترى ازعل .. وزعلي انا جايد .. على فكرة عيال اخوج محمد كأنهم تأخروا فبيت يدهم ام امهم؟؟؟

اندق الباب .. وسمعت الخدامة تقول ان السايق راح لبيت ام شهد وميرة ومنيرة مب هناك .. انصدمت .. يدي تجمدت على الكيبور .. قعدت اصيح .. معقوله هالحقير ينفذ تهديدة ..

بسرعه فتحت المسنجر الي صكرته والبلوك الي حطيته لهالحقير ..

..اضحك مع الناس وكني رايق البال خالي .. والناس تحسدني وانا اموت بسكات ..

شسويت فيهم .. وينهم؟؟

::فهواج ياسلوى انا مغرم::

دقايق ياقلبي ويكونون عندكم بالبيت .. بس هاه .. موعدنا بكرة الساعه اربع .. مجرد كلام على النت ماراح يضرج انتي فكري ..!!

بسرعه طلع من المسنجر .. الله ياخذك يالحقير .. قعجت اصيح بصوت عالي وطلعت بسرعه البيت خالي وهادي .. امي طالعه .. سالم راح الشاليهات .. منصور محد .. محمد فالشغل شهد طالعه بيت رفيجتها .. سلطانه بيت اهلها .. مجود اخوي.. بسرعه ركضت على الدري .. وانا اصرخ بجنون :ماااااااجد

مااااااااااااااااااااااااااااااااجد

ماكان موجود .. لبست شيلتي بسرعه .. وطلعت الحديق اركض .. ودموعي ماليه عيني .. جفت سيارة عند الباب .. نزلو منها ميرة ومنيرة وماجد .. غطيت شفايفي الريال الي كان يسوق السيارة رفع يده يسلم .. وطلع بسرعه .. ركضو اليهال لصوبي وركضت لهم .. ضميتهم ومت من الصياح ..

منو هذا .. شيبي فينا ؟؟ .. شسوي .. شالحل؟؟

معقوله هذا هو نفس الشخص؟؟ لالا مب معقوله هو توه مكلمني مايمديه يوصلهم ويروح وايي .. الحقير الكلب .. اكيد له سلطة .. شسويت انا بدنيتي .. ليش جذي ليش؟؟

^^^^^^^^^^

سارة ..

قاعدة على السرير واحاتي .. رايحة يايه .. صار الليل .. ومنصور للحين مابين .. ماعندي رقمة .. اخاف اتصل على سلوي واقلقها واخاف اتصل على مجود اخاف يذبحني لادرى بالي قلته ..
هزيت ريلي بتوتر .. وقمت بسرعه .. للدريشه .. الدنيا ظلام وما اقدر اجوف شي ..

رحت الصاله وانا دموعي شوي وتطيح من عيني .. بس للحينها متماسكة ومب راضيه تنزل .. منصور وينك .. وينك؟؟؟ .. الافكار تاخذني يمين ويسار .. حتى الغدى ماتغديته ولا حتى العشا .. خايفه .. وتأنيب الضمير ملازمني .. مب عارفه ايشسوي .. خايفه متوترة .. ومتلخبطة

رن التيلفون ركضت لعنده مسكته بيدي الي ترتجف .. سمعت صوت رجولي خشن : سارة؟؟

خفت لايكون صاب منصور شي رديت بسرعه: ايوه .. من؟؟ .. منصور فيه شي؟؟

الطرف الثاني : لا ابد تلاقينه بعد ساعه ساعتين بالكثير عندج ... هالكثر تحبينه ؟؟

شنو هالقله الادب هذي .. صكرت السماعه فويهم .. يعني منصور بخير مافيه شي .. ياترى من هاي؟؟ .. معقوله منصور ضاع وهم دلوه ... يمكن الجيران ولا شي؟؟ ..

قعدت انتظر وانتظر وانتظر

شوي

الا اجــــــــــــــــــــــــــــــــوف سالــــــــــــــــــم ...

09-27-2010, 08:07 AM

انا : قمرهم كلهم

اضفني كصديق

(طفوله متأخرة)
سارة ..

قاعدة على السرير واحاتي .. رايحة يايه .. صار الليل .. ومنصور للحين مابين .. ماعندي رقمة .. اخاف اتصل على سلوي واقلقها واخاف اتصل على مجود اخاف يذبحني لادرى بالي قلته ..
هزيت ريلي بتوتر .. وقمت بسرعه .. للدريشه .. الدنيا ظلام وما اقدر اجوف شي ..

رحت الصاله وانا دموعي شوي وتطيح من عيني .. بس للحينها متماسكة ومب راضيه تنزل .. منصور وينك .. وينك؟؟؟ .. الافكار تاخذني يمين ويسار .. حتى الغدى ماتغديته ولا حتى العشا .. خايفه .. وتأنيب الضمير ملازمني .. مب عارفه ايشسوي .. خايفه متوترة .. ومتلخبطة

رن التيلفون ركضت لعنده مسكته بيدي الي ترتجف .. سمعت صوت رجولي خشن : سارة؟؟

خفت لايكون صاب منصور شي رديت بسرعه: ايوه .. من؟؟ .. منصور فيه شي؟؟

الطرف الثاني : لا ابد تلاقينه بعد ساعه ساعتين بالكثير عندج ... هالكثر تحبينه ؟؟

شنو هالقله الادب هذي .. صكرت السماعه فويهم .. يعني منصور بخير مافيه شي .. ياترى من هاي؟؟ .. معقوله منصور ضاع وهم دلوه ... يمكن الجيران ولا شي؟؟ ..

قعدت انتظر وانتظر وانتظر

شوي

الا اجــــــــــــــــــــــــــــــــوف سالــــــــــــــــــم ...

بسرعه ركضت لغرفه النوم انتبهت على شكلي .. شكلي بجد يخرع .. كان وحدة طالعه من القبر .. عيوني حمررررة .. لان ولا دمعه نزلت منهم للحين مصرات يبقون بعيوني .. لبست شيلتي .. وعبايتي .. طلعت جفت سالم مسترخي بقعدته على الكرسي وماسك الكنترول ويفرفر بالتلفزيون .. شلون دخل ؟؟ الباب كان مقفول؟؟ .. ياربي صج باتينن انا ..

شوي والا اشوف منصور يقول للخدامة تودي عصير لسالم .. فتحت عيني بكبرها .. منصور .. منصور .. منصور رد نفس ماهو مامتغير فيه شي غير نظرة الانكسار والالم بويهه .. بسرعه دخلت حجرتي .. الحمدلله .. الحمدلله .. مافيه شي ولاجان ماسامحت نفسي ابداً .. قعدت على السرير .. وقعدت افكر .. اذا كان ويا سالم .. من الي رد علي؟؟.. وين راحو .. وليش تأخروا؟؟ .. اسئله وااااايدة كانت ببالي .. بس ماعندي لها أي جواب .. حسيت المكان هادي برع بعد ماكان فيه صوت التيلفزيون .. مسكت شيلتي للاحتياط .. وطلعت برع .. لقيت منصور قاعد بروحه وريله ممدودة على الطاوله الي جدام .. ويطالع التلفزيون بهدوووء ..

شكله يكسر الخاطر .. والله حسيت نفسي مب بس نذله الا انذل من الانذال ..انا شلون جي عاملته .. والله حرام .. تسحبت بهدوء لعنده .. وانا خايفه من ردت فعله .. اما تكون رجعت له ذاكرته .. والله مب بس يلعن خيري .. حتى القبر مابيستقبلني .. مسكت اعصابي وقعدت عنده ناديته بصوت منخفض : منصور

ماادري ليش احبالي الصوتيه مب راضيه تتحرك عشان يطلع صوتي .. امتلت عيني دموع لما ماشفت منه أي ردة فعل .. انزين انا غلطت ويت اعتذر ليش جذي يسوي؟؟ .. مسكت يده ابغي اجذب انتياهه من التيلفزيون .. طالعني بعيون فارغه متسائله .. ماقدرت اتحجى .. انجبيت من سرحت بعيونه العسليه .. انتبهت بعد ثانيه انه يطالعني مستغرب .. ويمكن حاقد .. قال لي بصمت : مشكورة سارة .. كان على بالي انج تحبيني .. بس طلعت الحقيقه انج تكرهيني .. انزين روحي بيتكم اذا ماتحبيني ليش قاعدة عندي؟ ..

طالعت فيه .. اتأكد هذا منصور؟ .. شنو يبني ارد بيتنا .. شكله عرف معنا اكرهك .. صديت عنه حسيت عيونه العسليه تلومني .. مشيت بسرعه .. وتحركت للغرفه .. انبطحت على السرير بعد مالبست بجامتي الي كانت عبارة عن بانطلون طوييييييل ذهبي وقميص وسيع ذهبي .. انبطحت .. وظليت اجوف السقف .. وافكاري مشوشه .. انتظرته ايي .. اعرف انه يخاف يرقد بروحه .. ساعه ساعتين .. طول؟؟ .. وينه

طلعت برع الغرفه .. جفته على حالته .. ريله امددة على الطاوله وجسمة مسترخي على الكرسي .. ويد وحدة على بطنة والثانيه على يبهته .. رجعت غرفتي .. شكله مايبغي يرقد

انبطحت .. وصكرت عيني ابغي انام .. بس في شي بداخلي مو مخليني انام .. اوووووووفففف .. وبعدين .. ظليت اتقلب واتقلب واتقلب على الفراش .. احس جسمي تعبان وقلبي تعبان وعيني تعبانه .. ابغي ارقد بس مب قاادرة .. قعدت بيأس وانا انافخ واتنهد تنهيدة طويله .. جفت الساعه لقيتها 2 ونص الفير .. بااال من الساعه 12 وانا للحين اتقلب .. طلعت برع الغرفه .. جفت منصور على حالته .. رحت بتكلم وياه .. او على الاقل اغير القناة واقعد وياه نجوف شي عدل بدل الاخيار الي كان حاطها سالم قبله ..

قعدت حذاه على نفس الكرسي بس باخر الكرسي .. وقعدت افكر واعدل افكاري بأيش بابدأ وبأيش بانتهي .. اول شي بقول له اني كنت معصبه من شعري لاني عارفه هو اشكثر ناعم ومايتصكر بسهوله وشكثر اعاني منه يوم بصكره عشان جذي انقهرت منه يوم خرب علي .. طالعت بويهه وقلت : منصور انا بجد اســـ

سكت .. جفت عيونه الوسيعه مغمضه بهدوء .. ويده مرتاحة على يبهته .. ويده الثانيه مسترخيه على بطنه وعقده حواجبه تدل على انه مب راضي بنومته او نومته مب عدله .. هزيت يدة بهدوء .. ماقام .. ناديته يقوم .. بعد ماقام .. تخرعت .. بسرعه قعدت عنده .. وهزيته بقوة .. منصور .. منصور ... بعد مايرد .. تخرعت حسيت اني بصير مينونة .. ليش مايرد ... انترست عيوني دمووووووووووووووووع .. هو زعلان عشان جي مايرد .. ولا مريض .. ولا اشفيه .. قربت يدي لصدرة اليمين وقعدت ادور على نبضه وحده بس تقول لي انه عايش .. مافي ولانبضه .. دمعتين طاحو من عيني اليسار وتبعتهم دمعه من عيني اليمين .. تذكرت ان القلب موجود باليسار مب باليمين ارتاح قلبي ودورت على نبضات قلبه حسيت فيهم منتظمين .. وتوني احس انه يتنفس .. من الخوف والتوتر ماحسيت بأي شي ... رديت اصحيه .. منصور ... منصور

بس ابداً مايرد .. بصراحة عصبت .. وخفت افقد اعصابي .. هزيتة بقوة كبيييييييييرة .. بعد لا مجيب .. قعدت احركه واهزة بقوة .. بعدها جفت عيونه الوسيعه مفتوحة ولون عينه العسلي .. ارتحت .. قلت له : منصور روح ارقد بالدار بتتعب وانته راقد هني ..

طالعني بهدوء .. وهز راسه بطاعه والنوم لازال يغلبه .. قام من الكرسي ومشى ومرة وحدة صدم بالطاوله .. ركضت لعنده .. مسكت يده .. ومشيته وياي خطوه بخطوه وياه .. لاحظت انه يعرج .. شفيه؟؟ .. ماكان يمشي طبيعي مثل كل يوم .. قلت له يبدل وينام .. طالعني بتعب .. وهز راسه .. طلعت من الغرفه عشان يبدل .. دخلت لقته ماسك ريله وعرجته واضحه .. ساعدته يقعد ... كان يتأوه وهو يقعد .. لهالدرجة تعورة ريله .. من شنو تعورة .. كنت بسأله بس حسيته تعبان ومايقدر يتحجى .. ساعدته ينسدح .. وريله اليسار كانت تعورة واااايد .. طلعت من الغرفه تاركته وهو يطالعها .. رحت سويت له كمادات حارة .. وخذت له ادول .. ودورت على دهن ادهن فيه ريله الي تعوره .. كنت انا خبيرة بالتدليك لان ابوي كان دايما يتعب علينا من ريله لان عضله ريله اليمين كانت خفيفه .. دخلت الغرفه لقيته منبطح على المكان المعفوس الي كنت منبطحه فيه .. يافشلتي مااعرف انبطح مثل الاوادم والناس لازم اخرب ..مديت له الادول .. خذاه من يدي ومسك الماي الي بيدي وشرب منه بعد مابلع الحبه .. قال من دون نفس : شكرا

مارديت عليه وظليت اطالع ملامحهه المتضايقه .. قلت بمحاوله اني ارجعه مثل قبل : رفع بانطلونك بمسد ريلك اذا تعورك يهالدرجة ..

مسك ريله اليسار وقال بعناد: مابي .. ير الكمادة بدفاشه من يدي .. وحطاها على ريله تأوة شوي .. وبعدين تلحف ..

رفعت الفراش عنه منصور بلا عناد ..

قال بعناد: قلت لج مابي

طنشته وقعدت على طرف السرير .. مسكت ركبتة اليسار وحاولت ارفع البانطلون لركبته وكانت يدة الكبيرة تمنعني .. رفعت يده وقلت له بحزن: منصور لاتعاند ..

قال بعصبيه: انتي مايخصج

رفعت البانطلون مرة وحدة وهالني الي جفته صرخت بسررررعه وانا اجوف التشققات الكبيييييييرة الي بريله والدم الي متجمد عليها .. يدي ارتجفت .. وقفت من هول صدمتي .. وظليت اطالعه وعيوني تصبب دموع .. طالعته جفته يطالعني بقهر .. وغطى ريله وكأنه شي مشوه مايبغي احد يشوفه .. وخجلان منه .. تأوه وهو ينبطح من يديد .. وحط الفراش على ريله يغطيها مب قادر يحركها .. مب قادر حتى يغطيها ببانطلونه .. ركضت بسرعه برع وسويت له كمادة باردة بدل الكمادة الحارة الي سويتها ... جبت معاي مطهر .. قربت من عنده .. وقعدت على الارض .. هي مب من تخصصات العلمي حتى تعرف اشلون تتعامل مع جروح مثل هذي لكن عندها خبرة في التطهير .. مسكت القطنه وبللتها بخفه بالمطهر .. من جاف منصور المطهر ارتعب .. وصرخ عليها : مابغي مابغي ..

سارة : لا منصور لازم

منصور قال بخوف : مابي يعور مابي ..

سارة عضت على شفايفها شلون تتعامل معاه .. طاحت دمعه مالحة من عينها اليسار .. منصور .. حرام عليك بتلتهب ريلك ..

منصور هز راسه بعدم اقتناع: مابي

سارة مابالت بحجيه وبسرعه حركت المطهر على ريله وهو تأوة بالم وانفجاع من جرأتها بعد يدها بسرعه .. :قلت لج مابي

صرخت عليه وانا تصيح من الدم الي تفجر بريله لانه حط عليه شي حار ..:منصور حرام عليك .. قعدت اصيح حسيت اني السبب فهالشي .. سكت هو .. وانا كنت امسح بالمطهر على ريله كنت اسرق النظر له بين الثانيه .. واجوفه عاقد حواجبه بقوة وعيونه مصكرهم وماسك فخذه ويرص عليه بقوة .. بعد ما خلصت من المطهر لفيتهم بشاش وفوق الشاش حطيت الكمادات الباردة قلت بجنون : منصور ليش ماقلت لي؟؟ .. (طالعته وعيوني مليانه دموع) كنت بتنزف اكثر لو حطيت عليه شي حار ..

كان ساكت ويطالعني بعدين حرك نفسه بينبطح من يديد .. ساعدته .. وانبطح .. قال لي اصكر الليت لانه يبي يرقد صكرت الليت .. قعدت على السرير .. وانا عيوني تدور عليه .. لقيت حركته ساكنه .. مرت نص ساعه .. لقيته غاط بنومة فتحت الابجورة وخففت على اضائتها فصارت تبعث نور خفيف .. قعدت عنده .. ولحفته .. كان نايم بكل هدوء وبراءة .. ترددت وانا امد يدي لشعره .. لمست شعره وحسيت بخشونته .. ذكرتني برجولته الطاغيه .. الي يشوفه يتوقع انه رجل بمعنى الكلمة ورجولته طاغيه .. لكن اذا تحجى وياه وقعد معاه يعرف لاي مدى وصلت حالته .. سمعته يهمس بـ : لـ ـ ـ ـو ..لـ ـ ــ ـ ـو .. لـ ـ ـــ ـ ـتـ ـخلـ ـيـ ـنـ ـي ... انـ ـ ـ ا .. مـ ـ ,, آآه ..آآه

كان يهذي وايييد مافهمت منه شي .. واهاته تعور قلبي .. ماادري ليش قعدت اصيح .. بس فرغت كل شي بداخلي كان مكبوت .. طلعت من الغرفه .. لاني حسيت باختناق فيها .. طلعت جفت الدريشه كانت مصكرة .. شكل الخدامة صكرتها .. حسيت باليوووم يعصر معدتي .. بس اصريت اني اعاقب نفسي عشان مااعيد اجرح منصور .. كفايه الي قلته .. بس ليش سوا جذي بريله معقوله يكون مقهور وسوا جذي بنفسه .. معقوله يأذي نفسه ؟؟ .. باقي يومين ونرجع لهم البيت .. اول مانرجع لازم اروح لدكتوره النفسي .. لازم يخبرني عن حالته قبل والحين .. لازم ..

فتحت الدريشه .. هب الهوا وتلاعب بخصلات شعري الناعمه .. كرهت شعري .. يمكن لانه هو السبب بكل شي .. ويمكن نفسيتي الي كانت مضغوطة بشكل كبير كبير .. قعدت اتأمل الليل .. من الدريشه .. وفعلا الهوا كان حلو ويريح الاعصاب .. اول مرة فالصيف يكون الجو جذي حلو ومعتدل .. يمكن لان احنا صوب البحر؟؟ .. رنت الساعه وتخرعت جفت الساعه كانت 3 ونص الفير .. بعد ربع ساعه بيأذن .. فرفرت في التيلفزيون .. استقريت على مسلسل مصري كنت اتابعه من زمان .. انبطحت على الكنبه .. وقعدت اجوفه .. اذن .. قمت وقصرت على المسلسل .. رحت غرفتي توضيت وصليت .. رحت لعند منصور .. حاولت اقومة للصلاة بس ماقام .. خليته يرتاح واذا قام بيصليها قضاء .. يارب الله مايعاقبني بس انا قومته وهو تعبان .. قعدت عنده .. مسحت على راسه وشعره .. مسكين يامنصور .. مسكين ..

طلعت من الغرفه .. قعدت على الكنبه .. وظليت افر في القنوات لين استقريت على قناة انجليزيه .. رقدت وانا مب حاسه بنفسي ..

^^^^^^^^^^^^^

"لعبه الشيطان "

سالم ..

قاعد على سريري وافكر .. شكلها كان محزن .. عيونها حمررة .. شعرها الناعم مفتوح محاوط ويهها .. اول مرة اشوف شعر بنعومته .. تمنيت لو امسكه ..على الرغم من القلق الي كان مرسوم بويهها الا انه كان مثير وجذاب .. صكرت عيوني وصورتها مطبوعه فيها .. رن جوالي خرب علي خلوتي فيها .. جفت المتصل سارة رديت عليها وانا اتخيلها سارة الي ببالي .. اه ياسارة اه .. ياريتني مارديت ابوي وخذتج .. ولاياخذج منصور .. سرحت وظلت تناديني

:حبيبي .. سالم ...؟؟

فكرت وتخيلت اسمي يوم تنطقه سارة شلون بيكون اه ياسارة سرقتي تفكيري وعقلي .. صكرت من عند سارة وظليت افكر بسارة مرت منصور .. ياليت بس مارديت ابوي ياليت ..

يات فكرة على بالي

فزيت من فراشي .. وبسرعه رحت لغرفه سلوى .. جفتها نايمة بكل هدوء .. دورت على البوم صورها .. حست الغرفه ... مااعرف وين حاطته .. اخر شي لقيته بواحد من الادراج كان الدرج خياالي وعجييب وحلو .. كانه صندوق محمل بذكرياتنا وحتى العابنا .. ياحلوج ياسلوى .. بسرعه فتح الالبوم خذيت صور متنوعه بدون ماانتبه لها وتركيزي مركز على حركات سلوى خايف تقوم وتشوفني .. صكرت الالبوم وحطيته بهدوء مكانه بس طبعا الدرج تعفس ... دعيت ربي ماتنتبه له .. رحت لعندها .. بستها على راسها .. وهمست لها : فدتيني وايد ياسلوى احبج

طلعت من غرفتها ودخلت غرفتي .. حطيت صورها تحت مخدتي .. ورحت لجناح منصور كان جناحه بعيييييييييييييييييييييييييييييييييييييييييييييييد .. وكان بطرف بعيد جداً .. دخلت الجناح كان بالوان حيويه حلوة .. دخلت غرفتهم الرئيسيه .. جفتهم مبخرين ومرتبين الغرفه .. كانو ناثرين الورود المجففه على السرير الي كان فخم باللون الؤلؤي .. انقهرت وقمت بكل عصبيه وثيران نثرت الورود على الارض وبكل غيض تمنيت اشقق الشراشف المغطيه .. رحت للكبت بجنون ودورت على شي من ملابسها .. كانت الاغلبيه اثواب منصور .. فتحت الكبت الثاني .. جفته متروس ملاابس .. مسكت لي قميص اصفر يوصل لنص الساق كان معلق ويا جينز برمود فااااااااااااااتح .. يريت هاي اللبس .. ومسكت بجامة لونها برتقالي قصيرة يمكن توصل لثلاث ارباع الساق يريتهم وتحركت بسرعه طالع من قسمهم تارك فوضى على الارض والسرير .. وملابس سارة الي طاحت على الارض .. وابواب الكبتات مفتوحة .. طلعت بحذر من جناحهم .. ورحت لجناحي قفلته بسرعه .. ودخلت حجرتي

نثرت اغراضها .. وصورها .. وانا اتخيلها عندي .. شميت ريحه ملابسها .. مسكت بجامتها .. ورحت على السرير .. خليت البيجامه عندي .. وصورتها بيدي .. غفيت على صورتها وهي تضحك مع ثاني وسلوى و و حيـــاة وشعرها مفتوح وضرسها الي بالفك السفلي منكسر ..

^^^^^^^^^^^^^^^
يوم يديد .. واشراقه امل .. وبصيص من خيوط العنكبوت .. نقطع هالخيوط بااضافرنا بشراسه .. ندعي الحلــم .. واحنا ندوس عليه بكعب عالي ونهرسه بالارض ..

لولوة

طلعت من المستشفى وانا احس باارهاق .. وعلي نظرته خاليه من أي معنى .. دخلنا السيارة .. قعدت .. صج ان مستشفيات الحكومة لو تقعدين على الموعد للساعه 12 ماتخلصين من الزحمة .. اوفف .. جريت الغشوه من على راسي .. ونافخت .. حطيت وجه المكيف علي .. طالعت علي لقيته سرحان ويده للحين على مفتاح السيارة بعد مافتحها .. حسيت بالذنب .. مسكين هو يبغي عيال .. وانا ابلع بحبوب منع الحمل .. هه .. للحيني صغيرة ايش ابغي بالعيال وبلوتهم؟؟

:علي شفيك؟؟وين سرحت فيه؟؟

طالعني بنظرة فارغه ..: لا بس كنت افكر بكلام الكتورة .. معقوله من بدينا ناخذ العلاج وانتي ماقمتي تتحسنين؟؟

ارتبكت .. العلاج؟؟ اوووه .. انا حتى مااعرف وين حاطة دوى العلاج عشان افرغه قبل لا انكشف ..اول مابرد البيت بفرغ العلبه .. قلت وانا امثل اني مخنوقه: يعني انا شبيدي اسويه وماسويته؟ علاج وتعالجنا .. يعني شسوي اكثر ..

رصيت على عيوني .. وغطيتها .. شهقت شهقتين بعدين صحت .. تبون الصج كنت اصيح من صجي .. مب تمنثيل .. ماكنت اصيح عشان ماحملت للحين لا .. كنت اصيح على نفسي .. اصيح سعادتي .. اصيح حياتي .. اصيح مشاعري الي للحين ماقدرت اوجهها الوجة المناسبه .. علي صج طيب ومافي احسن منه .. بس مو قادرة مو قادرة ..

طالعني علي بأمل وهو متوقع اني اصيح على اني ماحملت : معليه حبيبتي .. احنا جربنا العلاج هني .. ونقدر نجربه برع .. العلم تطور .. كل ثانيه يكتشفون حلول يديدة .. لاتخافين صدقيني بنيب عيال

طالعته .. ماعرف ليش كسر خاطري وااايد .. يداريني .. ويخاف علي .. ويراضيني .. وانا ايش سويت له ايش؟ ليش مو قادرة احبه؟؟ ليش يوم احسه بياخذ غيري اطير الدنيا واقعدها .. ويوم هو بجنبي احس بنفور .. ومشاعر سطحيه عاديه باتجهاهه صح احبه بس كأخ عمري ماحبيته كزوج .. مب قادرة اتقبله .. ليش انا جذي ليش؟؟ ..

تعبت .. تعبت وانا اعيش الصراعات تعبت وانا اعيش الاهمال .. تعبت وانا ادور احضان دافيه وانا متربيه بحضن دافي .. تعبت ادور الحنان بقلوب باردة .. ليش مااقدر على فرقاه .. ليش مااقدر على فراق غيرة بنفس الوقت .. ليش اغار يوم اجوف اهتمام الشباب ببعض البنات وهم يهملوني .. ليش اغار من حب علي لامل .. ليش احقد على امل .. ليش احقد على كل خواته .. ليش مااحب امه الصدر الحنون .. ليش .. ليش؟؟

حياتي كلها اسئله محيرة .. انا ليش جذي؟؟

رن تيلفوني .. وارتبكت .. لايكون حد .. مابغيت افتح شنطتي .. بس علي قال لي : ردي؟؟؟

فتحت الشنطة بربكة وخوف .. وتوتر شديد .. لو انه كشفني .. شبيكون مصيري .. هالمرة دموعي نزلت غصب عني .. لو طلقني .. انا شلون بعيش بدونه شلون؟؟ .. انا مااقدر اعيش بدونة انا صح مااحبه .. بس بعد مااحب حياتي بدونه .. ليش هالتناقض ليش؟؟ ..

فتحت الشنطة جفت المتصل " امل " حمدت ربي مليون مرة .. الحمدلله .. الحمدلله .. ماطلع لي حد ثاني ..

قال علي : منو؟ ليش ماتردين

رديت بحبور: امل .. مو قادرة ارد عليها .. اخاف تحس اني كنت اصيح ..

ابتسم لي علي بمواساه ..وهو الي يحتاج من يواسيه .. مااعرف ليش شديت على يده .. كنت محتاجه لهاليد ياعلي يوم كنت صغيرة عمري18 سنة .. كنت محتاجتها توجهني يوم رافجت مشاعل .. كنت محتاجتها يوم يوم .. صحت .. وانا اتذكر هذاك اليوم .. يوم عمري ماارح انساه .. ابدا ابدا .. اليوم الذكريات تلعب فيني لعب .. مب قادرة اجمع .. لحسن حظي ان السيارة مخفيه ولا جان انفضحت .. معقوله لولوة القويه المغرورة الي ماتهزها شعره تصيح اليوم .. تصيح!!.. حاولت اقوي نفسي .. مابي اكون ضعيفه جدام أي مخلوق .. حتى علي .. مسحت دموعي بقسوه ..

لفيت ويهي عن علي وعطيته ظهري وانا اتأمل البحر الي وقف عنده علي .. شلون ماحسيت ان علي تحرك ويابني هني .. معقوله الذكريات خذتني لبعيد لبعيد ..

بعد ساعه او ساعتين مرت .. من بعد ذكرياتي الاليمة .. والحلوة .. افتريت لعلي .. لقيت يطالع البحر بهموم .. وعيونه تبرق بحزن .. مسكت يده .. وتأسفت: انا اسـفه ..

ابتسم يكابر الجرح الكبير الي بقلبه .. ومسح على شيلتي : ماعليج .. مسك يدي .. املنا بالله كبيـر ..

تغيرت ملامحهه الجامدة لبشوشه ..: شرايج نروح نتغدى (جاف ساعته المرصعه بالالماس ) تأخر الوقت نروح نتغدى بأي مطعم؟؟

كل مرة يسألني وياخذ رايي بالمطاعم الي نروحها بس هالمرة ابتسمت له: لا .. انته اختار وانا بيي وياك

جفته يفكر : شرايج نروح مطعم كنت اروح له بمراهقتي ؟؟

تحمست: اوكي؟؟

حرك السيارة .. وظليت اطالع الاحياء الي يدشها عشان يوصل للمطعم ..

^^^^^^^^^^^

"الدنيا لعبه قدر .. تحركنا بخيوط وهميه .. مرة تفرحنا .. ومرات تبكينا "

قاعده بكل توتر على المسنجر .. خايفه .. مرتبكة .. ولخوفها .. قعدت قبل الوقت الي حدداه لها بساعه كامله .. تفكر وتخطط .. ايش بتقول وعلى ايش ناويه

لسوء حظي دخل قبل الموعد بساعه .. ياني انقهرت .. ودي اذبحه واقصص لحمة بضروسي ..

"سحر حبك جنن جنوني "

هلا بقلبي

"الدنيا لعبه قدر .. تحركنا بخيوط وهميه"

وبعدين يعني بلا هالالفاظ!

"سحر حبك جنن جنوني"

نمشي .. شخبارج؟؟

قهرني .. الي يجوفه ولا يعرفه يعرف الخير؟؟ ..

"الدنيا لعبه قدر .. تحركنا بخيوط وهميه"

اخلص اشتبي مني؟ .. ليش قايل لي ادش؟

"سحر حبك جنن جنوني "

توء توء توء الي اعرفه انج رقيقه .. شالي قلبج دفشه؟ .. صرتي شيماء وانا ماادري؟؟

توسعت عيني بكبرها .. اكيد حد وياي بالمدرسة .. اكيد .. بس ليش يحقد علي لهالدرجة اوه قصدي تحقد علي .. اشتبي مني؟ .. شسويت لها .. انا مسالمة مالي دخل بحد بالمدرسة .. ولا اذيت حد ولا اذكر اني جرحت حد .. منو هذي؟ .. وشالي بيدها تسويه؟؟ .. معقوله يكون لها نفوذ كبير ؟؟... بس شلون اتأكد .. امس هددتني بسارة وميرة ومنيرة .. ومنصور .. منصور ! شلون نسيته .. ياربي .. لازم اتصل على سارة واعرف بطريقه غير مباشرة عنهم ..

"الدنيا لعبه قدر .. تحركنا بخيوط وهميه "

لا صرت سعودوه ..

اذا اعرفت سعودوه معناته انها وياي بالمدرسة .. واتعرفني زين .. زين مازين .. ولا من وين لها هالاخبار والمعلومات .. من بنته .. واخت من ؟؟ .. وبنت عم من؟؟ ..

" سحر حبك جنن جنوني "

هههههههه حلوة قالو لي عن سعود الي وياكم بالمدرسة .. ياربي ياسلوى اكتشفت انج خفيفه دم بعد .. مع ان قالو لي انج عمليه وجادة في اغلب الاحيان

قالو له ؟؟ .. يعني مب ويانا بالمدرسة .. زين من طرف من؟؟ .. لازم اعرف

" الدنيا لعبه قدر .. تحركنا بخيوط وهميه"

من طرف من انته؟؟

" سحر حبك جنن جنوني "

ماتعرفينها .. بس هي تعرفج .. اممم تقدرين تقولين .. عجبتيني .. وحبيت اعرف كل شي عنج!

عجبته؟ ليش الاخ من متى المعرفه؟ حتى اعجبه؟؟ .. ياربي شالسالفه مو قادرة افهم او استوعب .. احس نفسي بفلم هندي ؟ .. الاخ قاعد ويهدد باارواح الناس .. ليش مصخرة الدنيا؟؟ .. مافيها قوانين .. ولا عقوبات؟؟ ..< ياسلوى في ناس قلوبهم متحجرة مايهمهم احد اهم شي مرادهم الي يوصلون له .. وفي امثال كثيرة جدامج .. والاهم بعد وياج بنفس البيت ليتج تاخذين العبرة ..وماتكونين غشيمة وتضحين بكل الغوالي

قررت اطنشه .. لاني حسيت انه يكذب علي .. مستحيل انسان يقدر يأذي انسان ماسوى له أي شي ؟؟ يعني احنا مو قاعدين بغابه .. ولا بزمن الكهوف .. حتى بذيج القرون ماسوو نفس الحين ..

قلت بلا مبالاه

" الدنيا لعبه قدر .. تحركنا بخيوط وهميه "

اها .. ومن عرفتني عشان تنعجب فيني؟؟

"سحر حبك جنن جنوني "

اممممممم جفتج .. وعجبتيني .. ممممم تقدرين تقولين تصادفنا بفيلاجيو .. دعمتي قريب لي بالغلط .. جفتج من بعيد وعجبني احترامج وشخصيتج .. مممم .. وشكلج طبعا

شنو هالقله الادب شنو هذا يغازل بطريقه غير مباشرة يعني؟؟ .. وبعدين مااذكر اني دعمت حد بفيلاجيو .. شنو هذا يستهبل علي ولا يستهبل؟؟ ..

" الدنيا لعبه قدر .. تحركنا بخيوط وهميه"

شكلك شارب شي ولا مغلط ..

"سحر حبك جنن جنوني "

شارب حبج ياحبي هههههههههههههههههههههههههههههههههههههههههه

القـ.... الو.... قلـ.... حـ.... كل كلمات الدنيا الحقيرة شوويه عليه

صكيته بلوك .. وقعدت اسولف ويا رفيجاتي مب مهتمه لتهديدة .. فجأة نقزت وتذكرت ان نتايجنا بتطلع اليوم بالليل .. وباجر الصبح بيعلنون عنها بالجريدة ..

فتحت موقع الوزارة وقعدت عليه انتظر يعلنون وقت النتايج .. من بين انشغالي .. انتبهت على 5 رسايل لي على المسنجر .. اكيد شيوم لانها قالت لي بتطرش لي الصور الي طلبتهم منها "صور فساتين سهرات "

^^^^^^^^^^^^^^^^^

" خيوط الفجر تعطينا امل باشراقه جديدة بحياتنا"

قمت من الصبح متأمل خير هالمرة .. تمنيت الدكتورة تقول لنا ان لولوة حالتها تحسنت .. وحالة رحمها تقدمت عشان تقدر تحمل .. انا مااعرف ليش للحين ماحملت .. صار لنا سنة .. وشهرين .. وهي للحين ماحملت .. ماكانت مقتنعه بالحمل .. بس اقنعتها قبل 4 اشهر .. ومن هالاربع شهور واحنا نحاول عشان تتقدم حالة رحمها .. ويتقبل .. وتقدر تحمل .. بس للاسف .. حالتها تزيد اكثر عن اليوم قبله .. شالسبب مااعرف .. السبب مجهول ... والدكتور محتارة ويانا .. كنت شاك اول الايام انها ماتاخذ العلاج .. بس يحليلها ظلمتها طلعت تاخذه قبل لا انبه عليها حتى .. يالله متى باييب عيال ؟ .. يحملون اسمي .. واشلهم بيدي .. ابوسهم .. واحبهم .. اشتغل عشانهم .. وابذل كل طاقتي عشان اوفر لهم الفلوس .. مابخليهم محتاجين لشي .. مابعيشهم الحياة الي عشتها انا بدون اب .. مع زوج اب قاسي ظالم .. ابداً ماراح اعيشهم الي عشته ولا بخليهم يذوقون الي ذقته .. ولا بعامل امهم مثل ماكان يعامل زوج امي .. كان قاسي علي وعلى امي وااايد .. كان يمسيها بضرب ويصبحها بكف .. للحين كنت اذكر يوم كنت اقعد بزايه الغرفه اغطي ويهي واسمح لعيوني تشوفه بكل وحشيه يضرب امي .. وكنت كل مااقرب واضربه .. يفلعني على الطوفه لين ماتنهار قوايي الضعيفه جدامة .. بس يوم كبرت .. عرفت شلون اخذ حق امي وحقي منه .. تطلقت امي منه بعد 9 سنين من العذاب .. كانت اول سنتين اكثر السنين الي عشنا انا وهي تايهين .. هي انجبرت تاخذه .. وانا انجبرت اني اكون صبي عنده .. بعد ما كبروا خواتي الي منه .. طلق امي .. لانه شبع منها .. وتزوج وحدة ايطاليه .. وتزوج فوقها .. ببلدهم مايسمح ان الرجل يتزوج فوق مرته .. بهدلته وبهدلت عيشته دخلته السجون وجرجرته من محكمة لمحكمه .. كنت للحين بعمر ال 12 سنة .. وبعدها ماقمت اسأل عنه .. اشتغلت بشركة ابوي .. كنت ادرس النهار .. والعصر اداوم بالشغل .. تعلمت اصول الشغل .. وتعلمت من ابوي شلون احترم موظفيني .. لان احترامي لهم .. يخليهم يحترموني .. ياليت عندي ولد ولا بنت .. اصبح عليهم قبل لا اروح الشغل .. اوديهم الروضه .. واخذهم من المدرسة .. وافرح فيهم لاكبروا جدام عيني .. وركضوا يلعبون .. بلعبهم بالالعاب .. مابحرمهم من طفولتهم .. بوفر لهم كل سبل العيش والراحة .. وبعلمهم على النظام .. والدين .. بااهتم في مشاكلهم وبسمعها ... مابخليهم ينظلمون ابداً وانا عايش .. ولا بخليهم يعرفون معنى الضيم الي عشته ..

رحنا المستشفى .. وانا متأمل .. لكن كلام الدكتور حبطني وايد .. وااييد .. صعب انك متأمل وتتخيل .. وتتمنى .. تقوم وتمسي بأمل .. واخر شي تلقى هالامل مجرد وسيله لجذب الالم .. الامل والالم .. من نفس الحروف .. ابداً ماتختلف الحروف .. لكن الترتيب غير .. والي غير الترتيب غير المعاني الي تحملها كلا من الكلمتين .. ياااه .. مابتحسون بشعوري .. الا يوم تفقدون الامل ويحل محله الالم .. الالم .. مسكينة لولوة .. اكيد بتحس بالذنب .. ماحبيت احسسها بالذنب وانها ماقدر تحقق امنيتي .. حاولت اتساهل معاها .. ماابغي اظلمها .. او اجرحها .. خصوصا اني احبها .. هي ارق انسانه عرفتها بحياتي .. مثل النسيم .. عرفتها من اخوها بدر .. مرة شفتها معاه بالسيارة .. طبعا ماشفت ويهها لانها متغشيه .. بس قدرت المح تشكيله ويهها الدائري الابيض وعيونها الوسيعه بحجم متوسط .. وقسمها الصغير .. بتقاسيم شفايف صغيرة بلون التوت .. اعجبتني .. ولان اخوها بدر مافيه من احترامه والتزامة قررت .. اناسبه .. وانا فخور بنسبه .. مافي مثل اخلاق بدر .. صحيح .. في اشياء بلولوة كثير ماتعجبني .. بس احاول اغير فيها بالسياسه .. لاني لو تعاملت مع لولوة بعصبيه وبقوة بتتمرد احسها قطوة جميله .. خذتها للبحر تغير من نفسيتها التعبانه .. حسيت بالذنب .. وضميري انبني .. ماكانت تبغي تجي للمستشفى اليوم وكأنها حاسه .. ياليتني ماجبتها ولا جرحت احساسها ..

سألتها عن مكان نتغدى فيه .. وقالت لي المكان الي يعجبني .. فرحت وااايد .. لاني بجد حسيت انها المرة الي بتساعدني بمحنتي اذا طحت فيها .. ولامرة خذلتني .. كنت باخذها لمطعم كنت اروحة بمراهقتي .. بس غيرت رايي .. حسيتها مابتتقبل المطعم .. لانه بسييط .. ومتواضع .. . خذتها لمطعم هندي فخم .. اكله لذيــــــــــذ " رويال تندور" من اشهر المطاعم الهنديه .. المعروفه بشكلها الجميل المتناسق .. يجذب انظار الي جاينه .. بتشكيله هنديه .. وبخدمه ممتازة .. ماعدا الشي المزعج المكيف ماكان بارد .. يمكن لانه طلبنا اكل حااار عشان جذي نحس بالحر .. كان غدانا مصحوب ببعض الحجي البسيط .. احتراماً لنعمه الله .. بعدها .. قررت اخذها ادورها شوي على الكورنيش ..الي يعتبر من اجمل ملامح السياحة في قطر .. حيث الرصيف المعتدل الحجم .. واشجار النخيل الي تزين الكورنيش غير الحشيش الاخضر الي مغطي الارض .. ولا نسمات الهوا الي يوم تلاطم وجهك تخليك تحس بانتعاش .. ولا البحر الوسييييييع الي يستقبل هموم الدنيا كلها ..ولا العمارات الي تحاوط البحر .. تعطيه نور يبهر الانظار خصوصا بالليل .. الكورنيش ولا احلى بالليل والنهار " بصراحة كورنيش الدوحة بدون مجامله احلى كورنييييييييييش بالخليج لان قطر اهتمت من سنين طويييله بالكورنيش .. واعتبرته عنصر سياحي .. غير المطاعم الي بنتها على جانب الكورنيش "

تغيرت نفسيه لولوة بسرعه .. وحسيت بفرحة .. لاني قدرت اغير من نفسيتها ..

^^^^^^^^
(صراع مع الحياة)

...: شو بلاج ؟؟

...: ماشي .. اريد ايلس اروحي

.. : شو الي صاير زين خبـ

صرخت عليها بانفعال : اقولج ماشي ماشي .. شو ماتفهمين انتي؟ .. كيف تريديني افهمج؟؟

..حاولت تهديها وهي تضمها: خلاص خلاص بس لاتصيحين

صرخت عليها : كيف ماتبغيني اصيح .. وانا .. وانا مطلقه ..

وقفت بسرعه وتركت يدها الصغيرة : شوووووووووووووووو؟؟؟ .. مطلقه ؟؟ .. حمدوه انتي شو يالسه تخرفين؟؟؟

صاحت حمده وهي تغطي ويهها وتقول : ماعرف شو يالي صاير فيه .. خذت عقله اللبنانيه .. ماعاد يباني .. عافني ياعفرا عافني ..

دمعت عين عفرا على حال ربيعتها وبنت عمها حمدة .. معقوله وحدة بعمر الزهور بمثل عمر حمدة تتطلق .. وبدون سبب ؟؟ .. مستحيل : حمدوووووووه خبريني .. شو يالي صاير

صاحت حمدة وخبرتها كل شي صار

وكان هناك زوجين من الاذن تسمعهم .. وفتحت عيونها بكل وسعه .. حمدة اتطلقت؟؟؟ .. كيييف!!! .. ظلت هالزوجين من الاذن تسمع الي صار .. وبعدها احساس اوحى له بان الغرفه هدت .. وبسرعه تجاوز الممر .. طالع برع .. والصدمة راسمة ملامح وجهه

^^^^^^^^^^^^^^^

"فرحة النجاح لها طعم ثاني "

قمت من النوم وانا احس بزوجين من العيون تراقبني .. بحثت عنهم .. واكتشفت ان لونهم عسلي صافي .. اكيد عرفتوا صاحب هالعيون الساحرة .. ايوه ..كان منصور .. يطالعني .. لكن نظرته غير عن نظرة كل يوم .. احسه يستحقرني او كارهني ..

حكت عيوني .. وهاي الحركة دوم اسويها اول مااقوم من النوم .. ماقدرت اواجهه .. اخاف .. يمكن .. بس سألته : شلون ريلك الحين؟؟

رد علي بهدوءه : زينة

قررت اعرف شلون انجرحت ريله ومن الي ساعده؟؟ .. بس كان ماسك بطنة ويقول بيوع: يوعاااان شنو مافي ريوق؟؟

توجهت لغرفه النوم وانا اقول : اكيد في ..

دشيت الحمام .. تغسلت وبدلت لبست لي جلابيه حمرا .. طلعت مشطت شعري .. رشيت لي عطر .. وحطيت كحل .. واكتفيت بجلوس لامع شفاف ..

طلعت جفته على قعدته .. توجهت للمطبخ جفت ليلي مجهزة كل شي .. يحليلها .. قلت لها ان احنا بناكل فالصاله .. لان منصور مايقدر يمشي .. واخاف تتعب ريله ..

رجعت الصاله وفرشت السفره .. ورحت ايب صحون الفطور ووياي ليلي .. وودتهم الصاله .. جفته قايم بيقعد على الارض .. صرخت وهو ظل واقف بهبل يطالعني .. مشيت بسرعه لعنده .. ومسكت يده : منصور اقعد على الكرسي ومد ريلك .. جذي بتتعب ريلك ومابتطيب ..

قال لي بااهمال: عادي؟؟

قلت له بعصبيه: لا بتعورك ..

بس عاندني وقعد .. اوففف منه هالعنيد .. اول مرة ادري انه عنيد بهالشكل ..: انزين ريلك بتعورك حرام عليك ..

قعدت وقلت له : شلون ريلك الحين؟ .. احسن ماتعورك؟؟ .. شلون تعورت؟؟ ..

قال وهو يغير السالفه: مبرووك؟؟

طالعته مستغربه : مبروك؟ .. على شنو؟؟؟

قال لي وهو يأشر على الجريدة : نجحتي

فتحت عيني بفجعه وقلت مب مصدقه: لاااا .. لتقول؟؟ صج؟؟ كم يبت

ضحك منصور : والله مكتوب بالجريدة الي نجحوا .. بس شلوى طلعت اشطر منج؟؟

ضحكت مب مصدقه .. وبسرعه رحت للجريدة ..قريتها .. مت من الفرحة انا نجحت بنسبة 93 .. ياااااااااااي .. وسلوي ماشاءالله ماشاءالله يايبه 97.4 .. ماشاءالله ماشاءالله .. من الفرحة .. لميت منصور وانا اصرخ واناقز بمكاني .. نجحت .. نجحت ..

ضحك علي منصور وكأني وحدة منهبله .. ولا صايبها مس من الجنون .. ركضت على تلفون الشاليهات واتصلت ابارك لسلوي .. بس ماردت ؟؟!!

09-27-2010, 08:26 AM

انا : قمرهم كلهم

اضفني كصديق

كالعادة من اول مايات هني وهي يالعب بلي ستيشن ويا منصور يا تتمشى يا منخمدة .. والحين هي بوضع يديد .. قاعدة وتحاتي النتايج .. شوي وتصيح .. مو قادرة ترقد .. قاعدة على السرير .. وتتقلب يمين ويسار .. متى تشرق الشمس .. صكرت عيونها .. وردت فتحتهم ...

"سارة"
فتحت عيوني وظليت اتأمل فالسقف .. وانا شوي واموت من المحاتاه .. ياربي .. لو عندي لاب توب .. ولا لو فيه نت .. جان ارتزيت على موقع الوزارة من امس .. ياترى نجحت؟؟ .. انا انا متأكدة من نفسي فالعربي والانجليزي مزفتـــــــه حدي .. لا والي يقهر الطلاب في اللقاء الصحفي يقولون سهله الامتحانات .. سهله طل بعينهم ...يريت شعري بتوتر .. صج .. الثانويه العامة .. مب بس يننتنا .. الا طلعتنا لقمة الينون ..

قمت من السرير بعد ماضربت يدي يد منصور .. تخرعت .. خفته يقوم ويهاوشني .. يوووه .. طقيت جبهتي .. نسيت انه مايعرف شي عن الدنيا .. بعد مااستقرت ريلي على الارض .. تحركت على اصابيع ريلي ..وصلت للباب .. فتحته وطلعت .. شدتني الاضواء الي برع .. رحت فتحت الدريشه ووقفت على طرفها .. الهوا كان حلو .. مع انه في لفحه حرارة .. ابتسمت .. ظليت اطالع الظلمة مع هاله النور البرتقاليه من الليتات ..سبحت افكاري لبعيـــد لبعيـــد ...غمضت عيوني وانا ابتسم ويمر مثل هالموقف ببالي

كنت واقفه عند دريشة شاليهنا والليل خيم .. والكل رقود .. كنت واقفه عند دريشة الصاله واجوف برع .. ماحسيت الا بضربه على جتفي .. وصرخت من الخوف .. فتحت عيني على ثاني الي ماسك حلجة ويأشر لي عشان اسكت
طالعته: ايييييي خرعتني

ضحك: شتسوين هالحزة؟

طالعت برع : الجو بااااااااااااارد

ثاني يدزني: اجوف وخري ملتصقه بالدريشه تقولين لزقه اهو

مسكت ذراعي: يالدفش كسرت يدي

ثاني بعد ماوقف مكاني: أي والله الهوى باررد .. اشرايج نطلع برع نتمشى

قلت بسرعه وبدون تفكير: اللللللللللله يالله يالله خل نروح

ضحك: يالمخبله .. انزين روحي نادي مريوم وحيوت

اشرت بيدي بعدم اهتمام : مريوم منخمدة وحيوت قاعدة تكتب

طالعني بغباء:شنو ماشبعت دراسه ياين نغير جو احنا مو تدرس

ضحكت عليه : لالالا تكتب فدفترها مب تدرس

طالعني بنفس نظرته العبيطة: شتكتب ذي؟

قلت بغباء: اشدراني؟ ماسألتها

هز يده: والله مصخرة .. ماعطينا اجازة وهذي تكتب حشا يالحمصيشن

ضحكت: أي والله شكلها مشتاقه للمدرسة.. امش امش نطلع ... خل نروح صوب البحر

ضحك: الله حلااااته نجوف ابوج هناك

ضحكت بخوف: هههههههه بيخليني قتيله البحر

ضحك وقال: وانا المسكين بعد بصير قتيل البحر

ضحكنا واحنا ماندري شمعناة الي نقوله بس جذي نألف

:يالله يالله نروح

طلعنا واحنا نمشي شوي شوي .. صرخت يوم حسيت شي على جتفي : يمممممممممممممممممممه

ثاني: ماجافو الحراميه يبوقون جافوهم يتحاسبون .. يالغبيه بتفضحينا بيدرون ان احنا برع ..

التفت للي مسك جتفي وضربته: خرعتييييييييييييني حسبي الله على ابليسج

ضحكت حياة : شتسون بروحكم؟ اعترفوا اعترفوا اعترفوا

قلت لها بعبط: نغازل

ثاني: بتين ويانا ولا لاء؟

حياة: امبلا امبلا بجي .. بس صبروا وين عبود قال لي انه ينطركم برع

قلت لثنوي: انته قايل لعبود؟

ثاني: ايه قلت له بخرعج واذا تبين تين ويانا بنروح

هزيت راسي بفهم: انزين يالله يالله خل نروح بتطلع الشمس

حيوت جافت ساعتها: بوووووووه باقي ساعتين على صلاة الفير وينج ووين ماتطلع الشمس

قلت بعيله: يالله بنروح نحط ريلنا فالبحر

حيوت بوناسه: ونااااااسه

صرخت وياها: اكششششن

ضربنا ثاني كل وحدة على راسها: يالفضيييييييييييحه .. مانبيكم انجلعوا داخل لابركتن فيكم من بنات

حيوت: ثنوي يالخايس احترمني اكبر منك ها .. تبي زف ساروة

تخصرت : لا والله؟

سحبتني ومشينا وياهم .. صوب البحر .. جفنا عبود قاعدة ويسمع شله قعدنا عنده .. بس انا رحت للبحر وحطيت ريلي فيه صرخت بوناسه:يااااااااااااااااااااااي من زمان مايايين هني

جى عبود لصوبي: ان شاء الله يقوم ابوج ويزفج زف ونضحك عليج

بوزت: انته ماتحبني كله تدعي علي

ضحك علي وقال: احسسسسسن حلاته نجوفج تصيحين

قلت بقهر: عبووووووود

عبود وهو يضحك: تذكرين شكثر كنتي صياحه وانتي صغيرة .. بااال من زمان ماجايفج تصيحين

تخصرت: والله انا عودة انزين عمري 14 سنة مب صغيرة عشان اصيح

ماحسيت الا بشي على ريلي .. قعدت اصرخ: عقرررررررررب عاضني .. عقررررررررررب ...

ياو كلهم صوبي وانا متجمدة بمكاني واصيح

حيوت متخرعه وثنوي متوهق وعبود يصرخ علي عشان اتحرك

وانا ميتة من الصياح طلعت من البحر بمساعدة حيوت وعبود .. وقعدوني على الرمل .. وانا للحين ماسكة ويهي واصيح ..

ثنوي ميت من الضحك .. وحتى عبود .. كرهتهم .. انا عاضني عقرب وهم يضحكون .. والله كرهتهم .. مسكت الرمل الي تحت يدي ورميته عليهم .. :ان شاء الله يعضكم .. ان شاءالله يعضكم ..

رجعت اكمل صياحي

ثنوي وهو يضحك: يالذكيه هاي سمج صغار بس عضتهم ماتعور يالجذابه وبعدين هاي طحالب متعلبج على ريلج .. والا اذا عقرب تقدرين تمشين انتي

عبود ضرب كف ثنوي وقعدو يضحكون .. وانا اصيح .. وحيوت محتارة تضحك ولا تصيح

:جذابين جذابين العقرب عضني وااااااااهئ

عبود: والله ؟ .. لو صج عاضج بينزل دم وبتدوخين وبتسخنين

حسيت اني دايخة : اكا دخت .. عضني عضني

ضحك ثاني بالقوة .. وعبود وياه .. وهالمرة شاركتهم حيوت بالضحك .. حيوت: تتخيلين يالغبيه

قعدت اكمل صياحي : ان شاء الله يعضكم وتموتون .. وان شاء الله يعوررررررررررررركم

ثنوي قاعد جدامي وميت ضحك .. وعبود راكع وهو يضحك .. اما حيوت فكانت تضحك وهي تراويني الطحالب .. يوم جفت الطحالب تفشللللللللت .. وكملت صياحي وانا اركض للشاليه الي مأجرينه وانا ميتة صياح.. عبود يصارخ: اخييييييييييييييييرا جفناج تصيحين يالصياحه؟

قلت وانا متفشله ودموعي تطيح من بعيد: ان شاء الله يعضكم.. مالت عليك ان شاء الله يعظك يابو شلاااااااخ

وركضت للشاليه اكمل صياحي

ابتسمت على هالذكرى .. والله ايام .. ماتنعاد .. هالموقف صار يوم ابوي كان حي .. ااخ يابوي .. مسكت طرف الدريشه وانا اتذكر عبود وحيوت ..وثنوي وهواشنا .. كنت احب ثنووي اكثر من عبود بواايد ... ليش ماادري مع انهم نفس الشخصيه تقريبا بس ثاني كان عندي غير ...

^^^^^^^^^^

"لولوة"

اجوف صورة علي الي معلقه بالطوفه وانا وياه نبتسم واسأل نفسي بشنو قصر؟..اكل..لا..شرب..لا...لبس..لا.. مطاعم..لا...سفرات..لا...مجوهرات..لا..هدايا...لا ...عيل ليش مب متقبلته .. ليش ماااحس بحب اتجاهه .. انا ماانكر ان في شي بقلبي يتحرك يوم اجوفه .. بس مايهزني .. مااحس اني احبـه .. ليــش؟؟ ...انا ليش ماعندي شي بحياتي؟ .. كل شي متوفر لي بس مو قادرة احس بطعم كل هالاشياء .. ليش الكل مستانس الا انا؟؟ .. ليش علي مايهتم فيني وايد ليش؟؟

رن تلفوني .. كانت امل.. اخت علي تذكرونها؟
اوففف من وين طلعت لي هذي بعد؟
رديت:هلا والله؟

امل :اهلين .. اخبارج لولو؟

ابتسمت: بخير والله .. انتي اخبارج علومج؟؟

صديت عن صورتي وصورته .. وجفت نفسي بالمرايه .. عدلت مسكرتي .. وغمجت جلوسي..وانا اسمعها: تمام .. لولو .. ابي استشيرج بشي؟

توقفت عن تعديل روجي: قولي اسمعج ..

امل : لولو .. انا ...

لاحظت ترددها ؟؟..شفيها .. لايكون صاير شي؟... يارب امها فيها شي هالعله .. ماادانيها..قلت بحنان مصطنع: خير؟.. خرعتيني

امل بسرعه: لا خير .. >بتردد> .. بس .. انا ... يعني .. اه

قعدت على السرير .. ولعبت بشعر علي ..:اسمعج..

امل ..:مشغوله انتي اليوم؟

جفت علي فتح عينه: لا .. امري؟

امل : اممم .. تقدرين تمرين بيتنا .. ابيج بشغله ضروريه..

عقدت حياتي .. لااا الا بيتكم .. ويه .. :لا اشرايج انتي تين بيتي من زمان مازرتينا..

بعد فترة قصيرة : اوكي ...يكون احسن عشان مايسمعوني خواتي؟؟

شسالفه شكلها مسويه مصيبه .. طالعني علي بعد ماتمدد :من؟؟

ابتسمت :اختك ..رديت اكلم امل ..زين عيل انطرج ..

قالت بسرعه: علي بيكون موجود؟؟؟

ابتسمت ..شكل السالفه جد؟...:لا .. معزوم اليوم على عرس..

تنهدت براحه: اوكي .. يالله اجوفج العصر

ابتسمت من ورا قلبي : اوكي ..

صكرت من عندها .. وقلت لعلي: صباح الخير؟؟

ابتسم وازال الخصله الي على عيوني :صباح النور لاغلى لولوة بالكون

ابتسمت حسيت باانتعاش من مدحه .. معقوله علي يحبني وايد .. ابتسمت بفرح: يالله قوم وراك شغل ..

قعد بكسل على السرير وقال لي : غريبه قايمة اليوم من وهل؟ .. العادة المنبه يقومني؟

ابتسمت بحماس: لاني عازمتك على الريوق ..

ابتسم: زين .. بس مانتأخر ساعه10 عندي اجتماع مهم ..

بوزت: لا.. حبيبي .. الساعه 9 نروح .. مابيكفي الوقت ..

قال لي بأسف :حبيبتي والله الاجتماع مهم .. استعدل بقعدته .. مب حلوة اطنشهم ..

سويت نفسي زعلانه: يعني انا مااستاهل تطنشهم عـشاني؟

مسح على شعري: حبيبي هذي ارزاق ناس وارزاقنا .. مرة ثانيه اوكيه؟

هالمرة زعلت من جد : زين ..

قام من الفراش وتوجه للحمام .. عكر مزاجي .. اكره هالصفه في علي .. اذا عنده اجتماع او شغل .. مايفرط فيه .. حتى لو عشاني ... يالولو انتي فرطتي بشي عشان علي؟ .. جاوبي نفسج بالاول

رد صوت بداخلي : ايه انا ضحيت بمنصور عشان علي

رد عليه صوت ثاني: ضحيتي؟؟ هه انتي تقصين على من انا افهمج واعرف ليش خذتي علي

رد صوت ثاني عليه :ايه ضحيت .. ضحيت بالاحساس الحلو الي حسيته ويا منصور عشان علي

رد الصوت الاول : لا .. لتقولين كنتي تحبينه .. كنتي حابه انج الاولى فحياة ريال ماعمره تعرف على بنت

رد الصوت الثاني: لا انتي مب فاهمه انا شـ ابغي

حسيت بصداع .. مسكت راسي .. بس تعبت .. تعبت ..

^^^^^^^^^^^^

"سلوى"

صحيت من نومي وانا دايخة على رنة تلفوني رديت بصوتي المبحوح من النوم :الو؟

الطرف الثاني:احلى الو ..من احلى صوت

عقدت حياتي.. من هاي؟ .. اكيد سلوم :ابي ارقد بعدين بعدين

سمعت صوت ضحكة .. استعدلت .. وقعدت على السرير .. منو الفاضي الي متصل هالحزة؟ .. طالعت الشاشه .. رقم غريب؟ ...حطيت عند اذني وقلت بااستغراب: نعم من تبي اخوي؟

سمعت صوت ضحكة:هههههههه .. تعجبيني ..

طالعت الشاشه بااستغراب؟..:عفوا؟ تكلمني؟

قال بقله ادب: تصبحين على خير يازوجة المستقبل هههههههههههههههههههههههههههههههههه

كنت برد عليه بس صكر بويهي .. من هذا قليل الادب الي جي يقول لي .. صكرت التلفون .. ورديت برقد .. بس ماجاتني النومة .. من هذا؟ ..اكيد مغلط عباله خطيبته .. ابتسمت .. مسكين مايدري اني مب خطيبته .. رقدت .. ورد تلفوني رن من يديد رديت بتعب:الو؟

سمعت صوتها المتوتر: للحين ماقمتي الساعه صارت 9 ونص .. روحي جوفي النتايج طلعوها ولا لاء ..

فزيت من فراشي .. يالله شلون نسيت ...النتايج اليوم ..

قلت بسرعه: اوكي اوكي سروي بدخل وبجوف عطيني رقم جلوسج ..

سجلت الرقم بسرعه بالورقه .. وسيييييدة نطيت على كرسيي .. فتحت اللاب توب .. واستغرق من وقتي 10 دقايق الا وانا داشه موقع الوزارة .. وقريت خبر اصعقني ...بكل بساطه اجلو يوم اعلان النتايج وباجر بينزلونه .. شنو انقهرت .. كان ودي اكسر اللاب توب .. وكان ودي احطم موقع الوزارة .. السخيفين .. والله مايحسون فينا .. احنا نحاتي .. وهم بكل برودة اعصاب كاتبين نعتذر .. مالت عليكم وعلى اعتذاركم ... توء .. اووووووووووفففففففففففففففففففففف .. شاليوم النحس ..

اتصلت لسروي .. مرة .. مرتين .. ثلاث .. اربع ..خمس .. ماردت .. شفيها ذي بعد ماردت ... ياربي .. طرشت لها مسج وقلت لها فيه انهم اخروا يوم اعلان النتايج وبكرة النتايج ...بصراحة قهر .. يعني كفايه من اسبوعين واحنا ننتظر النتيجة .. قبل ثلاث ايام كان فيه عطل بالموقع ... وقبله بااسبوع للحين ماجمعو الدرجات .. شنو هاي .. اوفف .. والله ان احنا متنا من المحاتاه ... حتى وزنا نزل ..

تنهدت بضيج .. ودشيت الحمام .. غسلت ويهي .. واسناني .. وبدلت ملابسي بـ بانطلون جينز كحلي مطرزة اطرافه بالذهبي .. وبدي ذهبي وابيض واسود يدة توصل لثلاث ارباع اليد .. توجهت للتسريحة ... مشطت شعري وسحيته .. مسكت شريطة ذهبيه رفعت فيها شعري ذيل حصان .. ومسكت خصل طويله من قذلتي ورفعتهم بـ شباصة ذهبيه... تعطرت .. ونزلت ..

مشيت على الدري بهدوء .. طليت من الدري على المسبح .. الدري كان يطل بصوب على المسبح .. وعلى الدري فيه نفس مساحة كبيرة تفصل بين الدري الي تحت والي فوق ... حاطين فيها نفس قعدة .. طوفت القعده مع اني احب اقعد هناك ... نزلت ويدي تلامس درابزين الدري .. طالعت سالم قاعد وبيده الجريدة .. وميرة ومنيرة يتابعون فلم بالتلفزيون بينما اخوهم الصغير وحمودي قاعدين يلعبون سيارات .. وسلطانه تتحجى بالتيلفون ... نزلت .. سلمت ع الكل .. قعدت عند سالم واشرت ع الشنطة الي محطوطة عنده: بتسافر؟

سالم ينزل انظارة من على الجريدة:ايه ..ابتسم بويهي ببشاشه وقال: يه يه يه الكشخة شالكشخة .. مااقدر مااقدر على اختي الكشيخة

ضحكت باانحراج : هههههه سلوم بس

ضحك سالم وباس خدي:ياعيني على الي يستحون .. مبرووووووك النجاح يا بطة

فتحت عيني بكبرها: اشدراك اني نجحت؟؟؟

ابتسم سالم: عند واحد بالوزارة اعرفه وقال لي اسمج مو من ضمن الرسوب

تعلقت فيه بفرح وقلت بامل: انزين وكم نسبتي؟

ضحك وقال: باااال وايد متحمسه

صرخت باانفعال وضحكة:يالله كـــــم

قال لي وهو يبعدني: اشفيج متحرقصه .. ماادري ماقال لي نسبتج بس قال انج من ضمن النجاحين

صرخت بوناسه:ياقلبي عليك ياسلوم فديتك .. بسسسسستة بالقوة .. وركضت لسلطون وصرخت وانا اقول لها بوناسه: سلللللللللطااااااااااااااااااااااااااااااااااااااا اااااااان نجحت نجحت

سلطانه بفرحة: صج .. مبروك مبروك .. كم يبتي حبيبتي...

ابتسمت وبستها: الله يبارك فيج .. ماادري بس سلوم يقول اني نجحت

سلطانه: اهم شي ناجحه ..

ضحكت بفرح ودموعي تنزل على خدي: سلطان والله ماتوقعت انجح مزفته بالعلوم واالانجليزي

سلطانه بغيض: يعلج ساقطة كم مرة قلت لج لاتقولين لي سلطان ها

شهقت: فال الله ولا فالج .. ويييييييييه عادي ادلعج وه

سلطانه بعصبيه: مااحب هالدلع

ابتسمت بمصلحه: خلاص ولايهمج يابعد جبدي .. تلصقت فيها .. يالله قومي ريقيني على حسابج ..

سلطانه تدزني: وانا اقول ليش لاصقه جي تبين شي ها

ضحكت :ببشر ساروووووووه

ضحكت علي: مخبل انتي وياها

ركضت لداري مستانسه بخبر ساروه اني نجحت

^^^^^^^^^^^^

"هل الامارات سامحوني مااعرف اتقن اللغه الاماراتيه بس كان لازم اتكون عايله منكم عاد اذا غلطت سوو روحكم ماقريتوا خخخخخ"

ماادانيها ماادانيها اشلون تباني اميه ارمسها .. ماحبها .. اوففف .. :امايه لو تبانا بتتصل مايبالها

ام سعيد : عذوووب لااتيننيني كفايه اخوج .. اتصلي ابها وخبريها انها معزومة

شلون تباني افهمها؟ ..كيف نعزم ربيعه روضه ع عرس ربيعتها ياربي؟: هب متصله ؟..اروحي ماادانيها .. وغير هاه .. انترست عينيه دموع .. اميه كيف بنسوي حفله الملجة من يديد لسعيد ..انزينه وحرمته؟؟

ام سعيد: علها النفاذ الي ماتسمع الرمسه مسودة الويه .. الحينه خل نشوف شو بتسوي

اووففف شو هالحياة كل شي بالغصيبه: اميه .. رواضي ماتستاهل

اميه بغيض: روضوج بسبعة خيازرين .. اجوف اتصلي ابها ..

رن موبايلي .. وكان هالشي المنقذ .. سرت غرفتيه بسرعه ... كانت "روضه" حرمة سعيد الي متصله .. رديت عليها ..

يالي صوتها التعبان ..:اشحالج عذوب؟

كتمت صيحتيه .. والله ان روضه شيخة الحريم وماتستاهل الي بيصير الها .. كيف هانت ع سعيد كيف؟؟ ..:بخير .. انتي اشحالج .؟؟

قالت بصوت مخنوق: الحمدلله .. عذبه تقدرين اتيين عندي اليوم؟؟

حليلج ياروضه ماتدرين ان سعيد جااد ومن صدقه بيتزوج .. الله ياخذج ياشمسه انتي ربيعه انتي؟ ..صحت: رواضي سامحينيه والله اني ماكنت ادري عن شي

روضه بحزن: ادري عذبه .. غناتيه مايبالها سماح .. حصل خير .. شو بتين ولا بعدج؟

صحت باانهيار .. كيف روضه مستحمله .. كيف .. صدق انج ياروضه قويه .. لو انا .. كان من زمان انهرت .. ماعشت الي عشتيه .. :هيه يايتنج ..

روضه: خلاص اترياج

صكرت من عندها ويلست اصيح .. روضه صدق صدق ماتستاهل .. كيف يصير جذه .. كيف .. سمعت دق ع الباب رحت فتحته

منصور:مرحبـــــــا الســـ ....قطع رمسته يوم شافني اصيح .. اشو بلاج عذوب؟

صحت من خاطريه : روضه كاسرتن قلبيه كيف اتهون ع سعيد يسوي ابها جذي

لوى عليه منصور : عذووب اخوج سعيد وانتي عارفتنه وهي راضيه ليش انتيه محتشرة

شفته وقلت بصياح: انته ماتعرف رواضي .. رواضي تكتم بقبلها مابتقول لاحد عن الي بخاطرها ..

منصور: دام ها رمستج عيل سمعي ابويه مارضى ايوز سعيد الا اذا وافقت روضه .. وروضه ماقالت لاء .. يعني هي راضيه

بيخبلني هذا بيخبلني .. : شو تباها تقول يعني لا .. وليش سعيد بياخذ برمستها؟

منصور بحنيه: دامج عارفه ان سعيد يالي براسه بيسويه ليش تبجينه؟

قلت له :مااصيح عليه اصيح ع روضه .. منصور بذمتك رواضي تستاهل؟؟؟

نزل راسه منصور وقال: محد"ن" بداري شو بلاهم وليش يبا يتزوج سعيد .. ماتعرفين يمكن عنده مبرر ..

صرخت بعصبيه: سعيد طول عمره اناني ومايفكر الا بعمره .. الحينه شو ناقصنها روضه؟ جمال وجميله ..اخلاق؟؟ماشي شرات اخلاق روضه .. عيال ويابتله بدال الواحد اثنين توم ..

لوى عليه: عذوب هدي هدي .. انتي وايد منفعله

يلست اصيح .. مسكينة رواضي مسكينة ..

^^^^^^^^^^^

"سارة"

ياربي ..اعصابي تلفانه .. من امس مب راقدة .. واخر شي .. نعتذر .. صج صج .. بغيت اذبحهم .. شسوي بااعتذارهم الحين؟ ها؟؟ .. والله يخلون الطلاب يفقدون اعصابهم .. طاحت عيني بعيون عسليه صافيه .. اوففففففففففففف هاي شقومة بعد .. اوفففففف

ابتسم لي: صباح الخير

رديت بدون نفس: اهلين

ماتحجى وياي .. ظل ساكت .. جنه ينتظرني اتحجى ... وانا اخلاقي واصله لخشمي .. مب فاضيه لسخافته ..اهز ريلي بتوتر .. وافكاري تروح يمين .. ويسار .. وهو يطالعني .. جني تلفزيون ..اوففف .. شفيه؟؟ .. طالعته بعصبيه

قال لي ببرائه: انتي معصبه؟

لا ياشييييييييييخ صباح الخير .. : شتجوف؟؟؟

شكله انحرج وسكت .. احسن بعد .. اوففف

سرحت ببعيد لنفس هالموقف ..

كان قاعد ومعصب وعيونه العسليه تدور فبيتنا .. دشيت وانا اضحك واعدل شيلتي واكلم مرام : ايه ايه .. طالعت فيه .. فريت حلجي يمين ويسار علامة اني متضايقه من شيفه ويهه ... وهو نفس الشي ماقصر بنظراته الحقيرة .. طالعني من فوق لتحت .. وصد ..

دش ابوي .. فاضطريت اني اتحجى وياه: شلونك منصور

رد علي بخياس نفس: زين ....فر ويهه للجهه الثانيه

ويه مالت عليك وعلى ويهك الي يقول ميتة فيك .. هه مالت ..

ابوي : هلا هلا بسارونة .. تعالي يبة ..

ابتسمت من كل قلبي: هلا فيك باباتي .. شلونك؟؟

جفت منصور وويهه يدل انه منقرف .. طلعت لساني بحرررة له .. وفريت ويهي عنه هالمقرف ..

ابتسم ابوي بس مالاحظ حركتي ولا جان ذبحني .. ابوي مايحب هالحركات الي اسويها لسلوم ومنصور بس يقهروني مااطيقهم .. :عمتج تسأل عنج

تبنج ويه منصور وهو يطالع ابوي بااهتمام .. ادري ان منصور يعز عمتي واييد فحبيت اقهره: فدييييييييتها عمتوووووه شلونها؟ متى بيون من الامارات ...

ابتسم ابوي وهو يمسح على شيلتي ..:قالت انها بعد يومين يايتنا ..

قلت بحره: بتقعد بيت عمي بو محمد؟؟؟<بومنصور

ابتسم: عيالها بيقعدون هناك هي بتيي بيتنا

التفتت لمنصور باانتصار ولميت ابوي : هني نحبها اكثر هي بعد

حسيت منصور شوي ويموت .. احسن افتك من ويهه النحس : يالله عمي استأذن

ابوي قال لي :انزين يبة هذا هو الملف الي يبغيه ابوك ..وانتي ياسارة وصلي ولد عمج وتعالي

قلت بقهر: يدل الباب..

طالعني ابوي .. فرحت مقهورة اوصله .. وهو طالع قلت له : عمتي ماعادت تبيكم ..
الي كنت اقصده ماتبيك بس حطيت الجمع

طالعني بااحتقار: لو تعرف معدنج مابغتج

قلت اقهره: لاتعرفني .. عاشت ويانا 10 سنين(مددت العشر عشان اقهره مثل مايقهرني بوايد اشياء) .. معقوله ماعرفت معدني للحين؟؟؟

قال لي بخياس نفس: لا للحين مادرت يالمسترجله

عصبت عليه .. اكره هالكلمة .. تنقال لي وااايد .. وخصوصا منه : انا مب مسترجله تحجى عدل وياي

ضحك بااستهزاء : يعني لو تدلعتي مرة ولا مرتين عند ابوج بتقنعينا انج مب مسترجله .. يابابا روحي عدلي مشيتج اول بعدين قولي مب مسترجله .. ولاا في بنيه تلبس هاللبس؟؟ ..

عصبت .. صكرت الباب بويهه .. وركضت غرفتي اصيح .. كنت لابسة بانطلون زيتوني جيشي ... وعليه قميص لونه اصفر باهت يليق على البانطلون عليه نقوش بسيطة باللون الزيتوني ..

اكرهك منصور اكررررررررررهك .. كرهي لمنصور كان يزيد .. وكرهت عيال عمي بعد ماتوفى ابوي .. حتى سلوى قلبت عليها وماكنت اتقبل منها أي شي .. بس بعدها بااسبوع كلمتني مرام .. وهدتني .. وقالت لي ان سلوى مالها ذنب بالي صار ..

تدرون انا للحين مب قادرة اتقبل ولااحد من عيال عمي منصور ماغير سلوي وسلطانه وبس ويمكن مجود اخوهم الصغير ولا الباقي احسهم نسخة مصغرة من ابوهم .. وامهم بعد ..

انتبهت من ذكرياتي على يد منصور الي تلوح جدام عيني : اشفيج صرتي صمخة اكلمج

صرخت عليه: منصور بعد عني انته ماتفهم .. كم مرة اقول لك اكرررررهك

تحركت .. وجفته يتحرك بعرجة .. كسر خاطري .. نسيت انه مجروح بركبته .. رحت عنده ..مسكن ريله .. بس بعد يدي بهدوء .. وقام بيطلع من الشاليه .. بس رحت لغرفتي لبست شيلتي وعباتي .. وطلعت اتمشى وياه .. ابداَ ماقال شي .. حسيت بالذنب .. انا شلون جذي اعامله .. قعد على الرمل مجابل البحر .. قعدت احذاه ... كان يطالع البحر .. ويطالع اخر نقطة فيه .. صديت عنه .. وانا احس بالذنب ودموعي بااطراف رموشي .. بس كنت احاول اكون قويه .. انا شلون جي عاملته .. لالالا احسن احسن .. انتي شنو نسيتي شسوو فيج .. ذوقيه من الي ذقتيه منه ..

صوت ثاني : لو كان فيج خير جان ذوقتيه من الي ذوقاج وهو صاحي مب مريض

الصوت الاول: وهم ليش ذوقوني اياه وانا ياهله .. ياهله صغيرة .. ليش جي كانو يعاملوني .. كرهوني بكل شي فيني .. بملامحي .. بنفسي .. بمشيتي .. بكل شي ..

الصوت الثاني : انتي بعد كنتي تتليعنين ..

الصوت الاول: ماكنت اسوي جي الا لاني ابي اطلع حرتي منهم

الصوت الثاني:والحين هو مريض مايخصج منه

الصوت الاول: لا هاي فرصتج .. استغليها

الصوت الثاني: لا لتسمعين حجيه .. هو يقص عليج .. انتي ترضين جي تسوين بواحد ياهل ومريض؟

الصوت الاول: لاتسمعين حجيه هو .. سمعي الي اقولج عليه .. لو رد بذاكرته ماراح تقدرين تنتقمين منه .. انتقمي منه الحين ..

الصوت الثاني : الحياة مب بس انتقام

الصوت الاول: اسكت انت

الصوت الثاني: انته الي اسكت .. انته جشع

الصوت الاول: وانته غبي .. تسامح الي يغلطون عليك .. باجر ياكلونك بااسنانهم

الصوت الثاني: لا بيتذكرون معاملتي لهم وبيندمون

الصوت الاول: انته تعيش بالاحلام .. من من الي سوا نفسهم ندم؟ .. من تحسف؟ .. خيالك واسع

الصوت الثاني: لا لكل قوي نهايه وكل قوي في الي اقوى منه

الصوت الاول: مافي اضعف منك .. انته تعيش بعالم غير عالمنا

الصوت الثاني: لو انك تفكر بطريقتي .. والكل يفكر مثل ماافكر انا .. جان عشنا بسلام

الصوت الاول؟: سلام؟؟ .. السلام مب احنا الي نخلقه

الصوت الثاني: لا .. بيدنا ان احنا نخلقه ...بس احنا اصرينا ان مانخلقه .. الغلط من البشر

الصوت الاول: اقولك اسكت بذبحك

الصوت الثاني: ماتقدر لان كلامي صح

مسكت راسي .. ياربي شنو هالصراع الي اعيشه .. انتقم ولا لاء .. انتقم؟؟ .. طالعت منصور .. وعيونه البريئه .. لالالال ... هو ياهل .. وليش ماتنقمين الي سووه يكفيج طول العمر ..جفته ماسك ريله سألته: للحين تعورك؟؟

ابتسم:لا مب وايد؟!!!

سكت .. وانا بعد سكتت .. ماعندنا شي نقوله .. شنقول؟؟ .. قلت انهي الحوار: منصور بروح ارقد من امس مب راقدة

هز راسه .. ومشيت عنه للشاليه

^^^^^^^^^^

"حمدة"

عفرا الوحيدة الي تعرف شو فيه وليش انا ببيت ابويه .. بعد ماتزوج خالد مايا .. وانا ماعدت ويلست هناك .. رجعت بيت ابويه .. بيت ابويه الي ضمني 25 سنة مابيقدر يضمني العمر الباقي؟؟ .. امايه متوفيه .. وابويه هو الوحيد الي بقا لنا بالدنيا ... شو اسوي مااعرف .. اخاف اخبره .. ابويه عصبي.. وممكن يسوي كل شي ..

نزلت تحت .. ويلست صبحت ع ابويه .. ويلست ع سفرة الريوق .. مالي خاطر لـ شي .. وعيوني ذبلانه هب فاييجة لـ ولا شي .. رن موبايلي وكان خالد ارتعبت .. شو يبا هاه .. ويدام ابويه .. خفت .. رديت بهدوء لان نظرات ابويه كانت متسائله :الو ..

ياني صوته :اشحالج

صدق انه قوي عين .. ويسأل عن حالي بعد الي سواه :شوتبا؟

قالي بصوت ذوبني:سامحيني ..غناتي ..حمدووه

مارديت عليه .. دموعي الوحيدة كانت جوابي:بعد ماطلقتني لـ شو متصل

ابويه من سمع الخبر وقف ع حيله وصرخ من قلبه: شوووووووووو...

جسد ابويه تهاوى ع الارض .. صرخت .. ابويه ابويه .. سمعت حس خالد وهو يقول لي :بلاج؟ ..

صحت:ابويه .. خالد دخيييييلك تعال .. ابويه بيموت

خالد : ياينج

ربعت لعند ابوي وماكان يتنفس .. صحت .. مت من الصياح وانا اهزه .. واصرخ : ابوووووووووي .. ابوووووووووووي.. ياربي شو هالمصايب يالي تتحاذف عليه من كل صوب ..

^^^^^^

"فرحة النجاح لها طعم ثاني "

قمت من النوم وانا احس بزوجين من العيون تراقبني .. بحثت عنهم .. واكتشفت ان لونهم عسلي صافي .. اكيد عرفتوا صاحب هالعيون الساحرة .. ايوه ..كان منصور .. يطالعني .. لكن نظرته غير عن نظرة كل يوم .. احسه يستحقرني او كارهني ..

حكت عيوني .. وهاي الحركة دوم اسويها اول مااقوم من النوم .. ماقدرت اواجهه .. اخاف .. يمكن .. بس سألته : شلون ريلك الحين؟؟

رد علي بهدوءه : زينة

قررت اعرف شلون انجرحت ريله ومن الي ساعده؟؟ .. بس كان ماسك بطنة ويقول بيوع: يوعاااان شنو مافي ريوق؟؟

توجهت لغرفه النوم وانا اقول : اكيد في ..

دشيت الحمام .. تغسلت وبدلت لبست لي جلابيه حمرا .. طلعت مشطت شعري .. رشيت لي عطر .. وحطيت كحل .. واكتفيت بجلوس لامع شفاف ..

طلعت جفته على قعدته .. توجهت للمطبخ جفت ليلي مجهزة كل شي .. يحليلها .. قلت لها ان احنا بناكل فالصاله .. لان منصور مايقدر يمشي .. واخاف تتعب ريله ..

رجعت الصاله وفرشت السفره .. ورحت ايب صحون الفطور ووياي ليلي .. وودتهم الصاله .. جفته قايم بيقعد على الارض .. صرخت وهو ظل واقف بهبل يطالعني .. مشيت بسرعه لعنده .. ومسكت يده : منصور اقعد على الكرسي ومد ريلك .. جذي بتتعب ريلك ومابتطيب ..

قال لي بااهمال: عادي؟؟

قلت له بعصبيه: لا بتعورك ..

بس عاندني وقعد .. اوففف منه هالعنيد .. اول مرة ادري انه عنيد بهالشكل ..: انزين ريلك بتعورك حرام عليك ..

قعدت وقلت له : شلون ريلك الحين؟ .. احسن ماتعورك؟؟ .. شلون تعورت؟؟ ..

قال وهو يغير السالفه: مبرووك؟؟

طالعته مستغربه : مبروك؟ .. على شنو؟؟؟

قال لي وهو يأشر على الجريدة : نجحتي

فتحت عيني بفجعه وقلت مب مصدقه: لاااا .. لتقول؟؟ صج؟؟ كم يبت

ضحك منصور : والله مكتوب بالجريدة الي نجحوا .. بس شلوى طلعت اشطر منج؟؟

ضحكت مب مصدقه .. وبسرعه رحت للجريدة ..قريتها .. مت من الفرحة انا نجحت بنسبة 93 .. ياااااااااااي .. وسلوي ماشاءالله ماشاءالله يايبه 97.4 .. ماشاءالله ماشاءالله .. من الفرحة .. لميت منصور وانا اصرخ واناقز بمكاني .. نجحت .. نجحت ..

ضحك علي منصور وكأني وحدة منهبله .. ولا صايبها مس من الجنون .. ركضت على تلفون الشاليهات واتصلت ابارك لسلوي .. بس ماردت ؟؟!!

ونااااااااااسه نجحت نجحــــــــت .. لميت منصور بالقوة .. وهو يضحك علي .. كنت مستاااااااااااااانسه .. توقعت اني ارسب بالانجليزي ولا العربي .. شوي ولا رن موبايل منصور كان ماجد وامي يباركون لي .. وقالو لي انهم عازمينا على مطعم .. اساسا بعد باجر هو اخر يوم لنا بالشاليه وبعده بنرجع البيت ..

:منصور بنلم كل اغراضنا وخلاص بنرد .. يااااااااااااااااي نجحت

منصور باسني:مبروك

قلت بفرحة :الله يباااااااااااارك فيييييييييييييييك

بعد ماقمت من مكاني حسيت بااحراج .. مسكت خدي .. وبسرعه رحت الم عفيستي .. عشان بنرد البيييييييت هنااااااااك ياوناااااااااااااااااااااااااااااااااااااااستي

رجعت الصاله وقلت لمنصور: معليش اتصل لرفيجاتي وابارك لهم

هز راسه.. وسحبت الجريدة من يدة.. وركضت للغرفه .. جفت نتايجهم واستانست لهم .. طبعا انا زدت كنت جايبه ذاك الفصل 92 والحين93 نعمـــــه اما سلوي نزلت كانت 98 والحين 97

اتصلت لهم وباركت لهم .. وبعدين بديت الم اغراضي .. لان باجر بنرد البيت .. احسن .. هني ملل .. لميت اغراض منصور بعد

طلعت جفته يعرج .. قلت له بتساؤل: منصور شلون تعورت

قعد على الكرسي وشكله باذل مجهود كبير : سارة ..

قعدت عنده: هممممم؟؟؟

طالعته جفته يطالعني بعيونه البريئه .. :منصور فيك شي

؟؟

هز راسه بـ لا ..ابتسم .. ابتسمت له ..بس بعدين قال بتردد: سارة ليش عصبتي علي امس؟؟؟

كانت ملامحهه مترددة

قلت بأسف: كنت متوترة .. عشان النتايج

سألني:انتي كم عمرج؟؟

ضحكت: احم انا كبيرة عمري18 وبعد كمن شهر بندش ال19

ابتسم:وانا؟

رفعت عيني للسقف وانا اعد على اصابيعي ..:ممممم .. يمكن 26 ولا 25 سنة

ابتسم وسوا نفس حركتي .. دزيته: يالقـــــلاد

ضحك

وبعدها قعدنا نجوف مسرحيه "لولاكي"

^^^^^
"لولوة"

كانت امل قاعدة وتهز ريلها متوترة .. قلت لها .. : امول حياتي شفيج قلقتيني !!

طالعتني بتوتر .. وقالت : لولوة .. انا بدش بالموضوع .. لاني .. مااعرف اقول مقدمات .. بس تأكدي .. (نزلت راسها) اني مااخترتج .. الا لاني اثق برايج .. واحب مشورتج .. (شقيييييت الحلج .. اول مرة ادري ان امول هالكثر تعزني ياقلبي عليها) انا ..

قلت اشجعها بعد مامسكت يدها.. : ايه حبيبتي شفيج؟؟ ..

طالعتني للحظة ورجعت نزلت عيونها .. تخرعت: اشصاير؟؟؟

رفعت عينها المليانه دموع .. :لولو اوعديني اول انج ماتقولين لااحد

قلت بصدق: وعد مب قايله لحد عن الشي تبينه .. شنو خرعتيني امول

امل غطت ويها وصاحت

تخرعــــــت مهما يكون هذي امول الوحيدة الي احبها من خوات علي .. شفيها اتصيح.. قمت من كرسيي وقعدت على نفس كرسيها وضميت جتفها بخفه : شفيج امول شصاير؟؟؟

طالعتني وهي ميتة من الصياح : انا ... انـــا

مامداها تقول الي تبيه الا ويرن جوالي .. قلت لها :لحظة علي يتصل

اتعلقت فيني وقالت لي: بليييز لايرجع ... ابغي افضفض لج .. وابي مشورتج

صياحها القوي ماطمني .. بس قلت : اوكي .. اوكي ..

طلعت اكلم علي وانا احاتي .. شفيها امول .. ليش جي تصيح بهالقوه ..

09-27-2010, 08:29 AM

انا : قمرهم كلهم

اضفني كصديق

" انا اغرق .. هل من منقذ؟ "
"لولوة"

كانت امل قاعدة وتهز ريلها متوترة .. قلت لها .. : امول حياتي شفيج قلقتيني !!

طالعتني بتوتر .. وقالت : لولوة .. انا بدش بالموضوع .. لاني .. مااعرف اقول مقدمات .. بس تأكدي .. (نزلت راسها) اني مااخترتج .. الا لاني اثق برايج .. واحب مشورتج .. (شقيييييت الحلج .. اول مرة ادري ان امول هالكثر تعزني ياقلبي عليها) انا ..

قلت اشجعها بعد مامسكت يدها.. : ايه حبيبتي شفيج؟؟ ..

طالعتني للحظة ورجعت نزلت عيونها .. تخرعت: اشصاير؟؟؟

رفعت عينها المليانه دموع .. :لولو اوعديني اول انج ماتقولين لااحد

قلت بصدق: وعد مب قايله لحد عن الشي تبينه .. شنو خرعتيني امول

امل غطت ويها وصاحت

تخرعــــــت مهما يكون هذي امول الوحيدة الي احبها من خوات علي .. شفيها اتصيح.. قمت من كرسيي وقعدت على نفس كرسيها وضميت جتفها بخفه : شفيج امول شصاير؟؟؟

طالعتني وهي ميتة من الصياح : انا ... انـــا

مامداها تقول الي تبيه الا ويرن جوالي .. قلت لها :لحظة علي يتصل

اتعلقت فيني وقالت لي: بليييز لايرجع ... ابغي افضفض لج .. وابي مشورتج

صياحها القوي ماطمني .. بس قلت : اوكي .. اوكي ..

طلعت اكلم علي وانا احاتي .. شفيها امول .. ليش جي تصيح بهالقوه ..

اكيد فيها شي .. وشي جااايد بعد .. لازززم اعررررف

ماانتبهت للي اقوله ..: ها؟؟ ..

علي بهدوء:حياتي شفيج ؟؟

ابتسمت بااحراج: عمري امل هني الحين اكلمك بعدين اوكي؟ ..سمعت صوت انفاسه وظل ساكت..فـ سألت بقلق : بتتأخر اليوم ..

حسيته يحك يبهته وهو يتثاوب ويقول : خاطري ارجع الحين بس للحين ماخلصت اشغالي غير هاي بحظر عرس واحد من الربع .. تثاوب بتعب .. خاطري اطنش كل شي وارد ارقد بس ماينفع

قلت : يعطيك العافيه .. حبيبي تأخرت على امل

علي: خلاص حبيبي روحي لها .. مع اني ودي اسولف وياج .. اشتقت ..

ابتسمت بحلاوة .. كلماته حسستني بااهميتي عنده .. :اوكي باي

صكرت من عنده .. وانا اطالع الموبايل بسرحان .. يالله مو وقتي .. حطيت يدي على رقبتي وانا ارجع لامل الي القلق انرسم فملامحها : ها راجع؟؟

ابتسمت: لا بيتأخر .. شتشربين ..

سكتت بحيرة .. وقالت / اي شي بارد ..

طالعتها وانا حاسه انها يايه بموضوع كبير .. بتوهقني وياها ,, : تحجى امل .. اتصلت للخدامه وقلت لها تيب 2 عصير مانجا

قالت امل : .. بس مااطيح من عينج؟؟ ..

رفعت حاجب .. فيها طيحة من العين ؟؟!! .. : لا تكلمي ..

قالت بهدوء مخيف : عندي رفيجه .. وياي بالكلاس .. اسمها نجلا .. مرة كنت اكلمها ع المسن ..

رفعت حواجبي .. شهالمقدمات ؟؟ ...طريقه كلامها عن رفيجتها ذكرتني "مشاعل" هي الي دلتني ع الطريج الشين .. ياااه .. كملت امل وهي تنزل راسها : عطتني موقع .. وقالت لي ادخل .. كنت مترددة .. خايفه ..
دشيت (رفعت راسها وطالعتني .. وانطقت بكلمة خلتني برهه افكر ) الجات .. نزلت راسها .. وكملت .. دشيت .. اول ثلاث ايام .. كنت ادخل بس مااتكلم .. بس اقرا الكلام .. مرة ياتني رساله خاصه .. كانت من واحد .. اسمه " بــرق قطـر " >>هذا مجرد اسم من خيالي لا له صله من الواقع .. واذا صادف وجود هالاسم فـ انا اعتذر من صاحب النك لاني استخدمته وهالشخص مب مقصود وحتى اسم امل !!

^^^^^^^^^^

"امل "

كنت اتذكر ادق التفاصيل .. وكنها صايرة قبل دقيقه .. صكرت عيني وانا استعيد الي صار بيني وبينه ..

برق قطر :
السلام عليكم ..

Without name
وعليكم السلام؟

برق قطر
شخبارج؟؟

Without name
بخير؟؟

برق قطر
انا بخير تسلمين على السؤال

فترة صمت ..

برق قطر
ممكن دقايق من وقتج شوي؟

Without name
تفضل/تفضلي؟

برق قطر
تفضل .. من فترة اجوفج تدشين بس ماتتكلمين ..

Without name
صح .. بس ادش اقرا الكلام .. تقضيه وقت !!

برق قطر
اها .. اوكي ممكن طلب؟؟

Without name
تفضل؟

برق قطر
انتي ليش جذي تتحجين من طرف خشمج اطر من عندج انا؟

Without name
اتكلمني؟

برق قطر
لا اكلم الي وراج .. من غيرج الي اكلمه؟

Without name
انا ماكلمت حد بدون نفس؟؟

برق قطر
انتي يديدة هني صح؟

Without name
ايه

برق قطر
اها ..

Without name
اوكي انا بطلع ..

برق قطر
اجوفج باجر؟؟

Without name
مااعرف .. يمكن ..

برق قطر
اوكي لاني ابي اقولج شي مهم ..

Without name
شنو؟

برق قطر
بقولج باجر ..

Without name
اوكي .. باي

برق قطر
الله يحفظج يالغاليه .. لاتطولين الغيبه

صكرت من عنده .. وقلبي يدق بالقوة .. اشلون انا كلمت واحد .. اشلون ..اليوم الثاني جفت نفسي منجبره ادش ليش مااعرف .. وبكل ينون .. كنت ادور نك نيمه .. بس ماكان اون لاين ..تميت اقزر وقتي .. اقرا السوالف .. مااقص عليج .. ماكان يشدني الحجي وايد .. لان اتصير هوشات ..وايد .. شوي .. ويدخل .. برق قطر .. حسيت اني ابي اكلمه .. بس تميت ساكته .. طرش لي رساله يسألني عن اخباري .. وفنفس الوقت ياتني رساله من شخص ثاني .. بس مارديت ع الشخص الثاني .. بعدها قالي برق قطر : انتي من قطر صح؟؟

قلت له : ايه

برق قطر
ايه اجوفج فالقسم الخاص بقطر .. اليوم محد فالقسم ..

ماكنت اعرف شـ ارد بس قلت اختصر : ايه ..
مر الوقت بسوالف عاديه بسيطة مؤدبه .. مرت ايام .. وانا كل يوم ادخل اكلمه .. تعلقت فيه .. كان يقهرني شي فيه .. كنت يوم اكلم حد موجود بالقسم يتضايق ويقعد يهاوشني بالرسايل الخاصه .. اول الايام كنت احس ان هالشي تدخل شخصي فيني .. بس بعدها حبيت هالطبع فيه .. كان يعصب يعصب اذا شافني كلمت حد حتى لو كانت بنت ... حسيته يحبني .. ويغار علي .. زاد تعلقي فييه واايد .. طلب مني مرتين الايميل ..بس كنت اردة فكل مرة .. كان يعصب علي واحسه بيقلب الجات فوق راسي .. بس يهدا .. كنت من اتأخر ثانيه بالرد عليه يشك فيني .. انتي من تكلمين ؟؟ .. اتعبني اسلوبه .. كان يحسسني اني وحدة رخيصه ممكن تكلم اي احد .. كرهته .. يومين مادخلت بسبه اسلوبه وشكه فيني .. بس يوم دخلت اليوم الثالث انهل علي بالاسئله وكنه خايف علي .. فرحت اشكثر .. قال لي انه مايبي يجوفني فالجات مرة ثانيه .. انصدمت .. كانت صدمتي كبيرة .. لكنه عطاني ايميله .. وبدون شعور مني ضفته عندي ع المسن .. عاتبني وحلفني ماادخل الجات مرة ثانيه .. وانا بكل طاعه طاوعته ... رفعت عيني للولوة وانا امسح دموعي الي كانت انهار تروي خدي : احبه يالولوة احبه .. شسوي .. احبه .. يبغي رقمي بس مب قادره اعطيه .. انصحيني يالولوة .. انصحيني .. احبه احبه احبه .. مب قادرة اتخلى عنه .. حاولت .. حاولت وااايد .. قطعت النت اسابيع كثيييرة بس كنت ارد واضعف وافتح ايميلي الي سويته بس عشان اكلمه .. ايميل محد يعرفه الا هو .. شسوي يالولوة .. محتارة انا .. محتارة ...رديت اغطي ويهي واصيح بضعف

^^^^^^^^^^^^^^

"سلوى "

قاعدة فالمكتبه انتظر ابوي الي راح يجوفني وهو مطول ويمعن النظر .. توترت .. شسالفه .. ليش جذي يجوفني .. خرعني .. اكيد الموضوع خطيير .. رفعت راسي وقلت لابوي بطيبه: هلا يبه امرني؟؟

ابتسم ابوي ابتسامه صادقه .. حنونة .. نادراً ,. مااجوفها .. ماادري ليش خفت .. مب من عادة ابوي يبتسم جذي .. قمت العب بطرف قميصي .. وانا خايفه .. والف فكرة وفكرة فبالي .. لين ماتكلم وهو يسند ظهره على الكرسي الجلد الضخم الفاخر ..: سلوى ..انا ببتدي بالموضوع بدون مقدمات .. انتي ياما كنت تحلمين تدرسين برع ... صح ..!!

لمعت عيني بفرحه .. يعني ابوي اخيرا اقتنع .. بيسفرني .. قلت بفرحه فاضحه: بتخليني اكمل دراستي فكندا صح .. صح ..

نقزت من مكاني مستانسه وضميته بقوه وبسته على راسه .. : مشكوووووووووووور ياحبيبي ياابوي .. ركضت طايرة بروح غرفتي بس ناداني .. التفت له وانا ميتة فرح : لبيـــــه

ابتسم ابوي: سلوى يبه الي اعرفه انج عاقله اشفيج جذي؟؟ حتى ماخليتيني اكمل كلامي ..

ابتسمت بفرح : ليش يبا في مفاجأة اكثر من هالمفاجأة .. وابتسمت بصدق

ابتسم ابوي وهو يومأ براسه : ايه يبه .. تعالي تعالي قعدي ..

مشيت وانا احس اني اطير وقعدت مرة ثانيه .. وانا افكر بالمفاجأة الثانيه .. اكيد انه بيخلي سروي تروح تدرس وياي .. ندرس ويا بعض .. الله حلم .. ولا احلى .. لا مب حلم حقيقه واقعيه .. ابتسمت بكل حماس : وهذاني قعدت

نزل ابوي انظارة وهو يقول ,,: ماخليتني اكمل .. انا بخليج تسافرين تدرسين برع بس على شرط ...!!

عقدت حواجبي .. وانا اقول بحيرة :موافقه ... (يوم طالعني ابوي .. سكت افكر ) شرط؟؟ .. شرط شنو !!

ابتسم ابوي .. : في واحد متقدم لج .. هو رايح يكمل الماجستير .. ويبغيج حليله ؟؟ وبجذي .. تتزوجينه .. وتكملين دراستج برع ...

طالعته مب فاهمه ...رددت وراه مثل البغبغاء : اتزوجه؟ ...

طالعني بشكل جاد : ايه تتزوجينه .. انا موافق عليه .. هو خطباج من اسبوع .. بس انا اسبوعي كان مزدحم .. ونسيت الموضوع .. اليوم تذكرته .. ها يا سلوى .. تبغين فيصل ولا لاء ؟؟؟ ..

دق قلبي بسرعه كبيرة .. وحسيت بدمي كله يتيمع بويهي .. اتزوج ؟ .. بس انا صغيرة .. ومب مستعده مسؤليه زواج وعفسه !! : يبه انا صغيرة !!

طالعني ابوي بعصبيه ساكنه : سلووووى ... انا مابي اغصبج .. لكن انج تقولين صغيره ولا كبيرة .. هالكلام مايمشي عندي .. واذا تبين دراسه فالخارج .. عطيتج انا الحل .. اما اطرشج تدرسين بروحج .. فــ لا ... لا .. لا ... ولا تفكرين اني راح اسمح بهالشي ؟؟. بنتي تسافر بروحها عشان تدرس .. خوش خوش ..

سكت شوي .. وانا منصدمه .. وكمل بعدها بلين اول مرة احس فيه: يايبه .,, فكري زين .. حبيبتي .. انتي الحين مب صغيره ماشاءالله بتدشين العشرين بعد سنه ولا سنتين .. شالفرق اذا تزوجتي الحين ولا بعد سنتين .. ؟ وبعدين هذي فرصه وياتج من السما .. اذا تبين تكملين دراستج بالخارج .. ها يبه .. شقلتي ..؟؟ ...

سكت .. محتارة .. ومنصدمة .. ابوي شكله طابخ الطبخه وناجبها .. ماينتظر رايي .. شكله مصر على هالزواج ..!! .. يبيلي افكر .. مب عارفه شسوي؟؟ .. شـ اختار ؟؟ ...

ظليت ساكته صامته الافكار توديني يمين ويسار .. مب عارفه .. شنو الي اقرره .. ابوي سكت شوي وقال : فيصل رفيج اخوج .. ريال والنعم فيه ؟.. دارس فـ لندن .. ورايح يكمل دراسته .. هو بن الـ ؛؛؛؛؛؛؛ .. ولد وزير ..(من سمعت انه ولد وزير ين ينوني .. والعفاريت الي فالدنيا كلها قامت تتناقز جدامي بعد؟ بعد اتزوج واحد له خص بالمراكز بعد؟ راح اعيش حياة خاليه من المشاعر خاليه من كل شي لا حرام حرام .. مابي مابي .. كنت اترجى ابوي بعيني عشان يرفض لكنه كمل ) وراهي .. بيعيشج احسن عيشه .. نفس عيشتج فبيت ابوج .. واحسن .. ماراح يقصر عليج بشي .. وغير هاي هو رفيج اخوج .. واحنا عارفينه عدل .. كان ايجي بيتنا قبل اذا تذكرينه ...!!

عصرت ذاكرتي الصغيره .. اتذكر شكله ولا لمحه منه .. كان طيب ولا لا؟؟ ... بس ذاكرتي كأنها عجزت عن ذكر شخص بهالاسم .. آها ولد وزير عشان جذي رضى فيه ؟؟!

هزيت راسي بيأس : مااتذكره ..

قال ابوي وهو يقوم من على كرسيه متوجه للباب : فكري عدل

طلع وخلاني حايرة .. في دوامه التفكير .. مب عارفه افرح؟ احزن؟ استانس؟؟ اكتئب؟؟ اشلون جافني؟؟ خطبني خطوبه تقليديه؟؟ ولا ؟؟ .. يعرف شكلي ولا ؟؟؟ .. مااتذكر حد بااسم فيصل مااذكر؟!!

^^^^^^^^^^^^^^^
"علي"

كنت ويا لولوة فالمطعم .. خلصنا العشا .. وراحت هي الحمام .. طلبت ايسكريم لنا .. يعني نحلي .. جفتها طلعت من الحمام وهي تبتسم وتعدل شنطتها بس تضايقت واااايد واااااايد يوم جفتها رادة وحاطه الروج .. كم مرة قلت لها ..ماتسمع الحجي .. تقول كل الناس جذي تسوي .. كم مرة اقنعها .. انا مابي اجبرها انا ابيها تسوي جي من نفسها حتى تهده بااقتناع ..

قعدت وهي تحط الشنطة بدلع ع الطاوله .. ابتسمت لها بضيج ..

وهي ابتسمت : حياتي .. بنمشي؟؟

قلت بضيج: لا .. بس ابتسمت حتى مااضيج خلقها

قلت وانا اطالعها تطالع المنظرة الصغيرة .. وتردها بالشنطة .. تضايقت من حركتها : لولوة انا مب قلت لج لا تحطين روج يوم تطلعين وياي وبدوني؟

تأففت وبرطمت وهي تقول بدلع : حبيبي .. خلاص خلاص .. اخر مرة .. وابتسمت بدلع .. بس لاتزعل ..

قلت : كل مرة تقولين نفس الحجي .. تنهدت بقهر ..

قالت بدلع: نو نو هالمله اخل مله (هالمرة اخر مرة ) واشرت لي بااصبعها مثل اليهال

ابتسمت بحنان .. مسكت يدها .. ونسيت ان احنا بمطعم .. : مشتاق اجوف ولدنا او بنتنا .. اشرايج نسافر الخارج .. ن ت ع ا ل ج >كنت مركز في ويهها وانا انطق اخر كلمه؟

09-27-2010, 08:29 AM

انا : قمرهم كلهم

اضفني كصديق

كشرت واعقدت حواجبها .. طالعت شنطتها ولعبت فالسلسله الي معلق فيها شعار Lv .. وقالت لي : اذا الله راد ..

خفت اني جرحت شعورها :ماتبين تاكلين؟؟

هزت راسها ومسكت القبشه (القفشه).. وابتدت تحوس فالايسكريم .. ابتسمت وانا اتخيل عيالنا .. آآآه متى ايي ذاك اليوم .. متى؟؟

^^^^^^^^^^^
"سارة "

اليوم هو اخر يوم لنا هني .. وباجر بنرد البيت .. ياني مشتاقه لامي .. ياني مشتاقه لمرام ويسفوه حبيب قلبي .. ياني مشتاقه لسلوووي .. رفيجاتي .. واشتقت حق مجود اخوي .. لاء مجود اخوي لاء .. بعد ماخيب ظني انا خلاص ماقمت اشتاق له .. اي ماقمت اشتاق له

يمعت اغراضي من الصبح بس بقت شنطة منصور الي الحين كنت ارتبها .. بس تبون الصج احم احم شنطته ارتب من شنطتي بوااااااااااااااااااااااااااايد ..يعني لو تجوفون شنطتي تعرفون اني وحدة ام العفساااات .. اما شنطته كانت مرتببببببه .. ماغير كم ثوب الي حطيتهم انا فالشنطة وطبقتهم مب تقولون مب مرتبه .. لالا طبقتهم بس عاد لا تجوفون ترتيبي لانه ترتيب عزوبي خخخ .. صج صج انا عمري ماعرفت ارتب شي مثل الاوادم دايم امي فديتها كانت ترتب لي .. جفت الساعه .. الحين 8 بالليل .. اوففف ملل .. طلعت .. لقيت منصور منسدح ع الارض وماد ريوله على كبت التلفزيون .. وبيدة يد السوني .. رحت عنده وحطيت المخدة ورا ظهري ومديت يدي للسوني الي يلعب فيه .. احب العوزة واعصبه مااعرف ليش .. جفته عصب وصرخ علي : سارووووووة يبيه

لاوالله قام ايصرخ وايسب بعد وايكسر الاسامي طلع له لسان بعد .. قربت لعنده وانا امسك اذنه|::اشقلت يالدب؟؟ من ساروه هاذي ها؟؟

ضحك وهو يبعد يدي بسهوله بالنسبه ليدة الكبيرة : للحين دوري ماخلصت ..

فتحت اكمل اللعبه وانا طنشته ... ماحسيت الا بصرخته الي خلتني انقز فمكاني ... ير من يدي يد السوني ورد ينسدح ويلعب .. يريت يد السوني منه .. بس يراه هو هالمرة بالقوة وصرخ علي : اقعددددددي

صوته كان عاااااااااااااااالي : لا تصرخ !

طالعني بعيون مغتاظه ورد يلعب .. اما انا فاابتسمت بيني وبين نفسي .. احب اخليه يعصب رن التيلفون .. مشيت متكاسله له رديت : الو ...

الطرف الثاني :.............................

عقدت حياتي وقلت : الو؟؟؟

بس ماردو؟؟ .. بس اسمع صوت انفاس قويه .. :من معاي؟؟

بعد مافيه رد :................

بعدت السماعه عن اذني وطالعتها مستغربه ..وبعدها رديتها لمكانها .. تحركت خطوتين .. بس رجع التلفون يرن .. رديت : الو ؟؟؟ ...

نفسها الانفاس العاليه بس الي اسمعها ... استغربت وقلت / بتتحجون ولا لاء؟؟؟

بس ماردو .. صكرت

فكرت اقول لمنصور عن الفكرة الي طرت ببالي ..

رحت لمنصور وقلت له : منصور شوي تعال ابي اقولك شي

منصور كان منسدح ومب مهتم: قولي قولي اسمع

رحت وقفت عند راسه : لا صكر اللعبه بقولك شي مهم ..

طالعني بعيونه العسليه : انزين ترا اسمعج ..

بعدت عيوني عن عيونه .. لانها تجذبني بشكل كبيير .. عيونه حلوة واايد .. ولونها احلى واحلى .. يوم اجوفهم اضيع فدوامه لونهم العجيييب :لا يالله صكر اللعبه

طالعني بنعاس ومد يده لي ظليت دقايق مثل البلهه اجوف يده وبعدها مديت يدي ليده اشد عليها عشان يقوم .. بس من غبائي مااكتشفت انه هو الي يرني طحت عليه ضرب خشمي جتفه مسكت خشمي بألم وقلت بالم وقهر: احين ابي اقومك تقوم تطيحني

ضحك منصور وهو اصلا شكله انصدم اني طحت:"انا شدراني انتي جي خفيفه .. كمل ببراءة .. ويييي انتي بيبي

قلت : اوكي يالله قوم .. قمت وانا ارتب ثيابي .. مد يده من يديد .. وانا تجتفت : قوم بروحك البيبي ماتقوم حد .. كنت بمشي بس يده الي منعتني

منصور بخبث: اذا ماقومتيني بطيحج

فتحت عيني بوسعها: يالملعون

ضحك بالقوة .. ابتسمت وانا امسك يده وايرها بكل قوتي : يالله قوووووووم اوف ثقيل ماشاءالله

بعد مااستوى فوقفته مد يدة على جتوفي وقربني له .. ارتبكت .. وقلبي طاح بطني .. حسيت ان بطني يعورني واااايد .. بس سكت ماتحجيت .. قعدنا ع الكرسي

وهو حط يده على خده المليان شوي ويدة الثانيه يسندها على فخذه: شنو تبين بس خليتيني اصكر اللعبه

شكله كان بررررررررررررررررررررررررررررئ : امممم منصور ..

طالعني : هممممم

فهيت وانا اطالع عيونه .. هالانسان جميل جميييل .. لا يقاوم بصراحه .. نزلت عيوني وانا احتقر افكاري من متى يهمني لشكل ... :منصور شسم الدكتور الي تروح له ؟؟

بعد فترة هدوء رفعت راسي له جفته يطالعني ببلاهه : اي دكتور؟؟

سكت .. اشلون افهمه الحين .. مسكت يده وانا احثه ع الحجي ..: حبيبي منصور يوم كنت انت اصغيرون اشوي كنت اتروح حق دكتور ماتتذكر شسم الدكتور ... طالعته برجاء يمكن يفهمني .. كان يعالجك شوي

بس للاسف ويهه كان اكبر جواب : مااتذكر !! انا كنت مريض!!!

هديت يده بيأس .. وانا افكر يوم نرجع .. افتش فـ اوراقه او اوراق عمي او اسأل سلوي !! ..طالعته وقلت : ايه شوي

هالمرة هو الي مسك يدي انحرجت لاني اكتشفت اني مسكت يده وانا مب داريه عن نفسي: كنت مريض !! ليش؟؟ شنو كان فيني؟؟

طالعته بعطف وانا اجوف حالته .. في اخس عن جذي يامنصور؟ ..: ولاشي بس كنت تعبان !!

طالعني ببراءة: من شنو؟؟

حاولت اشل يدي من يده بس هو ضغط عليها وهو يصر: من شنو ساره

تلخبطت ماعرفت شقول له .. انت مريض نفساني .. ماراح يفهمني .. وحتى لو فهم راح ينحبط .. بس يمكن هالشي يساعده على انه يتذكر؟؟ .. مب عارفه شسوي اخاف اقول له واندم عقب .. خله لبعدين تأتأت وانا ادور على جذبه فمخي: ا ا ا ا ا .. ا كنت احم .. كنت طايح من من دري البيت وتعورت .. لمعت عيني من الي قلته .. ايه طحت من دري بيتكم وتعورت .. وودوك المستشفى ..

طالعني بتفهم وهو يهز راسه : تعورت وايد؟

بلعت ريجي من جذبتي: ها ؟.,, ايه ايه اقصد لا لا ماتعورت وايد شوي بس

طالعني بتفهم : عيل ليش تبين اتعرفين الدكتور

صدمني سؤاله صج ان اليهال يسألون اسأله كثيرة ومن ضمنها اسأله ذكيه ظليت اطالعه هالمرة مفهيه من سؤاله :.......................

حرك منصور يدة جدام ويهي وانا للحين منصدمة .. حط يده على خدي وهو يهزه: ساروة شفيج ..

بلعت ريجي وانا اصحى على نفسي .. رديت لورا شوي .. وكان قد هد يدي .. حضنت يدي فحظني وقلت: ها لا مافيني شي .. كنت ابي اعرف دكتورك عشان .. عشان ... عشان شسمه .. اااااا ... اي ابي اسأله عن ريلك الي تعورت .؟.. وعشان الهيه عن الاسأله .. اشرت على ريله .. اجوف صارت احسن ولا لاء؟؟؟

ابتسم وهو يراويني ريله بحماس: جوفي صار يابس الدم الحين مايعور ..

هزيت راسي بغباء وانا اجوف ريله .. ما وعيت الا وهو يلمني: مشكووووووووووووورة

ابتسمت بااحراج: العفو حياك الله

قال بزعل: يعني خليتيني اصكر اللعبه عشان هالسؤال جان قلتي لي وانا العب .. جفته عصب وهو ينفخ

ضحكت .. مااعرف ليش الالعاب الالكترونيه تخلي الانسان يصير عصبي وعدواني وهو يلعبها **
ابتسمت: يعني الحين زعلان؟؟ ..

قال بعصبيه : ايه انزين ..

دزيت جتفه: يالله زين احسن كل شوي ناقز لنا تبي تلعب ياخي مللتنا

طالعني بدهشه وقال بعصبيه: عيل شاسوي؟

قلت بمكر: خم الحوش

وبسرعه قمت بااشرد بس انتبه على حركتي ويراني من يديني طحت ع الكنبه وهو ثبتني بيدينه .. تخرعت عيونه كانت جدام عيوني وماسك يديني بالقوة شوي ويعصرهم لايكون عباله يدي ليمون يبي يعصرهم؟؟ ..قلت بالم: اييي ترا عورتني

قال بمكر طفولي: اخم الحوش ها؟؟

فتحت عيني جني مب عارفه الي قلته: لالللا من قال؟ من هذا دلني عليه بس .. عديم الذوق هاي الي يخلي الشيخ منصور يخم الحوش له له له مايصير مايصير

قال ببراءة وهو يأشر علي : انتي الي قلتي

فتحت عيني باانفجاع: انا متــــــــــــــى؟؟؟

قال ببراءة: توة توة قلتي

قلت بمكر: متى انا ماقلت انت تتخيل

عصب :انتي الي قلتي انا ماتخيلت

صراحه خوفني ويهه وهو بهالقرب وملامحه الخشنه الوسيمة قريبه مني جذي حاولت افجج يدي من يدينه القويه : يالله عاد خلني اروح

عصرني زيادة بيدينه قلت بالم: اييي شعبالك انا ليمون تبي تعصرني اااااااي والله يعور !!

طالعني بمكر: تبين اخليج؟؟

قلت وامري لله: ايه؟

ابتسم باانتصار: تلعبين وياي قيم يديد

لاعت جبدي من اللعب بس شسوي مغلوب على امري: انزين .. خلاص هد يدي بلعب وياك ...

ابتعد عني وهو يطالعني كأنه يتأكد اذا اجذب عليه او بلعب وياه .. وقتها بس حسيت بموقفنا .. توني احس بالموقف .. دق قلبي بقوة .. كنت مرتبكة ..وااااايد .. ومن راح يفتح السوني ركضت بالقوه للغرفه .. صكرت الباب وراي وانا اسمع دقات منصور على الباب .. يدي كانت على قلبي .. وانا احاول اهدي تنفسي ..

**حقــــــــــــــــــــــــــــــــــــــائق
((إنه غزو من نوع جديد، ليس غزوًا عسكريًا ولكنه غزو فكري وعقدي، غزو كمبيوتري سيطر على عقول أبنائنا وشبابنا وفتياتنا من خلال ما يسمى بألعاب الكمبيوتر التي حملت إلى فلذات أكبادنا عادات وثقافات بل وعقائد مخالفة للإسلام.
ولكن في الوقت الذي ارتفعت أصوات الباحثين والتربويين والمختصين محذرة من الآثار الكارثية لهذه الألعاب الإلكترونية على أبنائنا، ازدادت معدلات تدفقها إلى أسواقنا بدرجة لايجدي معها الصراخ، حتى أصبح المشتري نفسيه في حيرة، فأي شيء يختار من وسط هذا الكم المعروض؟.
أسباب الإدمان:
قبل أن نعرض لآثار هذه الألعاب على ناشئتنا لابد من التعرف على أسباب تعلقهم بها وإدمانهم عليها وجعلهم مشدودين لها، مشدوهين أمامها:
وأول هذه الأسباب هو عامل الإثارة؛ فهذه الألعاب تبلغ القمة والغاية في الرسوم والألوان وسعة الخيال، وقمة المغامرة.
ثانيًا: وجود عنصر المنافسة: وهذا يكاد يكون في جميع اللعبات؛ إذ هو روحها وعامل الجذب فيها كسباقات السيارات والدراجات النارية، أو كبطل يحاول التخلص من مجموعة أشرار، أو عابث يحاول التخلص من أيدي رجال الشرطة، أو تائه في الأدغال يحارب الحيوانات المتوحشة؛ فاللاعب يعيش دور المسابقة والمنافسة؛ إما بينه وبين بشر آخرين، أو بينه وبين وحوش تحاول القضاء عليه، ولذلك فهو يعيش الحدث بكل حواسه.
ثالثًا: الواقعية: ليس في القصة أو اللعبة ولكن في الإيحاء بالواقعية، وذلك من خلال تصوير الأماكن وتراتبية الأحداث، فتارة تعيش في الأدغال، أو في تخوم الجبال، أو في الفضاء، أو حتى في الأوحال؛ فتأخذ اللعبة اللاعب من واقعه إلى واقعها، وتنتقل به قلبيًا وذهنيًا حتى لا يشعر بمن معه أو حوله.
رابعًا: شخصية البطل: فهي تصور البطل محور القصة بحيث يتعلق به اللاعب ويتمثله في أثناء اللعبة، بل وبعدها، وذلك بإلباسه صفة البطولة والقوة أو الفكاهة والمتعة، فيتفاعل معه اللاعب ولا يريد تركه.
خامسًا: عدم وجود البديل الصالح: فمازالت دولنا متخلفة في هذه الصناعة، فلا يجد الناشئ بديلاً يسد مسد هذه الألعاب. والوقت عنده فارغ يحتاج أن يملأه بشيء، ولاشك أن من يخير بين إنتاجنا وإنتاج الغرب سيختار الثانية حتمًا.
الآثـار:
من الإنصاف أن نقول إن هذه الألعاب – أو بعضها على الأقل – تفيد الطفل أو الناشئ في بعض الجوانب كالذكاء، والجرأة، وسرعة البديهة، والتفكير، مع سعة الأفق في بعض الألعاب.
بيد أن هذه الألعاب حين تتخطى مرحلة اللهو لتصل إلى مرحلة الإدمان، يكون لها آثار خطيرة يمكن وصفها بأنها كارثية، وهذا ما أثبتته الدراسات العملية البحتة، والتي نشرت في أنحاء العالم، وهو ما حمل أطباء وعلماء تربية ومسؤولين، بل وسياسيين إلى رفع صيحات التحذير والانتباه، وقدم أحد أعضاء مجلس الشيوخ الأمريكي اقتراحًا بمنع تداول أفلام الفيديو والألعاب الإلكترونية السيئة والمخلة، نظرًا لتأثيرها السلبي في تكوين شخصية المشاهد حالاً ومستقبلاً. بل وفي أمريكا قانون يسمى "غرامة سليفر" يعاقب من يسمح للأحداث والقاصرين بمشاهدة أو ممارسة الألعاب السيئة.
لقد حملت هذه الألعاب إلينا الأمراض التي عانى منها أبناء صانعيها في الغرب، وزادت على ذلك أمراضًا تختص بديننا وعقيدتنا وعاداتنا وتقاليدنا وأخلاقنا، فصانعوا هذه الألعاب يحملون ثقافات وعقائد واهتمامات وأفكارًا مخالفة للإسلام وعقيدة أهله، ولذلك كانت آثارها علينا أسوأ، وعاقبتها علينا أوخم، ونتائجها على أبنائنا أعظم.. ومن هذه الآثار:
أولاً: الأثر العقدي:
1- ترسيخ مبادئ الشرك والكفر: باعتقاد وجود قوي مع الله، وإظهار قوى خارقة لا يقدر عليها، أو بطل لا يمكن قتله ولا يموت، أو توقف نجاة العالم على شخصية بطل اللعبة الذي يأتي بأمور ليست في مقدورات البشر.
2- محبة الكفار والتشبه بهم: عن طريق محبة شخصيات أبطال هذه الألعاب ومحاكاة حركاتهم وملابسهم، وقد رأينا من يلبس السلاسل وقلائد العنق، ومن يمشي باللباس القصير في الشوارع وهذا من أثر هذه الألعاب.
3- التعلق برموز الكفر: ففي كثير من هذه الألعاب يظهر تقديس الأحبار والرهبان وعباد بوذا، وكثير من أبطال هذه الألعاب يلبس الصليب، وفي كرة القدم يثلثون عند دخول الملعب وإحراز الأهداف، وفي بعض الألعاب يلزمك الحصول على الصليب ليزيد من فرص حياتك أو إعطاء عمر جديد أوطاقة جديدة. وهذا يجعل اللاعب ينتظر الصليب ويهفو قلبه إليه في بعض مراحل اللعبة.. ولا يخفى أثر ذلك على عقيدة أبنائنا.
وهناك آثار أخرى كالتعدي على الغيب، والاعتقاد في الأبراج والنجوم؛ كما في لعبة (ذا باونسر). حيث توجد فتاة تجلب الحظ والمال لكل من تقابله.
الأثر الديني:
1- تضييع الأوقات والصلوات: فهذه الألعاب تجتذب اللاعبين وتغريهم بالجلوس أمامها ساعات طوال، وكلما انتهى من مستوى أو مرحلة ينتقل إلى مرحلة أخرى ومستوى جديد وأشد إثارة وجاذبية؛ بحيث يصعب على اللاعب أن يتركها ليقوم ولو إلى الصلاة، فيؤخر الصلاة عن موعدها ثم بعد ذلك شيئًا فشيئًا يتركها.
2- عقوق الوالدين وقطيعة الرحم: فمدمن هذه الألعاب لا يحب تركها، ويتمنى أن لو بقي ساعات النهار كلها أمام الجهاز، ولا يتململ من ذلك، بل يضيق بمجالسة الناس حتى يهجرهم إلى الألعاب مما يحمله على عدم طاعة والديه وعدم الاستجابة لأوامرهما، بغية ألاينقطع عن هذه الألعاب.
3- الدعوة إلى الرذيلة: من خلال مناظر العري التي لا تكاد تخلو منها لعبة من اللعبات، والمراقب يكاد يجزم أن هذا أمر مقصود حيث تحشر صور العاريات حشرًّا حتى في سباقات السيارات ومباريات المصارعة يحملن اللافتات شبه عاريات. وهناك بعض الألعاب أبطالها نساء وهن غالبًا أيضًا عاريات، وفي إحدى اللعبات كلما اجتاز اللاعب مرحلة تظهر له امرأة تخلع جزءًا من ملابسها حتى إذا بلغ المرحلة الأخيرة تكون قد تجردت من ثيابها تمامًا. هذا عدا ما يظهر في هذه الألعاب من مشاهد منكرة كالقبلات، أو مباريات المصارعة بين الجنسين، والإيحاءات الفاضحة التي تثير غرائز الشباب وتدعوهم إلى الفاحشة.
4- عشق الموسيقى: إذ قلما يخلو منها برنامج من هذه البرامج، بل هناك ألعاب وضعت خصيصًا لتعليم الشباب الموسيقى، كما في لعبة (فب ريبون)، أو لعبات كالسامبا، وروك إن ميجا، ولا يخفى تحريم سماع الموسيقى في شريعة الإسلام.
5- التعلق بالجنس الآخر: فكثير من الألعاب تدور حول فتاة تتمتع بجمال فائق وإغراء شديد، ومنها ما يكون دور اللاعب إنقاذ فتاة، اختطفها شرير أو عصابة أشرار، وهذا يوجه أنظار المراهقين والشباب ـ بل والكبارـ إلى الاهتمام بالجنس الآخر وإيقاد نار الغرائز والشهوات لديهم.
الآثار الطبية والنفسية:
لا شك أن الجلوس أمام شاشات الألعاب لفترات طويلة يؤدي إلى أضرار صحية بالغة:
أولها: الإصابة بانحناء الظهر نتيجة الجلوس على هيئة واحدة لساعات عديدة يوميًا.
ثانيًا: ضعف البصر نتيجة للتعرض للإشعاعات الضارة.
ثالثًا: التأثيرات الضارة على الدماغ: فقد حذر الدكتور فنسنت ماتيوس - أستاذ التصوير بالأشعة في جامعة إنديانا - من مخاطر هذه الألعاب على الدماغ، ودعا الدكتور البريطاني جافين كليري إلى كتابة تحذيرات على هذه المنتجات بعد أن وقف هو ومجموعة أطباء ومختصين على إصابات وحالات مرضية عديدة.
رابعًا: الإصابة باضطراب وتوتر الأعصاب:وهذا بسبب الإثارة المستمرة والشد العصبي الذي يعيشه اللاعب، وكذلك لاشتمال كثير من الألعاب على مناظر مخيفة، كمشاهد المقابر ودخول مشرحة الأموات ورؤية الجثث، كما في بعض الألعاب. وقد نشرت الدكتورة البريطانية ديانا ماك المتخصصة في طب الأطفال مقالاً في مجلة "سكوتش ميدكال جورنال" دعت فيه أولياء الأمور إلى الانتباه إلى خطورة الألعاب الإلكترونية على صحة أبنائهم النفسية والبدنية والأخلاقية والاجتماعية، وقالت: إنها لاحظت من خلال معالجتها للأطفال أن الذين يقضون الساعات الطوال في مشاهدة هذه الألعاب يعانون من مرض التوتر المتكرر وأوجاع في الرأس والأطراف بصورة واضحة.
الأثر الاجتماعي:
(1) تنامي روح العزلة لدى الأطفال: فهذه الألعاب تتيح للاعب أن يلعب بمفرده، فيجلس مددا طويلة دون أن يحتاج إلى صديق مما ينمي عنده روح الانعزالية والانطاوئية وعدم التعاون ورفض الآخر.
(2) ازدياد ظاهرة العنف: لأن معظم هذه الألعاب مبني على الضرب والفتك والقسوة، ويعيش اللاعب والمشاهد هذه المواقف مما يحمله على تقليد تلك السلوكيات.. وقد اشتكى كثير من الآباء السلوكيات العدوانية لأبنائهم واعتدائهم على إخوانهم بالضرب المبرح أحيانًا نتيجة لتقمصهم شخصيات هذه الألعاب. كما وأن تقليد السائقين في بعض سباقات السيارات يؤدي في بعض الأحيان إلى وقوع حوادث قد تكون كارثية.
(3) التخلف الدراسي: لانشغال الأولاد في الألعاب وقتل الوقت فيها، وعدم وجود مساحة زمنية للمذاكرة والدراسة، هذا مع الإرهاق الشديد الناتج عن هذه الألعاب مما يستنفذ طاقة الناشئة وربما يدمر مستقبلهم العملي والدراسي.
وسائل العلاج
ومع الاعتراف بحجم المشكلة وبعد معرفة آثارها مع الاعتراف بأهميتها في ذات الوقت كان لابد من البحث عن حلول مناسبة ووسائل للعلاج.. ونحن نرى أن من بين هذه الوسائل:

أولا: إيجاد البدائل: وهذه مسألة هامة، وذلك بدعم هذه الصناعة بحيث تصبح منافسًا إسلاميًا، والارتفاع بمستوى إنتاجنا ليكون جذابًا ومرغوبًا لدى فئات شبابنا وناشئتنا، ودعوة رؤوس الأموال في الاستثمار في هذا الجانب لدرء مفاسد المنتج الغربي أو غير الإسلامي عمومًا.
ثانيا: تصحيح مفاهيم الناشئة: بإعادة صياغة الأولويات، وأن الإنسان خلق لأمر أكبر من اللعب، وهو عبادة الله التي ينبغي أن تصرف فيها الأوقات، وقيادة العالم التي لا تتأتي إلا بالجد والاجتهاد، والعلم والحرص على الأوقات، وأن اللهو إنما هو إجمام للنفس وراحة للقلب، فلا يأخذ حيزًا زمنيًا كبيرًا ولا وقتًا من العمر طويلاً، فالعمر أغلى من أن يضيع في مثل هذه الألعاب.
ثالثا: شغل الناشئة بما يفيد: فالفراغ هو الذي يحملهم للبحث عن شيء يصرفون فيه وقتهم، ولو كان الشاب أو الفتاة مشغولاً في شيء نافع لما صرف همته، ولما تعلق قلبه بهذه اللعب؛ كما قال الأول:
أتاني هواها قبل أن أعرف الهوى .. ... .. فصادف قلبًا خاليًا فتمكنا
ونفسك إن لم تشغلها بالحق شغلتك بالباطل.
رابعا: المراقبة والتوجيه: فالواقع يدل على ضعف البديل، وعلى الإقبال الشديد من أبنائنا على هذه الألعاب فصار من المتحتم على أولياء الأمور معرفة ما يلعب به أبناؤهم وما يشاهده فلذات أكبادهم، ولا مانع من الجلوس معهم ولو مرة أثناء اللعب للاطلاع والاطمئنان، فإذا وجد خلل عولج بالتوجيه والنصح، وإن كان يصعب علاجه أخرجت اللعبة كليًا حماية لأبنائنا وصيانة لدين وخلق أجيالنا، وحفظًا لمستقبل أمتنا.
إن أحدًا لا ينكر أهمية اللعب بالنسبة للأولاد والناشئة، ومدى حاجتهم إلى تفريغ الطاقات المخزونة لديهم، وأن هذا ضرورة بالنسبة لهم كضرورة الطعام والشراب والنوم، ولكن على الجانب الآخر لا يستطيع أحد أن ينكر حتمية توجيه هذه الطاقة فيما يعود بالنفع على الأولاد جسميًا وعصبيًا ونفسيًا وعلميًا، أو على الأقل لا يعود بالضرر عليهم في ذاتهم أو في مستقبل أممهم. )))

^^^^^^^^^^^^^
"سالم"

اااااااااخ على صوتها العذب .. الحين الواحد يقدر ينام .. تقلبت على فراشي .. مسكت الصورة .. كانت تصيح وشكلها يكسر الخاطر .. خشمها احمر .. عيونها حمر واجفانها حمر .. شعرها المبهدل .. لعبتها الي ماسكتها بيد .. ويدها الثانيه على عينها .. يانااااااااااااااس اتينن .. صكرت عيوني وانا اتنفس بعمق .. تقلبت على السرير مرات ومرات .. ماياتني النودة ..

طلعت من غرفتي .. قررت اروح جناحهم .. بس ماقدرت في شي منعني بس وشو مادري ... تأففت بضيج ..
رديت دخلت حجرتي .. لبست لي ثوب .. وتعطرت .. احترت البس كاب ولا غترة .. بس فالاخير استقرت يدي على غترتي وعقالي ..

لبستهم وانا مستعيل .. بس شكلي شنو طلع رهييييييييب .. طبعا بدون شي اقط الطير .. اشلون لا كشخت .؟ ..

طلعت بغرور من الغرفه .. واستعيلت وانا انزل من على الدري .. سمعت حس ناعم ..

: ســـــالم ؟

تأففت بداخلي قلت وانا ماعطيها ظهري : نعم ؟؟

سمعتها تكمل: بتطلع؟؟

قلت فخاطري"ياصبر ايوب .. واشحقه تسالين زوجتي موصيتج علي اوف؟ " : اي .. باي ..

نزلت اسرع من قبل وانا اسمعها تنادي .. بصوت منخفض .. بس انا اسرعت .. مب فاضي حق التحقيق .. اوففف

طلعت قعدت ادور فالشوارع بلا هدف .. يات فبالي سارة .. قررت اروح اجوفهم .. اذا محتاجين شي ولاماشيات .. بعد تعرفون .. منصور مايدري عن الدنيا .. ولازم احد يمر عليهم ع الاقل يتطمن عليهم <كفو ؟

وصلت الشاليهات وانا هلكان تعب .. ويوووووعااااااان فنفس الوقت .. دخلت الشاليه .. جفت منصور وساره قاعدين ع الزوليه الي فارشينها .. ومندمجين ويا بعض .. ضحك وسوالف .. انبطت جبدي .. تنحنحت بصوت عالي .. طالعتني سارة .. وعدلت شيلتها وعيونها تشع استغراب وكره

قام منصور وسلم علي .. قعدت احذاه

: اشلونج سارة .....؟

ردت : بخير !

حسيتها ترد من طرف خشمها .. خلتني اعصب اكثر .. يعني حق منصور الريج الحلو .. وانا مطنقره تردين بخياس نفس؟؟ .. لكن هين ياسارة ..دواج عندي ..

كملت وهي تجوفني بلا مبالاه: وانت ؟!

ابتسمت فداخلي .. ورديت : بخير ..؟!

تذكرت انهم كانو ناويين يطلعون الطراد بس غيرت رايها الشعشبونه سارة .. اشحقه العناد والمغايض .. جان رضيتي الله يخسج .. مشتاق لج وانتي ماتحسين !

: الا مابتروحون البحر؟؟

كنت موجه كلامي لسارة بس الملقوف منصور هو الي رد : احنا فالشاليه .. يعني صوب البحر .. اشفيك انت ماتعرف؟

انبطت جبدي منه .. خله يسكت ابرك .. اصلا من قال اني كلمته .. صدقوني لو اني مو راص على يدي جان مداني كفخته ..

قلت اصحح بغيض : اقصد تدورون فالبحر بالطراد

؟؟

رد منصور : اييييييييييي ؟؟ .. التفت على سارة .. انتي تبين تدورين بالطراد؟؟

كانت هي تطالع الجهه الثانيه .. يعني ماعطتنا نص جسمها .. صج قليله ادب .. زين قولي ضيف .. اقوم اضيفه شي .. مب ماعطتني سابعتج ! ..سمعتها تقول : لا مابي !

سكت ماعرف شقول .. ابيها تتحجى .. وهي ماتبي تطالع ويهي .. تصدقون اول مرة اشك فجمالي .. اول مرة اشك بنفسي .. ساروة هالعله ليش ماتطالعني .. ليش مب مهتمه لوجودي .. لييييييييييش؟ .. وانا اهتم بوجودها .. وانا الي تهمني .. حسبي الله على ابلييييييسج من بنت .. يومج ضيعتي علومي .. !!

سكت مب عارف شااقول : تعشيتو؟؟ ..

قال منصور وهو يصفق بيدة على انهم كلو من زمان .: من زمااااااااااان .. صح؟

ردت : صح !

هدووووووووووني عليها .. ودي اعضها عض هالادميه .. اكسرها تكسر .. تبط الجببببببببد تقهــــــــر .. شنو هالانسااااااااااااااانه البااااااااااااااااااااااردة البلييييييييييييييييييييييييييييييييييييدة !! ..
تنهدت بضيج .. سمعتها تقول :تفضل سالم اشرب جايك؟ بيبرد ؟!ولا مب قد المقام

انتبهت ان منصور مقرب استكانه جاي"شاي" حقي .. والله ماانتبهت .. وين انتبه وهي وياي على نفس الزوليه .. انا زين ماذبت فمكاني ..

مسكت الاستكانه باارتباك ! : لا اشدعوه يابنت العم .. مافي بينا مقامات؟

طالعتني بدهشه واستغراب .. جنها تقول .. من متى؟؟ .. نسيييييييييييييينا ماكلينا؟ ..

بس انا ماهمتني .. جفت صحون كيك .. و3 اكياس من انواع الحب المختلفه .. ودله الجاي والقهوه ودله ثانيه اتوقع انها جاي كرك .. ياحبي للكرك .. شربت شوي من الجاي ؟.. وكان مترووووووووووووووس شكرررررررررر .. حتى اني ماقدرت اكمله ..: منصور انت جم قبشه شكر حاط؟ الاستكانه كلها

قال ببراءة: لا بس خمس قبشات

عصبت : نعم؟

قال : انته ماتحب ويا شكر وايد؟؟ .. مادري انزين اسف حرك شعره الي شكله طولان شوي ومضايقه .. سارو تشربه جذي عبالي انت بعد تحب وايد شكر !! ...

مدام سارة تحبه .. يالله امري لله اشربه ! .. شربت شوي .. وبعدين صبيت عليه جاي زيادة حتى يخف السكر الي فيه .. جفت سارة تقدم لي صحن .. وكان فيه انواع الحلويات والكيك البني الي جفته مساع .. كليت شوي من الكيك .. لان شكله صراحة يغري .. : من مسويه هالكيك؟؟

قال منصور باابتسامه: اناااااااااااااااااا .. والتفت على سارة وهو يقول : لا تخافين بقول ان انتي بعد سويتي وياي .. وعلمتيني ..

انبطت جبدي .. ياريتني ماسألت .. شالي بلاني وخلاني اسأل صج اني احب التعب حق نفسي .. اخ ياسارة .. اخوي صاير قريب وايد منج .. وياخوفي من هالقرب .. ياخوفي

................

لا تلوم الزمن تقول ماله امان وخاين

الغدر والخيانه ما تجيك الا من الحبايب

ويا صحبي ثقتك لا تحطها باي كاين

طعنات الظهر ابطالها الاهل والقرايـــب

توفي لهم وقدرك عندهم دوم هاين

لا نخيت اطيبهم ردك مـــن البــــاب خايب

يا عونة الله من وقت عصيب وشاين

وسود الفعايل اصبح حتى القــلب شايب

يغرونك بمسعول الكلام وكذبهم باين

ما نفعوك فعز ضيقك وانت بالــــهم ذايــب

لا جيتهم تطلب الحق صار الكل داين

وش يفيد الكلام دام اله فابينهم غــــايـــب

شاب راسي واحسن بالموت لي حاين

وانا بعيوني اشد في جنه بساتيني خرايب

ما ينفعك لوحكت بقصتك كل المدائن

لا تبدلت الحقائق اصبحت المبادئ غرايب

((لشاعر مجهول ماعرفت اسمه ))

"علي"

الصفعه الي تجيك وانت مب فاهم صعبه قويه .. انا كنت اتوقع لولوة مسكينه مكسور خاطرها .. تبي طفل يملي حياتها مثلي بالضبط .. بس هالعلبه شنهي؟؟ .. شنهي هالورقه المصحوبه .. ليش الصيدلي قال لي انها

"حبوب منع الحمل" ..

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
قريبا	بقلم :	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)

دفنت روحي بالثرى .. معاك ياولد عمي

للروايات المكتمله