منتديات بنوته - عرض مشاركة واحدة

06-28-2010, 04:27 PM

[بيت بو خالد]

>غرفه مشعل<

وليد قام من النوم ورآح على طول الحمام وبعدها غرفه ريم دخل بشويش شافها متلحفه بالبطانيه فتح البطانيه برقه

شاف وجهها احمررر شكلها ميته بكا وشاافهآ ضآمه صوورهـ جاه الفضول يشوف الصوره شااافه
كاااانت صورته"لهدرجه تحبيني ياريم"

وشاف على جنب دفتر شكله دفتر خوآطر او مذكرات او اسرار خاصه

خذ الدفتر وشاف صفحه شكلها توها كاتبتها

مكتوب فيهـآ

[ لآزآد فيني الحزن ..أكتم دموعي وأون ..وأقول ابد ما ابيك واذكر هوانا وأحن.... عيشتني بالوهم قتلتني بالم ...احبكـ والله الشاهد..]

وليد"لهدرجه ياريم...تفكريني اني العب بمشاعرك...والله وربي الي خلقني اني احبك واموت فيك" باس راسها وطلع من الغرفه

وراح غرفة مشعل وجلس يفكر كيف يراضي ريمم

وبعدها بساعه

دخلت بنت رقيقه فتحت الباب وقالت : يلا الغ....

وليد شافها خق عليها:ريم

ريم: وليد يلا الغدا قوم مشعل

وليد راح لها ولصقها بالجدار وهمس لها: اشتقت لك

ريم لفت وجهها للجهه الثانيه: وليد بعد عني

وليد وبنفس الهمس:ما اشتقتي لي

ريم وهي شوي وتبكي:بعد عني

وليد: لا

ريم: وليد تكفى بعد عني

وليد:جاوبيني اول

ريم:وليد.."ونزلت دموعها" خلاص انا اكرهك..ما احبك خلاص

وليد انصدم وترك ريم

ريم جلست تبكي

وليد جلس يناظر في ريم شوي وعلى طول خذ مفتاح سيارته وطلع

**

[بيت بو تركي]

>غرفه نوره<

تركي بعد ما ضرب نوره: الجنين ما ابيه يعيش "وبحده"فاهمه

نوره ماردت توها عرفت ان تركي حنون وطيب بس هي ما حافظت عليه:..............

تركي شد شعرهـآ:فاهمه

نورهـ بهمس:فاهمه

تركي رآح وقبل ما يطلع: اسمعي..بقول لهم اليوم رحتي لدكتوره وقالت انك ما تجيبين عيال...فاهمه

نورهبهمس:فاهمه

تركي سكر الباب وطلع

نورهـ :بتندم يا تركي بتندم

**

اما تركي نزل وجلس على طاوله الطعام بعصبيه :سلام

الكل :وعليكم

تركي ومبين عليه انه معصب: وين..وليد.؟!

بو تركي : وليد مو موجود في البيت من امس؟.

تركي :اهااا...انا بقول لكم شي

ام تركي :قول يا وليدي

تركي: نوره ما تجيب عيال

ام تركي وبو تركي ومها وغاليه وقمر ..منصدمين:...............

ام تركي :هااا.؟!

تركي :الي سمعتووهـ...اليوم رايحه لدكتوره وقالت لها ان مافي امل تجيب عيال

ام تركي بكت:

تركي:عشان كذا ..انا جاي بقول لكم اني بتزوج

غاليه ومها وقمر وبوتركي : بتتزوج .؟!

تركي :اي بتزوج..فيها شي .؟! والشرع حلل اربع >>واشر باصبع اربعه

غاليه : بتاخذ على نوره وحده.؟! بس شلون نوره شكلها حاامل..يعني هي ما تطيق ريحه العطر وتاكل ليمون بكثرهـ

تركي : يمكن تتهيئ..اسمعوني بقول لكم من هي اعز صديقه على قلب نورهـ.؟!

ام تركي تمسح دموعها: تبي تاخذ اعز صديقه على زوجتك..انت ما تستحي

تركي :اذا خذت اعز صديقه...ماراح يصير مشاكل ...

سلطان الي ما نطق بولا كلمه: شوف مو فوق في ثلاث جناح جناح لي وجناح لنوره وجناح لزوجه الجديده

الجده الي كانت تبكي بصمت: الله يعينك يا تركي...

تركي :الحين قولو لي من هي اعز صديقه لنورهـ.؟!

غاليه:اسما

تركي :اسما؟! ..وقال في نفسه"فرق السما عن الارض ذيك ادب واخلاق" المهم اسمعوني يبه انا ابيها

بو تركي :وش لك بالمشاكل وانا ابوك

تركي : يبه ابيهاخلاص..قلت لكـ وفضل تعدد الزوجات كثييير ممكن اذا تزوجت اسما ممكن تحمل نورهـ واسما

بو تركي اقتنع بكلامه لان فضل تعدد الزوجات كثيير : خلاص نكلم بو خالد ونشوف

سلطان: انت استجنيت يا تركي تبي تاخذ زوجة ثانيه

تركي وهو ياكل :اييييه فيها شي.؟!

سلطان:كيفك كيفك على راحتك

الكل انصدم من خبر زواج تركي وبعد شي ثاني اصدمهم ان نوره ما تجيب عيال

**

في نفس الوقت

تجمعوا الناس على سياره صادمه لها عمود كهربه...وثواني الا والشرطه واصله..
الضابط :لاحول شكل الرجـال سلم الروح

الشرطي هز راسه: صدمته قويه والدمـ في كل مكان ...شكله سلمـ

شيخ المسجد الي كان رايح للمسجد يتسنن ويصلي حتى موعد صلاة المغرب :-لاحول ولاقوة الا بالله ..طلعوا الرجال يمكن حي

الضابط هز راسه :اظنه سلم..وحنا ننتظر الاسعاف والدفاع المدني عشان يفكون الحديد عجزنا نوصل له ..

الا وبوصول الاسعاف والدفاع....

وبعد وقت طويل من تقطيع الحديد والمحاولات المستميته...قدروا يفكون الحديد...

الطبيب :بسرعه نبضه ضعيف

الشيخ:كيف حالته
الطبيب هز راسه : ماظنيته بيصمد لين نوصل المستشفى شكل عنده نزيف بالمخ
وطلع الضابط اوراقه الثبوتيه من جيوب ثوبه...

حزن الطبيب وقال : لاحول ولا قوه الا بالله عمره 17 ...الله يصبر اهله "ولتفت لشيخ " ياليت يا شيخ تكلم اهله

هز الشيخ راسه ودمعته برمش عينه ..ثم قال :-وش اسم الرجال

الضابط : وليد بن فهد آلـ......
**