من تجربة حبـك وصلت لقناعـــه
إذا بغيت إنسان يغليك..خونــــــه
يشتـاق لك أربع وعشرين سـاعه
دامك تخونه شرط تاخـذ عيـونــــه
أقرب طريقة للوصال ..القطاعــــــه
جرب تغيب أيام ..وطالع جنونـــــه
كل ماطلبته قال : سمع وطاعـــــه
يبيك لو كـــــــل الـخـلايــق يبونــــه
وإذا عطيته قلبــــك بصـدق باعـــــه
يحسبك له ظـامي وميـــت بدونـــه
لأن الوفا في شرع مثلـــه بضاعــــه
يبيع لو شـاف البشـــر يشترونــــــه
شفت الغلا ضايع وقمــــة ضياعـــــه
أني عطيتـه نــــــاس مايعـرفونــــــه
بس وغلاتك يبقى حبــــك قناعـــــه
أخون نفسي .. لو أفكــــر اخونــــه