سعود : ارمسي شووو . .
خلود : يدي تعبااااان ..
هند : شوووووووووووو
من دون سابق انذار الكل قام يركض لصاله الثانيه ... واول ما وصلنا شفنا أبوي قاعد ع الكرسي والابتسامه شاقه ويهه ..
بوعلي: بلاكم تتراكضون
راشد: خلووود الهبله قالت انك تعباان
خلود : لاتقول هبله
بوعلي: لا بس شوي صدري .. كح كح
على وهو يقعد عند ريل أبوه : أنت بخير يبه
بوعلي : هي انا بخير .. واستمرت السوالف ..
رن تلفوني .. وكان المتصل عبدالله ..
حمده : الوو
عبدالله : حمده .. سمعتوا عن حادث صاير ..
وانا مب مستوعبه السالفه .. بس تاكدت انه في شي صاير .. حمده: لا .. ليش شو صاير ..
عبدالله : امممم .. ما ادري .. بس سمعت انه في حادث صاير بالفريج .. وووو
حمده : عبدالله ارمس .. ِشو صاير ..
عبدالله : سعود وعبدالرحمن وين .. اتصل لهم ومحد يرد علي..
حمده : كلهم هني .. والظاهر من الحشره ما سمعوا التلفون ..
عبدالله : انزين .. بس خلي سعود يرمسني ..
حمده : عبدالله الله يخليك قول شووو صـآير ..
عبدالله : أخوي اتصل وقال انه حادث صاير .. والسياره واايد متكسره .. ويقول بعد انه السياره .. سياره ولد عمج ..
حمده : شوووووووووووو . منو من عيال عمي .. عبدالله انت شو تخرف ..
عبدالله : حمده .. الله يخليج خلي واحد من اخوانج يتصل لي بسرعه ..
حمده .. والدموع تجمعت في عينها .. : ان شاء الله ..
سكرت عن عبدالله .. وانا اعرف انه مخبي عني أشياء وأشياء .. زقرت سعود ..
سعود : حمدووه شو فيج
حمده : عبدالله اتصل .. ويقول .. ويقول .. إن .. إنـــ
سعود : حمدووه ارمسي عدل
حمده : ما ادري اتصل انت .. الله يخليك اتصل ..
سعود : اوكــي .. انا بتصل فيه ..
ومسك سعود عسب يتصل التلفون .. واول ما بدا يضغط ع الارقام .. دخل عبدالرحمن .. وكانت عيونه حمر .. هني تاكدت انه في شي صاير ..
عبدالله : سعوود .. محمد ولد عمي توفى
سعود : شوووووو
هني عاد عبدالرحمن غطا ويهه بايده .. وانفجر يصيح ... طلع سعود يتاكد من الخبر .. تبعت .. وول ما وصلنا الصاله ..شفت غاليه حاضنه هند وتصيح .. وراشد يصيح .. وعلي أخوي قاعد ع زاويه .. وعيونه كلها دموع .. قاعد وحاضن راسه بايده .. ما قدرت اصدق اللي يصير خلاص محمد رااح .. محمد ولد عمي راح .. ما يصير ..
ركضت غرفتي واتصل لعبدالله .. تمنيته يكذب الخبر .. بس للاسف أكده ..
ما قدرت .. هني أنفجرت .. قعدت اصيح .. واصيح .. أصيح محمد .. أصيح شبابه اللي راح .. أصيح ذكرياتي ..
ليش كل هذا يصير ..
..يالله .. محمد .. وليش محمد بالذات .. استغفر الله انا شو قاعده أقول .. بس محمد غالي .. غالي ع الكل .. محمد محبووب الكل .. ليش .. ليش ياربي ..
بديت استرجع ذكرياتي مع هالانسان .. هالانسان المصلي ..المؤدي فرضه .. ولا صلاه تفوته .. والكل يشهد بحس اخلاقه ..
تذكرت الاسبوع الماضي وانا داخله بيتهم ..
محمد : اويه ما اذكر انه بيتنا حديقه حيوان ..
حمده : نعم شو قلت ..
محمد : قصدت يالزرافه شو تبين ..
حمده : ما اظن داخله بيتك .. ساره اختك وين ..
محمد : شضو تبين بها ..
حمده : حموود لاتستهبل ..
محمد: اييه ليكون داخله بيت ريلج .. قومي قومي .. يات وقعدت .. وحموود بعد .. اووكي يا حمدووه يا انا يا انتي
حمده : ههههههههههههـ .. آسفه عمي محمد .. الله حلااوه الفيمتو ..
قمت آخذ لي حبه منها .. بس شفته يركض ويشلها من على الطاوله ..
محمد : آسفه .. أنا احب هالحلاوه وانتي بتخلصيها عني
حمده : محمد .. يالله عااد .. انزين بس حبه ..
محمد : نووووو نووووو .. سيري بيتكم وسوي لج .. يالزرافه ..
حمده : اففف .. انت مذله .. ما ابا منك شي ..
محمد: تعالي .. مع منو انتي يايه ..
حمده : سعوود ...
محمد : يالخاين وليش ما دخل ..
حمده: ليش يدخل ..من زين استقبالك عااد ... وبعدين هو راح مع عدول ..
محمد: صدق انه خاين .. هو وعدوول .. بعدين تعالي اشووفج وايد مطيحه الكلفه .. اونه حمود وعدوول .. اصطلبي احسن لج ..
حمده: عادي انت ولد عمي وهو ربيع اخوي ..
محمد : وربيع اخوج .. يعني عادي .. ليكون بعد هو ربيعج وانا ما اعرف ..
حمده : لا حشى علي ما اعرفه .. بس من كثر ما ترمسون عنه ..
محمد : اوكي زين يالله فمان الله ..
حمده : وين رايح .. وبعدين وين ساره
محمد : اولا ساره محد رايحه السوق .. ثانيا بروح اودي الحلاوه غرفتي عسب ما تاكليها .. ثالثا بروح المسيد ..
حمده : بل . استهدى بعده ما اذن
محمد: اوكي .. ادري بس لين ما اروح واضم الحلاوه واتوضأ .. بيكون اذن وخلص ..
حمده : هي صح تعال مبرووك
محمد: على شووو
حمده : يقولون حفظت القران ووبتشفع لاربعين شخص من اهلك .. هالله هالله لا تنساني ودخلني الجنه معاك ..
محمد: والله ودي بس ما يدخلون ميانين مثلج
حمده: انت شو تقول
محمد : استغفر الله .. انتي اللي تخليني اقول هالرمسه .. يالله الى اللقاء بنت عمي .. والبيت بيتج خذي راحتج ..
حمده : هههههههههههههـ .. يالله انا بروح حجرة ساره ...
هذا كان آخر لقاء لي مع محمد ... الله يرحمه .. ويسكن روحه الجنه ..