هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
الفرسان | دورات:دورة إستراتيجيات التسويق الفعال للخدمات المصرفية بقلم : الفرسان  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
07-17-2010, 07:23 AM
| #51 (permalink) | |||||||||
|
مستشار المؤسس ~  
| 
رد: ودك.. تنامـــــــــي نا مــــــــــــــي..}~ انا :
قمرهم كلهم (( ف الجامعة .. )) ( نفس الوقت ) كانت دانة قاعدة ف الكافيتيريا وقدامها كوب قهوة وحولها بنات كثار يسالونها عن الملكة اللي كانت امس .. او يباركون لها .. او يسمعون منها وش كان شعورها ومن هالسوالف ... يوم رن جوالها يعلن عن وصول مسج .... ابتسمت دانة والكل قام يصفق..... دانة : هههه شفيكم..؟؟ وحدة منهم : بدينا .. بدينا ..؟؟ من الحين يعني ...؟؟ دانة : طيب يمكن يكون واحد من اخواني ولا امي ..؟؟ وحدة ثانية : لا انا متأكدة .. هو يعني هو ...!!! فتحت دانة المسج قدام كل العيون اللي تطالعها بفضولية .. وقعدت تقراه شوي شوي.. وكانت مع كل كلمة يزداد حمار خدينها لين ما سكرت جوالها ودخلته ف الشنطة واعتدلت في جلستها .... وحدة : ها...؟؟ مين طلع....؟ دانة سكتت وابتسمت : مالكم دخل....!!!! هنا الكل فقع ضحك وقاموا يعلقون على دانة وعلى شكلها ويحاولون يجننونها شوي .. (( ف بيت ابو خالد .. المجلس )) ( بعد ساعة ) سعود وقف بحسرة : ياخي والحييييييييييين ... يعني وش اسوي ..؟؟ ترى ابوي لا حلف ما ينقض حلفه لو ايش .. والله لا يرميني ف السجن ويخليني اتعفن فيه زي الكلاب ولا يسأل عني .... !!! خالد محتار ويشد شعره لورى : افففففففففففف... والله مدري يا سعود .. طيب ما عرفت وش قالوله القسم ...؟ سعود بيستخف : وهذا اللي بيجنني .. انني ما اعرف على ايش مناديني ... على مخالفات المرور ولا على الشقة .. ولا على سالفة البنت اللي ف المجمع ذاك اليوم..؟؟!! خالد قام وقف ومسك كتف سعود : طيب .. اصبر شوي .. اكيد في حل .. ما تقدر تكلم واحد من اللي تعرفهم وتخليه يستفسرلك على الموضوع ...؟؟؟؟ كلم واحد من الشباب ... سعود : انت ما تفهم..؟؟؟ اقولك الشلة بما فيهم دحوووش مسكوهم وحاطينهم ف التحقيق .... خالد : يوووووه ... اخاف دوري جاي..؟؟ لا لا لا .. سعود انا ابغى اتزوج واستقر .. ماني قد السجون والمحاكم .... !!!!!!!!!! سعود : وهذا اللي انا خايف منه ... اخاف نروح فيها انا وياك .. وندخل السجن ونقضي باقي عمرنا هناك .. خالد خاااف : يا رجااااااال ... الله لا يقول انشالله .. شوووف .. انت الحين وش بتقول لابوك...؟؟ طالعه سعود معصب بنص عين : وانا ليش جاي عندك بالله عليك...؟ خالد : قوله مدري وش سويت ..؟؟ سعود : شووووووووف ...!؟!؟!؟!؟ اقولك بيوديني بيدينه الثنتين القسم اذا ما اعترفت له تقولي قول ما سويت شي...!؟!؟!؟! صاحي ..!؟!!؟ شعليك .. مو انت اللي محطوط في هالموقف !!!!! (( مكتب المحامي حمد )) ( الساعة 12 ونص بعد صلاة الظهر ) دخل بندر مكتب المحامي حمد بسرعة ... بندر : السلام ..... حمد مستغرب : وعليكم السلام .. وشفيك طاير..؟؟ عسى ما شر... ابتسم بندر : مافي شر .. الخير كله بوجهك ... عقد حمد حواجبه : وش السالفة ...؟؟ بندر : اتصلوا فيني مكتب الشرطة ... حمد : طيب...؟؟ بندر : صادوا مشتبه فيه ... بس للحين ما حققوا معاه ... حمد : حلووو .. يللا انشالله ينعرف قريب ... بندر : مو كذا السالفة ... حمد : ها ..؟؟ بندر : اتحداك تعرف مين ...؟؟ حمد : مين ..؟؟ بندر وهو يقعد ع الكرسي : سعود عبد الله الـ ( ..... )!!!!!! حمد فتح عيونه الثنتين : قول والله ...!؟؟!؟!!؟ بندر ابتسم : والله العظيم .... حمد : ولد عبدالله له يد بالسالفة ..؟؟ وانا اقول اللي مسويها اكيد وراه ظهوووور كثيرة.. بندر : بس لسة ما حققوا معاه ... كلموا ابوه واستدعوا ولده للتحقيق .... حمد : غريبة والله هالدنيا .. اجل ولد عبدالله ... ولد اطيب انسان واحكم انسان ف هالعالم .. له يد ف سالفة زي كذا ..؟؟!؟!؟ والله والزمن .......!!!! بندر : على بالك زي زمان اول ..؟؟ لا يا حمد .. الناس الحيت تغيرت .. كل واحد يسوي اللي يعجبه ولو كان غلط ... مدام عنده فلوووس .. ما بيهتم ... لافي سمعته ولا ابووه ولا امه .. ولا أي احد .. مهما كانت مكانته ... !!! حمد : الله على الدرر يا بندر .... اقووووول .. انت الحين خلصت دوامك ف الجامعة ...؟؟ بندر : أي ..... حمد بنص عين : متاكد ....؟؟ بندر : ههههههه يعني بكذب عليك..؟؟ أي والله خلصت .. حمد : ياويلك لو يوم تغيب عن الجامعة وتجي هنا .. والله لا اطردك فاهم..؟؟ بندر قام : هههه انشاااالله ... لا توصي .. يللا طال عمرك استأذن حمد : اذنك معك ... (( شركة ابو سعود ... )) ( الساعة 1 ونص الظهر ) كان ابو سعود قاعد في مكتبه ويفكر ..... ابو سعود " يا ربيييي... وش اسوي في هالولد اللي مو عارف شلون يصير رجال..!؟؟!؟! ياخي بيذبحني .. الحين انا اربيه واتعب فيه آخرتها يطلع كذا ...؟؟ الله يفشلك يااارب .. بنااات وخمر ومخدراااااات ...!؟!؟؟!! وش خليت بعد ...؟؟ ما بقى شي .. ما بقى غير تذبحلي واحد بعد ...؟؟!!! بس وين بتروح مني .. انا اوريك .. انا ما عندي ولد يسوي كذا ... يا يعترف لي ويتكلم واطلعه بكل سهولة ... ولا بخليه يتعفن ويدخل السجن .. عشان يعرف شلون يصير رجااال ... ويحاسب نفسه وينتبه لافعاله .. لاني خلاااص .. هالولد فقدت الامل فيه .. يا يعترف واربيه من جديد... يا ارميه ف السجن عشان يتادب لوحده ..... !!!!!! " قام ابو سعود من مكانه ورفع سماعة التليفون ودق على عصام .... عصام : سم طال عمرك ....؟؟ ابو سعود : وين سعووود...؟؟؟ عصام بلع ريقه من الخوف : ا... سعود طال عمرك طلع من الشركة من زمان ... ابو سعود : مارجع....؟؟ عصام : لا طال عمرك.. لسة ما رجع ... تبغى ادق عليه ...؟ ابو سعود : لا لا تدق ... انا طالع الحين .. اكيد بحصله ف البيت ..... سكر ابو سعود واخذ مفاتيحه وطلع من الشركة راجع للبيت .... (( في بيت ابو رائد )) ( الساعة 4 العصر .... ) كان احمد قاعد ف المكتب مع ابو رائد يراجعون حسابات الشركة .... ابو رائد : طيب كم يوصل سعر كل هالبضاعة ....؟؟ احمد طقطق شوي على الآلة الحاسبة بعدين قال : ا.. حوالي 000 500 ابو رائد : طيب ...؟ والارباح كم تتوقع ....؟؟ احمد شوي فكر بعدين قال : ممم ... حوالي 4 ملايين ... ابو رائد ابتسم : حلووو ... توكل على الله .. احمد : وانا رايي كذا .. لانه صفقة حلوة ... وارباحها عالية وتكلفتها رخيصة .. ابو رائد : خلاص من بكرة اتصل ف المندوووب وخليه يجي عشان تتفاهم معاه .. او اذا تقدر انت روحله .... احمد : خلاص انا بمر عليه بكرة الصباح واشووووفه .... سكر احمد الملفات وقام يرتبها ف المكتب ... اما ابو رائد فصخ نظارته وقعد ع الكنب .. ابو رائد : وش تشرب...؟؟ احمد : تسلم ولاشي ... ابو رائد : افا...؟؟ داخل بيتي ولا تشرب شي ..؟؟ ما يصير .. احمد ابتسم وجا قعد قريب منه : اللي تشربه اشربه ... ابو رائد : يناسبك الشاهي .. ولا انت ما تشرب الا كبتشينو وكوفي...؟؟ احمد : ههههه لا لا لا لا مو لهالدرجة ... اشرب شاهي شدعوة ..؟!؟!؟ ابو رائد : هههه احسب بعد ... لانه الشباب هالايام كلهم كذا... احمد : انا كنت كذا .. بس الحين لأ... ابو رائد : كبرت صح ....؟؟ احمد : مو على كذا ... لاااااااا.. بس .. الظروف تخلي الواحد كذا ... سكت ابو رائد يوم عرف انه احمد مشتاق مرة عوض ... ومفتقده بحياته .... ابو رائد : من بعد عوض الله يرحمه صح ....؟؟؟ غمض احمد عيونه بالم وتنهد : الله يرحمه .... ولاله الحياة ما تسوي من دونه ... ابو رائد : أجمعين يارب ... هذي الدنيا..محد باقي .. كلن بيموت ... وكل واحد بيموت بالطريقة اللي كاتبها ربه له ... لو ايش نسوي .... كلمة الله سبحانه وتعالى وحده هي اللي بتمشي..... احمد : ونعم بالله .... قام ابو رائد : عن اذنك بقولهم يسوون لنا شاهي .... احمد : استريح ماله داعي .. ابو رائد : تمزح...؟؟ ياخي والله راسي بينفجر من هالشغل .. حتى انت شكلك مرة تعبان .. يخليك تصحصح شوي ... ابتسم احمد مجاملة لابو رائد اللي مغطي عليه بافضاله مررة .. طلع ابو رائد من المكتب وقعد احمد سرحان يناظر الشباك .. ذكرى عوض دايم تخليه يرجع للسرحان والتفكير الكثير .. لانه ذكريات كثيرة تجي على باله لما يطرونه ... ذكريات حلوة وحزينة .. مؤلمة ومفرحة .. ذكريات لو يمضي دهر كامل ..ما ينمسح ولا شي منها .... بتبقى راسخة وباقية ف ذاكرة شخص واحد ... ذذاكرة انسان واحد قريب منه مرررة .. والقدر كتب انه هالانسان يكون احمد ..... .........:. اووووه انت هنا...؟؟ ما دريت ... التفت احمد على مصدر الصوت وشافها ... نفس ما هي ماتغيرت .. جريئة وحلوة .. احمد نزل راسه يطالع الارض : هلا ... ريم من عند الباب : كيف الشغل ...؟؟ احمد مستغرب : ا.... الحمدلله .. ريم : ما خلصتوا ...؟؟ وين ابوي .... احمد وللحين منزل راسه : لا خلصنا .. بس راح شوي وبيرجع ... ريم ابتسمت " فديت الرجووولة والثقل انا ..!!! كذا الادب والاحترام ولا بلاش " : اها .. اوكي .... سي يوووو .. راحت من عند الباب ورفع احمد راسه مستغرب " هذي البنت حيرتني ... ما تستحي...؟؟ غريبة .. اول مرة اشوووف بنت بجرأتها ... المشكلة انها حلوة .. والله حلوة وبقوووة بعد .. هذا وانا ما طالعتها من فوق لتحت وكذا.. احل لو اشووفها صح وشلون بتكون ....؟؟؟ ما شالله عليها .. الله يهديها بس وتترك الجرأة الزايدة هذي ..؟؟ فشلة ... لو يجي ابوها ويشوفها . وش بيكون مو قفي...؟؟ والله بيطردني...!!!! " بعد كم دقيقة رجع ابو رائد شايل صينية عليها دلة الشاهي وكاسات : وهذا احلى شاهي ... لاغلى احمد ... حط الصينية على الطاولة وجا بيصب الشاهي ... قام احمد ... احمد : استريح يابو رائد ... انا بصب لك .. ابو رائد : لا لا لا .. الضيوف ما يصبون لنفسهم الشاهي.... احمد : افااااا.. انا الحين صرت ضيف.. الله يهديك يابو رائد.. انا حفظت كل شبر من بيتك تقول علي ضيف..؟!؟؟!!؟ ههههههه استريح بس... قعد ابو رائد يطالع احمد بفخر : والله ما اندم يوم واحد على اني عرفتك يا احمد .... رجال ولد رجال .... الله يحفظك يارب ... والله لو بنت جاهزة للزواج كان عطيتك اياها ببلاش .... دامني اعرف انها في يدين رجال مثلك ... احمد حمر وجهه وما عرف وش يقول " زواج..؟؟ من ريم..؟؟ لا عاااد .. قلنا حلوة بس ما باخذها ... الله يهديه ابو رائد ويشيل هالفكرة من راسه .. لا يخليني اضطر ارده او احرجه " : تسلم والله .. فيك الخير... (( بيت ابو سعود )) ( الساعة 5 ونص .. المغرب ) قام ابو سعود من نومه ... وتوضا عشان يروح لصلاة المغرب ... نزل تحت وشاف لينا ... لينا : هلا بابا .... ابو سعود ابتسم : هلا بحبيبتي .... شتسوين ...؟؟ لينا تلعب باظافرها : احط مناكير ... ابو سعود : صليتي قبل ما تحطينها.....؟؟ لينا بتفكير : مممم ... لأ... ابو سعود : طيب .. امسحيها الحين .. وصلي بعدين حطيها على طهارة ..... لينا : لااااااااااااا... بابا والله تعبت انا واسويها ... ابو سعود : معليش يا بابا .... تخطين مناكير ولا تروحين نار جهنم..؟؟ روحي امسحيهم صلي وبعدين حطيهم على طهارة ... لينا قامت بكسل : اففففففففف.... طيب ..... ابو سعود : تعالي لحظة .... لينا التفتت وهي مكشرة ومادة وزها شبرين : نعم ...؟؟ ابو سعود : سالم وينه ...؟؟ لينا : سالم راح مع فيصل يصلون ... ابو سعود : زين زين .. وسعود وينه .....؟؟ لينا : مدري ... ما شفته اليوم .... ابو سعود : طيب خلاص .. زي ما قلت لك ..... امسحيهم .. صلي بعدين حطيهم لينا بزهق وهي طالعة الدرج : طييييييييييب ....!!!! ابتسم ابو سعود يوم انتبه على بنته اللي كبرت وصارت حورمة حلوة ما شالله عليها .. ودلوووعة بعد ... وجا بيطلع من البيت الا ويشوف زوجته طالعة من المطبخ معصبة وتتحرطم .... ولا عطته وجه... ابو سعود : وشفيها الحلوة زعلان وطالعة معصبة ...؟؟ ام سعود وقفت وخزته بعصبية : انا ابغى افهم ... هالشغالات اللي تجيبهم يكونون ساكنين في قصر ولا ايش...؟؟ وحدة تقول يدها تعورها من الكلوركس .. والثانية ما تقدر تتحمل ريحة الديتول .. والثالثة مدري وش فيها كل شوي تصيح وما تفهم عليها شي ...!!!!!!!!! ابو سعود تنكد مزاجه : اعووووذ بالله ... مالت عليك وعلى اللي يبغى يسولف معاك ..امحق زووووجة .....!!!!! تركها وطلع من البيت معصب وكاره حياته .... ام سعود طالعته باستغراب.. ويوم طلع : شفيه هذا ..؟؟ شكله انجن ولا خرّف ... !!!!!!!</b></i> | |||||||||
  |
|
07-17-2010, 07:24 AM
| #52 (permalink) | |||||||||
|
مستشار المؤسس ~
|
رد: ودك.. تنامـــــــــي نا مــــــــــــــي..}~ انا :
قمرهم كلهم ( بعد الصلاة ) ابو سعود : يا سالم .... التفت سالم وكان واقف معاه فيصل : هلا يبا ... ابو سعود : بتروح البيت الحين ولا بتطلع ..؟؟ سالم : لا بنرجع البيت ملينا من الطلعة ....... ابو سعود : زين ... اذا شفت سعود قوله يتصل فيني ضروووري طيب...؟؟ سالم مستغرب : ا.. انشالله .... في شي يبا..؟؟ ابو سعود : لا مافي شي ... شخبارك فيصل..؟؟ فيصل ابتسم : بخير الحمدلله ... ابو سعود : وشخبار ابوك..؟؟ فيصل ابتسم مجاملة : الحمدلله طيب... ابو سعود : الحمدلله.. سلم عليه فيصل: يوصل انشالله ... رجع سالم وفيصل البيت ... اما ابو سعود فتوه جا يركب سيارته الا ويشوف سيارة سعود تمر راجع للبيت ..... طلع جوال ودق عليه.... سعود : الو.... ابو سعود بجد : وينك...؟ سعود : ا.. انا قريب من البيت...؟؟ ابو سعود : ادري .. اسبقني وهذاني جاي.. انتظرني ف المكتب سمعت ...؟؟ سعود : ا.... انشالله ... سكر ابو سعود ورجع البيت ... ويوم دخل حصل لينا قاعدة ف الصالة وتحط بهالمناكير ابو سعود : السلام عليكم... لينا : وعليكم السلام ... ابو سعود : صليتي ...؟؟ لينا : أي... ابو سعود بنص عين :متاكدة...؟ لينا ابتسمت : والله العظيم صليت ..... او سعود ابتسم بفرح : تقبل الله ... شاطرة بنتي ... تركها وتوجه لمكتبه .. وهناك حصل سعود قاعد يتفرج على اللوحة المعلقة وحاط يدينه ف جيبه... ابو سعود سكر الباب بهدوء : السلام .... التفت سعود : وعليكم السلام ... جلس ابو سعود ع الكنب وقال بحدة : ها ..؟؟ وش قررت ....؟؟ سعود بغباء : وش قررت ...؟؟ ابو سعود بحدة : شووو..؟؟ ماني فاضيلك .. عندي مواضيع واشغال اهم منك.. تكلم بسرعة .. تبغى اطلعك من السالفة وتتكلم ... ولا اخلي الشرطة تحدد مصيرك ..؟؟ وحط ف بالك انا ماني معبنلك محامي لاني ادري 90% انك متورط بهالسالفة ... عشان كذا حط هالشي ف بالك .. وقرر مصيرك بنفسك ... سعود : يبا ... وش قاعد تقول ..؟؟ تراني ولدك... وما سويت شي ابو سعود : شلون ما سويت شي..؟؟ جل ليش الشرطة طالبتك للتحقيق..؟؟ ليش يشكون فيك انت ..؟؟ ها...؟؟ مو نتيجة افعالك ..؟؟ لا تقول لي ما سويت شي .. لانه كل مرة تقول لي كذا وتكون انت اول واحد متورط وصاحب الفكرة بعد ...!!!! سكت سعود وخاف ... بس عناده وكبرياؤه منعه من انه ينطق بحرف واحد ... ابو سعود : ما تبغى تتكلم ...؟؟ سعود ساكت ويطالع الارض :.................. ابو سعود قام ووقف : براحتك ... امشي معاي ... سعود : وين..؟؟ ابو سعود : الحين بتعرف .. امشي .. سعود بعناد : ماني رايح .. اول شي تقول لي وين...؟؟ ابو سعود صرخ : اقووولك تحرك.. تخرع سعود ومشى قدام ابوووه زي البزر اللي توه ابوووه هاوشه ... ركب السيارة وركب ابو عود وشغلها .. ومشوا هم الاثنين .... لين ما وصلوا لمركز الشرطة ..... سعود " !!!!!!!!!! لا لا لا ... مستحييييييييييل .... ماني داخل .. هنا .. اذا دخلت ماني طالع ..... لا لا لا ... ماهو مسوي فيني كذا ... بس يبي يخرعني ... ادري .. ابوي واعرفه .. ما بيرميني هنا ...." وقف ابو سعود السيارة وحدة : انزل .. سعود طالع ابوه متفاجئ : تمزح .....؟؟؟؟؟ ابو سعود معصب : لا ما امزح .. انزل اشوووف ... شووف عنادك وش بيسوي فيك ... نزل ابو سعود ونزل واه سعود وهو يمشي ورجله ترتجف من الخوووف ويحس انه بيطيح في أي لحظة .... دخلوا القسم وراح ابو سعود يكلم الضابط دقيقة بعدين اخذوا سعود ودخلوا فيه على مكتب ..... جلس سعود على كرسي قدام مكتب الضابط وابوه قدامه .... الضابط : انت سعود ...؟؟ سعود : ا..... أي.. الضابط : طيب يا سعود .. انت تدري ليش احنا جايبينك هنا ...؟؟ سعود : لأ.... الضابط اخذ نفس : فكر يا سعود .. انت وش سوي ف الفترة اللي فاتت ...؟؟ سعود : ما سويت شي ... الضابط : ما سويت شي...؟؟؟ والشقة اللي ف حي ( ..... ) ؟؟ سعود : أي وحدة ....؟؟ الضابط : الشقة يا سعود .. ترى ربعك كلهم ف مسكناهم ف القسم .. وكلهم اعترفوا وقالوا انه انت اللي مشتري الشقة .. ومتكفل بمصروفاتها ... طالعه ابو سعود بنظرة خيبة امل .... وسعود ما عرف وش يقووول .. حس انه كل شي ضده .. وكل شي موجود يثبت انه ارتكب جريمة .. وجريمة كبيرة بعد ... (( بيت ابو بندر )) ( الساعة 7 بالليل ) دانة : هههههه عاد ما اتخيل ابوي يسوي كذا ... رائد : ههههه قسم بالله ... المشكلة قبل شوي مسوي علينا ثقيل .. اول ما شاف الموجوالبحر .. فصخ الفنيلة .. وساعتها .. ولا جبل يرده عن الموية ... ههههههه دانة : ههههه يعني استانستوا ذاك اليوم ....؟؟ رائد : اووووه ... مرة استانسنا ... سللا انشالله المرة الجاية نكون انا وياك بس .. دانة استحت وابتسمت : ههه انشالله ... رائد يكمل خيال : على المركب الصغير ... انا وياك لوحدنا .. انا اسوق .. وانتي تطالعيني ... وبعدين اوقف المركب ف منطقة بعيدة .. محد فيها الا انا وانتي وبس .. ونقعد مع بعض ...... دانة : يا سلاااام .. وش بنسوي بعدين ...؟؟ رائد : لا رحنا بقولك وش بنسوي ...... كل شي ف وقته ... سكتت دانة شوي .... رائد : دانة ..؟؟؟ دانة : نعم ..؟؟ رائد : حسبتك سكرتي ... دانة : لا معاك .. رائد : ممم ... ادري طة وجه .. بس المضطر ما يستحي ... ممكن طلب ..؟؟ دانة : آمر ... رائد : ما يامر عليك عدو .. بس .. بكرة عندك مشاوير ولا مخططات ... ؟؟؟ دانة : لا بكرة اربعاء .. بكون ف البيت ... رائد : طول اليوم .... دانة : أي .. بس بندر وثامر بيطلعون .. انا بقعد ف البيت .. رائد : حلوووو .. دانة : بتجي ......؟؟ رائد : أي بجي .. وبشوف القمر .. واسولف معاه ....!!! دانة : يووه .. اجل لازم اتكشخ ... رائد : مو لااااااازم .. انتي بدون كشخة قمر .. شون لو تتكشخين ..؟؟ تبغي تذبحيني؟؟ دانة مستحية مررة وخاقة : بسم الله عليك ... رائد سكت شوي .... دانة باستغراب : رائد...؟؟ رائد ..؟؟ رائد رد وشفيك...؟؟ رائد تنهد : آآآآآآآآآه .... يارب صبرني لبكرة ... دانة : ههههههه خوفتني والله .. حسبت جاك شي ... رائد : بس شي .. الا اشيااااء .... !!!!!!! (( بيت ابو سعود ..)) ( الساعة 9 ونص بالليل ) طلعت ام سعود من ساعة ... ودلع كانت في غرفتها... ولينا وسالم وفيصل قاعدين ف الصالة ويسولفون ويتابعون فلم ... فيصل : بسك تلوين فهالاظافر....!!! لينا : شعليك..؟؟ اظافرك ولا اظافري... فيصل : ريحتهم مقررررررررررفة ...!!! سالم : خخخخخ تعوّد ... هالصبغ ما تتركه لينا لو ايش.... فيصل حط كلينكس على انفه : الله عينه اللي بياخذه...... !!!! لينا بدلع : الا قووول يا حظه ياخذ وحدة كشخة زيي تهتم بشكلها .. سالم حاس فمه يمين ويسار : أي وااضح ... فيصل : خخخخخ واثقة بعد .. الا من حظك انتي اللي بتاخذينه ... لينا : لا والله ...!!! اصلا انا مية واحد يتمناني .. بس انا ما ابغى ولا واحد فيهم .. فيصل : بس اللي بياخذك واثق انك تبغينه .... لينا بتكبر : لا تحااااول .. انا ذوقي صعب ... ما يرضيني أي واحد سالم : كاااااك .. بكرة اول واحد بيخطبها بتوافق عليه ... وف نفس اليووم بعد عصبت لينا وقامت : !!!!!!!!!!! شايفني ايش..؟؟ لا يا بابا .. مو لينا بنت سالم اللي تاخذ واحد قبل ما ترفض عشرة ... !!!!! وطلعت معصبة لغرفتها ..... فيصل : هههههه شفيها هذي عصبت كذا ..؟؟ سالم : دومها كذا .. دلووووعة .. أي كلمة ما تعجبها تعصب عليها وتطلع غرفتها .. ما عليك منها ... والله وفاتنا نص الفلم بسبتها ... وقعدوا فيصل وسالم يتابعون الفلم لين ما دخل ابو سعود وكان ضايق مرررة .. ابو سعود : السلام عليكم ... فيصل وسالم : وعليكم السلام والرحمة ... سالم : وش فيك يبا ..؟ سلامات .. شي مضايقك ...؟؟ قعد ابو سعود وفتح الزر الاول من ثوبه وحط شماغه على الكنب : آآآآآآه اشياء مو شي واحد .. فيصل : ا.... اعذروني انا استاذن ..... ابو سعود : لا لا لا يا فيصل .. اقعد .. انت واحد منا وفينا .. فيصل : لا يا عمي .. يمكن عندك موضوع خاص تبغى تتكلم فيه .. وبعدين بكرة علينا دوامات لازم اروح انام ... ابو سعود مصر : اقعد بس . حلفت عليك تقعد .. منت غريب يا فيصل .. ولدي واكثر والله ... فيصل منحرج : تسلم ... ابو سعود : سالم ... سالم : سم يبا ... ابو سعود : روح ناديلي امك ... سالم : انشالله .. طلع سالم ينادي امه ... وبعد عشر دقايق ... نزلت ام سعود ورى سالم وقعدت ع الكنب : بغيت شي يا بو سعود ...؟؟ ابو سعود : شوفي .. انا بغيتك في مووع بخصوووص ولدك سعود ... ام سعود خافت : وش صاير ....؟؟ ابو سعود : انا هالولد خلاااص ... تعبت منه ... بيجنني .. كل يوم طالعلي بمشكلة اكبر من اللي قبلها ... وياليت بار بابوه وامه ولا منه خير .. لاااا ... مشاكل ع الفاضي وصرفيات فلوووس على ولاشي ... وعلى خرابيط وصياعة .... ام سعود : ليش وش صاير ...؟؟ وينه الحين ...؟؟ ابو سعود : انا هالولد حاولت اتفاهم معاه بس ما يبغى يتفاهم .. والشرطة اتصلوا فيني اليوم الصباح وطلبوا مني اجيبه للتحقيق في مشكلة بنات ومخدرات وشقة .. ام سعود شهقت : هيييييي.... لا حول لله ... وسعود وينه ...؟؟ ابو سعود : الولد حاولت اتفاهم معاه واخليه يصارحني .. بس هو وراسه العنيد ما رضى يقول لي وش صاير .. ولا اا اقدر بتليفون واحد اطلعه من المشكلة بدون أي مشاكل .. بس عناده خلاني اوديه القسم واسلمه للتحقيق وهو الحين ف التوقيف تحت التحقيق.. ام سعود : بنات ..؟؟ مخدرات..؟؟ وش تقول انت .. والشقة هذي وش سالفتها ..؟ ابو سعود : ولدك يا هانم .. مشتري شقة باسم واحد مو موجود .. ودافع اجارها من الحساب حقه ... اللي يدخل ف البنك بدون مجهوود طبعا .. انا اللي اصرفه عليه .. عشان يعيش بعز واحترام .. ورقي ... بس ولدك طلع مو وجه نعمة ... راح صرفلي هالفلوس بطالريق الغلط ... خليه ينفع نفسه الحين .. ربعه كلهم اللي كان يصرف عليهم الحين علموا عليه ... واعترفوا انه هو صاحب فكرة لشقة وهو اللي استاجرها .. وهو اللي كان يصرف عليها وكان يعزمهم بعد ... وهو كل شي طاح على راسه .. ام سعود : طيب والحين ..؟؟ انت رميت ولدك ف السجن .. ابو سعود بحدة : خليه .. خليه يتادب ويصير رجال يتعلم من اغلاطه .. خليه يدف الثمن .. يبغى يسوي اشياء غلط .. خليه يتحمل اللي بيجيه من وراها .. !!!! قام ابو سعود وترك الكل في صدمة من اللي سواه سعود .. كلهم يدرون انه صايع .. بس محد درى انه صياعته هذي ممكن توصله لهالحد .. السجن والقضايا المحاكم ... محد توقع ابد ..... | |||||||||
| |
|
07-17-2010, 07:25 AM
| #53 (permalink) | |||||||||
|
مستشار المؤسس ~
|
رد: ودك.. تنامـــــــــي نا مــــــــــــــي..}~ انا :
قمرهم كلهم (( يوم الاربعاء .. بيت ابو سعود )) ( الساعة 11 الصباح )) طلعت دلع من غرفتها .. اليوم تاخرت ف النوم .. بالعادة تقوم الساعة 9 ونص ولا عشرة .. بس لانها سهرت امس .. فاليوم عوضت الي سهرته .. نزلت تحت وسوت لها كوب كوفي كالعادة مع ساندوش لبنة .. ورجعت طلعت فوووق .. ويوم جات بتدخل غرفتها التفتت على غرفة سعود اللي كان بابها مفتوح والمكيف فيها مطفي ..... دلع باستغراب : مو معقووولة ..!؟؟!!؟ راح الشغل ..!؟!؟! معجزة ..!!!! شافت الخدامة طالعة من غرفة سالم اللي جنبها ... دلع : يا ريني .... ريني : نأم مدام ...؟؟ دلع : سعود طلع .........؟؟؟ ريني : لأ.... من امس مافي جا ... دلع : ؟؟؟؟ ما جا...؟؟ وانا اقول هذا مو معقووول يروح الشغل .. وخصوصا انه اليوم اربعاء .. شكله نايم عند واحد من ربعه ..... دلع للخدامة: طيب خلاص روحي شكرا .... راحت الخدامة تكمل شغلها .. ودلع دخلت غرفتها تقرالها كتاب تتسلى فيه .. (( ف مركز الشرطة .. )) ( الساعة 2 الظهر ) كان سعود قاعد في زنزانة التوقيف مع 3 اشخاص .. ما يعرف عنهم ولاشي .. وكل واحد وجهه ما يطمن بخير ابد .... للي مجروح وجهه .. واللي وجه من الوصاخة صاير اسود وريحته طالعة .. والثاني الدب اللي قاعد بدون فنيلة بس بسروال السنة ... وهو الويحد فيهم اللي كان قاعد بملابس نظيفة وشكله مرتب ... والكل يطالعه نظرات تخوف ..... شوي الا يجي الضابط جايب الغدا ... فتح الباب .. الضابط : سعود ... سعود قام : نعم ..؟؟؟ الضابط : هذا غداك ارسلوه اهلك ... اخذ سعود الكيس بامتنان : مشكور ما تقصر... بس لو سمحت الضابط : نعم ..؟؟ سعود : ا... ما اقدر استخدم التليفون ... الضابط ابتسم : بسالك وبردلك خبر قريب انشالله سعود : مشكوووور ... التفت الضابط : هذا غداكم انت وياه ... حط الضابط الغدا ع الارض وطلع وسكر الزنزانة وراه وراح .... اما سعود فقعد ومااات خوف يوم شاف الثلاثة يطالعونه كلهم بوقت واحد ويطالعون اكله.. سعود " يماااا... بسم الله علي.. اخاف اغص بالاكل الحين واموووت من عيونهم " فتح الكيس وحصل صحن مغلف بقصدير .. ويوم كشف القصدير كان فيه خبز ومشاوي .. كباب واوصال لحم .. وقطع دجاج .. مع علبة بيبسي ... ابتسم سعود .. كان مرررة الجوع بيقطعه ... الا ويقطع وناسته .. الاول : اقول يابو الشباب ... منت بعازمنا ...؟؟؟؟ الثاني : أي يعني بتاكل كل هذا لوحدك ..؟؟؟ فتح سعود عيونه ع الاخير من الخوف .. اخذه له قطعة كباب واوصال حطها ف خبزة ... والدف الصحن للثلاثة : ا .. خذوووه حلال عليكم .... ما ابغاه الدب : متاكد ....؟؟؟ سعود : ا.. أي أي متاكد .. م .. ما ابغى شبعان .. و ... والحمدلله .. بدوا الثلاثة ياكلون وسعود في آخر الزاوية وياكل لوحده وميت من الخوف " ياربيييييي طلعني من هالمكان قريب .. </b></i> | |||||||||
| |
|
07-17-2010, 07:26 AM
| #54 (permalink) | |||||||||
|
مستشار المؤسس ~
|
رد: ودك.. تنامـــــــــي نا مــــــــــــــي..}~ انا :
قمرهم كلهم (( بيت ابو بندر )) ( الساعة 8 بالليل ) ابتسم رائد وهو بنزل من السيارة .... كان شايل بيده كيس صغير فيه هدية لدانة .. مشى لباب البيت ودق الباب .... وبعد دقيقة انفتح الباب .. وكانت دانة ... دانة : اهليييييييييييييييييييييييين .... نور البيت ...!!! رائد باسها على خدها : بنور الحلوين .... استحت دانة ومشت مع زوجها للمجلس .. كانت لابسة فستان لتحت الركبة بشوي .. ابيض وعليه نقش باللون البيج ... وداخل فيه تركواز .... ومستشورة الشعر وفاتحته .. دخلوا المجلس وجلسته دانة وجنبها رائد ..... رائد : شلون الحلوة اليوم ...؟؟؟ دانة : بخير الحمدلله .... انت شلونك ...؟؟ وشلون الشغل ..؟؟ رائد : الحمدلله كل شي حلووو .. دام الحلووو هذا كله قدامي ... ابتسمت دانة بخجل ونزلت راسها .... رائد : تستحين دانة ....؟؟؟؟!!!! خخخخخخخ دانة حمر زيادة وجهها ............. رائد : فدييييييييت اللي يستحي انا ...... هههه دانة : رائد خلاااااااااااص ....... رائد :خخخخخ طيب خلاص خلاص ... شوفي شصار بوجهك .... أي صح دانة : شفيك ..؟؟ طلع رائد الكيس : جبتلك هدية ... دانة متفاجأة : شكرااااااااا ... ليش كلفت نفسك ..؟؟ رائد : مافي كلافة ولاشي .. كم دانة انا عندي...؟؟ ابتسمت دانة وافتحت الكيس وشافت داخله علبة كحلية من المخمل .. طلعتها وفتحتها .... الا تحصل ساعة حلوة من الذهب الابيض .... تلمع في وجهها .. ما عرفته دانة وش تقول ... التفتت على رائد والمتنان واضح عليها : تجننننن ...!!!!! رائد : اهم شي عجبتك .... دانة : من جد مررررررررة رووووووعة ... !!!! طلعت الساعة ولبستها ف يدها ... ورفعتها عشان يشوفها رائد عليها... مسك رائد يدها وباسها : يدك هي اللي تحليها والله .. !! بعد يومين من الاحداث السابقة .... سعود للحين ف التوقيف ... وللحين مو راضي يعترف بشي .. ويقول انه ماله دخل بالسالفة كليا ... اما ابو سعود .. فكان ينتظر ويشوف ولده وش بيسوي وشلون بيطلع نفسه من الموقف اللي انحط فيه ...... وكان متوقع يصير أي شي فيه ... بما فيه السجن .... دانة ورائد عايشين حياتهم على احسن حال .. وما في شي يشغلهم الا المستقبل وبس...!! ابو فيصل قعداته مع ابو غادة كثرانة ... وصاير يحرضه على اهله .. وانه لازم ما يعطيهم حرية زايدة ولازم ينتبهلهم على الطالعة والنازلة .. وابو غادة مع كل يوم تبدا فكرة جديدة تدخل في باله .... (( يوم السبت .. مكتب المحامي حمد )) ( الساعة 1 الظهر ) خلص ثامر محاضراته بدري .. وقرر يطلع ويتغدا .. وهو بالسيارة .. فكر يمر على اخوه بندر ويطلع معاه يتغدوا سوا .... طلع جواله ودق على بندر ..... بندر : الو ... ثامر : الووووو ... بندر : هلا ... هلا ثامر ... ثامر : كيف الحال ...؟؟ بندر : هههه بخير .. توني من ساعتين شايفك .... ثامر : هههههه أي والله صدقت ...اسمع ... انت وين الحين ..؟؟ بندر : انا ف الطريق للبيت ليش...؟؟ ثامر : والله ..؟؟؟ اصبر طيب لاترجع ..... بندر : ليش..؟؟ ثامر : قوم خلينا نروح لنا مطعم نتغدى سوا ... من زمان عن الغدا ف المطاعم .. بندر : أي والله فكرة ... خلاص .. يقولون فتحوا كنتاكي ف المريكبات جديد .. تروح ..؟ ثامر : المريكبااااات ...؟؟ ياحبك للاماكن البعيدة .... بندر : يللا عاااد.. والله جديد .. نروح نشوف المكان ... ثامر : خلاص طيب .. اشوفك هناك ... بندر : اوكي ... ثامر : مع السلامة ... بندر : مع السلامة .. سكر ثامر عن بندر وغير طريقه للمريكبات ....... | |||||||||
| |
|
07-17-2010, 07:28 AM
| #55 (permalink) | |||||||||
|
مستشار المؤسس ~
|
رد: ودك.. تنامـــــــــي نا مــــــــــــــي..}~ انا :
قمرهم كلهم (( قدام الثانوية .. سيارة ابو غادة )) ( الساعة 2 الظهر .. ) كانت غادة واقفة برى مع اورى كالعادة وينتظرون سياراتهم ... يحبون الوقفة برى عشان الحارس ياخذ وقت بين ما يتصل ف المدرسة ويقولهم على السيارات اللي جات واسماء البنات .. عشان كذا صاروا يوقفون برى .... وبين ما غادة واقفة شافت سيارة وقفت قدامها وانفتح الشباك .. وشاااافت ابوها واقف.. نقزت غادة من الفرح : وااااااااااي ... بابا جاي ياخذني ... !! اروى وقفت : هذا ابوووك..؟؟ والله مو شكله كبير غادة ضربتها على كتفها : يا حمااارة تراه ابووي .. يللا بروح باي اروى : هههه باي ... ركبت غادة قدام جنب ابوها وتحركت السيارة ...... ويوم صاروا على الشارع العام .... ينتظرون الاشارة تفتح ابو غادة : ممكن سؤال ..؟؟ وش كنتي تسوين برى ..؟؟ غادة : واقفة انتظر السواق .. ما دريت انك بتجي تاخذني ابو غادة : يعني لو دريتي اني انا جاي آخذك بتدخلين ... غادة : لأ.... احسن لما اوقف برى .. اشوف السيارة وعلى طول اركب .. مو اقعد واستنى ساعة تتكرم الابلة تنادي ... ابو غادة بحدة : طيب اسمعي .. من بكرة طلعة كذا برى مافي ... فاهمة ...؟؟ غادة : أي بس بابا انا دايم اوقف برى ما تقول لي شي .. ابو غادة : خلاااص .. من اليوم مااافي .. تقعدين برى وش تسوين..؟؟ تبين احد يتحرش فيك يعني ..؟!؟!؟! ها..؟!؟!!؟ تكلمي .. تبغي شباب يغازلوووونك ...!؟!؟؟!!؟ غادة انصدمت : بابا وش قاعد تقوووول ...؟؟؟ لا تكلمني كذا ... انت تعرفني زين.. انا تربيتك .... !!!!! شلون تقول لي كذا ..؟؟؟؟ ابو غادة بدا يصارخ : وشكلي ما عرفت اربي ... جايبلي وحدة توقف برى تستعرف جمالها قدام الشبااااب واللي رايح واللي جاي....!!!!!! من بكرة لو اشوووفك برى ياويلك .. ولا تحسبين اني ما بكون موجود وما بشوفك.. تراني اراقب كل حركة تسوينها بس بدون ما تدرين فاهمة ...!؟؟!؟! من الحين اقوولك ... احترمي نفسك وخلك ماشية زي الناس .. ولعب بنات الشوااارع هذا مو عندي فاااهمة ..!.!؟!؟!!؟؟!؟!؟! انصدمت غادة ... ابد ما توقعت .. ابوها .. صديقها . يقول لها هالكلام .. وش بقى .. بهالكلام اتهمها باشياء كثيرة مو من اخلاقها اصلا ... واشياء ما سوتها من الاساس .. ما درت بعمرها الا ودموووع القهر نازلة على خدودها ..... وما وقفت لين وصلوا البيت .. وساعتها نزلت وصقعت الباب .. ودخلت البيت وهي داخلة ف صياح قوي .. ام غادة شهقت : هييييييييي.... شفيك ...؟؟ غادة حبيبتي كلميني .. غادة ما عطتها وجه وكملت مشيها لغرفتها ..... بعدها دخل ابو غادة معصب ... ام غادة : شفيها البنت ...؟؟ ابو غادة : بنتك هذي لو ما ربيتها من جديد.. ما اكون ابراهيم ... ام غادة : ليش وشفيك ..؟؟ وش سوت ..؟؟ ابو غادة منفعل : واقفتلي قدام الرايح والجاي حضرة جنابها عشان الناس يشوفونها ويعاكسوووونها ....!!!!!!!! ام غادة : ابراهيم وش هالكلااااام.. ترى بنتنا متربية تربية زينة .. ما يصير تتكلم عليها كذا ابو غادة عصب : انتي مو شغلك .. انا وبنتي وكيف اتكلم عنها وكيف اعاملها وانا حر .. فاهمة ..؟؟؟؟؟ ام غادة : الحين انت وشفيك...؟ داخل تبغى تهاوش غصب..؟؟ غصب تتهاوش ...؟؟ ابو غادة بعناد : أي ابغى اتهاااوش .. عند مااانع .. اصلا انا ما اهاوش لو ماكان في شي غلط .... تركها وطلع لغرفته يغير ملابسه ..... ام غادة : اعووووذ بالله .. هذا وش صارله اليوووم ..؟!؟!؟!؟!؟! (( ف كنتاكي المريكبات .. )) ( الساعة 2 ونص ) بما انه كنتاكي هذا جديد ... فكاااان مرررررة زحمممة .. والطلبات جات متاخرة ... قعد ثامر وبندر اخيرا بعد ما حصلوا لهم طاولة فاضية ياكلون عليها ... ثامر : شلون الشغل .......؟؟ بندر : بخير الحمدلله .. ثامر : والقضية اللي مستلمها وش صار فيها .....؟؟ بندر : والله القضية هذي بتطلع لي قروووون .. تدري للحين الشرطة ما عرفت من صاحب الشقة ....!!! ثامر : أي شقة...؟ بندر : الشقة اللي قلت لك صادوووهم فيها ... ثامر : آآه .. أي أي صح تذكرت ... تعال . الحين هالشقة وين مكانها ...؟؟ بندر : في حي ( .... ) ثامر : طيب وين بالضبط ....؟؟ بندر :عمارة الـ (.....) الدور السادس .. الشقة رقم 22 .. ثامر : لا تقوووووول .............!!!!!!!! بندر : بسم الله وشفيك ....؟؟ ثامر: متاكد من الشقة ........؟؟ بندر : أي متاكد ليش..؟؟؟ سكت ثامر شوي وكمل اكله وهو ساكت .......... بندر : ثامر ....؟؟ انت تعرف شي عن هالشقة ...؟ ثامر بدون ما يطالع ف بندر : لأ.... بندر: اجل وش السالفة قوووووول ...؟؟ ثامر تنهد بعدين : اقولك بس انا مالي دخل ... بندر : طيب بس قووول وش تعرف عنها ...؟؟ ثامر : بندر انا مرة كنت معزوم انا وخويي عبدالملك ف شقة واحد من الربع القريبين زي ما قال .. المهم هو ولا مرة راح ذاك المكان وانا نفس الشي .. عشان كذا رحنا سوا .. المهم يوم دخلنا الشقة .. وقعدنا شوي .. ما عجبنا الوضع .. اغاني والصوت يفقع الاذن .. كاننا ف ديسكو ... عاد انا يوم التفت على المطبخ الصغير الموجود ف الشقة .. كانوا الشباب يصبون لهم شي ف كاسات صغيرة .. عاد انا جاني فضووول اعرف وش السالفة .. رحت وسالتهم وش هذا .. الا رد علي واحد منهم .. هذا اللي بيخليك مرتااااااااااااح ... انا انصدمت وفهمت وش يقصد هو .. وبسرعة مسكت عبدالملك .. وجينا بنطلع .. الا وتجيني الصدمة الثانية .. يوم فتحت الباب .. شفت حرمة عجوووز ومعاها 3 بنات ... وكل وحدة مغطية وجهها ... الا وتقول العجوز .. وين يا حلوين.. ما بعد تبدى الحفلة .. انا هنا اتخرعت .. طلعت اركض ووراي عبد الملك لين ما وصلنا للسيارات .. ركبناها وتحركنا من هالمنطقة .. وما قلنا لاي احد عن السالفة .. بندر كان يسمع بكل اهتمام : ومافي أي واحد من اللي كانوا موجودين تعرفهم ..؟؟ ثامر يتذكر : ممممم .... لأ بندر : وعبدالملك ما يعرف أي واحد منهم .......؟؟ ثامر : مدري والله ما سالته .... اصلا ما ما جبنا طاري هالسالفة من جديد ... وكانها ما صارت .. يعني نسيناها كليا ... بندر : ومتى صار كل هذا ...........؟؟ ثامر : ا... من حوالي 5 شهووور بندر : طيب .... تذكر شكل أي واحد فيهم زين ...؟؟ ثامر : اذكر شكل اللي كلمني عن الشراب ... وغيره ما ركزت عليهم .. بندر : طيب تعرف سعود ولد عبدالله الـ ( ..... )؟؟؟ ثامر : سعود ...؟؟ لأ .. بندر : تصدق احس انه هالقضية قريب بتخلص ... وبتنحل .. وكل واح متورط فيها بيتحاسب ...................... ثامر : شلون ...؟؟ بندر : بعدين بتعرف .. كمل كمل اكلك ... وكملوا اكلهم وبعدين رجعوا البيت عشان يرتاحون شوي قبل ما يروحون لدواماتهم ... (( بيت ابو سعود )) ( الساعة 5 المغرب ) ام سعود كانت معصبة وقاعدة ف الصالة .... ام سعود " افففففف ... هذا وش اسوي معاه ..؟؟ ناوي يفضحنا يعني ...؟؟ ما بقى احد ما درى انه ولدي ف السجن .... والله وراحت فيها سمعتك يا باسمة..!.!!!!!! وش بتسوين .. وش بتسوين...؟؟؟؟؟ مدري والله .. بس هالرجال بيجنني .... ناوي يذبحني وانا توني صغيرة ...!!!!!!!! افففففففففف " جات لينا : مامااااااااااااا .... ماما .... ام سعود بزهق : نعم..؟؟ خير ..؟؟ وشتبغين بعد ..؟!؟!؟ لينا : بسم الله ...!!!!! وش قلنا .. هذا وللحين ما قلت شي .. لو اقووول وش بتسوين..؟؟ ام سعود عصبت : قولي بسرعة ولا انقلعي مالي خلقك ... !!! لينا : خلاص خلاص .. مو لازم ... انا بقول لابوي ع الاقل يسمع ......!!! ام سعود : تعاااالي هنا .. تعالي يللي ما تربيتي زي الناس .. انا شكلي بعيد تربيتك من جديد .. واقص لك لسانك هالمرة ....!!! لينا شردت بسرعة لغرفتها وقفلت الباب وشبكت النت وقعدت تكلم صديقاتها ع المسن.. وف الصالة .... قررت ام سعود تدق على القسم ... وبالفعل دقت .... الموظف : الووووووو باسمة : الوووو السلام عليكم ... الموظف : وعليكم السلام .... باسمة : لو سمحت اخوووي .. انا ولدي عندكم ف التوقيف ... وابغى اكلم لضابط المسؤووول ... الموظف : مافي احد مداوم الحين صراحة غير الضابط مشاري.... باسمة : طيب ممكن تعطيني اياه لو سمحت ....؟؟؟ الموظف : لحظة بس .... شوي الا حولها على الضابط مشاري اللي كان يستجوب سعود ..... الضابط : الووو باسمة : الو السلام عليكم الضابط : وعليكم السلام .. باسمة : اخوووي انا ام سعود ..... الضابط : يا هلا والله ... آمري اختي ... باسمة : ياخوي ولدي وش صار عليه ...؟؟ وش بتسوون فيه ...؟؟ الضابط : يا اختي انتي عيني خير .. وانشالله ما يصير الا اللي كتبه ربي.. باسمة : ليش ولدي وش مسوي ..؟؟ الضابط : للحين مانا متاكدين .... بس لما نتاكد بنبلغكم انشالله ..... باسمة : اجل ليش حاطينخ ورامينه ف المركز....؟؟؟؟ الضابط : يا اختي هذي اجراءات سمية لازم نطبقها ...... باسمة قامت تصارخ: وش رسمية ... ماخذ ولدي ومخليه ينام ع الارض وياكل من الاكل الخربان وتقول لي اجراءات رسمية ..!؟!؟!؟! دامكم مو متاكدين من الشي اللي مسويه ولدي المفروض ما تحتجزووووه ....!!!!!! الضابط انفعل : يا ام سعود ... انتي تعرفين ولدك بالضبط وش مشتبه فيه ...؟؟؟ قبل ما تقعدين تهاوشين وتعترضين ع القوانين .... اتاكدي ولدك وش مسوي ....؟؟ باسمة : وش مسوي ...؟؟؟ الضابط : ولدك مشتبه فيه انه مستاجر شقة .. يهرب لها خمر .. ومخدرات ... ويجيبون فيها بنات ... وصارت فيها كثير حوادث اغتصاااب ...!!!!!!!!!!!! باسمة انصدمت : ولدي انا ..؟!؟!؟!؟!؟ سعووود ..!؟!؟!؟! الضابط حس انه ام سعود منصدمه : بس للحين ما اتاكدنا من انه هو اللي مستاجرها .. بس في ناس شاهجين انه هو .. وهالناس هذي هم ربعه .... عشان كذا في ادلة قوية ضده ... بس للحين ماهي كافية عشان تدينه ...!!!!!! باسمة سكتت وبعدين قالت : اخ مشاري.... الضابط : نعم ...؟؟ باسمة : ان كان ولدي له يد ف هالسالفة .. لله يخليك حطه ف السجن للابد .. خليه يتعفن فيه ... ما نبغى نشوووف وجه طول الحياة ..... طلبتك تنفذ لي هالشي لو صدق ولدي كان ف السالفة ......!!!!!!!!!!!!!! انصدم الضابط .. بس بنفس الوقت تفهم مو قف باسمة ... اللي ربت ولدها وتعبت عليه –كما يظن- والحين يفاجئها بجريمة زي هالجريمة ..... !!!!!!!!!!!! (( بيت ابو غادة )) ( الساعة 7 بالليل ) كانت غادة قاعدة ف الصالة تطالع تلفزيووووون .... وجنبها سمر اختها معاها ... وامها قاعدة تكلم ف التليفون .... شوي الا ابوها نازل وقالب وجهه ومكشر ..... سمر : اووه اوووه ... وش فيه ابو الشباب معصب...؟!؟!؟!؟! حقرها ابوها وكمل مشيه لين ما وصل عند ام غادة واشر لها تسكر السماعة شوي .. سكرت ام غادة : وين رايح...؟؟ ابو غادة : يعني وين..؟؟ بروح اتمشى انا وعثمان ...... ام غادة : طيب بتتعشى معانا ولا معاه..؟ ابو غادة : بتعشى معاه ... ام غادة : الله معاك .. ابو غادة :توصون على شي.........؟؟ ام غادة : سلامتك ... سمر : الا نبغى .... ابو غادة : افف .. شتبغين خلصيني... سمر : ابغى اروح المكتبة .. ابو غادة : ليش..؟؟ سمر : ابغى اقلام.... ابو غادة بعصبية مالها داعي : مافي اقلام .. توني من يومين مشتريلك مقلمة كاملة.. وين وديتيها ... سمر : ضاعت ... ابو غادة : مو شغلي.. خليك بدون مقلمة عشان تتعلمي تحافظي على الاشياء ... لاقي الفلوووس ف الشارع انا .......؟؟ ولا قاعد لكم على بنك...!!!!!!!!؟؟ طلع من البيت بعد ما سكر الباب بقوة ... سمر : يووووووووه .. هذا وش فيه معصب كذا..؟؟؟ ولاعمره سوى هالحركات ....!! ام غادة : معليه ولا تحطين ف خاطرك .. معصب شوي من الشغل .. لفت غادة زعلانة : لا مو من الشغل .. من الصباح وهو يهزئ فيني وانا ساكتة له ... خلاااص عاااااد .. تراه زهقنا ... وش فيه قلب فجأة كذا ...؟؟ ما سوينا له شي...!!!! ام غادة تنهدت : هـــــــ.... لا حول ولا قوة الا بالله .. (( يوم الاحد .. بيت ام عبيد )) ( الساعة 4 العصر ) ام سعود : والله يا ام عبيد تعبت معاه ... تخيلي ينام ف غرفة ثانية .. وما ياكل معانا .. وطول وقته برى ... وما يقعد يسولف ولا يكلمنا .... وبس هواش ف هواش..... ام عبيد : انتي الغلطااانة ...!! ام سعود : انا ......؟!؟!!؟ وش سويت انا .. هو اللي دايم يتسبب ويسوي مشاكل.. ام عبيد : انتي يالهبلة .. المفروض ما تخليه ينام ف غرفة بروحه ... ام سعود : وش اسويله ..؟؟ اقفل عليه الباب ف غرفتي يعني ..؟؟ ام عبيد : لا يا ذكية .... روحي وراه الغرفة ذيك.. لتخليه يبعد عنك ابد ويروح غرفة ثانية .. خليك دوم مع زوجك ف نفس المكان .... دلليه وراعيه وطيبي خاطره عشان يصير خاتم ف اصبعك..... ام سعود : ما ينفع .... ينررررررفز .... مررة يقهههر .. حركاته سخيفة ... ام عبيد : معليه .. طولي بالك وكبري عقلك .. ودلليه شوي .. وبتشوفين بعد فترة ما بيرفضلك ولا نص طلب..... ام سعود : رايك كذا ..؟؟؟ ام عبيد : مو بس رايي .... رايي كل الناس كذا .... ام سعود : خلاص بشووووف ام عبيد : مو تشوفين .... من اليوم تتغيرين ... من اليوم .. صارحي زوجك بكل شي .. وخليك طيبة معاه .... وبتتحسن علاقتكم انشالله ... (( سجن التوقيف .. )) ( الساعة 9 بالليل ) كان سعووود طفشااان وواصلة معااااه .. خلااااااااااص .. هالمكان ما يقدر يتحمله ابد ... ولا عمره انحبس بمكان اكثر من 5 ساعات ... بس في هالمكان بالذات .. صارله 3 ايام ... ينام على الارض ... عايش ف الحر وعل المكيفات الضعيفة واللي ريحتها مرة موحلوة ... هذا غير الطفش والملل ... الثلاثة اللي معاه يخوفون ومالهم امان .. مايدري وش سالفتهم .. وش مسوين....؟؟ يمكن ذابحين ناس .. يمكن خاطفين ناس... او يمكن ارهابيين ...!!!!! كان مرة خايف ويااااائس لدرجة .... وقف عند الحدايد او اللي يسمونها بالاحرى ( القضبان ) .. وقام يصاااارخ : طلعوووونيييييييييييييييييييي.... خلاااااااص ... خلاص والله خلااااااص ... حرام عليكم ابغى اطلللللللع .... اقولكم طلعووووووووووووني ... الحين طلعووووني ... انا ولد عبدالله ماني قاعد ف الهامكان ... سمعتووووووووووو .... انا ما اقعد ف هالمكاان .. انا مكاني مو هناااااااااااا... مو هنااااااااااااا..... طلعوووووووووووووووووووني ... الحين تطلعوووني .. دقوا على ابوي وهو بيتفاهم معاكم ... دقوا عليه الحيييييييييييييييييييييييين ....!! جا الضابط معصب : نعم..؟؟ خير...؟؟ وش عندك تصارخ ...؟؟ سعود : ما تسمع ...؟؟ اقولك طلعنييييي.... والله طفشت .. !! انا ما سويت شي فاهم...؟؟ ما سويت شي.... الضابط : هالموضوع تناقشه مع الضابط مشاري من معااااااي .... سعود بانفعال : وينه هالضااابط مشاااري ها...؟؟؟ ناديلي اياااه الحين ... الحين جييييييبه ........ الضابط : بس عااااد..!.!!!!!! انت لك وجه تتكلم بعد ...؟؟ اللي زيك ماله حق ينطق بحرف واحد ..... سعود مسك شعره وشده بقوة : انت ما تفهم ...؟؟؟؟ ابي اطلع ابي اطللللللللع .... !! ما ني قادر اتحمممممممممممممممممممل ....!!!!!!! تركه الضابط وراح وخلاه يكمل صرااااخ مع الجدار .... (( بيت ابو سعود )) ( الساعة 11 بالليل ) بعد ما هاوشت لينا وخلتها تطلع وتنام .... ودلع بعد نامت .. وتاكدت انه سالم نايم ومعاه فيصل بالغرفة ..... قعدت ف الصالة بعد ما لبست شي زي الناس .... تنتظر زوجها وهي تحاول انها تكون الزوجة الطيبة الحنووونة المتفهمة اللي يتكلمون عنها الناس دايم .......... واللي تراعي زوجها وتحرص على راحته ومصلحته .... شوي الا دخل ابو سعود ....... قامت ام سعود وقربت : تاخرت ....؟؟؟ ابو سعود بهدوء : كان عندي واحد جاي يبغاني بموضوع .... كان خاطرها تسال عن الموضوع بس مسكت نفسها وسكتت ... ما تبغى تخرب كل شي هي مخططة له ..... باسمة : احطلك العشا...؟؟؟ ابو سعود مستغرب : ها...؟؟؟ أي طيب ... بغير وبنزل .... ابتسمت باسمة وراحت تحط له الاكل لاول مرة من مدة طويلة .. صح ما كان ودها .. بس اللي ببالها كان يستاهل هالتنازلات ...... ويوم نزل ابو سعود قعدت معاه وتعشوا والوضع كان هادئ .. سوالف عادية ... وطبيعية مرة ..... ابو سعود : كم باقي للمدارس...؟؟؟ ام سعود : حوالي شهر ونص .. بعدين اجازة اسبوووع .. وبعدين يداومون شهرين تقريبا ....... ابو سعود : الله يعينهم .... ام سعود : ترى انا هالمدرسة اللي تدرس فيها لينا مو عاجبتني ابد .... ابو سعود : ليش...؟؟ ام سعود : مديرتهم مرررررة كريهة ... ابو سعود : رجعنا ...؟؟؟ شعليك من الحرمة انتي ..؟؟ اهم شي التدريس فيها زين .. ومدرسة محترمة .. كل اللي فيها راقيين .. مافيهل لحوووج وهمج ..... !!!!! قلبت ام سعود وجهها وكملت اكلها بهدوووووووء ....... ابو سعود : شرايكم ناخذ لنا شاليهات ع الويكند ....؟؟؟ ام سعود : ممممم ... مع انه ام فلان عازمتني على عرس ولدها ... بس بشووووف ... ابو سعود حط الاكل على السفرة وقلب وجهه : بس هذا اللي انتي فالحة فيه...؟؟ عزايم واعراس ...؟؟؟ عيالك وينهم من حياتك ها...؟؟ انا ويني من حياتك..؟؟ قوليلي ... لاني صراحة ما ادري .. وصرت بصراحة اشك انك تعتبرينا عائلتك....!!!!!! قام وطلع غرفته ينام .. وتركها قاعدة محبطة .. وتلوم نفسها على اللي قالته ... (( يوم الاثنين ... بيت ابو فيصل )) ( الساعة 11 الصباح ) رن التليفون الصباح على غير العادة ... قامت نسايم من النوم وردت ... نسايم : الوووو .... ام نسايم : الوووو ... السلام عليكم تجمعت الدموع كلها ف عيون نسايم : ماما...؟!؟!؟!؟ يا هلا وعليكم السلام .. ام نسايم : كيف حالك يا بنتي ..؟؟ وحشتيني والله ... نسايم : ماما حتى انتوا وحشتوني << طلع العرق الحجازي الحين ... !! خخخخخ كيف بابا وعمو عصام وعمو غازي...؟؟؟؟ ام نسايم : طيبين والله كلهم يسلموا عليكي.... ها ايش صار مع عسمان..؟؟ ( عثمان بالحجازي ههههه ) نسايم تنهدت : هــــ ... خليها على ربي يا ماما ؟.. واللهي مو راضي .. وكل ما كلمته بالموضوع ... يقوم يهاوش ويسكره ... ام نسايم : ياربيييييي... هادا ايش مفكر نفسه ....؟؟؟ تراكي بنتنا قبل ما تكوني جوزته ( زوجته ) ..........!!! نسايم : والله يا ماما اكلمه... ودايما يصارخ ويزاعق عليا .. وانا ما سويت له حاجة .. بس .. تعبت واللهي تعبت .... ايش اعمل..؟؟؟ ام نسايم : اففففف... شوفي يا بنتي .. هادي الاشكال .. ما ينفع معاها اليب.. انا حخلي ابوكي يكلمه ويتصرف معاه .. جاله البلا انشالله ... يبغى يحرمني من بنتي ..!؟!؟ لا والله العظيم لا اوريه ... انتي ما عليكي .. سوي ولا كانك كلمتيني طيب..؟؟ وانا حخلي ابوكي يأدب هلّي ما اعرف ايش شكله ...؟!؟!؟! ولا يهمك ... خليها على امك..... !! نسايم ابتسمت : هههههه تسلمي يا ماما .. خليه يكلمه .. لاني مرة تعبت وقرفااانة من هالعيشة .... !!!! | |||||||||
| |
|
07-17-2010, 07:29 AM
| #56 (permalink) | |||||||||
|
مستشار المؤسس ~
|
رد: ودك.. تنامـــــــــي نا مــــــــــــــي..}~ انا :
قمرهم كلهم (( بيت ابو سعود )) ( الساعة 12 ونص الظهر ) كانت قاعدة في غرفتها وزهقانة ... القعدة ف البيت خلتها تعوض الوزن اللي خسرته ايام كانت مكتئبة وما تاكل شي .... والحين نقدر نقول انه جسمها صار من احلى ما يكون ... بس طبعا النفسية عكس كل هذا .... يوم عن يوم . دلع تزداد يأس من هالحياة .. ويوم عن يوم تزيد ساعات قعدتها ف الغرفة لوحدها .... ويوم عن يوم بعد .. صارت تتمنى الموت .. ويوم عن يوم .. ابتعدت عن أي شي يخليها تحتك في ام سعود ويسبب لها مشاكل.. لانه اللي جاها للحين كافي .. ما تبغى اكثر من كذا ......... ممدة على السرير وماسكة المجلة اللي قرأتها اكثر من 20 مرة هالاسبوع .. وتقراها من جديد .. لابسة بيجاما وردية ... ورافعة شعرها أي كلام .. وطبعا الوجه اقشر املح.. جا على بالها تطلب لها فطور من مطعم .. بس ما عرفت وش تطلب ... وبعد التفكير .. خطر على بالها تطلب بيتزا للغدا اللي ما بقاله غير ساعتين تقريبا .. بس بعدين فكرت انه قبل ما يوصلوا لينا وسالم من المدرسة بربع ساعة بتطلب .. عشان ما يبرد الاكل .. ومع هذا كان خاطرها فاكل من برى ... جات بتتصل من الغرفة بس تذكرت انه ام سعود شايلته .. عشان كذا طلعت من الغرفة وتاكدت انه ام سعود مو موجودة ف البيت ابد .. ونزلت للدور اللي تحت .... رفعت سماعة التليفون واتصلت على مطعم وطلبت فطاير جبن وزعتر ولبنة .... وقعدت على التفزيون تشوف لها أي شي يسليها .... ويوم مرت الخدامة .... دلع : اقووول ريني .... ريني : نأم...؟؟ دلع : وين ماما باسمة ...؟؟ ريني : ماما باسمة روووح بيت ماما شريفة .. دلع : اهاا .... طيب سعود راح الشغل اليوم بعد...؟؟ ريني : مافي معلوووم دلع : شلون ما في معلوم...؟؟ ما شفتيه الصباح ...؟؟ ريني : ما في موجود ... انا مافي شوف من 3 يوم.... دلع عقدت حااجبها : ها...؟؟ شلون..؟؟ ما رجع البيت ابد ...؟؟ ريني : لأ .... دلع : غرييييييييييييييييييبة...!!!! ريني : تبغي شي تاني ....؟؟ دلع : ها..؟؟ لأ خلاص روحي شكرا ..... راحت الخدامة وخلت دلع مستغربة من السالفة .... دلع : هذا وين راح...؟؟ مو معقولة صارله 3 ايام مو ف البيت..!؟!؟!؟ والله لو يدري عمي لا يذبحه .....!!!!! الا بس والله يمكن .. انا ما صرت اشوووفه ابد ... اجل صدق السالفة ... الله يستر بس ...... (( جامعة محمد بن فهد )) ( الساعة 1 الظهر ) كانت ريم ف الجامعة وقاعدة ف الكافيتيرا متنرفزة وواصلة معاها ....... وحدة من البنات : شفيك معصبة ...؟ ريم بانفعال : هالسواق انا بذبحه ... خلاااااص زهقت .... !!!!! البنت : ليش...؟؟ ريم : يعني صارلي ساعة ونص انتظر .. قلنا الطريق طويل طيب .. بس مو كذا يتاخر ...!! اففففففففففففففففففف البنت : هههههه تبين اوصلك.....؟؟ ريم : لأ.... ما ابغى شكرا ... طلعت جوالها واتصلت على ابوها ..... ابو رائد : الوووو ... ريم : الووو .... بابا والله زهههههههههقت ...!! ابو رائد : ليش ..؟؟ شفيك حبيبي ...؟؟ ريم : تخيل صارلي ساعة ونص قاعدة انتظر السواق ... بس ما جا .... بابا انا مرة تعبانة ابغى انام ..... ابو رائد : طيب زين بشوفلك رائد ..... ريم : اوكي ... باااي سكر ابو رائد من بنته ودق على رائد .... رائد : هلا والله ..... ابو رائد : هههه يا حليلك يا رائد ... والله وصاير رايق ... اثره الزواج فادك كثير ...!!! رائد: هههههههه شخبارك يبا ...؟؟ ابو رائد : بخير .... كذا يالقاطع ما تتصل تشوف شخباري ..؟؟ تبغاني انا اللي اتص دايم يعني ...؟؟ رائد : هههههههه افاااا .. اصلا انت دومك على بالي ... بس يبا تعرف ابو بندر الله يهديه .. ما يحب احد يفتح جواله او يكلم فيه وهو ف الشغل ... يقول وقت الشغل شغل .. ووقت السوالف سوالف ..... ابو رائد : ادري .. والله انه رجال .. هو الوحيد اللي عرف يضبطكم والله ... عفيا عليه ... الا صح والله .. اخذتني بالسوالف ونسيت اقولك شي .... رائد : آمر ..... ابو رائد : ما يآمر عليك عدو .. بس اختك مدري وش فيه السواق تاخر عليها .. صارله ساعة ونص ما راح لها .... وهي تقول انها مرة تعبانة .... وخلص دوامها من زمان وتبغى ترجع ترتاح .... تقدر تروح تجيبها ...؟؟؟؟ رائد : يبااااااا ... حرام عليك وربي جامعتها بعيدة .... والله مرة بعيدة عن الورشة .. !!!! ابو رائد :معليه يا رائد .. بس اليوم ... وانا هالسواق الحيواااان بتفاهم معاه بعدين .. بس اهم شي اختك الحين ... تدري فيها ما تتحمل شي لا عصبت .. واخاف تبدى تصيح هناك .. واذا صاحت محد بيوقفها .... رائد : هذي البنت تدليعك لها والله خربها ... يبا البنت كبرت .. خلاص .. كم باقيلها عشان تتزوج ..؟؟ اقل من سنتين .. خليها تعتمد على نفسها ... وخليها تنتظر لين ما يوصل لها السواق .... بلا دلع وبلا خرابيط ....!!!! ابو رائد : يا رائد هذي ريم ... مو أي احد ... تكفى قوم جيبها .. الله يخليك .. رائد تنهد : هـــ..... خلاص تامر امر ... ابشر .. الحين بطلع بجيبها .. وبرجع معاها البيت.. ابو رائد : فديتك انا .. هذا ولدي اللي افتخر فيه ...!!! سكر رائد عن ابوه وراح يجيب اخته من الجامعة بعد ما استأذن من ابو بندر طبعا اللي وافق على طووووول وبدون تردد .... ( الساعة 9 بالليل ) دخل ابو رائد معصب البيت .... ام رائد : وشفيك...؟؟ عبدالهاااااااااااادي .. التفت ابو رائد : نعم..؟؟ ام رائد : شفي معصب ..؟؟ عسى ما شر ..؟؟ ابو رائد بضيق : ياخي هالسواق بيجنني ... صارله اكثر من 3 شهووور وماهو راضي يتعلم عربي .. والمشكلة ما يعرف يتكلم انجليزي بعد ... عجزت وانا احاول اكلمه .. واتفاهم معاه ... بققققققققققر ... ما يفهم ...!!! ام رائد : طول بالك معليه ... اصبر عليه شوي شوي يتعلم .. ابو رائد : ون يتعلم ...؟؟ هذا خلاااص انا اصلا طردته .. قلت له لا اشوووف وجهك الا ف المطار .... ام رائد : والحين مين بيوصل البنت الجامعة ..؟؟ ابو رائد : مدري والله... رائد ام رائد : ودوام رائد..؟؟ لا تنسى ما نبغى ابو دانة يزعل عليه .... ابو رائد بعد تفكير : خلاص انتي ما عليك .. انا عندي واحد يوديها الجامعة ويجيبها .. ام رائد : مين ...؟؟ ابو رائد : عندي موظف محترم مرة وانا اثق فيه بصرااحة ... اسمه احمد .. ويصير اخو ابو بندر ... رجال محترم وكبير وعاقل .... ام رائد خافت : وا قردي ...!!! بتخلي بنتي تطلع مع سعودي... وعزوووبي بعد .!.!؟!؟ ابو رائد بضيق : يا حرمة بلاحركات الحريم السخيفة هذي ...!!! خلاص قلنالك نثق فيه .. والبنت ما عليها شر انشالله ... لا تخافين عليها ... انا طالع المكتب .. طلع ابو رائد المكتب بعد ما طرد السواق وقرر يطلب من احمد يوصل ريم الجامعة كل يوم ويجيبها .... | |||||||||
| |
|
07-17-2010, 07:31 AM
| #57 (permalink) | |||||||||
|
مستشار المؤسس ~
|
رد: ودك.. تنامـــــــــي نا مــــــــــــــي..}~ انا :
قمرهم كلهم (( يوم الثلاثاء ... غرفة ابو سعود وام سعود)) ( الساعة 4 العصر .. ) رجع ابو سعود وجاب اغراضه لغرفة زوجته بعد ما صلحوا كل اللي بينهم من مشاكل الليلة اللي فاتت ..... وقرروا يفتحون صفجة جديدة من حياتهم ويبدون من جديد ... ابو سعود قعد على السرير يبغى ينام : تدري انا امس قلت للعيال عن سعود ..؟؟ باسمة : ليش...؟؟؟ حراام تقولهم .... ابو سعود : بصراحة دلع سالتني قدامهم كلهم وانا بصراحة ما قدرت اسكت .. فقررت اقولهم عشان ما يسالوني كل شوي .... باسمة بحقد : هذي شتبغى بعد تسال عن الولد .. ما كفاها اللي صار ...؟!؟!؟ ابو سعود باستغراب : اللي صار ..؟؟ ليش وش صااار ...؟؟ باسمة انتبهت لزلتها وما عرفت تصرفها فقالت بذكاء وهي تجلس جنب ابو سعود: انا كنت ابغى اقولك عن هالموضوع من زمااااااان ..... بس كنت خايفة .. بس الحين الاحداث تطورت وزادت ... فلازم اقولك ... ابو سعود مستغرب : قولي وش صاير .....؟؟؟ عسى ما شر...؟؟ ام سعود : قبل حوالي شهرين .. بعد عيد الفطر بخمس ايام بالتحديد .. طاحت علينا دلع تذكر ....؟؟ ابو سعود : أي..... ام سعود : وبعدها بـ 3 ايام طاحت من جديد ووديناها المستشفى صح ...؟؟ ابو سعود : أي صح ... ليش..؟؟ ام سعود : انا ما رضيت اقولك .. لانه المشاكل اللي كانت بيننا كانت كافية .. وما حبيت ازيد الطين بلة ..... وازيد المشاكل في هالبيت ... ابو سعود : يالله منك ... تكلمي بسرعة ... شفيه...؟؟ ام سعود : الله يسلمك .. دلع يوم طاحت علينا كانت حامل .......!!!!!!!!!! قام ابو سعود وهو فاتح عيونه الثنتين بدهشة : هاااااا...؟؟؟ وش تقولين انتي ..؟؟؟ ام سعود : زي ما سمعت ... كانت حامل توها من شهر ونص .... ابو سعود مو مصدق : مو معقووووول ... ما اصدق ... ام سعود قامت وفتحت الدرج حقها بمفتاح وطلعت الفحص .. وعطته ابو سعود : وهذا الدليل .. هذا الفحص اللي سوولها اياه المستشفى ... ومكتوب فيه انها حامل .. اخذ ابو سعود الملف حق الفحص وقراه ... وانصدم صدمة .... ما توقعها من دلع ابد .. ما توقع انها ف يوم بتسوي كذا . كان يعتبرها بنت مؤدبة محترمة .. وما كان يتوقع منها زلة وغلطة زي هالغلطة ابد ..... قعد ساكت ابو سعود ويطالع الملف بدهشة .. وقعد على السرير بكل هدووووء .. ام سعود قعدت جنب ابو سعود .... ابو سعود : وبعدين ...؟؟ وين راح اللي ف بطنها ... ام سعود : خليها تنزله ..... ابو سعود : شلووون ..؟؟ عسى ضربتيها بس ... ؟؟ ام سعود : لأ... عطيتها شراب ينزله ... وخليتها تشتغل ف البيت لين نزل ... ابو سعود نزل راسه وغمض عيونه بقهر : شلووون شلووون تسوي كذا شلووون ... ودلع ...!!!! دلع اللي تسوي كذا ..!؟؟! هذا وانا احسبها متربية احسن تربية وما في زيها من بين البنااااااات ....!!!!!! ام سعود : مو كل الناس زي ما تتوقع ... ابو سعود : ومين الحيوان الكلب ...؟؟ ها..؟؟ مين الابو ....؟؟؟؟ ولا ماعرفتي ..؟؟ ام سعود بلعت ريقها بخوف .. جا الوقت اللي تنتقم فيه من دلع اللي حطت راسها بالارض ومن ولدها اللي ما يعبرها ودومه ينزل من مستواها قدام الناس بافعاله العاطلة .... كان الحقد ماليها بالكامل .... ام سعود بخوف : س ... سعود ..........!!!!!!!! ابو سعود منصدم : وشووووووووووووووووووووووووووووووووو...؟!!؟!؟!؟؟!؟! ام سعود : والله..؟؟ انا يوم قالت لي ما صدقتها .. وح-سبتها كذا تبغى تحط التهمة فيه .. بس بعدين .. ذاك اليوم يوم جيت اسال سعود قدامها... سعود اعترفلي .. وما خلاني اضربها .. تخيل مسكها ووخرني عنها ... وما انتهت المشكلة الا لما طاحت علينا ووديناها المستشفى ... ابو سعود عصب : هالحيوااان الكلب ... حط راسنا ف الارض .... والله يستاهل بعدموووونه مو بس يسجنووونه ... اجل الشقة هو صاحبها .. دامه سوا هالحركة و ف بنت خالته بعد ... شلون على بنات الناس ..؟!؟!؟! اكيد له طرف بالسالفة .. انا متأكد مية بالمية ..... ام سعود : بس ترى انا ما اتوقع الغلط من سعود بس ... اتوقع دلع مسوية حركة من حركاتها وجابته لها .... ابو سعود : لا لا لا ما اتوقع ... ام سعود : توقع ونص .. ما شفتها تسال عنه اليوم ... البنت متعلقة فيه من زمان ... ابو سعود هز راسه بالنفي بقوة : لا لا لا .... لا مو معقووووول اللي قاعد يصير .. مو معقوووول .... ام سعود سكتت .... ابو سعود قام ولبس ثووووبه .... ام سعود : وين رايح ...؟؟ ابو سعود : انا عندي حل لهالسالفة كلها .... ام سعود قامت : وش بتسوي ..؟؟ لا تكلمها ... انا خلاص سويت اللي ما يتسوى فيها .. شوفها الحين تخاف حتى تحط عينها بعيني ولا تكلمني .. ودومها قاعدة ف غرفتها .. اخذت جوالها وفصلت عنها التليفون والنت ومنعتها من الجامعة ..والطلعة بالموت تطلعها .. البنت ما تقدر تسوي أي حركة الحين ...... ابو سعود : لا ماني مكلمها ... شوفي .. انا بطلع سعود الحيووااان ولدك من التوقيف .. وبخليه ياخذ هالكلبة .. نزوجهم ونرميهم ف شقة وكل شهر اودع في حسابهم فلوس وافتك منهم ومن شوفتهم بهالبيت .... نزلوا راسنا بالارض الله يفشلهم .... انا هالاثنين ما اقدر اخليهم ببيتي بعد اليوم.. انا عندي لينا وسالم .. اخاف ياثرون عليهم بعد... ماني ناقص .. يكفي ثنين .. ابغى لينا وسالم يتربون احسن تربية ... ام سعود : بس ما بيوافق .. وهي بعد ما بترضى بالسالفة ... ابو سعود عصب : مو على كيفها الكلبة .... غصبا عنها بتاخذه بتاخذه .. عجبها ولا ما عجبها الموضوع بتاخذه .. ولا بطردها من البيت وارميها ف الشوااارع كذا ... !!!!!! وسعود يا ياخذها .. يا ينطق يتعفن بالسجن .... !!!!! وطلع ابو سعود من الغرفة ومن البيت باكمله .... ام سعود " اشووووه ... ما بغيت افتك منها هالخايسة ... اخيرا بتطلع من بيتي .. يصير ما عندي احد اراقبه وامشي وراه بكل خطوة يسويها .. وسعوود هذا .. برتاح منه ومن افعاله العاطلة هذي .. فشلني قدام الحريم .... فديت ابو سعود والله وصار يسمع كلامي ويفكر بللي افكر فيه .... خليني اقووم ابشر ام عبيد ...!!!! " (( بيت ابو رائد.. الصالة )) ( الساعة 8 بالليل ) رائد : يما الحين انتوا متى قررتوا العرس .....؟؟؟ ام رائد : يا رائد البنت قاعدة تدرس آخر سنة .. اصبر .. ف الاجازة يمكن ... رائد : لا يما ... بعيد مرة .... ابو رائد : سبحان مغير الاحوال ... اول نطارد وراه عشان يخطب بس .. والحين هو اللي يطارد ورانا عشان نسوي العرس ..!؟!؟!؟!؟ رائد : ههههه حرام عليكم .. والله زهقت من هالعزوووبية ... ام رائد : زهقت من العزوبية ولا اخذت عقلك بنت محمد ...؟؟؟؟ رائد : ههههههه يا حلوها دانة ... بس من جد انا ما ابغى العرس ف الصيف .. مرة بعيد .. خلوه قبل .... يعني بعد شهرين ... ام رائد فتحت عيونها ع الاخير : أيش..؟!؟!؟ صاحي انت ..؟؟ يا بابا هذا عرس مو أي كلام .... ما يكفينا شهرين نجهز للعرس .. بعدين العروس لازم تاخذ وقتها تفصل فستانها ... وتستعد .. مو كذا فجأة تقول بعد شهرين ... !!!!!!! رائد : ليش كل هالخرابيط .. كله فستان وصندل وعلبة مكياج وقاعة ... ما يحتاج الخرابيط اللي انتوا تسووونها ...... !! ابو رائد : اركد يااا ولد ....شوي شوي .. ترى الركادة زينه ....!!!! والبنت ماهي طايرة ...!!! مردك بتعرس بتعرس انشالله ..... (( يوم الاربعاء ... سيارة فيصل )) ( الساعة 2 الظهر ) كان سالم راكب مع فيصل ف السيارة وراحعين من المدرسة ... ومتحمسين مرة لانه اليوم اربعاء .... وبيطلعون مع الشلة بالليل ... والجمعة بتكون و نااااسة ... سالم : خلاص متى بتمر علي...؟؟ فيصل : متى تبغى .. الشباب بيتجمعون اكيد من بعد صلاة العشا .. سالم : خلاص ..مر علي .. نروح نصلي .. وبعدين نروح لهم فيصل : اوكي .... كم الساعة الحين ...؟؟ سالم رفع ساعته : ا.... الساعة الحين ثنتين .... فيصل : بدري صح ...؟؟ سالم : أي غريبة اليوم مطلعينا بدري .... فيصل : ياخي الحمدلله ... احين من انهم يخلونا للساعة ثنتين ونص قاعدين نسمع الاخ صطيف يشرحلنا هالادب والعربي حقه... سالم : خخخخ من جد والله ... يجيب النوم .... فيصل : اختك متى تطلع...؟؟ سالم : لينا ..؟؟ ممم .. الحين ... الحين بيروح لها السواق... فيصل : تبغى نروح ناخذها اليوم .. نسوي لها حفلة عند مدرستها شوي ... سالم : بايعها يعني...؟؟ فيصل : تقدر تقول كذا .... سالم تسند : توكل على الله .... انا معاك... وراحوا الاثنين رايحين لمدرسة لينا عشان يجيبونها .... ويوم وصلوا .... وقوا قدام باب المدرسة وكان مررررة زحمة ... والبواب مشغووول مع السواويق اللي متناثرين في كل مكان .... فيصل : يووووووه ... وش هالزحمة ...؟؟ سالم : اعووووذ بالله ... كاننا ف الهند ولا الفلبين .... فيصل : اييي ... من هالسواويق اللي ما تمشي مكان الا وتشوفهم ... مستعمرين البلد ...!!!!! سالم : بس بصراحة ما نقدر نستغني عنهم ... شوف الحين يعني لو ما عندنا سواق ... من كان بيجيب لينا من المدرسة ...؟؟ فيصل فكر شوي : مممم ... أي والله صدقت ... طيب الحين شلون بنجيب اختك من بين هالحشد الكثير ..... سالم : بنزل واخلي البواب يناديها ....... نزل سالم وبعد ربع ساعة من الانتظار ف الحر وتحت الشمس والناااااار ... رجع وكانت معاه .... ركبوا السيارة هم الاثنين ..... لينا : السلااااااااااااااااااااااااااااااااااام........ فيصل : وعليكم السلام ورحمة الله ...... لينا : شعندكم جايين ما خذيني اليوم ....؟؟؟ سالم : تغيير ف الروتين ... بعدين عسى مو عاجبك...؟؟ لينا : لا اافااااا .... عاجبني ونص .... فيصل : وش عندك مستانسة كذا ..؟؟ لينا : يعني وش رايك بالله عليك...؟؟ اليوم اربعاء .. يعني اكيد وناااااااسة .... فيصل : الله يديمها هالوناااسة .... اقول لينا تروحين معانا اليوم...؟؟ لينا نطت: وين ....؟؟؟ فيصل : بنروح نتغدى انا واخوك ف مطعم تجين...؟؟ لينا : أي أي أي اكييييييييد سالم باستغراب : متى قلنا نروح مطعم....؟؟؟؟ فيصل : توها الفكرة جاية على بالي .. بعدين اذا انا ما امانع اكيد انت ما بتمانع ... سالم : ههههههه على كيفك...؟؟؟ فيصل : أي على كيفي .. سيارتي وبوديكم وين ما ابغى ... لينا : وااو ونااااسة .. كل يوم تعالوا خذوووني .. احسن من عبدالملك اللي كل يوم اطر منه طرااارة يوديني ستاربكس ويقووول لأ .. وبعلم ماما ومدري ايش ... سالم : يعني انتي وش رايك...؟؟ اكيد امي محرضته ما يوديك ولا مكان ... واذا وداك يجيب لها التقرير عن اللي سويتيه .. عشان كذا احسنلك ما تقربين على أي شي تعرفه امي ... فيصل : خلاص ولا يهمك ... متى ما بغيتي تطلعين انا موجود .. وش تبغين بعد احسن من كذا سووواق ...؟؟ سالم : خخخخ لا تعطيها وجه .. ترى تصدق على طووووول لينا : وااااااااااو ... اجل كذا بتوديني الحفلة حقت عيدميلاد وحدة من صديقاتي ...!؟!؟! فيصل : هههههههههههههههههههههههه سالم : ههههههه ما قلت لك ... ما تنعطى وجه .... (( مركز التوقيف ... )) ( الساعة 5 المغرب ) سعود وقف منصدم : يبا انت وش تقوووول ....؟؟؟؟؟ ابو سعود معصب : زي ما سمعت .. لاتحسبني اهبل ما دريت بالسالفة ... امك قالت لي كل شي صااار بالتفصيل .... الله يفشلك بس .... ما اقووول غير سود الله وجهك زي ما سودت وجهي .... اربي فيك واتعب وآخرتها تسوي سواتك ...؟؟؟ انت تعرف وش يعني عرضك .... تعرف عرضك وش يعني ...؟؟؟؟ من العصبية مسك ابو سعود ولده وحطه على الجدار بقوة وقال : يا غبي عرضك يعني سمعتك ... يعني شرفك .... يعني حيااااتك .. تفهم ولا لأ...؟؟؟ تفهم ولا لأ...؟؟ انت من وين جاااي...؟؟ انا وش سويت عشان يجيني ولد زيك ... وربي ولا عمري سويت ف اهلي زي ما سويت فيني ... الله يخزيك بس .. ما اقووول غير الله يخزيك ... سعود وخر يدين ابوووه عنه بقوة ووقف منزل راسه ف الارض .. ما توقع الامور توصل لهالدرجة ... خلاااص .. شكله هذي بداية حياة ثانية بالنسبة له ... حياة يكرهه فيها كل الناس اللي حوووله... ومافي ولا واحد واقف جنبه .... ابو سعود : للمعلومية .. انا بطلعك من هالمكان .. مع انه المكان الوحيد اللي يناسب الناس اشكالك ... بس انا بطلعك عشان تاخذ الكلبة اللي ما تربت بنت خالتك معاك وتذلف معاها لشقة تتعفن فيها انت وياها ... بعد اللي سويتوه ...لا يمكن اخليك لا انت ولا هي ف البيت .... فتح سعود عيونه الثنتين ع الاخير .. كان يبغى يقووول انه دلع مالها دخل .. وانه هو اللي تسبب في كل هذا ... بس كان خاايف مرة ... لا يصير في شي اكبر من اللي بيصير فيه الحين .. عشان كذا اكتفى بالصمت .... بس بعدين يوم تذكر انه ابوووه قال انه بياخذها... فعصب ... سعود : ومن قالك باخذها ....؟؟ لا ماني ماخذها .. انا اصلا ما ابغاها ... ابو سعود عصب بزياادة : ودامك ما تبغاها ليش سويت فيها كذا ليييش.....؟؟؟ تحمل اللي بيجيك الحين ... بتاخذها بتاخذها .. مدام راسي يشم الهوا.... سعود بعناد : ماني ماخذها فهمت ...؟؟ انا طول عمري عشت على كيفي .. ما بتجي الحين تقول لي اسوي شي ما ابغاه ...!!!!!!!!! عصب ابو سعود وعطاااااااااه بوكس على فكه وخلى الدم يطلع من اسنانه ... ابو سعود : لما اقولك بتاخذها .. بتاخذها .. ولا بخليك تتعفن في هالسجن ... فاهم ؟؟ أي صح .. ومن اليوم .. لا انا ابوووك ولا اعرفك ... وبيتي ما تدخله طول ما انا عايش...!! طلع ابو سعود من السجن وترك سعود متحير ... مو عارف وش يسوي ... ما يبغى ياخذ دلع .. ويبغى الفكة من هالسجن ... وخايف من الحياة الجديدة اللي تنتظره بعد طلعته ... سعود " طيب يا باسمووووو .. سويتيها وقلتيله ..؟؟ انا اورييييييييك " (( بيت ابو غادة )) ( الساعة 8 بالليل ) كان ابو غادة قاعد ف الصلة مع زوجته ويطالع الاخبار ..... ام غادة : بتروح اليوم ..؟؟؟ ابو غادة : ليش...؟؟ ام غادة : لأ بس اذا ما عندك شي .. فكرت نرووح نتعشى ف مكان لانه البنات زهقانين شوي ..... ابو غادة على طوووول : لا لا لا .. خلاص مافي طلعة .. حكاية الدشرة والصياعة اللي كل يومين هذي ينسوووها ... انا عطيتهم وجه زيادة وعطيتهم حرية وطلعوا مو قدها .. من اليوم ورايح طلعة غير يوم الجمعة معانا انا وياك مافي .... ام غادة : ليش طيـــ.. قاطعها : انا قلت لك مافي ... يعني مافي ... بعدين انا اليوم بروح .. ومو اطلع منها وتروحين تدقين على صديقاتك تجيبينهم من هنا .. فاهمة ..؟؟ صديقاتك هذوولي اللي عندهم عياال زي الجن ما ابغاهم يدخلون بيتي مرة ثانية طيب...؟؟ ام غادة : ابراهيم انت وش فيك ...؟؟ ابو غادة : مافيني شي .. السالفة كلها اني ما عرفت ادير هالبيت بالشكل الصح .. والحين بمشيه زي الناس ... كل شي بيشي زي ما انا ابغى .. انا ابني واتعب وآخرتها يجون عيال زي الجن يكسرون بيتي مافي ... فهمتي ..؟؟ خليني اشووووفك عازمة وحدة بدون ما تقولين لي ... وبعدين السواق .. لا اشوووفكم طالعين معاه بدون ما تقولون لي فاهمة ..؟؟ والله العظيم ترى اسفره ولا اخليه دقيقة وحدة ... سكتت ام غادة متعجبة .. ولا عمرها شافت زوجها بهالعصبية والتخلف ... بس اللي كان ماخذ تفكيررها ... هو شلووون زوجها صار كذا .. ايش اللي خلاه يصير بهالعصبية والمزاجية هذي ...؟؟ (( بعد 3 ايام .. يوم الاحد .. جامعة محمد بن فهد )) ( الساعة 2 الظهر ) ريم : ماني طالعة يعني ماني طالعة .. صديقتها بدور : ليش..؟؟ الحين المسكين جاي ياخذك مع انه ها مو شغله ... وتخلينه ينقع ف الشمس طووول هالوقت .. اقووول اطلعي بلا دلع زاااايد ريم : ماني طالعة .. وربي استحي ... استحي مررررررة .. ما اقدر اقعد دقيقة وحدة معاه ... ما يعطي والحد وجه ... ولا يلتفت عليك ولا يكلمك ... ودايم لاف وجهه ولا يطالعك ..... بدوور : يا بقرة يا غبية .. هذا لانه رجال محترم ... محترم نفسه ومحترمك ومحترم ابووك اللي عطاه الثقة ... تبغين يجيك واحد 24 ساعة يطالع فيك من فوووق لتحت وطاق معاك ميااانة ...؟!؟! ريم : والله اهون من احمد ..... ع الاقل ما استحي قداااااامه ... هذا الكلمة يالله تطلع مني لما اشوووووفه ... ولا عمري كنت استحي بس من عرفت هالانسان صرت مررررة استحي ..... ما ابغى .. ماني رايحة لا تقنعيني ... بروح معاك اليوم ... بدووور : يا غبية بمر بجيب اخووووي من الثانوية .. ريم : عااادي .. اخوك ما استحي منه ... بدور : لا والله ... اقوووول انتي ما ينفع معاك الدلع .. امشي .. مسكتها بدور وسحبتها لين وصلوا عند الباب .. عطتها شنطتها بدوور : يللا انقلعي .. امشي قدامي اشوووف ... اذا الواحد عطاك وجه بتمصخينها ... يللا قادمي ..... ريم : ماني رايحة لاتحلمين .... دفتها بدور لين شافت ريم السيارة ...... ريم بصراخ : يا ويلييييييي....!!! بدور : انتي يالهبلة شفيك ....؟؟ ريم : لا لا لا والله حراام.... لابس ثوب وشماااغ ... ماني راكبة مااني راكبة .. والله اموووت ما اقدر ... بدور : خخخخخخ .... يللا اتهني ف الرجعة ... بكلمك اليوم ... بااي تركت بدور ريم وراحت ركبت سيارتها وراحت عنها .. وخلت ريم ماعندها حل ثاني غير تركب .... ريم : اهئ اهئ ... الحين وش اسوووووي ... انا اوريك يا بدوووور .... بركب يعني وش اسوي بروحي الحين ..؟؟؟ مشت شوي شوي ويوم قربت من السيارة ... جاها سؤال ثااني حيرها ريم : يووووه ... الحين وين اركب ..؟؟ قدا ولا ورى ...؟؟ نسيت اسال بدووور ... يا ويلي الحين وش اسووووي ..؟؟؟ اخاف اركب قدام يقول اني مو متربية .. واخاف اركب ورى وتكون ف السالف اهانة له .. خصوصا انه مو سواق...... افففف ... بسوي اللي طبيعتي تقول لي سويه ...... مشت وفتحت باب السيارة اللي قدام وركبت : السلام عليكم .. احمد بدون ما يلتفت : وعليكم السلام .... وبدون ما يطالعها ... شغل السيارة ومشى .... ريم " اففف... الله يعيني على هالطريق الطووييييييل .. متى يخلص واوصل البيت ... المشكلة انه هالانسان ثقيل ... ولا كاني ف السيارة ... " احمد كان يسوووق بهدوووء ... وكانه محد معاااه ف السيارة ... مشغل الاغاني بس موطي الصوووت .. وساكت ... لا يتكلم .. ولا يلتفت ... واذا بغى يشوووف شي من جهة ريم .. يلف لفة صغيرة بس بدون ما يطالعها .. وعلى طول يشيل عينه بسرعة .. ويوم مروا على باسكن روووبنز ... نست ريم انه احمد اللي يسوق فيها .. ريم : وقف وقف .. ابغى باااسكــ ( سكتت ) تذكرت انه احمد معاها وهو اللي يسوق فيها وانحرجت مررررررة ... وقف احمد السيارة ولف شوي شوي عليها .. رفع حاجب واحد وقال : بغيتي شي...؟؟ ريم " !!!!! لا لا لا .. هذا بيموتني اليوووم ... حرااام عليه .. ليش يسوي هالحركااااااااااااااااااااااااااااااات ..؟؟؟ وربي مرة يخقق .... اهئ اهئ ....... " : ها ..؟؟ لا .. ل .. لا ولا شي .. كمل .... عقد احمد حواجبه : اكمل وشو ...؟؟ ريم " هذا ليش كذا ..؟؟؟ والله كانه عارض ازياااء او ممثل ... بصييييييييييييييح " : ا.. لا .....ل ... ك .. يعني كمل الطريق ولا شي .... انتبه احمد لباسكن رونبز وابتسم : تبغين آيس كريم ...؟؟؟ ريم خقت " ارحمممممني !! " : ها ...؟؟ لا خلاص ماله داعي .... بخلي رائد يجيبلي بالليل .... لف احمد وجهه وهو مبتسم ابتسااامة تخقق .. فتح باب السيارة ونزل .. سكر الباب وقال من فتحة القزاز : اقفلي الباب لين ارجع ... ولا تفتحيه لاحد طيب...؟؟ ريم يالله تنطق : ط .. طيب ... راح احمد ودخل باسكن روبنز .. اما ريم فكانت قريب وتستخف ف السيارة .... ريم مسكت راسها مندهشة : هذا من وين جاااااااااي...؟؟؟ بصيح من جد بعد شوي ... لازم يحط مراية يشوف شكله وهو يتكلم ... عليه حركاااااااااات ... وربي انا ما اقدر كذا اركب معاه كل مرة ...ااحس بيغمى علي .... جما واخلاق ورزة وثقل وادب وووو ..... شهااامة <<< متعوووب عليها هالكلمة شوي الا رجع احمد وبيده كيس وكان لابس نظارته الشمسية... دق الباب حق السيارة عشان تنتبه ريم .. ويوم انتبهت فتحت الباب وقلبها يدق بقووووة .. دخل احمد وسكر الباب بعدين مد لها الكيس بابتسامة خفيفة : تفضلي.. ما ادري وش تحبين عشان كذا جبتلك اكثر من نووع ... ريم تطالعه وتطالع نظارته الشمسية اللي طالعة دمااااار عليه ..... وما ردت عليه .. احمد مستغرب : ا... احم ... ريم انتبهت : ا.. ها..؟؟ ( ابتسمت ) شكرا ... ما تقصر ... احمد لف وشغل السيارة : العفووو ... ذاااااابت ريم في كرسيها .... فقررت تشغل نفسها .. فتحت الكيس وشافت كل الانواع اللي تحبها .. وما عرفت وش تختاااار ... ريم : وااااو .. كل الانواع اللي احبها ... وش آكل الحين ...؟؟ احمد ابتسم بدون ما يلف : اللي تبغيه ... ريم اختارت اللي بنكهة الجاموكا الموند فدج .... ريم بابتسامة : انت ما تبغى ..؟؟ احمد وهو يسوق: لا شكرا ... رجعت ريم حقها للكيس وسكرته وقعدت.. وانتبه لحركتها احمد ... لف عليها بكل هدوء مستغرب .... احمد : ما عجبك ...؟؟ ريم منحرجة : لا والله ... بس.. ما اعرف آكل بروحي ... احمد ابتسم : والله لو اني ما اسووق ما بقول لأ .. بس لاني اسوووق فصعبة السواقة مع الاكل .... ريم بعفوية : طيب سهلة .. وقف على جنب .. ناكل وبعدين نكمل الطريق .. سكت احمد ولف وجهه يسوق ... وبعدها بدقيقة جاته الضحكة ... وما قدر يكتمها ... ابتسم وبانت اسنااانه .... ريم رفعت حاجب : لا والله .... ايش اللي يضحك الحين ..؟؟ احمد هز راسه : هههه لا ولاشي ... تذكرت شي وما قدرت امسك ضحكتي .. ريم ابتسمت" واااي على الضحكة .. يازينك والله " لف احمد وشافها مبتسمة .. فوقف السيارة على جنب ... احمد : عطيني اللي بالفانيليا ... ابتسمت ريم وطلعت اللي بالفانيليا من الكيس .. وعطته الملعقة والكلينكس .. وبعدا طلعت حقها وبدوا الاثنين ياكلون الآيس كريم .... وبعدها كملوا مشوارهم لبيت ابو رائد .. والسوالف شوي شوي تدخل بينهم .... | |||||||||
| |
|
07-17-2010, 07:34 AM
| #58 (permalink) | |||||||||
|
مستشار المؤسس ~
|
رد: ودك.. تنامـــــــــي نا مــــــــــــــي..}~ انا :
قمرهم كلهم (( بيت ابو فيصل .. )) ( الساعة 7 بالليل ) كان ابو فيصل قاعد ف غرفته يركب الكبك ف كم ثوووبه يوم دق جواله ... شال الجوال ورد على طول .... ابو فيصل : الوووووو ابو نسايم : الووو ... السلام عليكم ... ابو فيصل : وعليكم السلام ... من معاااااي ...؟؟ ابو نسايم : حتى صوتي نسيته يا عسمااااان ( عثمان ) ...؟؟ ابو فيصل : ايواااا.. هلا هلا والله بعمي .... معذرة توني قايم من النوم وماني مميز شي.... ابو نسايم معصب : ليش انتا بس لما تقوووم من النوم ما تميز..؟؟؟ ما انتا طول الوقت مو مميز .... ابو فيصل : افاااا .. ليش كل هالكلام يا عمي ..؟؟؟ ابو نسايم : وانتا خليت فييها عم ..؟؟؟ انتا اصلا واحد قليل اصل ما تعرف الواجب والعادات ..... كدا .. كدا تحرمنا من بنتنا...؟؟؟ 4 سنين ... 4سنين يا زاااالم ( ظالم )؟؟ ابو فيصل قلب وجهه : يا عمي هذي زوجتي وانا حر وين اوديها ووين اجيبها ... بعدين والله مشغووول وما حصلت وقت ...... ابو نسايم يصارخ : لأ .... لا تقول ما عندي وقت ... عندك وقت للويسكي وللفودكا وللخرابيط هدي ولا عندك وقت تخلينا نشوووف بنتنا ..؟؟؟ هادا مو كلام يا عسمااااان .. ابو فيصل : يا عمي لو سمحت .. هذا مو من شغلك .. انا انشغل بللي ابغاه .. وزوجتي اوديها المكان اللي ابغاه .. ما تجي انت وتعلمني وين اوديها ووين اجيبها .. مع احترامي لك طبعا ....!!!!!!!!! ابو نسايم : شووووف انتا .. انا ماني داق اطلب منك ولا اترجاااك .. انا جاي أأمرك امر .. وانتا تعرف ازا انا امرت بشي لازم ينفز ( يتنفذ ) .. ابغاك تجيبلي بنتي جدة في اقرب وقت فاهم ..؟؟ وعلى اقرب طياارة .. ولا ما بيننا الا المحاكم .... فاهم ...؟؟ وانت تعرف سمعتك اللي ما تساعد في أي قضية حتى لو كنت فيها مزلوووم ( مظلوم ).... والله لا اكتبك تعهد عند الشيخ ... فاهم ..؟؟ قفل ابو نسايم بوجهه بعد ما عطاه زفة محترمة .... وابو فيصل عصب مرة .. ابو فيصل : طيب.. طيب .. بنشوووف من اللي ف النهاية بيفووز يا انا يا انت يالجدواااي .. ( يقلد ابو نسايم ) لاااااازم يتنففففز ...!!!!!!! (( بعد يومين ... يوم الاثنين .. شركة ابو سعود ) ( الساعة 11 ونص الصباح ) كان ابو سعود قاعد في مكتبه يوم دق تليفونه ... رد : الووو ... الضابط مشاري : الو السلام عليكم .. ابو سعود : وعليكم السلام ... الضابط : ا .. الاخ عبدالله الـ ( ..... ) ابو سعود : أي ... الضابط : كيف الحال..؟؟ معاك الضابط مشاري من قسم التوقيف ... ابو سعود : ايوا.... هلا والله .. كيف الحال...؟ الضابط : بخير الله يسلمك .. ماعليك شر .. بغيت ابشرك انه ولدك سعود طلع بريء .. وماله دخل ف السالفة .. والتحقيق كله كان بس عشان امن المجتمع لا اكثر ... ابو سعود بطنازة : والله..؟؟ زيين ... يعني بتطلعووونه..؟؟ الضابط : أي .. بس لازم تجي انت تاخذه .. لانه نحتاج توقيعك ... ابو سعود : خلاص انا جاي الساعة 1 الظهر ... الضابط : مو مشكلة ... وآسفين من جديد على اللي صار .... ابو سعود : حصل خير ... مع السلامة... سكر ابو سعود من الضابط " من زين الخبر يبشرني مع وجهه ...!!!! " ودق على ام سعود اللي ردت ... ام سعود : الوووو ... ابو سعود : الو هلا.... ام سعود : هلا عبدالله .... كيف الحال... ابو سعود : الحمدلله ... اسمعي... ولدك اليوم بيطلعونه من التوقيف .. ابغاك تجمعين لي اغراضه ف شنطة وحدة .... واغراض الكلبة دلع ف شنطة ثانية ... ام سعود : من الحين ..؟؟ ابو سعود : ما ابغاااهم ف بيتي ما تفهمين..؟؟ ام سعود : طيب ما قلنا شي .. حتى انا ما ابغاهم ... بس شلون بنطلعهم من البيت... ابو سعود : خلاص شوفي .. انتي لك جمايل على صديقاتك صح ...؟؟ ام سعود : أي... ابو سعود : شوفي .. كلمي وحدة ولا ثنتين ... وخليهم يبدون يحجزو قاعة ويوصون على الاكل ويفصلون فستان والخرابيط هذي .. وعطيهم فلووس على كل هذا... باسمة تفكر : انت كذا شايف...؟؟ ابو سعود متنرفز : اكيد كذا شايف... اجل تبغينا نقعد نتعب على ابو اثنين ما يستاهلوا ...؟؟ لا يا باسمة .. انا اصرف فلوووس ماعندي مشكلة ... بس اهتم ف اثنين ما يسوون ريال عندي لأ ... شوفيلك حل ... وكلمس وحدة من اللي تعرفينهم .. وحدة محتاجة كذا وماعندها فلووس ... على طول بتسويلك ... ما بتقووول لأ .. !! ام سعود ركبت براسها الفكرة : أي والله صدق .. حلوو .. خلاص انا عني كم وحدة محتاجة كذا .... بشوفهم واردلك خبر ابو سعود :طيب .. يللا مع السلامة ... ام سعود : ف امان الله ... سكرت ام سعود من ابو سعود وبدت شغلها على طووووووول .... (( جامعة محمد بن فهد )) ( الساعة 12 ونص الظهر ) بدور : طيب وبعدين.....؟؟؟ ريم : وش اسوي اضطريت اركب قدام .. ما كان عندي خيار ثاني... بدور فاتحة عيونها الثنتين : لا تقووولين ...!!!! يا هبلة ...!! ريم : اففففففف .. والله انتي ما فهمتيني وقلتيلي .. وش دراني انا .. احسها اهانة له لو ركبت ورى بدور : غبية غبية غبية ريم بنص عين: انتي الحين ليش محترة ... انا اللي ركبت ولا انتي..؟؟ بدور : شوووف ...!؟!؟ مالت عليك وعلى للي بيسألك .. خلاص ما ابغى اعرف وش صاار بعدين ... انطمي ولا تكلميني ... سكتت بدور مسوية زعلانة .. بس ريم تعرف الطريقة عشان تخليها تفرح وتناقز بعد ... ريم : ما تبغين تعرفين وش صار يوم نزل يجيب لي آيس كريم ..؟؟ فتحت بدور عيونها الثنتين ع الاخير .. بس سوت نفسها ثقيلة : لأ .. ما يهمني.. ريم : ولا سوم وقفنا بنص الطريق عشان ناكل الآيس كريم ودقيناها سوالف.... بدور لفت وجهها الجهة الثانية : لأ ... مو مهم ريم راحت ووقفت قدامها بحماااس : ولا يووم نزل وفتح لي الباب حقي يوم وصلنا البيت...!؟!؟!؟ بدور وصلت معاها فنقزت قدام ريم : احلفي...!!!! ريم متحمسة : واللللللله ... اقووولك رجال من فوووقه لتحته ... !!! بدور مسكتها من يدها وقعدتها : لا لا لا .. السالفة يبغالها قعدة ... ريم : هههههههه شفتي شلوووون .. اعرفلك انا ... (( مركز التوقيف )) ( الساعة 2 الظهر ) سكر سعود الشنطة اللي كانت اغراضه فيها ... وشالها على كتفه بينما الضابط كان يفتح له الباب .... الضابط مبتسم : تفضل.... الحمدلله على السلامة ... سعود بابتسامة خفيفة مجاملة : الله يسلمك ... طلع من الزنزانة اللي كان فيها ومشى ورى الضابط وهو ميت من الخوووف .. مو داري وش بيصير فيه الحين ... واول ما شاف ابوووه .. طاح قلبه ببطنه .. كان ابوه واقف ومعقد حواجبه .. ويتكلم مع الضابط مشاري .... سعود " الله يستر ... ما اقووول غير الله يستر ... " سلم على الضابط مشاري بعد ما امره ابوووه يسلم عليه ... وبعدها مشى مع ابوووه وركب السيارة ... ف السيارة ... سعود : وين رايحين...؟؟ ابو سعود بدون ما يلتفت : البيت ... بس لا تفرح .. معاك كم يوم بس .. وبعدين تنقلع انت وهالحيوااانة بنت خالتك بعيد .... سعود لف وجهه : افففف...... انقهر ابو سعود منه ... ووقف السيارة ابو سعود لف وجه سعود له : انت مين محسب نفسك ..؟؟ ولك وجه تتكلم بعد اللي سويته ..؟؟ انت ما تعرف ربك ..؟؟؟ ناسي انه فوقك رب..؟؟ ها..؟؟ نسيت انه في رب بيحاسبك على كل شي سويته ف هالدنيا ..؟؟؟ نسييييييت ...؟!؟!؟ والله حرام عليك العيشة ف هالدنيا والله حرااام ... انت امثاالك الموت ارحملهم من العيشة ... ع الاقل يرتاحوا من الذنوووب ويريحوووا خلق الله معاهم .... سكت سعود مو عارف يرد على ابوووه .. توه حس بكبر الاغلاط اللي كان يسويها .. توه تذكر ربه ... توه تذكر الذنوووب اللي ارتكبها .... ما بقول انه ما تلوم .. بس بعد ما بقول انه تلوم مرة .. يعني السالفة دقيقتين وبعدين رجع لعناااده ... ويوم وصلوا البيت ... نزل وهو حاقد مرررة على امه ... امه اللي كانت السبب في كل اللي هو فيه الحين .. كان يحس انه الامور صارت كذا بسبب امه ... لو امه كانت معاه وهو صغير وعطته الحنان الكافي .. كان ما صار فيه اللي صار الحين ... لو انها ما قالت لابوه عن السالفة كان هو الحين حالته اهون من هالحالة ... كان ع الاقل دلع ما بتتحمل المصيبة هذي معاه ... يكفيها اللي جاها ... دخل البيت وجات الخدامة اخذت منه الشنطة عشان تطلها فوووق لغرفته ... وبعدها جات امه ... باسمة : هلا عبدالله .... ابو سعود : هلا باسمة ... الغدا جاهز...؟؟ باسمة : أي .... الخدامة قاعدة تحطه على الطاولة .. بين ما تغير يكون جاهز .. ابو سعود معصب : زين ... خذي هالكلب ... ووديه غرفته .. ما ابغى اشوووفه لين يطلع من هالبيت .... باسمة مسوية معصبة على ولدها بعد : طيب.... سمعت ابووك وش يقووول..؟؟ ابو سعود صرخ على سعود : فهمت ..؟؟!؟!؟ ما ابغى اشوووف خلقتك ف البيت لين ما تطلع منه ... فاهم ..؟؟ اكلك وشربك كله ف الغرفة .. او مو قدام وجهي... حاول تتفاداني قد ما تقدر عشان ما تسمع اللي ما يسرك ... سعود متخرع ومنتفض في مكانه .. اول مرة يشوف ابوووه معصب عليه كذا : ا.. ان .. انشالله .... وطلع على طوووول لغرفته وسكر عليه الباب ...... (( بيت ابو فيصل )) ( الساعة 9 بالليل ) كان فيصل قاعد مار من الصالة وطالع من البيت ... يوم دق التليفون ... راح ورد : الووو ابو نسايم : سلاااامو عليكم ... فيصل : وعليكم السلام .... ابو نسايم : ا... مين معايااا ..؟؟ فيصل مستغرب : انت مين ..؟؟؟ ابو نسايم : ايوااا .. انتا فيصل ..؟؟؟؟ فيصل : أي ... مين معاي..؟ ابو نسايم : معاك عمك عبدالوهااب ... ابو نسايم .. فيصل : ا... يا هلا .. هلا والله ... آسف ما عرفتك ... ابو نسايم : مو مشكلة يا ولدي.. انتا ما تعرفني عشان كذا انا عازرك ... قوللي كيف حالك...؟؟ فيصل: بخير الحمدلله ... ابو نسايم : أي سنة صرت..؟؟ فيصل : والله ثالث ثانوي .. آخر سنة .... ابو نسايم : ماشالله ... كبرت والله ... صرت رجال .. يالله شد حيلك .. السنة الجاية حتكون جامعة .... فيصل : انشالله ... لاتوصي حريص ابو نسايم : باارك الله فيك يا ابني ... اقولك ... نسايم فين ...؟؟ فيصل : ا... نسايم موجودة لحظة بس... ترك فيصل السماعة .. وجا بيطلع فووق ينادي نسايم ..بس شاف ابوووه ف الطريق وهو نازل... ابو فيصل : وين رايح...؟؟ فيصل بدون نفس : بنادي نسايم .. ابوها على التليفون ... ابو فيصل مسك فيصل من يده : اول شي لما اكلمك توقف وتطالعني وتكلمني ... ثاني شي لاتناديها ... اتركها فيصل بملل : ابووها على التليفون شلون اخليه ... ابو فيصل : انا بعمك شلون تخليه ... نزل ابو فيصل وسكر السماعة بوجه ابو نسايم ... ابو فيصل بصرامة : واذا دق مرة ثانية اياني وياك ترد عليه ... فاهم ..؟؟ هذا واحد مجنووون .... فيصل " لااااا.... يعني انت اللي صاحي الحين..؟؟ مالت عليك وعلى شكلك " سكت فيصل وطلع من البيت بدون اهتمام .... وترك ابوووه ونسايم يدبرون نفسهم ... (( اليوم الثاني ... يوم الثلاثاء .. سيارة رائد )) ( الساعة 11 ونص الظهر ) دخل السيارة بوناااسة ... طلع جواله ... ودق على دانة متحمس ... دانة : الو .... رائد : فديت هالصوووت وراعيه انا ... شخبارك ..؟؟ دانة : هههههه بخير .. وانت شخبارك ..؟؟ رائد : والله مستاااانس ... الا قولي متشقق ..... دانة : لااااا اجل السالفة فيها شي ... قووول وش صار ومخليك فرحان كذا ....؟؟؟ رائد : طيب بقووولك .. توني كنت ف شركة السياحة .... دانة بحماااس : طيب ... ايواا ... كمل.... كمل كمل كمل .... رائد : هههههه شفتي شلوون.. حتى انتي تحمستي قبل ما تسمعين وش السالفة حتى ...... دانة : خلاااص عاد قووول .. رائد : قعدت اشوووف ف الدليل السياحي .. وادور لنا بلد حلووو نروح نستانس فيها انا واتني ف شهر العسل .... دانة حمر خدها .. بس كانت مستانسة : طيب ...؟؟ ووش حصلت...؟ رائد : انت قولي وين تبغي تروحين..؟؟ دانة : اا.... رائد .. انا ما تفرق معاي ... اهم شي اكووون معاك ... رائد سند راسه ع الكرسي : اخخخخ ... ليتنا متزوجين .. كان انا طايح فيك بوسات الحين على هالكلام الحلووو ... بس المقررووود ... مقروووود ...!!!!!! دانة راحت فيها : !!!!!!! رااائد بس... حراام عليك .. وربي ما بتخليني اقولك كذا من جديد ..... رائد : ههههه خلاص خلاص ... خلاص ما اعيدها .. تووووبة ... فديتك دانة .. وربي احبك .. دانة : طيب لاتصرف .. ايش الاماكن الحلوة اللي حصلتها ....؟؟ رائد : والله في كذا مكان معقووول ورهيب ... بس شوفي .. انا خاطري بجزر .. شرايك...؟؟ عشان نكون لوحدنا كذا .. بعيد عن الناس والازعاااج .. تعرفين برووحنا يعني .... !!!!!! دانة : ههههههه وانا اقول كذا بعد ... أي شي على البحر... رائد : تمااام ... اجل متفقين ... دانة : توكل على الله ... رائد : آآآآآآآآآه بس لسة مطولين ... اقووول ورى ما نقدم موعد العرس شوي .. ها..؟؟؟ يعني نخليه الشهر الجاي ....؟؟ دانة : هااااأ..؟؟ لا لا لا لا انا يا دوووووب اتجهز ... حرااام عليك .. رائد : والله يا دانة مرة مطول ... دانة : مالي دخل ... اصبر شوي رؤووودي .. والله العجلة ما تنفع ..... رائد تنهد : هـــ ... انا مو مصبرني غير رؤوودي هذي ... بصبر .. وش اقدر اسوي يعني؟؟ امرنا لله ..!!!! (( جامعة محمد بن فهد )) ( الساعة 1 الظهر ) ركبت ريم السيارة ..... ريم مبتسمة : السلاااااااااااام .... احمد بدون ما يطالعها بس ابتسم هالمرة : وعليكم السلام ... شغل السيارة ومشى .... و ف الطريق... ريم : احمد ... ممكن طلب..؟؟ التفت عليها احمد باستفهام ..... ريم مستحية : م ... ممكن يعني لو ما يزعجك الوضع ... تحط على الاف ام ؟؟.. ازهق انا ف السيارة اذا مافيها اغاني .... وخصوصا الطريق طويل.... بدون لا كلمة .. مد احمد يده وفتح الاف ام ... وعلا الصووت ... احمد : كذا زين ...؟ ريم : حلووو .. بعد كم دقيقة ... احمد وهو يسوق : ترى ما بوديك البيت ... ريم باستغراب : ها..؟؟ شلووون ..؟ احمد ابتسم : هههه شوي شوي .. لحظة بقولك .. اتصل فيني ابوك من شوي .. وقال لي انه اوديك بيت عمك صالح ... ريم : ليش...؟؟ احمد مد شفايفه قدام ورفع حواجبه دلاله على انه ما يعرف شي .... ريم " ياقلبيييي ... شوفوا شكله شلووون .. كانه بزر والله ... واااااي " احمد : ههههه اقول ... ريم : شفيك ...؟ احمد : بس سؤال ...ممكن ...؟؟ ريم " اخيرا كلمني ... ونااسة " : ها...؟؟ احمد ولا يطالع فيها حتى : انتي الحين جريئة كذا ..؟؟ ولا بس معاي ..؟ ريم " !!!! وش اقووول الحين .. " : ا.. لا.. مو كذا .. بس .. ا .. انا كذا على الطبيعة .. احمد لف عليها وفصخ النظارة : يعني موبس قدامي تصيرين كذا ...؟؟ ريم " بصييييييح ... لأ .. لأ .. لا يفصخها قدامي .. بمووووت .. نفس .. ابغى اتنفس .." :ما فهمت ... كيف يعني ... ؟؟ احمد : يعني ... تقعدين تتاملين ف الناس كذا ..؟؟ ريم حمر وجهها واتفشلت " وييييي ... وش هالفشلة ..!؟!؟!؟ ... يا ربييي .. وين اودي وجهي الحين .... " وعلى طوووول لفت ريم وجهها للجهة الثانية ولا ردت عليه ... وهو رجع يركز ف سواقته .... وبعد ربع ساعة ... ويوم وصل بيت ابو عوض ... دخل السيارة .. ويوم دخلها جاله شعووور غريب ... شعووور بالشووووق لهذا المكان .. حس برهبة من دخل السيارة ف الحوش ... شاف الاشجار اللي ف البيت تتحرك مع الهوا ... شاف العصافير اللي قاعدة على الاسوار ... وشاف النافورة اللي وسط البيت .. وشاف السيارة اللي واقفة ف الزاوية .... سياااارة اعز انسان ... سيارة عوض ... ريم : يا هووو ... ترى بنزل ... احمد اتنبه : ها..؟؟ ا .. اوكي انزلي .. تبغين شي..؟؟ ريم : لا .. مشكور على التوصيلة .. جات ريم بتنزل ... احمد : ا... اقول .. ريم التفتت : نعم ...؟ احمد : ا... سوري اذا كنت ثقلت عليك بسؤالي اللي سالتك اياه اول ... ريم ابتسمت : ما عليك.... ابتسم احمد .. اما ريم فنزلت ودخلت بيت عمها ... اما احمد .. فنزل من السيارة .. ما قدر قلبه يطاوعه يطلع بدون ما يسلم على صديقه ... قرب من السيارة .. ومع كل خطوة قلبه يدق بشوووق وحنين لعوض .. يدق لصديقه اللي عاش معاه نص عمره ... قرب من السيارة ولمسها .. كانت مغطية بالغباااااار من فوقها لتحتها .. سيارة عوض اللي كان يعتني فيها وينظفها اول باول وما يحب احد يوصخها او يقرب منها .. صارت في خبر كان ... احمد : عوض .. وينك يا اخوي ..؟؟ وينك تشوف سيارتك وش صار عليها ..؟؟ وينك ما تشوف الغبار مغطيها ..؟؟ وينك ما تشووووف شلون راميينها ف زاوية الحو ومحد يعتني فيها ...؟؟ وينك ما تطلع فيها كل يوم ونروح نتمشى مع بعض .. ويييينك ..؟؟ قطعت وجه احمد ابتسامة قهر .. وحزن .. ويوم حس انه العبرة شوي وتخنقه .. رجع لسيارته بسرعة وطلع من البيت باقصى سرعة ممكنة ... </b></i> | |||||||||
| |
|
07-17-2010, 07:36 AM
| #59 (permalink) | |||||||||
|
مستشار المؤسس ~
|
رد: ودك.. تنامـــــــــي نا مــــــــــــــي..}~ انا :
قمرهم كلهم (( بيت ابو سعود )) ( الساعة 4 العصر ) فتح سعود الباب شوي يوم سمع صوت احد ف الممر .. وشاف لينا ... سعود : بس ... بس ... التفتت له لينا .. واشرلها تجي .. فراحت عنده تشووف وش يبغى ..؟؟ لينا : نعم اخ سعووود ...؟؟ سعود مستغرب : وانتي ليش تكلميني كذا ..؟؟ وش سويت لك انتي بعد ...؟ لينا : وش سويت ..؟؟ وتسال بعد ..؟؟ يكفي خليت سمعتنا على كل لساان .. تخيل اليوم البنات ما عندهم سالفة غير انه سعود وشلته بيدخلون السجن ... شرايك.؟؟ شلون تبغاني اكلمك بعد كل هذا ..؟؟ سعود : افففف ... انا ما خلصت من ابو وامك تطلعين لي انتي ..؟؟ لينا جات بتطلع : يوووه ... انت محد يتكلم معاك ... سعود مسكها : تعااالي .. بس قوليلي .. امي وابوي وين ..؟؟ لينا : امي وابوي نايمين ف الغرفة ... سعود : وانتي وين رايحة بهالعباااية ...؟؟ لينا : افففف ... مع انه مو شغلك .. بس بقولك .. انا بروح مع سالم وفيصل السوبر ماركت .... بعد في سؤاال ..؟؟ تراني مستعجلة ... سعود : مااالت عليك وعلى وجهك .. روحي روحي .. روحي انقلعي ... طلعت لينا من الغرفة .. ومن البيت كله .... اما سعود .. فكان يبغى يشوووف دلع وش صار عليها ... ووش قالولها .. طلع من الغرفة شوي شوي .. ومشى لغرفتها ... دق الباب .. محد رد ... وبعد كم ثانية انفتح الباب ... واول ما شافت دلع سعود شهقت بصوت عالي وصل لآخر البيت ... دلع : هــــــــــــــــــي ... انت متى رجعت ..؟؟ ما سجنووووك ..؟؟؟؟ مسكها سعود من فمها ودخلها الغرفة وسكر الباب .. وبعدين تركها ... سعود : انطمي فضحتينا .... !!!!! دلع شردت لآخر الغرفة : وش تسوي ف البيت ..؟؟ هربت من التوقيف..؟؟ ها..؟؟ تكلم.. سعود يهمس : بقولك كل شي بس وطي صوووتط لاتفضحينا وتجي العنكبوووت مع زوجها الحين وتصير الفضيحة فضيحتين ... ترانا على الحديدة انا وياك .. شوي ونروح فيها .... دلع فاتحة عيونها الثنتين ع الاخير : انت وش تقووول ..؟؟ شسالفة ...؟؟ سعود التفت على الباب يتاكد مافي احد .. يوم تاكد ... رجع يتكلم .. سعود : اسمعي... ما قالووولك شي..؟؟ دلع : شي عن ايش..؟؟ وش تقووول انت ... تكلم ... سعود تنرفز : اففففف .. شوفي لاتجننيني .. محد قالك شي عن اللي صار ..؟؟ دلع بتموووت خوف : ايش اللي صار ....؟؟ سعود : عني انا وياك .. محد قالك شي .... دلع : لأ ... ليش..؟؟ اصلا انا صارلي 4 ايام ما نزلت وقعدت معاهم ... سعود : افف .... يعني ما تدرين شي ... دلع : لأ ... شصااااااير ..؟؟ سعود : اخاف اقووولك تحمعين اهل الحارة علينا بصراااخك ... واخاف اسكت وتنصدمين بعدين وتسوين لي فلم هندي ...... دلع : تكلم .. قوووول .. ما بصااارخ والله .... سعود : شوووفي .. بالمختصر ... ابوي درى عن سالفتي انا وياك ... ويبغى يطردنا من البيت ... ولانه ما يقدر يسوي هالشي لانه الناس بتتكلم عليه ... فبيزوجنا انا وياك غصب وبيسكننا بشقة بعيد عنه .. وعن عياله وزوجته ............!!!! فتحت دلع عيونها ع الاخير .. وما عرفت تقول ولا كلمة وحدة ... وحتى رجولها ما قدرت تشيلها ... انهارت على الارض .. مو مصدقة اللي يصير .... سعود قرب بسرعة منها .. حسب انه اغمى عليها ... جا بيقومها بس هي وخرته عنها دلع مسكرة على اسنانها : وخخخخخر عني .. اياني وياك تلمسني .. فاهم ..؟؟ سعود قام ووخر عنها ..... وطالعها بترقب .. مو عارف وش ممكن تسوي الحين .. قعدت دلع على الارض .. وبسرعة حمر خشمها ووجهها .. وبدت الدموووع تمتلي ف عينها ... لين ما نزلت .. واعلنت بداية صياااح دلع ... سعود : يووووه .. بدت عااد ... الحين مين يوقفها هذي ...؟؟؟ دلع التفتت عليه بحقد : ولا كلمة .. ولا اسمع حرف واحد منك ... انت بالذات الاخير اللي اتمنى اشوووفه هاللحظة .. سعود : لا حوووول.. الحين جزاتي جاي اقوووولك .. كان خليتك على غباااءك ما تدرين عن السالفة احسن .... دلع : نعم ...؟؟؟ لاااااااااا ... صحيح والله ..؟؟ جزاااك الله خير .. ما تقصر ... مشكووووور.. مشكوووور لانك قاعد تدمر حياتي يوم بعد يوووم ... اول شي دمرتني كبنت ... وبعدين دمرتني كأم .. وبعدين دمرتني كطالبة متعلمة .. والحين تدمرني كوحدة مو متزوجة وتبغاني آخذك غصب عني ..... ؟؟؟؟؟؟؟ شلووون آخذك شلووون ..؟؟ فهمني شلون بعيش معاك..؟ بعد كل اللي سويته فيني وتتوقع انظر لك نظرة واحد من اهلي .. كنظرة واحد يقرب لي... كنظرة بني آآآآآدم ........!!!!!!!!!!! سعود قلب وجهه وما عجبه الكلام... ففتح باب الغرفة وطلع وخلاها تكمل صياحهها مع نفسها ومه الجدار .. اما هو .. فما كان يقدر يسوي شي غير انه يروح لخالد صديقه اللي ما شافه من زمان .. ولا يدري وش صار عليه ............ وقعدت دلع ف الغرفة منهااااااااااااارة ... ماهي عارفة وش بيصير عليها .. بعد ما بدت تتقبل الوضع والحياة اللي خي عايشة فيها تنقلب العيشة فوووق تحت عليها وتصير مع واحد زي سعود ... واحد دمر حياااتها ومستقبلها وسمعتها ... واحد ما جاها منه غير المشاكل والهمووووم ...؟؟؟ ___________________________________ (( سيارة سعود )) ( الساعة 4 ونص العصر ) وقف سعود سيارته قدام بيت خالد .. اخذ جواله ودق عليه ... وبعد كم دقيقة .. خالد : الووووو سعود : الوو ..هلا خالد استانس : سعوووود ..؟!؟!؟ من وين تكلمني ..؟؟ سعود : من سيارتي اللي واقفة قدام بيتكم ... خالد : طلعت ..؟!؟!؟!؟ سعود : أي طلعت .. طلعوووني .. خالد : لحظة لحظة انا جايك الحين ... وبعد كم دقيقة طلع خالد من البيت باسرع ما عنده ... ويوم وصل لباب سيارة سعود .. فتحه وسحب سعود على برى وحضنه ف الشارع وقدام الناس بقووووة .... خالد : الحمدلله على السلامة .... الحمدلله .... سعود : الله يسلمك ... خالد : وحشتنا يا رجااال.. وربي كنت بموووت من الخوف عليك ... سعود : اركب اركب .. خلينا نروح كوفي شووب واقولك السالفة كلها ... وبعد ابغاك ف الموضوع .. ابغى رايك فيه ... خالد : خلااص اوكي .. تجي بسيارتي ..؟؟؟ سعود : لااا .. تعال اركب يللا . تراني مستعجل .. وبقولك ف الطريق ليش... ركب خالد مع سعود ف السيارة ... وبدى سعوود يقول لخالد كل شي ... من دخل التوقيف ... لين سالفته مع دلع ف الغرف من شوي ... | |||||||||
| |
|
07-17-2010, 07:38 AM
| #60 (permalink) | |||||||||
|
مستشار المؤسس ~
|
رد: ودك.. تنامـــــــــي نا مــــــــــــــي..}~ انا :
قمرهم كلهم (( في احد المقاهي .. )) ( الساعة 5 الا ربع ) خالد : انت وش تقوووول ..؟؟؟ صدق ...؟؟ سعود : والله العظيم ما اكذب ... يعني بدال ما يطردني من البيت وتخرب سمعتنا ... بيزوجني دلع ويخليني اسكن معاها بشقة او بيت او مدري وشوو ... المهم لوحدنا ... خالد : ودلع ..؟؟ سعود : شفيها ..؟؟ خالد : ايش رايها بهالموضوع ..؟؟ سعود بطنازة : هههه ما تدري .. اليوم يوم جيت اكلمها ... اكتشفت انها ما تدري ربي وين حاطها... عايشة كذا ... ويو قلت لها ... طبعا سوت الفلم الهندي حقها .. صياح .. وانا وش سويت ..؟؟ وليش تسوي فيني كذا ..؟؟ يعني من هالكلام اللي كانت تسمعني اياه اول .... خالد : تتطنز مع وجهك..؟؟ انت مقدر الوضع اللي هي فيه ولا مو مقدر ...؟؟ ما تدري هي اصلا وش صار فيها بسببك...؟؟ ما تدري....؟؟ سعود بزهق : لا تبدى انت بعد .. ماني ناقصك ...!! خالد : لا من جد .. خليني اشرحلك الوضع لانك مو فاهم شي من السالفة .. انت منت فاهم غير انك انت اللي بمشكلة وتعاني ... بس دلع... منت حااس انها تتعذب من زمان وانت الحين بتزيد عليها العذاااب .. اول شي ..كنت ما ترحمها بلسانك واسلوووبك ... وبعدين اخذت منها اغلى شي وهو شرفها ... يعني خليتها ما تسوى ريال ...!!!!! وبعدين البنت بسببك .. انحرمت من التليفون والطلعة والفرحة والدراسة .. والحين ... بتخليها بعد .. تتحمل غلطتك وتعيش مع الانسان اللي امنيتها الوحيدة ف هالدنيا انها تكون بعيدة عنه قد ما تقدر .... !!!!! وش رايك الحين..؟؟ وش ردة فعلك بعد كل هذا ها..؟؟؟ ولا عمري تخيلتك كذا يا سعود .. مع كل اللي كنا نسويه .. ما توقعتك كذا اناني .. انا دومي اعرفك حساااس وقلبك طيب حتى لما تغلط .. بس مو كذا .. مو كذا ابد ..... !!!!!! سعود سكت ولف وجهه عن خالد .. ما يقدر يطالع فيه ويواجهه ... لانه كل اللي قاله خالد صح ... وكل هالاشياء كان سعود حاطها ف باله ... بس يتجاهلها دوووم.. خالد : انت لازم تصلح الوضع باي طريقة .... أي طريقة يا سعود ... جتى لو اضطريت تعيش تعيس طووول حياتك بس عشان تخلي بنت خالتك اللي انت جرحتها عايشة براحة وامان ..... سوي أي شي .. دوس على كل رغباتك .. بس خليها تفرح .. ترى كل هذا بيكون برقبتك يوم القيامة ... كل دمعة بتنزل من عيونها بسببك .. بيحاسبك ربك عليها .... حط هالشي ف بالك ... سعود : انت تغيرت مرة يا خالد .... صرت تتكلم كانك ابوووي ... خالد : لانه ابووك سوى اللي ما بيسويه ابو غيره .. ابو غيره كان ضربك ضرب انت وياها لين ما تموووتوا ... بس ابووك تصرف بعقل وحسبها صح ... سعود : والحين ايش اسوي ..؟؟؟ قول لي ... حلها لي .. خالد : انا ما قدر افكر بدلك ... بس انت شغل مخك شوي ... وبتحصل حل انشالله ... سعود : تدري ايش اللي بيفرحها ...؟؟ اني اموووت ... اذا مت احسها بتفتك مني وترتاح ف هالحياة وتعيش فرحانة .... خالد : هههه لا عاد الا هالحل ... ترانا نبغااك لاتموت ... ما قلنا كذا .. حلها بطريقة صح .. اوو ... يمكن اللي يشوووفه ابووك يكون انفعلك وانفع لها ... ف انهاية .. من بياخذها؟؟ سكت سعود وفكر زين ... هالشي ما حطه ف باله ابد .. مين بياخذها..؟؟ مين بيرضى يتزوجها ..؟؟ سؤال صعب والاجابة وحدة ... محد ......!!!!!! ___________________________________ (( بيت ابوسعود .. غرفة دلع )) ( الساعة 5 ونص ) كانت دلع قاعدة ف غرفتها ... تطالع الشارع من الشباك ... وتتحسر على هالحياة .. وعلى كل معروف سوته للناس .. توها بس عرفت .. انه ممهما سويت للناس ما بيرضوون .. وف أي لحظة بنقلبون ضدك ... دخلت لينا .... لينا : هااااااااي ... افففف والله هالدراااسة تعبتني اليووووم .. احس خاطري انتحر ... لفت دلع وجهها كله دموووع : انا اللي ابغى انتحر والله ...!!!! لينا شهقت : هيــ .... دلع شفيك تصيحين ...؟؟ ها..؟؟ مين مضايقك .. وربي لا اوريه ... سعووود صح ..؟؟ هذا وتوه ماله نص يوم راجع البيت وبدا يسوي مشاكل ..؟؟ انا اوريه ... ما عليك .. وربي لا اعلم بابا ..... دلع تصيح بحضن لينا : لينا خلاااص يا لينا ... انا خلاص تعبت .. وربي تعبت .. ما عدت اقدر اعيش ... والله ما اقدر ... يطفي والله يكفي اللي بيصير فيني ... لينا تمسح على شعرها : خلاص .. خلاص دلع .. انتي اهدي شوي .. اهدي حبيبتي وقوليلي وش فيك ..؟؟ شفيك شصار لك ..؟؟ ليش كل هالزعل..؟؟ دلع رفع راسها وقالت بصعوووبة : لينا .. تخيلي .. بيزوجوني سعووود تخيلي .. انا آخذ سعوود ..؟؟ مستحيل يا لينا .. والله مستحيل .. انا ما ابغى سعووود ما ابغاه ... وربي ما ابغاه .. ما احبه .. والله ما احبه .... لينا منصدمة : ايش..؟؟ سعووود اخوي ما غيره ..؟؟ لا تقولين ...!!!! هذا أيش تاخذين فيه ...؟؟؟ وربي لا شكل ولا اخلاق ولا رجووولة ولا شي ...!!!! دلع : و .. والله ... خالتي وعمي يقولون بيزوجوني اياه غصب .... لينا : طيب ليش...؟؟ .... ليش فجأة هالقرار طلع ..؟؟ ان ا قايلة امي تحوووس بعقل ابوووي هاليومين مو لله ... اكيد قايلة له كم كلمة وفرت فيها مخه .... انا ادري عنها هالعنكبوووت .... دلع : آآآآآآآآآه يا لينا ... لينا موتيني ... الله يخليك اذبحيني .. سمميني .. أي شي .. بس ما آخذ سعود الله يخليك .... لينا : خلاص .. ششش ... اهدي انتي .. بهالهدواة كل شي ينحل ...!!! (( بيت ابو بندر )) ( الساعة 8 بالليل ) نزلت دانة من فوووق بعد ما خلصت مكالمتها مع رائد .. اللي كل يوم صار يكلمه ويسولف معاها ... ابو بندر : اخيرا نزلتي ..؟؟؟ انتي طول يوومك على التليفووون ..؟؟ دانة : هههه السلام ... ابو بندر + ام بندر + ثامر : وعليكم السلام .... ام بندر : كنتي تكلمين رائد ..؟؟ دانة مستحية : ا.. أي.. ابو بندر : اكيد يعني .. شوفينا نازلة شاقة الوجه ... اكيد كلمت زوووجها ... دانة حمر وجهها .. ثامر : ويووو ... والله ونستحي احنا ... خخخخخ دانة خزته بقوة ... ثامر : وشفيك تخزين ها...؟؟ شقلنا ..؟؟ دانة : ماما .. بابا ... ثامر : كااااااااااااااااااااااااااااااااااك ... دانة : انت وش فيك ..؟؟ شقلت انا عشان تصحك ..؟؟ ثامر : الحين وش كبرك تقولين ماما وبابا ..؟؟؟ دانة : افف ... طيب .. يما .. يبا .. ام بندر : ههه شفيك حبيبتي ...؟؟؟ دانة : رائد صارله كم يوم يقول لي يبغى يقدم العرس ... ام بندر : وش فيه مستعجل هذا ..؟؟ قوليله اصبر .. دانة : انا قلت له بس هووو مرة ملزم ... ام بندر : وش رايك يابو بندر ..؟؟ شوف هالولد .. البنت تحتاج وقت .... ابو بندر : انا رائد لو يبغاها هاللحظة حلاله .. زوجته وهو حر .. الحين يقدر يجي وياخذها.. ام بندر : هوو .!..!!!! وتجهيز البنت .. والقستان .. والقاعة والديكووور وبطاقات الدعوة..؟ ابو بندر : انا مالي دخل .. انتوا شوفوا وش يناسبكم .. وانا بس بساعد ... العرس عرس البنت .. خليها تقرر كيف تبغاه يكون ... ام بندر : وانتي شرايك ف الموضوع ...؟ دانة : يما انا ما عندي مشكلة يصير بعد شهر ونص .. او شهرين ... ام بندر مسكت راسها : يا لطيف ...!!!!!! وين شهر ونص ..؟؟ ما يكفي ... ابو بندر : اجل مو بس رائد اللي مستعجل .. الا حتى بنتك مستعجلة بعد خخخخخ (( مكتب حمد للمحاماة )) ( الساعة 9 بالليل ) دخل بندر معصب على حمد .... حمد : بسم الله ... شفيك ....؟؟ بندر : طلعوووه .... حمد : مين هو ..؟؟ بندر : سعود بن عبدالله الـ( ..... ) حمد ضحك : هههه اجل اخيرا استخدم ابوووه الواسطة .. غيربة خلاه اسبوووع ف التوقيف ... بندر : شلوووووون ..؟؟ حمد : شلون شلون يعني ..؟؟ بندر : سعووود له يد ف السالفة .. وهو اللي مستاجر الشقة .. انا متاكد مية بالمية .. شلون يطلع من القضية بهالسهووولة ..؟!؟؟! حمد : عادي... امثال ابووه اللي وراهم ناس وواسطات .. اكيد بيسووون كثير اشياء زي كذا .... بندر : والحين...؟؟ حمد : الحين الباقيين بيتحاكموا .. وهو بيطلع ويكمل حياته عادي .. بندر : أي صح .. اتصل فيني المركز اليوم ... يقولون في وحدة تعرف شكل واحد من اللي كانوا يجون الشقة مع سعود ... بس مو من الموجودين ف التوقيف ... حمد : يعني هم الحين يدورون عليه ..؟؟ بندر : أي... وانشالله قريب يمسكوووه .... حمد : طيب انت اللي وكلتك .. شصااار لها بالضبط ...؟؟ بندر : اسمها وفاء .. تقول انه وحدة من اللي معاهم بالجامعة وصادوها الشرطة ف الشقة .. عزمتها هي وكم وحدة من صديقاتها .. ويوم راحوا .. حصلوا شباب ف الشقة .. ماقدروا يطلعون .. اغتصبووهم وصورووهم .. وهدووهم ان ماا جووو لما يتصلون فيهم .. راح يفضحووهم وينشرون صورهم ... حمد : لا حول ولا قوة الا بالله ... بندر حبيبي ... شد حيلك .. واستعمل كل دليل صغير وكبير ضدهم ف المحكمة .. طيب..؟؟ انا اثق فيك ... بندر : تسلم.. بكون عند حسن ظنك انشالله .... (( بيت ابو سعود .. يوم الاربعاء )) ( الساعة 6 ونص الصباح ) كانت لينا قاعدة تفطر الصباح على الطاولة ... مع سالم ... جات ام سعوود : خلصتوا ...؟؟ يللا بسرعة وراكم دوامات ... لينا زعلانة : قلت لك ما ابغى اروووح ... ام سعود : انتي وش فيك اليوم ...؟؟ ليش ما تبغي تروحين ...؟؟ لينا : اففف ... ما ابغى اقووولك .. ولا تسوين نفسك طيبة زياادة ... ترى ما يليق عليك هالدووور ... ام سعود : انتي شتقولين ..؟؟ اقول تراني امك .. تادبي انتي وتكلميني .. فاهمة ..؟ ماني اصغر عيالك .... لينا عصبت : أي صح صح ... آسفين .. حقك علينا .. ابوووس رجلك ويدك بعد..!؟!؟ لاتقعدين تمثلين علينا هالادوووار السخيفة .. ترانا عارفين انه انتي ولا عمرك صرتي كذا الا اذا يغيتي توصلين لشي .... ام سعود رافعة حاجب : شقصدك ...؟؟ لينا : بتقنعيني انه هالتمثيلية اللي مسويتها مو عشان تقنعين ابوي يوافق على زواج سعود ودلع......؟؟؟!!؟!!!!؟ والله لو تحلفين لي من اليوم لبكرة ماني مصدقتك ... !!!! ام سعود : لينا ... هذا مو شغلك ...؟ وخلصي اكلك بسرعة لانك تخرتي .. لينا : تكفيييييييين ... ارحميني .. وش اللي شغل ف هالبيت ..؟؟ كل واحد عايش فهالبيت له حق يقول رايه ف كل شي ... طيب..؟؟ ما تجين انتي وتقررين وتقولين انه مو من حقي ..... فاهمة ...؟؟ ام سعود : والله العظيم كلمة ثانية اني لا انزل فيك ضرب ... تفهمين ولا لأ..؟؟ سالم قام وكانه الوضع مو عاجبه : اقوول لينا .. قومي قومي ... هذي ما ناخذ منها لاحق ولا باطل .. قومي بنتاخر... قامت لينا وهي تطالع امها بكل استحقار ... ومشيت مع اخوها لدواماتهم .. ما ام سعود فوقفت منصدمة من معاملة عيالها لها ... ولا عمرهم سمعووها هالكلام ولا عالوها بهالاسلوووب ..؟؟ ام سعود " اكيد دلع فرت مخهم .. طيب يا دلع ... انا اوريك ... والله وربي اللي بعالي سماه... انك بتاخذين سعود بتاخذينه ... وما اكون باسمة ان ما اخذتيه ... !! " مضت الايام .. والالم .. والعذاب النفسي .. والخوف من الجاي عايش في نفس دلع .. ومن كثر تفكيرها وصياحها .. حالتها صارت ما تسر العدو .. العيووون منتفخة .. والسواد تحتها ... هذا غير وجهها الاصفر مرة من قلة الاكل ... وجسمها اللي ما فيه ولا طاقة لاي شي ... كانت حابسة عمرها ف غرفتها ... لا تاكل ولا تشرب الا بطلوع الرووح .. او اذا شافت دمووع لينا اللي كانت مرة متأملة لها ... وحاقدة على امها مرة .. خصوصا دلع بمثابة اختها الكبيرة من يوم انولدت .. وطول عمرها تعزها وتغليها .. وكان هالشي مرة مضايق لينا .. ومخليها تكره امها مرة .. وحقدت على ابووها يوم درت انه هو بعد موافق على هالزواج .... سعود ماكان في حالة احسن ... ابوووه شافه قبل يومين وعطاه تهزيئة قوية .. وسحب منه السيارة .. وعطاه سيارة السواق بدالها .... وهو من يومها مو عارف وش يسوي ... ومازادت الازمة .. الا يوم الشرطة اخذوا خالد وحطوه تحت التحقيق ... وسعود كان مرة خايف عليه .... ومو عارف وش يسوي خصوصا بعد ما فقد واسطة ابوووه اللي كان يمشي اموووره فيها ... ابو نسايم عرف يتصرف ف الايام الماضية .. واتصل بالشيخ ... وبلغه عن كل شي يسويه ابو فيصل ... ولما استدعاه الشيخ هو ونسايم .. قررت نسايم تخليه يكتب تعهد .. انه يعاملها احسن معاملة ... ويخليها تزور اهلها كل اجازة .... بس كل هذا .. ماكان له دخل في اخلاق ابو فيصل اللي ما راح تتعدل لو ايش يصير .... (( بعد اسبوعين .. بيت ابو سعود )) ( الساعة 1 الظهر ) كانت ام سعود تكلم صديقاته المسؤولين عن العرس ... ام سعود : طيب وش اتفقتوا عليه بالاخير...؟؟ عتيقة : انا اشوووف انه نجيب الفساتين اليوم المغرب عند البيت .. وتقيسهم دلع .. ونشوف وش الانسب لها .... ام سعود : لا لا لا ما يحتاج .. خلاص انتوا اخذتوا قياساتها .. شوفوا وش يناسبها .. بدون ما تجرب... عتيقة : يا ام سعود .. يمكن البنت ما يعجبها راينا ... ام سعود : افااا عليك يا عتيقة ... البنت واثقة فيكم وهي اللي خلتني اكلمكم ... عتيقة : الله يخليها لك يااارب ويفرحها بحيااتها ... ام سعود من غير نفس : آمين ... (( بيت ابو رائد )) ( الساعة 7 بالليل ) كان ابو رائد قاعد مع احمد ف المكتب ويراجعون حسابات الشرطة كالعادة ... ابو رائد فصخ نظارته : اففففف .. تعبت كم باقي ...؟؟؟ احمد : ا... باقي حوالي 25 صفحة ... ابو رائد : افففف... لا لا يا احمد .. خلاص .. خليها لبكرة ... تعبت احمد : انشالله طال عمرك ... سكر احمد الملفات وقام يرتبها من جديد ويحطها ف المكتبة الكبيرة الموجودة ف المكتب الفخم .... ابو رائد : اليوم جبت ريم من الجامعة ...؟؟ احمد : لا اليوم ما عندها دوام ... ابو رائد : متى عندها دوام هذي ..؟؟ اخاف تكذب علينا وتغيب ... احمد : ههه لا لا .. بكرة عليها .. وبعد بكرة .. ويوم الاربعاء ما عندها .. يعني كل أحد واثنين ثلاثاء .... ابو رائد : ممممم .... احمد : بس عمي انا ابغى اكملمك بشي.. صح مو من شغلي .. بس وجهة نظر لازم انبهك لها .. لانه شكلك غافل عنها ... ابو رائد باستغراب : وشو..؟؟؟ احمد : ياعمي ريم كبرت ... وصارت حرمة ما شالله عليها الله يحفظها.. وماشالله عليها اسمحلي على هالكلمة .. بس يعني صارت حلوة وناعمة وكل شي .. يعني ما يصير تظل تطلع كاشفة وجهها كذا قداما لناس ... واللي رايح واللي جاي يطالع فيها .. ابو رائد يفكر : ليش احد ضايقها ..؟؟ احمد : لا يا عمي .. بس انا اروح اجيبها من الجامعة واشوووف تجمعات الشباب قدام الجامعة ينتظرون البنات اللي يطلعون ... وصراحة وسامحني .. بس الوضع ابد ما عجبني .. انا بنت اخوي اللي ف الجامعة لو تطلع كاشفة وجهها والله ما اخليها تعتب الباب .... !!! ابو رائد باعجاب : ماشالله عليك يا احمد ... رجال والله كلام وافعال ... ما اخطيت يوم اني تعرفت عليك والله ... احمد : تسلم يا عمي .. ادري ما يصير اتدخل وانه هالموضوع مو من شغلي ... بس والله ريم معزتها معزة اخت واكثر .... ابو رائد " واكثر..؟!؟!؟ " : طيب يا احمد .. شوف .. البنت قدامك .. بكرة لما توديها .. قول لها تغطي .. وشوف وش بتكون ردة فعلها .. انا بصراحة ما ابغى اغصب بنتي على شي ما تبغاه ... بس بعد انت نبهتني لنقطة مهمة .. وانشالله بحطها ف حساباتي واذا ماسمعت كلامك .. انا بتفاهم معاها واكلمها .... احمد : خلاص انشالله طال عمرك .. انا بكلمها بكرة ... واحاول اقنعها ... ابو رائد : تصدق ماهي سامعة كلامك .. احمد : خلاص يابو رائد .. ان ما سمعت كلامي .. بوديك بكرة غدا على حسابي ... وان سمعت .. الغدا عاد على حسابك خخخخخخخ ابو رائد : هههه يا حليلك يا احمد .. خلاص ابشر .. بكرة نشوووف ... | |||||||||
|
التعديل الأخير تم بواسطة قمرهم كلهم ; 07-17-2010 الساعة 07:41 AM |
|
| مواقع النشر (المفضلة) |
| الذين يشاهدون محتوى الموضوع الآن : 26 ( الأعضاء 0 والزوار 26) | |
|
|
| |
العرض العادي
