منتديات بنوته - من لا يحتويه الإحــــــساس..

اصبحت قصة حياتي والهوى مثل السراب

والحبيب اللي هويته صار من ضمن السرابي

لا عتابي صار ينفع وان نفع هذا العتاب

صار جرحي من جنابك منكر حتى عتابي

لا على حبك دموع دام حبك لي كذاب

ولا سقى الله كل حب ينتشر فيه الكذابي

جيتك ابي اصدق المحبه واضحه مثل الكتاب

وما قريت في حياتي غير صفحات الكتابي

كلها صدق ومحبه راقيه مثل السحاب

لكن انت ما عرفت كيف ترقى للسحابي

ياخساره ليت حبك ما جرى فيني وذاب

وليت حبك في عروقي ما عرف دمي وذابي

خاب ظني في حبيبي والحقيقه حيل خاب

وخيب الله كل حب ماعرف قدري وخابي

ياهلا ياجرح فيني انتصر فيه الغياب

لو جروحك في غيابي ابشر بأكبر غيابي

صاب كذبك في فؤادي ليه؟. مدري! كيف صاب

بعثر احلامي بقربك بعد ما سبب مصابي

اه يازهره عذابك غير عن كل العذاب

وما تسبب غيرك انت ياعذابي في عذابي

لو يتوب الجرح فيني اسئلني كيف تاب

ليت جرحك في حياتي يعرف الله ثم تابي

يبدو انك ما عرفت في هوايه الا الثياب

وليت موتي في ثيابي يعرف ابقيمة ثيابي

المشاعر لو تجيك ادفنها في التراب

ادفن كل المحبه لو سمحت في الترابي

بعض الاحباب يرحل ما تحسب له حساب

اما انا جرب غيابي لجل تحسب لي حسابي