|
الفرق بين كمبيوتر البنت وكمبيوتر الولد بسم الله الرحمن الرحيم اولا جهاز البنت من النظرة الاولى من بعيد للشكل العام للجهاز تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة تقلب فى الملفات تلاقى اسماء الملفات عندها جميلة زى صور اطفال صور فساتين صور موضة افلام رومانسية اغانى عاطفية تفتح الهيستورى بتاع الجهاز تلاقيها كانت مشغلة حجات زى فيلم تيتانيك مواقع نكت مواقع موضة اغنية تملى معاك اغنية بهواك مواقف كوميدية تفتح الميل بتاعها تلاقيها nick name رقيق زى بنوتة شقية دلع حبوبة حب عمرى لو دققت شويه فى تاريخ تسطيب الويندوز ممكن تلاقى الويندوز شغال معاها من حوالى 7 او 8 شهور متغيرش تيجى تشم ريحه الجهاز تلاقى رحتة برفان جميل ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس shut down وتسمع نغمة رقيقة والجهاز بيقفل -=-=-=-=-=-=-=-=-=-=-=-=-=-=-=-=-=-=-=-=-=-=-=-=-=- نخش على اجهزة التماسيح من النظرة الاولى للجهاز ووضعه من بعيد تحس انك داخل على حاجة شبة التوك توك اللى عامل حادثة ومطلعينه من ترعة تلاقى الكيس مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز وتلاقى الهارد متعلق زى الدبيحه من السلك بتاعه ومتعرفش لية وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحده الشاشة ممكن متلاقيش قعدتها اصلا وممكن متلاقيش غطاء الشاشة الخلفى برضو كنوع من انواع التهوية ولسعات سجاير وطفاية فى كل حته من الجهاز وتلاقى الكى بورد سلكها ملحوم فى بعضه وزرار الانتر وبعض الازرار المهمة غالبا مش هتلاقيها وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات المكروباص يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة تعدى كل ده ويبتدى الويندوز يفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينـزلوا نسخ للشرق الاوسط تانى تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية اللى جاية من عالم غريب تدخل تقلب فى الملفات تلاقى اسماء الملفات غريبة وعجيبة حشحش دحدح بتنجانة صور معيز صور حوادث مصارعة و 70% من الملفات هتلاقيها تحت سلسلة اسماء New Folde11 New Folde12 New Folde13 New Folde14 الى ما لا نهاية تفتح الهيستورى بتاعه تلاقى اخر حجات شغلها زى اغنية البلح البلح صور مصارعين كليب بوس الواوا اسماء مواقع تخاف اصلا تخشها نكت حشاشين تفتح الميل بتاعه تلاقيه حاطط nick name يرعب البنات الشيطان 10 البجح سفاح المعيز المحشش كمبورة عاشق الموت لو دققت فى تاريخ تسطيب الويندوز ممكن تلاقيه مسطبها قبل متيجى بساعتين طبعا ريحه الجهاز هتلاقيها شبة متور العربية المحروق ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم كأنه بيعزب كافر هههههههههههههههههههههههه |
رد: الفرق بين كمبيوتر البنت وكمبيوتر الولد يسلمو على الموضوع عن الاحظ بعض الاشياء في اخوي الاسامي مججنونه الي عنده!! مثل جني الموت رعب+حب غرائب العالم جماجم انسان |
| الساعة الآن 12:39 PM. |
Powered by vBulletin Version 3.8.8
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009